Webrwanda Backend

Blog

  • U Rwanda rwasezeranyije Centrafrique kuyifasha mu rugamba rw’iterambere – #rwanda #RwOT

    U Rwanda n’ubundi rusanganywe ubufatanye na Centrafrique mu byo kurinda umutekano, kuko rufiteyo ingabo zafashije cyane mu bikorwa byo gucunga umutekano mu bihe by’amatora Centrafrique yari imazemo iminsi, ndetse ingabo z’u Rwanda zikaba ari zo zirinda umutekano w’Umukuru w’icyo gihugu.

    Mu ruzinduko rw’akazi Minisitiri Biruta yagiriye muri Centrafrique ku wa 8 Mutarama 2021, aho yanagiranye ibiganiro byihariye na Perezida Faustin-Archange Touadéra uherutse kongera gutorerwa kuyobora Centrafrique, yavuze ko nyuma yo gufasha igihugu kugira amatora anyuze mu mucyo, kuri ubu u Rwanda rurajwe ishinga no gufasha icyo gihugu kwiyubaka mu bikorwa by’iterambere.

    Yagize ati “Ubundi rero, birakwiye ko igihugu kiziyubakamo ubushobozi bwacyo, tukagifasha mu nzego zitandukanye harimo n’urwego rw’umutekano. Ingabo z’iki gihugu zikajyaho, zikigishwa, zigahabwa ibyangombwa byose, noneho n’abaje babafashije bakagenda babona uburyo bahava, kugira ngo ingabo z’iki gihugu n’inzego zindi z’umutekano bafatanyije [ubwo] zizaba ziyubaka, bazabashe kurinda igihugu cyabo.”

    Minisitiri Biruta yongeyeho ko atari u Rwanda gusa rwiteguye kugira uruhare mu gufasha Centrafrique kwiyubakamo ubushobozi bwo kwicungira umutekano no guhangana n’inyeshyamba, ahubwo ko n’Umuryango w’Ubukungu bw’Ibihugu byo muri Afurika yo Hagati bishyigikiye iki gitekerezo.

    Ati “Ndagira ngo nibutse ko n’Umuryango duhuriyemo, Umuryango w’Ubukungu bw’Ibihugu byo muri Afurika yo Hagati, mu nama yo ku wa 26 Ukuboza umwaka ushize, bemeje ko icya mbere ibihugu bigize uyu muryango bikwiye kugira icyo bikora kugira ngo bifashe iki gihugu guhangana na ziriya nyeshyamba.”

    U Rwanda na Centrafrique bisanganywe umubano mwiza mu nzego zitandukanye.

    U Rwanda ruri ku mwanya wa gatatu mu bihugu bifite ingabo nyinshi mu bikorwa by’Umuryango w’Abibumbye bigamije kubungabunga amahoro muri Repubulika ya Centrafrique (MINUSCA), aho abasirikare n’abapolisi barwo barenga 1389.

    Mu matora y’Umukuru w’Igihugu yabaye ku wa 27 Ukuboza 2020, u Rwanda rwoherejeyo izindi ngabo 300 zo gufasha gucunga umutekano mu bihe by’amatora nyuma y’uko hari imitwe y’inyeshyamba yashakaga guhungabanya ayo matora.

    Amatora yagenze neza ndetse Perezida Touadera yashimiye umusanzu w’ingabo z’u Rwanda mu kugira ngo amatora agende neza.

    U Rwanda rwatangiye kohereza abapolisi mu bikorwa by’Umuryango w’Abibumbye bigamije kugarura amahoro n’umutekano muri Centrafrique muri Nzeri 2014. Nyuma y’umwaka umwe, hatangiye koherezwayo abapolisi bashinzwe kurinda ubusugire bw’abayobozi bakuru b’igihugu n’ab’Umuryango w’Abibumbye n’ibyabo.

    Centrafrique ni igihugu gikungahaye ku mabuye y’agaciro arimo zahabu, diamant, uranium na peteroli ndetse n’ibiti by’imbaho zifite agaciro gahambaye.

    Minisitiri Biruta yageze muri Centrafrique mu ruzinduko rw’akazi, avuga ko u Rwanda ruzafasha iki gihugu mu rugamba rw’iterambere

    Mu bakiriye Biruta harimo n’abayobozi b’ingabo z’u Rwanda ziri gucunga umutekano muri Centrafrique

    source http://igihe.com/amakuru/u-rwanda/article/u-rwanda-rwasezeranyije-centrafrique-kuyifasha-mu-rugamba-rw-iterambere

  • Gasabo: Abajura babiri barashwe na polisi barapfa #rwanda #RwOT

     
    Polisi y'u Rwanda yishe irashe abantu babiri bagerageje kuyirwanya nyuma yo gufatirwa mu cyuho batwaye televiziyo [flat screen] nini yo mu bwoko bwa SONY bikekwa ko bari bibye.

    Amakuru dukesha IGIHE avuga ko mu rukerera ryo kuri uyu wa Gatandatu, tariki ya 9 Mutarama 2021, ahagana saa Munani n'iminota 40 aribwo abapolisi bari ku irondo mu Mudugudu wa Dusenyi, Akagari ka Kagugu, Umurenge wa Kinyinya ho mu Karere ka Gasabo bahuye n'abantu babiri batwaye televiziyo yo mu bwoko bwa SONY ifite pouces [inches] 32.
    Amakuru akomeza avuga ko abo bajura bari bitwaje ibyuma n'umupanga bahagaritswe, bahita batangira kurwanya abapolisi bashakaga kubata muri yombi, mu kurwanya inzego z'umutekano ni bwo baje kuraswa barapfa.

    Abo bajura bishwe barimo Nsengiyumva Alexis w'imyaka 31 ufite ibyangombwa bigaragara ko byafatiwe mu Karere ka Bugesera, mu gihe mugenzi we umwirondoro we utamenyekanye.
    Inzego zibishinzwe zahise zigera aho aba bajura barasiwe zitangira iperereza ryimbitse.

    Source : https://impanuro.rw/2021/01/09/gasabo-abajura-babiri-barashwe-na-polisi-barapfa/

  • #rwanda #RwOT

    Source : https://yegob.rw/umunyamakuru-sandrine-isheja-butera-yerekanye-urukundo-rwinshi-afitiye-umuryango-we-awuririmbira-indirimbo-ya-cecile-kayirebwa/

  • Amajyepfo: Hakomeje kuba indiri z'inzoga z'inkorano, police yongeye kuhasanga izindi. #rwanda #RwOT

    Polisi y'u Rwanda ikorera mu Ntara y'Amajyepfo mu turere twa Gisagara, Nyanza, Huye na Nyaruguru yakomeje ibikorwa byo kurwanya abakora bakanacuruza inzoga zitemewe zizwi ku izina rya Muriture maze ifata litiro zigera ku bihumbi 2,710  zifatanwa abantu bagera kuri 13.

    Ni ibikorwa byakozwe na Polisi ikorera muri utwo turere ifatanije n'abayobozi b'inzego z'ibanze kuva tariki ya 05 kugeza tariki ya 07 Mutarama 2021.

    Umuvugizi wa Polisi mu Ntara y'Amajyepfo, Superintendent of Police (SP) Theobald Kanamugire yavuze ko igikorwa cyo kurwanya izi nzoga kigikomeza kuko mu cyumweru gishize n'ubundi mu turere 3 tw'iyi Ntara hari hafatiwe inzoga zitemewe zirenga litiro 2,300. Yagize ati

    'Mu cyumweru gishize izi nzoga zizwi ku izina rya Muriture zari zafatiwe mu turere twa Nyanza, Gisagara na Huye; kuri iyi nshuro n'ubundi zongeye gufatirwa muri utwo turere hiyongereyeho Akarere ka Nyaruguru ari naho hafatiwe nyinshi zigera kuri litiro 1, 030 zafatiwe mu Murenge wa Nyagisozi mu Kagari ka Nkakwa mu Midugudu ya Rarire na Bihembe zifatanwa abagera kuri bane.'

    SP Kanamugire avuga ko mu Karere ka Gisagara inzoga za muriture  zigera kuri litiro 600 zafatiwe mu ngo 3 zo mu Mirenge ya Muganza na Gishubi, mu Karere ka Huye hafatiwe litiro 360 za muriture mu ngo 4 zo mu Mirenge ya Huye na Rusatira naho mu Karere ka Nyanza hafatiwe litiro 720 zifatanwa abantu 2 bo mu Murenge wa Mukindo. Yagize ati:

    'Utu turere dukunze kugaragaramo abantu bakora bakanacuruza ndetse bakananywa izi nzoga zitemewe za Muriture, kuko nta gihe gishira zitahafatiwe. Niyo mpamvu ibikorwa byo gufata abazikora n'abazicuruza bizakomeza mu rwego rwo gukomeza gukangurira abaturage ububi n'ingaruka bwazo.'

    Umuvugizi wa Polisi mu Ntara y'Amajyepfo yibukije abaturage ko inzoga zitemewe za muriture usibye kuba zigira ingaruka k'ubuzima bw'abazinywa zinagira n'izindi ngaruka zitandukanye zirimo n'ubukene. Ikindi kandi turi mu bihe byo kurwanya icyorezo cya COVID-19 ntibyymvikana ukuntu bazicuruza. Ati :

    'Murabizi ko ibihe turimo isi yose n'u Rwanda rurimo bihangayikishijwe n'icyorezo cya COVID-19, abanywa izi nzoga usanga begeranye banasangirira ku muheha umwe ibintu bishobora kuba intandaro yo kwandura no gukwirakwiza iki cyorezo. Turgira inama abantu kwirinda kunywa izi nzoga kuko zishobora kubagiraho ingaruka z'uburwayi butandukanye k'ubuzima bwabo, tukanibutsa abazikora n'abazicuruza kubireka cyane ko bibagusha mu gihombo n'ubukene mu gihe bazifatanwe bagacibwa amande, sibyo gusa kandi binadindiza iterambere ry'umuntu ku giti cye n'iry'igihugu muri rusange.'

    SP Kanamugire yashimiye abaturage badahwema gutanga amakuru y'abakora bakanacuruza inzoga za Muriture, inzego z'ibanze ndetse n'izishinzwe umutekano bafatanya mu kurwanya izo nzoga zitemewe, aboneraho gusaba abaturage gukomeza gukurikiza ingamba n'amabwirizwa byashyizweho byo kurwanya COVID-19. Abafashwe bose bajyanwe ku Mirenge yabo bacibwa amande.
    Src: RNP

    Source : https://impanuro.rw/2021/01/09/amajyepfo-hakomeje-kuba-indiri-zinzoga-zinkorano-police-yongeye-kuhasanga-izindi/

  • Amakosa 4 ugomba kwirinda igihe ugiye gusura… – #rwanda #RwOT

    Amakosa 4 ukwiriye kwirinda mu gihe ugiye gusura bwa mbere ababyeyi b'umukunzi wawe:

    1. Guhugira kuri telefone

    Guhugira kuri telefone yawe woherereza abantu ubutumwa ndetse usoma n'ubwo bakoherereje kandi wagiye gusura abantu ni ikosa rikomeye. Kubikora rero mu gihe wagiye gusura ababyeyi b'umukunzi wawe bizakugaragaza nk'utararezwe cyangwa se bagire ngo wasuzuguye umuryango wabo ku buryo udashishikajwe no kuganira nabo.

    2. Kubeshya kugira ngo ugaragare neza

    Kwigaragaza uko utari ngo ukunde ugaragare neza imbere y'ababyeyi b'umukunzi wawe bishobora ahubwo kukuviramo igisebo. Bishobora kuzagaragara ko ibyo wavugaga byari ibinyoma, bikagutesha agaciro cyangwa se bikaba byanamenyekana ukiri muri urwo rugo.

    Ni byiza ko ureka ababyeyi be bakakwemera uko uri atari uko washatse ko bakubona. Niba umukunzi wawe yaraguhisemo uko uri, reka n'ababyeyi be ariko babigenza utiriwe ugombye kwirarira.

    3. Kuganira ku biganiro bikurura impaka

    Si byiza ko mu gihe wasuye bwa mbere ababyeyi b'umukunzi wawe uzana ibiganiro bikurura impaka cyangwa ngo uzijyemo mu gihe hari umwe muri bo uteruye icyo kiganiro. Mwene ibyo biganiro ni ibivuga ku madini, Politiki n'ibindi bikunze guteza impaka hagati y'abantu.

    4. Kwivuga gusa

    N’ubwo ababyeyi b'umukunzi wawe bakeneye kukumenya no kumenya byinshi bikwerekeyeho, ntibakeneye kumara umwanya wose bumva inkuru zawe n'ibikwerekeyeho ahubwo ni byiza ko ukwiriye kwitsa nawe ukagira ibyo ubabaza biberekeyeho ni nabwo bazabona ko nawe ufite amatsiko yo kugira ngo mumenyane.

    Src:www.wikihow.com

    Source : https://inyarwanda.com/inkuru/102201/amakosa-4-ugomba-kwirinda-igihe-ugiye-gusura-bwa-mbere-ababyeyi-bumukunzi-wawe-102201.html

  • Uganda: Umuriro ukomeje kwatswa n'abatavuga rumwe na Leta mugihe habura iminsi itanu amatora y'umukuru w'igihugu abe. #rwanda #RwOT

    Abatavuga rumwe na Leta People Power bakomeje gushyira igitutu kubuyobozi bwa Uganda mugihe habura iminsi itanu gusa amatora abe.

    Tariki ya 14 Mutarama, mu igihugu cy'abaturanyi Uganda hakomeje kuvugwamo amatora y'umukuru w'igihugu,akomeje kuvugisha benshi batavuga rumwe na Leta/ ishyaka riri kubutegetsi NRM.

    NRM iyobowe na President Yoweri Kaguta Museveni kuva 1986 ryongeye kwiyamamaza nyuma yo guhindura itegeke nshinga mu mwaka wa 2017 ryemezako imyaka yo kwiyamamariza kuyobora iki gihugu ikuweho (age limit) bigaha irishyaka kongera kwiyamamariza kuyobora iki gihugu.

    Nyuma yuko abiyamamariza kuyobora iki gihugu baherewe uburenganzira ndetse namabwiriza yo kwirinda covid-19 mubikorwa byakwiyamamaza abamaze kuhasiga ubuzima bakaba bageze kuri 37 abandi barakomereka,  abatavuga rumwe na leta  bakomeje gushinja NRM kutubahiriza uburenganzira bwamuntu, basabako bashyikirizwa urukiko rwa ICC.

    Kugeza kurubu amatora akomeje kwiganzamo urubyiruko rukomeje kugaragaza inyota yo guhindura ubutegetsi bigaragambya mumihanda ndetse banatwika amapine mumihanda byagiye bigaragaza isurambi ku igihugu bigatuma police y'igihugu ikoresha imbaraga zumurengera muguhosha imyigaragambyo bamwe bakaburiramo ubuzima bwabo, subwambere ibi bibaye kuko mu mwaka wa 2011 ubwo Kyiza Besige yagerageza kwiyamamariza kuyobora iki gihugu agatsindwa amatora inshuro eshatu benshi bahasize ubuzi abandi basigwa aribimuga.

    Amagambo ya Pastor Bujyingo

    Bobi Wine akomeje kuvugisha benshi kugeza kurubu nyuma y'iminsi itanu gusa ibura ngo amatora abe agatwara umuryango we hanze y'igihugu yakomeje gushinjwa kwikunda, ndetse no gushora abandi mubikorwa bibi agahungisha umuryangowe, ibi bigatuma abatavuga rumwe na People Power, bakomeza kwerekana ko arukwikunda nkuko byagiye bigaragazwa na Bebe cool ushyigikiye ishyaka rya NRM ndetse naba pastor bamwe nabamwe bamadini.

    Kugeza kurubu umugabane w'Africa uzarangwamo amatora yagiye akomwa munkokora n'icyorezo cya Covid-19,zambia hateganyijwe amatora, muri Ghana, Ethiopia ndetse no mubindi bihugu bitandukanye akomeje kuba urusobe kurwego rwohejuru.

    The post Uganda: Umuriro ukomeje kwatswa n'abatavuga rumwe na Leta mugihe habura iminsi itanu amatora y'umukuru w'igihugu abe. appeared first on Kigalinews24.

    Source : https://kigalinews24.com/2021/01/09/uganda-umuriro-ukomeje-kwatswa-nabatavuga-rumwe-na-leta-mugihe-habura-iminsi-itanu-amatora-yumukuru-wigihugu-abe/

  • Amajyepfo: Hakomeje kuba indiri z' inzoga z'inkorano polisi yongeye kuhafatira litiro zirenga 2,700 #rwanda #RwOT

    Polisi y'u Rwanda ikorera mu Ntara y'Amajyepfo mu turere twa Gisagara, Nyanza, Huye na Nyaruguru yakomeje ibikorwa byo kurwanya abakora bakanacuruza inzoga zitemewe zizwi ku izina rya Muriture maze ifata litiro zigera ku bihumbi 2,710  zifatanwa abantu bagera kuri 13.

    Ni ibikorwa byakozwe na Polisi ikorera muri utwo turere ifatanije n'abayobozi b'inzego z'ibanze kuva tariki ya 05 kugeza tariki ya 07 Mutarama 2021.

    Umuvugizi wa Polisi mu Ntara y'Amajyepfo, Superintendent of Police (SP) Theobald Kanamugire yavuze ko igikorwa cyo kurwanya izi nzoga kigikomeza kuko mu cyumweru gishize n'ubundi mu turere 3 tw'iyi Ntara hari hafatiwe inzoga zitemewe zirenga litiro 2,300. Yagize ati

    'Mu cyumweru gishize izi nzoga zizwi ku izina rya Muriture zari zafatiwe mu turere twa Nyanza, Gisagara na Huye; kuri iyi nshuro n'ubundi zongeye gufatirwa muri utwo turere hiyongereyeho Akarere ka Nyaruguru ari naho hafatiwe nyinshi zigera kuri litiro 1, 030 zafatiwe mu Murenge wa Nyagisozi mu Kagari ka Nkakwa mu Midugudu ya Rarire na Bihembe zifatanwa abagera kuri bane.'

    SP Kanamugire avuga ko mu Karere ka Gisagara inzoga za muriture  zigera kuri litiro 600 zafatiwe mu ngo 3 zo mu Mirenge ya Muganza na Gishubi, mu Karere ka Huye hafatiwe litiro 360 za muriture mu ngo 4 zo mu Mirenge ya Huye na Rusatira naho mu Karere ka Nyanza hafatiwe litiro 720 zifatanwa abantu 2 bo mu Murenge wa Mukindo. Yagize ati:

    'Utu turere dukunze kugaragaramo abantu bakora bakanacuruza ndetse bakananywa izi nzoga zitemewe za Muriture, kuko nta gihe gishira zitahafatiwe. Niyo mpamvu ibikorwa byo gufata abazikora n'abazicuruza bizakomeza mu rwego rwo gukomeza gukangurira abaturage ububi n'ingaruka bwazo.'

    Umuvugizi wa Polisi mu Ntara y'Amajyepfo yibukije abaturage ko inzoga zitemewe za muriture usibye kuba zigira ingaruka k'ubuzima bw'abazinywa zinagira n'izindi ngaruka zitandukanye zirimo n'ubukene. Ikindi kandi turi mu bihe byo kurwanya icyorezo cya COVID-19 ntibyymvikana ukuntu bazicuruza. Ati :

    'Murabizi ko ibihe turimo isi yose n'u Rwanda rurimo bihangayikishijwe n'icyorezo cya COVID-19, abanywa izi nzoga usanga begeranye banasangirira ku muheha umwe ibintu bishobora kuba intandaro yo kwandura no gukwirakwiza iki cyorezo. Turgira inama abantu kwirinda kunywa izi nzoga kuko zishobora kubagiraho ingaruka z'uburwayi butandukanye k'ubuzima bwabo, tukanibutsa abazikora n'abazicuruza kubireka cyane ko bibagusha mu gihombo n'ubukene mu gihe bazifatanwe bagacibwa amande, sibyo gusa kandi binadindiza iterambere ry'umuntu ku giti cye n'iry'igihugu muri rusange.'

    SP Kanamugire yashimiye abaturage badahwema gutanga amakuru y'abakora bakanacuruza inzoga za Muriture, inzego z'ibanze ndetse n'izishinzwe umutekano bafatanya mu kurwanya izo nzoga zitemewe, aboneraho gusaba abaturage gukomeza gukurikiza ingamba n'amabwirizwa byashyizweho byo kurwanya COVID-19. Abafashwe bose bajyanwe ku Mirenge yabo bacibwa amande.
    Src: RNP

    Source : https://impanuro.rw/2021/01/09/amajyepfo-hakomeje-kuba-indiri-z-inzoga-zinkorano-polisi-yongeye-kuhafatira-litiro-zirenga-2700/

  • MINEDUC: Nta mwana urwarira ku ishuri ngo ajye mu muryango we adapimwe COVID-19 #Rwanda #RwOT via @kigalitoday #rwanda #RwOT

    Abitangaje mu gihe hari umunyeshuri mu Karere ka Gatsibo wahawe uruhushya rwo kujya kurwarira iwabo nyamara yapimwa agasanganwa COVID-19.

    Ku wa kane w’iki cyumweru tariki ya 07 Mutarama 2021 nibwo mu kigo kimwe cyo mu Karere ka Gatsibo hapimwe abanyeshuri basanga harimo abafite COVID-19.

    Nyamara umwe mu bo bararanaga mu cyumba kimwe we yari yahawe uruhushya rujya kurwarira iwabo kugira ngo arusheho kwitabwaho.

    Umunyamabanga Nshingwabikorwa w’Umurenge iki kigo cyagaragayemo abanyeshuri banduye COVID-19 giherereyemo yahise amenyesha mugenzi we w’aho umuryango w’umunyeshuri wari watashye utuye ajyanwa kwa muganga na we apimwe bamusangamo COVID-19 nyamara yari amaze iminsi 2 iwabo mu rugo.

    Kugeza ubu uyu muryango uri mu kato n’ubwo ibisubizo bya mbere byagaragaje ko nta bwandu bafite.

    Uyu munyamabanga Nshingwabikorwa w’Umurenge tutashatse gutangaza amazina ye ndetse n’ay’uwo murenge kimwe n’ishuri, avuga ko nta kosa ryakozwe ubwo uwo mwana yahabwaga uruhushya kuko yari afite indi ndwara arwaye kandi ko basanze yayikira neza ari kumwe n’umuryango ariko na none ntihabayemo ubushishozi ngo abanze gupimwa COVID-19.

    Ati “Oya ntabwo twavuga ko ari amakosa ntabwo bari bazi ko ari iyo ndwara gusa byamenyekanye ko yagiye kubera ibibazo byamurangaga bijyanye n’uburwayi bwe, biza kugaragara ko ashobora kuba ari yo arwaye bitewe na bagenzi be twaje kumenya ko barwaye nyuma yaragiye.”

    Akomeza agira ati “Twarakurikiranye dusanga na we ari uko duhita tumugarura mu kigo araza asanga abandi kandi mvuye kubareba bose bameze neza.”

    Icyakora avuga ko bakuyemo isomo ku buryo ubu batangiye kuzenguruka mu bigo by’amashuri bashishikariza abanyeshuri kubahiriza ingamba zijyanye no kwirinda ndetse n’abayobozi b’amashuri guhorana amakenga, umwana yarwara akabanza gupimwa ku buryo atajyana uburwayi mu miryango.

    Umukozi wa Minisiteri y’Uburezi ushinzwe itangazamakuru (Media Specialist), Uwihoreye Claude, avuga ko mbere y’uko amashuri atangira, ibigo by’amashuri byose byasabwe kuba bifite ibyumba, uketsweho ibimenyetso bya COVID-19 ashyirwamo akitabwaho ndetse no kuba nta munyeshuri wemerewe kujya kurwarira mu rugo iwabo atabanje gupimwa COVID-19 kugira ngo hirindwe ko yayikwirakwiza.

    Agira ati “Bajya gufungura amashuri, mu bigo hagombaga kuba harimo icyumba cyakira ugaragaje ibimenyetso bya COVID-19 ajyamo akitabwaho, ntabwo kuvuga ngo umunyeshuri urwaye agomba guhita ataha ari byo ahubwo bagomba kubanza kwemeza neza ko atari COVID-19.”

    Uwihanganye Claude avuga ko andi mabwiriza Minisiteri y’Uburezi yatanze ari uko buri shuri rigomba kuba rifite aho abanyeshuri bakarabira, guhana intera no kwambara udupfukamunwa nk’uko n’abandi banyarwanda babyubahiriza ariko abanyeshuri by’umwihariko bakirinda gutizanya ibikoresho.

    Amashuri kandi ngo agomba kuba afite akuma gapima umuriro ndetse n’umukozi ushinzwe gukurikirana ugaragaje ibimenyetso hakabaho ubufatanye n’inzego z’ubuzima.

    source https://www.kigalitoday.com/uburezi/amashuri/article/mineduc-nta-mwana-urwarira-ku-ishuri-ngo-ajye-mu-muryango-we-adapimwe-covid-19

  • Nyanza: Abantu 52 baciwe amande yo kurenga ku mabwiriza yo gukumira COVID-19 – #rwanda #RwOT

    Iki gikorwa cyabaye ku wa 7 Mutarama 2020, kiri mu bukangurambaga bwakozwe n’inzego z’umutekano n’urubyiruko rw’abakorerabushake mu Mirenge wa Ntyazo, Mukingo, Muyira, Nyagisozi na Busoro, bugamije gukangurira abaturage kubahiriza ingamba nshya zo kwirinda COVID-19.

    Mu bafashwe batubahirije izi ngamba ni 78 barimo babiri bo muri Ntyazo, Mukingo 10, Busoro 16, Nyagisozi 29 na 21 bo muri Muyira.

    Aba bose barigishijwe, abandi bacibwa amande ateganyijwe. Ubukangurambaga bwihariye bwabereye mu Murenge wa Muyira ku Isoko rya Nyamiyaga, Nyagisozi ku Isoko rya Kirambi no mu Murenge wa Rwabicuma.

    Abantu 52 nibo baciwe amande angana na 64 000 Frw yo kutubahiriza ingamba zo kwirinda COVID-19. Mu Murenge wa Ntyazo (2=10,000Frw), Mukingo (4=4,000Frw), Nyagisozi (15=15,000), Busoro (16=49,000Frw), Muyira (15=15,000Frw).

    Ubuyobozi butangaza kandi ko mu rwego rwo kwirinda icyaba intandaro y’ikwirakwira rya Coronavirus, abagana ibitaro, ibigo nderabuzima n’amavuriro yigenga bose bagenda bakorerwa isuzuma rya COVID-19.

    Inama y’Abaminisitiri yateranye mu ntangiriro za Mutarama yashyizeho ingamba zikomeye zirimo kubuza ingendo hagati y’uturere ndetse no hagati y’uturere tw’intara n’Umujyi wa Kigali.

    Ubwo yasobanuraga zimwe mu ngamba zafashwe, Umunyamabanga wa Leta muri Minisiteri y’Ubuzima Ushinzwe Ubuzima bw’Ibanze, Dr. Mpunga Tharcisse, yavuze ko zashoboraga kugera ku rwego rwo gushyiraho Guma mu Rugo ya burundu, bitewe n’ubukana bwa Coronavirus n’ubwiyongere bw’abayandura n’abo ihitana bari kuboneka muri iyi minsi.

    Coronavirus ni indwara idafite umuti ariko inkingo zayo zatangiye kuboneka, mu kwita ku wayanduye havurwa ibimenyetso byayo birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

    Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

    source http://igihe.com/amakuru/u-rwanda/article/nyanza-abantu-52-baciwe-amande-yo-kurenga-ku-mabwiriza-yo-gukumira-covid-19

  • Kinyinya: Abajura babiri bitwaje ibyuma barashwe bagerageza kurwanya polisi bibaviramo urupfu – #rwanda #RwOT

    Amakuru agera kuri IGIHE avuga ko mu rukerera ryo kuri uyu wa Gatandatu, tariki ya 9 Mutarama 2021, ahagana saa Munani n’iminota 40 aribwo abapolisi bari ku irondo mu Mudugudu wa Dusenyi, Akagari ka Kagugu, Umurenge wa Kinyinya ho mu Karere ka Gasabo bahuye n’abantu babiri batwaye televiziyo yo mu bwoko bwa SONY ifite pouces [inches] 32.

    Abo bajura bari bitwaje ibyuma n’umupanga bahagaritswe, bahita batangira kurwanya abapolisi bashakaga kubata muri yombi, mu kurwanya inzego z’umutekano ni bwo baje kuraswa barapfa.

    Abo bajura bishwe barimo Nsengiyumva Alexis w’imyaka 31 ufite ibyangombwa bigaragara ko byafatiwe mu Karere ka Bugesera, mu gihe mugenzi we umwirondoro we utamenyekanye.

    Inzego zibishinzwe zahise zigera aho aba bajura barasiwe zitangira iperereza ryimbitse.

    Mu butumwa ikunze gutanga, Polisi y’Igihugu ihora iburira abayoboka inzira yo kwigabiza iby’abandi biciye mu bujura ko kwiba ari ikizira.

    Polisi y’u Rwanda kandi ikunze kwibutsa abafatirwa mu byaha bagashaka kuyirwanya ko bakwiye kwirinda iyo mico itari myiza ndetse bakayicikaho burundu kuko rimwe na rimwe igira ingaruka zitari ngombwa.

    source http://igihe.com/amakuru/u-rwanda/article/kinyinya-abajura-babiri-bitwaje-ibyuma-barashwe-bagerageza-kurwanya-polisi