Dr Ngamije avuga ko hashize igihe gito habonetse uyu muti, u Rwanda rukaba rwarifuje guhita ruwutumiza kuko rufite abarwayi benshi barembye kandi imibare ikaba ikomeje kuzamuka.
Yagize ati 'Hatumijwe ibihumbi 18 by’uwo muti, ku wa Gatatu saa kumi n’imwe umuti uzaba ugeze ku kibuga cy’indege i Kanombe, hakurikireho kuwuha abarwayi hamaze kurebwa uko umubiri wa buri wese uwakira uko umutima we ukora.'
Avuga ko inzego z’ubuzima zikiri gukora isesengura ku itangwa ry’uriya muti kuko habanza kurebwa ubuzima bw’ugiye kuwuhabwa nko kureba uko impyiko ze zikora n’ibindi.
U Rwanda rutumije uyu muti mu gihe imibare y’abakomeje kwandura iki cyorezo n’abo gihitana ikomeje gutumbagira, ku buryo byitezwe ko hari icyo uzagabanya kuri ubu bukana.
Mu minsi yashize kandi inzego z’ubuzima mu Rwanda zatangazaga ko iki gihugu cyatumije inkingo z’iki cyorezo ariko ko zitarahagera gusa ibikorwa byo kuzakira byo bikaba byaratangiye kuko haguzwe imashini zikonjesha zishobora kubika ubwoko bwose bwa ruriya rukingo.
Minisitiri Ngamije avuga ko uriya muti ugabanya ubukana uzaba wifashishwa mu gihe inkingo zatumijwe zitaraza.
Abitangaje nyuma y’uko imyanzuro y’Inama y’Abaminisitiri yo kuri uyu wa 18 Ukuboza 2020 yanzuye ko hakazwa ingamba zo kwirinda harimo no gushyira Umujyi wa Kigali muri gahunda ya Guma mu Rugo mu gihe cy’iminsi 15.
Minisitiri w’Ubuzima Dr. Daniel Ngamije avuga ko hashize igihe gito habonetse umuti ushobora kugabanya ubukana bwa COVID-19 u Rwanda rukaba rwamaze kuwugura ku buryo ku wa Gatatu nimugoroba uzaba ugeze ku kibuga cy’indege i Kanombe.
Minisitiri Ngamije avuga ko umuti ugabanya ubukana bwa COVID-19 ari igisubizo cyihuse mu rwego rwo kugoboka abamaze kwandura COVID-19 bagasubira vuba ku murongo, hakazakurikiraho kureba uburyo bwo gutanga uwo muti mu gihe hagitegerejwe igisubizo kirambye ari rwo rukingo.
Agira ati, “Hatumijwe ibihumbi 18 by’uwo muti, ku wa Gatatu saa kumi n’imwe umuti uzaba ugeze ku kibuga cy’indege i Kanombe, hakurikireho kuwuha abarwayi hamaze kurebwa uko umubiri wa buri wese uwakira uko umutima we ukora, uko impyiko ze zikora turi gukora isesengura ry’uko umuti uzahabwa abarwayi”.
Minisitiri Ngamije avuga ko u Rwanda kandi rukomeje gukurikiranira hafi uko inkingo rwatumije zizaboneka kandi ko ruri mu bihugu bya mbere bizahabwa urukingo, kandi ko hakozwe ibishoboka byose ngo ruzagere ku barukeneye cyane bihutirwa, imyiteguro yose ngo ikaba imeze neza ku buryo mu gihe cya vuba gishoboka urukingo ruzaba rwabonetse.
Minisiteri y’Ubuzima isaba Abanyarwanda gukomeza kwirinda icyorezo bubahiriza amabwiriza akubiye mu byemezo by’Inama y’Abaminisitiri kugira ngo barusheho kugabanya ubwandu bwazamutse mu minsi mike ishize.
Ni umukino watangiye amakipe yombi agerageza kugera ku izamu cyane. Gusa Amavubi y`u Rwanda yabonye amahirwe menshi bakubita umutambiko w`izamu ku ishoti ryari ritewe na Hakizimana Muhadjiri ku munota wa 32' ndetse na Rutahimu Tuyisenge Jack wabonye uburyo bwinshi gusa ntihagira igitego kiboneka igice cya mbere kirangira amakipe yombi aganya ubusa ku busa (0-0).
Jack Tuyisenge(umwenda w`Ubururu) wagerageje uburyo bwinshi
Igice cya kabiri cyatangiye amakipe yombi ahanahana umupira neza ari nako bagerageza kushaka uburyo bwo gutsinda aho abatoza bombi bakoze impinduka ; ku ruhande rw`Amavubi Muhadjira yatanze umwanya kuri Djabel    gusa umukino urangira amakipe yombi anganya ubusa ku busa(0-0).
 Uyu ni Omborenga Fitina watwaye igihembo cy`umuknnyi w`umukino(Man of the macth)
Wari umukino wa kabiri mu itsinda C nyuma y`umukino warangiye Marroc itsinze Togo warangiye itsinze igitego kimwe ku busa (1-0) byanatumye Marroc iyobora itsinda ikazakina n`Amavubi y`u Rwanda ku wa Gatanu tariki 22/01/2021 ku I saa 18h:00` za Kigali.
Uyu mukino watangiye ikipe y’u Rwanda isatira igaragaza ishyaka ryo gushaka igitego mu minota ya mbere ariko ntibyakunda.
Abasore b’ikipe y’u Rwanda bakinnye umukino mwiza benshi bavuga ko batigeze bababonaho, bokeje igitutu aba Uganda dore ko mu gice cya mbere babonye koroneri eshatu mu gihe Ugada yo itigeze ibona n’imwe.
Ba rutahizamu b’Abamuvubi banagerageje gushota mu izamu ariko amahirwe akanga nk’aho Hakizimana Muhadjiri yacenze abantu batatu agashora mu izamu ariko umupita ugakubita ku mutambiko w’izamu.
Jacques Tuyisenge ari na we kapiteni w’iyi kipe, na we yakunze gushaka gutungura umunyezamu wa Uganda ariko bikanga dore ko hari n’amashoti yabaga yabazwemo ibitego ariko amahirwe akaba ari yo abura.
Ikipe y’u Rwanda yihariye igice cya mbere, byatumye abasore ba Uganda na bo baza mu gice cya kabiri bahinduye imikinire kuko na bo bagerageje kugera imibere y’izamu rya Kwizera Olivier ariko bagasanga ahagaze neza.
Umunyarwanda Fitina Ombolenga usanzwe ukinira ikipe y’ingabo z’u Rwanda (APR) ni we wahembwe nk’umukinnyi wigaragaje neza muri uyu mukino.
Ni umukino warangiye amakipe anganya 0-0 bituma amakipe agabana amanita atatu mu gihe muri iri tsinda C, Maroc ari yo iyoboye kuko mu mukino wari wabanje yari yatsinze Togo 1-0.
Aba bantu bane bishwe n’iki cyorezo, bose ni abagabo barimo ab’i Kigali batatu n’umwe wo mu Karere ka Huye.
Aa bishwe na COVID, barimo uw’imyaka 78 y’amavuko, 61 n’w’imyaka 33 bose b’i Kigali mu gihe uw’i Huye yari afite imyaka 79.
Kugeza ubu abamaze guhitanwa n’iki cyorezo mu Rwanda ni 146 barimo n’aba bane bapfuye kuri uyu wa 18 Mutarama 2020 mu gihe abamaze gusangwa ubwandu bwacyo bose ari 11 259.
Urubuga rwa Billboard buri cyumweru, buri kwezi na buri mwaka rukora urutonde rw'indirimbo zikunzwe n'abahanzi baba bagezweho. Muri iyi nkuru turebe bamwe muri bo bamaze ibyumweru byinshi babica bigacika kuri uru rubuga barimo Justin Bieber na Ariana Grande
1.Taylor Swift
Taylor Alison Swift ni umuhanzi akaba n'umwanditsi mwiza w'indirimbo. Swift yatangiye umuziki wo mu bwoko bwa Country mu 2004. Amaze ibyumweru 337 ari ku isonga mu bahanzi bakunzwe kuri Billboard.
2.Justin Drew Bieber
Uyu muhanzi w'imyaka 26 yatangiye umuziki afite imyaka 13. Ni umunya-Canada ariko wakuriye akanatura muri Amerika. Amaze ibyumweru 307 ari mu bakunzwe kuriBillboard.
3.Luke Combs
Luke Albert Combs ni umuhanzi w'umunyamerika ukora Counrty. Afite imyaka 30 akaba umwanya wa gatatu awumazeho ibyumweru 201.
4.Ariana Grande
Ariana Grande-Butera yatangiye umuziki afite imyaka 15. Yavukiye muri Amerika ku ya 26 Kamena mu 1993. Amaze ibyumweru 309 ari kuri uwo mwanya wa Billboard.
5.The Weekend
Abel Makkonen Tesfaye wamamaye nka The Weekend yavukiye muri Canada. Amaze ibyumweru 287 ari ku mwanya wa gatanu kuri Billboard.
6.Morgan Wallen
Morgan Cole Wallen w'imyaka 27 na we aririmba umuziki wo mu njyana ya Country. Amaze ibyumweru 96 aza ku rutonde rw'uru rubuga.
7.Harry Styles
Harry Edward uvuka mu Bwongereza ni umuhanzi akaba n'umukinnyi wa filime. Amaze ibyumweru 80 ari ku mwanya wa karindwi.
8.Billie Eilish
Billie Eilish Pirate Baird O'Connell yamamaye akiri muto ku myaka 19 y'amavuko. Amaze ibyumweru 124 ari kuri uwo mwanya.
9.Pop Smoke
Bashar Barakah Jackson wamamaye nka Pop Smoke amaze ibyumweru 43 ari ku mwanya wa cyenda kuri Billboard.
10.Juice WRLD
Jarad Anthony Higgins akora umuziki wo mu njyana ya rap. Yavukiye muri Amerika mu 1998. Yitabye Imana tariki 08/12/2019.
Billboard igendera ku buryo indirimbo yacurujwe (sales), uburyo zikinwa kuri za radiyo, n'uburyo zigurwa hakoreshejwe uburyo bw'ikoranabuhanga
Umurongo munini cyane w'abantu bagana muri Leta zunze ubumwe za Amerika n'amaguru batambamiwe n'abashinzwe umutekano ndetse hakoreshwa imbaraga ubwo bari bageze muri Guatemala.
Ibihumbi by'aba bantu bahagaritswe bari ku muhanda uri hafi y'umupaka wa Honduras ku cyumweru tariki 17 Mutarama 2021. Leta ya Guatemala ivuga ko itakwemera 'ingendo zitemewe n'amategeko z'abantu benshi'.
Abimukira bagera ku 7,000, cyane cyane bava muri Honduras, bivugwa ko ari bo bageze muri Guatemala kuva kuwa gatanu w'icyumweru gishize.
Mu minsi micye ishize, ikigereranyo cy'abantu 7,000 binjiye muri Guatemala bahunga ubukene n'urugomo. Benshi bava muri Honduras baba bizeye kugenda bakagera muri Mexico, bakayambuka bagera ku mupaka wa leta zunze ubumwe za Amerika n'amaguru.
Mu ntangiriro z'uyu mwaka wa 2021, abantu babarirwa mu bihumbi mirongo bo muri Amerika yo hagati bagerageje kujya muri Amerika n'amaguru. Joe Biden, perezida watowe muri Amerika, yizeje kurangiza politiki zikakaye za Perezida Donald Trump ku bimukira.
Gusa ubutegetsi bwa Biden, buzajyaho kuwa gatatu tariki 20 mutarama 2021, bwaburiye abimukira ko bagomba kureka izo ngendo, kuko politiki ku bimukira za Amerika zitazahinduka umunsi umwe.
Habaye iki ubwo ikivunge cy'abimukira cyinjiraga muri Guatemala?
Ubwo aba bimukira binjiraga muri Guatemala berekeza ku mupaka wa Mexico, batangiriwe n'abashinzwe umutekano benshi. Bagerageje gukomeza ku ngufu, bituma abashinzwe umutekano nabo bakoresha imbaraga barabasunika, bakoresha inkoni n'imyuka iryana mu maso, hari benshi bakomeretse.
Abasirikare n'abapolisi bakoresheje inkoni mu kubasubiza inyuma.
Benshi muri aba bimukira basubiye inyuma, abandi nabo bategerereza hafi aho ngo bazongere bazamuke bushya. Abandi bahungiye mu misozi iri hafi aho.
Guillermo Díaz ukuriye urwego rushinzwe abimukira rwa Guatemala yabwiye New York Times ati: 'Ku bw'amahirwe abashinzwe umutekano babashije kubasubiza inyuma. Twasubije ibintu mu buryo mu gihe byari bikomeye cyane'.
Itangazo ryasohowe n'ibiro bya perezida w'iki gihugu rivuga ko 'â¦Ibi bikorwa bitemewe by'abimukira mu kivunge ntabwo tuzabyemera niyo mpamvu turi gukorana n'ibihugu duturanye ngo dukemure iki kibazo'.
Kuki benshi bari guhunga ubu?
Bavuga ko gutotezwa, urugomo n'ubukene ari ibya buri munsi mu bihugu byabo. Ko ibintu byabaye bibi cyane kubera inkubi z'imiyaga ikabije zangije byinshi mu bihugu byo muri America yo hagati. Bityo mu gushaka ubuzima bwiza, bifuza kugera muri Amerika aho bizeye umutekano n'umurimo.
Abimukira bavuga ko bari guhunga ubukene n'urugomo mu bihugu byabo.
Dania Hinestrosa, w'imyaka 23 ari kugendana n'umwana we w'umukobwa, yabwiye ibiro ntaramakuru AFP ati: 'Nta kazi, nta cyo kurya, niyo mpamvu nahisemo kujya muri Leta zunze ubumwe za Amerika'.
Icyizere ku bimukira ubutegetsi bushya bwa Biden butanga ni indi mpamvu ituma benshi ubu bari kugerageza kujya muri Amerika kuko uwo ari gusimbura atari aboroheye.
Ubutegetsi bwa Trump bwamaze kuvuga ko buzashyira imbere abimukira bari muri Amerika badafite ibyangombwa, ko butazibanda ku bashaka kujya muri Amerika ubu.
Ibivunge birenga 12 birimo ibihumbi byinshi by'abimukira byahagurutse mu bihugu bitandukanye bya Amerika y'epfo mu myaka ya vuba. Kimwe mu biheruka nkuko BBC ibitangaza, ni icyavuye muri Honduras mu kwa 10/2018, Trump yakise 'igitero'. Ariko byagiye bisenyuka kubera guhangana nabyo k'ubutegetsi bwa Trump, washyize igitutu kuri Mexico, Guatemala, Hondura na El Salvador ngo barwanye ibi bivunge by'abimukira berekeza muri Amerika ya ruguru.
Niba wowe urimo gusoma iyi nkuru hashize nibura imyaka 2 urangije kwiga, subiza amaso inyuma ureba ba banyeshuri mwiganye bakundana cyane ku ishuri urasanga kubona uyu munsi bagikundana ari hafi ya ntabyo.
Muri iyi nkuru tugiye kubagezaho impamvu eshatu zituma abakundaniye ku ishuri urukundo rwabo akenshi rurangirira ku ishuri.
1.Kuburana
Impamvu ya mbere ituma umuhungu n' umukobwa bakundana cyane ku ishuri, ntibabihishe, bakaba bari kumwe mu ishuri, mu isomero no muri resitora ku buryo abarimu n' abandi banyeshuri babimenya ko abo bantu bakundana ariko ibyabo bikazarangira ni ubuzima bw' ishuri ni 'ukuburana umwe akajya kure y' undi'.
Iyo ubuzima bw' ishuri burangiye umuhungu akajya iwabo n' umukobwa iwabo hari ubwo haba harimo intera ndende ntibazongere guhura bigatuma iby' urukundo rwabo birangirana no kurangiza ikizami cya Leta.
2.Gushaka akazi
Ku ishuri umuhungu n' umukobwa baba babayeho nk' abatesi kuko buri umwe aba atunzwe n' ababyeyi be. Iyo ageze hanze agasanga ariwe ugomba gutangira kwitunga no gushaka uko azibeshaho hari ubwo ubuzima bw' umunezero n' umuteto w' urukundo ahita abishyira hasi agashyira imbaraga mu gushaka akazi, bigatuma urukundo yakundaniye na mugenzi we ku ntebe y' ishuri rurangirira ku ishuri.
Bibaho ko buri umwe atwara nomero ya telefone ya mugenzi we bakazakomeza guhamagarana, ariko uko iminsi igenda ishira uko guhamagarana nako kugenda gucika intege kuko baba badafite icyizere ko bazongera guhura. Wawundi wagiye gushaka akazi iyo agize amahirwe akakabona yisanga ari gukorana n' abandi uko agenda amenyana nabo hakavuka urukundo rushya rukamwibagiza uwo bakundaniye ku ishuri.
3. Gusambana
Rimwe na rimwe umuhungu n' umukobwa bakundanira ku ishuri hari igihe babikora bigana bagenzi babo bakundana, kuko babateye ishyari ryo gusomana no gusambana. Iyo abanyeshuri bafashe umwanzuro wo gukundana bitewe n' uko umuhungu ashyize imbere kwishimisha n' umukobwa akaba aricyo agamije, iyo ubuzima bw' ishuri burangiye burangirana na rwa rukundo nubwo abaruboneraga ku ruhande baba barabona ari urukundo ruhamye.
Biragoye ko wabuza abanyeshuri gukundanira mu buzima bw' ishuri kuko iyo babonana kenshi buri umwe yisanga yakunze imico ya mugenzi agatangira kumwiyumvamo. Icyo abanyeshuri bakwiye gukora ni ukwirinda gukoreshwa n' urukundo ikintu cyose cyabangiriza ejo hazaza.
Impungenge bafite nuko abo bana bagiye kwiga mu gihe umubare w'abandura n'abapfa bazize icyorezo cya Covid-19 ukomeje kwiyongera nk'uko iyi nkuru dukesha RBA ikomeza ivuga.
Kuba hari abavuga ko abana batazahazwa n'iki cyorezo ndetse ngo bafite ubudahangarwa buri hejuru, Dr. Menelas Nkeshimana umwe mu baganga bakurikiranira hafi abarwayi ba COVID-19 yemeza ko ibi bidafite ishingiro ko kugeza ubu hari abana bamaze kuyirwara.
Ati: 'Twarabibonye hari abana bamaze kuyirwara ndetse no mu nkundura ya mbere, ..na n'ubu mu nkundura ya kabiri turabafite, bivuze ko ababyeyi bakwiye kwitwararika, abarezi nabo bakitwararikaâ¦.bagomba gufasha leta kugirango iby'amashuri bigende neza abana bige.'
Yongeyeho ko imyumvire y'abana kuri covid-19 izakomeza kuba hasi bakaba basabwa kubaba hafi bakamenya ibyo barimo byose.
Impuguke mu bumenyamuntu, Bukuru Germaine yemeza ko abana bari kuri iki kigero bazi kubahiriza amabwiriza igihe hari ababari hafi babakurikirana.
Umuvugizi wa Police CP John Bosco Kabera avuga ko inzego zose ziteguye gukurikirana uburyo abana b'abanyeshuri bari kuri iki kigero bazarindwa iki cyorezo cyane cyane abarezi babo.
Hari hagiye gushira umwaka abana bo mu mashuri y'incuke n'abo mu cyiciro cya mbere cy'abanza batiga kubera icyorezo cya Covid-19.
Abo bana bagiye gusubira kwiga nyuma y'aho icyiciro cya mbere cya bakuru babo cyatangiye kwiga ku ya 2 Ugushyingo 2020 na ho icya kabiri kikaba cyaratangiye ku ya 23 Ugushyingo 2020.
Ku munsi w'ejo tariki 17 Mutarama,MINEDUC yatangaje ko mu rwego rwo kwirinda ikwirakwira rya COVID-19, amashuri y'incuke, abanza n'ayisumbuye yo mu mujyi wa Kigali yo afunze guhera kuri uyu wa Mbere tariki 18 Mutarama.
