Blog

Zipline ni ikigo cyifashisha ikoranabuhanga ry'utudege duto tutagira abapilote (drones) mu gutwara amaraso hirya no hino mu bitaro n'ibigo nderabuzima byo mu Rwanda, biri ahantu kure bigoye ko hagera imodoka mu buryo bworoshye, cyangwa se ayo maraso akaba akenewe mu buryo bwihutirwa mu rwego rwo kurokora ubuzima bw'umuntu.

Magingo aya, iki kigo cyatangiye gukorera mu Rwanda mu 2016 ari na ho ha mbere ku Isi cyahereye, gifite ibyicaro bibiri i Kayonza n'i Muhanga, ndetse kikaba gitanga serivise zacyo mu bigo nderabuzima 260, mu gihe intego ari ukugera ku bigo nderabuzima 700 mu gihe kiri imbere.

Amakuru avuga ko iki kigo kiri mu myiteguro ikomeye y'uburyo gishobora kuzageza inkingo za Coronavirus aho zizaba zikenewe, bigakorwa nk'uko bikorwa mu gutwara amaraso hirya no hino mu gihugu.

Kugeza ubu, iki kigo kirimo guhugura abakozi bacyo ku buryo bwo kuzatanga izi serivise zo gukwirakwiza inkingo igihe zizaba zigeze mu Rwanda. Barimo kandi kubaka ibikorwaremezo birimo firigo zikonjesha inkingo, mu rwego rwo kwitegura ku buryo bazajya banabika inkingo bazatanga hirya no hino mu gihugu.

Israel Bimpe, Umuyobozi Mukuru wa Zipline ku rwego rwa Afurika, yabwiye The New Times ko imyiteguro bayigeze kure ku byicaro byabo byombi, igisigaye gusa akaba ari ukumvikana n'inzego za Leta kugira ngo bazatangire ibi bikorwa mu gihe inkingo zizaba zigeze mu Rwanda.

Yagize ati “Dufitanye imikoranire myiza n'Ikigo cy'Igihugu cy'Igihugu Gishinzwe iby'Indege za Gisivili (RCAA) mu kutwemerera imihanda mu buryo bwihuse, ibyo ntitubishidikanyaho. Zipline itwara ingano nto y'ibikenewe, igafasha ahantu hadafite ububiko buhagije. Bimwe mu bitaro bigira ububiko buhagije ibindi ntibibugire. Zipline ishobora kubagezaho ibyo bakeneye, igihe babikeneye mu ngano babishakamo”.

Ikigo cy'Igihugu Gishinzwe iby'Indege za Gisivili (RCAA) ni cyo giha Zipline uburenganzira ku mihanda yo mu kirere ikoreshwa n'utudege twa Zipline, mu rwego rwo kwirinda ko habaho impanuka zo mu kirere.

Ibyicaro bya Zipline bifite ubushobozi bwo gutanga serivise amasaha 24 ndetse buri masaha 12, utudege 150 tugurukana amaraso tuyajyanye aho aba akenewe mu gihugu.

Nyuma yo kubona uburyo iri koranabuhanga ryatanze umusaruro mu Rwanda, ibihugu birimo Leta Zunze Ubumwe za Amerika na Ghana byamaze kwegera Zipline kugira ngo batangire gukorana na bo muri serivise zo gukwirakwiza ibirimo amaraso n'imiti bikenerwa cyane kwa muganga hifashishijwe utudege tutagira abapilote.

Ikigo cya Zipline kiritegura gutangira kuzakwirakwiza inkingo igihe zizaba zigeze mu gihugu

Ku mugoroba wo ku wa Kane tariki ya 4 Gashyantare 2021, nibwo uwo mwana yishe mugenzi we amuteye icyuma.

Abaturage bo mu Kagari ka Kabahizi aho ubu bwicanyi bwakorewe, bavuga ko umugiraneza yahaye aba bana amafaranga ariko bananirwa kumvikana uko bari buyagabane batangira kurwana umwe afata icyuma agitera mugenzi we.

Abantu bari hafi aho bahise bajyana uwatewe icyuma ku ivuriro ariko ahagera yamaze gushiramo umwuka.

Umunyamabanga Nshingwabikorwa w'Umurenge wa Gitega, Uzamukunda Anathalie, yemereye IGIHE iby'aya makuru anashimangira ko uyu mwana wishe mugenzi we yahise ashyikirizwa inzego z'umutekano.

Ati 'Ni marine zashyamiranye zirangije imwe itera mugenzi wayo icyuma undi yitaba Imana.'

Uyu mwana wishe mugenzi we amuteye icyuma yahise atabwa muri yombi

Umurambo w'uyu mugabo witwaga Munyakazi Thomas wabonetse mu Mudugudu wa Ubwiza mu Kagari ka Ryamanyoni mu Murenge wa Murundi mu Karere ka Kayonza.

Amakuru avuga ko uyu mugabo yari asanzwe afitanye ibibazo n'umugore we bituruka ku kuba yari yarashatse undi mugore ku ruhande ndetse baza no kubyarana.

Iki kibazo ngo cyatumaga akunda gushwana cyane n'umugore we rimwe na rimwe bagashwana uyu mugabo agahitamo kujya kurara ku mugore we wa kabiri yari yarashatse. Uyu mugore ngo yari amaze iminsi avuga ko yabuze umugabo we baza gusanga yiyahuye.

Umunyamabanga Nshingwabikorwa w'Umurenge wa Murundi, Jackline Mutesi, yabwiye IGIHE ko umurambo w'uyu mugabo bawusanze mu nzu yakanikiragamo amagare bigakekwa ko amaze iminsi ariho yiyahuriye akoresheje umuti wica udukoko two mu myaka.

Ati ' Uyu mugabo yavuye mu rugo atavunganye neza n'umugore we arazamuka ajya aho yakanikiraga amagare, bivugwa yahise yinjira muri iyo nzu yakoreragamo arikingirana anywa umuti wica udukoko, kuko rero ngo hari ubwo yajyaga atarara iwe mu rugo yaraye ku wundi mugore yari yarashatse mu buryo butemewe, umugore we babanaga yagize ngo yaraye kuri uwo mugore.'

Yakomeje agira ati ' Umugore we mukuru yabonye umunsi wa mbere ushize, uwa kabiri ushize atangira kubwira abaturanyi ko yabuze umugabo we, batangira kumushakisha ahantu hose baramubura, bageze hamwe yakoreraga barebye mu idirishya basanga amaze iminsi apfiriyemo.'

Gitifu Mutesi yakomeje asaba abashakanye kwirinda amakimbirane ashobora gutuma umwe yiyahura, yabasabye kujya bitabaza imiryango mu gukemura ibibazo byananirana bakitabaza ubuyobozi ngo kuko bubereyeho kubafasha aho kugira ngo bigere aho umwe afata icyemezo cyo kwiyahura.

Kuri ubu umurambo wa nyakwigendera wajyanywe ku bitaro bya Gahini kugira ngo ukorerwe isuzumwa mbere y'uko ushyingurwa.

Aba baturage bavuze ko kwibwa bibabaje, kandi ko akenshi hari igihe wibwa ikintu gifite agaciro ku buryo uba ugomba kukigaruza, bityo ukaba wakwifashisha imbaraga zidasanzwe zirimo iza gipfumu mu kugaruza umutungo wawe kuko iyo wishinze imanza zitinda ukisanga wahombye.

Umwe mu baganiriye na Radio 1 yagize ati 'Kera bibaga umuntu, noneho bagafata amahembe bakamuhamagara agahita aza, yaba ibyo yibye yarabiriye akabizira, yaba atarabirya akabigarura.'

Undi atanga ubuhamya bw'uko yagaruje telefoni yari yaribwe abifashijwemo n'umupfumukazi aho muri Gicumbi.

Ati 'Nahise manuka ndamubwira nti 'ya telefoni barayijyanye', nawe yahise ambaza niba nta kintu nayikoreshejemo, naraje mfata kariya bashyira mu matwi [Ecouteur], ntabwo byatinze nyine telefoni nahise nyibona. Ni byiza cyane kuko ubibona mutagiye mu manza.'

Yongeyeho ko gukoresha ubu buryo byamurinze kujya mu manza, kuko byatumye abona ibyo yashakaga bitamugoye, ati 'Ni byiza kuko biturinda kujya mu manza.'

Si muri Gicumbi gusa humvikana imyizerere nk'iyi, kuko yanavuzwe mu tundi turere turimo Rusizi na Kayonza, icyakora abenshi bakavuga ko imyizerere nk'iyi ari ukwihanira kandi idatanga umusaruro uba wizewe, dore ko hari benshi babihombeyemo akayabo.

Bamwe mu baturage bavuga ko bajya mu bapfumu mu rwego rwo kwirinda kujya mu manza

Iyi mishinga uko ari 72 yatoranyijwe hakurikijwe ibice bitatu by'ingenzi birimo igice kizibanda ku guhanga udushya mu Rwanda kirimo imishinga y'ubushakashatsi 36 yahawe miliyoni 280 Frw. 80% by'iyi nkunga izakoreshwa mu bushakashatsi naho 20 % agenewe gufasha abazabukora. Abazabatoza bo bazabwa miliyoni 224 Frw.

Ikindi cyiciro ni igikubiyemo imishinga 17 y'ubushakashatsi buzakorwa ku birebana n'icyorezo cya Coronavirus, aho yahawe inkunga ya miliyari 1,02 Frw.

Indi mishinga 19 yo izibanda ku bushakashatsi bugamije ku gutanga ubumenyi. Igabanyije mu byiciro bitatu, aho iyo mu cyiciro cya mbere yahawe miliyoni 60 Frw, iri mu cya kabiri igahabwa miliyoni 90 Frw naho iyo mu cya gatatu igahabwa miliyoni 150 Frw kuri buri mushinga.

Gahunda yo gutanga inkunga ku mishinga y'ubushakashatsi yatangiye muri Kanama 2018, nyuma yo kubona ko hari inzitizi abashakashastsi bo mu Rwanda bahuraga nazo nko kubura amikoro ahagije maze bigatuma ubushakashatsi buhera inyuma.

Aba bashakashatsi bahabwa iyi nkunga biciye mu kigega cyihariye kigamije gutera inkunga abashakashatsi mu Rwanda (NRIF) cyatangijwe na Guverinoma y'u Rwanda binyuze muri NCST.

Umunyamabanga Mukuru wa NCST, Dr. Eugene Mutimura, atangiza iki gikorwa tariki 5 Gashyantare mu nama yabaye hifashishijwe ikoranabuhanga, yashimiye Guverinoma y'u Rwanda by'umwihariko n'abandi baterankunga n'abafatanyabikorwa bose bafashije komisiyo ayoboye muri iki gikorwa.

Yongeyeho ko ibi bizafasha u Rwanda kugera ku ntego rwihaye yo kuzaba ruri mu bihugu byifashije mu 2025 ndetse no kuba mu bihugu byateye imbere mu 2050.

Minisitiri w'Uburezi, Dr. Uwamariya Valentine, yavuze ko intego ya leta ari ukongera ingufu mu dushya duhangwa hashingiwe ku bushakashatsi, kugira ngo u Rwanda ruzagere ku rwego rw'ibindi bihugu byateye imbere ku Isi mu bijyanye no guhanga udushya.

Yashyikirije impamyabushobozi abantu batatu bahagarariye abandi muri buri cyiciro, aho mu cyiciro cy'abazakora ubushakashatsi buzibanda ku guhanga udushya mu Rwanda hahembwe uwitwa Mukandayisenga Beatrice, uzakora ubushakashati bwerekana uko imyanda yajugunywa hifashishijwe uburyo karemano buboneye. Yahawe miliyoni 10 Frw.

Uwahembwe mu cyiciro cy'ubushakashatsi buzakorwa ku birebana n'icyorezo cya Coronavirus, ni Jean Marie Ntaganda wahawe 59.879.400 Frw, akazakora ubushakashatsi ku byerekeye gukoresha imibare mu kwerekana no kugenzura ingaruka za Covid-19 mu Rwanda.

Prof. Lyumugabe François yahawe 119.706.135 Frw azifashisha mu gukora bushakashatsi buzashyira ahagarara uburyo buteye imbere bwo kwenga ikigage himakazwa ubuzirange bwacyo.