Blog

Kuri uyu wa gatanu tariki 12 Gashyantare 2021, umuhanzi ukomoka muri Uganda akaba n'umunyapolitike, Kyagulanyi Sentamu uzwi nka Bobi Wine, yagize isabukuru y'imyaka 39.

Kubera uburyo yigaragaje ku rwego rukomeye muri muzika ndetse na politike, benshi bamufata nk'urumuri rw'icyerekezo, ukuri ndetse n'umuyoboro w'ejo hazaza ku rubyiruko rw'Abagande n'igihugu muri rusange.

Abantu benshi hirya no hino ku isi biganjemo abahanzi, abanyapolitike n'abaturage basanzwe bamwifurije isabukuru nziza.

Gusa nubwo bimeze gutya, isabukuru y'uyu mwaka ntabwo Bobi Wine yayizihije ari kumwe n'umuryango we wose kubera ko bahungiye muri Leta Zunze Ubumwe za Amerika mu ntangiro z'uyu mwaka. Gusa umugore we, Barbie Ntungo yafashe indege agaruka mu gihugu kugira ngo yifatanye n'abo mu ishyaka rya NUP (National Unity Platform)  kwizihiza isabukuru y'umugabo we aho atuye mu gace ka Magere, mu Karere ka Wakiso.

Everyday that anyone confronting the criminal NRM/M7 Junta ends deserves a celebration. @HEBobiwine has, quite likely, ended one of the most challenging & impactful years of his life.

It's therefore fitting to join him in celebrating his birthday today.
HAPPY BIRTHDAY! pic.twitter.com/eWsKqtwBEI

— Kifefe Kizza-Besigye (@kizzabesigye1) February 12, 2021

HAPPY BIRTHDAY Mr president @bobiwine thank you so much for instilling courage in all hearts of those that persue dreams.
Thank you For inspiring a whole generation. It has not been easy but you have taken a sacrifice for all of us. Thank you. Journey continues pic.twitter.com/sjOLaS3veI

— SPICE DIANA (YOLOVE) VIDEO OUT (@SpiceDianaUg) February 12, 2021

What a revelation. What a man That has stood his ground for what he knows is right. What an inspiration. A true leader. May Gods favor flow more and more on you General @HEBobiwine
HAPPY BIRTHDAY H.E pic.twitter.com/gsZEkAdBpZ

— YKEE BENDA (@YkeeBenda) February 12, 2021

Happy birthday Hon. Kyagulanyi Robert Sentamu @HEBobiwine
Wishing you many more years of success pic.twitter.com/lXicisnNBz

— REMA (@REMAUG1) February 12, 2021

My grandson @HEBobiwine this is to wish you a very happy 39th birthday. Even though you rigged me out of the NUP presidency and for party candidate for president, which led us to lose to @KagutaMuseveni, I am not bitter. May the spirits of our ancestors bless you abundantly. pic.twitter.com/OPFQd7N66y

— Andrew M. Mwenda (@AndrewMwenda) February 12, 2021

Source : https://impanuro.rw/2021/02/13/ubutumwa-busize-umunyu-ku-byamamare-byavuze-ku-isabukuru-bobi-wine-yagize/

Kuva mu mwaka wa 2017, Ubuyobozi bw'Umujyi wa Kigali bwasabye ko abafite ibikorwa byose mu bishanga bakwiye kubihakura mu rwego rwo kubahiriza ibikubiye mu gishushanyo mbonera.

Aba baturage bavuga ko basenyewe inzu zabo mu mwaka wa 2019 babwirwa ko bubatse mu gishanga nyamara igishushanyo mbonera cy'umujyi kivuguruye kiza kwemeza ko ari ahantu ho gutura.

Bamwe mu baturage baganiriye na Flash Fm bavuze ko basenyewe inzu ariko ntibahabwa ingurane bakaba bamaze umwaka urenga badafite aho kwerekera.

Mukarusine Mariya wo mu Mudugudu wa Twishorezo mu Kagari ka Nyarurama yavuze ko nyuma yo gusenyerwa yabuze aho yerekeza kubona icumbi bimubera ikibazo.

Yagize ati 'Gufata umuntu ukamusenyera adafite aho yerekera si byiza, njye ndabona twarahohotewe.''

Undi yagize ati 'Biba ari ikibazo kuba umuntu yari atuye ahantu hemewe gutura, bakagusenyera nta n'ahantu bakwerekeje ni ikibazo gikomeye.'

Aba baturage basabye ubuyobozi bw'Umujyi wa Kigali kubaha ingurane y'inzu zabo zasenywe cyangwa bakubakirwa izindi.

Umwe yagize ati '[Turasaba ko] baza bakayuba bakayisubiza umuntu kuko basnze nta kosa ryari rihari, bagombye kuza bakubakira umuntu.'

Undi ati 'Ibyo bangije bakabitwishyura cyangwa babona y'uko ari ngombwa bakaduha izo gusimbura izo twabagamo.'

Umunyamabanga Nshingwabikorwa w'Umurenge wa Kigarama, Umubyeyi Médiatrice, yabwiye IGIHE ko ibikorwa byo gusenyera aba baturage byakozwe mu rwego rwo gushyira mu bikorwa amategeko.

Ati 'Ubundi nta muntu dusenyera bidakurikije amategeko, tureba icyo itegeko rivuga tukabona kumusenyera.'

Mu 2017, Umujyi wa Kigali watangiye gahunda yihariye yo kwimura ibikorwa bitemewe cyangwa se byangiza ibishanga.

Kuva mu mwaka wa 2017, ibikorwa byari byabaruwe byari 7222, muri byo 78,9% ni aho abantu batuye, ahandi harimo ibikorwa by'inzu z'ubucuruzi, amagaraji, amaparikingi, inzu zituwemo, inganda n'ibindi.

Umujyi wa Kigali uvuga ko mu kwimura abatuye mu bishanga batishoboye byari biteganyijwe ko bashakirwa aho batuzwa hadashyira ubuzima bwabo mu kaga.

Ni mu gihe abari batuye mu bishanga bari bafite ibyangombwa byo kubaka cyangwa se kuhatura bagombaga guhabwa ingurane y'ibikorwa biri hejuru y'ubutaka ariko abatuye mu buryo bunyuranyije n'amategeko bo nta cyo bazahabwa kuko babikoze bitemewe.

Hejuru ku ifoto ni Akarere ka Kicukiro

---

Source : http://igihe.com/amakuru/u-rwanda/article/kigali-barasaba-kubakirwa-cyangwa-bagahabwa-ingurane-nyuma-yo-gusenyerwa

Mu kiganiro IGIHE yagiranye n'Umuvugizi wa Minisiteri y'Ubuzima, Juliet Mahoro Niyingabira, yatubwiye ko imyiteguro irimbanyije kandi ko inkingo zizatangira gutangwa nyuma ya tariki ya 15 Gashyantare, ubwo zizaba zikigera mu Rwanda.

Yagize ati “Ibikorwa byo kwitegura ikingira byaratangiye kandi bigeze kure, ariko ikingira ryo rizatangira icyo gihe”.

Uyu muyobozi yirinze kwemeza niba inkingo za Pfizer-BioNTech u Rwanda rwemerewe muri gahunda ya COVAX zaramaze kugera mu Rwanda, gusa ahamya ko ibintu byose, birimo ibikoresho, gutegura abazakingira n'abazakingirwa, gutegura ibikoresho bizabikwamo inkingo ndetse no gutegura uko zizatangwa mu gihugu hose byamaze gutegurwa kandi biri kugenda uko byapanzwe.

U Rwanda ruri mu bihugu bine bizakira inkingo za mbere muri gahunda ya Covax ku Mugabane wa Afurika, kimwe na Cape Vert, Tunisia na Afurika y'Epfo. Ni nyuma y'igenzura ryakozwe n'inzego zitandukanye zirimo Ishami ry'Umuryango w'Abibumbye ryita ku Buzima, OMS, bikaza kwemezwa ko u Rwanda rufite imyiteuro ihagije ku buryo inkingo ruzahabwa zitazapfa ubusa.

U Rwanda ruherutse kwakira ibyuma bizifashishwa mu kubika no gukonjesha inkingo za Coronavirus ndetse byatangajwe ko bifite ubushobozi bwo kubika inkingo zose zikenewe. Frigo eshanu ziherutse kugurwa zishobora kubikwamo ibintu mu bukonje bwa dogere celsius -70 -80.

Inkigo za Pfizer-BioNTech u Rwanda ruzakira zigera ku 102 960, zikazaba zageze mu Rwanda mu minsi itatu iri imbere. Izindi ni izakozwe na AstraZenica ziera ku bihumbi 996 zikazagera mu Rwanda mu mpera z'uku kwezi.

Muri rusange, hari icyizere cy'uko uku kwezi gusiga inkingo miliyoni 1 098 960 zigeze mu Rwanda, zikazakingira abantu 549 480 kuko izi nkingo zombi zikenera guterwa kabiri kugira ngo zitange umusaruro.

Ibyiciro bya mbere biri bukingirwe mu minsi ya vuba birimo abantu bari hejuru y'imyaka 65, abakora mu nzego z'ubuzima, abasanganywe indwara karande ndetse n'abandi bahura n'abantu benshi barimo abapolisi n'ibindi byiciro nk'ibyo.

Miliyoni 124$ (arenga miliyari 121 Frw) niyo azakoreshwa mu gukingira abanyarwanda 60% kugira ngo icyorezo cya Covid-19 kirandurwe burundu.

Abantu 231 bamaze kwitaba Imana mu Rwanda bazize Covid-19. Abandi 3 159 baracyarwaye barimo 15 barembye. Muri rusange abantu 17 068 bamaze kwandura iki cyorezo mu Rwanda mu bipimo 934 672.

U Rwanda rugiye gutangira gukingira Covid-19

---

Source : http://igihe.com/amakuru/u-rwanda/article/covid-19-imyiteguro-yo-gutanga-urukingo-mu-rwanda-irarimbanyije

Abamaze gukira biyongereyeho 259 bagera ku 13,937.Abakirimo kwitabwaho n'abaganga ni 3,027.

MINISANTE yagize iti “Twihanganishije imiryango y'abagabo batanu b'imyaka 86, 82, 68, 63 (i Kigali) na 54 (i Kayonza).”

Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune no kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.

Mu gihe habura iminsi micye kugira ngo umuntu wa mbere aterwe urukingo, inzego z'ubuzima mu Rwanda ziravuga ko imyiteguro irimbanyije, ku buryo nyuma ya tariki ya 15 Gashyantare, ari nabwo u Rwanda ruzakira inkingo za mbere za Covid-19 zakozwe n'uruganda rwa Pfizer—BioNTech, ruzahita runatangira kuzitanga.

Mu kiganiro IGIHE yagiranye n'Umuvugizi wa Minisiteri y'Ubuzima, Juliet Mahoro Niyingabira, yatubwiye ko imyiteguro irimbanyije kandi ko inkingo zizatangira gutangwa nyuma ya tariki ya 15 Gashyantare, ubwo zizaba zikigera mu Rwanda.

Yagize ati “Ibikorwa byo kwitegura ikingira byaratangiye kandi bigeze kure, ariko ikingira ryo rizatangira icyo gihe”.

Uyu muyobozi yirinze kwemeza niba inkingo za Pfizer-BioNTech u Rwanda rwemerewe muri gahunda ya COVAX zaramaze kugera mu Rwanda, gusa ahamya ko ibintu byose, birimo ibikoresho, gutegura abazakingira n'abazakingirwa, gutegura ibikoresho bizabikwamo inkingo ndetse no gutegura uko zizatangwa mu gihugu hose byamaze gutegurwa kandi biri kugenda uko byapanzwe.

U Rwanda ruri mu bihugu bine bizakira inkingo za mbere muri gahunda ya Covax ku Mugabane wa Afurika, kimwe na Cape Vert, Tunisia na Afurika y'Epfo. Ni nyuma y'igenzura ryakozwe n'inzego zitandukanye zirimo Ishami ry'Umuryango w'Abibumbye ryita ku Buzima, OMS, bikaza kwemezwa ko u Rwanda rufite imyiteuro ihagije ku buryo inkingo ruzahabwa zitazapfa ubusa.

U Rwanda ruherutse kwakira ibyuma bizifashishwa mu kubika no gukonjesha inkingo za Coronavirus ndetse byatangajwe ko bifite ubushobozi bwo kubika inkingo zose zikenewe. Frigo eshanu ziherutse kugurwa zishobora kubikwamo ibintu mu bukonje bwa dogere celsius -70 -80.

Inkigo za Pfizer-BioNTech u Rwanda ruzakira zigera ku 102 960, zikazaba zageze mu Rwanda mu minsi itatu iri imbere. Izindi ni izakozwe na AstraZenica ziera ku bihumbi 996 zikazagera mu Rwanda mu mpera z'uku kwezi.

Muri rusange, hari icyizere cy'uko uku kwezi gusiga inkingo miliyoni 1 098 960 zigeze mu Rwanda, zikazakingira abantu 549 480 kuko izi nkingo zombi zikenera guterwa kabiri kugira ngo zitange umusaruro.

Ibyiciro bya mbere biri bukingirwe mu minsi ya vuba birimo abantu bari hejuru y'imyaka 65, abakora mu nzego z'ubuzima, abasanganywe indwara karande ndetse n'abandi bahura n'abantu benshi barimo abapolisi n'ibindi byiciro nk'ibyo.

Miliyoni 124$ (arenga miliyari 121 Frw) niyo azakoreshwa mu gukingira abanyarwanda 60% kugira ngo icyorezo cya Covid-19 kirandurwe burundu.

Source : http://umuryango.rw/amakuru/mu-rwanda/ubuzima/article/abantu-batanu-bahitanywe-na-covid-19-mu-rwanda-abandi-236-barayikira

Minisitiri w'ubuzima w'u Burundi akaba na visi perezida wa Komisiyo y'Igihugu ishinzwe kurwanya Covid-19, avuga ko inkingo zirimo gukoreshwa ubu zikiri mu igeragezwa, ko guverinoma itegereje urukingo ruzemezwa na OMS.

Ati: 'Twizera ko abakira inkingo kuri ubu barimo gupima kugirango barebe niba uru rukingo cyangwa uru rukora cyangwa rudakora. Duhangayikishijwe n'uburyo bwa COVAX, ariko kubera ko OMS ivuga ko izi ari inkingo zihutirwa kandi ibihugu bigomba guha indishyi abagizweho ingaruka n'izi nkingo, twizera ko hakiri urujijo. Twahisemo rero gusesengura uburyo coronavirus igenda itera imbere mu gihugu cyacu. Turaguma mu nzira ariko dutegereje inkingo zemejwe na OMS kugirango tugaragaze aho duhagaze ariko kugeza ubu, twibwira ko zikiri mu kiciro cy'igerageza.'

Minisitiri Thaddée Ndikumana anatekereza ko Abarusiya ari bo bateye imbere kurusha abandi muri uru rwego nk'uko iyi nkuru dukesha RPA ikomeza ivuga.

Akomeza agira ati : 'Ejo cyangwa ejobundi dushobora gufata icyemezo. Nk'urugero, uyu munsi, turasanga Abarusiya barakoze urukingo rudafite ingaruka. Ni urukingo mu buryo bw'izindi nkingo. Ndetse OMS n'Abanyaburayi batangiye kubona ko uru rukingo rushobora kuba mu za mbere zizahabwa uruhushya. Turakurikiranira hafi uko ibintu bimeze kandi buri gihe tugeza raporo zacu kuri Komisiyo y'igihugu. Guverinoma nyuma izahita ifata icyemezo.'

Inkingo zisa naho zidahabwa agaciro na leta y'u Burundi ariko Ishami ry'Umuryango w'Abibumbye ryita ku Buzima (OMS) irazishishikariza mu gukemura ibibazo byihutirwa. Mu by'ukuri, ibihugu byinshi ku Isi biraninubira kuba izi nkingo zidahagije ugereranyije n'ukuntu zikenewe.

Source : http://umuryango.rw/amakuru/mu-mahanga/article/burundi-ntitwakwemera-kugira-abaturage-bacu-imbeba-zo-muri-laboratwari

Ni igitekerezo Big Fizzo yatanze ku nkuru yatambutse ku rubuga rwa Yaga Burundi inenga bikomeye imikorere n'imyitwarire y'abahanzi bo muri iki gihe biganjemo urubyiruko, yiganjemo kwigana buri kimwe (copy-paste) ndetse n'iby'isoni nkeya.

Uyu muhanzi bigaragara ko atishimiye iyi nkuru yagize ati: 'Abo mwigira les promoteurs de la culture Burundaise (abateza imbere umuco w'u Burundi) (Yaga) nimubanze mwongere mwambare imyenda y'ibiti, muve mu mazu y'abakoloni musubire kuba mu biti n'inyamaswa, mureke gukoresha imashini z'abazungu n'indimi z'abanyamahanga.'

Big Fizzo yavuze ko mu gihe abigira abateza imbere umuco bazaba bamaze gusubira muri ibi bihe, ari bwo bazaba batangira kunenga imyitwarire y'Abarundi mu kinyejana cya 21.

Ingingo y'imyitwariye n'imikorere y'abahanzi 'b'iki gihe' nk'uko bikunze kuvugwa, ikunze kugibwaho impaka kenshi, ariko ikaburirwa umwanzuro bitewe n'itandukana ry'ibihe (generation).

Source : http://umuryango.rw/imyidagaduro/article/abiyita-abasigasira-umuco-basubire-kubana-n-inyamaswa-mu-biti-big-fizzo

Iyi modoka yagombaga kwerekeza ahitwa QuikTrip gas station haherereye ku muhanda wa 12110 Lusher muri St. Louis County, Missouri yibwe itahageze abagombaga gushyingura bagwa mu kantu.

Ntabwo bisanzwe ko abantu bagiye gushyingura umuntu bategereza ko umurambo uza bagaheba ariko kuri iyi nshuro aba banyamerika bamenye bakerewe ko iyi modoka yagombaga kuzana uyu murambo yibwe urimo.

Polisi yageze ahaburiye iyi modoka saa yine na 26 zo kuri uyu wa Kane aribwo umugabo n'umugore bakekwaho kwiba iyi modoka bayinjiyemo barayitwara.

Iyi modoka yo mu bwoko bwa Van ya 2012 Nissan NV1500 ifite plaque ya Missouri -5MDX73 .Abayobozi bavuze ko uyu murambo n'iyi modoka biri ahitwa Godfrey, Illinois.

Ntabwo Polisi yashyize hanze imyirondoro y'uyu mugore wapfuye umurambo we ukibirwa muri iyi Van ndetse n'abagombaga kumushyingura ntibagize icyo batangaza.

Icyakora,Polisi yashyize hanze amafoto y'iyi modoka ndetse n'aba bantu 2 bakekwaho kuba bayibye kugira ngo abaturage bafashe mu iperereza.Polisi ya St. Louis niyo iri mu iperereza kuri ubu bujura.

Umugabo n'umugore bakekwa kwiba Van yarimo umurambo

Source : http://umuryango.rw/ubuzima-115/udushya/article/bibye-imodoka-yarimo-umurambo-abari-bategereje-gushyingura-baba-mu-gihirahiro

Ibinyamakuru byatangaje ko iyi kanzu ya Tatiana ariyo ndende kurusha izindi zose zabayeho ndetse yavuze ko ibyo yifuje yabigezeho.

Nubwo uyu mugore afite inkomoko mu Bugereki,aba muri US ndetse ngo ikintu cyari kimuhangayikishije kwari ukugera kuri alitari agasezerana n'umugabo we Zuki.

Uyu mugore yagize ati 'Ndishimye cyane.Ntabwo nari nzi neza uko nzagera ku kiliziya.

Sandra wakoze ikanzu,yambwiye ko azashaka uko bizagenda.Nibazaga niba azakodesha indege.

Sandra yahise agenda akodesha igikamyo kirekire cyane cyo gutwara uyu mugeni kikamugeza ku kiliziya.

Kubera ubudodo bwari bukoze iyi kanzu,Tatiana yavuze ko iyi kanzu yari iremereye cyane ariko ngo yanatwara n'iremereye gutyo inshuro miliyoni kubera urukundo akunda Zuki.

Umugabo wa Tatiana akimara kubona iyi kanzu yagize ati “Maze guhindukira nkabona umugore wanjye muri iyo kanzu,yari mwiza cyane.Yari ameze nka malayika.”

Source : http://umuryango.rw/imyidagaduro/imikino/article/umugeni-yagendeye-mu-ikamyo-ndende-kubera-ikanzu-ndende-kurusha-izindi-zabayeho

Usibye kugira uruhare mu rugamba rwo kubohora igihugu, yakoze inshingano zitandukanye zirimo kuba yarabaye Umuyobozi w'Umutwe ushinzwe kurinda Umukuru w'Igihugu (Republican Guard); Umugaba Mukuru w'Ingabo zirwanira ku butaka, Umugaba Mukuru w'Inkeragutabara ndetse yapfuye yari Umugenzuzi Mukuru wa RDF.

Lt Gen Jacques Musemakweli yasize umuryango ugizwe n'umugore n'abana bane.

Mu gihe cy'urugamba rwo kubohora igihugu, Jacques Musemakweli wari Captain, yari umuganga ushinzwe kwita ku ngabo zakomeretse.

Umwe mu bazi neza Lt Gen Musemakweli yabwiye IGIHE ko yari mu buyobozi bwa APR itangira, gusa ntibari bazi ko izakomera kuko byari uburyo Gen Paul Kagame wayoboraga ingabo za APR icyo gihe, yari ashyizeho bwo kwidagadura mu gihe hari imishyikirano intambara ihagaze ho gato.

Mu gushinga iyi kipe, hatoranyijwe abasirikare muri batayo zitandukanye hitegurwa umukino wahuje APR n'urubyiruko rwahuzaga amashyaka atavuga rumwe na Habyarimana rwagiye gukina ku Murindi.

Musemakweli na we yari mu bakurikiranaga ibikorwa by'iyi kipe ariko umuyobozi mukuru yari Umukuru w'Ingabo za FPR Inkotanyi. Musemakweli yarakinaga kandi ari n'umuyobozi, ibyatumaga afatwa nk'aho ayiyoboye kuko yabonekaga mu bakinnyi kandi ari no mu buyobozi.

Abayireberaga kugeza igeze i Kigali mu 1994 ni Caesar Kayizari, Musemakweli na Ngenzi Eustache witabye Imana mu 2008.

Nyuma y'umukino wahuje Inkotanyi n'urubyiruko rw'amashyaka ataravugaga rumwe na Leta, Gen Paul Kagame yategetse ko ikipe igumaho hagashyirwaho ubuyobozi bwayo buhamye abakinnyi bakagumana.

Caesar Kayizari ni we wabaye Perezida, Musemakweli aba ushinzwe ubuzima bwa buri munsi bw'ikipe (Team Manager).

Lt Gen Jacques Musemakweli yitabye Imana azize uburwayi

Yari umwe mu basirikare igihugu gikesha kuba uyu munsi gifite umutekano n'amahoro asesuye

Hari hashize imyaka myinshi ari mu buyobozi bukuru bw'ingabo z'u Rwanda

Lt Gen Jacques Musemakweli aha yaganirana na Gen Romeo Dallaire

Mu 2016 ubwo Jacques Musemakweli wari ufite ipeti rya Major General yari amaze kurahirira kuba Umugaba w'Ingabo zirwanira ku butaka, we n'umuryango we bafashe ifoto y'urwibutso hamwe na Perezida Kagame

Iyi foto yafashwe kuwa 29 Werurwe 2016 ubwo Jacques Musemakweli wari ufite ipeti rya Geneneral Major yarahiriraga kuba Umugaba w'Ingabo zirwanira ku butaka

Lt Gen Jacques Musemakweli ni umwe mu basirikare barwanye urugamba rwo kubohora igihugu

Aha Musemakweli yaganiraga na Gen Fred Ibingira bari mu Ngoro y'Inteko Ishinga Amategeko

Lt Gen Jacques Musemakweli (uwa kabiri iburyo) mu muhango wo gusoza amasomo ya gisirikare wabereye i Gako ku wa 29 Ugushyingo 2019

Lt Gen Jacques Musemakweli (wicaye inyuma ya Minisitiri w'Ubuhinzi n'Ubworozi, Dr Mukeshimana Gerardine) ubwo yari yitabiriye umuhango w'irahira ry'abayobozi batandukanye wabereye mu Nteko Ishinga Amategeko ku wa 6 Ukuboza 2019

Lt Gen Jacques Musemakweli mu ifoto y'urwibutso hamwe na Perezida Kagame

Lt Gen Jacques Musemakweli ubwo ku wa 14 Ugushyingo yarahiriraga kuba Umugenzuzi Mukuru wa RDF

Lt Gen Jacques Musemakweli n'umuryango we mu ifoto y'urwibutso na Perezida Kagame

Perezida Kagame aramutsa umwana wa Lt Gen Jacques Musemakweli

Lt Gen Jacques Musemakweli (ubanza ibumoso mu bicaye) ubwo yafataga ifoto y'urwibutso hamwe na Perezida Kagame mu muhango wo gusoza amasomo ya gisirikare wabereye i Gako ku wa 16 Ugushyingo 2019

Lt Gen Jacques Musemakweli (wa kabiri uturutse ibumoso) ateye isaruti ubwo haririmbwaga indirimbo yubahiriza igihugu mu muhango wabereye mu Nteko Ishinga Amategeko wo kurahira kw'abayobozi ku wa 14 Ugushyingo 2019

Gen. Jacques Musemakweli ubwo yari akurikiye imikino yahuje abasirikare mu gikombe cy’Intwari cya 2019

Abari bazi Lt Jacques Musemakweli (iburyo) basobanura ko ari umuntu wakundaga kuganira

Lt Jacques Musemakweli (iburyo) yari umukunzi w'umupira w'amaguru aho bivugwa ko yanawukinnye

Aha Gen Jacques Musemakweli wari Umugaba w’Ingabo zirwanira ku Butaka yari kumwe na Emmanuel Gasana wayoboraga Polisi y'Igihugu

Mu Ugushyingo 2017 ubwo Gen Maj Jacques Musemakweli yafatanyaga gutera morali n'abasirikare bari bagiye mu butumwa bw'amahoro i Darfur

Lieutenant General Jacques Musemakweli (hagati) atera urwenya na Gen Fred Ibingira (iburyo) na Gen Maj Innocent Kabandana (ibumoso)

Lt Gen Musemakweli yakundaga kugaragara mu bikorwa hafi ya byose bya APR FC

Inkuru y’urupfu rwa Lt Gen Jacques Musemakweli yamenyekanye ahagana saa Tanu z’ijoro

Lt Gen Jacques Musemakweli wari Umugenzuzi Mukuru w'Ingabo z'u Rwanda (RDF) yitabye Imana

Lt Gen Jacques Musemakweli ubwo yitabiraga Inama Nkuru ya RDF yabaye muri Gashyantare 2019

Lt Gen Jacques Musemakweli yabaye Umuyobozi ushinzwe Ingabo zirinda Umukuru w'Igihugu ndetse uyu mwanya yawuvuyeho mu 2016. Icyo gihe yari agifite ipeti rya Maj Gen

Lt Gen Jacques Musemakweli yabaye igihe kinini Umuyobozi wa APR FC

Lt Gen Jacques Musemakweli (iburyo) ni umwe mu basirikare bakuru mu Ngabo z’u Rwanda bakundaga umupira w’amaguru ndetse inshuro nyinshi yagaragaraga kuri stade cyane ku mikino ya APR FC

Muri Gicurasi umwaka ushize ubwo Lt Gen Jacques Musemakweli yasezeraga kuri Bwitare Nyirinkindi Eulade witabye Imana

Aha hari muri Mata 2019 ubwo Lt Gen Jacques Musemakweli (uwa kane uturutse iburyo) wari Umugaba Mukuru w'Inkeragutabara yari mu gikorwa cyo gutangiza gahunda y'ibikorwa by'ingabo z'igihugu mu iterambere ry'abaturage mu Karere ka Rwamagana

Lt Gen Jacques Musemakweli ubwo muri Mutarama 2019 yahaga impanuro abasirikare bari bagiye mu butumwa bw'amahoro muri muri Sudani i Darfur

Lt Gen Jacques Musemakweli ubwo muri Kanama 2018 yasozaga amahugurwa ya gisirikare azwi nka Accord yabereye i Gako

Lt Gen Jacques Musemakweli ubwo yatahaga Umudugudu w'Icyitegererezo wa Rugeyo wubakiwe abatishoboye

Muri Mutarama 2018 nibwo Lt Gen Jacques Musemakweli yazamuwe mu ntera ahabwa ipeti rya Lieutenant General avuye kuri General Major

Mu Ukwakira 2020, ubwo Lt Gen Jacques Musemakweli yasuhuzaga Umutoza wungirije wa APR FC

Muri Werurwe 2016 ubwo Jacques Musemakweli wari ufite ipeti rya General Major yarahiriraga kuba Umugaba w’Ingabo zirwanira ku butaka

Lt Gen Jacques Musemakweli yishimana n’abakinnyi ba APR FC ubwo yegukanaga igikombe cya shampiyona mu 2018

Ubwo APR FC yari imaze kwegukana igikombe cya Shampiyona, Musemakweli yagiye mu kibuga ashimira abakinnyi barimo Kimenyi Yves wari umunyezamu icyo gihe

---

Source : http://igihe.com/amakuru/u-rwanda/article/amafoto-ya-nyakwigendera-lt-gen-jacques-musemakweli-mu-bihe-bitandukanye

Igikorwa cyo kwangiza ibi biyobyabwenge cyabereye mu Mudugudu wa Kariyeri, Akagari ka Rega mu Murenge wa Bigogwe mu Karere ka Nyabihu; byafashwe bivanywe muri Repubulika Iharanira Demokarasi ya Congo kuri uyu wa Gatanu, taliki 12 Gashyantare 2021.

Bamwe mu baturage baganiriye na IGIHE bavuga ko ibi biyobyabwenge bibangiririza urubyiruko kuko rubikoresha bikarutesha umutwe ndetse bamwe bagafungwa.

Mutuyimana Gaston yagize ati 'Ibi biyobyabwenge bitugiraho ingaruka nyinshi kuko n'ubwo bitava hano iwacu, hari ababyishoramo cyane cyane urubyiruko bakabyikorera bagafatwa bagafungwa. Abandi barabinywa bikabangiza ntibakomeze amashuri. Tuzakomeza kubirwanya kandi hamwe n'imbaraga Leta ishyiramo tuzabihashya.''

Iribagiza Mini na we yagize ati 'Iyo babitwitse tureba biduha isomo n'icyizere ko bitarakomeza ngo bikoreshwe. Ni igihombo kiba kihabaye ariko ntibihwanye n'uko rwakwangiza abana bacu.''

Umuyobozi w'Akarere ka Nyabihu, Mukandayisenga Antoinette, avuga ko abakijandika mu biyobyabwenge baba bata umwanya kuko bibahombya kandi amategeko abihanira.

Yagize ati “Abacuruza, abanywa n'abagikoresha ibiyobyabwenge bari guta umwanya ndetse banabihomberamo kuko ubwabyo amategeko arabihana, ibyafashwe biratwikwa amafaranga yabo agapfa ubusa kandi yakabafashije mu bindi. Turasaba abaturage kubigendera kure n'aho babibonye bakaduha amakuru tukabifata ntibikomeze kutwangiririza igihugu.''

Akarere ka Nyabihu gakunze kubonekamo ibiyobyabwenge byiganjemo urumogi urwinshi ruba ruturuka muri Repubulika Iharanira Demokarasi ya Congo rwambutswa rwerekeza mu mijyi minini ya Musanze na Kigali.

Ibiyobyabwenge byangijwe byiganjemo urumogi

I Nyabihu hangijwe ibiyobyabwenge birimo ibilo birenga 400 by'urumogi

---

Source : http://igihe.com/amakuru/u-rwanda/article/nyabihu-hangijwe-ibiyobyabwenge-birimo-ibilo-birenga-400-by-urumogi