Blog

Izi ngamba nshya kandi zakomoreye ibikorwa by’ishyingirwa haba imbere y’amategeko ndetse no mu nsengero ariko bigakorwa hatarenze umubare w’abantu 20 ariko ibikorwa byo kwiyakira ntibyemewe.

Ibikorwa by’izengo za Leta bizakomeza gukora ariko buri rwego rugakoresha abakozi batarenze 30% by’abakozi bose abandi bagakorera mu rugo ariko bagasimburana.

Ibikorwa by’abikorera na byo bizakomeza gukora ariko na byo ntibirenze 30% by’abakozi bose naho mu masoko n’amaduka, abacuruzi ntibarenge 50% kandi ibikorwa bigafunga saa kumi n’ebyiri z’umugoroba (18:00).

Izi ngamba nshya kandi zongereye amasaha yo kugera mu rugo kuko ubu ingendo zemewe kuva saa kumi za mu gitondo (04:00) kugeza saa mbiri z’ijoro (20:00).

Imodoka zitwara abagenzi mu buryo bwa rusange na zo zongerewe umubare w’abo zemerewe gutwara kuko ubu zizajya zitwara 75% by’umubare zagenewe gutwara.

Umubare w’abitabira ikiriyo ntugomba kurenza abantu 10 naho uw’abitabira ibyo gushyingura nturenze 20.

UKWEZI.RW

Source : http://www.ukwezi.rw/mu-rwanda/Amakuru-anyuranye/article/Guma-mu-Karere-Mujyi-yagumyeho-amashuri-n-insengero-birafungurwa-utubari-dukomeza-gufungwa

Source : https://agakiza.org/Chris-Gikundiro-yashyize-hanze-indirimbo-yise-Bucyanayandi-VIDEO.html

Perezida Kagame kuri uyu wa Gatanu,Tariki ya 19 Gashyantare 2021,yayoboye Inama y'Abaminisitiri yize ku ngingo zitandukanye zirimo koroshya ingamba zashyizweho hagamijwe gukomeza guhangana n'ikwirakwira ry'icyorezo cya COVID-19.

Iyi nama y'Abaminisitiri yateranye kuri uyu wa Gatanu yafashe imyanzuro yo gukomeza kwirinda COVID-19 irimo:

Ingendo zirabujijwe guhera saa Mbiri z'ijoro kugeza saa Kumi za mu gitondo.Ibikorwa byemerewe gukomeza gukora bizajya bifunga saa kumi n'ebyiri mu gihe ubusanzwe byari saa kumi n'imwe z'umugoroba.

Ibikorwa by'inzego za Leta byemerewe gukora ariko hagakora abakozi 30% abandi bagakorera mu rugo.Ibi bimeze kimwe n'abikorera ariko bo bemerewe gusimbura.

Abacuruza mu masoko n'amaduka bemerewe gukora ariko hazajya hasimburana umubare w'abatarenze 50% by'abacuruzi b'ingenzi bemerewe kuyacururizamo.

Amashuri yose (yaba aya Leta n'ayigenga) yemerewe gufungura

Resitora na café zemerewe kongera gukora ariko ntizirenze 30% y'ubushobozi bwazo bwo kwakira abantu.Ntizigomba kurenza saa kumi n'ebyiri ariko serivisi zo kugeza ku bantu ibyo batahana zemerewe kugeza saa mbili z'ijoro.

Ingendo zihuze uturere n'umujyi wa Kigali zakomeje cyakora imodoka zitwara abagenzi zemerewe gutwara 75% z'abo zitwara iyo zuzuye.

Insengero zahawe ibyangombwa zemerewe gukora ariko ntizirenze 30% by'abantu zakira.

Ishyingiranwa rikorewe imbere y'ubuyobozi no mu nsengero riremewe ariko rikitabirwa n'abantu batarenze 20,hakanubahirizwa amabwiriza yo kwirinda Covid-19.

Umubare w'abitabiriye ikiriyo ntugomba kurenza abantu 10.Gushyingura ntibigomba kurenza abantu 20.

Serivisi zimaze igihe zifunze nk'utubari,Gym,Betting zizakomeza gufunga gusa siporo zo hanze z'umuntu ku giti cye zidahuza abantu ziremewe.

Source : http://umuryango.rw/amakuru/mu-rwanda/politiki/article/guverinoma-yongeye-gufungura-amashuri-yari-yarafunzwe-kubera-covid-19-inongera

Kuri uyu wa Gatanu , tariki ya 19 Gashyantare 2021, Inama y'Abaminisitiri yateranye hifashishijwe ikoranabuhanga, iyobowe na Nyakubahwa Perezida wa Repubulika y'u Rwanda Paul Kagame, yafatiwemo imyanzuro ikurikira:

Source : https://impanuro.rw/2021/02/19/imyanzuro-yinama-yabaminisitiri-yo-ku-wa-19-gashyantare-2021/

Itangazo ry'ibyemezo by'inama y'Abaminisitiri yateranye kuri uyu wa 19 Gashyantare 2021 ikayoborwa na Perezida Kagame, hanzuwe ko ingendo zihuza Umujyi wa Kigali n'Intara ndetse n'Uturere zibujijwe, i saa moya yagizwe saa mbiri, mu gihe amashuri yose yemerewe kongera gutangira, insengero nazo izisanzwe zarahawe umugisha zakomorewe.

Dore uko iri tangazo riteye n'ibyemezo byose byafashwe;

Munyaneza Theogene / intyoza.com

Source : http://www.intyoza.com/guma-mu-karere-irakomeje-amashuri-yose-yakomorewe-saa-moya-ikurwaho/

Perezida Kagame yagiranye ibiganiro na Perezida wa FIFA, Gianni Infatino, uri mu Rwanda aho yafunguye ishami rya FIFA muri Africa y'i Burasirazuba rigamije guteza imbere umupira w'amaguru.

Umuyobozi wa FIFA, Gianni Infantino yhaye Umukuru w'Igihugu impano irimo umupira wo gukina n'uwo kwambara wanditseho nimero 9 isanzwe yambarwa na ba rutahizamu.

Perezida wa FIFA, Gianni Infantino na Perezida Paul Kagame bamaze guhura inshuro nyinshi mu myaka itatu ishize. Tariki ya 25 Ukwakira 2018, Ibiro bya Perezida Paul Kagame byatangaje ko Abayobozi bombi bagiranye ibiganiro mu biro bya Perezida Kagame.

Bukeye, tariki 26 Ukwakira 2018, muri Kigali Convention Center habereye inama y'Abagize Akanama ka FIFA (FIFA Council Meeting).

Tariki 25 Mutarama 2018, mu nama y'Ubukungu yitwa World Economic Forum yabereye i Davos, mu Busuwisi nabwo Perezida wa FIFA, Gianni Infantino yakiriye Perezida Kagame, ndetse icyo gihe yari kumwe na Minisitiri w'Intebe wa Canada Justin Trudeau, na Perezida wa Argentine, Mauricio Macri, bwana Infantino yagarutse ku ruhare Umupira w'amaguru ugira mu muryango mugari w'abatuye Isi.

Tariki ya 8 Kamena 2017, Perezida wa FIFA, Gianni Infantino n'Umunyamabanga Mukuru wa FIFA wungirije, Zvonimir Boban batembereje Perezida wa Repubulika y'u Rwanda, Paul Kagame ingoro ndangamurage ya FIFA (FIFA World Football Museum) iri i Zurich mu Busuwisi.

Mu nkuru yanditswe na New Times tariki 27 Gashyantare 2017, ivuga ko Perezida Paul Kagame yakiriye Perezida wa FIFA Gianni Infantino, icyo gihe baganiriye i Gabiro mu Kigo kiberamo imyitozo ya Gisirikare mu Karere ka Gatsibo.

Mu ruzinduko yakoze hashize umwaka umwe atorewe kuyobora FIFA, Gianni Infantino yaganiriye n'abantu batandukanye bafite aho bahuriye na ruhago mu Rwanda, yashimiye Perezida Kagame uruhare agira mu mupira w'amaguru by'umwihariko ku irushanwa rya Kagame CECAFA Cup atera inkunga.

Nyuma yashyize ibuye ahubakwa Hotel ya FERWAFA i Remera mu Mujyi wa Kigali.

Kuri uyu wa Gatanu ni bwo mu Rwanda hafunguwe icyaciro cya FIFA kigenewe aKarere ka Afurika y'Iburasirazuba mu muhango witabiriwe na Minisitiri w'Ububanyi n'Amahanga, Dr Vincent Biruta, Perezida wa FIFA, Gianni Infantino na Minisitiri wa Siporo, Munyangaju Aurore Mimosa.

Minisitiri Munyangaju yavuze ko muri gahunda z'ingenzi u Rwanda ruzungukira mu kugira iki cyicaro harimo iyo guteza imbere umupira w'amaguru mu mashuri no kubaka ibikorwa remezo aho bivugwa ko ku ikubitiro hagiye kubakwa 3 zirimo iy'i Rusizi,Gicumbi na Rutsiro.

Ikindi cyavuzwe nuko iki cyicaro kizafasha ibihugu bya EAC gukemura ibibazo byafataga igihe kubera koherezwa ku cyicaro gikuru i Zurich mu Busuwisi.

FERWAFA irateganya kubaka ibibuga biri hagati ya bine n'umunani by'ubwatsi bw'ubukorano (tapis synthètique) cyangwa bifite ubwatsi bugezweho mu mushinga uzatwara hafi miliyari 2 Frw.

Mu 2019, FIFA yahisemo u Rwanda nka kimwe mu bihugu bitatu bya Afurika bizatangiriramo gahunda nshya y'iri Shyirahamwe ry'Umupira w'Amaguru ku Isi, yo kugeza imikino mu mashuri abanza.

Source : http://umuryango.rw/amakuru/mu-rwanda/politiki/article/ifoto-y-umunsi-perezida-kagame-yahawe-umupira-wo-gukina-n-uwo-kwambara-na

Uyu mukino wa gatatu mu itsinda D, wabereye muri Salle Mohamed Mzali iherereye mu mujyi wa Monastir muri Tunisia, warangiye u Rwanda rubonye intsinzi ya mbere mu mikino umunani rwakinnye mu rugendo rwo gushaka itike yo kuzakina imikino ya nyuma muri iri rushanwa izabera i Kigali muri Kanama 2021.

Uyu mukino utari woroshye ku mpande zombi, wasabye ko hitabazwa agace ka gatanu kugira ngo haboneke utsinze umukino, nyuma yuko uduce tune dusanzwe turangiye anakipe anganya amanota 53.

Aya makipe byagaragaraga ko anganya imbaraga, yatangiye umukino Sudani y’Epfo yegukana agace ka mbere ku manota 19-18, mu gihe mu gace ka kabiri amakipe yombi yanganyije 10-10, u Rwanda rwatsinze agace ka gatatu ku manota 15-9, mu gihe Sudani nayo yatsinze agace ka kane ku manota 15-10. Uduce tune turangira amakipe anganya amanota 53.

Hitabajwe agace ka gatanu kugira ngo haboneke ikipe yegukanye intsinzi, maze u Rwanda rutsinda amanota 9-5, ruhita rushyiramo ikinyuranyo cy’amanota 4, rutsinda umukino ku manota 62-58.

Uyu niwo mukino wa mbere u Rwanda rutsinze mu mikino 8 rwakinnye mu rugendo rwo gushaka iyi tike, kubera ko rwatsinzwe imikino itatu yo mu ijonjora rya mbere ryabereye i Kigali mu mpera za 2020, rutsindwa indi mikino ibiri ya gicuti mu kwitegura imikino y’ijonjora rya kabiri rwakinnye na Maroc na Tunisia, ndetse rwongera gutsindwa imikino ibiri ya mbere rwakinnye yo muri iri tsinda, aho rwatsinzwe na Mali na Nigeria.

U Rwanda rwatsinze Sudani y’Epfo 62-58

Niwo mukino wa mbere u Rwanda rutsinze mu mikino umunani iheruka

U Rwanda rwatsinze hitabajwe agace ka gatanu mu mukino

Source : https://inyarwanda.com/inkuru/103231/afro-basket-2021-u-rwanda-rwatsinze-umukino-wa-mbere-mu-mikino-umunani-103231.html

Minisiteri y'Ubuzima yatangaje ko uyu munsi Tariki ya 19 Gashyantare 2021,Abantu babiri bahitanywe na COVID-19 bituma umubare w'abamaze kwicwa n'iki cyorezo ugera kuri 245 mu gihe abanduye bo biyongereyeho 94 bakagera ku 17,924. Abarembye ni 12

Abamaze gukira biyongereyeho 224 bagera ku 16,387.Abakirwaye:1,297.Hapfuye:2(Umugore w'imyaka77 i Kamonyi n'uwa 42 i Kigali).

Abaturarwanda barasabwa kutirara kuko icyorezo kigihari ndetse hashize igihe hafashwe ingamba nshya zigamije gukumira ikwirakwizwa ryacyo, harimo no kwirinda ingendo zitari ngombwa by'umwihariko mu Mujyi wa Kigali aho abaturage bongeye gusubukura bimwe mu bikorwa by'ubuzima busanzwe nyuma y'iminsi 21 ya Guma mu Rugo.

Perezida wa Repubulika y'u Rwanda Paul Kagame, yagaragaje uburyo biteye inkeke kuba Afurika ikiri ku murongo w'inyuma mu bategereje inkingo za COVID-19, aho usanga bimwe mu bihugu byo ku mugabane bitari no ku rutonde rw'ibihugu bigomba kuzibona.

Ibi Perezida Kagame yabigarutseho mu kiganiro yagiranye n'umunyamakuru Richard Quest wa Televiziyo CNN yo muri Leta Zunze Ubumwe z'Amerika (USA), aho baganiriye ku ngigo zitandukanye zagarutse no ku ngufu u Rwanda rwashyize mu guhangana n'icyo cyorezo ndetse n'ingaruka zacyo.

Perezida Kagame yagize ati: 'Tubona Ibihugu byo mu Burengerazuba bw'Isi bitanga inkingo ku bwinshi. Muri Afurika nta bwo turabikora, ntiturabona abantu benshi bakingira cyangwa hamwe na hamwe nta na bo. Ibyo bisobanuye ko turi inyuma ku murongo kandi nk'uko mbibona hari na bamwe batari kuri uwo murongo.'

Yakomeje ashimangira ko Afurika yiteguye kwakira urukingo urwo ari rwo rwose ruzaba rwemejwe n'Ishami ry'Umuryango w'Abibumbye ryita ku Buzima (OMS), ati: ' Ubu turi ku murongo turategereje kandi tuzafata inkingo zose zizaza bakatwizeza ko zikora neza. zaba Pfizer cyangwa Moderna n'izindi, turifuza kubona zimwe muri izo mu gihe cyihuse bishoboka.'

Umunyamakuru R. Quest yagarutse ku buryo Afurika ishobora kwisanga mu cyiciro cy'abatifite mu masiganwa y'Isi mu by'ubukungu, bikazatuma Afurika isigara inyuma mu rugamba rwo kurandura COVID-19 burundu.

Perezida Kagame yamwunganiye avuga ko icyo kibazo atari ubwa mbere kizaba kibaye kuri Afurika kuko no mu mateka y'Isi usanga ibihugu byo mu burengerazuba bw'Isi bifata Afurika nk'igice cyihariye, bikaba ari na byo bidindiza uwo mugabane mu iterambere.

Yagize ati: 'Afurika isigara inyuma mu iterambere ry'Isi bitewe gusa n'uko igaragara ugasanga muri icyo gice cy'Isi dutuyemo, kigifite abakene benshi, kidafatwa nka kimwe mu bigize ubukungu bw'Isi kigira n'uruhare mu buryo bwakabaye bwubatse.'

Ibyo binatuma yibagirana cyangwa ikirengagizwa mu ruhando mpuzamahanga ntihabwe agaciro mu bufatanye mpuzamahanga, haba mu bukungu n'ibindi ku buryo ubonamo ikibazo cy'ubusumbane n'ibindi. '[…] Afurika rero ifite icyo kibazo kandi tugomba gushaka uko gikemuka ibintu bikarushaho kuba byiza.'

Perezida Kagame yanagaragaje ko kuba kugeza ubu ibihugu byinshi by'Afurika bitarimo gukingira bishimangira ubusumbane hagati y'ibihugu bikize n'ibikiri mu nzira y'amajyambere.

Kugeza ubu ibihugu bike ku Mugabane w'Afurika ni byo byatangiye ibikorwa byo gukingira COVID-19, icyakora na byo umubare w'inkingo bimaze kubona ngo uracyari muto cyane ugereranyije n'umubare w'ababituye bagomba gukingirwa.

Kuzahura ubukungu bwazahajwe na COVID-19 mu Rwanda

Perezida Kagame yatangaje ko u Rwanda rukomeje gushaka uburyo bwo kuzahura ubukungu bwarwo nyuma yo gushegeshwa n'icyorezo cya COVID-19 n'ubu rugihanganye na cyo.

Mu kiganiro n'umunyamakuru, Perezida Kagame yavuze ko nubwo u Rwanda rwahungabanyijwe bikomeye n'icyorezo cya COVID-19 ruticaye ubusa kuko hari ibisubizo rwatangiye gushaka.

Yagize ati: 'Twamaze kugirwaho ingaruka, turabibona tuvuye muri Guma mu Rugo , kandi ibikorwa by'ubucuruzi turabibona bisubira inyuma. Urabibona iterambere ry'ubukungu twari tumenyereye mu gihugu ryasubiye inyuma, muri 2019 ubukungu bwacu bwateye imbere ku kigero cya 9.2% kandi twateganyaga ko buzazamuka kurushaho muri 2020 tugakomerezaho no muri 2021, ariko ibyo byose byasubiye inyuma bigera muri 0 cyangwa 2%.

Mu by'ukuri rero twatangiye guhura n'ingaruka zabyo, turimo guhangana na byo tugerageza gukora ibishoboka hano no gufatanya n'amahanga. Hari ubushobozi bwatangiye kuboneka ngo tuzibe icyuho gihari ariko nubwo ari urugamba rutoroshye nta yandi mahitamo tugomba kubyitegura.'

Inzego z'ubuzima zivuga ko kugira ngo abatuye Isi basubire mu buzima busanzwe ndetse ibikorwa by'ubukungu byongere gukora nkuko byari bisanzwe mbere y'iki cyorezo, bisaba gukingira umubare munini w'abaturage ndetse u Rwanda rukaba ku ikubitiro ruri mu bihugu 5 bya mbere muri Afurika byatangiye gutanga inkingo ku baturage babyo.

Source : http://umuryango.rw/amakuru/mu-rwanda/ubuzima/article/abantu-2-bahitanywe-na-covid-19-mu-rwanda-abandi-94-barayandura

Gusa kuba uyu mugore yari arwaye cancer ntibyabujije uyu mugabo gukomeza kumukunda ndetse akamukomeza, kugeza naho amusabye ko bazabana. aba bahuriye mu birori byo kubyina mu mwaka wa 2015 bari biteguye kubana ubuziraherezo ndetse bakazakora umuryango mwiza kugeza mukwa 12, 2016 ubwo bombi bamenyaga ko uwo mugore heather arwaye kanseri y'ibere.

Ibyo byose ntibyabujije David gukomeza gukunda heather kugeza naho amwambitse impeta y'urukundo, icyakora ibyishimo byaje kuzamo kidobya ubwo umuganga wavuraga Heather yavuzeko kanseri imugeze kure kuko yemeje ko uburozi bwiyo kanseri bwari bugeze mu bwonko, bityo ko atashoboraga kuzayirokoka.

Nyuma yo kumenya aya makuru aba bahisemo gushyiranwa umugore ari mu bitaro ndetse nyuma y'amasaha macye ubuzima bwe buhita bumererwa nabi araremba cyane, ntibyarangiriye aho kuko uwo mugore yaje no gupfa mu masaha yakurikiye.

Ajya gupfa yabwiye David ati: 'mu buzima bwawe uzahore urwana urugamba' mu by'ukuri abumvise inkuru y'urukundo rw'aba babiri bashimiye David ku kuba byibuze yarasezeye ku mukunzi we neza ndetse akamuha n'imperekeza y'urukundo rutavangiye.

Source : http://umuryango.rw/amakuru/mu-mahanga/article/umugore-wakoze-ubukwe-habura-amasaha-18-agapfa-yateye-benshi-agahinda-amafoto