Webrwanda Backend

Blog

  • Minisante yavuze ku mpungenge zagaragajwe ku rukingo rwa Covid-19 rwa AstraZeneca – #rwanda #RwOT

    Urukingo rwashyizwe mu majwi yo kuba ruri guteza ibibazo ni urwa AstraZeneca, ruri no mu nkingo ziri gutangwa mu Rwanda.

    Impungenge ku ngaruka z'uru rukingo zumvikanye cyane biturutse no mu bihugu byo hanze, nyuma y'uko muri Australie ku Mugabane w'u Burayi, hagaragaye umuntu witabye Imana amaze iminsi 10 afashe urwo rukingo.

    Isuzuma ryerekanye ko uwo muntu yishwe n'uko amaraso atatemberaga neza mu mubiri akipfunyika mu gice kimwe. Byatumye ibindi bihugu 13 birimo u Butaliyani na Denmark byari byarafashe urukingo rwapakiriwe hamwe n'urwahawe Australie, bitangira gukora iperereza, ndetse biza gutangaza ko bibaye bihagaritse itangwa ry'urukingo rwa AstraZeneca mu gihe cy'iminsi 14.

    Mu isesengura ryakozwe, ndetse n'abashakashatsi b'u Rwanda bagizemo uruhare, byaje gutangazwa ko mu by'ukuri urukingo rwa AstraZeneca atari rwo ntandaro kuri icyo kibazo kuko n'ubwo abantu 30 bamaze kugaragarwaho ibibazo bijya gusa nk'iby'umuntu wapfuye muri Australie, hari abandi benshi bisanzwe bizwi ko bafite ibibazo by'imitsi no gutembera kw'amaraso ariko batagizweho ingaruka n'uru rukingo.

    Mu kiganiro na RBA, Umuyobozi w'Ikigo cy'Igihugu cy'Ubuzima, RBC, Dr. Sabin Nsanzimana, yavuze ko bitewe n'imikorere y'urukingo, umuntu ashobora kumva atameze neza, ariko ko ibyo ntacyo bitwaye muri rusange.

    Ati 'Mu by'ukuri inkingo ntabwo ari ubwa mbere tuzibonye, zisanzweho kandi ntibitangaje ko umuntu ashobora kubabara aho bateye urukingo kuko nyine ni urushinge. Ubundi akamaro k'urukingo ni ugukangura umubiri kugira ngo wirwaneho ukore abasirikare b'umubiri. Uko gukora abasirikare b'umubiri bishobora kuzana ubushyuhe, bigatera umuriro uringaniye no kubabara […] Ibyo ni ibimenyetso by'uko urukingo ruba ruri gukora'.

    Yavuze ko ibyo bimenyetso biri no kugaragara ku bantu bakingirwa mu Rwanda, ariko ko atari ibintu byatuma umuntu ahangayika.

    Yakomeje avuga ko abantu bagaragaweho n'ibibazo 'byatumye baremba, ari babiri gusa, kandi nabo bari basanzwe bafite izindi ndwara ugasanga ako kariro kaziyemo, ariko mu by'ukuri uru rukingo rukora neza'.

    Ku bagore batwite, Nsanzimana yavuze ko ubushakashatsi buri gutangira kuri iki cyiciro cy'abantu, ariko ko 'nta kigaragaza ko urwo rukingo rushobora kugira ingaruka kuri abo bantu…n'uwaba yararubonye atwite cyangwa yonsa, ntakwiye guhangayika'.

    Uyu muyobozi kandi yagaragaje ko inkingo u Rwanda rwahawe, zidafite nimero imwe n'izirimo gukorwaho iperereza mu Burayi nubwo zose zikaba zarakorwa n'uruganda rwa AstraZenica.

    Mu Rwanda hamaze gutangwa inkingo 249 074.

    Umuyobozi wa RBC, Sabin Nsanzimana, yavuze ko urukingo rwa AstraZenica ruri gutangwa mu Rwanda nta kibazo rufite

    Source : http://igihe.com/amakuru/u-rwanda/article/rbc-yongeye-kwizeza-ko-urukingo-ruri-gutangwa-mu-rwanda-nta-ngaruka-rugira-ku

  • Miss Rwanda yahawe inkwenene nyuma yo gutangaza ko abari mu Rwanda batazerebera iki gikorwa kuri YouTube #rwanda #RwOT

    Nyuma y’uko abategura irushanwa rya Miss Rwanda batangaje ko abari mu Rwanda batazakurikirana iki gikorwa kuri YouTube Channel ya Miss Rwanda ahubwo bazakirebera kuri televiziyo gusa, benshi banenze iki gitekerezo ndetse bamwe banavuga ko ntacyo byari bimaze.

    Ku munsi w’ejo hashize ku wa Gatanu tariki ya 12 Werurwe 2021, Ishimwe Dieudonne akaba umuyobozi wa Rwanda Inspiration Backup itegura irushanwa rya Miss Rwanda, yabwiye ISIMBI ko abazakurikirana iki gikorwa kuri YouTube ari ababa hanze y’u Rwanda gusa kuko sisiteme izakoreshwa mu Rwanda batayifiteho uburenganzira.

    Hazakoreshwa sisiteme ya Membership aho bisaba umuntu kureba ayo mashusho agomba kuba ari umunyamuryango ndetse akaba azishyura amadorali 3, mu Rwanda rero iyi sisiteme ntiratangira gukora ku buryo abari mu Rwanda bayireberaho.

    Yagize ati' Uburyo buzakoreshwa ntabwo abari mu Rwanda byakunda, sisiteme izakoreshwa mu Rwanda ntituragira uburenganzira bwo kuba twayioresha, hazifashishwa sisiteme membership kandi mu Rwanda ntikora, mu magambo make rero abari mu Rwanda uburyo bushoboka ni KC2, YouTube ntibizakunda.'

    Tariki ya 20 Werurwe 2021 nibwo hazaba umuhango wa nyuma wo kwambika ikamba Nyampinga w’u Rwanda 2021, akaba azava mu bakobwa 20 bari mu miherero bahataniye iri kamba, uyu muhango uzabera muri Intare Conference Arena.

    Benshi mu batanze ibitekerezo cyane ku nkuru ISIMBI yari yasangije abasomyi kuri Facebook, banenze iki gikorwa cyakozwe na Miss Rwanda.

    Nk’uko bigaragra mu butumwa bumwe bwatanzwe tugiye kubereka, abantu bagiye bavuga ko n’ubundi iri rushanwa ntacyo ryari rimaze kwanga kuryereka abanyarwanda kuri YouTube ntacyo bitwaye kuko ntacyo byendaga kubamarira cyane ko abanyarwanda bafite ibibazo byinshi birenze ibyo.

    Uwitwa Nsengiyumva Theogene yagize ati'Miss rwanda se ni akawunga ni ibiki koko ubwibone gusa!!!?'

    Ndangamiyumukiza Rwubaha Emmanuel Félicien 'Baca umugani mu kinyarwanda ngo AGAHINDA GAKE NI UGUPFUSHA UMUCYURA. Bazabyihorere bampime. Dore ibitancira umwenda ni biriya'

    Bizimana Damien 'Igishya twakuragamo kizarorere… Bibaye byiza byaba mu muhezo'

    Maz Africa Shakur 'Hahaha 3$, muri kuzivuga nka 3 bigori ku bintu bidafite nicyo bimariye n’ababirimo'

    Jojo Munezero 'Ubwo hari icyo muhisha nyine, muri busness habamo amanyanga menshi rero inyungu ni izanyu si iza banyarwanda niyo mpanvu mwunva ko bitabareba.'

    Becky Mukandayishimiye 'Ubundi se Miss Rwanda imaze iki, ko mbona nta n’icyo bitumariye, yakabaye ivaho Burundu'

    Jean Pierre Hakizimana 'Na TVR se ntibizacaho? Cyangwa mwibwira ko mumutwereka bikatwungukira? Shyuhuhuuuuuu mugumane ingagi zanyu shyi! Ahubwo ntimuzanamuvuge dushakishe amazina hose'

    Miss Rwanda abari mu Rwanda ntibazayireba kuri YouTube

    Source : http://isimbi.rw/imyidagaduro/article/miss-rwanda-yahawe-inkwenene-nyuma-yo-gutangaza-ko-abari-mu-rwanda-batazerebera-iki-gikorwa-kuri-youtube

  • Rulindo: Miliyari 1,1 Frw amaze gushorwa mu bikorwa by'ubworozi bw'amafi no kuhira imyaka – #rwanda #RwOT

    FAO ishami ry'u Rwanda yatangiye gukorera mu Karere ka Rulindo mu 2015, ikorana n'abahinzi bo mu Murenge wa Ngoma Akagari ka Mugoti, bakorera mu gishanga cya Yanze mu buhinzi bw'imboga z'ubwoko butandukanye.

    Iri shami ryatangiye ritera inkunga abahinzi b'imboga mu buryo bunyuranye, ariko biza kugera aho ribubakira ibyuzi bifata amazi yo kuhira, nka kimwe mu bibazo by'ingutu bari bafite.

    Nyuma baje no gutekereza umushinga wo gukora ubuhinzi bukomatanyije, batangiza ubworozi bw'amafi muri bya byuzi bifata amazi.

    Ubu buhinzi bukomatanyije bwashyizwe mu bikorwa binyuze mu mushinga wo kwita ku mikoreshereze y'amazi muri Rulindo, umushinga uzwi nka 'Knowing water better' uterwa inkunga n'u Budage.

    Kuri uyu Gatanu tariki ya 12 Werurwe uyu mwaka, ni bwo aba bahinzi basaruye umusaruro wabo wa mbere w'amafi, kuva batangira kuyorora.

    Abaturage bakorera muri iki gishanga ni 125, bibumbiye muri koperative yitwa 'Horticulture Production Cooperative' (YAHOPROCO).

    Aba bahinzi bavuga ko ibikorwa by'uyu mushinga byabahinduriye ubuzima. Harorimana Jean Marie Vianney yavuze ko ubu bworozi bw'amafi no kuhira imyaka byabafashije kwiteza imbere nka koperative.

    Ati 'Aya mafi azadufasha mu kurwanya imirire mibi y'abana kandi natwe bakuru tutiretse. Bizatugirira inyungu nyinshi kuko tugiye kujya tuyasarura tugurishe ku bayifuza hanyuma amafaranga ajye muri koperative kandi n'abana bacu baryeho.'

    Mutimanama Olive, umwe mu bagenerwabikorwa b'umushinga, yagize ati 'Urebye ubu buryo ntabwo twari tubumenyereye. Nta waryaga amafi yaguze. Twari dufite ibibazo by'imirire mibi, ntabwo twabonaga uko warya ifi nk'iyi, ntitwanatekerezaga ko byashoboka kororeramo ndetse tunabona uko dukomeza kuhira. Ubu turagurisha amafaranga yinjire abandi dushyire n'abana baryeho bumve icyanga cy'ifi nk'izi ziboneka hacye.'
    Ikiro kimwe cy'amafi kigurishwa 2 500 Frw, aba bahinzi bifuza kwizigamira nibura miliyoni 5 Frw, kugira ngo bazabashe kugura imodoka izajya ibafasha mu kugemura umusaruro wabo hirya no hino mu Rwanda.

    Mu gihe byari bimenyerewe ko amazi yo mu byuzi akoreshwa mu kuhira gusa, Umuyobozi Wungirije muri FAO Ishami ry'u Rwanda, Otto Muhinda, yavuze ko iyo ayo mazi akoreshejwe ibindi bikorwa, bigira akamaro mu kwinjiriza amafaranga abaturuge.

    Ati 'N'ubwo bari bafite imboga ariko twatekereje ko twabigisha n'uko babasha korora amafi, twishimiye ko kandi bigeze kuri uyu munsi wo gusarura kandi biri kugenda neza. Twashakaga kwigisha abahinzi uburyo bakora ibintu byose bihuriza hamwe. Twahereye hano kugira ngo tugaragaze ko bishoboka n'abandi babikora kandi twizeye ko umushinga uzagenda utera imbere.'

    Abahinzi bahawe amahugurwa mu bumenyi bwo korora amafi mu byuzi, amahugurwa yatanzwe n'Ikigo Gishinzwe iterambere ry'Ubuhinzi n'Ubworozi mu Rwanda (RAB). Bemeza ko bazakomeza kubona umusaruro mwiza w'amafi mu gihe uwo mushinga wa FAO uzaba urangiye.

    Abaturage basigaye bakoresha imashini zikoreshwa n’imirasire y’izuba mu kuhira imyaka yabo

    Harorimana Jean Marie Vienney yavuze ko ubuzima bwabo bwahindutse

    Ibyuzi bifata amazi yo kuhira imyaka byanakoreshejwe mu korora amafi kandi biri gutanga umusaruro

    Imashini ikoreshwa n’imirasire y’izuba ifite ubushobozi bwo kuhira ku ntera ya metero 200

    Mutimanama Olive yavuze ko amafi agiye kubafasha kurwanya imirire mibi

    , Umuyobozi Wungirije muri FAO Ishami ry'u Rwanda, Otto Muhinda, yavuze ko bifuza ko uyu mushinga wakomeza

    Uyu mushinga ufasha abaturage kubona amazi yo kuhira ibihingwa byabo

    Amafi yarobwe mu cyuzi kimwe zatanze icyizere ko no mu bindi harimo menshi

    Ubwo basaruraga amafi ku nshuro yabo ya mbere

    Source : http://igihe.com/amakuru/u-rwanda/article/rulindo-miliyoni-1-2-amaze-gushorwa-mu-bikorwa-by-ubworozi-bw-amafi-no-kuhira

  • Hahamagawe abakinnyi 12 b'ikipe y'igihugu y'abagore ikina umukino wa sitting volley yitegura Paralempike ya 2020 izabera i Tokyo mu mpeshyi ya 2021 #rwanda #RwOT

    Nyuma yaho ishyirahamwe Nyarwanda ry'imikino y'abafite ubumuga (NPC) ryemeje Nsengiyumva Jean Marie Vianney nk'umutoza mukuru w'Ikipe y'Igihugu y'Abagore ya Sitting Volleyball izitabira Imikino Paralempike ya 2020 izabera i Tokyo mu mpeshyi ya 2021, uyu mutoza yamaze guhamagara abakinnyi bagomba kwitabira iyo mikino.

    Iri rushanwa rikomeye ryo ku rwego rw'isi riteganijwe kuva ku itariki ya 24 Kanama kugeza 5 Nzeri i Tokiyo n'Ubuyapani, ni muri urwo rwego umutoza mukuru w'ikipe y'igihugu y'abagore ya sitting volley ball yashyizeho abakinnyi 12 bagomba gutangira imyiteguro hakiri kare.

    Abakinnyi 12 bahamagawe ni: Claudine Bazubagira, Carine Kwizera, Liliane Mukobwankawe, Alice Musabyemariya, Sandrine Nyirambarushimana, Solange Nyiraneza, Agnès Nyiranshimiyimana, Claudine Murebwayire, Clementine Umutoni, Hosiana Mulisa, Chantal Mutuyimana ndetse na Louise Mugirwanake.

    Umutoza mukuru Nsengiyumva Jean Marie Vianney ni umwe mu batoza bamenyerewe mu mikino y'abafite ubumuga dore ko yatozaga ku rwego rw'igihugu kuva muri 2010, uyu mugabo kandi agiye gutangirana imyitozo n'iyi kipe y'igihugu yari asanzwe yungirije Dr Mossad Rashad wari umutoza mukuru w'ikipe y'u Rwanda batandukanye mu kwezi gushize.

    Muri uku kwitegura iyi mikino, Jean Marie Vianney azafatanya na Gakwaya Eric wagizwe umutoza wungirije, ni mu gihe Mukeshimana Joy Happiness yagizwe ushinzwe ubuzima bwa buri munsi bw'ikipe y'igihugu (Team Manager).
    Uretse ikipe y'igihugu ya Sitting Volleyball izitabira iyi mikino, abandi bazitabira iyi mikino ni Hermas Muvunyi usiganwa ku maguru ndetse na Uwitije Claudine urushanwa mu gutera intosho.

    The post Hahamagawe abakinnyi 12 b'ikipe y'igihugu y'abagore ikina umukino wa sitting volley yitegura Paralempike ya 2020 izabera i Tokyo mu mpeshyi ya 2021 appeared first on RUSHYASHYA.

    Source : https://rushyashya.net/hahamagawe-abakinnyi-12-bikipe-yigihugu-yabagore-ikina-umukino-wa-sitting-volley-yitegura-paralempike-ya-2020-izabera-i-tokyo-mu-mpeshyi-ya-2021/

  • Rulindo: Miliyari 1,1 Frw amaze gushorwa mu bikorwa by’ubworozi bw’amafi no kuhira imyaka –

    FAO ishami ry’u Rwanda yatangiye gukorera mu Karere ka Rulindo mu 2015, ikorana n’abahinzi bo mu Murenge wa Ngoma Akagari ka Mugoti, bakorera mu gishanga cya Yanze mu buhinzi bw’imboga z’ubwoko butandukanye.

    Iri shami ryatangiye ritera inkunga abahinzi b’imboga mu buryo bunyuranye, ariko biza kugera aho ribubakira ibyuzi bifata amazi yo kuhira, nka kimwe mu bibazo by’ingutu bari bafite.

    Nyuma baje no gutekereza umushinga wo gukora ubuhinzi bukomatanyije, batangiza ubworozi bw’amafi muri bya byuzi bifata amazi.

    Ubu buhinzi bukomatanyije bwashyizwe mu bikorwa binyuze mu mushinga wo kwita ku mikoreshereze y’amazi muri Rulindo, umushinga uzwi nka ‘Knowing water better’ uterwa inkunga n’u Budage.

    Kuri uyu Gatanu tariki ya 12 Werurwe uyu mwaka, ni bwo aba bahinzi basaruye umusaruro wabo wa mbere w’amafi, kuva batangira kuyorora.

    Abaturage bakorera muri iki gishanga ni 125, bibumbiye muri koperative yitwa ‘Horticulture Production Cooperative’ (YAHOPROCO).

    Aba bahinzi bavuga ko ibikorwa by’uyu mushinga byabahinduriye ubuzima. Harorimana Jean Marie Vianney yavuze ko ubu bworozi bw’amafi no kuhira imyaka byabafashije kwiteza imbere nka koperative.

    Ati “Aya mafi azadufasha mu kurwanya imirire mibi y’abana kandi natwe bakuru tutiretse. Bizatugirira inyungu nyinshi kuko tugiye kujya tuyasarura tugurishe ku bayifuza hanyuma amafaranga ajye muri koperative kandi n’abana bacu baryeho.”

    Mutimanama Olive, umwe mu bagenerwabikorwa b’umushinga, yagize ati “Urebye ubu buryo ntabwo twari tubumenyereye. Nta waryaga amafi yaguze. Twari dufite ibibazo by’imirire mibi, ntabwo twabonaga uko warya ifi nk’iyi, ntitwanatekerezaga ko byashoboka kororeramo ndetse tunabona uko dukomeza kuhira. Ubu turagurisha amafaranga yinjire abandi dushyire n’abana baryeho bumve icyanga cy’ifi nk’izi ziboneka hacye.”

    Ikiro kimwe cy’amafi kigurishwa 2 500 Frw, aba bahinzi bifuza kwizigamira nibura miliyoni 5 Frw, kugira ngo bazabashe kugura imodoka izajya ibafasha mu kugemura umusaruro wabo hirya no hino mu Rwanda.

    Mu gihe byari bimenyerewe ko amazi yo mu byuzi akoreshwa mu kuhira gusa, Umuyobozi Wungirije muri FAO Ishami ry’u Rwanda, Otto Muhinda, yavuze ko iyo ayo mazi akoreshejwe ibindi bikorwa, bigira akamaro mu kwinjiriza amafaranga abaturuge.

    Ati “N’ubwo bari bafite imboga ariko twatekereje ko twabigisha n’uko babasha korora amafi, twishimiye ko kandi bigeze kuri uyu munsi wo gusarura kandi biri kugenda neza. Twashakaga kwigisha abahinzi uburyo bakora ibintu byose bihuriza hamwe. Twahereye hano kugira ngo tugaragaze ko bishoboka n’abandi babikora kandi twizeye ko umushinga uzagenda utera imbere.”

    Abahinzi bahawe amahugurwa mu bumenyi bwo korora amafi mu byuzi, amahugurwa yatanzwe n’Ikigo Gishinzwe iterambere ry’Ubuhinzi n’Ubworozi mu Rwanda (RAB). Bemeza ko bazakomeza kubona umusaruro mwiza w’amafi mu gihe uwo mushinga wa FAO uzaba urangiye.

    Abaturage basigaye bakoresha imashini zikoreshwa n’imirasire y’izuba mu kuhira imyaka yabo

    Harorimana Jean Marie Vienney yavuze ko ubuzima bwabo bwahindutse

    Ibyuzi bifata amazi yo kuhira imyaka byanakoreshejwe mu korora amafi kandi biri gutanga umusaruro

    Imashini ikoreshwa n’imirasire y’izuba ifite ubushobozi bwo kuhira ku ntera ya metero 200

    Mutimanama Olive yavuze ko amafi agiye kubafasha kurwanya imirire mibi

    , Umuyobozi Wungirije muri FAO Ishami ry’u Rwanda, Otto Muhinda, yavuze ko bifuza ko uyu mushinga wakomeza

    Uyu mushinga ufasha abaturage kubona amazi yo kuhira ibihingwa byabo

    Amafi yarobwe mu cyuzi kimwe zatanze icyizere ko no mu bindi harimo menshi

    Ubwo basaruraga amafi ku nshuro yabo ya mbere

  • Burera: Hamaze kubakwa amavuriro y'ibanze 57 yatwaye arenga miliyari y'amafaranga y'u Rwanda – #rwanda #RwOT

    Ikibazo cy'abaturage bo muri Burera bajyaga kwivuriza muri Uganda cyafashweho umwanzuro mu mwiherero w'abayobozi bakuru b'igihugu mu 2020, abo baturage begerezwa ibikorwaremezo birimo amavuriro, dore ko abenshi bari basigaye bahohoterwa muri Uganda bagiye gushakayo serivisi z'ubuzima.

    Kuri ubu, barishimira ko iki kibazo cyakemutse kuko bamaze kubakirwa amavuriro y'ibanze 57 yatwaye amafaranga arenga miliyari 1,29 Frw kandi ayo mavuriro yatangiye gutanga serivisi.

    Abaganiriye na IGIHE, ni abo mu mirenge itandukanye yo muri aka Karere ka Burera, bishimira aya mavuriro bakemeza ko ubu nta kintu cyatuma basubira muri Uganda kuko ibyo bajyaga gushakayo basigaye babibonera hafi, kandi ko batazongera guhohoterwa n'abaturanyi babo.

    Banyangandora Desire ni umwe muri bo wo mu Murenge wa Cyanika, yagize ati”Mbere kujya kwivuza byaratugoraga tugahitamo kwigira hano hirya muri Uganda, kuri ubu tujya hano Kamanyana bakatuvura haba n'abarwaye amaso baravurwa bagakira”

    Niyonizeye Samuel nawe yagize ati “Kuva mu bwana bwacu, kwivuza byaratugoraga ku buryo twivuzaga muri Uganda cyangwa mu bavuzi ba gakondo, ubu abagabo basigaye basiramurirwa hano iwacu kuri iyi Poste de sante ya Gatebe, yewe uwajya muri Uganda ubu yaba yifitiye izindi mpamvu kuko icy'ubuvuzi cyo cyarakemutse”.

    Umuyobozi w'Akarere ka Burera, Uwanyirigira Marie Chantal, yemeza ko ikibazo cy'abaturage bajyaga kwivuza muri Uganda cyakemutse burundu kuko ubu serivisi nyinshi zikenerwa n'abaturage zisigaye zitangirwa hafi kandi ko nizitahaboneka, bagenda bazegerezwa hifashishijwe uburyo bw'uko abaganga bava ku bitaro bakegera abaturage mu mavuriro y'ibanze, bagahabwa serivisi.

    Yagize ati “Turashimira Leta y'u Rwanda kuri gahunda n'ubufasha itugenera binyuze muri Minisiteri y'Ubuzima by'umwihariko Nyakubahwa Perezida wa Repubulika uhora azirikana abaturage. Kuri ubu ikibazo cyarakemutse burundu kuko wasanga abakundaga kujya kwivuriza muri Uganda barajyanwaga na serivisi z'amaso, iz'amenyo no kwisiramuza ku bagabo. Kuri ubu ibyo byose hano mu mavuriro y'ibanze birakorwa ndetse n'aho izi serivisi zitaragera dufatanya n'abaganga bakagena iminsi bazaza gukorera muri aya mavuriro y'ibanze bakahahurira n'abaturage bazikeneye bakabafasha.'

    Aya mavuriro y'ibanze yubatswe ku bufatanye n'Akarere ka Burera, Minisiteri y'ubuzima, SFH Rwanda, Partners in Health n'abandi bafatanyabikorwa bafite aho bahurira n'ubuzima.

    Aya mavuriro yahawe ibikoresho bihagije

    Ni amavuriro atanga serivisi zakenerwaga n’abaturage cyane

    Abaturage ntibazakomeza gukora ingendo nini bajya kwivuriza muri Uganda

    Source : http://igihe.com/amakuru/u-rwanda/article/burera-hamaze-kubakwa-amavuriro-y-ibanze-57-yatwaye-arenga-miliyari

  • Ntibisanzwe: Umwarimu n'umukobwa yigishaga baguwe gitumo bari gusambana mu buriri bw'ababyeyi b'umukobwa #rwanda #RwOT

    Ahitwa Kondele mu Ntara ya Kisumu muri Kenya hafatiwe umwarimu wari aryamanye n'umukobwa yigishaga, bombi bari mu buriri bw'ababyeyi b'uwo mukobwa.

    Nyina w'uriya mukobwa yagaragaye mu burakari n'umujinya byinshi yabaye nk'umusazi, agenda avuga ko uwo mwarimu n'umukobwa we bamukururiye umuvumo mu buriri.

    Uwo mukobwa yavuye ku ishuri agiye gukina mu mikino yahuzaga amashuri mu majyepfo ya Kenya, ahitwa Nyanza ku ishuri rya Maseno.

    Uyu mwarimu utari woherejwe n'ishuri guherekeza abanyeshuri no gukurikirana imikino yabo, yagaragaye ahaberaga imikino, abandi bakeka ko ari ugukunda kureba imikino no kwita ku bana b'ishuri rye.

    Imikino irangiye, abanyeshuri bahawe uruhushya rwo kujya gutembera no kuramutsa ababyeyi, bakazagaruka ku ishuri nyuma ya week end. Wa mwarimu yajyanye n'umunyeshuri, bivugwa ko yaje kugera iwabo atinze cyane mu ijoro.

    Bukeye bwaho, ababyeyi be bazindutse bajya mu mirimo yabo isanzwe, basiga umunyeshuri mu rugo, ababwira ko akiruhuka. Abaturanyi bavuga ko mu masaha make baje kubona muri rwa rugo hinjiye umugabo, umukobwa akamwakira neza, ndetse bakanahumurirwa n'amafunguro atetse neza.

    Umwe mu baturanyi yahamagaye nyina w'umwana kuri telefoni, amubaza niba hari umushyitsi w'umugabo azi wagombaga kubagenderera, umugore abyumvise yihutira kugaruka mu rugo, aho yasanze umwana na mwarimu we baryamanye mu buriri bwe.

    Ibyakurikiyeho byajyanywe muri polisi ya Kenya, hagati aho ariko ngo uwo mwarimu yahagaritswe mu kazi ko kurera mu gihe hagitegerejwe urubanza abanyamategeko bazacira uwo mwarimu; nk'uko bitangazwa na The Standard Media dukesha iyi nkuru.

    Source : https://impanuro.rw/2021/03/13/ntibisanzwe-umwarimu-numukobwa-yigishaga-baguwe-gitumo-bari-gusambana-mu-buriri-bwababyeyi-bumukobwa/

  • Ubuhamya bwa Naila Clarisse, wavuze ku bihe bikomeye yanyuzemo muri Jenoside yakorewe Abatutsi ku Cyivugiza –

    Naila Clarisse yavukire i Gahini muri Kibungo (ubu ni mu Karere ka Ngoma) ariko akurira mu kagari ka Cyivugiza kari mu Murenge wa Nyamirambo mu Mujyi wa Kigali, ari naho Jenoside yakorewe Abatutsi mu 1994 yasanze atuye, afite imyaka 13.

    Naila Clarisse yaje kurokoka Jenoside yakorewe Abatutsi, ndetse aza kujya gutura i Fribourg mu Busuwisi, ariko nyuma aza kuhimuka ajya gutura mu Bubiligi. Ubu ni umubyeyi w’umwana w’umukobwa w’imyaka 12.

    Mu kiganiro cyihariye na IGIHE, Clarisse yagarutse ku buhamya bwe mu gihe cya Jenoside yakorewe Abatutsi mu 1994, ndetse atubwira ko ari ubwa mbere agarutse ku bihe bikomeye yanyuzemo.

    Yagize ati ’’Ni ubwa mbere mu myaka 27 mvuga amateka nabayemo muri Jenoside yakorewe Abatutsi mu 1994, nari muto ariko nyibuka nk’aho ari ejo hashize’’.

    Nk’abandi bana bose, Clarisse yavuze ko mu gihe cya Jenoside, yari umwana wibereyeho mu mahoro, ariko ubuzima bukaza guhinduka mu kanya gato.

    Ati “Ndibuka ko nari umwana witambagirira uko ashatse mu ngo z’abaturanyi, nikinira n’abandi bana. Mu by’ukuri nta kibazo nari mfite kuri iyo myaka, [icyakora] nakumburaga mama wanjye Mukangarambe Spéciose wari waragiye kwiga mu Busuwisi mu 1980. Papa wanjye Salm Ahmad Murekezi, we yari yaritabye Imana nkiri muto cyane sinamumenye.’’

    Akomeza asobanura ati “Navukiye mu muryango aho ababyeyi banjye bombi batubyaye turi abana babiri, njye na musaza wanjye Steve Murekezi, ariko dukurira kwa sogokuru na nyogokuru, ariko umuryango wose twari abantu 19. Kwa mama bavutse ari abana 10 bafite abuzukuru barindwi, wakongeraho sogokuru na nyogokuru tukaba twese abantu 19. Jenoside itangira aho mu rugo twari abantu 11, abandi umunani ntabwo bari bahari, bari hirya no hino. Muri abo 11, ni njye gusa wasigaye mu rugo Cyivugiza.’’

    Jenoside yatwaye benshi mu bari bagize umuryango wa Clarisse. Yagize ati ‘’Narokokanye na mama wari mu Busuwisi, na musaza wanjye wari wihishe ahandi, ndokokana kandi na mubyara wanjye witwa Stella kuko nawe yari ahandi, ngabo abasigaye kuri iyi Isi mu bantu 19.’’

    Clarisse kandi yasobanuye uburyo rimwe bigeze guterwa n’abasirikari bakarasa umwana w’umuhungu wari umuri imbere mu kanwa akamugwaho, bagakomeza kwica abo bari kumwe bakamugwa hejuru akisanga mu ntumbi, amaraso akamwuzuraho kugera ku bibero kuko aho bari babarasiye hari mu kumba kabikwagamo ibintu gaherereye munsi y’inzu, kwinjiramo bikaba byarasabaga kumanuka ingazi, ibyatumye yicara mu maraso y’abiciwemo.

    Clarisse kandi avuga ukuntu yabonye amabi akomeye arimo uburyo ba nyirasenge bambitswe ubusa mu muhanda nyuma yo gukorerwa ibya mfura mbi, bigakorerwa mu maso ye ndetse no mu maso ya nyirakuru Mukwagwije Melanie.

    Ati ‘’Babanje kwica igitsinagabo bavuga ko abagore n’abakobwa babibikiye’’.

    Ibindi avuga atazibagirwa, ni ukuntu yabonye sekuru Sebakungu Michel, atwawe mu ngorofani nyuma yo kwicwa, bagiye kumushyira mu gikamyo cyashyirwagamo Abatutsi bishwe, bagiye kubamena mu myobo yari yaracukuwe.

    Ati ‘’Bazanye igikamyo bakajya banagamo imirambo y’abo bishe, ukagira ngo ni amatafari barimo bahererekanya yo kubaka inzu, bagenda bamena muri ibyo byobo bagaruka. Iyo baruhaga, [bafataga umwanya] bakaruhuka, bakongera bakajyana imirambo kuko Cyivugiza bahiciye abantu benshi babarashe, abandi baratema ngo amasasu adashira, ibi byose narabibonye n’amaso yanjye. Ariko kuva bandasiraho wa mwana w’umuhungu, mu mutwe wanjye nahise nkanguka mera nk’umuntu ufite imyaka irenze 20 kuko natekerezaga vuba kugira ngo mbone igisubizo cy’uko ngomba kwihisha ngo mbeho.’’

    Yongeyeho ati ‘’Ikintu cyambaga mu mutwe cyane, nifuzaga kuzabona mama wanjye, niho navanaga imbaraga.’’

    Uyu mubyeyi yavuze ko yarokotse ari kuba mu mirima yararagamo, akarya imishogoro y’ibishyimbo, akanywa amazi y’imvura n’ibindi kugira ngo abashe kubaho.

    Ikiganiro Naila Clarisse yagiranye na IGIHE

    Naila Clarisse afite icyizere cyo kubaho nyuma y’ibihe bikomeye yanyuzemo

    Musaza wa Naila, Murekezi Steve

    Sekuru wa Naila Clarisse yitwaga Sebakungu Michael, yarishwe umurambo we utwarwa mu ngorofani

    Nyirakuru Mukangwije Melanie nawe yishwe muri Jenoside yakorewe Abatutsi

    Yari umwana wakuriye mu muryango mugari ariko hafi ya bose bishwe muri Jenoside yakorewe Abatutsi

    Musaza wa nyina nawe yishwe muri Jenoside yakorewe Abatutsi

    [email protected]

  • Muhirwa, umushumba utarakandagiye mu ishuri yarongoye umukobwa wize arusha imyaka 29 (Amafoto) – #rwanda #RwOT

    N'ubwo atigeze abimenya wenda byaje bya gihanzi, gusa wasanga yararirimbaga urukundo rwa Muhirwa André na Niyibishaka Ange atabizi, kuko amateka avuga muri iyi ndirimbo ajya gusa n'urukundo rwabo.

    Muhirwa André yiragiriraga inka na zo zitari ize ahubwo ari iza murumuna we, atarakandagiye mu ishuri, ariko aza guhura n'umukobwa w'igishongore, wiviriye gukora akazi ko muri restaurant bamenyana bisanzwe biza kuvamo ubucuti bwatumye kuri uyu wa Kane barushinga ubu bakaba bari kubana nk'umugabo n'umugore.

    Muhirwa afite imyaka 50 mu gihe Niyibishaka Ange afite imyaka 21 y'amavuko. Bitandukanye n'abandi bakobwa bashaka abagabo babaruta kugera kuri iki kigero, uyu mukobwa yakunze uyu mugabo nta kindi amukurikiyeho uretse urukundo no kubaka urugo, kuko nta butunzi afite.

    Aba bombi bavuka i Gasogi mu Karere ka Gasabo ari naho bamenyaniye bakaza gutangira gukundana ndetse baheruka gusezerana mu mategeko n'imbere y'Imana ku wa 11 Werurwe 2021.

    Mu kiganiro yagiranye na IGIHE, Muhirwa utari warigeze akandagiza ikirenge mu bukwe ubwo aribwo bwose kuko yahoraga aragiye n'ubwo mu muryango we ntamenye igihe bwabereye, yavuze ko ibyamubayeho ari ibitangaza.

    Ati 'Imana yankoreye ibitangaza. Ukuntu byagenze nakunze gukurira mu bintu by'inka singire umwanya wo gutembera. Nza kwicara ndatekereza ndavuga nti ese ibi bintu nzabivamo gute? Numva ijwi rinjemo rivuga riti washatse umufasha wawe.'

    'Nakundaga agatama ariko atari ko katumaga ntashaka kuko ahubwo iyo mba ngakunda ahubwo nari kuba narabyaye. Abantu benshi baravugaga ngo ni ubusinzi ahubwo nkabihorera. Naratekerezaga nti nzashaka uwanjye igihe kimwe ariko ntazi ngo ni ryari.'

    Avuga ko yari aragiye abona Niyibishaka amunyuzeho, baraganira bagenda bakundana kugeza ubwo barushinze.

    Ati 'Yanyuzeho ndagiye inka za murumuna wanjye mu mwaka ushize, arankunda tugenda tuganira nyuma. Mbaririza imyitwarire ye numva ni myiza, nyuma nza gutangira kumwereka umuryango wanjye. Icyo gihe nibwo nyuma twagiye twiyumvanamo kugeza ubwo twapanze ubukwe Coronavirus igatuma butaba, ariko ejo bundi bafunguye nibwo twafashe umwanzuro wo kubana.'

    Uyu mukobwa wasezeranye na Muhirwa yasoje amashuri yisumbuye mu Mateka, Ubukungu n'Ubumenyi bw'Isi.

    Muhirwa yavuze ko kuva yamenyana n'uyu mukunzi we yagiye ahinduka kugeza ubwo yaretse inzoga.

    Ati 'Yarampinduye ndeka inzoga. Narirebaga nanjye nkumva nta ejo hazaza heza. Naravuze nti ubu uwashaka ko wenda aribwo ibibazo byabaganuka. Ngize ishaba nza guhura nawe navuga ko ari nk'Imana yabigizemo uruhare.'

    Muhirwa ni imfura mu bana batanu batanu, niwe mfura iwabo mu muryango w'abakobwa babiri n'abahungu batatu.

    Umugore wa Muhirwa yabwiye IGIHE ko ahura bwa mbere n'umugabo we yahise amwiyumvamo.

    Ati 'Twarahuye turaganira ndamwishimira numva anjemo. Iyo umuntu aganiriye n'umuntu biyumvanamo. Yarankunze nanjye biba uko. Yambwiraga ko impamvu yatinze gushaka ari uko yari yarabuze unyura umutima we. Yakundaga agatama ariko ubu yarakaretse, narabimusabye agenda akagabanya.'

    Avuga ko abantu bagiye bamuseka nyuma yo gushakana ariko we akabima amatwi, ati 'Abantu baransetse cyane, bati uriya musaza, wabuze abandi basore. Njye nkabasubiza ko mukunda. Nkababwira ko anyuze umutima wanjye.'

    Ubu aba bombi babana mu nzu ya mushiki w'uyu mugabo wabaye ayibatije i Nyamata mu Ntara y'Iburasirazuba, kuko yabonye musaza we yateye indi ntambwe, ariko uyu mugabo arateganya kubaka iye.

    Aba bombi bamaze igihe kinini bakundana

    Bari baberewe ku munsi w’ubukwe bwabo

    Basezeranye kubana akaramata

    Imiryango yari yabukereye yaherekeje abageni

    Kubera ko umugabo atazi gusoma, hifashishijwe abamusomera agiye gusezerana n’umugore we

    Ubwo basezeranaga mu murenge

    Urukundo rwaraganje ubu aba bombi babana batitaye ku myaka iri hagati yabo

    Source : http://igihe.com/amakuru/u-rwanda/article/muhirwa-utarakandagiye-mu-ishuri-yarongoye-umukobwa-wize-arusha-imyaka-29

  • AMAFOTO : Ba Anita Pendo na Dj Bisoso baje kuri Television Rwanda bambaye nk’aba-Masai #rwanda #RwOT

    Iki kiganiro cy’imyidagaduro kimaze kugira abakunzi benshi kubera udushya turanga aba bashyushyarugamba bagikora, icyo kuri uyu wa Gatanu cyari injyanamuntu kubera udushya twagaragayemo.

    Aba bashyushyarugamba bakora iki kiganiro, bakunze kurangwa n’udushya aho bagenda bigaragaza mu mashusho anyuranye bitewe n’ibigezweho.

    Nko mu bihe by#itangira ry’amashuri, aba bashyushyarugamba baza bamabye imyenda y’ishuri, mu gihe ubwo amavubi yari ari muri CHAN, baje bambaye imyenda y’ikipe y’igihugu.

    Ni ikiganiro cy’imyidagaduro ariko na none kijya gitangirwamo amasomo kuko hari igihe baza bambaye imyenda y’abakora imyuga inyuranye nk’ubudozi cyangwa ubucuruzi bw’ibinyobwa biciriritse, bashaka gushishikariza abantu gukora umurimo wose wabatunga.

    UKWEZI.RW

    Source : http://www.ukwezi.rw/Imyidagaduro/article/AMAFOTO-Ba-Anita-Pendo-na-Dj-Bisoso-baje-kuri-Television-Rwanda-bambaye-nk-aba-Masai