Blog

Kwiga, gukora, gutura, gukora uniga muri Canada birashoboka hamwe na RJB nyuma yo kugera mu gihugu cya Canada, Rutaganira Jean Bosco yasanze akwiye gufasha abanyarwanda kubona akazi, ishuri n'ahantu ho gutura mu buryo bworoshye muri Canada izi zikaba ari inzozi za benshi by'umwihariko ababyeyi bifuriza abana babo.

Ishuri ni ijambo rikoreshwa n'abatari bacye ku isi bitewe n’uko kwiga ari igikorwa nyamukuru mu buzima bwa mu muntu. Kuri ubu umurage umubyeyi agenera umwana ni ukumufasha kwiga kandi neza nyuma iyo abashije kumufasha kubona akazi aba amuhaye akabando k'iminsi yo kubaho. Akazi ni ikintu kitoroheye umuntu uwo ari wese kukabona n’ukabonye usanga ari ibiraka. Mu bihugu byinshi bya Afurika ho ntibyoroshye, muri iki gihe cya 'COVID-19' bikaba ibindi. 

KANDA HANO UREBE UKO WAKWIGA UKANATURA MURI CANADA MU BURYO BWOROSHYE

Ishami ry'Umuryango w’Abibumbye rishinzwe ubuhinzi n'imirire ku isi 'FAO' ryagaragaje ko abarenga miliyari ku isi ni ukuvuga kimwe cya 1/7 cy’abatuye Isi babayeho buri umwe atunzwe n'amafaranga ari munsi ya 1,000F ku munsi, naho kimwe cya kabiri cy'abatuye Isi babayeho umwe ku munsi atunzwe n'amafaranga ari munsi y’ibihumbi icumi (10,000F) ku munsi, icyo ni ikigeranyo rusange.

Mu bihugu bikiri mu nzira y'amajyambere ibyinshi ibiherereye ku mugabane w'Afurika na Aziya umuturage muri rusange akaba abayeho ku munsi atungwa n'amafaranga ari munsi ya 2,000F. Iyi mibare kandi ikaba iba yarahujwe hagendeye ku bakiri n'abakene ariko ubundi usanga abaturage benshi mu bihugu bikiri mu nzira y'amajyambere batungwa n'amafaranga 1,000 F kumanura.

RUTAGANIRA Jean Bosco akaba nk’umunyarwanda uba muri CANADA yaramaze gutangira gahunda yo gufasha abanyarwanda kubona ishuri, akazi muri iki gihugu abamo nawe ngo abashe gutanga umusanzu mu iterambere ry'igihugu avukamo cy'u Rwanda. Ni gahunda imaze kugera kure kuko aba mbere bamaze kugerayo kandi bamaze kugira icyo bigezaho aho babasha kwiga banakora muri CANADA.

Icyiciro cyose cya Kaminuza wakwifuza kwiga abigufashamo afashijwe n'abakozi akoresha haba muri CANADA no mu Rwanda. Hari ibyangombwa rusange umuntu asabwa gutanga birimo ibaruwa ikubiyemo ishami ushaka kwiga, aho ushaka kwiga n'ishuri ushaka kwigamo kimwe n'icyemezo cy'amavuko na CV yawe kandi igihe wamaze kugerayo ukora uniga ukaba wifuza no kuhatura agufasha gutumiza umuryango wawe.

Ku cyiciro cya mbere cya kaminuza ibisabwa ni indangamanota y'umwaka wa 4, 5 na 6 w'amashuri yisumbuye waba ushaka kwiga icyiciro cya kabiri cya kaminuza hakajyaho ‘Transcript’ na A0 yayo. Iyo ushaka kwiga icyiciro cya gatatu cya kaminuza, wongera ku byavuzwe byose haruguru impamyabushobozi y'icyiciro cya kabiri.

Ku bindi bisobanuro wahamagara cyangwa ukabandikira kuri WhatsApp kuri izi nimero zikurikira: +250788643093, +15815784420, +14185700551 na +250788274763.

Rutaganira Jean Bosco yatangije kompanyi RJB ifasha abantu kwiga, gukora no gutura muri Canada

Amashuri y'umwana by'umwihariko w'umukobwa ni ikintu gihangayikisha ababyeyi n'isi nzima. Kuri ubu mu Rwanda uburezi bwabaye rusange ku bitsina byombi ndetse ni imwe mu nkingi ntakuka ubukungu bw'igihugu cy'u Rwanda bushingiyeho.

Mu banyeshuri basoje A1 muri IPRC Kigali harimo umunyamakurukazi muto Kadada Kercey. Ni ishimwe rikomeye kuri we nk’uko yabitangarije INYARWANDA. Uyu mwari wavutse ku itariki ya 18 Mata 1999 amaze gukora ku bitangazamakuru bikomeye binyuranye birimo TV1 mu mwaka wa 2018, TV10 mu mwaka wa 2019, Isango TV mu mwaka wa 2020, kuri ubu akaba akorera radiyo yitwa Country FM.

Aganira na INYARWANDA, Kadada Kercey yavuze ko ashimira abantu bose bamufashije muri urugendo rukomeye barimo umubyeyi we (nyina) wanamubwiye kuri uyu munsi ko amwizeye kandi azagera kure, Se nawe yamubwiye gukomeza kugira imbaraga mu byo akora kandi akaziga amashuri yose ashoboka, abavandimwe be nabo bamubwiye ko batewe ishema nawe. Ni intambwe ikomeye yateye kuri uyu munsi ndetse n'inshuti zamwise intwali kandi ko byose akomeje kubikora neza.

Uyu mukobwa yifuza ko ku myaka 25 y’amavuko kuzaba afite umwana n'umugabo. Ku bwe yumva yaziga akagera byibura ku cyiciro cya gatatu cya kaminuza ni ukuvuga Master’s. Yishimira kuba umunyamakuru by'umwihariko wa radiyo Country FM anavuga ko atewe ishema n’abo bakorana by'umwihariko umuyobozi we witwa Noojpa.

REBA AMAFOTO YE YASOJE KAMINUZA

Kadada Kercey mu byishimo byo gusoza Kaminuza 

Imyaka 17 irihiritse ikipe y'igihugu y'u Rwanda ibonye itike yo gukina imikino ya nyuma y'igikombe cya Afurika ku nshuro ya mbere yabereye muri Tunisia, kuva icyo gihe ntarongera gusubirayo.

Nyuma y’uko Impuzamashyirahamwe y'umupira w'amaguru muri Afurika 'CAF' ishyize hanze amatsinda yo gushaka itike y'igikombe cya Afurika 'CAN 2022' u Rwanda rukisanga ruri kumwe na Cameroon izakira irushanwa, Mozambique na Cape Vert, umubare munini w'Abanyarwanda batangiye kugira icyizere ko nyuma y'imyaka myinshi ishize ikipe y'igihugu idakina CAN, ari cyo gihe cyo kongera kwandika amateka.

Byasabaga u Rwanda kuzasoza mu makipe abiri ya mbere muri iri tsinda kugira ngo azagaragare muri CAN 2022. Uretse Cameroun, andi makipe asigaye byarashobokaga gukina ukayakuraho amanota yose.

U Rwanda rwatangiye urugendo rwo gushaka itike ya CAN 2022, tariki ya 14 Ugushyingo 2019, ubwo rwatsindirwaga i Maputo na Mozambique mu mukino wa mbere ibitego 2-0. Icyizere cyari kikiri cyose kuko hari hasigaye gukinwa imikino itanu harimo itatu yo mu rugo.

Nyuma y'iminsi itatu Amavubi avuze i Maputo, yakiriye Cameroun I Kigali, atsindirwa mu rugo igitego 1-0, imvugo za benshi zitangira guhinduka ndetse icyizere bari bafite bakibona amakipe bari kumwe mu itsinda gitangira kugabanuka.

Tariki ya 12 Ugushyingo 2020, Amavubi yakinnye umukino wa gatatu mu itsinda na Cape Vert, wabereye i Praia. Abakinnyi b'Amavubi bagerageje gutanga imbaraga zabo ahanini bitewe n'igitutu cy'Abanyarwanda bifuzaga umusaruro mwiza kuri iyi kipe, bituma iminota 90 irangira batinjijwe igitego ariko nabo ntacyo batsinze. Babona inota rya mbere muri uru rugendo.

Byasabye iminsi itanu gusa kugira ngo u Rwanda rubone inota rya kabiri mu itsinda nyuma yo kunganyiriza i Kigali na Cape Vert 0-0. Muri uyu mukino Ally Niyonzima ukina mu kibuga hagatiyahawe ikarita itukura, Amavubi basigara mu kibuga ari 10.

Nubwo byari bigoye ariko amahirwe yo kujya muri CAN yari agihari ku Mavubi yasabwaga gutsinda imikino ibiri yari isigaje, ariko igategereza n'uko mu yindi mikino y'ibihugu bari kumwe mu itsinda yagenze.

Igitutu ku bakinnyi n'umutoza cyari cyazamutse kubera ko Abanyarwanda bataherukaga kubona ikipe yabo ibona amanota atatu y'intsinzi, by'umwihariko ku kibuga cyabo.

Tariki ya 24 Werurwe 2021, nibwo Amavubi yabonye amanota atatu ya mbere muri iyi mikino, nyuma yo gutsindira Mozambique kuri Stade ya Kigali igitego 1-0, cyatsinzwe na Byiringiro Lague ku munota wa 69 avuye ku ntebe y'abasimbura, ubwo Manzi Thierry yamuhaga umwanya ku munota wa 46.

Iyi ntsinzi yagaruye Amavubi muri Kuruse yo gushaka itike ya CAN, yasabwaga gutsinda umukino wa Cameroun wari usigaye, ubundi agakora amateka. Gusa ibintu byaje kuzamba ubwo Cape Vert yatsindaga Cameroun 3-1, bikomeza imibare y'Amavubi yo kubona itike.

Byasabaga ko Amavubi atsinda Cameroun byibura ibitego bitanu, kugira ngo Cape Vert ninganya na Mozambique, Amavubi azakomeza ku kinyuranyo cy'ibitego.

Tariki ya 30 Werurwe 2021, ku kibuga cya Japoma mu mujyi wa Douala, Amavubi yinjiye mu kibuga afite icyizere cyo kubona amanota atatu, ubundi agategereza ibiva mu mukino wa Cape Vert na Mozambique, wakiniwe i Maputo.

Iminota 90 yarangiye i Douala nta gitego kibonetse ku mpande zombi, inzozi z'Amavubi zo kujya muri CAN 2022 zirangirira ku kibuga Japoma, kuko yahise agira amanota 6, mu gihe Cape Vert yakoze akazi gakomeye itsindira Mozambique mu rugo igitego 1-0, igira amanota 10 izamuka ari iya kabiri mu itsinda.

U Rwanda ni cyo gihugu cyatsinze ibitego bike muri aya majonjora y’igikombe cya Afurika, aho cyatsinze igitego 1 cyonyine, rukaba rukurikirwa na Sudan y’Epfo ndetse na Botswana zatsinze 2.

Uyu musaruro w'Amavubi ntiwashimishije Abakinnyi, Umutoza  ndetse n'Abanyarwanda muri rusange kubera ko bari biteze kubona ikipe yabo yandika amateka aheruka mu 2004, gusa ku munota wa nyuma birangira byanze.

Umukino wa Cameroon washyize iherezo ku nzozi z’Amavubi zo kujya muri CAN 2022