Webrwanda Backend

Blog

  • Gusuzugurwa, umushahara muto; Ingorane z'aba- réceptionnistes bafatwa nk'inkorabusa – #rwanda #RwOT

    Mu bigo byinshi bafatwa nk'inkorabusa, abakoresha bakabagenera umushahara w'intica ntikize ariko bakabasaba buri munsi guhora basa neza, bamwenyura nubwo inzara yaba ibatema amara.

    Izi ngorane bahura nazo nizo zatumye mu 1991 hashyirwaho umunsi mpuzamahanga wabahariwe uba buri wa Gatatu w'icyumweru cya kabiri cya Gicurasi buri mwaka.

    Watangijwe na Jennifer Alexander agamije guha agaciro abakora uyu murimo no kuwutandukanya n'abawitiranya n'abanyamabanga b'ibigo basanzwe .

    Umurimo nk'uyu ntiwahozeho kera, ahubwo wadutse nyuma y'intambara ya kabiri y'Isi yose. Icyo gihe wasangaga abagore aribo benshi bawukora, kuko bafatwaga nk'abanyantege nke, abakwiriye kwirirwa bitaba telefone, bandika amabaruwa, bandika za emails, buzuza amadosiye adasaba gutekereza cyane n'indi mirimo nk'iyo ifatwa nk'idakanganye.

    Ibigo byinshi mu kurushaho gutanga serivisi nziza bishyiraho aba bakozi kugira ngo ababagana bahabwe serivisi bakeneye.

    Turayisenga Jean Baptiste, amaze imyaka itandatu yakira abagana Cogebanque. Mu gihe mu bigo byinshi usanga abakora aka kazi ari abakobwa, we ni umugabo kandi abikora abikunze.

    Ati 'Kuba umu— réceptionnistes ugomba kubikunda, kwakira neza abantu ari ibintu bikuri mu maraso kuko ntaho ugiye kubyiga mu ishuri. Icyo ukwiye gukora ni ukwakira neza abakugana ndetse ukiyungura ubumenyi ku kigo ukorera, ku buryo uje akugana ubona ibisobanuro umuha. Iyo ubuze icyo umubwira nibwo bavuga ko abakora aka kazi ari abaswa.'

    Abakora aka kazi, ijoro n'amanywa bahora bashaka icyatuma ibigo bakorera bigira isura nziza mu maso y'ababigana. Ni yo mpamvu baba bagomba guhora basa neza kandi bamwenyura.

    Turayisenga yavuze ko aba— réceptionnistes bakora akazi kenshi ariko hamwe na hamwe usanga agaciro kabo karenzwa ingohe.

    Ati 'Umuntu wakira abantu niwe uba uri mu muryango, abantu bose binjira mu kigo ni wowe bacaho uraho kugira ngo hatagira uza ngo akubure, ukagerageza kwiyitaho ndetse no kugira urugwiro kugira ngo serivisi yawe ibe nziza.'

    'Ariko igitangaje usanga ba bantu aribo bahawe umushahara muke mu bigo bakorera, ntawe ujya wita kukubaha amahugurwa nk'abandi bakozi ugasanga barafatwa nk'abantu bo hasi mu kigo kandi nyamara aribo batanga ikaze.'

    Yakomeje avuga ko haba abakoresha ndetse na leta muri rusange bakwiye gufatanyiriza hamwe mu kongerera agaciro abakora akazi ko kwakira abantu.

    Ati 'Bigendanye na gahunda ya leta njye nifuza ko hajyaho nk'ihuriro riza guhuza bariya bantu bakora kariya kazi kugira ngo babashe kugira ubuvugizi bakorerwa bajye babasha guhabwa ibikwiye kugira ngo bakore akazi kabo neza.'

    'Icya mbere ni uguhabwa amahugurwa, icya kabiri nubwo abikora nk'akazi ariko ntiyakabaye wa muntu uri ku rwego rwo hasi, ku buryo abasha kubona ibikoresho byo kwiyitaho.'

    Hari n'abarangwa n'imyitwarire mibi

    Twagarutse ku mirimo myiza abakora akazi ko kwakira abantu bakora ariko burya si bose bafite ubunyamwuga, nta munsi mubi urenze kuba uwakaguhaye serivisi ariwe uyikwimye.

    Hari ubwo ujya kwaka serivisi ku kigo runaka wahagera ukibaza uwo uhasanze niba hari ikibazo musanzwe mufitanye bikakuyobera.

    Imico mibi yijujutirwa na benshi harimo guhugira kuri telefoni bakima amaso uje abagana, ndetse n'abarangwa n'umunabi no kuvuga amagambo mabi ku buryo uwahageze atifuza kuzahagaruka.

    Turayisenga yakebuye abarangwa n'imyitwarire nk'iyo abibutsa ko agaciro bashaka kazava mu bikorwa bakora.

    Ati 'Nasabaga bagenzi banjye kurangwa n'ubunyamwuga bagakunda akazi bakora, bakakira ababagana neza ha handi wita ku masezerano wahaye umukiliya ukazayubahiriza.'

    'Iki kandi bya bibazo uhura nabyo bigaragaze kugira ngo abayobozi bawe babashe kubikemura. Kandi igikuru gikwiriye mwihanganire abakiliya bafite imico itandukanye, narakara wowe witware neza.'

    Nk'umugabo ukora aka kazi yavuze ko abantu bakwiriye kwikuramo imitekerereze y'uko abakobwa b'uburanga aribo bakwiye gukora aka kazi.

    Ati ' Umuntu uje akugana ntaje kureba isura yawe cyangwa igitsina cyawe, ikimugenza ni serivisi nziza, yimuhe azagenda yanyuzwe.'

    Serivisi zitanoze ni kimwe mu bihombya ibigo byinshi ku buryo bishiduka abantu babicitseho. Hari inyigo yakorewe muri Leta Zunze Ubumwe za Amerika yagaragaje ko Sosiyete zo muri iki gihugu zihomba miliyari 41$ buri mwaka kubera serivisi zitanoze. Ni mu gihe muri iki gihugu, nibura 70,1% by'abasaba serivisi mu bigo bitandukanye, bagaragaza ko batazihabwa neza.

    Abakora akazi ko kwakira abantu, nibo baba bafite urufunguzo rugaragaza uko ikigo cyakirwa mu maso ya rubanda

    Source : http://igihe.com/amakuru/u-rwanda/article/gusuzugurwa-umushahara-muto-ingorane-z-aba-receptionnistes-bafatwa-nk

  • Muri 27 bifuzaga kuba Umuyobozi wa Tekinike muri FERWAFA hatoranyijwemo 2…Ivan Minnaert ntarimo #rwanda #RwOT

    Kuri uru rutonde rugaragaza abari batanze kandidatire, abatoranyijwe n’abatatoranyijwe, hagaragaraho amazina asanzwe azwi mu mupira w’amaguru mu Rwanda ariko benshi bari mu batatoranyijwe.

    Mu bazwi cyane harimo umutoza Ivan Minnaert wigeze gutoza Rayon Sports wari uherutse no gutangaza ko afite icyizere kinshi cyo kwegukana uriya mwanya.

    Ivan Minnaert uri mu batatoranyijwe, mu bisabwa bine, yujujemo kimwe gusa ari cyo kuba afite impamyabushobozi yo gutoza ya UEFA PRO.

    Kuri uru rutonde kandi hariho Seninga Innocent na we uri mu batatoranyijwe akaba asanzwe ari umutoza wa Musanze FC na we akaba azwi mu mupira w’amaguru mu Rwanda.

    Seninga na we mu bisabwa yujujemo kimwe ari cyo icyangombwa cy’Ubutoza cya A CAF.

    Naho abatoranyijwe babiri bujuje ibisabwa byose bombi ni abanyamahanga barimo Luis Fuertes Sastre akaba ari Umunya-Espagne na Weiss Hans Micheal akaba ari Umudage.

    UKWEZI.RW

    Source : http://www.ukwezi.rw/Imikino/article/Muri-27-bifuzaga-kuba-Umuyobozi-wa-Tekinike-muri-FERWAFA-hatoranyijwemo-2-Ivan-Minnaert-ntarimo

  • Manchester united yongereye amasezerano y'umwaka umwe rutahizamu Edinson Cavani. #rwanda #RwOT

    Uyu mugoroba wo kuri uyu wa Mbere tariki ya 10 Gicurasi 2021, ibinyujije ku mbugankoranyambaga zayo nibwo, Manchester united yemeje ko yongereye umwaka umwe ku masezerano Edinson Cavani w'imyaka 34 wabashije gutsindira Manchester united ibitego 15 mu mwaka ahamaze.

    Manchester united yongereye amasezerano uyu mugabo nyuma y'uko yagiye abafasha mu mikino itandukanye, mu marushanwa bakinnye harimo na UEFA Europa League ya afashije kugera ku mukino wa nyuma.

    Edinson Roberto Cavani Gómez yavukiye Salto kuya 14 Gashyantare 1987, yanyuze mu makipe nka Danubio, Palermo, Napoli, Paris Saint-Germain yatsindiye ibitego 138 mu mikino 200 yayikiniye, n'ikipe y'igihugu ya Uruguay amaze gukinira imikino 118 n'ibitego 51 yayitsindiye yari kumwe nayo batwara Copa América ya 2011 yabereye muri Argentina.

    The post Manchester united yongereye amasezerano y'umwaka umwe rutahizamu Edinson Cavani. appeared first on RUSHYASHYA.

    Source : https://rushyashya.net/manchester-united-yongereye-amasezerano-yumwaka-umwe-rutahizamu-edinson-cavani/?utm_source=rss&utm_medium=rss&utm_campaign=manchester-united-yongereye-amasezerano-yumwaka-umwe-rutahizamu-edinson-cavani

  • APR FC itaratsindwa na rimwe yamaze gukatisha itike iyijyana mu makipe arwanira igikombe , Kiyovu SC na Gorilla FC zitwaye neza ku munsi wa kane wa PNL. #rwanda #RwOT

    Kuri uyu wa kabiri tariki ya 11 Gicurasi 2021 hasozwaga umunsi wa kane wa shampiyona y'u Rwanda mu mwaka w'imikino wa 2020-2021 irimo gukinwa mu matsinda, uyu munsi ukaba washojwe ikipe ya Kiyovu SC, APR FC na Gorilla FC zibonye amanota atatu.

    Uko imikino y'umunsi wa kane wakinwe kuri uyu wa kabiri yarangiye:

    APR FC 2-1 Bugesera FC
    Muhanga FC 1-2 Gorilla FC
    Kiyovu SC 4-1 Gasogi United
    Rayon Sports 1-1 Rutsiro FC

    Ibyaranze uyu munsi wa kane mu mibare:

    Hinjijwe ibitego 26, byatsinzwe n'abakinnyi 24.

    Hatsinze abanyamahanga 10, batsinze ibitego 11.

    Abanyarwanda 14 batsinze ibitego 15
    Ibitego 12 byinjiye mu gice cya mbere, 14 mu cya 2.

    Habonetse Penaliti 3
    Mu mikino 8 habonetse intsinzi 7, harimo 5 z'amakipe yakiriye, 2 z'ayasohotse no kunganya 1.

    Amakipe yari iwayo yinjije ibitego 16 ayari yasohotse yinjiza 10
    Espoir niyo kipe rukumbi itabashije kureba mu izamu.

    Abakinnyi 2 nibo batsinze ibitego 2 mu mukino umwe :Robert Saba (Kiyovu Sports) & Mwizerwa Elisa (Sunrise FC).

    Habonetse ikarita imwe itukura yahwe Cuzuzo Gael umunyezamu wa Gasogi United.

    Robert Saba amaze gutsinda muri buri mukino wa shampiyona(Rutsiro, Rayon Sports, Gasogi 2).

    Manzi Thierry abaye umukinnyi wa Cyenda utsindiye APR FC kuva iyi shampiyona yatangira, APR imaze kwinjiza ibitego 10.

    Kugeza ubu Bugesera FC na AS Muhanga nizo zitarabona inota na rimwe, Muhanga yamaze no kumanuka mu makipe ahatanira kutamanuka.

    APR FC yamaze gukatisha itike iyijyana mu makipe arwanira igikombe.

    Kugeza ubu abakinnyi babiri Shaban Tshabalala wa AS Kigali na Robert Saba wa Kiyovu Sports nibo bamaze gutsinda ibitego bitanu.

    Abamaze gutsinda ibitego bitatu ni Saddick Souley wa Espoir FC, Tharcisse Nshimiye wa Gorilla FC, Hassan Djibrine wa Etincelles, Hakizimana Muhadjiri wa AS Kigali ndetse na Muniru Abdul Rahman ukinira Mukura VS.

    Uko amatsinda ahagaze

    The post APR FC itaratsindwa na rimwe yamaze gukatisha itike iyijyana mu makipe arwanira igikombe , Kiyovu SC na Gorilla FC zitwaye neza ku munsi wa kane wa PNL. appeared first on RUSHYASHYA.

    Source : https://rushyashya.net/apr-fc-itaratsindwa-na-rimwe-yamaze-gukatisha-itike-iyijyana-mu-makipe-arwanira-igikombe-kiyovu-sc-na-gorilla-fc-zitwaye-neza-ku-munsi-wa-kane-wa-pnl/?utm_source=rss&utm_medium=rss&utm_campaign=apr-fc-itaratsindwa-na-rimwe-yamaze-gukatisha-itike-iyijyana-mu-makipe-arwanira-igikombe-kiyovu-sc-na-gorilla-fc-zitwaye-neza-ku-munsi-wa-kane-wa-pnl

  • Nyuma y'umukino ikipe ya Leicester City yatsinzemo Manchester United, ikipe ya Manchester City yahise itwara igikombe cya shampiyona y'u Bwongereza ibura imikino itatu ngo irangire. #rwanda #RwOT

    Mu mukino w'umunsi wa 35 wa shampiyona y'u Bwongereza waraye ubaye kuri uyu wa kabiri ugahuza ikipe ya Manchester United ndetse na Leicester City, warangiye ikipe y'amashitani atukura ya Manchester Unites itsindiwe ku kibuga cyayo ibitego bibiri kuri kimwe, uku gutakaza uyu mukino kwa United kwatumye mukeba wayo Manchester City yegukaga igikombe cya shampiyona y'umwaka w'imikino wa 2020-2021.

    Ibitego bya Leicester City byatsinzwe na Luke Thomas ku munota wa 10 gusa naho ikindi cya kabiri gitsindwa na Caglar Soyuncu ubwo hari kumunota wa 66, ku ruhande rwa Manchester United yo yatsindiwe na Mason Greenwood ubwo hari ku munota wa 15 w'umukino.

    Gutakaza uyu mukino kuri United byatumye ikipe ya Manchester City itwara igikombe cy'uyu mwaka w'imikino wa 2020-2021 nubwo habura imikino itatu no shampiyona irangire, ibi busobanuye ko muri iyo mikino isigaye izatanga amanota icyenda kandi City irarusha Man U amanota 10, kuko City ifite amanota 80 ku mwana wa mbere naho United ikagira amanota 70 ku mwanya wa kabiri.

    Gutwara iki gikombe cya shampiyona y'u Bwongereza bivuze ko iyi kipe yujuje ibikombe 7 bya shampiyona muri rusange, gusa icyo yaraye itwaye ni igikombe cya gatatu mu myaka ine ishize umutoza Pep Guardiola atoza iyi kipe ya Manchester City yagezemo mu mwaka wa 2016.

    Biteganyijwe ko iyi kipe ya Manchester City izahabwa iki gikombe cya shampiyona ku mukino bazakina n'ikipe ya Everton ku itariki ya 23 Gicurasi 2021, iki kandi ni igikombe cya kabiri itwaye hadashize ibyumweru bibiri kuko iheruka no gutwara igikombe cya Carabao itsinze ikipe ya Tottenham ku mukino wa nyuma.

    Iyi kipe kandi ibarizwa mu mujyi wa Manchester ishobora kwegukana ikindi gikombe muri uku kwezi kwa Gicurasi kuko izakina umukini wa nyuma wa UEFA Champions League n'ikipe ya Chelsea basanganywe muri shampiyona y'u Bwongereza izwi nka Premier League.

    The post Nyuma y'umukino ikipe ya Leicester City yatsinzemo Manchester United, ikipe ya Manchester City yahise itwara igikombe cya shampiyona y'u Bwongereza ibura imikino itatu ngo irangire. appeared first on RUSHYASHYA.

    Source : https://rushyashya.net/nyuma-yumukino-ikipe-ya-leicester-city-yatsinzemo-manchester-united-ikipe-ya-manchester-city-yahise-itwara-igikombe-cya-shampiyona-yu-bwongereza-ibura-imikino-itatu-ngo-irangire/?utm_source=rss&utm_medium=rss&utm_campaign=nyuma-yumukino-ikipe-ya-leicester-city-yatsinzemo-manchester-united-ikipe-ya-manchester-city-yahise-itwara-igikombe-cya-shampiyona-yu-bwongereza-ibura-imikino-itatu-ngo-irangire

  • Ferwafa yabwiwe na Minisiteri ya Siporo ko imikino yaberaga kuri sitade Amahoro ihagarikwa kuko ikibuga cyangijwe n'imikino ya shampiyona. #rwanda #RwOT

    Sitade nkuru y'igihugu, yambuwe by'agateganyo ububasha bwo bwakira imikino nyuma y'uko ikibuga cyayo cyangijwe n'imikino ya shampiyona yari imaze iminsi ihakinirwa.

    Ku gicamunsi cyo kuri uyu wa Gatatu tariki ya 12 Gicurasi 2021, nibwo itangazo rivuye mu ishyirahamwe ry'umupira w'amaguru mu Rwanda FERWAFA, ryagiye ahagaragara rigaragaza impinduka ku mikino ya shampiyona y'icyiciro cya mbere mu mu mupira w'amaguru yari iteganyijwe kuhabera.

    Ni itangazo ryagiraga riti' Turabamenyeshako Minisiteri ya Siporo yatubwiye ko ikibuga cya stade Amahoro cyabaye gihagaritswe nyuma yo kwangirika kikaba kigiye kubanza gutunganywa'.

    Iri hagarikwa rya stade Amahoro ryatumye imikino itandukanye ya shampiyona yagombaga kuyiberaho, yimurirwa ku kibuga cya stade y'akarere ka Bugesera.

    Stade Amahoro yari yahawe kwakira imikino myinshi ya shampiyona nyuma y'uko stade Nyamirambo itari gukoreshwa kubera imaze iminsi isanwa kugirango yuzuze ibipimo bisabwa n'ishyirahamwe mpuzamahanga ry'umupira w'amaguru ku isi FIFA.

    Dore gahunda nshya y'imikino :

    Ku wa kane, tariki 13/05/2021

    Police FC vs AS Kigali (Bugesera, saa 15h00′)

    Ku wa Gatanu, tariki 14/05/2021

    Rayon Sports FC vs Kiyovu SC (Bugesera Stadium,saa 12h30′)

    Bugesera FC vs Gorilla FC (Bugesera , saa 15h30′)

    Ku wa mbere, tariki 17/05/2021

    Gorilla FC vs APR FC (Bugesera , saa 12h30′)

    Gasogi United vs Rayon Sports FC (Bugesera, saa 15h30′)

    Kiyovu SC vs Rutsiro FC (Mumena, saa 15h00′)

    The post Ferwafa yabwiwe na Minisiteri ya Siporo ko imikino yaberaga kuri sitade Amahoro ihagarikwa kuko ikibuga cyangijwe n'imikino ya shampiyona. appeared first on RUSHYASHYA.

    Source : https://rushyashya.net/ferwafa-yabwiwe-na-minisiteri-ya-siporo-ko-imikino-yaberaga-kuri-sitade-amahoro-ihagarikwa-kuko-ikibuga-cyangijwe-nimikino-ya-shampiyona/?utm_source=rss&utm_medium=rss&utm_campaign=ferwafa-yabwiwe-na-minisiteri-ya-siporo-ko-imikino-yaberaga-kuri-sitade-amahoro-ihagarikwa-kuko-ikibuga-cyangijwe-nimikino-ya-shampiyona

  • Bobo Sylvestre uri gutumbagira cyane mu indirimbo zihimbaza Imana yakoze indirimbo ihumuriza abantu bazahajwe n' ibibazo _ Video #rwanda #RwOT

    Umuhanzi uririmba indirimbo ziramya zikanahimbaza Imana Bobo Sylvestre yatangaje ko yasohoye indirimbo nshya yitwa 'Imbaraga' ihumuriza abantu bari mu bibazo bibakomereye, iyi ndirimbo ikaba yasohokanye n'amashusho yayo yakozwe na Danny Degreat. 

    Ibi yabitangaje kuri uyu wa Gatatu taliki ya 12 Gicurasi 2021,ni mu gihe uyu muhanzi ari umukristo mu Itorero ryitwa Eastwind ryo muri Kigali, afite intego yo kubwiriza ubutumwa bwiza binyuze mu ndirimbo zo kuramya no guhimbaza Imana.


    Umuhanzi Bobo Sylvestre

    Bobo Sylvestre yavuze ko yanditse iyi ndirimbo anshaka gukomeza abantu baca mu ruhererekane rw'ibibibazo abo bantu baba bakenewe kuzuzwa imbaraga z'Imana kugira ngo bakomeze kuko iyo Imana ikujuje imbaraga uhita urenga ibikugerageza, ubasha guca mu bihe bikomeye

    Bobo yakomeje avuga ko isi yose ikeneye kuzuzwa imbaraga muri ibi bihe by'ibyorezo, ikindi ibyo ducamo nabyo biduha izindi mbaraga.

    Ikinyamakuru Impanuro.rw kikaba gikangurira abantu bose bakunda indirimbo zihimbaza Imana gushyigikira Bobo kuko indirimbo ye irimo ubutumwa bwiza bwo guhumuriza abantu mu buzima butandukanye.

    Uretse iyi ndirimbo 'Imbaraga' amaze gushyira hanze indirimbo nyinshi zigiye zitandukanye harimo : 'Amasezerano' 'Yame tosha' (iri mu rurimi rw'igiswahili), 'Ndakwiringiye', 'Humura', na 'Inkera'(aherutse gushyira hanze). Uyu muhanzi avuga ko agihishiye byinshi abakunzi be ndetse n'abakunzi b'umuziki wa 'gospel' muri rusange, hari kandi indirimbo zindi yitegura gusohora, mu gihe abakunzi be bakomeza kumutera ingabo mu bitugu.

    Kanda hano wumve indirimbo ' Imbaraga' ya Bobo iri kubica bigacika hirya no hino

    Source : https://impanuro.rw/2021/05/12/bobo-sylvestre-uri-gutumbagira-cyane-mu-indirimbo-zihimbaza-imana-yakoze-indirimbo-ihumuriza-abantu-bazahajwe-n-ibibazo-_-video/

  • “Nkukumbuze ibihe byashize kuri Charly na Nin… – #rwanda #RwOT

    Kuyu wa 12 Gicurasi 2021 ni bwo bwana Muyoboke Alex yasangije ubutumwa abamukurikira abinyujije ku rukuta rwe rwa Instagram. Mu butumwa yashyize hanze urebye yibajije ibibazo bigera kuri 4 ariko akaba ameze nk’udafite ibisubizo bya bimwe muri byo cyangwa adafite uwamusubiza, gusa yavuzemo ijambo risa n’irikomeye aho yagize ati 'Ni igihombo kuri muzika nyarwanda'.

    Umunyarwanda w'umuhanga ati 'Akuzuye umutima gasesekara ku munwa'. Ibi ni byo bibaye kuri bwana Muyoboke Alex watangaje ko akomeje gukomeretswa no gutandukana kw’aba bakobwa b’abanyempano avuga ko bavuye mu muziki imburagihe.

    Ubutumwa yashyize ku rukuta rwe rwa Instagram bwari buherekejwe n’amashusho yerekana aba bakobwa bari kurira indege berekeza iburayi aho bari bafite ibitaramo byo kuzenguruka uburayi mu gihe bari bakiri mu muziki.


    Manager Muyoboke Alex yanditse ubutumwa bwe agira ati 'Nkukumbuze ibihe byashize kuri CHARLY NA NINA'

    Uyu mujyanama muri iyi minsi ari gufata abahanzi bigasa nk'ibyanga nk’uko byahoze mbere y’itandukana rye n’aba bakobwa. Nyuma yabo yafashe Allioni batakoranye neza nawe bahita batandukana nyuma afata umuhanzi ufite izina rikiri rito cyane Chris Hat nawe ufite umuziki uri kugenda biguru ntege.

    Bwana Muyobocye ni umunyabigwi mu muziki nyarwanda n’ubwo hafi y’amatsinda yose yakoranye nayo hafi ya yose yasenyutse. Alex yateje imbere umuziki w’abarimo Tom Close, itsinda Urban Boys na Dream Boys.

    Alex Muyoboke mu butumwa bwe yakomeje agira ati 'Maze gusoma itandukana ryabo nibajije byinshi ku kazoza kabo ndetse n’abakunzi babo ndetse n’aba music nyarwanda muri rusanjye ariko nkibaza ibi bibazo:

    1.   Wowe wagize uruhare kugira ngo abahanzi nk’aba b’abahanga basenyuke wungutse iki?

    2.   Ese ubu Muhoza nawe Rulinda mwibuka imvune twagize kuva 15/07/2014 umunsi dusinyana amasezerano? nyuma y’imyaka 3 gusa twakoze Album launch yanyu yanditse amateka

    3.   Byibuze se mwibuka abafana banyu batubaye hafi imyaka yose batabatengushye?

    4.    Nonese ntimubona ko namwe Business yanyu ihombye?'

    Nyuma y’uko yibajije ibi bibazo, ubutumwa bwe yabusoje agira ati 'Inama mbona iruta izindi mwongere mwicare muganire nk’uko byahozeho murebe ikibatandukanya mukigendere kure hanyuma nk’uko mwanshatse ngo dukorane n’ubu turahari [Decent Entertainment] imyaka ine twamaranye twakoze byiza ntibikwiye gupfa ubusa ndabizi neza nta Munyarwanda utakwishimira ko mugaruka!! God Bless you All!!!'


                        Abakobwa bahoze bagize itsinda Charly na Nina 

    Source : https://inyarwanda.com/inkuru/105532/nkukumbuze-ibihe-byashize-kuri-charly-na-nina-muyoboke-mu-bibazo-4-biganje-amarangamutima–105532.html

  • Clarisse Karasira yakoranye indirimbo n’umuga… – #rwanda #RwOT

    Ejo ku wa Kabiri tariki 11 Gicurasi 2021, yanditse ku mbuga nkoranyambaga ze ateguza abafana be n'abakunzi b'umuziki indirimbo yakoranye n'umugabo we. 

    Ni indirimbo yavuze ko yakozwe mu buryo bwamutunguye, kuko umugabo we yamusanze muri studio amutunguye ari gukora iyi ndirimbo.

    Clarisse avuga ko iyi ndirimbo yari impano yageneye umugabo we 'ku munsi w'ubukwe bwacu'. Ngo yatunguwe n'uburyo Ifashabayo Dejoie 'yikirije ibitero arabyibagiza, indirimbo arayimanuka ihinduka iy'amateka'.

    KANDA HANO WUMVE INDIRIMBO 'NDAGUKUNDA'YA CLARISSE KARASIRA N'UMUGABO WE

    Uyu muhanzikazi yavuze ko hari hasigaye akazi ka Producer Clement, kugira ngo ashyire ku murongo amagambo n'injyana by'iyi ndirimbo, maze ibe urw'ibutso ku muryango n'abandi bo muri Kamonyi ku bw'umutware uhakomoka wamutwaye umutima.

    Clarisse avuga ko iyi ndirimbo ari iy'ikinyagihumbi. Ayisohora, kuri uyu wa Gatatu, yavuze ko 'yashibutse ku nkuru y'impano y'urukundo rwanjye na Dejoie'.

    Uyu muhanzikazi yavuze ko isengesho ryabo ari uko mu buryo bumwe cyangwa ubundi iyi ndirimbo 'Ndagukunda' yagera ku mitima ya benshi kandi igafasha abakundana gukunda 'bizira ikizinga'.

    Clarisse yifashishije 1 Abakorinto 13:4-8 avuga ko urukundo rwihangana kandi rukagira neza, urukundo ntirugira ishyari, urukundo ntirwirarira, ntirwihimbaza, ntirukora ibiteye isoni, ntirushaka ibyarwo, ntiruhutiraho, ntirutekereza ikibi ku bantu, ntirwishimira gukiranirwa kw’abandi ahubwo rwishimira ukuri, rubabarira byose, rwizera byose, rwiringira byose, rwihanganira byose. Urukundo ntabwo ruzashira.'

    Muri iyi ndirimbo, Clarisse Karasira aririmba avuga uburyo yaryohewe n'intango y'urukundo rwe na Dejoie kugeza ubu. Akavuga ko nta magambo yaruta kuvuga ko amukunda.

    Amashusho y'iyi ndirimbo yafatiwe mu bice bitandukanye byo muri Nyungwe. Yafashwe ku munsi bombi bemeranyijeho kubana nk'umugabo n'umugore.

    Amajwi y'iyi ndirimbo yatunganyijwe na Clement the Guitarist n'aho amashusho yakozwe na Faith Fefe.

    Inkuru bifitanye isano: Clarisse Karasira yarushinze na Dejoie
    Clarisse Karasira yasezeranyije umugabo we kumukunda ibihe bidashira Ijwi rya Ifashabayo Sylvain Dejoie ryumvikana mu ndirimbo y'urukundo yakoranye na Clarisse KarasiraKANDA HANO UREBE AMASHUSHO Y'INDIRIMBO 'NDAGUKUNDA' YA CLARISSE KARASIRA N'UMUGABO WE

    “>

    Source : https://inyarwanda.com/inkuru/105533/clarisse-karasira-yakoranye-indirimbo-numugabo-we-dejoie-yashibutse-ku-nkuru-mpano-yurukun-105533.html

  • Abantu 73 banduye Covid-19 abandi 78 barayikira mu Rwanda #rwanda #RwOT

    Minisiteri y'Ubuzima yatangaje ko kuri uyu wa Gatatu abantu bashya 73 banduye icyorezo cya COVID-19 mu Rwanda.Nta muntu n'umwe cyahitanye ariyo mpamvu abo kimaze kwica ari 340.

    Abakize uyu munsi ni 78 batumye abamaze gukira bagera kuri 24,411 bangana na 94.4% b'abatahuweho icyo cyorezo.

    Abakirimo kwitabwaho n'abaganga ni 1,095 barimo umwe urembye.

    Abahanga mu buvuzi mu gihugu cy'u Buhinde bashyize hanze umuti mushya ufasha abarwayi ba Covid-19 ukabagabanyiriza ibyago byo guhumekera mu byuma bibongerera umuka, ukanongerera umurwayi ubudahangarwa bwo gukira vuba.

    Umuti washyizwe hanze witwa 2-DG (2-deoxy-D-glucose) wakozwe na Institute of Nuclear Medecine and Allied Sciences(INMAS) muri Laboratwari ya Defence Research and Development Organization.

    Uyu muti w'Ifu ufunitse mu gashashi, ukoreshwa n'abarwayi binyuze mu buryo bwo kuwukoroga mu mazi. Wemejwe n' Ikigo Gishinzwe Gukurikirana Imiti mu Buhinde mu rwego rwo kwifashishwa byihutirwa dore ko u Buhinde biri mu bihugu byugarijwe cyane n'icyorezo.

    Nyuma yo guhabwa uyu muti ukwirakwira mu mubiri w'umurwayi cyane cyane mu ngingo zagezweho na virusi ya Corona ukarwanya ikura ry' iyi virusi biciye mu kubuza ikorwa ry'utunyangingo dukuza virusi mu mubiri.

    Dr Sudhir Chandana wayoboye ubu bushakashatsi yavuze we n' ikipe bafatanyije gukora uyu muti batangiye ubushakashatsi mu kwezi kwa Kane umwaka wa 2020, yongeraho ko abarwayi bakoreweho ubushakashatsi nta bwandu bwa Covid-19 bukibarangwaho.

    Ati 'Twageragereje uyu muti ku barwayi 200, twabonye ko uyu muti uhagarika ikwirakwira rya Coronavirus mu mubiri, nyuma y'ibyo twabonye twasabye Ikigo gishinzwe gukurikirana imiti uruhushya rwo kugeragereza uyu muti mu mavuriro. Mu kwezi kwa Gatanu 2020 nibwo twahawe uruhushya, mu kwezi kwa Cumi nibwo twasoje icyiciro cya kabiri cy'igerageza kandi ibisubizo byari byiza'.

    Abakoze ubushakashatsi kuri uwo muti bavuze ko umurwayi ugaragaza ibimenyetso wahawe uyu muti akira vuba mbereho iminsi ibiri n' igice ugereranyije n'umurwayi wahawe indi miti.

    Ntabwo haratangazwa igiciro uwo muti uzagura numara kugera ku isoko.


    Source : http://umuryango.rw/amakuru/mu-rwanda/ubuzima/article/abantu-73-banduye-covid-19-abandi-78-barayikira-mu-rwanda