Blog

Ni cyo gitumye mbabwira yuko abantu bazababarirwa icyaha cyose n’igitutsi, ariko gutuka Umwuka ni icyaha kitazababarirwa. Matayo 12:31

Azatsinda ab’isi abemeze iby’icyaha:Umwuka Wera w’Imana yaje muri twe kugira ngo atwemeze iby’ibyaha ngo dukizwe, dukorere Imana kandi anatuyobore, tuzagere mu i Juru. Hari rero abantu benshi bazarimbuka kuko baba baratangiranye n’Umwuka, kubera kunanirana Umwuka Wera akigendera ni nako gutuka Umwuka Wera.

Gutuka Umwuka Wera ntabwo ari ikindi gitutsi ahubwo ni ukwinangira umutima kuko Umwuka Wera naza azatsinda ab’isi abemeze iby’icyaha n’iby’amateka. Kwanga rero imbabazi no guhakana imirimo y’Umwuka Wera, nicyo cyaha kitazihanganirwa

Reka tubirebere muri ubu buryo

Icyambere ni uko iki cyaha cyo gutuka Umwuka Wera kitababarirwa. Matayo agaruka kubya Yesu yavuze ko nta mbabazi zizabaho kubw’icyo cyaha haba none cyangwa mu gihe kizaza, ku bayobozi b’amadini y’icyo gihe. Mariko we yabigarutseho avuga ko iki ari “icyaha cy’iteka.” Mu yandi magambo, bifite ingaruka zidashira. Ntabwo hazabaho imbabazi ku bishora mu bitutsi nkibi( batuka Umwuka Wera w’Imana).

Gutuka Umwuka Wera, binasobanurwa nkaho ari ukwanga ku mugaragaro Yesu n’ubutumwa bwe. Iyo umuntu yinangiye agahakana ijambo ry’Imana n’imiburo yaryo.

Bisa nkaho gutuka Umwuka Wera bigizwe no kwanga ku mugaragaro umurimo wa Yesu ndetse n’abo yatumye( abigishwa be). Mu ijambo ryakurikiyeho, amaze kuvuga ku gutuka Umwuka Wera, Yesu yavuze ko Umwuka azabana n’abigishwa be igihe bazamuhamya imbere y’abayobozi b’amadini. Guhakana bene uko guhamya bizahanwa cyane kuruta kutizera Kristo. Ni uguhakana ku mugaragaro ubuhamya bw’Umwuka Wera, guhakana ko Yesu ari Mesiya, Kristo.

Ibyaha byakozwe mu bujij byo bishobora kuzababarirwa

Igishimishije dusanga Yesu yavuze, ni uko ibyaha bimukorerwa bishobora kubabarirwa ariko ntihazababarirwa abatuka Umwuka Wera. Ibi birasobanura ko abantu bashobora kuvuga nabi Yesu batabizi cyangwa batabishaka icyaha cyabo kirababarirwa.

Ariko, niba umuntu abizi kandi abigambiriye agahakana imbaraga z’Umwuka Wera, uhamya ukuri kwa Yesu n’ubutumwa bwe, nta mbabazi zizashoboka kuri we. Iki cyari icyaha gikomeye cyane abanyedini bakoraga. Mubyukuri, bavugaga ku mugaragaro ko imbaraga zigitangazaYesu yakoreshaga ko ziva kuri satani. Ibi ntibyakozwe mu bujiji, ahubwo kwari ukwanga no guhakana ku bushake imbaraga z’Umwuka Wera.

Ni byiza kwemera, kwizera, no kwakira imbaraga z’Umwuka Wera ukemera imbaraga zawo n’imirimo yawo. Ukayoborwa n’Umwuka Wera muri iyi si, ugashobozwa gukora imirimo y’Imana.

Source: www.blueletterbible.org

[email protected]

Uburwayi bw’udusebe ku gifu (peptic ulcers) buvugwa mu gihe hari udusebe ku gifu (gastric ulcer) ndetse rimwe na rimwe n’urura ruto (duodenal ulcer).

Mu gihe ufite utu dusebe ushobora kuba ufata imiti igabanya aside nyinshi mu gifu (antacids) cg se zimwe muri za antibiyotike mu kugabanya ubwo buribwe.

Gusa mu rwego rwo kugabanya iki kibazo, hari ibyo ugomba kurya n’ibyo ugomba kwirinda kurya mu rwego rwo kugabanya ubu buribwe.

Ngibi bimwe mu biribwa ugomba kwirinda mugihe udusebe ku gifu:

1.Inzoga

Niba ukunda kunywa inzoga, ukaba waratangiye kugira ikibazo cy’udusebe ku gifu, nicyo gihe cyiza cyo kuzireka.

Inzoga ziza ku mwanya wa mbere, mu byongera aside nyinshi mu gifu, bityo igifu kikarushaho kwangirika.

2.Ibiryo birimo urusenda

Ibintu byose birimo urusenda bishobora kwangiza igifu mu gihe hariho udusebe. Ibi biryo byongera ikorwa rya aside mu gifu, bityo niba hariho udusebe tukarushaho kwiyongera.

Gusa sibyo, nubwo bivugwa na benshi ko ibiryo birimo urusenda aribyo bitera udusebe ku gifu.

3.Ikawa

Niba ukunda ikawa, ukaba waratangiye kugira uburwayi bw’udusebe ku gifu, ni ngombwa ko uyigabanya cg ukayihagarika, kuko yongera utu dusebe ku gifu. Aha si ikawa gusa, kuko n’ibindi byose birimo ikawa ugomba kubihagarika; aha twavuga nk’ibinyobwa byongera imbaraga.

4.Amata

Abantu benshi bakunze kunywa amata mu gihe baribwa mu gifu, ku bundi burwayi ntacyo, gusa iyo ari udusebe ku gifu, ibi si byiza. Amata kimwe n’ibiyakomokaho bibonekamo ibinure na proteyine nyinshi, byose bikaba bibi mu gihe ufite udusebe ku gifu.

Niba ufite uburwayi bw’udusebe ku gifu, irinde amata n’ibindi byose bikomoka ku mata kuko byakongerera ikibazo.

5.Ibinyobwa birimo gas

Ibi binyobwa (birimo na coca cola), ushobora kuba udakunda ikawa, ariko byo ubyikundira. Mu gihe ufite uburwayi bw’udusebe ku gifu, ugomba kubyirinda cyane.

Impamvu ugomba kubyirinda ni uko, bibonekamo aside ya citric yongera aside nyinshi mu gifu. Mu gihe iba nyinshi, ukarushaho kuribwa niba ufite udusebe duto.

Ni byiza kumenya ibyo kurya ugomba kwirinda, ariko na none ukagana kwa muganga mu rwego rwo kugufasha kwirinda iki kibazo.

source: umutihealth.com

[email protected]

Nyakubahwa Perezida wa Repubulika y’u Rwanda, Paul Kagame yakiriye mu biro bye umuraperi w’umunyamerika umaze iminsi mu Rwanda aho akinira ikipe ya Patriots BBC mu irushanwa rya BAL, Jermaine Lamarr Cole uzwi nka J. Cole.

Mu ntangiriro z’uku kwezi nibwo uyu muraperi yageze mu Rwanda yaje gukinira ikipe ya Patriots BBC mu irushanwa rya BAL ririmo kuba ku nshuro ya mbere rikaba ribera mu Rwanda muri Kigali Arena kuva tariki ya 16 Gicurasi rikazasozwa tariki ya 30 Gicurasi aho we na Patriots BBC bamaze kubona itike ya 1/4.

Uyu muraperi kandi ubwo yari hano mu Rwanda akaba yarasohoye Album y’indirimbo yise 'The Fall off’.

Iyi Album igizwe n’indirimbo 12 zakozwe n’aba-producer bakomeye mu muziki 14 barimo Timberland, Jake One, DJ Dahi, Tommy Parker n’abandi.

Ibiro by’Umukuru w’igihugu(Village Urugwiro), babinyujije kuri Twitter, batangaje ko Perezida Kagame yakiriye uyu muraperi uyu munsi nubwo birinze kuvuga icyo baganiriye.

Ati”uyu munsi Perezida Kagame yakiriye J Cole wakiniraga Patriots BBC mu irushanwa rya BAL.”

Earlier today, President Kagame received @JColeNC, who has been playing with @PatriotsBBC as part of #theBAL inaugural season. pic.twitter.com/lYt38ybZGR

— Presidency | Rwanda (@UrugwiroVillage) May 24, 2021

Jermaine Lamarr Cole uzwi nka J.Cole ari mu bakinnyi 12 Patriots irimo ikinisha muri iri rushanwa ririmo kuba ku nshuro ya mbere muri Africa.

J Cole, usibye impano muri muzika bizwi ko afite n’impano muri Basketball, ndetse bivugwa ko yigeze kugerageza kuba yafatwa n’amakipe yo muri NBA.

Perezida Kagame yakiriye J Cole mu biro bye

J.Cole umaze iminsi 15 mu Rwanda ari gukinira ikipe ya Patriots BBC yagiye agira uruhare mikino iyi kipe imaze gukina ndetse akanerekana ubumenyi bwe muri uyu mukino ukundwa n'abatari bake. Yafashije iyi kipe kubona itike ya 1/4 cya BAL2021.

J. Cole afite imyaka 36 yatangiye kumenyekana mu muziki mu mwaka wa 2007. Yamenyekanye cyane mu ndirimbo nka Lights Please, 4 Your Eyez Only, Lost Ones, Crooked Smile yafatanyije na TLC, Before I'm Gone n'izindi.

Ubusanzwe ni umuririmbyi, umwanditsi w'indirimbo akaba n'utunganya indirimbo. Abarirwa umutungo wa miliyoni 60 z'amadolari. Uyu muhanzi afite abana babiri. Mu mwaka wa 2018 yatangaje ko akunda umukino wa Basketball.

Perezida Paul Kagame n’umuraperi J.Cole

Uyu muraperi ukunzwe n'abatari bake, umuzingo (Album) yasohoye ari mu Rwanda umaze guca uduhigo dutandukanye ku isi aho mu Cyumweru kirenga umaze usohotse ku mbuga zicururizwaho umuziki umaze gukinwa inshuro zirenga miliyoni 62 mu gihe kopi 288 000 arizo zimaze kugurishwa ahantu hatandukanye.

J. Cole ari ku isonga kandi ku rutonde rwa Billboard rw'abahanzi 100 bayoboye abandi mu kwandika indirimbo nziza. Ni ubwa mbere ageze kuri uyu mwanya mu mateka ye abikesha 'Interlude' iri kuri Off-Season imaze gukundwa n'abatari bake ku isi.

 

Mu butumwa yanyujije ku rukuta rwe rwa Instagram, Djihad yasezeye ku ikipe ya Beveren yari amazemo imyaka itatu avuga ko yahagiriye ibihe atazibagirwa mu buzima.

Yagize ati 'Mu myaka itatu ishize twitwaye neza ariko hari n'aho byanze, turi kumwe nk'ikipe ndetse n'umuntu ku giti cye. Nirengagije umusozo utabaye mwiza, nshimishijwe n'abantu b'ingenzi nahuye nabo, igihe cyose ndisanga uko byaba bimeze kose, ibyo ni ibintu nzazirikana, ntazigera nibagirwa na rimwe'.

Uyu mukinnyi wageze muri iyi kipe mu 2018, yakoreshejwe mu myaka ibiri ya mbere aho wasangaga ari mu bakinnyi 11 babanza mu kibuga, ariko nyuma y’uko abatoza bagiye bahinduranywa muri iyi kipe byatumye urwego rwe rusubira hasi, abura amahirwe yo kubanza mu kibuga yewe ntiyagaragara no muri 18 bemewe kuri buri mukino.

Umwaka wa nyuma muri Beveren ntabwo woroheye Djihada kuko atigeze akina imikino myinshi nka mbere ndetse urwego rwe rusubira hasi bigaragarira buri wese, kugeza n'ubwo yitabajwe mu Amavubi atanga umusaruro uri hasi bituma ku yindi nshuro Mashami Vincent atamwitabaza mu ikipe y'igihugu.

Djihad wakiniye amakipe akomeye hano mu Rwanda arimo Rayon Sports na APR FC, ntiharamenyekana ikipe agiye kwerekezamo,gusa haravugwa u Budage, u Bufaransa n'u Bubiligi.

Ub