Webrwanda Backend

Blog

  • Amakuru Mashya: Kayonza, Umwana w'imyaka 3 yahiriye mu nzu #rwanda #RwOT

    Umwana w'imyaka itatu biravugwa ko yari yasigaranye n'umuvandimwe we mukuru bari basizwe n'ababyeyi babo mu nzu y'ibyatsi ngo bugame izuba, yahiriyemo ubwo umuvandimwe we yacanaga umuriro ngo bateke ibyo kurya. Byabereye mu Mudugudu wa Gisenga mu Kagari ka Ryonza mu Murenge wa Ruramira mu Karere ka Kayonza.

    Iyi mpanuka y'inkongi y'umuriro yahitanye umwana w'imyaka itatu, yabaye kuri uyu wa Kane tariki 10 Kamena 2021 ubwo uriya mwana we n'umuvandimwe we mukuru bari basizwe n'ababyeyi babo muri iyo nzu y'ibyatsi basanzwe bifashisha bugamamo izuba.

    Aba babyeyi basanzwe bafite imirima muri kariya gace, bari barahashyize iyo nzu y'ibyatsi kugira ngo bajye basigamo abana bugamemo izuba.

    Ubwo aba babyeyi bari banyarukiye ku isoko, umwana mukuru yacanye umuriro kugira ngo ateke barye ariko umuriro uza gufata iyo nzu y'ibyatsi yari iryamyemo umwana muto irashya irakongoka na we ahiramo habura umutabara.

    Bisangwa Emmanuel uyobora Umurenge wa Ruramira, avuga ko iriya mpanuka yabaye ahagana saa cyenda z'umugoroba kuri uyu wa Kane ku buryo abantu bose baje bahagera basanga inzu yamaze gukongoka ndetse n'umwana yahiriyemo.

    Yaboneyeho gusaba ababyeyi bose bafite inzu nka ziriya kuko hari abandi bazifite basigamo abana babo, guhita bazisenya kuko biboneye icyo zikoze.

    Yagiriye inama ababyeyi kwita ku bana babo 'ntibabasige bonyine mu rugo ntawubasha gucunga undi kuko abana bashobora gukubagana bikarangira umwe ahaburiye ubuzima.'

    Source : https://impanuro.rw/2021/06/11/amakuru-mashya-kayonza-umwana-wimyaka-3-yahiriye-mu-nzu/

  • Nyanza: Ababyeyi batagiraga aho basiga abana bagiye mu mirimo bubakiwe irerero rya miliyoni 51 Frw –

    Iryo rerero ryubatse ku ishuri ribanza rya Kavumu Catholique mu Kagari ka Kibinja mu Mudugudu wa Mukindo, ryatashywe ku wa 10 Kamena 2021.

    Ririmo ibyangombwa bitandukanye nk’intebe zo kwicaraho, ibikinisho by’abana, aho bagomba kuruhukira n’ibishushanyo bibatoza kwiga neza n’ibindi.

    Kugeza ubu iryo rerero rirererwamo abana 156 barimo abakobwa 80 n’abahungu 76.

    Bamwe mu babyeyi bahafite abana bavuga ko ryaje barikeneye kuko babisabye ubuyobozi, kugira ngo bajye babona aho basiga abana bagiye mu mirimo ibyara inyungu.

    Mukamana Christine ati “Njye mpafite abana babiri, iyo mbasize mba nizeye ko bameze neza kuko barabigisha bakabagaburira kandi bakanabaryamisha. Iri rerero ni twe twarisabye ubuyobozi kugira ngo tujye tubona uko tujya mu mirimo itandukanye. Njye nkora umushinga w’ubuhinzi bw’imyumbati.”

    Undi mubyeyi witwa Musengimana yavuze ko mbere baburaga aho basiga abana bikababangamira.

    Ati “Iri rerero ryaje ari igisubizo kuri twe nk’ababyeyi bafite abana bato kuko twaburaga aho tubasiga bikaba ngombwa ko imirimo tuyireka tukabitaho. Ariko ubu ni ho tubasiga tukajya mu kazi tugasanga bameze neza kandi banigishijwe.”

    Umuyobozi w’ishuri ribanza rya Kavumu Catholique, Kirumugabo Jean de Dieu, yavuze ko iryo rerero rizatuma abana bakura bakunda kwiga ku buryo ntawe uzongera guta ishuri.

    Iryo rerero ryubatswe ku nkunga y’umuryango wa Action Aid Rwanda, rifite ibyumba bitatu abana bigiramo n’ibindi bibiri baruhukiramo, ubwiherero bune, ibigega bine bifata amazi n’aho baganewe gukinira.

    Umuyobozi wa Actionaid Rwanda, Uwamariya Josephine, yavuze ko abaturage bo mu Murenge wa Busasamana ari bo bagaragaje icyifuzo cy’uko bakeneye irerero.

    Ati “Badusabye irerero kugira ngo abana babone ahantu heza barererwa, noneho ababyeyi babone uko bajya mu mirimo yabo. Nk’uko dukora ibikorwa bifitiye abaturage akamaro twemeye kuribubakira.”

    Yakomeje avuga ko bazubaka n’icyiciro cya kabiri kirimo igikoni, aho gukarabira n’ibindi by’ibanze kugira ngo ribe ishuri ryujuje ibisabwa.

    Umuyobozi wungirije ushinzwe iterambere ry’ubukungu mu Karere ka Nyanza, Kajyambere Patrick, yavuze ko iryo rerero kimwe n’andi ari mu karere azafasha abana gukura neza no gukunda ishuri kandi bizakumira n’imirire mibi itera kugwingira.

    Ati “Ni abana bo mu byiciro bitandukanye kandi iyo ababyeyi babasize hano baba bizeye umutekano wabo, ariko banahakura n’ubundi bumenyi bubafasha gukura neza no kubaherekeza neza mu minsi igihumbi kugira ngo bibafashe no mu mikurire no mu mitekerereze.”

    Ababyeyi biyemeje ko buri wese azajya atanga ibihumbi 5 Frw buri kwezi yo gufasha bana babo kwitabwaho muri iryo shuri.

    Kugeza ubu mu Karere ka Nyanza hose hari amarero 12 ari ku rwego rwa mbere n’andi arenga 300 agizwe n’ingo mbonezamikurire.

    Umuyobozi wa ActionAid Rwanda, Uwamariya Josephine, yavuze ko abaturage bo mu Murenge wa Busasamana ari bo bagaragaje icyifuzo cy’uko bakeneye irerero

    Iri rerero ryubatse ku ishuri ribanza rya Kavumu Catholique mu Kagari ka Kibinja mu Mudugudu wa Mukindo

    Hari n’aho abana bagenewe gukinira

    Iri rerero ryubatse ku ishuri ribanza rya Kavumu Catholique mu Kagari ka Kibinja mu Mudugudu wa Mukindo

    [email protected]

  • Kayonza : Umwana yapfuye ahiriye mu nzu y’ibyatsi yari yasizwemo n’ababyeyi be #rwanda #RwOT

    Iyi mpanuka y’inkongi y’umuriro yahitanye umwana w’imyaka itatu, yabaye kuri uyu wa Kane tariki 10 Kamena 2021 ubwo uriya mwana we n’umuvandimwe we mukuru bari basizwe n’ababyeyi babo muri iyo nzu y’ibyatsi basanzwe bifashisha bugamamo izuba.

    Aba babyeyi basanzwe bafite imirima muri kariya gace, bari barahashyize iyo nzu y’ibyatsi kugira ngo bajye basigamo abana bugamemo izuba.

    Ubwo aba babyeyi bari banyarukiye ku isoko, umwana mukuru yacanye umuriro kugira ngo ateke barye ariko umuriro uza gufata iyo nzu y’ibyatsi yari iryamyemo umwana muto irashya irakongoka na we ahiramo habura umutabara.

    Bisangwa Emmanuel uyobora Umurenge wa Ruramira, avuga ko iriya mpanuka yabaye ahagana saa cyenda z’umugoroba kuri uyu wa Kane ku buryo abantu bose baje bahagera basanga inzu yamaze gukongoka ndetse n’umwana yahiriyemo.

    Yaboneyeho gusaba ababyeyi bose bafite inzu nka ziriya kuko hari abandi bazifite basigamo abana babo, guhita bazisenya kuko biboneye icyo zikoze.

    Yagiriye inama ababyeyi kwita ku bana babo 'ntibabasige bonyine mu rugo ntawubasha gucunga undi kuko abana bashobora gukubagana bikarangira umwe ahaburiye ubuzima.'

    Photo : Igihe

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Kayonza-Umwana-yapfuye-ahiriye-mu-nzu-y-ibyatsi-yari-yasizwemo-n-ababyeyi-be

  • Menya icyo ijambo chouchou cyangwa chou rikoreshwa na benshi risobanuye – YEGOB #rwanda #RwOT

    Uyu munsi abantu benshi bari gukoresha ijambo Chou chou, abandi bakongera ho 'Bae' bakavuga 'Chouchou Bae' cyangwa bakavuga Chou gusa, nyamara abenshi mu bo bayita abandi ntibazi neza n'igisobanuro cyayo ariyo mpamvu tugiye kugufasha kumenya inkomoko y'iri jambo, n'icyo risobanuye mu buryo bumwe cyangwa ubundi.

    Mu nkoranyamagambo y'igifaransa basobanura ijambo 'Chouchou' nk'umuntu urenze abandi mu kugukurura. Umuntu ukurura abantu, umuntu umariraho amarangamutima yawe yose uwo niwo wibise Chouchou. Ufashe ijambo 'Chou' ubwaryo rishobora gusobanura uruboga rw'amashu cyangwa rigasobanura, umwiza (Cute), uburyohe bw'umutima wawe (Sweet Heart) cyangwa umukunzi wawe (Darling), aya yose ni amagambo asobanura ijambo Chou chou cyangwa Chou ku bantu barikoresheje babwirana bo ubwabo.

    Uburyohe cyangwa Sweetie mu rurimi rw'Icyongereza ni ijambo rikunda kuvugwa n'abakundana cyane, gusa iri jambo urigereranyije n'igisobanuro cyaryo, Chou cyangwa Sweetie wasanga ari ikintu kiryoherera kandi nta muntu umenya ko ikintu kiryohereye neza atarakiriyeho, ari nayo mpamvu iri jambo rikunze gukoreshwa n'abantu bataziranye bataranashakana bigafatwa nk'ibirigukoreshwa buhumyi.

    Kugeza ubu abantu benshi basigaye bakoresha iri jambo nyamara benshi bakarikoresha bazi ko ari ibintu bisanzwe nyamara ushobora kuribwira umuntu ukamukomeretsa mu gihe mwaba mudahuje igitsina cyangwa agahita yumva ko umukunda kandi wikiniraga.

    Source : https://yegob.rw/menya-icyo-ijambo-chouchou-cyangwa-chou-rikoreshwa-na-benshi-risobanuye/

  • Kayonza: Umwana w’imyaka itatu yahiriye mu nzu arakongoka –

    Byabaye ku wa Kane tariki ya 10 Kamena 2021 mu Mudugudu wa Gisenga, Akagari ka Ryonza mu Murenge wa Ruramira, ahagana saa cyenda z’igicamunsi.

    Umunyamabanga Nshingwabikorwa w’Umurenge wa Ruramira, Bisangwa Emmanuel, yabwiye IGIHE ko uwo mwana yahiriye aho ababyeyi be bafite imirima bororera n’inka.

    Ati “Ababyeyi basize abana ahantu bafite inka n’imirima, hari hariyo inzu nto bifashisha mu buryo bwo kugamamo imvura cyangwa izuba mu gihe bari mu mirimo. Haje gusigara umwana muto w’imyaka itatu n’igice n’undi mukuru we muto, ababyeyi babo bari bagiye mu isoko.”

    Yakomeje avuga ko uwo mwana usa n’aho ari mukuru ho gato yacanye umuriro kugira ngo bateke ibyo kurya, uwo muriro ufata ya nzu nto yubakishije ibyatsi n’amashara ari na yo uwo mwana w’imyaka itatu yari aryamyemo ahiramo habura umuntu wamutabara. Ngo abahageze nyuma bose basanze yahiriyemo.

    Gitifu Bisangwa yasabye ababyeyi kwita ku bana babo bakirinda kubasiga bonyine yaba mu rugo cyangwa n’ahandi hose kuko umwana ashobora kugira ikibazo akabura ubufasha bw’umuntu mukuru.

    Ati “Ababyeyi turabakangurira kwita ku nshingano zabo bagakurikirana abana babo ntibabasige bonyine mu rugo nta wubasha gucunga undi kuko abana bashobora gukubagana bikarangira umwe ahaburiye ubuzima.”

    Uyu muyobozi yavuze ko bahise basaba abafite inzu bugamamo izuba mu mirima ndetse no mu bishanga kuzikuraho kuko akenshi bakunze kuzishyiramo abana mu gihe bagiye guhinga ugasanga zibateje ibibazo.

    Abatabaye basanze umwana yamaze kwicwa n’umuriro

  • IMF ihangayikishijwe n’icyemezo cya El Salvador cyo gukoresha bitcoin nk’ifaranga ryemewe n’amategeko –

    El Salvador ni cyo gihugu cya mbere ku Isi cyemeje mu mategeko ikoreshwa ry’ifaranga ry’ikoranabuhanga rya bitcoin, ivuga ko bizayifasha kongera ishoramari mpuzamahanga, korohereza Abanya-El Salvador kohereza amafaranga mu gihugu ndetse no gutuma 70% by’abatuye icyo gihugu batagerwaho na serivise z’imari babasha gutangira kuzikoresha.

    Nyuma yo gufata iki cyemezo, IMF yavuze ko itewe impungenge n’ingaruka gishobora kuzagira ku bukungu bwa El Salvador, isanzwe iri mu bihugu bikennye ku Isi.

    IMF itewe impungenge n’ingaruka icyo cyemezo gishobora kuzagira ku bukungu bw’icyo gihugu gisanganywe ibibazo birimo amadeni ari hejuru ndetse n’icyuho kinini mu ngengo y’imari.

    Umuvugizi wa IMF, Gerry Rice, yagize ati “Ikoreshwa rya bitcoin rizateza ibibazo mu rwego rw’imari ndetse n’urwego rw’amategeko kandi bisaba ubusesenguzi bwimbitse. Turimo kubikurikirana, kandi tuzakomeza gutanga ubujyanama kuri Leta.”

    Iki cyemezo cyo gukoresha bitcoin nk’ifaranga ryemewe muri El Salvador gishobora kugira ingaruka ku nguzanyo icyo gihugu kiri gusaba muri IMF ingana na miliyari 1$.

    Bitcoin ni ifaranga ricuruzwa mu buryo bw’ikoranabuhanga buzwi nka blockchain, rikaba ritagenzurwa n’ibigo birimo banki nkuru z’ibihugu.

    Icyo iri faranga rinengwa cyane ni uburyo agaciro karyo gahindagurika, ku buryo bidaha abacuruzi n’abaguzi umwanya wo kugena agaciro k’ibicuruzwa ngo bimenyerwe. Nk’ubu bitcoin iri kugura ibihumbi 36$, ariko mu mezi atandatu ashize yaguraga ibihumbi 65$.

    IMF ihangayikishijwe n’icyemezo cya El Salvador cyo gukoresha bitcoin nk’ifaranga ryemewe n’amategeko

  • RwandAir yahagaritse ingendo zijya muri Uganda –

    Uganda ni kimwe mu bihugu byo mu karere byugarijwe na Covid-19 ku kigero cyo hejuru byanatumye mu minsi mike ishize, Guveronoma ifata ingamba zikaze zirimo no gukumira ingendo zihuza uturere.

    Imibare y’ubwandu muri iki gihugu yatangiye kwiyongera mu mpera za Gicurasi, aho nibura ku munsi habonekaga abantu barenga 300 banduye bigera n’aho nko ku wa 10 Kamena 2021 abanduye bari 1.438 mu gihe mbere y’uwo munsi bari 842.

    Itangazo RwandAir yashyize hanze rivuga ko ingendo zibaye zihagaritswe kugeza mu gihe kitazwi, gusa abagenzi bagizweho ingaruka n’izo mpinduka bakaba bemerewe guhinduza amatike yabo ku buryo bazayabyaza umusaruro ubwo zizaba zasubukuwe.

    Muri Uganda habarwa abantu 56.949 bamaze kwandura Covid-19 mu gihe abo yahitanye ari 402. Ubwandu bw’iki cyorezo buri kuri 17%.

    RwandAir yakoreraga ingendo esheshatu ziva cyangwa zijya muri Uganda buri cyumweru, usibye ku wa Kabiri nibwo iterekezagayo. Muri iki gihe cya Covid-19, umuntu washakaga kwerekeza i Entebbe yasabwaga kuba yaripimishije Covid-19 nibura mbere y’amasaha 72.

  • Ibibazo by’inzitane n’ibihombo mu mushinga wo guhuza Imirenge SACCO –

    Guhuza Koperative zo kubitsa no kugurizanya (Imirenge SACCO) byatangiye gutekerezwaho nyuma y’igihe gito zishinzwe nka bumwe mu buryo bwafasha mu kunoza serivisi no gukumira ubujura bwakorwaga n’abakozi bazo.

    Mu 2014, Perezida Kagame yasabye ko umushinga wo gutangiza ‘Cooperative Bank’ yagombaga guhuriza hamwe Imirenge SACCO 416 wihutishwa, uwari Umuyobozi Mukuru wa RCA, Mugabo Damien, icyo gihe yavuze ko nyuma y’umwaka umwe bizaba byatunganye. Gilbert Habyarimana wamusimbuye na we yageze igihe asimburwa na Prof. Harelimana Jean Bosco umushinga ukiri agatereranzamba.

    Hagati aho muri Gashyantare 2015, RCA yahaye Ikigo Fintech International Limited, isoko ryo gushyira mu bikorwa umushinga wo guhuza Imirenge SACCO, ariko nticyabasha kubahiriza amasezerano kugeza asheshwe.

    Fintech International yari yaramaze kwishyurwa 3.393.218.370 Frw nk’uko bigaragara muri raporo y’Umugenzuzi Mukuru w’Imari ya Leta ya 2019/2020.

    Uretse amafaranga yishyuwe Fintech, hari andi yishyuwe serivisi za ‘consultancy’ hamwe n’ayahembwe abakozi bashyizweho na RCA uyu mushinga ugitangira angana na 2.306.233.551 Frw.

    Bigeze mu 2017, Imirenge Sacco yaguze ibikoresho by’ikoranabuhanga bifite agaciro ka 3.444.783.902 Frw, byagombaga kwifashishwa mu gihe ‘Cooperative Bank’ yari kuba itangiye, kuri ubu byabuze icyo bikoreshwa.

    Muri Kamena 2020, RCA yishyuye Fintech International 406.294.802 Frw mu rubanza rushobora kuba rukomeje muri KIAC (Kigali International Arbitration Center) hagati ya Fintech na RCA, amafaranga Umugenzuzi w’Imari ya Leta avuga ko yapfuye ubusa kimwe n’ayishyuwe serivisi za ‘consultance’ (ni ukuvuga 2 712 528 353 Frw).

    Inteko Ishinga Amategeko mu 2019 yasabye Minisiteri y’Ubutabera kwinjira mu kibazo cy’isoko RCA yatanze ryo guhuza mu buryo bw’ikoranabuhanga Imirenge SACCO 416 ryatikiriyemo 3 393 218 370 Frw.

    Nyamara Ubushinjacyaha bwavuze ko dosiye yaje gusubikwa nyuma yo gusanga nta wukwiye gukurikiranwaho icyaha ahubwo abari mu micungire y’uyu mushinga wahombye icyo bakoze ari amakosa y’imiyoborere.

    Umushinga washyizwe mu maboko ya Minecofin

    Kuri ubu umushinga wo guhuza Imirenge SACCO washyizwe mu maboko ya Minisiteri y’Imari n’Igenamigambi (Minecofin) ikaba irimo kuwushyira mu bikorwa ifatanyije na RISA hakoreshejwe abatekinisiye b’imbere mu gihugu.

    Biteganyijwe ko uzashyirwa mu bikorwa mu byiciro bitatu bizarangira muri Werurwe 2022, utwaye miliyari indwi z’amafaranga y’u Rwanda.

    Uretse igihombo cy’amafaranga atari make hiyongeraho no kuba abaturage batarabonye inyungu zari zitezwe kuri ‘Cooperative Bank’.

    Mu bigo bya leta byakorewe igenzura ry’imikoreshereze y’umutungo mu mwaka ushize RCA ntikirimo kubera ko ngo cyarimo kwimurira icyicaro cyacyo mu Karere ka Muhanga mu Ntara y’Amajyepfo.

    Imirenge SACCO zashinzwe mu 2009 hagamijwe kwegereza abaturage benshi serivisi z’imari zitabageragaho nk’uko bikwiye. Kuri ubu zikorera mu mirenge 416 yose yo hirya no hino mu gihugu.

    Raporo y’inyigo ku miterere ya serivisi z’imari mu Rwanda (FinScope survey 2020) igaragaza ko Abanyarwanda bakuze bagera kuri 77% bakoresha serivisi z’imari zirimo izitangwa n’amabanki, ibigo by’imari na SACCO, ibigo by’ubwishingizi na Mobile money.

    Hashize igihe havugwa umushinga wo guhuza Imirenge Sacco ariko nturagerwaho

  • RwandAir yahagaritse ingendo zerecyeza muri Uganda #rwanda #RwOT

    Itangazo rya RwandAir rivuga ko kubera ubwiyongere bukabije bw’imibare y’abandura COVID-19 muri Uganda, ibaye ihagaritse ingendo zerecyeza yangwa ziva i Entebbe muri Uganda kuva kuri uyu wa Kane tariki 10 Kamera 2021.

    Iri tangazo rikomeza ryisegura ku bantu bashobora kugirwaho ingaruka n’iki cyemezo cyo kuba hasubitswe ingendo zijya cyangwa ziva muri Uganda.

    Rivuga ko 'Abakiriya bazagirwaho ingaruka n’iki cyemezo bashobora kuzamenyesha iby’urugendo rwabo mbere mu gihe ingendo zaba zisubukuwe kandi nta giciro cy’inyongera kibayeho cyangwa bagasubizwa amafaranga bari bishyuye.'

    Imibare y’abandura COVID-19 muri Uganda ikomeje gutumbagira muri iyi minsi ndetse bikaba byaranatumye Guverinoma ya kiriya Gihugu ishyiraho andi mabwiriza akomeye arimo guhagarika ingendo zihuza uturere.

    Muri iki gihugu cya Uganda habarwa abantu babarirwa hafi mu bihumbi 57 bamaze gusanganwa ubwandu bwa COVID-19 barimo 1 438 babonetse kuri uyu wa Kane tariki 10 Kamena 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/RwandAir-yahagaritse-ingendo-zerecyeza-muri-Uganda

  • Mwiteguye kureba Euro2020 hamwe na Canal +…Abakozi bayo baje kubafasha ngo mudacikanwa #rwanda #RwOT

    Mu bukangurambaga bwiswe CanalYacu, abakozi b’iki kigo bose kuva ku bo hasi kugeza ku bo hejuru, bagiye mu bice binyuranye by’Igihugu kugira ngo bafashe abakiliya babo baba bafite ibibazo ndetse n’abifuza kugura dekoderi za Canal + ubundi bakomeze kuryoherwa n’imikino ya Euro izatangira kuri uyu wa 11 Kamena 2021.

    Hamwe n’Interuro igira iti 'Kuri Foot Turayoboye', Canal + isanzwe izwiho gutambutsa imikino ikomeye irebwa na benshi ku Isi, iyi kompanyi yanahananuye ibiciro by’ifatabuguzi ryayo ndetse na Dekoderi zayo kugira ngo hatazagira ucikwa na Euro 2020 izagaragaramo ibihangange muri ruhago y’Isi.

    Sophie Tchatchoua uhagarariye Canal + mu Rwanda, agaruka ku bukanguramaba bwatangiye ku wa 21 Gicurasi burimo no kugabanya ibiciro bya Dekoderi yashyizwe kuri 5 000 Frw, akavuga ko iki gikorwa cyo kuba abakozi b’iki kigo bamanutse mu duce tw’Igihugu kugira ngo bararike abantu.

    Ati 'Tugiye gusobanurira abakiliya n’abandi baturarwanda igisobanuro cyo kuba abafabuguzi ba Canal +, ndetse no kubibutsa kuzareba Euro kuri Canal + kandi tuzi ko amashusho ya Canal afite itandukaniro rinini n’ay’ahandi.'

    Avuga kandi ko hari na Copa America izatangira kuri iki Cyumweru kandi ko na yo bazayireba kuri Canal + akibutsa Abaturarwanda kugura Dekoderi kuko ibiciro byazo buri wese ashobora kubyigondera kugira ngo bazirebere iyi mikino.

    Sophie Tchatchoua kandi avuga ko ubu Canal + ifite abayihagarariye mu bice byose by’Igihugu ku buryo aho umuntu yaba ari hose ashobora kugura Dekoderi.

    Aime Abizera ushinzwe ishami ry’Ubucuruzi muri Canal + wagarutse kuri iki gikorwa cyajyanye abakozi b’iki kigo mu bice bitandukanye avuga ko nta munyarwanda ukwiye gucikwa n’imikino ya Euro kandi akoresheje ifatabuguzi ry’amashusho yo ku rwego rwo hejuru ya Canal +.

    Yagize ati 'System yacu uko ikora iba ikeneye installation kandi ejo ntidushaka umuntu azacikanwa n’imikino ya Euro kubera ikibazo cya Installation cyangwa kugura atinze, ni yo mpamvu twifuza ko abantu bagura dutangire kubakorera installation uyu munsi n’ejo ubundi bazarebe umupira n’amashusho meza kandi byoroshye cyane.'

    Yibutsa abantu ko ifatabuguzi rya Zamuka na Football risanzwe rigaragaraho imikino mpuzamahanga irimo n’iyi ya Euro na ryo ryahananuwe rikava ku bihumbi 20 Frw ubu rikaba riri ku bihumbi 10 Frw gusa.

    Ati 'Ya mipira abantu bifuza yose, bazayireba ku bihumbi 10 gusa, urumva twagabanyije igiciro cy’ibikoresho, twagabanyije ibiciro ku ifatabuguzi kandi twafunguye n’andi maduka.'

    Canal + ni iya buri wese

    Mu minsi yashize hari abumvaga Canal + bakumva ko ari iy’abifite gusa ubu benshi batangiye kuyiboka ndetse bakoresha ifatabuguzi ryayo ku biciro biri hasi.

    Muri iki gikorwa cyo kumanuka mu bice binyuranye by’Igihugu kandi, abakozi ba Canal + bazasobanurira abaturarwanda ko nta muturarwanda utakoresha ifatabuguzi ry’iki kigo.

    Sophie Tchatchoua ati 'Ni cyo kitujyanye, Canal + ni iya buri wese, wenda mu bihe byashize ibiciro byari hejuru nko mu myaka ine Dekoderi yaguraga ibihumbi 60 ariko ubu ni ibihumbi bitanu. Ibihumbi bitanu ni amacupa angahe ya byeri ? Ibihumbi bitanu ni amafaranga macye buri wese yabona.'

    Avuga kandi ko ubu Canal + ntaho itari ku buryo uwakwifuza gukorana na yo aho yaba ari hose byoroshye ku buryo bafite intego ko buri muturwarwanda ufite amashanyarazi azakoresha Canal+.

    Ati 'Canal + ntabwo ari iy’abakire, ntabwo ari iy’abatuye i Kigali kandi ibiganiro bya Canal + buri wese abyisangamo.'

    Yibutsa ko yaba abakunda ibiganiro by’imyidagaduro n’iby’ubwenge, film, amakuru ; byose bitambuka kuri Canal + ku buryo yaba abagabo, abagore, abana ndetse n’urubyiruko bazisanga mu biganiro bitambuka ku mashene ya Canal +.

    JPEG - 53 ko
    Sophie Tchatchoua aganiriza abakozi mbere y’uko bajya mu bice bitandukanye

    *******

    Source : http://www.ukwezi.rw/Inkuru-zamamaza/article/Mwiteguye-kureba-Euro2020-hamwe-na-Canal-Abakozi-bayo-baje-kubafasha-ngo-mudacikanwa