Webrwanda Backend

Blog

  • P.Kagame yanenze ibihugu bifatanya n’u Rwanda mu by’umutekano ariko bikanashyigikira abahungabanya uwarwo #rwanda #RwOT

    Perezida Kagame yabivuze kuri uyu wa Gatanu tariki 11 Kamena mu muhango wo guha impamyabumenyi n’impamyabushobozi abasirikare n’Abapolisi bakuru barangije amasomo y’umutekano mu ishuri rya Gisirikare rya Nyakinama, Rwanda Military Academy.

    Perezida Kagame yabwiye aba basanzwe ari abasirikare n’Abapolisi bakuru mu Rwanda ko barangije amasomo mu gihe akarere ndetse n’Isi byugarijwe n’ibibazo by’umutekano mucye.

    Yagarutse ko mu gucyemera ibyo bibazo by’umutekano mucye, u Rwanda rusanzwe rugirana imikoranire n’ibindi bihugu ndetse rukagenda rubona n’ubufasha.

    Ati 'Muri iyo mikoranire yacu, ku ruhande rumwe bakaba bafite umutima w’ubufatanye mu byo gukemura ibibazo by’umutekano mucye, mu rundi ruhande bakaba bari gutera inkunga mu gutera ibibazo by’umutekano mucye ku bihugu birimo n’icyacu.'

    Yavuze ko nko ku ruhande rw’u Rwanda, hari abarangije amasomo nk’ayo ab’uyu munsi basoje, bagiye bagira ibibazo biteye kandi bigize ibyaha, bagahungira muri bya bihugu bisanzwe ari ibifanyabikorwa by’u Rwanda ubundi bakabeshya.

    Ati 'Bakagenda bakakirwa kandi abo bantu akaba ari bo bagaruka bari mu bikorwa byo guhungabanya umutekano w’igihugu.'

    Yavuze ko kuvuga ibi byafata igihe kinini ariko ko ibyo byabaye inshuro nyinshi kandi bikorwa na biriya bihugu byitwa ko ari ibifatanyabikorwa by’u Rwanda.

    Yagize ati 'Ndabwira aba bafatanyabikorwa ngo mureke gufasha ku ruhande rumwe mu gukemura ibibazo by’umutekano haba ari mu kubaka ubushobozi no mu gufasha ndetse n’inkunga na none kandi ngo muhe urubuga rwo gufasha no kwitorezamo abazagaruka gusenya ibyo twubakiye hamwe.'

    Umukuru w’u Rwanda yavuze ko iyo mitekerereze itajyanye n’igihe asaba abasoje amasomo kutagendera mu murongo nk’uwo ushaje.

    Ikoranabuhanga rigomba kugira ingufu

    Perezida Kagame yavuze ko intego za ririya shuri ari uguha abo mu rwego rw’Umutekano ubumenyi bukenewe mu gukomeza kubungabunga umutekano n’amahoro.
    Yagarutse ku bumenyi bukenewe kugira ngo hakomeze kuzibwa icyuho cyakunze kuba hagati y’ibihugu bikiri mu nzira y’amajyambere n’ibikize, avuga ko icyo cyuho kigomba gukurwaho no kubaka ubushobozi bishingiye ku ikoranabuhanga.

    Gusa ngo hakaba hakiri icyuho mu ikoranabuhanga muri ririya shuri.

    Ati 'Icyaburaga ari ukumva no gukoresha ikoranabuhanga (IT). Ubwo nazaga aha nabazaga abayobozi twahuye mbere bo mu gisirikare, ni gute abanyeshuri ba hano bafashwa gukoresha ubumenyi bahabwa. Bansubije icyo ntari niteze.'

    Yavuze ko naramuka agarutse muri ririya shuri agasanga ibibazo bihari bitarakemuka atazabyumva kimwe na bo.

    Yavuze ko abantu 47 barangije amasomo muri iri shuri bafite uruhare rwo gufasha igihugu kugera ku ntego zacyo kandi ko ari byo bitezweho na benshi.

    Yagize ati 'Mwese mufite umusanzu wo gutanga mu gutuma tugera ku ntego zacu. N’ubundi mbere y’uko muza hano mwari mufite ubwo bushobozi ubu mutegerejweho bwinshi kurushaho. Ndizera ko mugiye gutanga uruhare rushya mwifashishije ubumenyi bwanyu.'

    Yavuze ko igikenewe ari ugukorana n’izindi nzego by’umwihariko bakubakira ku ndangagaciro z’icyizere ndetse no kubazwa inshingano bisanzwe biranga umuryango mugari w’Abanyarwanda by’umwihariko igisirikare cy’u Rwanda.

    Yagarutse ku bibazo byugarije Isi birimo iterabwoba, ibyorezo ndetse n’ingaruka z’imihindagurikire y’ibihe, avuga ko nta gihugu na kimwe kitagezweho ingaruka n’ibyo bibazo ariko ku ruhande rw’u rwanda Igisirikare cy’u Rwanda cyakoze itandukaniro kuko gihora giharanira ko abaturarwanda bikura muri izo ngaruka kandi ko gihora kirinze abaturarwanda no gutuma bahora batekanye.

    Yagize ati 'Abanyarwanda n’abanyafurika bafite uburenganzira bungana n’ubw’abandi yaba ari mu kwishyira ukizana ndetse n’ubusugire.'

    UKWEZI.RW

    Source : http://www.ukwezi.rw/mu-rwanda/2/article/P-Kagame-yanenze-ibihugu-bifatanya-n-u-Rwanda-mu-by-umutekano-ariko-bikanashyigikira-abahungabanya-uwarwo

  • Musanze : Imodoka itwara indembe yagonze ipoto y’amashanyarazi irangirika bikabije #rwanda #RwOT

    Iyi mpanuka yabereye mu Murenge wa Busogo mu Karere ka Musanze mu rukerera rwo kuri uyu wa 10 Kamena 2021 ubwo iyo modoka y’ibitaro bya Rubavu yataga umuhanda ikagonga ipoto.

    Kangabe Marie Claudine uyobora Umurenge wa Busogo, yavuze ko iriya mbangukiragutabara yari ivuye ku bitaro bya Kibagabaga mu Mujyi wa Kigali aho yari yajyanye abarwayi ibakuye mu bitaro bya Rubavu.

    Umushoferi wari utwaye iyi modoka ndetse n’umuganga bari kumwe bakomeretse ariko batabarwa n’abari mu modoka yabanyuzeho dore ko iyi mpanuka yabaye mu rukerera hataracya.

    Kangabe Marie Claudine avuga ko iriya modoka yakoze iriya mpanuka igeze mu Kagari ka Gisesero mu Murenge wa Busogo.

    Yagize ati 'Yataye umuhanda igonga ipoto y’amashanyarazi iribirindura yikubita hasi. Yari imaze kugeza abarwayi mu bitaro bya Kibagabaga ikora impanuka igarutse ubwo yari irimo shoferi na muganga wari uherekeje abarwayi.'

    Bariya bakomerekeye muri iriya mpanuka, bahise bajyanwa mu bitaro bya Ruhengeri mu Karere ka Musanze aho bari kwitabwaho n’abaganga gusa ngo ntibakomeretse bikabije ku buryo bizeye ko bazasezererwa vuba.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Musanze-Imodoka-itwara-indembe-yagonze-ipoto-y-amashanyarazi-irangirika-bikabije

  • Sobanukirwa byinshi byerekeye cholesterol #rwanda #RwOT

    Cholesterol igizwe n’ibinure, ikaba ijya kumera nk’ibinyagu by’ubuki, ndetse ikaba ari ikinyabutabire cy’ingenzi mu bigize uturemangingo, ndetse gituma tumera uko tumeze kandi tugahorana amatembabuzi. Ikorwa n’uturemangingo tw’inyamabere zose (aha niho umuntu abarizwa).

    Iyo umubiri wawe yose ukenera, kugira ngo ubashe gukora imisemburo itandukanye, vitamin D ndetse n’ibindi bifasha mu igogorwa ry’ibiryo, yose ufite ubushobozi bwo kuyikorera, hatitabajwe ivuye hanze.

    Cholesterol igera mu maraso gute?

    Nkuko twabivuze hejuru, cholesterol yose umubiri wawe ukenera, ushobora kuyikorera. Nubwo bwose hari ibyo kurya bimwe na bimwe ibonekamo.
    Itembera mu maraso iri mu dufuka duto cyane twitwa lipoproteins. Utu dufuka tuba tugizwe n’ibinure (fat/lipid) mo imbere, inyuma tukagirwa na proteyines (ariho iri zina rya lipoproteins rituruka).

    Habaho ubwoko 2 bwa lipoproteyines zitwara cholesterol mu bice bitandukanye by’umubiri;

    Low density lipoproteins (LDL) na high density lipoproteins (HDL).LDL cyangwa se lipoproteins zifite uburemere bucye (Low Density Lipoproteins) nizo zitwa cholesterol mbi. Iyo urugero rwazo mu mubiri rugiye hejuru, bishobora gutuma cholesterol nyinshi yigira mu mijyana (udutsi dutwara amaraso kuva mu mutima tuyerekeza ahandi hose mu mubiri).

    HDL cg se lipoproteins zifite uburemere buri hejuru (High Density Lipoproteins) zitwa cholesterol nziza. Impamvu ni uko zifasha mu kuvana cholesterol mu bice bitandukanye by’umubiri ziyijyana mu mwijima, aho ukora akazi ko kuzisohora mu mubiri.

    Cholesterol nyinshi mu maraso ishobora gutera ibihe bibazo?
    Iyo yabaye nyinshi mu maraso, ubusanzwe bifatwa nk’uburwayi. Gusa, kubera ko nta bimenyetso nta n’ibiranga iki kibazo, abantu benshi ntibapfa kumenya ko bafite nyinshi mu maraso.

    Iyo imaze kuba nyinshi, uba ufite ibyago byo kwibasirwa n’indwara z’umutima.
    Uko urugero rwa LDL cholesterol rwiyongera cyane mu maraso, niko ibyago byo kwibasirwa n’indwara z’umutima byiyongera. Iyo cholesterol imaze kuba nyinshi mu maraso, bifunga imijyana, nuko amaraso acamo akagabanuka, bitera indwara izwi nka atherosclerosis.

    Uko bigenda byiyongera, niko imijyana igenda igabanuka ubunini ndetse igakomera cyane, bityo amaraso agera ku mutima ntabe asukuye bihagije (arimo umwuka wa oxygen uhagije).

    Iyo amaraso asukuye yageraga ku mutima agabanutse cg ahagaze, bishobora gutera umutima guhagarara (heart attack).

    Heart attack cg guhagarara k’umutima bibaho igihe amaraso arimo umwuka mwiza wa oxygen atagera ku mutima neza. Iyo bidahinduwe mu maguru mashya, icyo gice cy’umutima kitagerwaho n’umwuka mwiza gitangira gupfa, waba utavuwe hakiri kare, bishobora gutera ibibazo bikomeye, harimo n’urupfu.

    Ibyo wakora

    Kugabanya cholesterol bishobora kugufasha mu kugabanya cg se gukuraho kuba yakwihagika mu mijyana. Ibi byagufasha kwirinda n’indwara z’umutima zishobora guterwa nabyo.

    Tubibutse ko urugero rwa cholesterol yaba mbi cg nziza mu maraso, ushobora kubimenya umaze gukorerwa ibizamini kwa muganga. Ipimwa muri miligarama kuri decilitiro y’amaraso (mg/dl).

    Source: https://umutihealth.com/

    [email protected]

    Source : https://agakiza.org/Sobanukirwa-byinshi-byerekeye-cholesterol.html

  • Dosiye ya Kwizera Olivier cyageze mu Bushinjacyaha #rwanda #RwOT

    Dosiye y’umunyezamu w’Amavubi na Rayon Sports ukurikiranyweho gukoresha ibiyobyabwege yamaze kugezwa mu Bushinjacyaha.

    Tariki ya 4 Kamena 2021 nibwo uyu munyezamu yafatiwe iwe mu rugo arimo kunywa urumogi ari kumwe n’abandi bantu 8 barimo n’undi mukinnyi Runanira Amza.

    Urwego rw’Igihugu rw’Ubugenzacyaha(RIB) rwatangaje ko nyuma yo gufatwa bakaba bahise bajyanwa gufungirwa muri Sitasiyo ya RIB Kicukiro aho bahise bajya no gupimwa muri Laboratwari y’u Rwanda y’Ibimenyetso bya Gihanga byifashishwa mu butabera (Rwanda Forensic Laboratory).

    Dosiye y’uyu mukinnyi n’abo bareganwa ikaba yaramaze kugezwa mu Bushinjacyaha nk’uko umuvugizi wa RIB, Dr Murangira B. Thierry yabibwiye ISIMBI.

    Ati”dosiye ya Kwizera yagejejwe mu Bushinjacyaha, yagezeyo tariki ya 8 Kamena 2022, ibindi birambuye niho mwabariza.”

    Ubwo ISIMBI yageragezaga kuvugana n’Umuvugizi w’Ubushinjacyaha Faustin Nkusi kugira ngo agire icyo yatangaza aho iperereza rigeze n’igihe urubanza ruzabera, ntibyakunze kuko atitabaga telefoni ye ngendanwa.

    Kwizera Olivier dosiye ye yageze mu Bushinjacyaha

    Source : http://isimbi.rw/siporo/article/ikirego-cya-kwizera-olivier-cyageze-mu-bushinjacyaha

  • Liquid Intelligent Technologies yagejeje umuyoboro wa internet ku bilometero ibihumbi 100 muri Afurika – #rwanda #RwOT

    Imiyoboro y'iki kigo ikoreshwa n'abaturage barenga miliyoni 100 bari mu mijyi 643 ku Mugabane wa Afurika ndetse byitezwe iyagurwa ry'imiyoboro ya internet ya Liquid rizafasha iterambere ry'ibikorwa birimo ubucuruzi n'iterambere.

    Umuyobozi Mukuru wa Liquid Intelligent Technologies, Nic Rudnick, yavuze ko ikwirakwizwa ry'imiyoboro ya internet ryagize uruhare mu iterambere ry'ibigo bito n'ibiciriritse ku Mugabane wa Afurika.

    Yagize ati 'Tumaze igihe dutanga internet yihuta kandi ihendutse n'izindi serivise z'ikoranabuhanga. Ubufatanye bwacu n'abakiliya bacu bwatumye uyu munsi tubarwa nk'ikigo cyafashije ubucuruzi buciriritse kubona serivise zo kubika amakuru yabo, kurindirwa umutekano mu by'ikoranabuhanga bikiyongera kuri serivise zo gutanga serivise za internet dusanzwe dutanga.'

    Uyu muyobozi kandi yavuze ko izi serivise z'imari zizafasha ibigo by'ubucuruzi na Leta za Afurika guhangana n'indi migabane mu bijyanye n'ikoranabuhanga.

    Yagize ati 'Internet itanga amahirwe mu iterambere yo kuzamura ibihugu biri mu nzira y'amajyambere. Binyuze mu gushoboza ibihugu bya Afurika kubona amakuru, guhuza abantu ndetse n'ibikorwa by'ubucuruzi, ibyo bizafungura amahirwe y'iterambere mu bukungu.'

    Muri rusange, 20% bya Afurika nibyo bigerwaho na internet, ibisobanuye ko hakiri urugendo rurerure rwo gukwirakwiza internet kuri uyu Mugabane nk'imwe mu nzira yo kubaka iterambere rirambye.

    Umuyobozi Mukuru wa Liquid Intelligent Technologies, Nic Rudnick, yavuze ko iki kigo kirajwe ishinga no kongera ishoramari ryabo ku Mugabane wa Afurika

    Source : http://igihe.com/amakuru/u-rwanda/article/liquid-intelligent-technologies-yagejeje-umuyoboro-wa-internet-ku-birometero

  • Umusaruro w’Ishuri Rikuru rya Gisirikare ryakemuye ikibazo cy’abasirikare bakuru bajyaga guhaha ubumenyi mu mahanga –

    Intego nyamukuru yo gufungura iri shuri yari ukubaka igisirikare cy’umwuga, ariko nanone ryaje no gufasha abasirikare bo mu bindi bihugu byaba ibyo muri Afurika ndetse no hanze yaho.

    Buri mwaka muri iri shuri hatangirwa amasomo ari mu byiciro bibiri birimo ikizwi nka ‘Junior Command and Staff Course’ kijyamo abafite ipeti rya Capitaine n’irya Major ndetse n’ikindi cyiciro cya ‘Senior Command and Staff Course’ abafite ipeti rya Major, Lieutenant Colonel na Colonel.

    Muri rusange abamaze kurangiza icyiciro cya kabiri kuva ryatangira ubariyemo Abasirikare n’Abapolisi, ni 418 barimo 94 baturutse mu bihugu by’inshuti z’u Rwanda byaba ibyo ku mugabane wa Afurika no hanze yaho.

    Ni mu gihe icyiciro cya mbere [Junior Command and Staff Course] hamaze kurangiza 447 bose ni abanyarwanda bagizwe n’ingabo z’igihugu na Polisi y’Igihugu.

    Mu kiganiro yagiranye na RBA, Umuyobozi Mukuru wa RDFCSC, Brig Gen Ndahiro Didas, yavuze ko ryafunguwe hagamijwe kubaka igisirikare cy’umwuga.

    Ati “Mbere y’uko iri shuri ribaho, abantu bakoraga amahugurwa kuri urwo rwego bagombaga kujya hanze y’igihugu, urumva ko icya mbere birahenze, imibare ijyayo ni mike ikindi ibyo bigayo biga bakurikije imiterere y’icyo gihugu. Ntabwo rero kubera izo mpamvu byari gukomeza gutyo.”

    Kuri uyu wa Gatanu tariki 11 Kamena 2021, muri iri shuri rya RDFCSC, harasozwa amasomo ku basirikare bo mu Ngabo z’u Rwanda 44 bari ku rwego rwa Major kugeza kuri Colonel ndetse na babatu bo muri Polisi y’Igihugu.

    Brig General Ndahiro Didas avuga ko umwaka baba bamaze muri iri shuri uba ugoye kuko amasomo bahabwa asaba ukwihangana gukomeye, gukoresha neza umwanya muto baba bafite ariko bakanatsinda amasomo.

    Uretse amasomo ya gisirikare bahawe banize icyiciro cya Gatatu cya Kaminuza mu bijyanye no gucunga umutekano [Masters in Security Studies].

    Ati “Urumva rero ni ibyishimo inshuro ebyiri, ubonye impamyabumenyi y’igisirikare ikwemerera ko ukora akazi ka gisirikare ku rwego rwo hejuru ariko noneho ufite na Masters itangwa ku bufatanye na Kaminuza y’u Rwanda.”

    Yakomeje agira ati “Buri musirikare wese uri kuri uru rwego akwiye kuba yarize aya masomo, kimwe n’uko hari andi ayabanziriza, hari uburyo amasomo ya gisirikare apanze ku buryo wiga isomo rimwe, rikaguhereza irindi gutyo gutyo.”

    Brig General Ndahiro yavuze ko abarangije muri iri shuri baba bafite ubumenyi mu masomo ajyanye no gucunga umutekano mu buryo bwagutse, uburyo buhuza intambara igamije kurinda igihugu; kuyitegura no kuyirwana ariko bakiga n’umutekano muri rusange n’ibintu ibyo aribyo byose bishobora guhungabanya umutekano.

    Ati “Mu kugira ngo dukomeze twigishe ibintu bigezweho, iteka duhora tuvugurura imyigishirize n’ibyo twigisha kugira ngo tubashe gutanga ubumenyi bukenewe. Ku ruhando mpuzamahanga iri shuri rifatwa nk’irindi ryose ryo mu kindi gihugu.

    Yakomeje agira ati “Uvuye hano yagenda akajya kwigana n’urangije muri Amerika, mu Bushinwa ku rundi rwego cyangwa icyiciro cyisumbuyeho, ntabwo yagenda ngo babanze kumukoresha ibizamini. Urangije hano yajya mu ishuri rya gisirikare aho ariho hose. Ni ukuvuga ko riri ku rwego rwemewe ku Isi.”

    Muri rusange mu gihe cy’umwaka aba banyeshuri bamara mu ishuri rya RDFCSC, biga amasomo arimo n’ayo kugira uruhare mu iterambere ry’ibikorwaremezo bifasha abaturage gutura neza, mu buryo bubafasha kugira umutekano usesuye.

    Umuyobozi w’Ishuri Rikuru rya Gisirikare rya Nyakinama (RDF-SCSC), Brig Gen Didas Ndahiro, yasobanuye ko iri shuri ryafashije mu kongera ubunyamwuga

  • Liquid Intelligent Technologies yagejeje umuyoboro wa internet ku bilometero ibihumbi 100 muri Afurika –

    Imiyoboro y’iki kigo ikoreshwa n’abaturage barenga miliyoni 100 bari mu mijyi 643 ku Mugabane wa Afurika ndetse byitezwe iyagurwa ry’imiyoboro ya internet ya Liquid rizafasha iterambere ry’ibikorwa birimo ubucuruzi n’iterambere.

    Umuyobozi Mukuru wa Liquid Intelligent Technologies, Nic Rudnick, yavuze ko ikwirakwizwa ry’imiyoboro ya internet ryagize uruhare mu iterambere ry’ibigo bito n’ibiciriritse ku Mugabane wa Afurika.

    Yagize ati “Tumaze igihe dutanga internet yihuta kandi ihendutse n’izindi serivise z’ikoranabuhanga. Ubufatanye bwacu n’abakiliya bacu bwatumye uyu munsi tubarwa nk’ikigo cyafashije ubucuruzi buciriritse kubona serivise zo kubika amakuru yabo, kurindirwa umutekano mu by’ikoranabuhanga bikiyongera kuri serivise zo gutanga serivise za internet dusanzwe dutanga.”

    Uyu muyobozi kandi yavuze ko izi serivise z’imari zizafasha ibigo by’ubucuruzi na Leta za Afurika guhangana n’indi migabane mu bijyanye n’ikoranabuhanga.

    Yagize ati “Internet itanga amahirwe mu iterambere yo kuzamura ibihugu biri mu nzira y’amajyambere. Binyuze mu gushoboza ibihugu bya Afurika kubona amakuru, guhuza abantu ndetse n’ibikorwa by’ubucuruzi, ibyo bizafungura amahirwe y’iterambere mu bukungu.”

    Muri rusange, 20% bya Afurika nibyo bigerwaho na internet, ibisobanuye ko hakiri urugendo rurerure rwo gukwirakwiza internet kuri uyu Mugabane nk’imwe mu nzira yo kubaka iterambere rirambye.

    Umuyobozi Mukuru wa Liquid Intelligent Technologies, Nic Rudnick, yavuze ko iki kigo kirajwe ishinga no kongera ishoramari ryabo ku Mugabane wa Afurika

  • Munyenyezi yitabye urukiko, avuga ko ashaka kujya yivuriza muri CHUK cyangwa Faisal –

    Munyenyezi uburana afungiye muri Gereza ya Nyarugenge, yaherukaga imbere y’urukiko ku wa 8 Kamena 2021, gusa icyo gihe iburanishwa ryarasubitswe [umucamanza yanzura ko ruzaburanishwa kuri uyu wa 11 Kamena 2021] nyuma y’uko uyu mugore n’abamwunganira bagaragaje ko batari bazi ko iyo tariki ariyo bagombaga kuburaniraho.

    Mu iburanisha ryo kuri uyu wa Gatanu, Munyenyezi yari yunganiwe na Me Buhuru Pierre Celestin ndetse na Me Gatera Gashabana. Ni mu gihe Inteko iburanisha igizwe n’umwanditsi w’urukiko ari yo iri kuburanisha uru rubanza naho Ubushinjacyaha buhagarariwe n’abashinjacyaha babiri.

    Umucamanza yatangiye aha umwanya abunganira Munyenyezi ngo basobanure ingingo bashingiyeho bajuririra icyemezo cy’Urukiko rw’Ibanze rwa Kicukiro, bavuga ko umucamanza yirengagije inzitizi zo kuba ibyaha aregwa yarabikurikiranyweho ubwo yari muri Leta Zunze Ubumwe za Amerika.

    Bagarutse kandi kuri zimwe mu mbogamizi zirimo kuba bashaka ko uwo bunganira yarekurwa akaburana ari hanze kubera impamvu z’uburwayi.

    Aba banyamategeko bagaragarije urukiko ko uwo bunganira arwaye indwara zirimo umuvuduko w’amaraso n’impyiko ndetse ko bamujyanye mu Bitaro bya Muhima ariko babona ko bidafite ubushobozi bwo gukurikirana indwara ze bityo banasaba ko yazajyanwa kuvurirwa muri CHUK cyangwa Ibitaro byitiriwe Umwami Faisal.

    Munyenyezi Beatrice yagaragaje ko akeneye imiti no kwitera inshinge za diabete. Yagaragaje ko amaze gukoresha amadolari arenga 200 yo kwitunga kandi ko ntaho ayakura bitewe n’ikibazo cyo kutabona indyo yihariye.

    Yanagaragaje ko atabasha kuvugana n’umuryango we uri hanze. Yavuze ko ashaka kuburana ari imbere y’umucamanza arebana n’abamushinja aho kuba iburanisha ryaba mu buryo bw’ikoranabuhanga.

    Ubushinjacyaha buhawe ijambo bwagaragaje ko ingingo zose zimaze kuvugwa ku buzima bwe ntaho ziri mu myanzuro yatanzwe mu ikoranabuhanga rikoreshwa n’urukiko bityo ko baburana ku mpamvu batanze z’ubujurire bwabo.

    Ku bijyanye naho afungiye, bwavuze ko bwabyumvise mu magambo gusa kuko nta raporo yakozwe yagaragarije urukiko. Bwavuze ko ku burwayi bwe hagakwiye kuba hari raporo yakozwe na muganga igaragaza uko bumeze ndetse n’ikigero biriho.

    Ubushinjacyaha bwakomeje gusobanura kandi ko ubusanzwe indyo yihariye nayo yandikwa na muganga, bityo ko ibyo Munyenyezi avuga by’ubuzima bwe hazakorwa raporo n’abahanga bakabinabitangira ibimenyetso.

    Ibyo kujya kwivuriza muri CHUK na Faisal, Ubushinjacyaha bwavuze ko iyo ibitaro bidafite ubushobozi bwo kuvura umurwayi bumwandikira urupapuro rumwohereza ahandi bityo ko ibivugwa mu rukiko bidakwiye guhabwa agaciro.

    Munyenyezi akurikiranyweho ibyaha birimo ibyo kwica nk’icyaha cya Jenoside, gucura umugambi wo gukora Jenoside, gutegura Jenoside, gushishikariza abantu ku buryo buziguye cyangwa butaziguye gukora Jenoside, ubufatanyacyaha muri jenoside, kurimbura nk’icyaha cyibasiye inyokomuntu n’ubufatanyacyaha mu gusambanya ku gahato nk’icyaha cyibasiye inyokomuntu.

    Munyenyezi yagaragaje inzitizi ku buzima bwe, asaba kujya kuvurizwa CHUK cyangwa mu bitaro byitiriwe Umwami Faisal

    Iburanisha rirakomeje…

  • Umusaruro w'Ishuri Rikuru rya Gisirikare ryakemuye ikibazo cy'abasirikare bakuru bajyaga guhaha ubumenyi mu mahanga – #rwanda #RwOT

    Intego nyamukuru yo gufungura iri shuri yari ukubaka igisirikare cy'umwuga, ariko nanone ryaje no gufasha abasirikare bo mu bindi bihugu byaba ibyo muri Afurika ndetse no hanze yaho.

    Buri mwaka muri iri shuri hatangirwa amasomo ari mu byiciro bibiri birimo ikizwi nka 'Junior Command and Staff Course' kijyamo abafite ipeti rya Capitaine n'irya Major ndetse n'ikindi cyiciro cya 'Senior Command and Staff Course' abafite ipeti rya Major, Lieutenant Colonel na Colonel.

    Muri rusange abamaze kurangiza icyiciro cya kabiri kuva ryatangira ubariyemo Abasirikare n'Abapolisi, ni 418 barimo 94 baturutse mu bihugu by'inshuti z'u Rwanda byaba ibyo ku mugabane wa Afurika no hanze yaho.

    Ni mu gihe icyiciro cya mbere [Junior Command and Staff Course] hamaze kurangiza 447 bose ni abanyarwanda bagizwe n'ingabo z'igihugu na Polisi y'Igihugu.

    Mu kiganiro yagiranye na RBA, Umuyobozi Mukuru wa RDFCSC, Brig Gen Ndahiro Didas, yavuze ko ryafunguwe hagamijwe kubaka igisirikare cy'umwuga.

    Ati 'Mbere y'uko iri shuri ribaho, abantu bakoraga amahugurwa kuri urwo rwego bagombaga kujya hanze y'igihugu, urumva ko icya mbere birahenze, imibare ijyayo ni mike ikindi ibyo bigayo biga bakurikije imiterere y'icyo gihugu. Ntabwo rero kubera izo mpamvu byari gukomeza gutyo.'

    Kuri uyu wa Gatanu tariki 11 Kamena 2021, muri iri shuri rya RDFCSC, harasozwa amasomo ku basirikare bo mu Ngabo z'u Rwanda 44 bari ku rwego rwa Major kugeza kuri Colonel ndetse na babatu bo muri Polisi y'Igihugu.

    Brig General Ndahiro Didas avuga ko umwaka baba bamaze muri iri shuri uba ugoye kuko amasomo bahabwa asaba ukwihangana gukomeye, gukoresha neza umwanya muto baba bafite ariko bakanatsinda amasomo.

    Uretse amasomo ya gisirikare bahawe banize icyiciro cya Gatatu cya Kaminuza mu bijyanye no gucunga umutekano [Masters in Security Studies].

    Ati 'Urumva rero ni ibyishimo inshuro ebyiri, ubonye impamyabumenyi y'igisirikare ikwemerera ko ukora akazi ka gisirikare ku rwego rwo hejuru ariko noneho ufite na Masters itangwa ku bufatanye na Kaminuza y'u Rwanda.'

    Yakomeje agira ati 'Buri musirikare wese uri kuri uru rwego akwiye kuba yarize aya masomo, kimwe n'uko hari andi ayabanziriza, hari uburyo amasomo ya gisirikare apanze ku buryo wiga isomo rimwe, rikaguhereza irindi gutyo gutyo.'

    Brig General Ndahiro yavuze ko abarangije muri iri shuri baba bafite ubumenyi mu masomo ajyanye no gucunga umutekano mu buryo bwagutse, uburyo buhuza intambara igamije kurinda igihugu; kuyitegura no kuyirwana ariko bakiga n'umutekano muri rusange n'ibintu ibyo aribyo byose bishobora guhungabanya umutekano.

    Ati 'Mu kugira ngo dukomeze twigishe ibintu bigezweho, iteka duhora tuvugurura imyigishirize n'ibyo twigisha kugira ngo tubashe gutanga ubumenyi bukenewe. Ku ruhando mpuzamahanga iri shuri rifatwa nk'irindi ryose ryo mu kindi gihugu.

    Yakomeje agira ati 'Uvuye hano yagenda akajya kwigana n'urangije muri Amerika, mu Bushinwa ku rundi rwego cyangwa icyiciro cyisumbuyeho, ntabwo yagenda ngo babanze kumukoresha ibizamini. Urangije hano yajya mu ishuri rya gisirikare aho ariho hose. Ni ukuvuga ko riri ku rwego rwemewe ku Isi.'

    Muri rusange mu gihe cy'umwaka aba banyeshuri bamara mu ishuri rya RDFCSC, biga amasomo arimo n'ayo kugira uruhare mu iterambere ry'ibikorwaremezo bifasha abaturage gutura neza, mu buryo bubafasha kugira umutekano usesuye.

    Umuyobozi w’Ishuri Rikuru rya Gisirikare rya Nyakinama (RDF-SCSC), Brig Gen Didas Ndahiro, yasobanuye ko iri shuri ryafashije mu kongera ubunyamwuga

    Source : http://igihe.com/amakuru/u-rwanda/article/umusaruro-w-ishuri-rikuru-rya-gisirikare-ryakemuye-ikibazo-cy-abasirikare

  • Abakinnyi 12 ba APR FC barimo inkingi za mwamba bari ku mpera z’amasezerano yabo #rwanda #RwOT

    Nyuma ya tariki ya 22 Kamena 2021, ubwo shampiyona y’u Rwanda ya 2021 izaba isojwe, abakinnyi benshi bazaba bari ku mpera z’amasezerano yabo, na APR FC abagera kuri 12 bazaba basoje barimo n’abo iyi kipe igenderaho.

    Gusoza amasezerano ni kimwe no kuba ikipe yakongerera umukinnyi amasezerano ni ikindi. Nk’uko twabigarutseho mu nkuru y’abakinnyi basoje amasezerano muri Rayon Sports, na APR FC hari abakinnyi iyi kipe izarekura nyuma y’uyu mwaka w’imikino.

    Benshi mu bakinnyi basoje amasezerano yabo muri APR FC, ni abayigiyemo mu mpeshyi ya 2019 ubwo iyi kipe yari imaze kwirukana abagera kuri 16.

    Ku ikubitiro umunyezamu Rwabugiri Umar winjiye muri iyi kipe avuye muri Mukura VS mu mpeshyi ya 2019, nyuma y’iyi shampiyona azaba asoje amasezerano ye, yaje ari umu nyezamu wa mbere ariko yaje gutakaza uyu mwanya ubu ni umunyezamu wa kabiri ndetse bishoboka ko atazongererwa amasezerano.

    Rwabugiri Umar

    Ahishakiye Heritier na we ubu ni umunyezamu wa 3 wa APR FC na we yinjiriye rimwe na Rwabugiri Umar muri iyi kipe y’ingabo z’igihugu, we yari avuye muri Marines, yasinye imyaka 2 irimo kugana k’umusozo.

    Umunyezamu Ahishakiye Heritier

    Kapiteni w’iyi kipe, Manzi Thierry yasinyiye APR FC avuye muri Rayon Sports uyu na we akaba arimo gusoza amasezerano ye.

    Manzi Thierry

    Si uyu mukinnyi gusa, we na bagenzi be bavanye muri Rayon Sports ndetse basanzwe babanza mu kibiga barimo Mutsinzi Ange Jimmy bakinana mu bwugarizi, Niyonzima Olivier Seif na Manisimwe Djabel nabo bazaba basoje amasezerano yabo nyuma y’uyu mwaka w’imikino.

    Niyonzima Olivier Seif

    Manishimwe Djabel

    Mutsinzi Ange Jimmy

    Myugariro wo k’uruhande rw’ibumoso wavuye muri AS Kigali, Niyomugabo Claude na we ari ku mpera z’amasezerano ye muri APR FC, amakuru akaba avuga ko yifuza gutandukana n’iyi kipe kuko atabonye umwanya uhagije wo gukina.

    Niyomugabo Claude

    Undi mukinnyi urimo gusoza amasezerano ye ni umukinnyi ukina mu kibuga hagati iyi kipe yaguze muri Police FC, Mushimiyimana Mohammed akaba atarabonye amahirwe yo gukina, nyuma y’uyu mwaka ashobora kurekurwa n’iyi kipe.

    Mushimiyimana Mohammed

    Hari kandi abakinnyi babiri iyi kipe yaguze bavuye muri Kiyovu Sports, myugariro Rwabuhihi Aime Palcide na we utarabonye umwanya uhagije wo gukina, Nizeyimana Djuma usatira anyuze ku mpande, na we umuntu yavuga ko imyaka 2 amaze muri APR FC ibintu bitamugendekeye neza, ndetse byitezwe ko nyuma yo gusoza amasezerano ye iyi kipe yazamurekura.

    Nizeyimana Djuma

    Rwabuhihi Aime Placide

    Rutahizamu Danny Usengimana na Nshuti Innocent basinyiye iyi kipe mu ntangiriro za 2019, bazaba basoje amasezerano yabo muri uku kwezi kwa Kamena.

    Danny Usengimana byitezwe ko nyuma y’uyu mwaka w’imikino ashobora guhita asanga umugore we muri Amerika, bivuze ko atazongera amasezerano muri APR FC.

    Nshuti Innocent

    Nshuti Innocent ntabwo yabonye umwanya uhagije wo gukina muri iyi myaka ibiri, ariko umwanya yabonye wo gukina yagiye yitwara neza, akaba ashobora kongererwa amasezerano.

    Danny Usengimana

    Source : http://isimbi.rw/siporo/article/abakinnyi-12-ba-apr-fc-barimo-inkingi-za-mwamba-bari-ku-mpera-z-amasezerano-yabo