Webrwanda Backend

Blog

  • Ibidasanzwe kuri Norrsken Foundation izafasha ba rwiyemezamirimo kubona igishoro gishobora kugera kuri miliyari 10 Frw – #rwanda #RwOT

    Norrsken Foundation ni ikigo cyashinzwe n’umukire Niklas Adalberth mu 2016, gifite intego zo gufasha ba rwiyemezamirimo bafite imishinga yakemura bimwe mu bibazo byugarije Isi.

    Mu rwego rwo kwagura ibikorwa by’iki kigo, cyahisemo gutangiza ishami ryacyo muri Afurika, maze cyemeza u Rwanda nk’icyicaro gikuru ndetse imirimo yo kubaka ibiro byacyo irarimbanyije, aho byitezwe ko izarangira muri uku kwezi.

    Norrsken Faundation izafasha ba rwiyezamirimo 1000, icyiciro cya mbere kizafashwa kigizwe na ba rwiyemezamirimo 250, kikazatangira muri Nzeri uyu mwaka, abandi 750 biganjemo Abanyarwanda n’abanyamahanga bake, bakazatangira gukorana n’iki kigo muri Werurwe 2022.

    Aba bazafashwa mu bikorwa bitandukanye, birimo guhabwa aho gukorera hagezweho, kubahuza na ba rwiyemezamirimo bakomeye ku rwego rw’Isi bagasangira inararibonye ndetse no kubaha igishoro mu gihe bikenewe, aho Norrsken Foundation izajya igura imigabane runaka mu kigo basanze gifite amahirwe y’iterambere, impande zombi zigasinya amasezerano y’uburyo bw’imikoranire.

    Imishinga yatoranyijwe izahabwa igishoro kiri hagati ya miliyoni 10 na miliyari 10 z’amafaranga y’u Rwanda.

    Mu kiganiro n’Uhagarariye ibikorwa bya Norrsken Foundation mu Rwanda, Murasira Pascal, yavuze ko biyemeje gukorera mu Rwanda mu rwego rwo kuzamura ba rwiyemezamirimo baho ndetse ko baruhisemo kubera uburyo rworohereza abashoramari.

    Ati “U Rwanda ruzwiho korohereza abashoramari bashaka kurutangiramo ibikorwa byabo. Ikindi ni igihugu gitekanye ku buryo buri wese acyisanzuramo, yaba Umunyarwanda cyangwa umunyamahanga ukandagiye muri Afurika bwa mbere. Norrsken yahisemo kuhakorera kugira ngo ifashe ba rwiyemezamirimo batanga icyizere ku kubaka ubucuruzi burenga imbibi z’u Rwanda.”

    Kugeza ubu hamaze kwiyandikisha ba rwiyemezamirimo bagera ku 1600, hakazotoranywa 1000 bazafashwa hagendewe ku mishinga yabo.

    Niklas Adalberth washinze iki kigo aherutse kugirira uruzinduko mu Rwanda, aho yabonanye na Perezida Paul Kagame ndetse bikaba byitezwe ko ubwo ibiro by’iki kigo bizaba bimaze kuzura, ari umwe mu bazitabira umuhango wo kubitaha ku mugaragaro.

    Norrsken Foundation ni ikigo cyubatse izina ku rwego mpuzamahanga mu gufasha ba rwiyemezamirimo bakizamuka

    Mu biro by’iki kigo, hazaba hari umwanya wisanzuye uzajya wakira ba rwiyemezamirimo bazanye imishinga bifuza ko yaterwa inkunga

  • Gatsibo: Imiryango 14 y’abagize uruhare mu rugamba rwo kubohora igihugu yahawe amacumbi – #rwanda #RwOT

    Ni inzu zubatswe mu mafaranga yakusanyijwe n’abanyamuryango ba FPR-Inkotanyi mu Karere ka Gatsibo, nibura muri buri Murenge hakaba hubatswemo inzu imwe yashyikirijwe uwatoranyijwe utari ufite imibereho myiza.

    Mu gutaha izi nzu kuri iki Cyumweru tariki ya 4 Nyakanga 2021 ubwo u Rwanda rwizihizaga ku nshuro ya 27, Umunsi wo Kwibohora, Umuyobozi w’umuryango RPF-Inkotanyi mu Karere ka Gatsibo, Gasana Richard, yavuze ko bahisemo kwizihiza uyu munsi hatahwa izi nzu.

    Yakomeje avuga ko babikoze nk’abanyamuryango ba FPR-Inkotanyi nk’umuryango wayoboye urugamba rwo kubohora u Rwanda ndetse ngo bakanaharanira ko imiyoborere ikomeza kugenda neza.

    Ati “ Ubu imiyoborere dufite mu gihugu ni myiza ariko hari ibibazo bimwe na bimwe bikiboshye abanyarwanda, birimo ubukene, kutagira aho abantu baba nubwo atari benshi ariko barahari. Twaravuze tuti ‘rero nk’umuryango tugire uruhare mu gukemura ibyo bibazo’, ni yo mpamvu twubatse izi nzu nibura buri imwe tubarira miliyoni enye n’igice kongeraho ibyo baremeye iyi miryango.”

    Yakomeje avuga ko bishimishije kubona abaturage bagifite gukotana muri bo aho bagifite umutima wo gufasha bagenzi babo batabayeho neza.

    Bamwe mu bamugariye ku rugamba bashyikirijwe izi nzu bashimiye abanyamuryango ba FPR-Inkotanyi ku rukundo babagaragarije.

    Kagabo Joel winjiye mu gisirikare mu 1988 akaza kukivamo nyuma yo kumugarira ku rugamba, yavuze ko yishimiye inzu yahawe ngo kuko yari amaze imyaka myinshi asembera.

    Ati “ Ni ibyishimo ntagereranwa, sinabona uko mbivuga, umutima wanjye uranezerewe cyane kuko nahawe inzu ni cyo kintu nari mbabaye cyane.”

    Bitege Sam ufite imyaka 62 akagira abana icumi, yavuze ko yinjiye mu gisirikare mu 1991 akivamo 2002 nyuma yo kumugarira ku rugamba, na we ngo yishimiye inzu yahawe cyane kuko yari abayeho mu buzima butari bwiza.

    Ati “ Nsa nk’uwageze mu ijuru kuko buriya iyo wabonye inzu n’imitekerereze yawe ijya mu murongo mwiza, ndashimira Perezida wa Repubulika watoje abanyarwanda urukundo no gufashanya, uyu munsi nabohotse cyane kandi ndashimira buri umwe wabigizemo uruhare.”

    Uretse inzu bahawe banorojwe amatungo arimo inka, ihene ndetse banahabwa ibiryamirwa n’intebe zo mu nzu, hari n’abahawe ibiribwa mu rwego rwo kubafasha kwinjira muri izi nzu bafite n’ibyo kurya byose bikaba bifite agaciro ka miliyoni 63 Frw yatanzwe n’abanyamuryango ba FPR-Inkotanyi mu Karere ka Gatsibo.

    Abahawe inzu bishimiye ko bagenzi babo babatekerejeho bakabakura mu buzima bwo gusembera

    Uretse inzu iyi mirryango yanorojwe inka

    Umuyobozi w’Akarere ka Gatsibo, Gasana Richard, ubwo yaganiraga n’umwe mu miryango yashyikirijwe inzu

  • Ukundo rwabo ni kera habayeho! Zari yahishuye impamvu yatandukanye n’umukunzi we mushya #rwanda #RwOT

    Nyuma y’uko muri Gashyantare 2021 Zari atangaje ko ari mu rukundo rushya n’umusore yise Dark Stallion, bisa nk’aho urukundo rwabo ari kera habayeho kuko uyu mugore yamaze gusiba amafoto ye kuri Instagram ye yongeraho ko atumwubakaga.

    Muri Gashyantare uyu mwaka, inkuru y’urukundo rwa Zari Hassan na Dark Stallion yatigishije Afurika y’Iburasirazuba bitewe n’uburyo yatakaga uyu musore, ni nyuma y’igihe atangaje ko yatandukanye na King Bae yashinje kumwiyereka uko atari.

    Nyuma yo kugaragaza ko ari mu rukundo rushya, uyu mugore w’abana 5 yagiye abwirwa n’abamukurikira ko urukundo rwe rutazaramba ndetse ko bizarangira mu marira nko kuri King Bae.

    Rusa n’aho rwarangiye mu marira, ni nyuma y’uko asibye amafoto yose y’uyu mugobo(ayo bari kumwe n’aye wenyine) yari yarashyize ku rukuta rwe rwa Instagram.

    Abinyujije kuri Instagrm Stories, Zari yaciye amarenga y’icyo yaba yarapfuye n’uyu mugabo aho yavuze ko umuntu utakubaka umureka akagenda.

    Ati 'ndamukumbuye ariko nari mfite kumureka akagenda, ibitanyubaka sinabigumana.'

    Amakuru avuga ko uyu mugore yaba yarasubiranye na Diamond Platmunz batandukanye muri Gashyantare 2018 nyuma yo kubyarana abana babiri.

    Zari Hassan yahishuye ko yatandukanye ko Dark Stallion

    Zari Hassan ngo ntiyagumana ibitamwubaka

    Biravugwa ko Zari yasubiranye na Diamond

    Source : http://isimbi.rw/imyidagaduro/article/ukundo-rwabo-ni-kera-habayeho-zari-yahishuye-impamvu-yatandukanye-n-umukunzi-we-mushya

  • UGANDA: Umugabo wadodaga inkweto yishwe n'inzara nyuma yuko Perezida Museveni ashyize igihugu cyose muri Guma mu rugo #rwanda #RwOT

    Nkuko tubikesha Televiziyo y'igihugu cya Uganda, umugabo witwa Justus Sempa wadodaga inkweto mugace ka kawafu utagiraga umugore ariko wabanaga n'abana be babiri yasanzwe yapfuye maze umuyobozi wakagace yaratuyemo akaba yemeje ko uyumugabo yishwe n'inzara.

    Mubusanzwe ubuzima kuri benshi bushoboka igihe umuntu yashakishije rimwe na rimwe bigakunda cyangwa se bikanga ariko uko byagenda ko umuntu akomeza ashakisha kugeza bikunze.

    Bitewe nikibazo cyangwa se akaga kaziye isi yose muri rusange ka corona virus byatumye ibihugu bifata ingamba zigiye zitandukanye harimo no gushyira abantu mu rugo mu rwego rwo kwirinda ikwirakwira ry'icyi cyorezo. Nkuko rero byabaye hafi kwisi yose, no mu gihugu cya Uganda byaje kuba muminsi ishize ubwo perezida w'iki gihugu Nyiricyubahiro Yoweli Kaguta Museveni ategeka ko igihugu cyose kijya muri gahunda ya guma mu rugo mu gihe kingana n' iminsi 42 kuva kuwa 18 kamena 2021.

    Uyu mugabo rero witwa Justus Sempa warusanzwe agenda genda mungo z'abantu abadodera inkweto yaje gukomwa mu nkokora n'iki cyorezo kuko kuva kuwa 18 kamena nta muntu n'umwe wemerewe kuva murugo ajya murundi kubera ubwiyongere bwa Corona mu gihugu cya Uganda. Uyu mugabo rero ari muri bake bagizweho ingaruka zikomeye cyane kuko nyuma yuko umugore babanaga amutanye abana babiri uyu mugabo bivugwa ko atari afite ubushobozi bwo kubitaho yaje kubohereza mubaturanyi maze batashye basanga uyu mugabo yamaze gushiramo umwuka aho bivugwa ko yaramaze iminsi igera kuri 12  ntakintu akoza mukanwa ndetse naduke yabonaga akaba yatugabanyaga abana be kuko yavugaga ko obo bagikura mu gihe we yabonaga n'ubundi ntaho asigaye.

    Nkuko yaje gukorerwa ubuvugizi na Televiziyo y'igihugu, byatumye polisi yo muri iki gihugu itangira iperereza ngo bamenye koko uyu mugabo yaba yazize inzara nkuko byagaragaye ndetse bikanatangazwa n' abana yareraga.

    Biteganyijwe ko iyi guma murugo yashyizwe mu gihugu cy'abaturanyi cya Uganda izarangira mumpera zakuno kwezi kuko bashyizeho iyiminsi 42 kandi ikaba yaratangiye kuwa 18 kamena 2021. Nubwo kandi ibi bibaye kuruyumugabo rimwe na rimwe usanga ibintu nkibi bidakwiriye kubona umuntu yarinda yitaba Imana nyamara abaturanyi be bari basanzwe bazi icyo akora naho akura amaramuko nyamara ibyago byaza nibura ntibamufashe.

    Nubwo umuco wo gufasha ugenda ukendera mubantu ariko nyamara siko byakagenze kuko mukinyarwanda bavuga ko ntawigira ahubwo umuntu agirwa n'abandi.

    Source : https://impanuro.rw/2021/07/05/uganda-umugabo-wadodaga-inkweto-yishwe-ninzara-nyuma-yuko-perezida-museveni-ashyize-igihugu-cyose-muri-guma-mu-rugo/

  • Kwibohora 27: Umudugudu w’icyitegererezo watashywe muri Musanze usobanuye icyizere #Rwanda #RwOT via @kigalitoday #rwanda #RwOT

    Mu ijambo Perezida wa Repubulika Paul Kagame yavuze ku munsi wo ‘Kwibohora 27′, yagarutse kuri uwo mushinga wo kubaka inzu zihabwa imiryango ikennye, avuga ko ibyo ari bimwe mu bikorwa by’iterambere bitanga icyizere kandi byemeza ko igihugu kita ku baturage n’abaturage bakita ku gihugu.

    Perezida Kagame ashimira ingabo yagize ati “Umudugudu w’icyitegererezo ‘The Kinigi Model Village’ watashywe none, hamwe n’indi mishinga igenewe gufasha abaturage yakozwe n’Ingabo zacu ku bufatanye n’ibindi bigo, bigaragaza ubumwe bwacu nk’Abanyarwanda kandi twabigize umuco”.

    Umudugudu w’ikitegererezo wa Kinigi ugizwe n’inzu 2 zirimo 24 n’ibyumba bibiri byo kuraramo muri buri nzu, hakaba n’izindi nzu 4 zirimo inzu 24, harimo ibyumba byo kuraramo bitatu muri buri nzu, ikaba irimo televiziyo, radiyo, intebe n’ameza mu ruganiriro na Gaz yo gutekesha.

    Uwo mudugudu kandi ufite ikigo nderabuzima gifite aho basuzumira, aho bafatira imiti ‘pharmacy’, Laboratwari, ahavurirwa amaso, aho bapfukira ibisebe n’ibindi byoroheje ‘minor surgery’, naho bafashiriza abakeneye kugororwa ingingo n’ibindi.

    Muri uwo Mudugudu harimo amarerero y’abana b’incuke (ECDs), amashuri abanza ndetse n’amashuri yisumbuye.

    Mu rwego rwo kuzamura imibereho myiza y’abatujwe muri uwo mudugudu, bahawe inkoko 800 zo korora, ikiraro cy’inka kirimo izigera ku 102 n’icyumba kibikwamo ibiryo byazo, umurima w’imbuto n’imboga ndetse bashyiriweho n’agakiriro. Muri uwo Mudugudu kandi bafite amazi n’umuriro ndetse n’umuhanda urimo kaburimbo.

    Gen. Murasira Albert, Minisitiri w’Ingabo z’u Rwanda watashye uwo mudugudu ku mugaragaro, yagize ati “Birazwi ko uyu munsi twizihiza umunsi mukuru wo kwibohora, ibyo bigizwe n’ibintu byinshi harimo, umuhate w’ingazo z’u Rwanda ‘RDF’ mu gukorana n’abaturage mu kubaka ibikorwa bigamije iterambere ry’igihugu nk’uyu mudugudu w’icyitegererezo twatashye uyu munsi. RDF izahora imbere mu kuzamura igihugu ifatanyije namwe”.

    Lt. Gen. Mubarak Muganga, Umugaba mukuru w’ingabo z’u Rwanda, yasabye abahawe izo nzu kuzifata neza, bagakoresha ibyo bahawe byose mu kwiteza imbere ubwabo.

    Yagize ati “Kugira uruhare mu iterambere ry’igihugu ni inshingano za buri wese. Mwahawe impano izasanzwe, mugomba kujya mukurikirana ibi bikorwa remezo mwahawe, mukabyitaho, mukabikoresha kugira ngo bibageze ku iterambere. Icyerekezo u Rwanda rufite ni ukugira abaturage batekanye, bahuje, bateye imbere kandi bashoboye kwigira”.

    Umudugudu w’ikitegererezo wa Kinigi wubatswe na Minisiteri y’Ingabo ku bufatanye na Minisiteri y’Ubuzima, Minisiteri y’imari n’igenamigambi, Minisiteri y’ikoranabuhanga, Minisiteri y’ubuhinzi n’ubworozi, Minisiteri y’ubucuruzi na Minisiteri y’ibikorwa remezo.

    Muri urwo rwego rwo kwizihiza umunsi wo kwibohora kandi, Minisiteri y’Ingabo yubatse umudugudu w’icyitegererezo mu Murenge wa Kinihira mu Karere ka Gicumbi mu Ntara y’Amajyaruguru, uwo mudugudu ukaba uzatuzwamo imiryango cumi n’ibiri (12).

    Minisitiri w’Ubutegetsi bw’igihugu, Gatabazi Jean Marie Vianney, na we wari kumwe na Minisitiri w’Ingabo bataha uwo mudugugu w’ikitegererezo wa Musanze, yagize ati “Mu myaka 10 ishize, twajyaga dutaha imidugudu y’ikitegererezo igizwe n’amazu make cyane, ariko ubu noneho twatangiye kubaka inzu, zigerekeranye zubatswe ku butaka buto kandi zigatuzwamo abantu benshi”.

    “Uyu mudugudu w’icyitegererezo mushya, uzatuzwamo abantu bagera kuri 600 batujwe ku butaka bugari. Abahatujwe bazafashwa gukoresha neza ubwo butaka ariko batuye hamwe, ibyo bikazamura ubumwe bwabo, kuko ni bwo Guverinoma iharanira. Uyu ni umunsi udasanzwe ku baturage b’Umurenge wa Kinigi bahawe ibikorwa remezo byiza cyane”.

    Yongeyeho ko abatujwe muri uwo mudugudu w’icyitererezo bazajya basura imirima yabo yasigaye aho bimuwe.

    Umudugudu w’Icyitegererezo wa Kinigi ubaye uwa 82 Leta y’u Rwanda yubatse guhera mu 2016. Umunsi mukuru wo kwibohora uyu mwaka, ufite insanganyamatsiko igira iti “Dufatanyije tugera ku iterambere”.

    Minisitiri Gatabazi yagize ati “Abahawe izo nzu bazifiteho uburenganzira, tuzabaha ibyangombwa byemeza ko ari izabo, bashobora kuzitangaho ingwate mu gihe bagiye gusaba inguzanyo muri za Banki. Gusa tubagira inama yo kutazigurisha cyangwa se ngo bananirwe kuzitaho.Twagiye tubona cyangwa tukumva aho abantu bahawe inzu, nyuma bakazigurisha ku biciro byo hasi cyane. Ibyo ni bibi”.

    Ati “Guverinoma ntizaza kubasanira inzu cyangwa ibindi bikorwa mwahawe, abazihawe bagomba gukora ku buryo biteza imbere ubwabo, uyu mudugudu washyizwemo imishinga y’iterambere, nk’ubworozi bw’inka, inkoko ndetse n’imirima”.

    Umudugudu w’icyitegererezo wa Kinigi uje usanga uwa Rweru, Karama, Gikomero, Gishuro, Horezo n’indi.

  • Ubuhamya bwa Munezero Asoumpta Imana yakijije pararize #rwanda #RwOT

    Munezero Asoumpta umukristo mu itorero ADEPR yanyuze mu bintu bitandukanye bikomeye, ariko yagiye abona Imana imwiyereka imuha agakiza ndetse imukiza uburwayi bwa pararize aho ibice bimwe by’umubiri we bitakoraga, yewe n’abaganga baramubwiye ko atazakira, ariko Yesu yaramukijije.

    Nta kinanira Uwiteka mugihe cyashyizweho ndetse nta cyabasha kurogoya umugambi we kuko Ashobora byose nk’uko Munezero abisobanura mu magambo ye urugendo rw’ubuzima bwe n’uburyo Imana yamwiyeretse ikamukiza.

    Uyu mubyeyi w’abana bane aratangira asobanura uko yakijijwe agira ati 'Nakiriye Yesu nk’Umwami n’Umukiza w’ubugingo bwanjye mu 2005, ariko kimwe mu bintu byatumye nkizwa ni uko nari ndushye. Ndi umubyeyi w’abana 4, muri iyo myaka nabanaga n’umugabo twarasezeranye ndi umugore mu rugo. Igihe cyarageze ibintu birivanga ntitwabasha gukomeza kubana, aho twatandukaniye nahise mbura amahoro niyemeza kuyashakira mu bapfumu nararaguje ku buryo bwose bushoboka, ariko sinabonye amahoro kandi ari cyo nari nkeneye.

    Nabaye muri ubwo buzima undangiye umupfumu nkaba nagiyeyo, abagiye za Kinyinya barabizi twahuriragayo tujya kuraguza, abo twahuriraga mu budurira n’ahandi barabizi hari n’abakijyayo ,ariko ndabatangariza ko Yesu ari we wenyine ufite amahoro. Muri icyo gihe cyose najyaga kuraguza nshaka amahoro kuko nari mfite umugabo n’abana, ariko mbuze amahoro. Muri icyo gihe nacuruzaga akabari mfite amafaranga, ariko mbiburamo amahoro.

    Mubyukuri umugabo tukimara gutandukana naracuruzaga ariko byagera nijoro nkarara ndira nibaza ngo nzabaho gute? Umugabo yaragiye bigeze aho no gucuruza birananira mbona ko ubuzima bwanze isi inyikaragiyeho. Ariko muri icyo gihe ni bwo Umwami Imana yangendereye ampa agakiza insanga ikoresheje ijambo riri muri Yeremiya 33 rivuga ngo Yeremiya yari akingiranye mu gikari maze Uwiteka aramubwira ngo ntabaza ndagutabara nkwereke ibikomeye biruhije utamenya.

    Muri icyo gihe nararaga ndira kuko natangiraga kurira saa yine z’ijoro kugeza mu gitondo ni bwo Uwiteka yansanze arambwira ngo ntabaza ndagutabara nkwereke ibikomeye biruhije utamenya. Natangiye kwiga gusenga mpamagara Umwami Imana, ntangira kujya mu nsengero, byageze aho gucuruza birananira ndabireka, ariko Imana ikambwira ngo mwana wanjye nkorera nzakugirira neza. Imana yarabikoze nongera kubona icyo gukora ndikorera ubu ndi umubyeyi ufite abana bakuru babiri barangije amashuri yisumbuye abandi babiri bato baracyari muri secondaire. Aho nahaboneye Imana ni yo mpamvu nakubwira ngo Imana ni yo buhungiro bwacu'.

    Igihe cyarageze MunezeroAssoumpta arwara pararize ku buryo abaganga bamubwiye ko atazakira ariko Yesu aramukiza nk’uko abisobanura ati 'Narwaye pararize uruhande rw’iburyo rudakora, akaboko n’akaguru gahinduka pararize numva ko ubuzima bwanjye burangiye ndetse byari bikomeye kuko nari naranyuze muri sikaneri (scanner) bambwira ko iyo ndwara itazakira.

    Icyakora bitewe n’icyo nari narasabye Imana nyibwira ngo Mana uzangire ikibaho abantu bigiraho. Njyewe mbona ko ari cyo kintu cyari cyarabiteye, aho muganga yari amaze kumbwira ngo indwara ntizakira kuko indwara yahereye mu bwonko ndentse n’imitsi yo mu bwonko yaramunzwe ntabwo nzakira. Ariko Iyi Mana yo mu ijuru yo itajya ibura uko igenza, igihe cyarageze Imana inkiza pararize. Ibyo ni ibintu natangira ubuhamya kuko byabayeho ku mugaragaro aho Imana yanyoherereje umuntu araza aransengera ndakira'.

    Asoza ubuhamya bwe arahumuriza abafite ibibaremereye yaba uburwayi bw’igihe kirekire ko bakwegurira ubuzima bwabo Kristo bagasenga ndetse bakamwizera kuko ashobora byose kandi muri we ni ho tubonera amahoro atemba nk’uruzi.

    Source: vision tv

    [email protected]

    Source : https://agakiza.org/Ubuhamya-bwa-Munezero-Asoumpta-Imana-yakijije-pararize.html

  • Top 10 y'ibihugu bifite abakobwa b'ibizungerezi kurusha abandi muri Afurika. – YEGOB #rwanda #RwOT

    Ibihugu byinshi bya Afrika bizwiho kugira abakobwa bafite uburanga n'igikundiro, ariko buri wese ku giti cye yakwikorera urutonde rwe bitewe n'igisobanuro we aha ubwiza kuko ntawe utakwifuza kubona igihugu cye cyiza ku isonga.

    Afurika ni umugabane wakabiri utuwe cyane mu migabane yose igize isi,ukaba umugabane wiganjemo abirabura cyane.Dore urutonde rw'ibihugu icumi bifite abakobwa beza muri africa:

    1.SOMALIA

    Somalia ni cyo gihugu kiza ku mwanya wa mbere mu kugira abakobwa beza muri Afurika.

    2.DJIBOUTI

    Iki gihugu gifite abaturage bake kiza ku mwanya wa kabiri bakaba bavuga ururimi rwigifaransa cyane, niba wifuza kubona umukobwa mwiza niwige igifaransa.

    3.ETHIOPIA

    Ethiopia ifite abakobwa beza barangwa no kugira amaso meza manini, kandi bafite n'uruhu rucyeye iki gihugu kiza kumwanya wa gatatu.

    4.GHANA

    Ghana iza kumwanya wa kane iki gihugu bavuga icyongereza cyane ,kandi barangwa no kwakira neza ba mukerarugendo.

    5.ERITREA

     

    Eritrea iza kumwanya wa gatanu, iki gihugu gihererye mu ruhande rw'iburyo rwa Ethiopia, bavuga ururimi rwa Tigrinya.

    6.EGYPT

    Misiri (Egypt) iza kumwanya wa gatandatu. Iki gihugu kiba kizwi cyane muri africa kuko kirangwa n'inyubako zo mu bwoko bwa piramide.

    7.KENYA

    Kenya iza kumwanya wa karindwi bakaba bavuga icyongereza cyane, ndetse iza mu bihugu byateye imbere mu ikoranabuhanga ku isi.

    8.MORROCO

    Maroke iza kumwanya wa gatatu, iki gihugu baka bavuga ururimi rw'icyarabu(arabic).

    9. RWANDA

    U Rwanda rugizwe n'imisozi igihumbi, aho ibiciro byo kubaho bihendutse(low cost of living). Ruza kumwanya wa cyenda rufite abakobwa beza barangwa n'umuco nyarwanda, bavuga ikinyarwanda, ndetse bakoresha n'icyongereza.

    10. SOUTH SUDAN

    Sudan ni igihugu kiza kumwanya wa cumi mu bihugu bifite abakobwa beza muri Afurika, barangwa no kugira ubucuti kandi banavuga icyongereza.

    Source : https://yegob.rw/top-10-yibihugu-bifite-abakobwa-bibizungerezi-kurusha-abandi-muri-afurika/

  • Mico The Best yambitse impeta uwo bitegura kubana #Rwanda #RwOT via @kigalitoday #rwanda #RwOT

    Mu magambo y’urukundo yagize ati “Reka tubane mu gihe gisigaye cy’ubuzima bwacu guhera uyu munsi. Kuva bwa mbere tugihura nahise menya ko nzashaka kubana nawe ibihe byose, urakoze kunyemerera”.

    Ibi yabyanditse ku mafoto ubwo yari ateye ivi asaba umukunzi we ko yakwemera kumubera umugore.

    Mico yiyongereye mu bandi bahanzi basabye abakunzi babo ko bababera abagore n’abamaze igihe gito babanye, harimo Meddy, Emmy, Platini P, Kitoko n’abandi.

  • Nyuma y’ibihano Sarpong yagarutse mu bandi ahita ahura n’imvune #rwanda #RwOT

    Rutahizamu w’umunya — Ghana wakiniye Rayon Sports, Michael Sarpong nyuma yo kuva mu bihano yari yafatiwe n’ubuyobozi kubera imyitwarire mibi, yagarutse mu myitozo ariko ahita agira ikibazo cy’imvune.

    Umuvugizi wa Yanga, Hassan Bumbuli yavuze ko bamwe mu bakinnyi bari bahagaritswe kubera imyitwarire mibi ibihano byarangiye banagarutse mu myitozo, ariko Sarpong we akaba yarahise agira ikibazo cy’imvune.

    Ati'abakinnyi bagaragayeho ikibazo k’ikinyabupfura gike, benshi muri bo ibibazo byabo byarakemutse, kuri Sarpong ikibazo cye cyarakemutse yanagarutse mu bandi nubwo ubu afite ikibazo cy’imvune.'

    Umunyezamu Metacha ngo ni we ukiri mu bihano, ngo nubwo yahanwe na federasiyo kubera imyitwarire mibi yagaragaje ku mukino wa Ruvu Shooting ngo ikibazo cye kiracyarimo kwigwaho.

    Mu ntangiriro z’ukwezi gushize kwa Kamena, nibwo umutoza w’iyi kipe, Nesredine Nabi yasabye ubuyobozi bw’iyi kipe ko buhana abakinnyi barimo Michael Sarpong kubera imyitwarire mibi.

    Michael Sarpong yagarutse ahita ahura n’imvune

    Source : http://isimbi.rw/siporo/article/nyuma-y-ibihano-sarpong-yagarutse-mu-bandi-ahita-ahura-n-imvune

  • Mico The Best yambitse impeta umukunzi we, Amafoto #rwanda #RwOT

    Umuhanzi Mico yambitse umukunzi we  ya Clarisse wigeze kugaragara muri filime ya Bad Rama yitwa Cow Boy.Uyu muhango wabaye ku munsi w'ejo tariki 04 Nyakanga 2021.

    Mico The Best yiyemeje kurushinga na Clarisse nyuma y'umwaka bamaze bakundana gusa nibwo bwa mbere amwerekanye.

    Mu 2019 nibwo Mico The Best yatangaje ko akundana n'umunyamerikakazi ariko baje gutandukana batarahura.

    Yigeze kuvugwa kandi mu nkuru z'urukundo na Phiona Mbabazi ariko nyuma baje gutangaza ko byari ikinamico rigamije gushaka kwamamara.

    Source : https://impanuro.rw/2021/07/05/mico-the-best-yambitse-impeta-umukunzi-we-amafoto/