Webrwanda Backend

Blog

  • Ishimwe rya Nolla Izere ku mubyeyi we yariny… – #rwanda #RwOT

    'Mama' yabaye indirimbo ya mbere kuri Album uyu muhanzikazi ari gutegura, mu rwego rwo kugaragariza Nyina urukundo amukunda n'ishimwe afite kuri we.

    Iyi Album itarabonerwa izina izaba iriho indirimbo icyenda. Ni mu gihe uyu muhanzikazi amaze gukora esheshatu. Arifuza ko iyi Album izajya hanze mu 2021.

    KANDA HANO WUMVE INDIRIMBO 'MAMA' YA NOELLA IZERE

    Album ya Noëlla Izere izaba igaragaza imbaraga ze mu muziki wa gakondo amaze mo igihe kitari gito n'ubutumwa bwagutse kuri sosiyete.

    Mu ndirimbo esheshatu amaze gukora, yahisemo ko indirimbo 'Mama' ariyo iba iya mbere kuri Album ye mu rwego rwo kugaragariza Nyina urukundo amukunda.

    Mu kiganiro na INYARWANDA, Noëlla yavuze ko yanditse iyi ndirimbo bitewe n'ibintu byiza Nyina yari amaze kumukorera. Avuga ko byaje byiyongera ku bindi byinshi amucyesha kuva akiri muto.

    Uyu mukobwa yavuze ko atabona uburyo avuga ishimwe afite kuri Nyina, ariko ko ari umuntu w'ingirakamaro acyesha byinshi.

    Ati 'Ibihe byose twagiranye ni ibihe byiza, ni ibihe utagirana n'undi muntu uwo ari we wese, birihariye. Natekereje kuri iyi ndirimbo hari ibyabaye, hari ibyo yankoreye numva ko nkwiriye kumushimira, mbona ari ubwo buryo bwo gukoresha.'

    Uyu muhanzikazi yavuze ko n'ubwo iyi ndirimbo yayikoreye umubyeyi we, ariko abantu bose bashobora kuyifashisha bakayitura ababyeyi babo.

    Izere avuga ko yasohoye indirimbo atarayumvisha umubyeyi we, kuko ashaka kumutungura. Yavuze ko ari Nyina, ari inshuti ye ya hafi, imuhora hafi, agisha inama, akanabwira buri kimwe.

    Muri iyi ndirimbo 'Mama' avugamo urukundo rudasanzwe umubyeyi agirira umwana, ishimwe ku Mana yamuhaye amahirwe yo kubona umubyeyi we n'ibindi.

    Umuhanzikazi Noëlla Izere yasohoye amashusho y'indirimbo nshya yise 'Mama' y'ishimwe afite kuri Nyina

    Noëlla Izere yavuze ko ari gutegura Album ye ya mbere ashaka kuzasohora mu 2022

    KANDA HANO UREBE AMASHUSHO Y'INDIRIMBO 'MAMA' YA NOELLA IZERA

    “>

    Source : https://inyarwanda.com/inkuru/107731/ishimwe-rya-noella-izere-ku-mubyeyi-we-yarinyujije-mu-ndirimbo-ya-mbere-kuri-album-ye-vide-107731.html

  • 🔴 LIVE: IGITARAMO – 25: Topic: Ubumwe bw’abizera nizo mbaraga z’itorero || Pastor Desire H. #rwanda #RwOT

    Source : https://agakiza.org/????-LIVE-IGITARAMO-25-Topic-Ubumwe-bw-abizera-nizo-mbaraga-z-itorero-Pastor-8185-8185-8185-8185-8185-8185-8185-8185-8185-8185-8185-8185-8185-8185-8185-8185-8185-8185.html

  • Umunyamakuru Kazungu Claver yavuze akamuri ku mutima nyuma yo gusezererwa na APR FC yari abereye umuvugizi. – YEGOB #rwanda #RwOT

    Umunyamakuru w'imikimo kuri Radio/Tv 10 ,Kazungu Clever wari umaze imyaka itanu ari umuvugizi w'ikipe ya APR FC, kuri ubu yamaze gusezererwa n'iyi kipe.

    Kazungu yemeje aya makuru mu gitondo cyo kuri uyu wa mbere mu kiganiro 'Urukiko' gitambuka kuri Radio 10 avuga ko akigera muri iriya kipe hari abamucaga intege bavuga ko nta n'umwaka azayimaramo.

    Yagize ati: 'Guhera uyu munsi si nkiri umuvugizi wa APR FC, reka mbivuge wenda hatagira numbaza amakuru, ndabashimira ku myaka itanu twari tumaranye, byari byiza gukorana hari n'abavugaga ko n'umwe utazarangira ariko wararangiye ariko hari hashize itanu.'

    Kazungu Claver yari yarahawe inshingano zo kuba umuvugizi wa APR FC muri 2016 ubwo yari akiriri umunyamakuru wa City Radio.

    Source : https://yegob.rw/umunyamakuru-kazungu-claver-yavuze-akamuri-ku-mutima-nyuma-yo-gusezererwa-na-apr-fc-yari-abereye-umuvugizi/

  • APR FC yamaze gutiza Buteera Andrew #rwanda #RwOT

    Ikipe ya APR FC yamaze gutiza umukinnyi wayo ukina mu kibuga hagati asatira, Buteera Andrew mu ikipe ya AS Kigali.

    Buteera Andrew wari usigaje umwaka w’amasezerano muri APR FC, ntabwo yahiriwe n’umwaka ushize w’imikino kuko yagize imvune yatumye amara umwaka wose adakinnye.

    Nyuma yo gukiruka imvune, ikipe ya APR FC ikaba yafashe umwanzuro wo kumutiza mu ikipe ya AS Kigali umwaka umwe yari asigaranye.

    Bayingana akaba umuyobozi ushinzwe ubuzima bwa buri munsi bw’ikipe ya AS Kigali (Team Manager), yabwiye ISIMBI ko ayo makuru ari yo.

    Ati”nibyo, ayo makuru niyo ariko twamutiye nk’uko mwabyumvise ntabwo yaguzwe.”

    Buteera Andrew yinjiye muri APR FC muri 2013, ni nyuma yo gutandukana na Proline FC yo muri Uganda, akaba yarageze mu Rwanda muri 2011 yitabiriye ubutumire bw’Amavubi atarengeje imyaka 11 yakinnye igikombe cy’Isi.

    Buteera Andrew yamaze gutizwa muri AS Kigali

    Source : http://isimbi.rw/siporo/article/apr-fc-yamaze-gutiza-buteera-andrew

  • Menya uko Abayisilamu mu Rwanda bazizihiza umunsi mukuru w’igitambo? #Rwanda #RwOT via @kigalitoday #rwanda #RwOT

    Mu nyandiko yasinyweho na Mufti w’u Rwanda, Sheikh Hitimana Salim, basobanuye uko gahunda zo ku munsi mukuru w’igitambo zizagenda mu rwego rwo kubahiriza amabwiriza ajyanye no kwirinda Covid-19.

    Isengesho rikorwa kuri uwo munsi mukuru w’igitambo cyangwa se ‘Iswala’, rizakorwa mu buryo bukurikira butandukanye.

    Mu bice byashyizwe muri gahunda ya guma mu rugo, Abayisilamu bahatuye bazakorera Iswala ya EIDIL AD’HA mu ngo zabo, kandi abagize buri rugo bakayikora bonyine bativanze n’abandi kuko gahunda yo gusurana no gusabana ibujijwe muri ibi bihe bya Covid-19.

    Mu bice bitashyizwe muri gahunda ya guma mu rugo, Abayisilamu bahatuye bazakorera Iswala ya EIDIL AD’HA mu misigiti yujuje ibisabzwa isanzwe yarahawe uburenganzira bwo gukora, buri musigiti ukazakira abantu ku kigero cy’umubare utarenze 30% by’ubushobozi bw’umusigiti, kandi abaje mu musigiti bakubahiriza n’izindi ngamba n’amabwiriza yo kwirinda ikwirakwira rya Covid-19, ibyo byose bigakorwa ku bufatanye n’inzego z’ibanze z’aho imisigiti iherereye kugira ngo gahunda igende neza.

    Gahunda yo gutanga igitambo izakorwa mu buryo bwubahirije ingamba n’amabwiriza yose yo kwirinda Covid-19, ikazakorwa mu buryo bukurikira: Mu bice byashyizwe muri gahunda ya guma mu rugo, igitambo kizatangwa mu buryo bwo kugeza inyama z’igitambo muri buri rugo, bigakorwa ku bufatanye n’inzego z’ibanze z’ahazatangwa igitambo ndetse hifashishijwe urubyiruko rw’abakorerabushake mu rwego rwo gukomeza kubahiriza ingamba zo kwirinda Covid-19.

    Mu bice bitashyizwe muri gahunda ya guma mu rugo, igitambo kizatangirwa ku misigiti yujuje ibisabwa isanzwe yarahawe uburenganzira bwo gukora.
    Icyo gikorwa ngo kigomba gutegurwa hubahirizwa ingamba zose zo kwirinda Covid-19, kandi ku bufatanye n’inzego z’ibanze z’aho imisigiti iherereye, bifashishije urubyiruko rw’abakorerabushake, kugira ngo gahunda igende neza kandi n’ingamba zo kwirinda Covid-19 zirusheho kubahirizwa.

    Ubuyobozi bukuru bw’Umuryango w’Abayisilamu mu Rwanda bwateguye iyi nyandiko, bwibukije ba Imamu ko mu mitegurire y’izo gahunda zose zijyanye n’Umunsi mukuru w’igitambo, bagomba gufatanya n’ubuyobozi bw’inzego bw’ahazabera ibikorwa bijyanye n’uwo munsi.

  • Umurambo w’uwarangije ku Nyundo bawusanze mu cyuzi kigabanya Ruhango na Muhanga #rwanda #RwOT

    Uyu Bukuru David w’imyaka 50 y’amavuko, bamusanganye ibyangombwa yafatiye mu Murenge wa Nyamabuye mu Karere ka Muhanga, ariko akaba kuri ubu yari atuye mu Murenge wa Kinazi mu Karere ka Ruhango.

    Umunyamabanga Nshibgwabikorwa w’Umurenge wa Byimana Mutabazi Patrick yavuze ko umurambo wa Bukuru David bawusanze mu cyuzi cya AIDER saa munani z’amanywa.

    Mutabazi kandi avuga ko mu bindi byangombwa bamusanganye birimo ikarita ya RSSB n’iyo kubikuza amafaranga (ATM).

    Yagize ati 'Amakuru y’urupfu rwa Bukuru twayahawe n’umuturage, twarangije kumurohora ubu umurambo we uri mu Bitaro bya Kinazi.'

    Gusa Mutabazi avuga ko bataramenya impamvu y’urupfu rwe.

    Bamwe mu biganye na Bukuru mu ishuri ry’imyuga rya Muzika i Nyundo, bavuga ko yari yaratandukanye n’umugore we wa mbere w’isezerano, ashaka undi babanaga batarasezeranye aho i Kinazi.

    Umurambo wa Bukuru David uracyari mu Bitaro i Kinazi mu gihe ugitegereje gukorerwa isuzuma.

    Source : http://www.ukwezi.rw/mu-rwanda/Amakuru-anyuranye/article/Umurambo-w-uwarangije-ku-Nyundo-bawusanze-mu-cyuzi-kigabanya-Ruhango-na-Muhanga

  • Umugabo yitwikiye mu nzu na Lisansi ashyana n' ibye byose i Nyagatare #rwanda #RwOT

    Mu Mudugudu wa Kajevuba mu Kagari ka Katabagemu mu Murenge wa Katabagemu mu Karere ka Nyagatare, haravugwa inkuru y' umugabo wigeze kugerageza kwiyahura, ko kuri iki cyumweru tariki ya 18 Nyakanga 2021, yitwikiye mu nzu akoresheje Lisansi arashya arakongoka n'ibyari birimo byose.

    Uyu mugabo wiyahuye yitwikiye mu nzu yabagamo akodesha ubwo yatahaga abanje gusezera abo yahuraga na bo bose ababwira ko batazongera kumubona.

    Ubwo ngo yavugaga ibyo yari yaguze lisansi, ageze mu rugo ahita ayicucagira mu nzu hose aho umugore we aziye asanganizwa n'umunuko wa Lisansi abaza umugabo we icyabaye ariko undi amwima amatwi ahubwo akomeza gushaka ikibiriti.

    Muri ako kanya ngo akimara kubona ikibiri yahise akongeza ubundi umugore ahita afata umwana bakizwa n'amagur mu gihe undi we yahise akingaho urugi ubundi ahira mu nzu arashya arakongoka n'ibyari biyirimo byose.

    Nyakwigendera yasize umugore babanaga batarasezerana ndetse n'umwana bari baribarutse.

    Karengera Alex uyobora Umurenge wa Katabagemu, avuga ko uriya mugabo yitwikiye mu nzu ari umugambi amaranye igihe kuko yari amaze igihe avuga ko aziyahura ndetse ngo yigeze no kubigerageza ariko abaturage baratabara.

    Uyu muyobozi avuga ko umurambo wa nyakwigendera wahiye ugakongoka cyane ndetse n'ibyari biri mu nzu byose.

    Urwego rw'Igihugu rw'Ubugenzacayaha RIB rwo rwahise rutangira iperereza kugira ngo hamenyekane icyateye urupfu rw'uriya mugabo

    Source : https://impanuro.rw/2021/07/19/umugabo-yitwikiye-mu-nzu-na-lisansi-ashyana-n-ibye-byose-i-nyagatare/

  • Ese burya mwari muziko kunywa inzoga cyane ari kimwe mu bishobora kugutera indwara ya Cancer _ Soma inkuru irambuye #rwanda #RwOT

    Indwara ya Cancer ikomeje guhitana abantu benshi cyane kw'isi, ikaba iterwa n'ibintu byinshi bitandukanye aho usanga hari abayirwara ntibamenye ko bayifite ndetse ikazagera naho ibahitana batazi ikibahitanye, naho abandi ugasanga barayirwaye ariko bakazabimenya yaramaze kurenga igaruriro.

    Ubushakashatsi bwakozwe n'Ikigo Mpuzamahanga gishinzwe Ubushakashatsi kuri Cancer mu Ishami ry'Umuryango w'Abibumbye ryita ku Buzima (CIRC), cyerekanye ko byibuze abantu bangana na 4% barwaye indwara ya Cancer mu mwaka wa 2020 bayirwaye biturutse cyane ku nzoga banywaga.

    Ubushakashatsi bwashyizwe hanze n'Ikigo gikora ubushakashatsi kuri Cancer (CIRC) cyamuritse muri The Lancet Oncology muri iki cyumweru dusoje, bwagaragaje ko mu mwaka ushize wa 2020 abantu barenga 6,3 aribo babaruwe ko bari barwaye cancer mu bice bitandukanye birimo cancer y'umwijima, cancer yo mara, cancer yo mu kanwa, cancer yo mu muhogo ndetse na cancer yo mu mabere kandi abenshi muri bo barwaye iyi ndwra biturutse ku nagruka batewe no kunywa inzoga cyane.

    Mu bantu miliyoni 6,3 babaruwe ko barwaye cancer, abantu bangana n'ibihumbi 741.300 (4%) bashya babonetse mu 2020; aho byagaragayeko umubare munini w'abarwaye indwara ya cancer ari abagabo bakaba bangana na 77% mu gihe abagore barwaye iyi ndwara bangana na 23 %.

    Ikigo gishinzwe ubushakashatsi ku ndwra ya cancer (CIRC), cyatangaje ko Cancer ifata mu muhogo ariyo iza kw'isonga mu zifitwe n'abantu benshi kw'isi aho ifitwe n'abagera ku bihumbi 189.700, naho cancer y'umwijima ifitwe n'abantu bagera ku bihumbi 154.700, mu gihe cancer ifata mu mabere basanze ifitwe n'abantu bangana n'ibihumbi 98.300.

    Ibihugu byaje kw'isonga mu kugira abantu benshi cyane barwaye indwara ya cancer harimo ibihugu nka Mongolie, u Bushinwa, Maldives, na Romanie, naho ibihugu byagaragayemo abantu bacye barwaye indwara ya cancer n'ibihugu bigizwe n'abayisilamu cyane harimo nka Kuweit, Libya na Arabie Saoudite.

    Abashakashatsi bakoze iyo nyigo bavuze ko 'hakenewe kumenyekanisha isano iri hagati yo kunywa inzoga n'ibyago byo kurwara cancer haba mu bashyiraho ingamba zitandukanye ndetse na rubanda muri rusange.'

    Source : https://impanuro.rw/2021/07/19/ese-burya-mwari-muziko-kunywa-inzoga-cyane-ari-kimwe-mu-bishobora-kugutera-indwara-ya-cancer-_-soma-inkuru-irambuye/

  • RIB yafunze Umuyobozi mu Mujyi wa Kigali ukurikiranyweho kutabasha gusobanura inkomoko y’umutungo #rwanda #RwOT

    Uyu Rukundo uyobora servisi z’Ubutaka (One Stop Center), yatawe muri yombi tariki 16 Nyakanga 2021, akaba ashinjwa kandi icyaha cyo gukoresha ububasha ahabwa n’itegeko mu nyungu bwite.

    Rukundo avugwaho kuba yaratangaga ibyangombwa by’ubutaka n’ibyo kubaka atabanje kubyumvikanaho n’abo bakorana nk’uko biteganywa n’amategeko.

    Hari aho bivugwa ko yagombaga gutanga icyangombwa cyo kubaka aho gutuza umuryango umwe ariko agatanga icyo kubaka ah’imiryango itanu (5).

    Umuvugizi w’Urwego rw’Igihugu rw’Ubugenzacyaha RIB, Dr Murangira Thierry avuga ko iperereza rigikomeje kugira ngo dosiye y’ikirego cy’uriya Rukundo ishyikirizwe Ubushinjacyaha.

    Ubu uyu Rukundo afungiye kuri Station ya RIB ya Nyamirambo mu Karere ka Nyarugenge mu Mujyi wa Kigali.

    Dr Murangira yaboneyeho gutanga ubutumwa agira ati 'RIB iributsa abantu bashinzwe gucunga umutungo wa rubanda kwirinda kuwukoresha mu nyungu zabo bwite kandi ko bihanwa n’amategeko. Uzabifatirwamo azahanwa nk’uko amategeko abiteganya.'

    AMATEGEKO AVUGA IKI ?

    Ingingo ya 9 y’itegeko ryerekeye kurwanya ruswa, iteganya igihano ku cyaha cyo kutabasha gusobanura inkomoko y’umutungo, ikagena igifungo kitari munsi y’imyaka irindwi ariko kitarenze imyaka icumi n’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’umutungo adashobora kugaragaza ko yawubonye mu buryo bwemewe n’amategeko.

    Naho icyaha cyo gukoresha ububasha ahabwa n’itegeko mu nyungu bwite, gihanwa n’ingingo ya 15 y’itegeko ryerekeye kurwanya ruswa. Ugihamijwe, ahanishwa igifungo kitari munsi y’imyaka irindwi ariko kitarenze imyaka icumi n’amafaranga y’u Rwanda atari munsi ya 5.000.000 Frw ariko atarenze 10. 000.000 Frw.

    Source : http://www.ukwezi.rw/mu-rwanda/Amakuru-anyuranye/article/RIB-yafunze-Umuyobozi-mu-Mujyi-wa-Kigali-ukurikiranyweho-kutabasha-gusobanura-inkomoko-y-umutungo

  • Abantu 13 bapfuye bazize ikamyo itwaye lisansi yakoze impanuka igahita ishya #Rwanda #RwOT via @kigalitoday #rwanda #RwOT

    Ibyo byabaye ku wa Gatandatu tariki 17 Nyakanga 2021, impanuka ikimara kuba, abantu bahise bahururana amajerekani baza kuvoma lisansi yari muri iyo kamyo yari imaze gukora impanuka, ari byo yahise ifatwa n’inkongi.

    Polisi ya Kenya ikorera muri ako gace kabereyemo impanuka, itangaza ko abantu bagera kuri 24 ubu bari mu bitaro nyuma yo gutwikwa cyane na lisansi, ikongeraho ko mu bakomeretse harimo n’abana.

    Abashinzwe iperereza barimo gushakisha ahabereye impanuka kugira ngo barebe niba hari abantu bahiye bagakongoka ku buryo imibiri yabo itakigaragara, ibyo ngo bikaba bivuze ko imibare y’abahitanywe n’iyo mpanuka ishobora kwiyongera.

    Umuyobozi wa Polisi muri icyo gihugu, Charles Chacha yagize ati “Dukeneye kubanza gukora igenzura ryimbitse kugira ngo hamenyekane niba hari abantu bahiriye ahabereye impanuka bagakongoka burundu, kuko hari amagufa yahabonetse”.

    Byafashe amasaha abiri kugira ngo abashinzwe kuzimya inkongi z’umuriro bagere ahabereye impanuka hafi y’Umujyi wa Malanga, uherereye mu birometero 320 mu majyaruguru y’Iburengerazuba bwa Nairobi, Umurwa mukuru wa Kenya.

    Ikamyo itwaye amata yari mu kindi cyerekezo cy’umuhanda, ngo ni yo yagonganye n’iyo kamyo itwaye lisansi nk’uko ababibonye bari hafi aho babivuze.

    Umwe mu bakomerekeye muri iyo mpanuka witwa Wycliffe Otieno, yabwiye ibiro ntaramakuru ‘AFP’ ukuntu we n’abandi baje bazanye amajerekani yo kuvoma lisansi nyuma yo kumva iyo mpanuka y’ikamyo, n’ukuntu we yagize amahirwe akarokoka mu gihe hari abahasize ubuzima.

    Otieno, aganira n’icyo gitangazamakuru aho aryamye mu bitaro yagize ati “Nashoboye kwiruka ndahunga, Sinzi uko nagize ayo mahirwe kuko numvise ko hari abandi bantu mu bo twari kumwe batashoboye kurokoka “.

    Ikinyamakuru BBC dukesha iyi nkuru gitangaza ko muri Kenya hakunze kubaho impanuka zo muhanda zitejwe n’amakamyo afite umuvuduko mwinshi agongana n’ibindi binyabiziga.

    Muri Kenya kandi, ngo abantu bagera hafi ku 3.000 bapfa baguye mu mpanuka zo mu muhanda buri mwaka.