Rutahizamu Neymar da Silva Santos Júnior yakoze ishyano ubwo yashyiraga hanze amafoto ye amugaragaza ari mu biruhuko bikagaragara ko umubiri we umaze kugira ibinure byinshi ndetse ko yanabyibushye cyane.
Amakuru dukesha Foot national avuga ko abafana benshi b'ikipe ya PSG bahangayikishijwe na Neymar nyuma yo kubona aya mafoto ye aho ari mu biruhuko kuko atarimo kwita ku gukomeza kurinda umubiri we ahubwo bigaragara ko arimo kuryoshya atitaye ku ngano y'umubiri we, ibi bikaba bishobora kuzamuviramo kuba yabura umwanya muri PSG kubera imbaraga nke z'imyitozo y'umubiri we.
Uyu muhango wabereye kuri Kigali Convention Center mu Mujyi wa Kigali aho abakuru b’ibihugu byombi basangiye ifunguro ry’umugoroba.
Iki gikorwa cyabaye nyuma y’ibindi byabaye mu ruzinduko rwa Perezida Madamu Samia Suluhu Hassan birimo kugirana ibiganiro byihariye na mugenzi we Perezida Paul Kagame.
Nyuma y’isinywa ry’ariya masezerano, abakuru b’Ibihugu byombi batanze imbwirwaruhame zagarutse ku mubano mwiza wakunze kuranga ibi bihugu by’ibituranyi.
Mu ijambo rye, Perezida Kagame yavuze ko u Rwanda na Tanzania bisangiye ibirenze kuba bihana imbibi ahubwo ko byakomeje gukorana mu bijyanye no gushakira amajyambere y’abaturage babyo.
Ku mugoroba wo kuri uyu wa Mbere kandi, Perezida Samia Suluhu Hassan yasuye Urwibutso rwa Jenoside rwa Kigali ruri ku Gisozi ahashyinguye inzirakarengane zisaga ibihumbi 250 zishwe muri Jenoside Yakorewe Abatutsi.
Perezida Samia Suluhu mu butumwa yandikiye mu gitabo cy’abashyitsi basura ruriya rwibutso, yagaragaje ko ashenguwe n’ibyabaye mu Rwanda, avuga ko yakwifuje kuba ibyabaye bitarabaye.
Aba bayobozi bane ba koperative y’abanyonzi yitwa KOTAVEM, batawe muri yombi n’Urwego rw’Igihugu rw’Ubugenzacyaha RIB.
Aba bayobozi ba KOTAVEM barimo Bavugirije Joseph wari umuyobozi w’iyi koperative, Muvunyi Pierre wari umwungirije, uwari umunyamabanga wayo Nsabimana Jean Marie Vianney ndetse n’uwari umubitsi Sebibanza Diogene, bose bakaba baratawe muri yombi tariki ya 31 Nyakanga 2021.
Umuvugizi w’Urwego rw’Igihugu rw’Ubugenzacyaha, Dr. Murangira B. Thierry, yagize ati 'RIB ni byo yafunze abayobozi bane ba koperative KOTAVEM ikora akazi k’ubunyonzi muri Ngoma, bakurikiranyweho kunyereza umutungo w’iyi koperative ungana n’amafaranga miliyoni eshatu kuko ntabwo babasha gusobanura uburyo yakoreshejwe.'
Yavuze ko Abanyamuryango bagiye batanga umusanzu wo kwinjira ungana na Frw 20,000 ndetse hari n’umusanzu batanga buri kwezi ugana na Frw 500.
Dr Murangira ati 'Igitangaje ni uko abanyamuryango bagiye kureba kuri konte yabo muri banki basanga hariho 1 600 Frw gusa kandi batazi ibyo yabikujwe akoreshwa.'
Abanyamuryango 60 batatangiranye na yo bo buri kwezi batanga umusanzu ungana na Frw 3 000 kuri buri umwe.
Dr. Murangira B. Thierry yavuze ko abakoresha umutungo bashinzwe kugenzura mu nyungu zabo bwite batazigera bihanganirwa.
Ati 'Tuributsa abaturarwanda ko tutazihanganira uwo ari we wese uzafatirwa mu cyaha cyo kunyereza umutungo ashinzwe kugenzura akawukoresha mu nyungu ze bwite. Iyo wacungishijwe umutungo wa rubanda ugomba kuwucunga neza, ukirinda kuwukoresha mu nyungu zawe bwite.'
Iyi Koperative y’abanyonzi ya KOTAVEM, iherereye mu Karere ka Ngoma, Umurenge wa Mugesera, Akagari ka Nyange, Umudugudu wa Rusave.
Abafashwe bose uko ari bane bafungiye kuri Sitasiyo ya RIB ya ZAZA, iperereza rikaba rikomeje kugira ngo bakorerwe dosiye izashyikirizwa Ubushinzacyaha.
Nta gihindutse mu ntangiriro z’icyumweru gitaha, umutoza w’ikipe y’igihugu Mashami Vincent azaba yamaze guhamagara abakinnyi agomba kwifashisha mu mu mukino wa Mali mu gushaka itike y’igikombe cy’Isi, ni umukino byitwzwe ko utazagaragaramo rutahizamu Kevin Monnet-Paquet ukomeje kwifuzwa n’Amavubi.
Amavubi ari mu itsinda E na Mali, Kenya na Uganda, ni mu majonjora yo gushaka itike y’igikombe cy’Isi cya 2022.
U Rwanda ruzatangira iyi mikino mu kwezi gutaha kwa Nzeri rukina na Mali muri Mali.
Hasigaye ukwezi kumwe ariko ntabwo ikipe y’igihugu irahamagarwa, gusa amakuru ISIMBI yamenye ni uko bategereje uburenganzira bwa Minisiteri ya Siporo, ni mu gihe nta gihindutse tariki ya 10 Ukwakira bagomba kuba bamaze kwinjira mu mwiherero bitegura uyu mukino.
Mu bakinnyi bagomba kwitabazwa n’umutoza Mashami, rutahizamu Kevin Monnet-Paquet umaze iminsi wifuzwa n’u Rwanda no kuri iyi nshuro ashobora kutaboneka bitewe n’uko arimo gushaka ikipe nshya, ni nyuma y’uko yatandukanye na Saint Etienne.
Undi mukinnyi utegerejwe ni Rafael York wa AFC Eskilstuna mu cyiciro cya kabiri muri Sweden, uyu we nta gihindutse azitabira ubutumire.
Kevin Monnet-Paquet n’ubundi ashobora kutaza kubera ko arimo gushaka ikipe nshya
Mu kiganiro Ed Tech cya Master Card Foundation gitambuka kuri KT Radio, ku wa mbere tariki ya 02 Kanama 2021, uwari uhagarariye abarimu yavuze ko bafite imbogamizi zo kubona mudasobwa bityo yifuza ko bazihabwa bakajya bishyura buhoro buhoro.
Stephen Nuwagaba, umwarimu ku ishuri rya King David Acadeny unasanzwe atanga amasomo mu buryo bw’ikoranabuhanga, yashimiye Leta ko hari byinshi ikora ariko na none hari ikibazo gihuriweho na benshi aho hari abarimu badashobora kwigisha binyuze mu ikoranabuhanga mu gihe hari abatazi gukoresha mudasobwa.
Ati “Covid-19 yaje itunguranye kandi bisaba ko abanyeshuri bakomeza amasomo bari mu ngo iwabo, byasabye abarimu kugira mudasobwa no kumenya kuzikoresha. Ni imbogamizi nini kuko abarimu bamwe ntibazi gukoresha mudasobwa ku buryo gutegura amasomo na byo bigorana”.
Nuwagaba avuga ko izindi mbogamizi zagaragaye ari uko abanyeshuri iyo bari mu ngo bigorana gukurikirana amasomo kuri telefone zabo kuko rimwe na rimwe ababyeyi baba bagiye mu kazi ntibabakurikirane.
Ikindi ni amashuri ngo adafite umuriro w’amashanyarazi ku buryo bitakoroha gukoresha mudasobwa ndetse na mudasobwa nkeya mu mashuri aho abanyeshuri batandatu bashobora gukoresha imwe.
Yagize ati “Mu mashuri yigenga usanga kenshi nta mudasobwa zihari, mu mashuri ya Leta na ho ntizihagije. Jyewe nkifuza ko Leta yafasha abarimu ikabaha inguzanyo bakajya bishyura gacye gacye, bakabona mudasobwa bityo bikabafasha kuziga no kuzigishirizaho”.
Umunyamabanga wa Leta muri Minisiteri y’Uburezi, ushinzwe amashuri abanza n’ayisumbuye Gaspard Twagirayezu, yavuze ko mu barimu barenga 88,000 abamaze guhabwa mudasobwa barenga 11,000 gusa.
Icyakora ngo mu mashuri abanza ya Leta abayobozi bose bafite mudasobwa cyangwa Tablet ndetse ngo uyu mwaka n’ushize hamaze gutangwa mudasobwa zirenga 8,000.
Mu yisumbuye ngo amashuri 851 afite ibyumba by’ikoranabuhanga (Smart Class rooms) andi mashuri 850 na yo akaba yaramaze gushyirwa kuri murandasi (Internet).
Ati “Si ibikoresho gusa ahubwo turimo gushyira imbaraga mu mahugurwa ku buryo abarimu bamenya gukoresha mudasobwa cyangwa ibyo bikoresho by’ikoranabuhanga, ariko na none banamenye kwigisha babikoresheje”.
Yavuze ko Covid-19 yaberetse ko bagomba gushyiramo imbaraga cyane kugira ngo umunyeshuri atigira ku ishuri gusa ahubwo no mu rugo abe yabasha kuhigira.
Na ho ku bijyanye n’inguzanyo ku barimu kugira ngo babashe kwigurira mudasobwa yavuze ko icyo kibazo kizwi ndetse kirimo kwigwaho.
Yagize ati “Ni ikibazo dukomeza kugenda twiga dukoranye n’izindi nzego zose zibishinzwe kugira ngo tube twashaka uburyo buboneye bwo kugira ngo izo mudasobwa zibe zaboneka. Igitekerezo atanze na cyo ni cyiza, tuzakomeza tubiganireho turebe ko izo mudasobwa cyangwa Tablet zagenda ziboneka ku bwinshi no mu buryo bworoshye”.
Akigera ku kibuga cy’indege i Kanombe, Perezida Suluhu yakiriwe na Minisitiri w’Ububanyi n’Amahanga w’u Rwanda, Dr Vincent Biruta. Yakiriwe kandi na Perezida Kagame bakagirana ibiganiro, ndetse bayobora isinywa ry’amasezerano atandukanye hagati y’ibihugu byombi.
Samia Suluhu Hassan yasuye urwibutso rwa Jenoside rwa Kigali ruri ku Gisozi yunamira Abatutsi bishwe muri Jenoside barushyinguyemo, ndetse ku mugoroba yakirwa na Perezida Kagame ku meza muri Kigali Convention Centre, barasabana, ndetse baganira ku kurushaho guteza imbere umubano w’ibihugu byombi, u Rwanda na Tanzania.
Reba amwe mu mafoto yaranze uruzinduko rwa Perezida Samia Suluhu mu Rwanda
Rutahizamu w’umunyarwanda wari usoje amazezerano ye mu ikipe ya Simba SC, Meddie Kagere amakuru avuga ko yamaze kongera amasezerano nubwo ikipe itarabitangaza.
Meddie Kagere yari ku mpera z’amasezerano ye mu ikipe ya Simba SC, ni nyuma y’imyaka 3 akinira iyi kipe ibarizwa Msimbazi.
Amakuru yavugaga ko atonzengera amasezerano muri iyi kipe bitewe n’uko atabonye umwanya uhagije wo gukina ku mwaka we wa nyuma.
Havuzwe amakipe menshi ashobora kwerekezamo harimo na APR FC yo mu Rwanda bivugwa ko ikirimo no kumvugisha, hari na Yanga mukeba wa Simba SC.
Bimwe mu binyamakuru byo muri Tanzania birimo Global Publishers byatangaje ko uyu rutahizamu yamaze kongera amasezerano nubwo ikipe ye itarabitangaza, ngo izabitangaza bari hafi gutangira imyitozo.
Meddie Kagere mu minsi ishize abajijwe aho azerekeza mu mwaka utaha w’imikino, yavuze ko abantu bakihangana ko ari vuba kandi ari ‘Surprise’.
Mu myaka 3 amaze muri iyi kipe yatwaranye nayo ibikombe 3 bya shampiyona, aba rutahizamu watsinze ibitego byinshi mu myaka 2 ye ya mbere aho umwe yatsinze 23 undi 21, umwaka we wa nyuma yatsinze ibitego 13.
Meddie Kagere ashobora kuba yaramaze kongera amasezerano
Abahoze ari abakozi b'Akarere ka Muhanga bamaze gutanga ibirego byabo muri komisiyo ishinzwe abakozi ba Leta n'umurimo ndetse hari na bamwe muribo basubijwe mu kazi ariko akarere kinangira kubasubiza mu myanya bityo bitabaza inkiko.
Bamwe mubo twabashije kumenya ndetse bakanahamya aya makuru bavuga ko birukanwe mu buryo budakurikije amategeko, ibi bikaba byaratumye biyambaza inzego zisumbuyeho bagamije gushaka ubutabera buhamye kandi bubereye uwarenganye.
Umwe muri bo ati' Nibyo koko twarirukanwe biranatubabaza kandi mu kazi kacu twaritangiye gukora neza inshingano zacu uko bikwiye, ariko tuza kwirukanwa kubera impamvu za bamwe batashakaga ko dukomeza gutanga umusanzu wacu kubera inzangano ziri hagati y'abantu no kwirirwa bashakira abantu amakosa kugirango babikize'.
Undi ati' Ibintu byatubayeho nta handi nzi byabaye, kubona wirukana umukozi utarigeze umugaragariza amakosa afite mu kazi? Hari abakozi bakora inshingano zabo bakongeraho no kwirirwa bashaka amakosa ku bakozi bamwe ndetse bagatanga raporo zigafatwa nk'ivanjiri imbere y'abayobozi maze umukozi akirukanwa nta kosa na rimwe afite rigaragara muri dosiye ye'.
Mu makuru twamenye, nuko hari n'abandi bakozi birukanwe ndetse bamaze kwishyira hamwe bagashaka abazabunganira mu mategeko bityo bakaba bagiye nabo kugana inkiko mucyo bise guca akarengane nyuma yo gusabwa ko bandika begura ku nshingano zabo mu ntangiriro z'umwaka wa 2020. Gusa hari n'uwo Komisiyo y'Igihugu ishinzwe abakozi ba Leta n'umurimo yasubije mu kazi ariko akarere karinangira kubera ko hari abandi bahuje ibibazo nabo basaba kugasubizwamo.
Umuyobozi w'Akarere ka Muhanga, Kayitare Jacqueline aherutse kubwira itangazamakuru ko byaba bitangaje kubona umuntu wanditse asezera ku kazi ke avuga ko ajyanwe n'impamvu ze maze akajya kurega akarere. Yongeyeho ko akarere gafite ubuzima gatozi bityo igihe kazahamagarwa mu nkiko kakwitaba ndetse kagatanga ibisobanuro kubyo kazabazwa bijyanye n'inshingano zako.
Umuyobozi w'Akarere ka muhanga.
Nubwo ubuyobozi buvuga ko bwiteguye kubazwa inshingano zabwo, aba birukanwe mu kazi bemeza ko bitewe n'imikorere y'abakozi baka karere ndetse na bamwe mu bayobozi ngo gutera imbere biri kure kubera hari bamwe bagifite iturufu y'amoko ndetse no kwanga abo batumva ibintu kimwe, ibyo kwirukanwa mu kazi kwa bamwe mu bakozi bigafatwa nka 'munyumvishirize'.
Kugeza ubu nuko muri aka karere hari munyangire ikurikirwa na munyumvishirize ishingiye ku nzangano, ndetse utavuga rumwe n'ibitekerezo bya bamwe akitwa 'Ikigarasha' hagamijwe kumushakira ibyaha byo kumwikiza no kumwambura ijambo doreko hari n'abakozi bazwiho ibijyanye n'amoko bakanabyibonamo.
Mu bushakashatsi bwakozwe na Komisiyo y'Igihugu ishinzwe kurwanya Jenoside uko imyaka igenda ishira bugaragaza ko muri aka karere hari ibigaragaza ko hakiri abaturage bakibonamo amoko bishobora guhembera amacakubiri.
Hari tariki ya 29 Mutarama 2020 ubwo abakozi basaga 60 banditse basezera ku kazi mu kiswe ko banditse ku bushake bwabo, ariko abari abakozi bo bakaba baremeje ko'basabwe kwandika basezera mu kazi'kandi bamwe muri aba bari muri za konji ndetse mu birukanwe hakaba hari n'abatarabonye ibyo bagenerwaga n'amategeko batarava mu nshingano.
Kuva mu 2017, Igiswahili ni ururimi rwa Kane rwemewe mu butegetsi bw’u Rwanda. Na mbere y’uko uwo mwanzuro ufatwa, cyari gisanzwe kivugwa kinakoreshwa bitewe ahanini n’amateka n’ibihugu bihana imbibi n’u Rwanda bigikoresha nka Repubulika Iharanira Demokarasi ya Congo, Kenya na Tanzania.
Igiswahili ni ururimi rukoreshwa cyane mu mirimo y’ubucuruzi mu bihugu bihuriye mu Muryango wa Afurika y’Uburasirazuba ( EAC).
Ubwo yakiraga Suluhu ku meza mu musangiro wabereye muri Kigali Convention Centre, Perezida Kagame yakomoje ku giswahili dore ko mu ijambo rye rigufi yarivuze mu Cyongereza n’Igiswahili.
Yavuze ko Igiswahili ari uririmi abantu bakunda, ruhuza abantu cyane cyane abo muri Afurika y’Iburasirazuba. Yagaragaje ko Tanzania n’u Rwanda bihuriye kuri byinshi birimo urwo rurimi n’umuco.
Ati “Tanzania n’u Rwanda bihuriye ku bintu byinshi birimo umuco, ururimi n’ubucuruzi. Abantu bacu kare bageragezaga kuvuga Igiswahili, ndatekereza ko hari intambwe nziza iri guterwa. Na Guverinoma yacu yafashe umwanzuro wo gutangira kwigisha Igiswahili mu mashuri, rero nagusabaga ko waduha umusanzu w’abatwigisha Igishwahili.”
Abo Perezida Kagame yavugaga bagerageje kuvuga Igiswahili ni Umuyobozi Mukuru ushinzwe Itangazamakuru mu Biro by’Umukuru w’Igihugu, Vivianne Mukakizima, wakivuze neza mu muhango w’isinywa ry’amasezerano hagati y’ibihugu byombi wabaye ku munsi wa mbere w’uruzinduko rwa Samia mu Rwanda.
Perezida Kagame yavuze ko Abanyarwanda bishimiye kwakira Samia ndetse ko ahawe ikaze mu Rwanda n’ikindi gihe.
Umukuru w’Igihugu yavuze ko u Rwanda na Tanzania byifuza gukomeza gukorana mu guteza imbere akarere n’ukwihuza kwa Afurika nk’umugabane muri rusange.
Yagaragaje ko hari amahirwe, impano n’ibindi byatuma abaturage bo muri EAC batera imbere, bityo za Guverinoma zifite inshingano zo gushora imari muri ayo mahirwe kugira ngo inyungu zibagereho.
Si ubwa mbere u Rwanda rusabye Tanzania ubufasha mu bijyanye no kwigisha Igiswahili kuko no mu 2017 Magufuli wayoboraga iki gihugu yakiriye uwari Minisitiri w’Uburezi w’u Rwanda, Dr. Musafiri Papias Malimba.
Icyo gihe bivugwa ko yamugejejeho ubutumwa bwa mugenzi we w’u Rwanda bwarimo n’ubusabe bw’abarimu bo gutanga umusanzu mu kwigisha Igiswahili.
Bibarwa ko abaturage bavuga Igiswahili babarirwa hagati ya 50.000.000 na 100.000.000.
Igiswahili ni uruvange rw’icyarabu n’ururimi rw’abaturage bo mu karere ka Afurika y’Iburasirazuba baturiye inyanja. Urwo rurimi rwateye imbere cyane mbere y’uko Afurika itangira gukolonizwa, bitewe ahanini n’abacuruzi b’Abarabu bakundaga kurukoresha baganira n’abaturage.
Perezida Kagame na mugenzi we wa Tanzania, Samia Suluhu Hassan, ubwo bageraga muri KCC ahabereye uyu musangiro
Perezida Kagame yakiriye ku meza Perezida Samia uri mu ruzinduko rw’iminsi ibiri mu Rwanda
Abakuru b’ibihugu byombi bashimye intambwe imaze guterwa mu rugendo ruganisha ku iterambere ry’impande zombi
Ku munsi wa kabiri w’uruzinduko rwe, byitezwe ko Perezida Kagame na Perezida Suluhu bazasura icyanya cyahariwe inganda kiri i Masoro, gitanga akazi ku bantu barenga ibihumbi 13.
Perezida Kagame yakiriye ku meza Perezida Suluhu wa Tanzania
