Webrwanda Backend

Blog

  • Urubyiruko rwibukijwe ko iterambere ry’ubuhinzi ari rwo rishingiyeho – #rwanda #RwOT

    Ubu butumwa bwatanzwe ubwo hizihizwaga Umunsi Mpuzamahanga w’Urubyiruko, ku wa 20 Kanama 2021.

    Uyu munsi wizihijwe mu nsanganyamatsiko igira iti “Uruhare rw’urubyiruko mu guhanga ibishya bikemura ibibazo biri mu buhinzi n’ubworozi kandi bibungabunga ibidukikije.”

    Ubusanzwe Umunsi Mpuzamahanga w’Urubyiruko wizihizwa ku wa 12 Kanama buri mwaka ariko u Rwanda rwahisemo kuwizihiza uyu munsi.

    Minisitiri w’Urubyiruko n’Umuco, Mbabazi Rosemary, yasabye urubyiruko rwitabiriye iki gikorwa kugira icyerekezo n’intego y’aho rwifuza kugana.

    Ati “Turashima cyane ko imyumvire y’urubyiruko igenda ihinduka iganisha mu kwihaza mu biribwa, kuko umutekano wa mbere ni uw’ibiribwa. Twabereka amahirwe twabaherekeza ariko namwe twifuza ko mufata iya mbere mu kubishyira mu bikorwa.”

    Yakomeje agira ati “Turabasaba kugira icyerekezo no kugira gahunda ihamye. Kugira ngo ugere ku byiza ni uko ubiteganya kandi kugira ngo ubiteganye ni uko ubiha umwanya uhagije. Turifuza rero kugira urubyiruko rufite gahunda ihamye rutekereza ruti tuzagera kuki; kandi byose bitangirira mu mutwe ubitegura.”

    Urubyiruko rwasabwe gusenyera umugozi umwe rugahuza imbaraga kugira ngo rugire iterambere rirambye no kudacika intege mu byo rukora byose.

    Umuyobozi Mukuru wa Imbuto Faundation, Umutoni Sandrine, yavuze ko icyorezo cya COVID-19 cyagaragaje ko ubuhinzi n’ubworozi ari ryo zingiro rya byose kugira ngo igihugu kigere ku iterambere ridaheza.

    Yasabye urubyiruko guharanira gukoresha ubuto bwarwo neza bashaka ahari amahirwe yabageza ku iterambere no kuyaharanira.

    Ati “Rimwe mu mabanga yo gukoresha neza ubuto bwanyu, ni ugushaka ahari amahirwe yo kwiteza imbere kandi asobanutse. Mu buhinzi, ubworozi no kurengera ibidukikije, ni hamwe mu hantu hakiri amahirwe y’akazi no guhanga udushya. Kumenya hari amahirwe kandi bisaba ko umuntu agira imbaraga n’icyizere. Iyo ukiri muto kimwe mu biguha ingufu ni uko uba ureba imbere ya we kandi ukifuza ko haba heza.”

    Yasabye urubyiruko kwirinda imvugo zikunze gukoreshwa muri ibi bihe kuko zishobora guca intege n’uwifuza kugera ku iterambere.

    Urubyiruko rwitabiriye iri huriro rwanatanze ubuhamya rwasabye urungano gutinyuka rukitabira ibikorwa by’ishoramari ariko mu bijyanye n’ubuhinzi n’ubworozi bitangiza ibidukikije.

    Mukagahima Marie Ange yavuze ko nyuma yo kwitabira amahugurwa yahawe akiri umunyeshuri yamuhinduriye intekerezo zituma yerekeza mu buhinzi.

    Ati “Byatumye ntekereza ku buhinzi. Mbona ko n’ubwo Abanyarwanda duhinga, nkomeza kubona amafoto meza nkumva inkuru z’ahandi uburyo umuhinzi wa bo aba akize kandi afite ibigwi ariko kuri icyo gihe wasangaga mu Rwanda umuntu aterwa ipfunwe no kuba ari umwana w’umuhinzi.”

    Umunyeshuri mu Ishuri rikuru ry’Ubuhinzi n’Ubworozi (RICA), Ntaganira Chichi Brave, yavuze ko yahisemo kwiga ubuhinzi n’ubworozi nyuma yo kubona ko hari imbogamizi abahinzi bahura na zo, ahanini zishingiye ku bumenyi buke bafite.

    Yagaragaje ko yiteguye kuzakemura ibibazo bikigaragara mu buhinzi binyuze mu bumenyi ahabwa.

    Umuyobozi Mukuru ushinzwe Igenamigambi muri Minisiteri y’Ubuhinzi n’Ubworozi, Dr Semwaga Octave, yavuze ko impamvu urubyiruko rutari kwitabira cyane ubuhinzi n’ubworozi bituruka ku kudasobanukirwa ibihingwa bishobora gutanga umusaruro.

    Yavuze ko hari gahunda yo gushyira imbaraga mu kubaha ubumenyi ku bintu bishobora gutuma urubyiruko rwumva ko kujya mu buhinzi atari ukujya gukina.

    Umunyamabanga Uhoraho muri Minisiteri y’Ibidukikije, Karera Patrick, yasabye urubyiruko kubahiriza amategeko n’amabwiriza igihugu cyashyizeho yo kubungabunga ibidukikije n’amasezerano mpuzamahanga bita ku ngaruka ku bidukikije zishobora guturuka ku bikorwa bategura bityo bikabafasha kwirinda ibihano n’ikiguzi cyo gusubiranya ibyangijwe.

    Ubushakashatsi bwa gatanu ku mibereho y’ingo mu Rwanda (EICV5) bwagaragaje ko abarenga 62.2% by’urubyiruko rukora ubuhinzi, ubworozi, uburobyi n’ibirebana n’amashyamba.

    Minisitiri w’Urubyiruko n’Umuco, Mbabazi Rosemary, yasabye urubyiruko gukorera ku ntego no guharanira kuyigeraho

    source : https://ift.tt/3gq5MsF

  • Aline Gahongayire agiye guhindurira ubuzima abakobwa barimo ababyaye bafashwe ku ngufu – #rwanda #RwOT

    Ni igitekerezo uyu muhanzikazi yatangaje ko agiye gushyiramo imbaraga nyuma yo guha ibyo kurya abana b’abakobwa babyaye bakiri bato n’abakecuru mu musaruro wa mbere wavuye mu gikorwa cya ‘We For Love’.

    Gahunda ya ‘We for Love’ yatangijwe n’uyu muhanzikazi ifite intego nyinshi zitandukanye zirimo no kwishyurira amashuri abana ndetse bikaba byaratangiye gukorwa.

    Ni igikorwa Aline Gahongayire yatangije, abinyujije muri Ndineza Organization, isanzwe yita ku bana ndetse n’ababyeyi bari mu za bukuru bakeneye ubufasha bwo kwivuza, gufasha abana kwiga ndetse no mu buryo bwo kwiteza imbere hagendewe ku mishinga baba bafite.

    Mu gikorwa giheruka abana b’abakobwa n’ababyeyi bageze mu zabukuru bahawe ibiribwa ndetse n’amavuta yo kubafasha, cyane ko ibihe bya ‘Guma Mu Rugo’ bitaboroheye.

    Aline Gahongayire yavuze uretse umwana w’imyaka 17 bafashaga nyuma yo kumusanga ku muhanda acuruza imineke aniga, muri ‘we for love’ igice cya kabiri bari kugikorera mu mushinga w’abakobwa babyaye bakiri mu cyiswe ‘Mimi Zawadi ya Africa’. Aba bakobwa uyu muhanzikazi avuga ko bashaka kubafasha bakiga.

    Ati “Dushaka ko bariya bana batwaye inda zidateganyijwe bakabyara mu buryo bubabaje, gufatwa ku ngufu banyweye ibiyobyabwenge bitandukanye, twifuza y’uko biga. Iyo umuntu yize hari ibintu byinshi ashobora gucamo akabyitwaramo neza.”

    Ngo aba bana ntabwo ashaka ko biga gusa amashuri asanzwe ahubwo baziga imyuga kuko nabyo hari ikintu byabafasha

    Ati “Ndahamagarira abantu bafite umutima kugira ngo dushyire hamwe, bano bana bige kuko nicyo kintu dushaka gushyira imbere kurusha ibindi byose.”

    Yavuze ko hari abafatanyabikorwa bamaze kubona ku buryo bagiye kubashakira ukuntu bazajya biga. Aba bakobwa 15 bafashijwe na Aline Gahongayire barimo abagiye bafatwa ku ngufu n’ababyeyi babo.

    Abafashijwe barimo abakobwa bakiri bato babyaye ndetse n’abageze mu za bukuru

    Abafashijwe bashimye cyane Aline Gahongayire ku bw’ubufasha yabahaye

    Aline Gahongayire aganira na bamwe mu bo yari amaze gufasha

    Abafashijwe bijejwe gukomeza gukurikiranwa kugira ngo biteze imbere

    Nyuma yo gutanga ibiribwa n’ibindi byo kubafasha muri ibi bihe, Gahongayire yiyemeje gufasha abana b’abakobwa bari mu bafashijwe bakaba bajya kwiga

    Aline Gahongayire asanzwe akora ibikorwa bitandukanye byo gufasha

    source : https://ift.tt/3gq5O3L

  • Ngoma: Gitifu w’Akagari yakubiswe n’abaturage baramukomeretsa – #rwanda #RwOT

    Byabereye mu Kagari ka Ntovi mu Mudugudu wa Ntovi ku mugoroba wo kuri uyu wa Gatandatu tariki 21 Kanama 2021. Mu bakubiswe harimo Umunyamabanga Nshingwabikorwa w’Akagari ka Ntovi Burakeba Thierry ufite imyaka 39 n’umuyobozi w’Umudugudu ndetse n’abandi baturage bane bari barikumwe.

    Umunyamabanga Nshingwabikorwa w’Umurenge wa Rukumberi, Mbarushimana Ildephonse, yabwiye IGIHE, ko aba baturage bakubise uyu muyobozi ahagana saa Kumi n’imwe ubwo yatabazwaga n’abandi baturage ko hari abantu bari kuragira mu mirima yabo.

    Yagize ati “Ni abaturage bari barimo boneshereza abandi hanyuma rero aratabara nk’umuyobozi kuko abaturage bari bamutabaje nk’umuyobozi, agezeyo baramwataka baramukubita we n’umuyobozi w’umudugudu ndetse n’abandi baturage bane, ubu inzego z’umutekano ziri kubikurikirana.”

    Uyu muyobozi yavuze ko Umunyamabanga Nshingwabikorwa w’Akagari yakomerekejwe ku kuguru kuburyo ngo yagiye kwa muganga, bakaba bamukubise inkoni nyinshi.

    Gitifu Mbarushimana yavuze ko ababikoze kuri ubu bakiri gushakishwa kugira ngo baryozwe ibyo bakoze. Yasabye abaturage kujya bubaha abayobozi babo nkuko nabo babubaha bakirinda urugomo.

    Ati “Abaturage turabasaba kwitwararika bakubaha ubuyobozi kuko natwe twubaha abaturage, iyo habayeho kubahuka umuyobozi si indangagaciro nziza, si byiza rwose gukubita umuyobozi uri mu kazi.”

    Yavuze ko kuri ubu bafatanyijwe n’izindi nzego z’umutekano bari gushakisha abaturage bose babigizemo uruhare kugira ngo babiryozwe bibere isomo n’abandi baturage.

    Ibiro by’Umurenge wa Rukumberi ari nawo ubarizwamo akagali ka Ngoma

    source : https://ift.tt/3gq5P7P

  • Nyuma ya Lague watsinzwe igerageza, na Ange Mutsinzi ntiyahiriwe mu Bubiligi #rwanda #RwOT

    Uyu musore yari yahagurutse mu Rwanda tariki 27 Nyakanga 2021 agiye mu igerageza mu Ikipe ya Oud— Heverlee Leuven yo mu Cyiciro cya Mbere mu Bubiligi ku mugabane w’u Burayi..

    Bamwe mu nshuti za hafi z’uyu musore w’imyaka 23 y’amavuko, bavuga ko atahiriwe n’urugendo yatsinzwe igerageza.

    Gusa ngo ntabwo ahita agaruka mu Rwanda kuko hari andi makipe amwifuza arimo ayo mu Bufaransa no muri Maroc.

    Ange Mutsinzi uri mu bakinnyi bato batanga icyizere mu Rwanda, yari yerekeje mu Bubiligi gushaka ikipe nyuma y’uko arangije amasezerano ye muri APR FC yafashije kwegukana shampiyona ebyiri idatsinzwe.

    Mu minsi ishize kandi, Byiringiro Lague bakinanye muri APR FC na we yatsinzwe igerageza mu ikipe ya FC Zurich yo mu cyiciro cya mbere mu Busuwisi yamwifuzaga.

    Uyu rutahizamu na we uri mu bakomeye mu Rwanda, anaherutse kugaruka mu Rwanda aho ubu ari kumwe na bagenzi be b’Amavubi mu mwiherero wo kwitegura imikino iyi kipe ifite mu kwezi gutaha.

    UKWEZI.RW

    Source : http://www.ukwezi.rw/Imikino/article/Nyuma-ya-Lague-watsinzwe-igerageza-na-Ange-Mutsinzi-ntiyahiriwe-mu-Bubiligi

  • Ibyo wamenya ku munyafurika wabaye uwambere mu mateka wegukanye ikamba rya Miss Supranational 2021 #rwanda #RwOT

    Ni ibirori byabaye ku mugoroba wo kuwa 22 Kanama 2021 mu gihugu cya Poland mu Mujyi wa Malopolska mu nyubako yitwa Strzelecki Park Ampitheater, aho Chanique yegukanye ikamba ahigitse abandi bakobwa 57 bakomoka mu bihugu bitandukanye byo Ku Isi.


    Mu byishimo byinshi Chanique , Yabwiye itangazamakuru ko atabasha kubona uburyo asobanura umunezero yagize nyuma yo gutangazwa ko ari we wegukanye; ikamba rya Miss Supranational aba umukobwa wa mbere wo muri Afurika uryambitswe.

    Uyu mukobwa yavuze ko atigeze arota yambikwa ikamba rya Miss Supranational ariko 'Imana yambashishije kubigeraho'. Avuga ko yari ahatanye n'abakobwa beza b'abahanga, ku buryo ubwo yari asigaranye ku rubyiniro n'umunya-Puerto Rico yumvaga ko ari we ugiye kwegukana ikamba.

    Chanique Rabe yashimye abamushyigikiye muri uru rugendo, asezeranya kuzakoresha neza iri kamba yambitswe. Yabaye umukobwa wa mbere mu bihugu 57 byo muri Afurika byitabira Miss Supranational, ubashije kwegukana iri kamba aturuka kuri uyu mugabane.

    Nyina w'uyu mukobwa, Natasha Rabe wari witabiriye ibirori umukobwa we yambikiwe ikamba, yabwiye itangazamakuru ko atewe ishema n'umwana we.

    Avuga ko atari afite icyizere cy'uko atsinda. Yavuze ko umwana we atumye Namibia yongera kwisanga ku ikarita y'ibihugu bikomeye mu marushanwa y'ubwiza.

    Uyu mubyeyi yavuze ko, aho yari yicaye, yari yegeranye na Nyina wa Anntonia wari umaze umwaka urenga yambaye ikamba rya Miss Supranational 2019.

    Avuga ko abantu bakwiye kumenya ko amarushanwa y'ubwiza atandukanye n'uko abantu bayatekereza.

    Miss Chanique yagaragiwe na Karla Acevedo wo muri Puerto Rico wabaye igisonga cya Mbere, Thato Mosehle wo muri Afurika y'Epfo wabaye igisonga cya kabiri, Valentina Sanchez wo muri Venezuela wabaye igisonga cya Gatatu na Eoanna Constanz wo muri Dominican Republic wabaye igisonga cya kane.

    Mu cyiciro cyo kugaragaza umwambaro w'Igihugu [National Costume], Jihanne Almira Chedid wo muri Indonesia ni we wegukanye ikamba naho Louise-Marie Losfeld wo mu Bubiligi yegukanye ikamba ry'umukobwa uberwa n'amafoto [Miss Photogenic].

    Jihanne Almira Chedid wo muri Indonesia yegukanye ikamba rya Supra Fan Vote; Darelys Santos wo muri Panama yabaye Top Model, Verónica Sarfo Adu Nti wo muri Ghana yabaye Miss Talent, Karla Guilfú Acevedo wo muri Puerto Rico naho Phidelia Mutunga wo muri Kenya yabaye Supra Influencer.

    Chanique Rabe wabaye Miss Supranational 2021 yavukiye mu Mujyi wa Windhoek muri Namibia. Ni Ambasaderi w'Umuryango witwa Village Orphanage.

    Abinyujije mu muryango udaharanira inyungu witwa The Mending yigisha abana kudoda. Guhera 2003 kugeza 2005 yigaga muri Windhoek Afrikaanse Privateskool aho yanambitswe ikamba ry'icyo kigo.

    Uyu mukobwa ureshya na 1.75m mu 2013, yagiye muri Leta Zunze Ubumwe za Amerika gusura ahantu nyaburanga, ahera ku kiyaga Buena Vista, akomereza mu Mujyi Florida, ajya i Los Angeles ndetse no muri California.

    Yigwijeho amakamba! Yambitswe ikamba rya Miss Teen Namibia 2014; Yegukanye Queen Spark 2015, muri 2015 kandi yongera kwegukana Miss Teen Continents mu birori byabereye mu Mujyi wa Texas muri Leta Zunze Ubumwe za Amerika.

    Mu 2016 no mu 2017, uyu mukobwa yagendereye mu bihe bitandukanye Afurika y'Epfo. Mu 2018 avugwa mu rukundo n'umusore witwa Kyle Honeyborne.

    Mu 2018 kugeza 2019 yakurikiranye amasomo muri Fedisa yo muri Capetown ahakura impamyabumenyi.

    Tariki 14 Ukwakira 2020, uyu mukobwa yambitswe ikamba rya Miss Supranational Namibia 2020 mu birori byabereye ahitwa Droombos muri Windhoek, aho yahigitse abakobwa 12 bageranye mu cyiciro cya nyuma.

    Uyu mukobwa afite impamyabumemyi y'icyiciro cya kabiri cya Kaminuza mu bijyanye no guhanga no kumurika imideli. Afite 'Brand' ye y'imyambaro ku isoko, ndetse afite mu biganza ishuri ryitwa Junior Sewing School.

    Miss Supranational ni ngaruka mwaka, ryabaga ku nshuro ya 12. Iri rushanwa ryatangiye mu 2009, mu 2020 ryarasubitswe kubera Covid-19.

    Chanique Rabe yavuze ko yumvaga muri we Umunya-Puerto Rico ari we wegukana Ikamba rya Miss Supranational

    Source : https://umuryango.rw/imyidagaduro/article/ibyo-wamenya-ku-munyafurika-wabaye-uwambere-mu-mateka-wegukanye-ikamba-rya-miss

  • Arteta yavuze ko Arsenal iri mu bihe bibi itigeze ibamo ariko ko ntakwiheba #rwanda #RwOT

    Umutoza w’iyi kipe, Mikel Arteta nyuma yo gutsindwa uriya mukino, yavuze ko Arsenal itigeze igira ibihe bibi nk’ibyo irimo muri iki gihe.

    Aganira na BBC Sport yagize ati 'Sintekereza ko ikipe mu mateka yayo yigeze ihura n’ikintu nk’iki.'

    Gusa ngo ntarirarenga. Ati 'Shampiyona cyangwa umwanya ntabwo birangira mu kwezi kwa munani. Ikintu kibi cyane ushobora gukora ni ukwiheba. Birumvikana ko ibyo tutagiye kubikora.'

    Yagarutse ku ngorane iriya kipe ifite aho yagize ati 'Turimo kubura abakinnyi icyenda, kandi biragoye. Ntabwo ari abakinnyi icyenda babonetse basanzwe, ni abakinnyi bakomeye cyane.'

    Kubera Covid, ku mukino na Brentford, Arsenal ntiyari ifite ba rutahizamu babiri bayo bakomeye Pierre-Emerick Aubameyang na Alexandre Lacazette, kongeraho Willian n’umunyezamu w’umusimbura Alex Runarsson.

    Aubameyang yari ku ntebe y’abasimbura ku mukino na Chelsea, ariko myugariro Ben White waguzwe miliyoni 50 z’amapawundi ntabwo yakinnye nyuma yuko bamusanzemo Covid.

    Thomas Partey, Gabriel na Eddie Nketiah na bo bose bafite imvune.

    Arteta yagize ati “Hari ibintu byiza byinshi. Abakinnyi batanu bafite imyaka 19 cyangwa 20 bakinnye kuri uru rwego ku nshuro ya mbere, ibyo bizagira ingaruka nziza ariko kuri ubu biragoye.'

    Perezida Paul Kagame usanzwe ari umukunzi wa Arsenal, ubwo iyi kipe yatsindwaga umukino wayo wa mbere wa Shampiyona igatsindwa n’ikipe yari ikizamuka mu cyiciro cya mbere, yavuze ko abakunzi b’iriya kipe badakwiye gukomeza kubona uriya musaruro.

    Icyo gihe Perezida Kagame mu butumwa yanyujije kuri Twitter, yagize ati 'Ntabwo tugomba kwihanganira cyangwa kwemera umusaruro mubi cyane. Ikipe igomba kubakwa ifite intego yo gutsinda gutsinda gutsinda. Kugira ngo niba dutsinzwe….bibe bitari byitezwe.'

    Source : http://www.ukwezi.rw/Imikino/article/Arteta-yavuze-ko-Arsenal-iri-mu-bihe-bibi-itigeze-ibamo-ariko-ko-ntakwiheba

  • Abafite imyaka 18 kuzamura batangiye gukingirwa Covid-19 #rwanda #RwOT

    Minisiteri y'ubuzima yatangiye gutanga urukingo rwa covid-19 ku cyiciro cy'abari hejuru y'imyaka 18 mu mujyi wa Kigali.

     Ni igikorwa kitezweho kuzamura umubare w'ababonye urukingo mu mujyi wa Kigali.

    Minisiteri y'ubuzima igaragaza ko abarenga 90% bakingirwa mu gihe cy'ibyumweru bibiri mu Mujyi wa Kigali.

    Iki gikorwa kibaye mu gihe u Rwanda rumaze kurenza miliyoni y'abantu bamaze guhabwa urukingo rwa Covid-19. 

    Inkingo ziri gutangirwa kuri site 37 zo gukingiriraho ziri ahanini ku biro by'imirenge yo mu turere dutatu tugize Umujyi wa Kigali.

    U Rwanda rufite gahunda yo kuba rwakingiye nibura 30% by'abarutuye mu mpera z'uyu mwaka wa 2021 bityo rukaba rukomeje  gushyira imbaraga mu kubona inkingo zihagije binyuze mu kuzigura, ndetse n'ubundi buryo bwose bwatuma abaturarwanda benshi bashoboka babona inkingo.

    AMAFOTO

    The post Abafite imyaka 18 kuzamura batangiye gukingirwa Covid-19 appeared first on Flash Radio TV.

    Source : https://flash.rw/2021/08/23/abafite-imyaka-18-kuzamura-batangiye-gukingirwa-covid-19/?utm_source=rss&utm_medium=rss&utm_campaign=abafite-imyaka-18-kuzamura-batangiye-gukingirwa-covid-19

  • Volleyball: U Rwanda rwashimwe aho rugeze rwitegura kwakira igikombe cya Afurika #Rwanda #RwOT via @kigalitoday #rwanda #RwOT

    Ku Cyumweru tariki 22 Kanama 2021 muri Kigali Arena habaye umuhango wo gusinya amasezerano yo kwakira igikombe cya Afurika kizabera mu Rwanda, amasezerano yasinywe hagati y’ishyirahamwe ry’umukino wa Volleyball mu Rwanda (FRVB) ndetse n’impuzamashyirahamwe y’umukino wa Volleyball muri Afurika (CAVB).

    Aya masezerano kandi yasinyiwe imbere y’Umunyamabanga uhoraho muri Minisiteri ya Siporo, Shema Maboko Didier, iyi Minisiteri ikaba ari na yo muterankunga mukuru w’iri rushanwa.

    Umunyamabanga uhoraho muri Minisiteri ya Siporo Shema Maboko Didier.
    Umunyamabanga uhoraho muri Minisiteri ya Siporo Shema Maboko Didier.
    Visi-Perezida wa CAVB Kioni Waithaka
    Visi-Perezida wa CAVB Kioni Waithaka

    Visi Perezida wa CAVB Kioni Waithaka unamaze iminsi mu Rwanda, yashimye aho u Rwanda rugeze rwitegura aya marushanwa, ariko avuga ko bitamutunguye kuko asanzwe azi ko u Rwanda ari igihugu kiyobowe neza.

    Yagize ati “Aho imyiteguro igeze urabona ko ari ibintu bishimishije, urebye ingamba zashyizweho zo kwirinda iki cyorezo cya Coronavirus ubona bishimishije, uko bakwakira ukigera ku kibuga cy’indege ukabanza ugapimwa, ukajya mu kato, ubona ko bashyizeho ingamba zifatika.”

    Perezida wa FRVB Ngarambe Raphaël, yatangaje ko kugeza ubu imyiteguro iri kugenda neza ku mpande zose, ariko avuga ko batagomba kwirara kuko mu Cyumweru gitaha baza gukora inama zigomba guhuza inzego zose zirebwa n’iri rushanwa

    Ati “Icyo twavuga ni uko imyiteguro iri kugenda neza ku mpande zose, Visi-Perezida wa CAVB na we uri aha ngira ngo yanabyivugiye ko yabonye ibisabwa byose biri ku murongo kandi kugeza ubu ntacyo baranenga, ariko natwe ntitugomba kwirara iminsi isigaye turayibyaza umusaruro kugira ngo irushanwa rizagende neza.”

    Hafashwe ifoto y
    Hafashwe ifoto y’urwibutso nyuma y’uyu muhango

    Nyuma yo gusinya aya masezerano, hakurikiyeho umuhango wo kumurika ikirango cy’irushanwa (Logo) cy’iri rushanwa rya 2021, aho hagaragaramo inyubako ya Kigali Convention Centre, umugabane wa Afurika ndetse n’umuntu uri gukina umupira wa Volleyball.

    Ikirango cy
    Ikirango cy’irushanwa ku bagabo kigaragaza n’amatariki y’irushanwa
    Ikirango cy
    Ikirango cy’irushanwa ku bagore kigaragaza n’amatariki y’irushanwa


    source : https://ift.tt/3kjSoYa

  • Imihanda mishya ya kaburimbo ifite urumuri yirukanye abajura mu mujyi wa Musanze #Rwanda #RwOT via @kigalitoday #rwanda #RwOT

    Abaturage barishimira imihanda ya kaburimbo
    Abaturage barishimira imihanda ya kaburimbo

    Abo baturage bavuga ko mbere y’uko Akarere kubaka imihanda hirya no hino mu ma karitsiye agize umujyi wa Musanze, ngo baruhutse urugomo bajyaga bakorerwa n’insoresore zibambura telefoni, amafaranga n’ibindi, kubera imihanda mibi kandi itagira urumuri.

    Ni nyuma y’uko muri uyu mwaka, Akarere ka Musanze kubatse imihanda ya kaburimbo ireshya na Kilometero 6 na metero 400 muri uwo mujyi no mu nkengero zawo, inashyirwaho amatara manini ayimurikira, aho abaturage bemeza ko ayo matara abaha umutekano bari barabuze mu myaka ishize.

    Imihanda inyuranye mu mujyi wa Musanze no mu nkengero zawo
    Imihanda inyuranye mu mujyi wa Musanze no mu nkengero zawo

    Ndayambaje JMV, umwe muri abo baturage ati “Iyi mihanda ya kaburimbo, icyo itumariye n’uko yaciye abajura mu muhanda badufataga ku gakanu bakatwambura, urabona ko aya matara arara yaka, ariko mbere byamaraga kugera saa kumi n’ebyiri umuntu akagenda afite ubwoba aho abajura bazaga bakagutera kaci bakakwambura byose”.

    Arongera ati “Iyi mihanda bashyizemo kaburimbo n’aya matara amurika, umuntu akaba ameze nk’ugenda ku manywa, yaduhaye umutekano usesuye rwose ntawe ugitaha ahangayitse. Gusa hari utundi duce tutarakorwa iyo ruguru mu byaro, na ho bahadukoreye byadufasha kuko ni ho ibisambo byimukiye”.

    Ibyo byishimo arabihurizaho n’uwitwa Hakizimana Jean Damascène ugira ati “Mbere y’uko uyu muhanda ukorwa kuwunyuramo byari ikibazo, byari ibinogo gusa, icya kabiri nta matara twari dufite kuri uyu muhanda, ntako tutari twaragize tuyasaba ariko aho bayaduhereye ni uburyohe”.

    Bavuga ko amafaranga bakoreraga ku munsi yiyongereye
    Bavuga ko amafaranga bakoreraga ku munsi yiyongereye

    Arongera ati “Nta muntu watinyukaga kunyura muri uyu muhanda ari umwe, amabandi yose y’umujyi yarazamukaga akaza kuhategera abantu, cyane cyane abagore bakamburwa amasakoshi, amatelefoni, ariko aho hakorewe hagashyirwa amatara ibintu ni amahoro, umujura iyo aje kukwambura aturuka imbere wamubonye”.

    Ntaganda Théoneste ati “Ak’abajura kamaze gushoboka pe! N’ubigerageje arafatwa kuko aya matara uburyo atumurikira, murabobona namwe wagira ngo ni ku manywa y’ihangu, kandi n’imigenderanire yarushijeho kugenda neza. Ubuhahirane mu mujyi buroroha ndetse n’akavumbi kabaye amateka, ibyiza by’iyi mihanda ntiwabivuga ngo ubirangize, ni byinshi cyane”.

    Hirya no hino no mu ma karitsiye hamaze gushyirwa imihanda ya kaburimbo
    Hirya no hino no mu ma karitsiye hamaze gushyirwa imihanda ya kaburimbo

    Uretse icyo kibazo iyo mihanda yakemuye cy’urumuri, abakoresha iyo mihanda umunsi ku wundi, cyane cyane abanyonzi n’abamotari, baremeza ko byarushijeho kunoza akazi kabo aho n’amafaranga bakoreraga atandukanye na yo babona nyuma y’uko imihanda yubatswe igashyirwamo kaburimbo.

    Habumuremyi Céléstin ukora akazi ko gutwara abantu yifashishije igare, ati “Iyi mihanda iratworohereza cyane, kunyuza igare mu bitaka ntibyari byoroshye n’ibinogo ndetse n’ivumbi. Turashimira Leta yashyizemo kaburimbo, ku munsi nakoreraga amafaranga atarenze 2000, ariko ubu nkorera 4000, hari n’ubwo ntahanye ibihumbi bitanu”.

    Ubuyobozi bw’Akarere ka Musanze buvuga ko kubaka iyo mihanda bikomeje kuzamura iterambere ry’akarere, aho byorohereje ubukerarugendo, binarushaho gushyira igishushanyo mbonera cy’umujyi mu ngiro, nk’uko Umuyobozi w’akarere wungirije ushinzwe iterambere ry’ubukungu, Andrew Rucyahana Mpuhwe yabitangarije Kigali Today.

    Yagize ati “Ibilometero bitandatu n’ibice bine by’imihanda ya kaburimbi byubatswe mu myaka hafi ibiri ishize, byahinduye ibintu byinshi cyane, birimo ukoroshya imigendekere n’imihahiranire hagati mu ma karitsiye, no kongera uburyo tugomba gushyira mu ngiro igishushanyo mbonera cy’umujyi wa Musanze”.

    Arongera ati “Iyo mihanda ituma n’abaturage bagira icyizere cy’uko ibyo bakora birushaho kugira agaciro, hari byinshi tuyitezeho cyane cyane guteza imbere abashoramari na ba mukerarugendo. Nk’umujyi ubereye ba mukerarugendo bashobora kugenda amasaha 24, murabona ko imihanda yose yakozwe yagiye ishyirwaho amatara, ku buryo ugenda mu mujyi wa Musanze, bimuha umutekano ku buryo yawugendamo amasaha 24/24”.

    Abo baturage baravuga ko n’ubwo byatangiye hari ibibazo by’ingurane ku hubatswe iyo mihanda, ubu ngo byamaze gukemuka, ndetse ngo hari n’abashatse kwimurwa kubera ko begereye umuhanda cyane, basaba ko icyo kibazo cyo kuba begereye imihanda kitababangamiye, hafatwa icyemezo cyo kubareka bakomeza gutura.

    source : https://ift.tt/2XQff6j

  • Kigali : Abajene babukereye…Ubu abujuje imyaka 18 bari gukungirwa #rwanda #RwOT

    Minisiteri y’Ubuzima itangaza ko iki cyiciro cya gatatu cyo gukingira COVID-19 mu buryo bwagutse gitagirira mu Mujyi wa Kigali aho abafite imyaka 18 kuzamura ari bo bagomba guhabwa urukingo.

    Itangaza ko iki cyiciro cyatangiriye mu Mujyi wa Kigali kuko ari wo utuwe n’abantu benshi kandi ukaba ari wo wakunze kugaragaramo ubwandu ku kigero cyo hejuru.

    Gusa ngo iki cyiciro kizakomereza mu bindi bice by’Igihugu aho abafite iriya myaka 18 kuzamura bo mu bice bindi na bo bazahabwa urukingo rwa COVID-19.

    Ni igikorwa kiri kubera ku masite 37 anyuranye yo mu Turere twose tugize Umujyi wa Kigari ; Gasabo, Kicukiro nya Nyarugenge.

    Minisiteri y’Ubuzima kandi itangaza ko hari n’amatsinda y’abaganga batanga izi nkingo baza kujya mu bice binyuranye bagasanga abikingiza aho batuye mu gihe baba bafite imbogamizi zo kuba bava aho bari nko kuba bafite ubumuga, abatwite cyangwa ababyeyi bonsa.

    Umujyi wa Kigali ubu uri kugera ku kigero cya 50% y’abamaze gukingirwa, ni kamwe mu duce twazahajwe n’icyorezo cya COVID-19 aho kagiye kanashyirwaho umwihariko ku ngamba zagiye zifatwa mu guhangana n’iki cyorezo aho kashyiriweho gahunda ya guma mu rugo ubugiragatatu.

    Aba basore n’inkumi batangiye gukingirwa mu gihe u Rwanda rwamaze kugeza muri Miliyoni 1 y’abaturage bamaze guhabwa urukingo rwa COVID-19.

    UKWEZI.RW

    Source : http://www.ukwezi.rw/mu-rwanda/Ubuzima/article/Kigali-Abajene-babukereye-Ubu-abujuje-imyaka-18-bari-gukungirwa