Biteganyijwe ko Abiy Ahmed Ali agirana ibiganiro na Perezida w’u Rwanda Paul Kagame ku mugoroba wo kuri iki cyumweru.
source : https://ift.tt/3mEYKEw
Blog
-
Safi Madiba agiye gusohora indirimbo I will… – #rwanda #RwOT
Safi Madiba ni umuhanzi utajya utenguha abafana be, ndetse ni umwe mu bahanzi beza u Rwanda rufite kuva yatangira kariyeri ye y'umuziki atari mu itsinda. Ibi akaba yarabyerekanye kugeza na n'ubu, mu ndirimbo zitandukanye yagiye asohora, zirimo 'Kimwe Kimwe', 'My Hero', 'Nisamehe', 'Kontwari', iyo aheruka ikaba ari 'Remember Me'.
Uyu muhanzi ugeze kure umushinga wa nyuma wo gusohora umuzingo we wa mbere amaze igihe ategura, wakomwe mu nkokora n'icyorezo cya Covid-19 utinda gusohoka, ariko kuri ubu avuga ko byanze bikunze ugomba gusohoka, ibintu byafungura cyangwa bitafungura.
![]()
Safi Madiba ageze kure Album ye ya mbere
Uyu muzingo uburaho indirimbo eshanu, umuhanzi Safi Madiba yabwiye InyaRwanda ko izibura azazirangiriza mu Rwanda, ndetse ko ari indirimbo zizaryohera abakunzi b'umuziki we n'umuziki nyarwanda, cyane ko ari umuzingo yitayeho cyane.
Mu kiganiro na InyaRwanda, Safi Madiba yavuze ko imyiteguro ya Album ye igeze kure, ndetse ko ashimira abakunzi be ku bw'urukundo no kumushyigikira bagenda bamugaragariza umunsi ku munsi, kandi nawe yiteguye kubaha umuziki mwiza.
Reba hano Safi Madiba ari kumwe na Devon ukorera abahanzi b'ibyamamare ku isi
Yagize ati: 'Album yanjye igeze ku musozo, yitwa 'Back To Life'. Ni imwe muri Album z'amateka kuri njye kuko ni iya mbere, haraburaho indirimbo eshanu nzaza kurangiriza mu Rwanda, ariko mbere ya byose ndashimira cyane abakunzi b'umuziki wanjye bakomeza kunyereka urukundo umunsi ku munsi.''
Producer Element niwe uri gukora kuri iyi ndirimbo igiye gusohoka yitwa'I will not lie to u' , ndetse akaba ari umwe mu bakoze kuri iyi Album barimo Madebeat ndetse na Devon, umwenjeniyeri w'amajwi wakoreye jay z na Britney Spears, ufatanya na Safi iyo abaproducer bo mu Rwanda bamwohereje amajwi, ubundi akayakora.Â
![]()
Devon yakoreye Jay Z
![]()
![]()
![]()
Devon akorera ibyamamare birimo Jay Z
REBA HANO INDIRIMBO REMEMBER ME YASAFI MADIBA IHERUTSE GUSOHOKA
-
Ciza Mugabo Hussein wakiniraga Rayon Sports y… – #rwanda #RwOT
Ciza yageze muri Rayon Sports mu 2019, avuye muri Mukura victory Sport yari yagiriyemo ibihe byiza. Ciza Hussein na Iragire Saidi, bose basinye muri Rayon Sports bari bamaze imyaka ari abakinnyi beza ba Mukura. Gusa kugeza ubu nta n’umwe usigaye muri Rayon Sports, nyuma y'aho Saidi we yatandukanye n’iyi kipe nyuma y’umwaka umwe gusa ayigezemo, asubira muri Mukura, nabwo bikomeza kwanga aho umwaka w’imikino 2020-2021 warangiye atakiba mu mibare y’ikipe.
Ciza Hussein yahisemo neza kwerekeza muri Etincelles?
Ciza Hussein ubwo yakiniraga Mukura, yari umukinnyi ukomeye unagoye gufata dore ko yari na Kapiteni w’ikipe, byaje kumuviramo igihembo cyo guhamagarwa mu Mavubi ariko abura ibyangombwa, gusa ageze muri Rayon Sports yaburiwe irengero. Akenshi hari abakinnyi bagera muri Kigali, cyangwa se ugasanga gukinira APR FC na Rayon bikabagora amazina akabaremerera, umwanzuro mwiza ukaba gusubira inyuma.
![]()
Ciza Hussein yari Kapiteni wa Mukura bwo yasohokeraga u Rwanda Ciza ntiyari gusubira aho yagiriye ibihe byiza?
Ciza afite abakinnyi 2 bavanye muri Mukura, bongera kuyisubiramo ntibyabahira barimo Alex Nkomezi na Saidi twavugaga. Kuri we agendeye kubyo Etincelles yamubwiye n’umuyobozi Mukura victory Sport irimo, uyu musore abona Etincelles FC ariyo kipe yazuriramo umugara.
-
AfroBasket: U Rwanda mu rugamba rukomeye rwo gusezerera Guinea rukagera muri 1/4 cy'irangiza #rwanda #RwOT
Ikipe y'u Rwanda ya Basketball mu gikombe cya Africa ku wa mbere izakina n'iya Guinée kugira ngo zishakemo ikomeza muri kimwe cya kane cy'irangiza.
Ni nyuma y'uko mu ijoro ryo ku wa gatandatu ikipe y'u Rwanda itsinzwe na Cap-Vert (Cape Verde) ku manota 82 kuri 74, igahita iba iya kabiri mu itsinda.
Mu mukino wagoye cyane ikipe y'u Rwanda mu ntangiriro, Cap-Vert yabarushije mu duce dutatu (quart-temps) twa mbere, u Rwanda rugaruka mu mukino mu gace ka nyuma.
Nyuma y'umukino, umutoza w'u Rwanda Cheikh Sarr yabwiye abanyamakuru ko yababajwe n'uko “inama nahaye abakinnyi ntibazikurikije”.
Kigali Arena yari irimo abafana benshi bari biteze gutsinda Cap-Vert. Marie Claire Kanyamibwa yabwiye BBC ko byamubabaje kuba ikipe yatangiye gukina neza umukino uri kurangira.
Abakinnyi b'u Rwanda batsinze amanota 14 mu gace ka mbere, 12 mu ka kabiri, 17 mu ka gatatu na 31 mu gace ka nyuma.
Emile Galois Kazeneza watsinze amanota 18, menshi muri uyu mukino, yayatsinze ahanini mu gace ka nyuma k'uyu mukino.
Cheikh Sarr ati: “Twahushije amanota menshi hakiri kare, Cap-Vert ni ikipe ikomeye yahise ikora akazi kayo neza.”
Kanyamibwa ati: “Mu mikino izakurikiraho bizabasaba kwinjira mu mukino hakiri kare, kuko nabonye habaye ikibazo cyo gutangira nabi.”
Guinée ihagaze ite?
Umwanya wa kabiri inyuma ya Cap-Vert watumye u Rwanda rugomba gukina na Guinée umukino wo gushaka ticket ya 1/4 ku wa mbere saa kumi n'ebyiri z'umugoroba.
Ku wa kabiri w'iki cyumweru ku mukino wa mbere w'iri rushanwa, Tunisia yatsinze Guinée amanota 82 kuri 46, ku wa gatatu Guinée yatsinzwe na Centrafrique ku manota 60 – 61, ariko ku wa gatanu Guinée yihagararaho itsinda Misiri kuri 86 – 78.
Mu gihe mu itsinda A u Rwanda rwatsinze imikino ibiri, Guinée mu itsinda B yatsinze umukino umwe iba iya gatatu.
Mu mikino itatu aya makipe yakinnye mu matsinda yayo, u Rwanda rwatsinze amanota 227 rutsindwa 218, naho Guinée yatsinze 192 itsindwa 221.
Izatsinda hagati y'u Rwanda na Guinea muri 1/4 izahura n'iya mbere mu itsinda C, iyo ni iza gutsinda umukino hagati ya Nigeria na Cote d'Ivoire uba kuri iki cyumweru saa cyenda z'amanywa i Kigali.
Mu mikino yo gushaka umwanya muri 1/4, Misiri nayo izahura na Angola ku wa mbere saa cyenda z'amanywa.
Anibal Aurelio Manave, Perezida wa FIBA Africa itegura aya marushanwa, yabwiye BBC ko uyu mwaka AfroBasket “irimo gutungurana cyane”, kuko “nta kipe ifite izina rikomeye iri kujya gukina yizeye gutsinda nka kera.”
BBC
-
Mesut Ozil yavuze amagambo yafashwe nko kwihimura ku mutoza Arteta #rwanda #RwOT
Uwahoze ari umukinnyi wa Arsenal,Mesut Ozil,yavugishije benshi nyuma y'umukino iyi kipe yahozemo yanyagiwemo na Manchester City ibitego 5-0 ikuzuza umunsi wa 3 wikurikiranya itsindwa ndetse itinjiza n'igitego.
Mesut Ozil wavuye muri Arsenal nabi ndetse n'umutoza Arteta yanze kumushyira ku rutonde rw'abakinnyi yagombaga gukoresha yavuze amagambo yatumye benshi bavuga ko agifite inzika Arteta.
Mesut Ozil abinyujije ku mbuga nkoranyambaga ze,yagize ati 'mwizere inzira'.Ugenekereje yashakaga kuvuga ko abafana ba Arsenal bakeneye kwizera uburyo ikipe iri kubakwa nyamara buri wese arabona ko iri kurimbuka.
Arsenal imaze gutsindwa imikino 3 yikurikiranya ndetse ya mbere muri Premier League 2021/2022 na Brentford,Chelsea na City.Ibi bintu yabiherukaga muri 1954 gusa kuri iyi nshuro ntirabasha kwinjiza igitego.
Ilkay Gundogan, Ferran Torres watsinze 2,Rodri na Gabriel Jesus nibo batsindiye City kuri uyu wa Gatandatu gusa Arsenal yahawe ikarita itukura yiheshejwe na Granit Xhaka usanzwe uzwiho kugira ubunyamwuga budahambaye.
Mesut Ozil wari umaze imyaka isaga 8 muri Arsenal,yanditse buriya butumwa ahita ashyiraho akamenyetso [emoji] y'umutima washwanyaguritse byatumye benshi bemeza ko Arsenal yavugaga cyane ko avuga ko ari umufana wayo.
Arsenal iri kugenda igana habi bitewe n'imitoreze ya Arteta yibazwaho na benshi,uko ikipe isigaye igura abakinnyi ndetse n'urwego rwo hasi rw'abakinnyi bakuze mu ikipe.
Mesut Ozil wafashaga ba rutahizamu ba Arsenal gutsinda ibitego kubera imipira myiza yabahaga,ubu ari gukina mu ikipe ya Fenerbahce yo muri Turkia.
-
Musanze: Ibendera ryari ryabuze ryabonetse #Rwanda #RwOT via @kigalitoday #rwanda #RwOT
Ni nyuma y’uko rikimara kubura mu rukerera rwo ku wa Gatandatu tariki 28 Kanama 2021, ubuyobozi bw’Akarere n’Umurenge n’inzego z’umutekano, barishakishije ngo baribona mu ma saa moya z’umugoroba, nk’uko Umunyamabanga Nshingwabikorwa w’Umurenge wa Gataraga Kabera Canisius yabitangarije Kigali Today.
Yagize ati “Twaribonye mu ma saa moya nko muri metero 50 uvuye aho Akagari kubatse, urebye ni umuntu warifashe arirambika ku ibuye, ni umuntu wahanyuze yigendera waribonye aduha amakuru”.
Arongera ati “Kugeza ubu nta muntu dukeka, n’abo dukeka bari bafitwe na Polisi bagiye kurekurwa, kuko nta gihamya kindi dufite tubashinja”.
Uwo muyobozi akeka ko ibyo bikorwa bibi byaba biterwa n’amakimbirane yaba aturuka ku muzamu urinda ako kagari n’abaturage, ari na ho ahera asaba abaturage kujya begera ubuyobozi mu gihe bagiranye amakimbirane bagafatanya gushaka igisubizo.
Inkuru bijyanye:
source : https://ift.tt/3yvA6bE
-
#AfroBasket2021: Mali irasezerewe, Kenya ibona amahirwe yo kuzahatanira itike ya ¼ (AMAFOTO) #Rwanda #RwOT via @kigalitoday #rwanda #RwOT
Kuri iki Cyumweru muri Kigali Arena hakomeje imikino y’umunsi wa gatandatu wa AfroBasket, aho ku i Saa Sita umukino wari utegerejwe cyane wagombaga guhuza ikipe ya Kenya na Mali, aho iyari gutsindwa yagombaga guhita isezererwa.
-
- Irushanwa rya AfroBasket ni irushanwa rigaragaramo ubuhanga bwinshi
Agace ka mbere k’umukino karangiye ikipe ya Kenya iri imbere n’amanota 22 kuri 18, aka kabiri Kenya ikomeza kuyobora n’amanota 33 kuri 29, aka gatatu yongera ikinuyuranyo karangira irusha Mali amanota 10 (55-45).
Mu gace ka nyuma k’umukino amakipe yombi yakomeje guhatana aho iyari gutsindwa yagombaga guhita isezererwa, naho itsinda ikabona itike yo kuzahatanira indi tike ya ¼. Umukino waje kurangira ikipe ya Kenya yegukanye intsinzi ku manota 72 kuri 66.
Amateka mashya kuri Kenya, amateka yandi ku mutoza Elizabeth ‘Liz’ Mills
Ikipe y’igihugu ya Kenya yaherukaga kubona itike ya AfroBasket mu mwaka wa 1993, aho iyi kipe yaje ku mwanya wa kane mu makipe icyenda.
-
- Umutoza Liz Mills wa Kenya nawe yakoze amateka muri iyi kipe
Ni amateka mashya ku mutoza Elizabeth ‘Liz’ Mills, uyu akaba ari we mutoza wa mbere w’umugore utoje ikipe mu mikino ya AfroBasket, akaba anabashije kuyifasha kuba yakabya inzozi zo kugera muri ¼ igihe yaba itsinze undi mukino umwe ifite.
source : https://ift.tt/3Bm7IdP
-
-
Mozambike: Impunzi ziri mu byishimo byo kugaruka mu rugo zibifashijwemo na RDF n'ingabo za Mozambike #rwanda #RwOT
Mu byishimo byo ku rwego rwo hejuru, impunzi zari zarahungiye mu duce dutandukanye tw'Intara ya Cabo Delgado muri Mozambique zatangiye gusubira mu byazo zibifashijwemo na RDF ndetse n'ingabo za Mozambike.
Nyuma y'uko Ingabo z'u Rwanda na Polisi y'u Rwanda zifatanyije n'iza Mozambique zibohoye uduce dutandukanye twari twarigaruriwe n'ibyihebe muri iyi ntara ndetse zikabyirukana mu birindiro bikomeye.
Inkambi y'impunzi ya Quitunda iherereye hafi y'icyambu cya Afungi ku Nyanja y'Abahinde, ikaba ibarizwamo impunzi zisaga ibihumbi cumi (10.000)
Valentim Sumail Dienga, Umuyobozi w'inkambi, yagaragaje ko umubare w'abacyuwe ungana na 684 bavuye mu nkambi ya Quitunda bajyanwa aho bari batuye , mu mujyi wa Palma, bakaba bishimiye kongera gukandagira mu mujyi wabo wa Palma.
Yagize ati 'Turabashimira ko mwaje kudutabara, ibi ni ikimenyetso ko twunze ubumwe'.
Muri iki gikorwa Ingabo z'u Rwanda na Polisi bafatanije n'inzego za Mozambique, batanze imodoka zatwaye abaturage ndetse babaherekeza mu nzira babacungiye umutekano kugera Palma. Ni urugendo rw'ibirometero 18, kandi aho basubiye mu byabo n'ubundi bakomeje gucungirwa umutekano.
Abaturage bakuwe mu byabo n'ibikorwa by'iterabwoba mu Ntara ya Cabo Delgado muri rusange bagera ku 826,000.
Kugeza ubu abari mu nkambi baravuga ko ingabo na Polisi b'u Rwanda bakimara kugera muri iyi ntara kubatabara, imitima yabo yasubiye mu gitereko ndetse ko bishimiye umutekano ugenda ugerwaho muri iyi ntara ku bufatanye bw'inzego z'umutekano za Mozambique n'u Rwanda.
-
AMAFOTO : No mu murwano njyarugamba ntawubahigaâ¦RDF izwiho gutsinsura inyeshyamba yungutse abasirikare bashya #rwanda #RwOT
Iyi myitozo ibemerera kwinjira mu ngabo z’u Rwanda, bayisoje kuri uyu wa Gatandatu tariki 28 Kanama 2021.
Igikorwa cyo gusoza iyi myitozo, cyakurikiranywe n’Umugaba Mukuru w’Ingabo z’u Rwanda, Gen Jean Bosco Kazura.
Ubwo aba basirikare barangije imyitozo y’ibanze basozaga, bagaragaje imyitozo bamazemo iminsi aho hari iyo bakoreye ku butaka ndetse no mu mazi ndetse n’imyitozo y’intwaro.
Bagaragaje kandi imyitozo njyarugamba bakoresha umubiri aho mu mirwano y’umugeri n’igipfunsi, aba basore n’inkumi bagaragajemo ubumenyi buhanitse.
Umugaba Mukuru w’Ingabo, Gen Kazura yabashimiye aba basore n’inkumi kuba barahisemo kwinjira muri uyu mwuga uteye ishema.
Yavuze ko amasomo n’imyitozo bahawe bitanga icyizere ko bazabasha kugera ku ntego zabo.
Yagize ati 'Muri imbaraga z’abaturage kuko mwishyize hamwe n’abababanjirije mu kurinda no guteza imbere Igihugu cyanyu.'
Igisirikare cy’u Rwanda cyungutse aba basirikare bashya mu gihe bamwe muri bakuru babo bamaze iminsi bari mu butumwa mu bihugu binyuranye muri Africa.
Abaheruka kujya mu butumwa, ni abari muri Mozambique aho bagezeyo ibyari byarananiranye bigashoboka kubera imbaraga n’umuhate w’ingabo z’u Rwanda zafatanyije n’iza kiriya gihugu zikirukana inyeshyamba mu birindiro byazo.
UKWEZI.RW
-
Kugwa si bibi, ikibi ni uguherayo – Perezida Ndayishimiye ku mubano w’u Rwanda n’u Burundi – #rwanda #RwOT
Ibi Perezida Ndayishimiye yabigarutseho ku wa 28 Kanama 2021 ubwo yari mu muhango wo kwizihiza umunsi wahariwe Imbonerakure uzwi nka ‘Imbonerakure Day’. Ni umunsi Mukuru wabereye muri Komine Gasorwe mu Ntara ya Muyinga iherereye mu Majyaruguru y’u Burundi.
Mu ijambo yavuze kuri uyu munsi, yagarutse cyane ku mubano w’ibihugu bya Afurika, agaragaza ko bikwiye kwishyira hamwe kugira ngo bihangane n’ibihugu bibirwanya. Yagaragaje ko kutumvikana kw’ibihugu bya Afurika hari ababyuriraho bakabitezamo intambara n’umwiryane.
Perezida Ndayishimiye yagaye ‘abakoloni’ babibye amoko mu Barundi kugeza n’aho bayashyira mu ndangamuntu, ashima uburyo Abarundi bari kugenda babirenga ahubwo bagaharanira kuba umuntu umwe.
Agana ku musozo w’ijambo rye yagarutse ku mubano w’u Rwanda n’u Burundi, aho yagaragaje ko ashima intambwe iri guterwa n’u Rwanda mu kuzahura umubano n’iki gihugu cy’igituranyi byari bimaze igihe bidacana uwaka.
Ati “Nagira ngo mfate kano kanya nshimire cyane Igihugu cy’u Rwanda. Igihugu cy’u Rwanda murabona ko cyamaze kubona ukuri kirimo kiraza, tugikomere amashyi cyane, erega kugwa si bibi, ikibi ni uguherayo.”
Yavuze ko umubano w’u Rwanda n’u Burundi ari nk’uw’umuntu wambura mugenzi we amafaranga ariko akazikubita agashyi nyuma y’igihe akamwishyura.
Ati “Reka mbabwire akantu kamwe, umuntu aguhejeje amafaranga urababara, urababara yaguheza ukwezi kwa mbere ukumva agahinda, ukwa kabiri agahinda kakiyongera. Umwaka washira bwo mukaba abanzi, ahengereye nyuma y’imyaka itanu akakuzanira ya miliyoni yari agufitiye ahinduka inshuti , ese uravuga uti uri umwanzi ntuyampe? None u Rwanda ruduhaye amahoro ntitwakoma amashyi, mureke dukome amashyi cyane.”
Yakomeje avuga ko ibyo ibihugu byombi biri gukora ari nabyo ijambo ry’Imana ryigisha kuko rigaragaza ko bidakwiye ko umuntu ahorana inzigo.
Ati “Aho kugira ngo ibintu bihere byatinda nibyo n’Imana itwigisha, nta guhorana inzigo. Muribuka umwana w’ikirara batwigishije mu ijambo ry’Imana, yatwaye umugabane we arigendera ngo agiye gukira, abandi bana baramwanga ndetse n’umubyeyi biramubabaza ariko umunsi umwana w’ikirara yafashe umwanzuro wo kugaruka habaye umunsi mukuru ukomeye cyane mu muryango. Natwe iyo tubonye ibihugu byegerana dukoresha umunsi mukuru.”
Umubano w’u Rwanda n’u Burundi wajemo agatotsi mu 2015 ubwo ibihugu byombi byatangiraga gushinjanya gucumbikira abatavuga rumwe n’ubutegetsi bwabyo, Gusa hashize iminsi hari ibikorwa n’ibimenyetso bigaragaza ko umubano w’ibihugu byombi ushobora kongera kuba mwiza.
Intambwe ikomeye mu kuzahura umubano w’ibihugu byombi yatewe ku wa 1 Nyakanga 2021 ubwo Minisitiri w’Intebe w’u Rwanda, Dr Edouard Ngirente yagaragaraga mu mubare w’abashyitsi benshi bari bitabiriye ibirori byo kwizihiza imyaka 59 ishize u Burundi bubonye ubwigenge.
Mu mbwirwaruhame Perezida Ndayishimiye yatanze uyu munsi yavuze ko ko hagiye gufungurwa “igitabo gishya” mu mubano w’u Rwanda n’u Burundi.
Umuhate ibihugu byombi bishyira mu kongera kubana wongeye kugaragara ku wa 30 Nyakanga 2021, ubwo u Rwanda rwashyikirizaga Leta y’u Burundi abarwanyi 19 b’umutwe wa RED Tabara bafatiwe muri Nyungwe muri Nzeri 2020. Ni abarwanyi u Burundi bwari bumaze iminsi busaba kugira ngo bagezwe imbere y’ubutabera kubera ibyaha batandukanye bashinjwa.
Ikindi kimenyetso cyiza cyabonetse kuwa Gatanu tariki 6 Kanama ubwo Guverineri w’Intara ya Kayanza mu Burundi yahuraga na Guverineri w’Intara y’Amajyepfo mu Rwanda, bagahurira mu murenge wa Ruheru muri Nyaruguru, bakaganira ku mubano w’intara zombi ndetse u Burundi bugashyikiriza u Rwanda abaturage barindwi bari bamaze iminsi bafatiweyo kuko bambutse binyuranyije n’amategeko.
Ku wa 20 Kanama 2021, u Rwanda rwashyikirije u Burundi abagabo babiri b’Abarundi bafatiwe ku butaka bw’u Rwanda bacyekwaho kwiba amafaranga y’umucuruzi bakoreraga mu Mujyi wa Bujumbura, kiba ikindi kimenyetso cy’uko rwiteguye gukora ibishoboka byose kugira ngo rwongere kubana neza n’uyu muturanyi warwo.
Perezida w’u Burundi, Evariste Ndayishimiye yashimye intambwe iri guterwa n’u Rwanda kugira ngo umubano n’Igihugu cye wongere kugenda neza
Perezida Ndayishimiye n’umufasha we, Angeline Ndayubaha ni bamwe mu banyacyubahiro bari bitabiriye uyu munsi mukuru wahariwe Imbonerakure
source : https://ift.tt/3Dm9g9H
