Blog

Ibiro by’Umukuru w’Igihugu ni byo byatangaje ko iyi nama iza kwiga ku ngamba zo kurwanya iki cyorezo. Ni mu gihe ubwandu mu gihugu bwo bukigaragara mu turere twose tw’igihugu cyane mu Mujyi wa Kigali.

Mu minsi irindwi ishize, abantu 3.500 ni bo bagaragaye banduye Covid-19 bigaragaza uburyo iki cyorezo kikiri kwiyongera ku gipimo cyo hejuru.

Abapfuye nabo bakomeje kwiyongera mu minsi irindwi ishize kuko habonetse impfu 51. Cyakora ibikorwa byo gukingira nabyo byashyizwemo imbaraga nyinshi kuko ubu hari gukingirwa abantu bose barengeje imyaka 18.

Mu gihugu hamaze gukingirwa abantu miliyoni 1,5 bahawe dose ya mbere mu gihe abakingiwe byuzuye barenga ibihumbi 660.

Umukuru w’Igihugu, Paul Kagame, ni we wayoboye iyi nama yabereye muri Village Urugwiro

Hitezwe ingamba nshya zijyanye no kurwanya Covid-19

Iyi nama yabaye nyuma y’uko abagize Guverinoma bari bamaze ukwezi mu kiruhuko

Minisitiri w’Intebe, Dr Edouard Ngirente, aganira n’abandi baminisitiri bari bayitabiriye

Umuhango wo gusoza amasomo kuri aba banyeshuri wabaye ku wa 29 Kanama 2021.

LICA yatangiye mu 2014, icyo gihe iri shuri ryatangaga amasomo kuva mu mashuri y’incuke kugeza mu yisumbuye, muri iyi porogaramu ya ACE ikubiyemo no kwigisha indangagaciro zishingiye kuri Bibiliya.

Umwe mu bashinze LICA, Birungi Ram Abooki, yavuze ko bashimishijwe cyane ko kuba abanyeshuri ba mbere barangije kwiga muri iri shuri.

Yagize ati “Dutewe ishema cyane no kuba icyiciro cya mbere cy’abanyeshuri bacu barangije amasomo yabo, kandi twiteguye gukomeza gutanga ubumenyi ku bandi benshi tunabaremera inzira izabageza ku ntsinzi.”

“Uyu munsi abanyeshuri bahawe impamyabumenyi zabo z’amashuri yisumbuye ndetse n’ibyangombwa byerekana amanota babonye [Transcript] zabo, bazahita bajya muri Kaminuza. Turatumira n’abandi banyeshuri bashaka ubumenyi bwisumbuye buzabafasha kuba bamwe bayoboye ku rwego rw’Isi kutugana.”

Porogaramu ya ACE ni integanyanyigisho yo muri Leta Zunze Ubumwe itangwa mu mashuri ya Gikirisitu, yubakitse ku buryo umunyeshuri agira ubumenyi bukenewe ku rwego rwe, ndetse akagenda azamuka bigendanye n’ubumenyi runaka amaze kugira.

Ishuri rya LICA ni rimwe mu mashuri atandatu mu Rwanda atanga amasomo muri iyi Porogaramu, aho umunyeshuri yigishwa indangagaciro zishingiye kuri Bibiliya zikomatanyije n’ubumenyi busanzwe buri ku rwego rwo hejuru ndetse n’imyifatire myiza.

Umunyeshuri uharangije aba afite ubumenyi butangwa muri Porogaramu ya ACE bimufasha kubona impamyabumenyi Mpuzamahanga ya ICCE (The International Certificate of Christian Education) ndetse n’iya LCA (Light House Christian Academy).

Iri shuri ryashinzwe na Birungi Ronald, umugore we Birungi Ram n’abana babo bane bageze mu Rwanda mu 2014. iherereye ku Kacyiru mu Karere ka Gasabo.

Life International Christian Academy yasohoye abanyeshuri bayo ba mbere

Wari umunsi w’ibyishimo mu birori byo gusoza amasomo

Byabaye hubahirizwa ingamba zo kwirinda COVID-19 harimo guhana intera

Kwizera yitabye Imana nyuma y’iminsi ibiri ari mu bitaro aho yakurikiranwaga n’abaganga kubera igikomere yiteye agerageza kwikata ijosi akagira igikomere ariko hakaba andi makuru avuga ko yaba yaranagerageje kunywa umuti wica udukoko, nyuma y’uko icyuma yiteye kitamwishe.

Kwizera yashatse kwica umugore witwa Tuyishime mu ijoro ryo ku wa 30 rishyira 31 Kanama 2021, amukase ijosi akoresheje icyuma ari nabwo nawe yahise yitera icyuma ariko bombi ntibahise bapfa kuko inzego z’umutekano zimaze gutabara boherejwe kwa muganga.

Kwizera ngo yakomeje kuremba kugeza ubwo ananirwa guhumeka neza ngo bamushyira ku cyuma gitanga umwuka ariko ubuzima bwe buza gukomeza kumera nabi kugeza apfuye.

Umunyambanga Nshingwabikorwa w’Umurenge wa Ngororero, Mugisha Daniel, yabwiye Kigali Today ko kugeza ubu hataramenyekana niba yishwe n’igikomere yiteye cyangwa imiti bivugwa ko yaba yaranyoye, kuko ayo makuru afitwe n’abaganga.

Mu gihe umugore wari wasuye Kwizera agashaka kumwica we akiri mu bitaro, ngo nta makuru yari yamenyekana y’icyo bapfuye kuko bivugwa ko bari basanzwe ari inshuti.

Hari andi makuru avuga ko Tuyishime yasuye Kwizera hakiri kare nko mu masaha ya saa tatu z’ijoro, ariko amakuru y’uko yashatse kumwica amenyekana mu ma saa sita z’ijoro kandi abaturanyi be bakavuga ko nta muntu bigeze bumva ataka ku buryo bitari koroha kubatabara ku gihe.

Bikurikire muri iyi videwo: