Webrwanda Backend

Blog

  • Hashize imyaka 7 umunyamakuru Patrick Kanyami… – #rwanda #RwOT

    Patrick Kanyamibwa yitabye Imana ku myaka ye 32 y'amavuko, ibisobanuye ko iyo aba akiriho yari kuba afite imyaka 39. Urupfu rwe rwashavuje benshi kugeza n'ubu akaba akibukwa n'inshuti n’umuryango we, abo bakoranye n'abandi batandukanye. Ku munsi yakoreyeho impanuka, nyakwigendera Kanyamibwa Patrick yari mu gikorwa cya Groove Awards Rwanda cyo gukusanya amakuru y'abahanzi bagombaga kwitabira iryo rushanwa dore ko yari umwe mu bari barihagarariye mu Rwanda.

    Incamake y’amateka ya Nyakwigendera Kanyamibwa Patrick

    Patrick Kanyamibwa akomoka mu karere ka Gakenke, akaba yari atuye i Gikondo mu Karere ka Kicukiro mu mujyi wa Kigali. Yavutse tariki ya 05 Gicurasi 1982. Ababyeyi be ni Jean Baptiste Nubahumpatse na Kayirere Louise, aba bombi bakaba bakiriho. Amashuli abanza yayize i Gikondo (Kinunga) kuva 1991 kugeza 1997.

    Amashuli yisumbuye yayigiye muri Agri—vétérinaire Rushashi: 1997—2000, ayakomereza muri TTC Bicumbi kuva mu mwaka wa 2000 kugeza 2003 aho yakuye impamyabushobozi yo kwigisha. Amashuli makuru yayize muri Kaminuza y'u Rwanda mu ishami ry'Itangazamakuru.

    Patrick Kanyamibwa yakoze igihe kinini mu muryango wita ku bidukikije witwa ARECO Rwanda Nziza, akaba yari ashinzwe gukusanya no kubika amakuru n'inyandiko zinyuranye, akanagira uruhare mu bushakashatsi ku bidukikije mu ishyamba rya Mukura n'irya Nyungwe.

    Nyamara abenshi bamuzi cyane cyane mu itangazamakuru, aho yakoze ku ma Radio anyuranye nka Sana Radio, Radio 10, Radio Flash, Radio Isango Star, aho yatangaga amakuru n'Ibiganiro ku bahanzi b’índirimbo zo guhimbaza Imana. Ku Isango Star yari azwi cyane mu kiganiro Gospel Time Show yafatanyaga na Kwizera Ayabba Paulin.

    Kanyamibwa yaje no gukora kuri Radio Inkoramutima mu kiganiro cy'ubucuruzi. Usibye gutangaza amakuru ya Gospel kuri ayo maradiyo twavuze, Kanyamibwa yanakoze ku mbuga za Internet zitandukanye na bwo agatambutsaho amakuru ajyanye n'iyobokamana. Na hano ku inyaRwanda.com yajyaga ahanyuza amakuru y’iyobokamana yabaga yiganjemo ay’abanyempano mu muziki, n’abandi.

    Nyakwigendera Patrick Kanyamibwa yitabye Imana yarakoraga kuri Television yigenga yitwa Family Tv ikorera mu mujyi wa Kigali naho akaba yarakoraga ikiganiro cy'iyobokamana cyitwa Jambo Gospel. Mu bitangazamakuru yakoreye byose, biragoye kubona abahanzi ba Gospel bazamutse batamuciye mu ntoki.

    Nyakwigendera Patrick Kanyamibwa yakoze amahugurwa menshi ajyanye n'umwuga w'itangazamakuru, haba mu Rwanda no hanze yarwo. Patrick Kanyamibwa yabanaga na Mukabacondo Jeanine, bashyingiranywe mu mwaka wa 2010, akaba yaramusigiye umwana umwe w'umuhungu witwa Kenzo Mugisha Kanyamibwa.

    Patrick Kanyamibwa amaze imyaka 7 yitabye Imana

    Mama Kenzo (umugore wa Patrick Kanyamibwa) ubwo yari yagiye kunamira umugabo we

    Urupfu rwa Kanyamibwa rwashenguye Umuryango we n’inshuti ze, hano bari bagiye i Rusororo kumwunamira

    Hashize imyaka 7 umunyamakuru Patrick Kanyamibwa yitabye Imana

    Source : https://inyarwanda.com/inkuru/109396/hashize-imyaka-7-umunyamakuru-patrick-kanyamibwa-wari-ukomeye-muri-gospel-yitabye-imana-109396.html

  • CAF CC: AS Kigali yakuye intsinzi muri Comore… – #rwanda #RwOT

    Mu mukino w'ijonjora ry'ibanze muri CAF Confederations Cup wabereye mu mujyi wa Moroni mu gihugu cya Comores kuri Stade Omnisport de Moroni, AS Kigali yahatsindiye Olympique de Missiri ibitego 2-1, itera intambwe ikomeye igana mu cyiciro gikurikiyeho ari nako yoroshya akazi ku mukino wo kwishyura uzabera i Kigali mu cyumweru gitaha.

    AS Kigali yihariye umupira muri uyu mukino, yakinnye neza igice cya mbere, ihererekanya neza mu kibuga, irema uburyo buvamo ibitego bwinshi ndetse inagerageza kugarira neza, wabonaga abakinnyi bari ku rwego rwiza rwo gutsinda umukino.

    Mu mininota 45 y'igice cya mbere AS Kigali yabyaje umusaruro amahirwe yabonye, itsinda ibitego bibiri byinjijwe na Kwizera Pierrot na Saba Robert.

    Igice cya mbere cyarangiye AS Kigali iyoboye umukino ku ntsinzi y'ibitego 2-0.

    Mu gice cya kabiri, Olympique de Missiri yagarutse yoakosoye byinshi, itangira kurema amahirwe avamo ibitego, ari nako AS Kigali yasaga n'iyiraye igaragaza amakosa menshi mu bwugarizi bwayo, iha urwaho abanya-Comores batangira gusatira izamu rya Fiacre Ntwari.

    Olympiques de Missiri yabonye igitego cyo kwishyura mu gice cya kabiri nyuma yo gukomanga inshuro nyinshi imbere y'izamu rya AS Kigali.

    AS Kigali yari yasuye, yakomeje gukina neza irusha Abanya-Comores guhererekanya neza no kurema uburyo buvamo ibitego, ariko uburyo bwose bagerageje ntibwabahiriye, bituma iminota 90 y'umukino irangira begukanye intsinzi y'ibitego 2-1.

    Biteganyijwe ko AS Kigali izagera mu Rwanda ku Cyumweru tariki ya 12 Nzeri 2021, aho izaba ije kwitegura umukino wo kwishyura uteganyijwe ku wa Gatandatu w'icyumweru gitaha.

    AS Kigali nisezerera Olympique de Missiri, izahura na DCMP yo muri DR Congo mu cyiciro gikurikiyeho.

    AS Kigali yatsindiye Olympique de Missiri mu rugo ibitego 2-1 mu ijonjora ry’ibanze muri CAF Confederations Cup

    Source : https://inyarwanda.com/inkuru/109395/caf-cc-as-kigali-yakuye-intsinzi-muri-comores-yoroshya-akazi-ku-mukino-wo-kwishyura-109395.html

  • Flavio Againo ufite inzozi zo kugera ku rwego… – #rwanda #RwOT

    Cyubahiro Arnaud ukoresha akazina ka  Flavio Againo muri muzika, avuga ko yatangiye muzika byeruye  muri 2016 kuko mbere yabikoraga nta murongo yabihaye, akaririmba indirimbo yishimisha.

    Uyu muhanzi watangiye injyana ya AfroBeat, amaze gushyira hanze indirimbo 6 ze bwite zirimo 'I Don’t Care', 'Ntawaguhiga', 'Indangamuntu', n’izindi. Aganira na Inyarwanda, yemeje ko agomba gukora indirimbo zirimo ubutumwa buri wese yakwisangamo.

    Flavio yakuze akunda muzika, akajya asubiramo indirimbo z’abandi bahanzi batandukanye, akumva afite inzozi zo kuzaba umuhanzi. Afata umuhanzi Meddy  nk’icyitegererezo kuri we, akamwigiraho byinshi. Flavio Againo, asaba abahanzi bazamutse gufata akaboko bagenzi babo bato. Ku nzozi ze yumva ko yazaba umuhanzi mpuzamahanga, akaba yakwitabira ibihembo  bitandukanye bikomeye. 

    KANDA HANO WUMVE ASANTE  YA FLAVIO AGAINO

    “>

    Source : https://inyarwanda.com/inkuru/109394/flavio-againo-ufite-inzozi-zo-kugera-ku-rwego-mpuzamahanga-yashyize-hanze-indirimbo-nshya–109394.html

  • Tom Close n'umufasha we bibarutse undi mwana banavuga izina rye – YEGOB #rwanda #RwOT

    Tricia Ange Niyonshuti, Umufasha wa Tom Close, abinyujije ku rukuta rwe rwa instagram yanditse amagambo yuzuyemo ibinezaneza n'ibyishimo yatewe nuko umwana we na Tom Close yujuje amezi 2 amaze avutse, akaba ari umwana wabo wa 5.

    Tricia yanditse amagambo agira ati ” Nyuma y'amezi 2 gusa.. inzanira UMUHOZA … 10/07/2021 Happy two months to our heavenly sent. UMUHOZA Wanjye… USANASE agatuma ahimba ibisigo Our Baby No 5 ~INYONGA IMBONI ELLE~ “.

    Tricia ateruye Imboni Elle

    Source : https://yegob.rw/tom-close-numufasha-we-bibarutse-undi-mwana-banavuga-izina-rye/

  • AS Kigali yakuye intsinzi muri Comoros yiyongerera amahirwe yo kwerekeza mu kindi cyiciro #rwanda #RwOT

    Ikipe ya AS Kigali yatsindiye ikipe ya Olympique de Missiri-Sima iwayo mu birwa bya Comoros mu ijonjora rya mbere rya CAF Confederations Cup ibitego 2-1,yiyongerera amahirwe yo kwerekeza mu rya kabiri.

    Ku kibuga kitarimo abafana,AS Kigali yitwaye neza itsinda Olympique de Missiri-Sima ibitego 2-1,mu mukino ubanza yari imaze iminsi yitegura.

    AS kigali yafunguye amazamu ku munota wa 21 ku gitego cyatsinzwe na Kwizera Pierrot mu gihe icya kabiri cyatsinzwe na Robert Saba ku munota wa 30.

    Ikipe ya Olympique de Missiri-Sima yatsinze igitego cy'impozamarira ku munota wa 68,ntiyabasha kubona igitego cya kabiri.

    Biteganyijwe ko AS Kigali izagera mu Rwanda ku Cyumweru tariki ya 12 Nzeri 2021, aho izaba ije kwitegura umukino wo kwishyura uteganyijwe ku wa Gatandatu w'icyumweru gitaha.

    AS Kigali nisezerera Olympique de Missiri-Sima, izahura na DCMP yo muri DR Congo mu cyiciro gikurikiyeho.

    AS Kigali yakinnye uyu mukino idafite umunyezamu Bate Shamiru, wasimbuwe na Ntwari Fiacre.Ntiyari ifite kandi Kalisa Rashid na Mugheni Kakule Fabrice kubera imvune byatumye mu kibuga hagati ibanzamo Kwizera Pierrot na Uwimana Guillain.

    Abakinnyi 11 babanjemo:

    Umunyezamu: Ntwari Fiacre

    Ba myugariro: Rukundo Denis, Ishimwe Christian, Rugwiro Herve na Bishira Latif

    Abakina hagati: Kwizera Pierrot, Uwimana Guillain na Haruna Niyonzima

    Ba rutahizamu: Saba Robert, Shabani Hussein Tchabalala na Aboubacar Lawal

    Source : https://umuryango.rw/imyidagaduro/imikino/article/as-kigali-yakuye-intsinzi-muri-comoros-yiyongerera-amahirwe-yo-kwerekeza-mu

  • Volleyball: U Rwanda rwatsinze Uganda bigoranye ruhita ruyobora itsinda #rwanda #RwOT

    Ikipe y'Igihugu y'u Rwanda ya Volleyball mu bagabo yazamutse ari iya imbere mu itsinda A ry'Igikombe cya Afurika cya Volleyball kiri kubera muri Kigali Arena, nyuma yo gutsinda iya Uganda amaseti 3-2 (25-16, 21-25, 23-25, 25-11 na 15-9) mu mukino wabaye kuri uyu wa Gatanu.

    Ikipe y'u Rwanda yinjiye neza mu mukinoitsinda iseti ya mbere ku manota 25-15.

    Mu iseti ya kabiri,abagande baje bariye karungu bayitsinda ku manota 25-21 ndetse aba ari na ko bigenda mu ya gatatu yarangiye ari 25-23.

    Kwinjira mu kibuga kw'abarimo Ndamukunda Flavien ku ruhande rw'u Rwanda no kongera kwibona mu mukino kwa Mutabazi Yves na bagenzi babo, biri mu byafashije Ikipe y'Igihugu gutsinda iseti ya kane kuri 25-11 mu gihe iya gatanu ya kamarampaka yarangiye ari 15-9.

    Ikipe y'u Rwanda yazamutse iyoboye itsinda A ndetse izahura n'ikipe ya kabiri mu Itsinda D ririmo Maroc, Misiri, Kenya na Tanzania yasezerewe. Uganda, yo izahura n'ikipe ya mbere muri iryo tsinda.

    Source : https://umuryango.rw/imyidagaduro/imikino/article/volleyball-u-rwanda-rwatsinze-uganda-bigoranye-ruhita-ruyobora-itsinda

  • Cristiano Ronaldo yahaye ubutumwa bukomeye amakipe yo muri Premier League #rwanda #RwOT

    Mbere y'uko akina umukino we wa mbere muri Premier League na Newcastle, Cristiano Ronaldo yasuye ikibuga Old Trafford ahita avuga cyane ati 'nditeguye.'

    Nyuma y'imyaka 12 Ronaldo avuye muri United,yayigarutsemo ari kugana mu gusezera ariko ntabwo aragabanya cyane ibitego atsinda ariyo mpamvu ubwugarizi bwa Newcastle bushobora kuzahura n'akazi kenshi ku munsi w'ejo.

    United niyo yahinduye Cristiano Ronaldo umukinnyi wa mbere ku isi nyuma yo kumugura afite imyaka 18 mu ikipe ya Sporting CP.

    Ronaldo ubu ufite imyaka 36 aherutse guhabwa nimero 7 akunda cyane ndetse nimugoroba yaraye agiranye ikiganiro na Wes Brown bakinannye kera muri United cyaciye kuri MUTV.

    Ronaldo yagize ati 'Niyo mpamvu ndi hano.Njye na bagenzi banjye turashoboye.Niteguye kugenda.Ni byiza kuri njye,ku bafana bacu no ku ikipe kuzamuka hejuru.Nditeguye kandi ndatekereza ko nzaba ngikomeye mu myaka 3 cyangwa 4 iri imbere.'

    Ronaldo yatangiye imyitozo kuwa Mbere ku kibuga Carrington na bagenzi be ndetse n'umutoza le Gunnar Solskjaer hanyuma kuwa kabiri aza atwaye imodoka ya Lamborghini nshya yaguze ibihumbi 170 by'amapawundi.

    Ronaldo agiye gukinana na Mason Greenwood ku busatirizi bafashwa na Bruno Fernandes na Jadon Sancho.

    Ronaldo yatsindiye United ibitego 118 ubwo aheruka,ubu agiye kurwana nuko abyongera ahereye kuri Newcastle ndetse nabasha gutwara Premier League izaba ibaye iya 4 atwaranye na United.

    Source : https://umuryango.rw/imyidagaduro/imikino/article/cristiano-ronaldo-yahaye-ubutumwa-bukomeye-amakipe-yo-muri-premier-league

  • U Rwanda rwakosoye Uganda ruzamuka ruyoboye itsinda mu gikombe cy’Afurika #rwanda #RwOT

    Ikipe y’Igihugu y’u Rwanda y’abagabo yazamutse iyoboye itsinda rya mbere mu gikombe cya Afurika cya Volleyball kiri kubera muri Kigali Arena, ni nyuma yo gutsinda Uganda amaseti 3-2.

    Ni umukino wagoye u Rwanda aho byasabye iseti ya Kamarampaka, nyuma y’uko amakipe yombi yagombi yanganyije amaseti 2-2.(25-16, 21-25, 23-25, 25-11 na 15-9) mu mukino wabaye kuri uyu wa Gatanu.

    Wari umukino w’ishiraniro hashakwa ikipe izamuka iyoboye itsinda, ni nyuma y’uko amakipe yombi yari yamaze kubona itike ya ¼.

    Ikipe y’u Rwanda yinjiye neza mu mukino, ibifashijwe n’abarimo Akumuntu Kavalo Patrick wari umeze neza uyu munsi, itsinda iseti ya mbere ku manota 25-15.

    Gusa, Abagande bahinduye umukino batsinda amaseti 2 akurikiyeho, iseti ya kabiri bayitsinda kuri 25-21 iya gatatu bayitsinze 25-23.

    Iseti ya kane, umutoza w’u Rwanda yakoze impinduka azanamo Ndamukunda Flavien, byafashije u Rwanda kwibona mu mukino rutsinda iyi seti amanota 25-11, iseti ya kamarampaka ruyitsinda ku manota 15-9.

    Ikipe y’u Rwanda yazamutse iyoboye itsinda A ndetse izahura n’ikipe ya kabiri mu Itsinda D ririmo Maroc, Misiri, Kenya na Tanzania (yasezerewe). Uganda, yo izahura n’ikipe ya mbere muri iryo tsinda.

    Mutabazi Yves umwe mu bakinnyi bahagaze neza muri iki gikombe cy’Afurika

    Muvara Ronald umwe mu bakinnyi bazonze Uganda

    Madson na Kavalo bazamutsi bajya gutangira umupira wari utewe n’abakinnyi ba Uganda

    Umutoza w’u Rwanda ashimira Kavalo

    Uganda yatsindiwe ku iseti ya kamarampaka

    Mahora Yvan passeur w’u Rwanda

    Source : http://isimbi.rw/siporo/article/u-rwanda-rwakosoye-uganda-ruzamuka-ruyoboye-itsinda-mu-gikombe-cy-afurika

  • Tom Close n'umufasha we bibarutse umwana wa 5 #rwanda #RwOT

    Ingabire Tricia, umugore wa Tom Close yatangaje ko hashize amezi abiri bibarutse umwana wa Gatanu. Uyu mwana bamwise “Inyonga Imboni Elle” .

    Uyu mwana w'umukobwa yavutse tariki 10 Nyakanga 2021 ariko ababyeyi be ntibahise babitangaza kugeza uyu munsi ubwo Tricia yabitangazaga kuri Instagram.

    Kuri uyu wa Gatanu nibwo yujuje amezi abiri, Tricia Niyonshuti yabitangaje abinyujije kuri Instagram.

    Uyu mukobwa aje asanga abandi bane ari bo Ella, Ellan, Elana na Ellai batangiye kurera ari uruhinja nyuma yo gutabwa n'umubyeyi we.

    Source : https://umuryango.rw/ubuzima-115/imibereho/article/tom-close-n-umufasha-we-bibarutse-umwana-wa-5

  • Umunyarwanda yagizwe umutoza wungirije muri Simba SC #rwanda #RwOT

    Thierry Hitimana watoje amakipe atandukanye mu Rwanda no hanze yarwo, yagizwe umutoza wungirije mu ikipe ya Simba SC yo muri Tanzania.

    Iyi kipe yemeje aya makuru ku mugoroba wo kuri uyu wa Gatanu, aho yavuze ko yiyongereye mu batoza b’iyi kipe.

    Thierry Hitimana akaba agiye kungiriza Didier Gomez Da Rosa, umutoza mukuru wa Simba SC n’ubundi bakoranye mu Rwanda ubwo yari umutoza wa Rayon Sports bakanegukana igikombe cya shampiyona muri 2013.

    Uyu mutoza akaba yaratoje amakipe atandukanye arimo Rayon Sports, Bugesera FC zo mu Rwanda, Namungo na Mtibwa Sugar zo muri Tanzania.

    Thierry Hitimana yagizwe umutoza wungirije wa Simba SC

    Source : http://isimbi.rw/siporo/article/umunyarwanda-yagizwe-umutoza-wungirije-muri-simba-sc