Abantu 5 bitabye Imana kubera icyo cyorezo, bituma umubare w’abamaze gupfa bose uba 1,158. Abitabye Imana ni umugore 1 n’abagabo 4, abarembye ni 18.
Kuri uwo munsi ahabonetse abanduye icyo cyorezo benshi ni mu Karere ka Nyagatare (128), Nyamasheke (63), mu Mujyi wa Kigali (35) na Gicumbi (30) nk’uko imibare yatangajwe ibigaragaza.
source : https://ift.tt/3E5w9P1
Ku wa 08 Nzeri 2021, Urukiko Rwibanze rwa Gihango ruherereye mu Karere ka Rutsiro rwasubitse urubanza rwagombaga kuburanisha ku ifunga n’ifungurwa ry’agateganyo Umushinwa na bagenzi be batanu bakurikiranywe n’Ubushinjacyaha ku byaha by’iyicarubozo, itwarwa n’ifungiranwa ry’umuntu bitemewe n’amategeko n’icyaha cyo gukubita cyangwa gukomeretsa ku bushake kugira ngo habanze hashakwe umusemuzi w’ururimi rw’Igishinwa.
Ibi byaha bakekwaho bakaba barabikoze kuva ku itariki ya 19/08/2021 kugeza 23/08/2021 bari mu Mudugudu wa Kazizi, Akagari ka Kagano, Umurenge wa Mukura, Akarere ka Rutsiro mu Ntara y’Iburengerazuba.
Uwari umuyobozi wa sosiyete icukura amabuye y’agaciro ukomoka mu gihugu cy’u Bushinwa ari kumwe n’umukozi we w’umunyarwanda bakurikiranyweho kuba barafashe abantu babiri na bo bamukoreraga akazi k’ubuzamu, babavana mu Karere ka Nyamasheke babazana mu Karere ka Rutsiro ahitwa igorogota, ahantu bubatse igiti cy’umusaraba bakubitiraho abantu bakekaho kubiba amabuye yabo y’agaciro.
Nyuma yo kubageza mu Karere ka Rutsiro aho uwo mushinwa atuye ngo babanje kubafungirana mu nzu nyuma baza no kubakubitira ku giti cy’umusaraba babaziritse.
Inkuru Kigali Today ikesha Ubushinjacyaha ivuga ko uru rubanza rwasubitswe rwimuriwe ku itariki ya 17/09/2021, aho Urukiko ruzakomeza kubaburanisha ku ifunga n’ifungurwa ry’agateganyo.
Ambasade y’u Bushinwa mu Rwanda yamaganye abakubise umuturage bamuziritse ku giti
Ambasade y’u Bushinwa mu Rwanda iherutse gutangaza ko yamenye ikibazo cy’umutekano cyavutse hagati ya kompanyi y’Abashinwa icukura amabuye y’agaciro n’umuturage. Icyo kibazo cyerekeranye n’ubujura uwo muturage yaketsweho.
Umuvugizi wa Ambasade y’u Bushinwa mu Rwanda, yatangaje ko iyo Ambasade ishyigikiye inzego zishinzwe kugenzura iyubahirizwa ry’amategeko mu Rwanda, kandi ko bazafatanya mu gukora iperereza no gukurikirana iki kibazo mu mucyo hakurikijwe ibiteganywa n’amategeko y’u Rwanda.
Icyakora iyo Ambasade yasabye ko ibikorwa by’Abashinwa biri mu Rwanda ndetse n’abaturage b’u Bushinwa bakora batekanye nk’uko biri mu burenganzira bahabwa buteganywa n’amategeko.
Iyo Ambasade kandi isaba amakompanyi y’u Bushinwa akorera mu Rwanda kimwe n’abaturage b’icyo gihugu bari mu Rwanda kubahiriza ibiteganywa n’amategeko.
Umuvugizi wa Ambasade y’u Bushinwa ati “Imyitwarire yose ifatwa nk’idakwiye igomba kuregerwa Polisi ako kanya, aho kugira ngo umuntu abikemure uko abyumva akurikije inzira zidateganywa n’amategeko.”
Yongeyeho ati “Ambasade y’u Bushinwa mu Rwanda izakomeza guteza imbere imibanire, ubufatanye n’ubucuti hagati y’abaturage b’u Rwanda n’ab’u Bushinwa.
source : https://ift.tt/2VylCdL
Ibi byatangajwe kuri uyu wa Gatanu ubwo hatangizwaga ku mugaragaro igikorwa cyo gutera imiti yica imibu itera Malaria, cyatangirijwe mu Karere ka Kirehe mu Murenge wa Kirehe.
Akarere ka Kirehe mu 2016 kari gafite abaturage ibihumbi 270 bari barwaye Malaria, 650 bari barwaye iy’igikatu. Iyi mibare yaragabanutse cyane mu 2020/2021 kuko abayirwaye bari ibihumbi 25 mu gihe aka Karere kiyemeje kuyirandura burundu.
Ku rwego rw’igihugu ho mu 2016 abari barwaye Malaria mu Rwanda bari miliyoni 4.5 mu gihe mu 2020/2021, abayirwaye bageze kuri miyoni imwe n’ibihumbi 400.
Umuyobozi w’Ishami ryo kwirinda no gukumira Indwara mu Kigo cy’Igihugu cy’Ubuzima, RBC, Dr Tuyishime Albert, yavuze ko Malaria ari ikibazo gihangayikishije Isi yose muri rusange.
Yasobanuye ko mu mwaka wa 2016 u Rwanda rwagize Malaria nyinshi cyane aho abagera kuri miliyoni 4.5 bayirwaye mu gihugu hose.
Yakomeje agira ati “Muri abo bayirwaye twagizemo ibihumbi 18 barwaye Malaria y’igikatu, uko bagenda baremba n’umubare w’abahitanwa nayo wariyongereye, twagizemo abagera kuri 700 babuze ubuzima. Gusa kubera ingamba zitandukanye twafashe mu mwaka ushize wa 2020/2021 uwo mubare waragabanutse ku buryo twagize miliyoni imwe n’ibihumbi 400.”
Dr Tuyishime yavuze ko abarwaye Malaria y’igikatu bavuye ku bihumbi 18 bagera ku 2500, abahitanwa na yo babaye 96 bavuye kuri 700. Yasobanuye ko iryo gabanuka ryatewe n’ingamba zitandukanye zirimo kuvura abaturage benshi no kwirinda no gukoresha abajyanama b’ubuzima.
Ati “Mu ngamba rero zitandukanye zidufasha mu kuyirwanya harimo gutera imiti yica imibu aho kuri ubu tuyitera mu turere 12 tuzahaye cyane kurusha utundi.”
Yavuze ko ubushobozi budahagije ku buryo Leta yatera igihugu cyose gusa ahamya ko nabyo bizagerwaho, yavuze ko kandi kuba abaturage bahabwa inzitiramibu bituma abantu barwaraga Malaria bagabanuka.
Uhagarariye USAID mu Rwanda no mu Burundi, Jonathan Kamin, yavuze ko yishimiye uburyo u Rwanda rukoresha abajyanama b’ubuzima mu kurwanya Malaria n’izindi ndwara, yavuze ko gutera imiti yica imibu bizafasha cyane mu kugabanya abayirwara ku kigero kiri hejuru cyane.
Gutererwa imiti yica imibu byirukanye Malaria mu baturage
Bamwe mu baturage baganiriye na IGIHE bavuze ko kubaterera imiti yica imibu byatumye batarwara Malaria mu myaka itanu ishize.
Mukankuranga Donatille utuye mu Mudugudu wa Kabeza mu Kagari ka Gahama mu Murenge wa Kirehe, yavuze ko we n’umuryango we baheruka kurwara Malaria mu myaka itanu ishize.
Ati “Uyu muti baduterera udufasha mu kurwanya imibu, mbere batarawuduterera imibu yaraduteraga ikadutera Malaria, abana bakarwaragurika cyane ariko nyuma yo gutangira kuduterera ubu ntabwo iwanjye barongera kurwara.”
Umujyanama w’Ubuzima mu Murenge wa Kirehe witwa Kaberuka Froduard, we yavuze ko agereranyije umubare w’abamugana asanga banduye Malaria ari bake cyane ugereranyije no mu myaka itanu ishize, ibi ngo byatewe nuko bose batererwa imiti yica imibu bakanarara mu nzitiramibu ziteye imiti.
U Rwanda rufite intego yo kurandura Malaria burundu mu mwaka wa 2024, ibi bikazagerwaho mu gihe abaturage bose bazajya batererwa imiti yica imibu iyitera, kuryama mu nzitiramibu ku baturage bose ndetse gukoresha abajyanama b’ubuzima mu kuvura abaturage n’izindi ngamba nyinshi zagiye zikorwa.
source : https://ift.tt/3E4Jo2l
Kuri uyu mugoroba nibwo Thierry Hitimana yasinye amasezerano yo kuba umutoza wungirije mu ikipe ya SC Simba, ifite ibikombe bine bya shampiyona bikurikirana, aho agiye kungiriza Gomez.
Hitimana Thierry asubiye muri Tanzania, nyuma yo kugira ibihe byiza muri Namungo ndetse na Mtibwa Sugar.
Hitimana Thierry w’imyaka 42 y’amavuko, ni umutoza uzwi hano imbere mu gihugu aho yanyuze mu makipe atandukanye arimo Rayon Sports, As Kigali na Bugesera FC.
Iyi ndirimbo 'Sindohoka' yaririmbwe n’abahanzi 12 b'indirimbo zihimbaza Imana ari bo: Annet Murava, Patient Bizimana, Uwitonze Clementine [Tonzi], itsinda rya James&Daniella, Aime Uwimana, Gaby Kamanzi, Prosper Nkomezi, Rene Patrick, Serge Iyamuremye, Papi Claver, Dianna Kamugisha ndetse na Fabrice Nzeyimana. Yamuritswe ku mugaragaro mu gitondo cyo kuri uyu wa Gatanu kuri Televiziyo Rwanda mu kiganiro ‘Waramutse Rwanda’, AGT ikaba yari ihagarariwe na Diana Kamugisha ndetse na Rev. Baho Isaie umuhanzi akaba n’umupasiteri.
AGT ivuga ko iyi ndirimbo ‘Sindohoka’ yahuriwemo n’abahanzi bacye mu kwirinda Covid-19, gusa nyuma yayo bateganya kuzakora n’izindi nyinshi z’ivugabutumwa. Amajwi yayo yatunganyijwe na Fabrice afatanyije na Khrisau muri Wavelab Studios naho Aron Nitunga akora ‘Music Arrangements’. Uwacuranze ingoma ni Shalom Shikama, gitari zicurangwa na Aron ndetse na Arsene. Yagiye hanze ku mugoroba w’uyu wa Gatanu inyuzwa kuri shene ya All Gospel Today ndetse n’iya HM Africa.
Amashusho yayo yafashwe ndetse atunganywa na Producer Fleury Legend ukorera muri Bah Africa Entertainment, uyu mugabo akaba afatwa nka nimero ya mbere mu gutunganya neza amashusho y’indirimbo ziramya zikanahimbaza Imana. Yaba mu majwi ndetse no mu mashusho, aba bahanzi baririmbye iyi ndirimbo bubahirije amabwiriza yo kwirinda Covid-19 ari nayo mpamvu bakoreshejemo abantu bacye. Iyi ndirimbo, ni umushinga wayobowe na All Gospel Today ku bufatanye na HM Africa and Wavelab Studios ihagarariwe na Fabrice Nzeyimana.
INKURU WASOMA:Â Abagize All Gospel Today barimo Apotre Mignonne, Aime, Tonzi, Patient, Liza na Masengo bahagurukiye kurwanya Covid-19
Mu itangazo rigenewe abanyamakuru ryo kuri uyu wa Gatanu tariki 10 Nzeri 2021, Ihuriro All Gospel Today rivuga ko Covid-19 ari icyorezo gihangayikishije Igihugu, kandi cyagize ingaruka kuri buri nguni yose y'ubuzima, by'umwihariko ku nsengero. Rivuga ko ari yo mpamvu abaramyi 12 bahuje imbaraga mu ndirimbo 'Sindohoka' ikangurira abantu cyane cyane abanyamadini kubahiriza amabwiriza ya Minisiteri y'Ubuzima yo gukumira no kurwanya icyorezo cya Covid-19 cyajegeje Isi muri iki gihe.
Abahanzi 12 ba Gospel bahuriye mu ndirimbo kurwanya Covid-19
Muri iyi ndirimbo ‘Sindohoka’ yanditswe na Fabrice Nzeyimana, aba bahanzi bagaragaza ko na Bibiliya ikangurira ubwoko bw'Imana kwirinda igihe cyose batewe n'icyorezo. Kubara 5: 2 hagira hati 'Tegeka Abisirayeli bakure mu mahema yanyu umubembe wese n'uninda wese, n'uhumanyijwe n'intumbi wese.'
AGT bavuga ko bafatanyije na Leta mu bukangurambaga bugamije gukangurira abantu kwirinda Covid-19 bubahiriza amabwiriza yose yashyizweho. All Gospel Today inahamagarira Abanyarwanda kwikingiza Covid-19 kugira ngo umubiri ugire ubudahangarwa bwo guhangana n'iyi virus. Bati 'Si rwo rukingo rwa mbere twaba dukingiwe.'
Rev. Alain Numa uhagarariye itsinda rya All Gospel Today (AGT) yabwiye InyaRwanda.com ko ubu bukangurambaga barimo bwo kurwanya Covid-19 buzafasha abaturarwanda by’umwihariko abakristo guhindura imyumvire ya bamwe bica amabwiriza nkana yo kwirinda Covid-19 harimo n'abakristo. Yagize ati:
Twaricaye dusanga mu bantu bagize umuryango wa All Gospel Today nk'abahanzi n'abashumba bakurikirwa kandi bakumvwa n'abantu benshi, muri iki gihe hari abantu benshi bafite imyumvire yo kudohoka bakica ingamba zo kurwanya icyorezo, twizeye ko muri ubu bukangurambaga benshi bazahindura imyumvire.
Rev. Numa yongeyeho ko Abakristo bafite uruhare rukomeye mu gufatanya n'inzego zitandukanye mu rugamba rwo kurwanya ikwirakwira ry'icyorezo. Ati 'Nyuma y'ubu bukangurambaga abantu bazumva ko ari ngombwa kwambara agapfukamunwa, gusiga intera hagati y'umuntu n'undi, ahahuriye abantu benshi hagomba kuba hafunguye umwuka wo hanze winjira, kumenya ko gusengera mu bihuru bitemewe. All Gospel Today yiyemeje gukorana n'izindi nzego mu bikorwa bitandukanye kuko naryo ari ivugabutumwa.'
Ihuriro rya Gikristo rizwi nka All Gospel Today (AGT) ryatangiye mu 2013 ritangijwe n’umunyamakuru Mupende Gedeon Ndayishimiye, rikaba ihuza ingeri zitandukanye z'abantu bafite aho bahuriye n'ibikorwa by'Iyobokamana (Gospel) barimo; Abashumba bahagarariye amatorero atandukanye, Abavugabutumwa, Abahanzi, Abakuriye amakorali n'amatsinda y'abaririmbyi, Abanyamakuru, n'Abatunganya umuziki, abayobora ibitaramo (MCs), n'abandi.
Tariki 11 Kanama 2021, batangaije ubukangurambaga bwiswe #Sindohoka, bugamije gushishikariza Abaturarwanda bose kubahiriza amabwiriza yo kwirinda Covid-19. Ni gahunda batangije nyuma y’uko hari bamwe cyane cyane abakristo bagiye bavuga bafite impungenge ku rukingo rwa Covid-19, biyemeza kubasobanurira ko inkingo zahozeho na kera ndetse n’ubu. Ni nyuma kandi y’uko hagaragaye benshi barimo n’abakristo bagiye badohoka ku mabwiriza yo kwirinda Covid-19 bagafatwa bagiye gusengera ahatemewe.
Ubu bukangurambaga bwa All Gospel Today bwagaragayemo ibikorwa byo gusakaza ubutumwa bukangurira Abaturarwanda kwirinda Covid-19 bunyuzwa ku mbuga nkoranyambaga za All Gospel Today (Twitter, Instagram na Facebook) ndetse no ku z'abantu bwite babarizwa muri iri tsinda babasha gukurikirwa n'imbaga nyamwinshi, hatanzwe kandi n'ibiganiro mu bitangazamakuru bitandukanye. Ubu igikorwa bakurikijeho ni indirimbo bise ‘Sindohoka’.
All Gospel Today imaze gukora ibikorwa by'urukundo binyuranye byakoze ku mitima y'abatari bacye. Tariki 24 Mata 2021, yasuye abarwayi bo mu bitaro bikuru bya Kigali, CHUK, icyo gihe ikaba yarafashije abarwayi 32 bari barabuze amafaranga yo kugura imiti, ibishyurira fagitire y'imiti yose bari barandikiwe n'abaganga. Mu mpera za 2020 nabwo iri tsinda ryasuye abarwayi mu bitaro bya Muhima mu mujyi wa Kigali ryishyurira abagore bari bamaze iminsi babyaye ariko barabuze ubushobozi bwo kwishyura ibitaro.
KANDA HANO UREBE INDIRIMBO ‘SINDOHOKA’ YA ALL GOSPEL TODAY
Amafoto y’aba bahanzi uko ari 12 batambukije mu minsi ku mbuga nkoranyambaga bamenyesha abakunzi babo ko indirimbo ‘Sindohoka’ ya All Gospel Today isohoka kuri uyu wa Gatanu tariki 10 Nzeri 2021.
Annet Murava
Patient Bizimana
Tonzi
James&Daniella
Aime Uwimana
Gaby Kamanzi
Prosper Nkomezi
Serge Iyamuremye
Dianna Kamugisha
Fabrice Nzeyimana
Ubutumwa bamwe mu bagize All Gospel Today batanze ku kwirinda Covid-19
Apotre Mignonne Kabera yageneye ubutumwa abibwira ko gufata urukingo rwa Covid-19 ari ikimenyetso cyo kutizera Imana
Miss Uwase Vanessa yafashe icyemezo cyo kutazongera kugira icyo avuga ku mukunzi we mu gihe ibyurukundo rwabo bitari byagera kure.
Iki cyemezo yagifashe nyuma y'urukundo ruryoshye yigeze kugirana na Putin Kabalu bakundanye bigasakuza,akagera ubwo amwambika impeta ariko bikarangira biyoyotse.
Mu minsi ishize ubwo yahaga umwanya abamukurikira ku mbuga nkoranyambaga ngo bamubaze ibyo bifuza, byinshi mu byo Miss Vanessa yabajijwe byiganjemo umusore bakundana.
Nubwo yamubajijwe na benshi, Miss Vanessa yakomeje kubabera ibamba yanga kugira icyo amutangazaho.
Mu kiganiro na IGIHE kuri channel yabo ya Youtube, Miss Vanessa abajijwe impamvu akomeje gutsimbarara ku gutangaza umukunzi we, Miss Vanessa yavuze ko atamuvuga ku bw'impamvu z'akazi ke.
Ati 'Ndamufite ariko sinamuvuga ku bw'impamvu z'akazi ke, igihe nikigera nzamubabwira.'
Icyakora uretse n'akazi k'umukunzi we, ahahise he mu rukundo n'amateka ahafite nabyo ntibimworohereza kuvuga uwo bakundana.
Ati 'Usibye n'ibyo naje gusanga mbivuga bikarangira nabi. Naje gufata icyemezo cyo kubiceceka kuko ubanza iyo mbivuze bahita bamuntwara.'
Ikindi gikomeye gituma atagishamadukira gutangaza umusore bakundana, Miss Vanessa yavuze ko ari uko atakizera iby'urukundo rwo muri iki gihe.
Ati 'Ubu ntacyo umuntu akizera, nabonye muri iyi minsi n'ubukwe buba bigapfa, singikunda kubyina mbere y'umuziki nka mbere. Nzabyizera mvuye mu kwa buki'
Source : https://yegob.rw/miss-uwase-vanessa-afashe-icyemezo-gikomeye-ku-mukunzi-we/
Umukobwa mwiza ufite impano idasanzwe yo kubyina yabyiniye abari batashye ubukwe maze si ukumukomera amashyi karahava.
Uyu mukobwa wari wambaye inkweto ndende ,yabyinnye mu buryo budasanzwe ubona afite imbaraga nyinshi yereka abantu bose ko afite impano mu kubyina nkuko bigaragara mu mashusho ikinyamakuru Atinkanews cyashyize hanze.
Source : https://yegob.rw/umukobwa-wambaye-inkweto-yabyiniye-abageni-mu-buryo-budasanzweinduru-ziravuga/
Umugore utamenyekanye amazina yatangaje ko yagaburiwe umutwe wigitsina cy'umugabo mu biryo byitwa Tuo Zaafi (TZ) yariye muri restora.
Iyo witegereje ibiryo byitwa TZ bikunzwe cyane mu bihugu byo mu burengerazuba bwa Afurika cyane mu bihugu nka Ghana ,ubona ko ari imvange yibisa nisombe ,inyama n'ubugari.
Uyu mugore we yari yavuze ko bamuha inyama z'inka muri Tuo Zaari ariko ngo agwa mu kantu asanze bamuhaye isonga y'igitsina cy'umugabo.Asobanura impamvu yakwirakwijwe ayo mashusho yavuze ko yashakaga ko rubanda bigengesera bakitondera amafunguro bagura hanze.
Source : https://yegob.rw/video-umugore-yagaburiwe-ubugabo-mu-biryo-byo-muri-restora/
Abahanzi bamaze kubaka izina,hano mu Rwanda mu ndirimbo zihimbaza Imana, Vestine na Dorcas bamaze gusezererwa mu irushanwa rya 'Rwanda Gospel Stars Live'.
Amakuru aturutse imbere mu bategura igikorwa cya 'Rwanda Gospel Stars Live', ni uko bahisemo gusezerera Dorcas na Vestine kuko hari ibyo batabashije kumvikana na MIE ireberera inyungu zabo.
Gusezerera aba bakobwa byatumye igikorwa cya 'Rwanda Gospel Stars Live' gisigaramo abahanzi 14, barimo bane bakizamuka n'icumi bubatse izina ari nabo bari guhatanira amafaranga miliyoni icumi zizatangwa.
Ku bijyanye n'impamvu ibikorwa bya 'Rwanda Gospel Stars Live' byari byarahagaze, ubuyobozi bwavuze ko byatewe n'ubwiyongere bwa Covid-19 bwatumye ingamba zo kuyirinda zikazwa.
Source : https://yegob.rw/inkuru-itari-nziza-kuri-vestine-na-dorcas-nabafana-babo/
