Webrwanda Backend

Blog

  • Umunyeshuri yamenye ko umukunzi we atwite inda itari iye ariyahura,asiga yandikiye ababyeyi be ibaruwa ibabaje. – YEGOB #rwanda #RwOT

    Umunyeshuri wo muri Harare Polytechnic yiyahuye nyuma y'uko amenye ko umukunzi we bari bamaranye imyaka 4 atwite inda yatewe nundi mugabo.

    Umurambo wa Takudzwa Chifamba w'imyaka 27 y'amavuko bawusanze umanitse ku nzu y'incuti ye . Acide ya bateri, ibinini by'imbeba nigice cyumugozi nibyo byabonetse kuruhande rwumubiri we.

    Takudzwa yahisemo kwiyahura igihe yamenyaga ko umukunzi we (uzwi ku izina rya Christine) yatorotse nyuma yo guterwa inda n'undi mugabo.

    Umuvugizi w'umuryango Brian Chifamba yemeje urupfu rubabaje rwa Takudzwa agira ati;

    Ati: 'Twambuwe umuvandimwe wuje urukundo wagaragaje ubuhanga mu bikorwa bye byinshi. 'yananiwe kumva inama twamugiriye nyuma yo kumenya ibijyanye ko umukunzi we yamuciye inyuma,'

    Uyu musore yasize yandikiye ibaruwa ababyeyi be igira iti:'Mama na Papa mumbarire ni gutya byagombaga kugenda,gusa ndabakunda cyane.'

    Source : https://yegob.rw/umunyeshuri-yamenye-ko-umukunzi-we-atwite-inda-itari-iye-ariyahuraasiga-yandikiye-ababyeyi-be-ibaruwa-ibabaje/

  • Ubuhamya bubabaje bw'umugore warashwe inshuro 17 n'inshoreke y'umugabo we #rwanda #RwOT

    Umugore witwa Nicole Jones yasangije ubuhamya bubabaje abakurikirana urubuga rwa 'Hashtagourstories' rusanzwe rusangiza inkuru zitandukanye zabantu badasanzwe batsinze ingorane ruri kuri Instagram . Mu gice , bise 'Shot 17 Times,' Jones yasobanuye uburyo umubano we n'umukunzi we wahindutse nabi igihe yamenyaga ko abona undi mugore hafi umwaka umwe mu mibanire yabo. Uyu mukobwa ukiri muto avuga ko bitatinze mbere yuko undi mugore aba 'inzozi nzima ze.'

    Jones yavuze ko uyu mugore wakundaga guhamagara telefone akamwereka iwe igihe icyo ari cyo cyose ari kumwe n'umukunzi we igihe kinini basangira . Jones yemera ko umugabo we yahoraga abakinisha, ababeshya bombi kuburyo bungana ati 'yagaburiraga buri mugore ibinyoma bimwe.' Nyuma yo kwihanganira ikinamico igihe gito, umwe mu bahanga ku bujyanye n'ubuzima yaje kubasura agerageza kubagira inama yuko batandukana bagahagarika umubano wabo.

    Nyuma ngo yo kwitabira ibirori by'imyambarire, yaterefonye nu mujinya mwinshi ya nshoreke nyuma yo ku menya ko uyu yirirwanye n' umugabo be bishimana ijoro ryose. Gusa mbere yo kuva kuri terefone; uwo mukeba ntibyamuteye ubwoba ahubwo yatangiye kumutera ubwoba amubwira ko azamurasa. Ntibyatinze, umugore ageze kwa Jones amurasa inshuro 17 mbere yo guhunga.

    Jone w'imyaka 25 yashyizwe muri koma muminsi 4 abaganga bamubwiye ko atazongera kugenda nyuma yo kumurasa amaguru ndetse ni bikomere byinshi ku maguru. Mu buryo bw'igitangaza, yatangiye kugenda nyuma y'ibyumweru byinshi arashwe ubwo yari muri rehabu(rehab) kwitabwaho.

    Amashusho ye amaze gukwirakwira ndetse ikagenda isangizwa ku mbuga nkoranyambaga kandi ikarebwa na bantu barenga miliyoni 1.7 ku rubuga rwa Instagram rwa @HashTagOurStories( urubuga rwagenewe gusangiza inkuru zabantu badasanzwe batsinze ingorane)

    AMAKURU / MU MAHANGA / UBUTABERA / UBUZIMA / UTUNTU N'UTUNDI
    Umugore warashwe inshuro 17 n'inshoreke y'umugabo we akaba akiri muzima.Inkuru irambuye
    September 13, 2021 – by Dusabimana Faustin – Leave a Comment

    Umugore wo muri Amerika bivugwa ko yarashwe inshuro 17 n'undi mukunzi w'umugabo we bivugwa ko yafunguye akagaragaza ibyerekeranye n'iraswa rye

    Nicole Jones mugihe cy'icyumweru gishize yasangije ubuhamya bwe ku rubuga rwagenewe gusangiza inkuru zabantu badasanzwe batsinze ingorane(Hashtagourstories ) ku rukuta twa insitagaramu(instagram). Mu gihe cyo kwicara, bise 'Shot 17 Times,' Jones yasobanuye uburyo umubano we n'umukunzi we wahindutse nabi igihe yamenyaga ko abona undi mugore hafi umwaka umwe mu mibanire yabo. Uyu mukobwa ukiri muto avuga ko bitatinze mbere yuko undi mugore aba 'inzozi nzima ze.'

    Jones yavuze ko uyu mugore wakundaga guhamagara telefone akamwereka iwe igihe icyo ari cyo cyose ari kumwe n'umukunzi we igihe kinini basangira . Jones yemera ko umugabo we yahoraga abakinisha, ababeshya bombi kuburyo bungana ati 'yagaburiraga buri mugore ibinyoma bimwe.' Nyuma yo kwihanganira ikinamico igihe gito, umwe mu bahanga ku bujyanye n'ubuzima yaje kubasura agerageza kubagira inama yuko batandukana bagahagarika umubano wabo.

    Nyuma ngo yo kwitabira ibirori by'imyambarire, yaterefonye nu mujinya mwinshi ya nshoreke nyuma yo ku menya ko uyu yirirwanye n' umugabo be bishimana ijoro ryose. Gusa mbere yo kuva kuri terefone; uwo mukeba ntibyamuteye ubwoba ahubwo yatangiye kumutera ubwoba amubwira ko azamurasa. Ntibyatinze, umugore ageze kwa Jones amurasa inshuro 17 mbere yo guhunga.

    Jone w'imyaka 25 yashyizwe muri koma muminsi 4 abaganga bamubwiye ko atazongera kugenda nyuma yo kumurasa amaguru ndetse ni bikomere byinshi ku maguru. Mu buryo bw'igitangaza, yatangiye kugenda nyuma y'ibyumweru byinshi arashwe ubwo yari muri rehabu(rehab) kwitabwaho.

    Amashusho ye amaze gukwirakwira ndetse ikagenda isangizwa ku mbuga nkoranyambaga kandi ikarebwa na bantu barenga miliyoni 1.7 ku rubuga rwa Instagram rwa @HashTagOurStories( urubuga rwagenewe gusangiza inkuru zabantu badasanzwe batsinze ingorane)

    Source : https://umuryango.rw/ubuzima-115/udushya/article/ubuhamya-bubabaje-bw-umugore-warashwe-inshuro-17-n-inshoreke-y-umugabo-we

  • Umutoza wa APR FC, Adil ashobora kutemererwa gutoza icyiciro cya mbere mu Rwanda #rwanda #RwOT

    Nyuma y’uko CAF igaragaje ko ibyangombwa by’uyu mutoza Adil Erradi wa APR FC bitemewe kuba yatoza amarushanwa Nyafuruka, ashobora no kwisanga atemerewe gutoza icyiciro cya mbere mu Rwanda.

    Umutoza Adil Erradi wa APR FC, ari ku rutonde rw’abatoza 29 batemerewe gutoza imikino Nyafurika(CAF Champions League na CAF Confederations Cup) ya 2021-22 nk’abatoza bakuru bitewe n’uko ibyangombwa byabo bitari ku rwego rwa CAF yifuza.

    Ubundi CAF igena ko umutoza mukuru mu mikino Nyafurika agomba kuba afite License A itangwa n’iyi mpuzamashyirahamwe y’umupira w’amaguru muri Afurika cyangwa akaba afite License y’ikirenga (License Pro) ituruka ku yindi migabane, ni mu gihe umutoza wungirije agomba kuba afite License B ya CAF.

    Ibi nibyo byagonze Adil kuko atari abifite maze umukino utozwa n’umutoza wungirije wa APR FC, umunya-Tunisia, Jamel Eddine Neffati ufite License B.

    Ubundi Adil Erradi Mohammed ukomoka muri Maroc, byavugwaga ko afite License A ya UEFA, gusa CAF yagaragaje ko uyu mutoza afite UEFA Advanced Diploma.

    UEFA Advanced Diploma ya Adil, ifite akahe gaciro?

    Ubundi itandukaniro rya Diploma na License, ni uko Diploma ari certificate uhabwa iyo usoje icyiciro cy’amasomo runaka usigaje kujya gukora ibyo wize(practice) kugira ngo ubone License urimo ukorera.

    Urugero nka UEFA ihera kuri Diploma C, iyo usoje amasomo mu buryo bwo mu ishuri(theory) no gushyira mu bikorwa ibyo wize(practice), ubona License C.

    Kugira ngo utangire gukorera Diploma B ni uko uba ufite License C. Niba umutoza arimo akorera License B, agomba guhera kuri Diploma B, akaba ari Certificate ahabwa nyuma yo gusoza amasomo mu ishuri(Theory), umutoza ahita yinjira mu cyiciro cya nyuma cy’isomo cyo gushyira mu bikorwa ibyo yize(practice) akabona guhabwa License B yakoreraga. Ibi ivuze ko Diploma ari icyiciro kimwe cy’amasomo umutoza akora kugira ngo abone lisence runaka, ntiwabona Ntiwabona License utarakoreye Diploma.

    Tugarutse kuri UEFA Advanced Diploma ya Adil Erradi, iyo urebye muri Diploma zitangwa na UEFA, k’urutonde ntigaragaraho, ku buryo byagorana no kumenya agaciro ifite.

    Reka tuvuge ko afite UEFA A Diploma kuko kuko license A yo ntayo afite, niyo diploma ya nyuma ukorera mbere yo kujya gukorera UEFA Diploma Pro ikorerwa n’uwamaze kubona License A ya UEFA.

    Aramutse afite A Diploma, byaba bivuze ko nta License A ya UEFA afite kuko hari igice cyayo atarakora kiyimuhesha cya 'Practice’, ubwo ahubwo muri License yaba afite UEFA License B.

    Iyo ugiye guhuza license za UEFA na CAF, byaba bivuze ko UEFA License B ari CAF License C. Iyi License ikaba itemewe ko umutoza yayitorezaho mu Rwanda muri shampiyona nk’umutoza mukuru.

    Bivuze ko Mohammed Adil Erradi yaba atemerewe gutoza mu cyiciro cya mbere muri shampiyona yo mu Rwanda nk’umutoza mukuru, kuko umutoza mukuru asabwa kuba afite License A cyangwa B cya CAF, ni mu gihe License ya Adil yo ifite agaciro ka License C ya CAF.

    Adil akaba amaze imyaka 2 atoza APR FC aho yayihesheje ibikombe bya shampiyona byose yatwaye adatsinzwe.

    Amaze imyaka 2 atoza APR FC

    License ye CAF yarayanze

    Ashobora kutemererwa gutoza muri shampiyona yo mu Rwanda

    Source : http://isimbi.rw/siporo/article/umutoza-wa-apr-fc-adil-ashobora-kutemererwa-gutoza-icyiciro-cya-mbere-mu-rwanda

  • Korea y'Epfo yagerageje misile nshya ishobora kwangiza igice kinini cy'Ubuyapani #rwanda #RwOT

    KCNA ivuga ko muri iri suzuma ryabaye muri weekend iyi misile yagenze 1,500km.

    Igerageza ryakozwe ni iry'ubwoko bwa 'cruise misile', bene izi ntabwo zitangirwa ibihano na ONU/UN.

    Gusa amagerageza nk'aya yandi yatumye Korea ya Ruguru ifatirwa ibihano bikomeye n'Umuryango w'Abibumbye.

    Ariko ibi bigaragaza ko iki gihugu kigifite ubushobozi bwo gukora intwaro zikomeye n'ubwo cyugarijwe n'inzara n'ubukungu bwazahaye.

    KCNA yatangaje ko kugerageza iyi misile “bifite igisobanuro gikomeye ko hari imbaraga zo kurinda igihugu cyacu n'ubushobozi bwose bwo kunesha imbaraga z'umwanzi.”

    Katsunobu Kato ushinzwe ububanyi n'amahanga bw'Ubuyapani yavuze ko leta yabo “ihangayitse” kandi iri gukorana na Amerika na Korea y'Epfo mu gukurikirana uko ibintu byifashe, nk'uko bivugwa na Reuters.

    Igisirikare cya Amerika cyatangaje ko iri gerageza rya Korea ya Ruguru ryerekana ko “ikomeje umugambi wayo wa gisirikare no kugariza abaturanyi bayo n'umuryango mpuzamahanga”.

    Cyongeraho ko umuhate wa Amerika wo kurengera inshuti zayo Korea y'Epfo n'Ubuyapani “ukiri nshinganwa”.

    Abategetsi ku rwego rwo hejuru ba Amerika, Korea y'Epfo n'Ubuyapani biteganyijwe ko bahura muri iki cyumweru bakaganira ku guhagarika intwaro z'ubumara kuri Korea ya Ruguru.

    Akanama gashinzwe umutekano ka ONU kabuza kandi kagashyiraho ibihano kuri Korea ya Ruguru mu gihe igerageje misile za 'ballictic'

    Ako kanama kazifata nk'iziteje akaga kurusha 'cruise misiles' kuko zo zishobora gutwara ubumara bwinshi kurushaho, zikaba zaraswa kure cyane kandi zikihuta.

    Misile 'ballistic' zihagurutswa na rocket kandi zikabanza gutumbagira mu kirere mbere yo guhanuka ku ntego, mu gihe cruise misile ziraswa na jet ikoresha moteri zikagenda ku butumburuke bwo hasi.

    Mu kwezi kwa gatatu, Korea ya Ruguru yarenze ku bihano igerageza misile za ballistic, byongera gutera umujinya Amerika, Ubuyapani na Korea y'Epfo.

    Uku kugerageza gushya kubaye nyuma y'iminsi hakozwe akarasisi ka gisirikare i Pyongyang ko kwizihiza imyaka 75 ya leta ya gikomunisti.

    Muri ako karasisi nta misile nini zerekanywe, herekanywe imyambaro y'ubwirinzi ya hazmat, yaba ari ikimenyetso ko hashobora kuba hari ingabo zidasanzwe zashinzwe ngo zirwanye ikwirakwira rya Covid-19.

    Kugeza tariki 19 z'ukwezi gushize Korea ya Ruguru nta bwandu bwa Covid yari yatangaza, nk'uko OMS/WHO ibivuga – nubwo bamwe bavuga ko ibyo bisa n'ibidashoboka.

    Korea ya Ruguru yafunze imipaka yayo mu kwezi kwa mbere 2020 yirinda ikwirakwira rya Covid, bituma ubuhahirane n'inshuti yayo ikomeye mu bukungu, Ubushinwa, busa n'ubuhagaze.

    Nubwo igihugu cyinjiye mu bibazo by'ubukungu n'inzara nk'uko byemejwe na Perezida Kim Jong-un, imigambi y'imbaraga kirimbuzi yarakomeje.

    Mu kwezi gushize, ikigo gikurikirana imbaraga kirimbuzi cya ONU cyatangaje ko biboneka ko Korea ya Ruguru yongeye gutangiza 'reactor' zishobora gutunganya plutonium zo gukora intwaro kirimbuzi.

    Iki kigo kivuga ko ari “amakuru ateye inkeke”.

    BBC

    Source : https://umuryango.rw/amakuru/mu-mahanga/umutekano/article/korea-y-epfo-yagerageje-misile-nshya-ishobora-kwangiza-igice-kinini-cy

  • Amavuriro mato yegereye umupaka agomba guhabwa ubushobozi bwo kubyaza – Minisitiri Gatabazi #Rwanda #RwOT via @kigalitoday #rwanda #RwOT

    Poste de santé ya Nteko mu Murenge wa Busanze, ni imwe mu zizahabwa ubushobozi bwo kubyaza
    Poste de santé ya Nteko mu Murenge wa Busanze, ni imwe mu zizahabwa ubushobozi bwo kubyaza

    Yabitangaje nyuma y’uko iki cyifuzo kidahwema gutangwa n’abaturiye amavuriro matoya (postes de santé) hirya no hino mu gihugu, baba bishimira kuba baregerejwe aho kwivuriza, ariko bakifuza ko yanatangirwaho serivisi zo kubyaza, kuko kugeza ababyeyi ku bigo nderabuzima bibagora.

    Vénatie Nyirabaganwa wo mu Kagari ka Remera mu Murenge wa Ruheru agira ati “Urabona twebwe dufite amavuriro kure, ku Ruheru n’i Runyombyi. Kuhageza umubyeyi afashwe n’inda, biratuvuna. Nkanjye uko ngana uku nkagenda nirukanka ku mubyeyi, nkagera i Runyombyi nananiwe ntabasha guhaguruka.”

    Yungamo ati “Nk’iyo Runyombyi ingobyi ihagera mu masaha atatu. N’akavuriro baduhaye hano hafi i Remera, nta mubyeyi uhabyarira. Ni ako gufasha abantu bivuza izindi ndwara.”

    Ubwo Minisitiri Gatabazi yaganiraga n’abatuye mu Murenge wa Mamba mu Karere ka Gisagara, tariki 7 Nzeri 2021, hari umujyanama w’ubuzima wamugejejeho icyifuzo cy’uko amavuriro matoya yajya anatanga serivisi zo kubyaza.

    Uwo mujyanama w’ubuzima yagize ati “Mu gihe gishize twari dufite ibibazo bikomeye mu buryo bw’ubuvuzi bw’ibanze, ariko byarakemutse kuko iwacu muri Gisagara buri kagari gafite poste de santé itangirwaho ubuvuzi bw’ibanze.”

    Ati “Hari serivisi zimwe na zimwe tubona mwadufasha zikatwegera muri ayo maposte de santé, nk’iyo kubyaza, kuko hari aho umubyeyi uri ku nda agenda amasaha abiri ajya ku kigo nderabuzima. Twumva mu tugari turi kure y’ikigo nderabuzima mwadushyiramo serivisi za maternité.”

    Minisitiri Gatabazi yasubije icyo kibazo avuga ko hari gushakwa ukuntu amavuriro matoya yo hafi y’umupaka ahabwa ubushobozi bwo gufasha uje kubyara, byaba bisaba ubundi buhanga agakorerwa transfer.

    Yakomeje agira ati “Ni amavuriro mato agiye guhabwa ubushobozi bwo kubyaza mu buryo budahambaye cyane. Ashobora kuvura amenyo, ashobora kuvura amaso, gusiramura no gutanga ubuvuzi bundi busanze. Ni inyingo irimo gukorwa, ngira ngo nta n’ukwezi kugomba gushira ngo ibigomba gutunganywa bibe byatunganye.”

    avuga ko amavuriro mato yegereye umupaka agomba guhabwa ubushobozi bwo gufasha ababyeyi bajya kubyara
    avuga ko amavuriro mato yegereye umupaka agomba guhabwa ubushobozi bwo gufasha ababyeyi bajya kubyara

    Minisitiri Gatabazi yaboneyeho gusaba ubuyobozi bw’Akarere ka Nyaruguru gukomeza kubaka amavuriro mato, ku buryo buri kagari karigira, muri ako karere habarirwa utugari 72, kandi hamaze kubakwa amavuriro matoya 33.

    Ibijyanye n’ayo mavuriro, Minisitiri Gtabazi yabitangarije abatuye mu Murenge wa Ruheru muri Nyaruguru, ubwo yabagendereraga ku itariki 8 Nzeri 2020.


    source : https://ift.tt/3tONTtn

  • PAC yahaye abayobozi ba RAB 5Min yo kwitekerezaho kuko ibosobanura batangaga bitabanyuraga #rwanda #RwOT

    Mu gikorwa cyo kumva ibigo bya Leta byagaragaweho amakosa y’imicungire mibi y’imari ya Leta yagaragaye muri Raporo y’Umugenzuzi Mukuru w’Imari ya Leta, RAB ni yo yisobanuye kuri uyu wa Mbere tariki 13 Nzeri 2021.

    Abadepite bagize PAC bagarutse ku makosa agaragara muri Raporo y’Umugenzuzi Mukuru w’Imari ya Leta kuri RAB nk’aho byagaragaye ko hari miliyoni 989Frw yasubijwe abaterankunga kuko bananiwe kuyakoresha ibyo yaragenewe.

    Nanone kandi RAB ivugwaho kuba yatanze isoko rya miliyari 2Frw, iriha Kompanyi ikora inyigo yaryo, ndetse aba ari na yo itsindira iryo soko ryo gukora igenzura ry’imirimo.

    Intumwa za rubanda zigize PAC zavuze ko ibi binyuranyije n’amategeko agenga itangwa ry’amasoko mu Rwanda kuko bitumvikana ukuntu Kompanyi yahabwa isoko ryo kwiga inyigo y’isoko runaka ikanahabwa iryo kurishyira mu bikorwa.

    Abayobozi muri RAB bisobanuraga bavuga ko muri kiriya Kigo hari ikibazo cy’abakozi bacye ku buryo hatabagaho ubushishozi bukwiye haba mu biciro byatangwaga cyangwa ibindi bikorwa byagombaga gukurikiranwa mu masoko.

    Bavuze kandi ko hari ikibazo cy’abakozi bafite ubushobozi buri hasi ku buryo hari amakosa yagiye akorwa kubera ubushobozi bucye bw’abakozi.

    Ni ibisobanuro bitanyuraga abadepite bagize PAC aho umwe muri bo yagize ati 'Nubwo ashatse kuvuga ko bahaye akazi umuntu udafite ubushobozi ariko ntabwo nibaza ko bakamuhaye babizi nez ko adafite ubwo bushobozi, ubwo nta nubwo ikibazo twakibara ku mukozi ushinzwe amasoko, twakibaza abayobozi bamuhaye uwo mwanya. Yinjiye yakoze ibizamini by’akazi ? Ese yari yabitsinze ?…'

    Abakozi bo muri RAB bakomeje gutaga ibisobanuro ariko Abagize PAC bakomeza kuvuga ko bitabanyuze.

    Ibi byatumye Abadepite baha akanya gato bariya bakozi ba RAB aho bahawe iminota 5 yo kwitekerezaho ubundi barasohora babasiga mu cyumba kiri gutangirwamo ibyo bisobanuro.

    Umunyamakuru wa Radio&TV 10 wari mu cyumba cyatangiwemo ibi bisobanuro, avuga ko bariya bakozi ba RAB nubwo bahaye iminota yo kwitekerezaho, na bo ubwabo bananiwe kumvikana hagati yabo uburyo bari buze gukomeza gutanga ibyo bisobanuro.

    UKWEZI.RW

    Source : http://www.ukwezi.rw/mu-rwanda/3/article/PAC-yahaye-abayobozi-ba-RAB-5Min-yo-kwitekerezaho-kuko-ibosobanura-batangaga-bitabanyuraga

  • Tanzania: Perezida Samia Suluhu yakoze impinduka muri Guverinoma #rwanda #RwOT

    Perezida wa Tanzania, Samia Suluhu Hassan yakoze impinduka muri Guverinoma, ashyiraho Abaminisitiri bane bashya n'Intumwa Nkuru ya Leta.

    Muri izi mpinduka zakozwe ku wa 12 Kanama 2021, Dr Stergomena Tax yagizwe Minisitiri w'Ingabo asimbura Elias Kwandikwa witabye Imana ku wa 2 Kanama 2021.

    Undi washyizwe mu mwanya ni January Makamba wagizwe Minisitiri w'Ingufu asimbuye Dr Medard Kalemani.

    Perezida Samia Suluhu yagize kandi Prof Makame Mbarawa Minisitiri w'Umurimo n'Ubwikorezi asimbuye Prof Makame Mbarawa, ni mu gihe Dr Ashatu Kijaji yagizwe Minisitiri w'Itumanaho n'Itangazamakuru asimbuye Dr Faustine Ndugulile.

    Source : https://umuryango.rw/amakuru/mu-mahanga/politiki/article/tanzania-perezida-samia-suluhu-yakoze-impinduka-muri-guverinoma

  • Ibibazo mu mushinga wa biogaz byongeye guteza impaka muri PAC: Izirenga 8000 mu gihugu ntizikora – #rwanda #RwOT

    Uyu mushinga watangijwe mu 2006 nk’uburyo bwo gushaka ingufu zakoreshwa mu guteka mu bice by’icyaro, hifashishijwe amase y’inka. Hubatswe Biogaz mu ngo zisaga ibihumbi 10 mu gihugu.

    Mu 2014/2015 Leta yatanze asaga miliyari imwe mu mushinga wo kubaka ibigega bya Biogaz bisaga 3000, nyamara wari ukirimo ibibazo byinshi byatumaga udatanga umusaruro wifuzwa.

    Raporo y’Umugenzuzi Mukuru w’Imari ya Leta y’umwaka wa 2017/2018 yagaragaje ko uwo mushinga warimo amakosa atandukanye no kuba biogaz nyinshi mu zubatswe zitarakoraga ndetse n’abaturage bakaba batarabonaga aho basaba ubufasha.

    Umwe mu myanzuro yafashwe na PAC ubwo yahamagazaga Minisiteri y’Ibikorwaremezo (Mininfra) na Minisiteri y’Ubutegetsi bw’Igihugu (Minaloc) ngo zibobanure ku mpamvu zidindiza uwo mushinga, ni uko gahunda ya biogaz yavugururwa kuko itizwe neza ndetse ntikurikiranwe uko bikwiye.

    Mininfra na Minaloc zagombaga gufatanya kuvugurura iyi gahunda mu turere hafi ya twose aho yageze ariko izikora zikaba zari mbarwa bitewe n’uburangare bw’inzego zari zibishinzwe nk’uko byavuzwe n’uwari Umunyamabanga Uhoraho muri Minisiteri y’Ubutegetsi bw’igihugu, Ingabire Assumpta.

    Yasobanuye ko mu 2016 Mininfra yahaye uturere gukurikirana uwo mushinga ariko inshingano zijyanye n’ubufasha bwa tekiniki zisigarana Mininfra gusa ngo bigaragaza ko utacunzwe neza ntiwagera ku ntego.

    Ati “Natwe turabibona, uyu mushinga ntabwo wagenze neza rwose, twavuga ko utageze ku ntege. Ikintu kinini cyatumye uyu mushinga utagenda neza ni ukutawukurikirana. Ntabwo uyu mushinga wigeze ukurikiranwa.”

    Yavuze ko abubakiwe biogaz batigeze bigishwa uburyo bwo kuzikoresha ku buryo na nyuma yo kuzubakirwa bajya bamenya ikibazo cyazo ntizangirike.

    Ubwo Komisiyo ya PAC yagarukaga ku kibazo cya biogaz mu isuzuma iri gukora kuri raporo y’Umugenzuzi Mukuru w’Imari ya Leta, ya 2019/2020, ku wa Kane tariki ya 9 Nzeri 2021, iki kibazo cyongeye kugaruka.

    Visi Perezida wa PAC, yavuze ko nta karere na kamwe katarimo ibibazo bya biogaz ku buryo bisa n’aho amafaranga yashowemo yabaye impfabusa nyamara Mininfra na Monaloc byari byiyemeje gukemura iki kibazo mu buryo burambye.

    Depite Uwimanimpaye Jeanne d’Arc, yagize ati “Uyu mushinga watwaye amafaranga menshi, umwaka ushize bavuye hano biyemeje igihe bazaba bakoze inyigo ngo babashe gusana izidakora, gushyiraho abatekinisiye bo kubafasha, twari tuzi ko ibi byose byarangiye.”

    Umushinga wa biogaz igihugu cyari cyitezemo inyungu ariko ibyo mwatubwiye ubushize mwabisize hano. Ni ukuri turababaye cyane.”

    Depite Mutesi, yabajije niba hari icyizere cy’uko uyu mushinga hari icyo uzamarira igihugu. Ati “Uhereye igihe watangiriye wagiye unanirana, ibi ni ibintu bimaze igihe kinini cyane, nta kintu cyigeze gihinduka, hari icyizere mwaduha ku kintu kizavamo?”

    Umunyamabanga Uhoramo muri Minisiteri y’Ibikorwaremezo, Uwase Patricie, yabwiye abadepite ko igenzura ryari riteganyijwe ryakozwe, aho byagaragaye ko biogaz 8600 zidakora.

    Uwase yavuze ko Mininfra iri mu biganiro na Minecofin ngo harebwe uko hakemurwa ikibazo cya tekinoloji yakoreshwaga icyo gihe n’ibindi bikenewe ngo biogaz ibashe gukora neza.

    Ati “Hari icyizere cy’uko biogaz zacu zakora kuko iyo nyigo navuze twari turimo gukora twarayirangije igaragaza ko inyinshi zikeneye gusanwa.”

    Mu byo ingufu za biogaz zari zitezweho harimo kugabanya umubare w’abakoresha inkwi n’amakara nk’ibicanwa by’ibanze ukiri mununi mu gihugu.

    Raporo y’Ikigo cy’Igihugu cy’Ibarurishamibare (Statistical Year Book 2020) igaragaza ko ingo zikoresha gaz cyangwa biogaz nk’uburyo bw’ibanze bwo guteka ari 4,2%. Iri janisha ryavuye kuri 0,1% mu 2010/2011. Abakoresha inkwi mu guteka ni 77,7%, abakoresha amakara ni 17,5% mu gihe abandi ari abatekesha ibishogoshogo bagera kuri 0,5%.

    Uretse mu ngo, ingufu za biogaz zatekerejwe gukoreshwa mu bigo nk’amashuri n’amagereza aho kuri ubu zikoreshwa hafi mu magereza yose yo mu Rwanda mu guteka.

    source : https://ift.tt/3tCO9eK

  • Hashyizweho itsinda ry’abagomba gukora ubugenzuzi ku mikorere y’Ibitaro bya Baho International – #rwanda #RwOT

    Iki cyemezo gifashwe nyuma y’uko abantu batandukanye ku mbuga nkoranyambaga bamaze igihe bashinja ibi bitaro imikorere itari myiza akaba ari nayo mpamvu hashyizweho iri tsinda ngo hasuzumwe niba ibivugwa ari ukuri koko.

    Kije kandi nyuma y’iminsi mike Urwego rw’Igihugu rw’Ubugenzacyaha rutangaje ko rwataye muri yombi abaganga babiri b’ibi bitaro, ngo hakorwe ubugenzi niba baba baragize uruhare mu rupfu rw’umugore uherutse kwitaba Imana yaje kuhivuriza

    Minisiteri y’Ubuzima yatangaje ko yashyizeho itsinda rizajya muri ibi bitaro gusuzuma niba imikorere mibi ivugwa muri ibi bitaro ariyo. Ni itsinda ry’abantu icyenda bagizwe n’abakora muri Minisiteri y’Ubuzima, abagize amahuriro atandukanye y’abatanga serivisi z’ubuzima ndetse n’abakozi mu bigo binyuranye ariko bifite aho bihuriye na serivisi z’ubuvuzi.

    Amakuru dukesha The New Times avuga ko imwe mu nyandiko yagenewe abagize iri tsinda yaboneye kopi igira iti ““Hashingiwe ku kwisubiramo kw’imikorere buvugwa ko itari myiza muri Baho International Hospital, Minisiteri y’Ubuzima yagushyize mu bagize itsinda ry’ubugenzuzi kuri serivisi batanga, imikorere, n’ikindi gishobora kuba gifitanye isano n’imikorere na serivise mutanga n’ibigomba gukorwa.”

    Iri tsinda rigizwe n’Umuyobozi Mukuru w”Ishami rishinzwe Ubuvuzi muri Minisiteri y’Ubuzima, Dr Corneille Ntihabose, Umukozi Ushinzwe ishami ry’Ubuvuzi mu Kigo cy’Igihugu cy’Ubwiteganyirize RSSB, Dr. Lysette Umutesi na Hesron Byiringiro wo mu kigo cy’Igihugu gishinzwe Ubugenzuzi bw’Ibiribwa n’Imiti mu Rwanda.

    Harimo kandi Kagabo Innocent Umunyamuryango w’Inama Nkuru y’Abaforomo n’Ababyaza, Umuyobozi mukuru w’Inama y’Ubuvuzi mu Rwanda, Gasherebuka Jean Damascene na Ciza Philbert ukora muri Minisiteri y’Ubuzima.

    Si abo gusa kandi kuko harimo n’umunyamuryango w’Inama Nkuru y’Abaganga b’Amenyo Hanyurwimfura Jean Damascene, Fidele Bimenyimana ubarizwa mu nama Nkuru y’abakora muri za Pharmacies na Donatien Ntagara Ngabo ukora muri Minisiteri y’Ubuzima.

    Iri tsinda ryatangiye akazi karyo ku wa 10 Nzeri 2021 rizakora ubu bugenzuzi mu minsi itanu, ubundi hategurwe raporo igaragaza ibyavuyemo.

    Hashyizweho itsinda ry’abagomba gukora ubugenzuzi ku mikorere mibi ivugwa muri Baho International Hospital

    source : https://ift.tt/2YLrXDH

  • Gatsibo: Abaturage bo muri Qatar bishyuriye mituweli abasaga 3000 – #rwanda #RwOT

    Aya mafaranga bayashyikirije ubuyobozi bw’Akarere ka Gatsibo kuri iki cyumweru tariki ya 12 Nzeri 2021.

    Umuyobozi w’Akarere ka Gatsibo wungirije ushinzwe Iterambere ry’Ubukungu, Manzi Théogene, yabwiye IGIHE ko ubu bufasha babuhawe n’itsinda rigizwe n’abaturage ba Qatar bari mu ruzinduko mu Rwanda aho bari kugenda basura ibice bitandukanye by’igihugu.

    Nyuma y’uko bageze mu Karere ka Gatsibo, ngo babonye hari abaturage batarishyura ubwisungane mu kwivuza bifuza kubafasha bakabatera inkunga.

    Ati “Ni itsinda ry’abaturage bavuye muri Qatar bari muri Gatsibo aho basuye uduce dutandukanye rero batubajije urutonde rw’abaturage batarishyura ubwisungane mu kwivuza kugira ngo babafashe, dukorana n’imirenge yose baduha urutonde. Ku mugoroba rero bahise badushyikiriza inkunga yabo ingana na 9 092 224 Frw.”

    Uyu muyobozi yavuze ko bashimiye cyane aba baturage ba Qatar ku nkunga bahaye abaturage ba Gatsibo, avuga ko basabye aba baturage ba Gatsibo kugirana ubufatanye no mu zindi nzego zisumbuyeho.

    Ati “ Twabashimiye kandi twumva ko byaba byiza dukomeje kugirana ubufatanye bwagera no mu zindi nzego aho kuba gusa ku kwishyurira ubwisungane mu kwivuza abaturage bacu.”

    Kuri ubu Akarere ka Gatsibo kageze kuri 84.5% ku baturage bose bamaze gutanga ubwisungane mu kwivuza, kuri ubu bakaba bakomeje gushakisha inkunga zitandukanye zakwishyurira abaturage batishoboye batarabona uko bishyura ubwisungane mu kwivuza.

    Aamafaranga Qatar yatanze byitezwe ko azagurwamo mituweli z’abaturage basaga 3000

    source : https://ift.tt/3C3AoIY