Blog

Yabigarutseho ku wa Gatanu, tariki 29 Ukwakira 2021, ubwo yafunguraga ku mugaragaro Ikigo cy’Amahugurwa cyashinzwe n’Ihuriro ry’Abagore b’Abanyafurika bateza imbere Uburezi bw’umwana w’umukobwa [FAWE Rwanda].

Iki kigo giherereye mu Kiyovu mu Mujyi wa Kigali, cyafunguwe mu muhango witabiriwe n’abarimo Minisitiri w’Ikoranabuhanga na Inovasiyo, Ingabire Paula; Umunyamabanga wa Leta muri Minisiteri y’Uburezi ushinzwe Imyuga n’Ubumenyingiro, Irere Claudette n’abandi.

Ni ikigo cyashinzwe na FAWE Rwanda nyuma yo kubona ko hari abana b’abakobwa biga amashuri, bayarangiza ntibabone akazi bityo bakaba bakeneye ubumenyi haba mu ikoranabuhanga cyangwa gufasha kwihangira imirimo.

Umuyobozi wa FAWE Rwanda, Antonie Mutoro, yavuze ko uretse abarangiza amashuri hari n’abacikiriza amashuri ahanini bitewe no kuba batewe inda n’ibindi bibazo.

Ati “Ubundi Fawe iri mu burezi bw’umwana w’umukobwa ariko hari abarangiza bakabura akazi. Iki kigo rero cyatangiye kugira ngo twunganire uburezi bw’umwana w’umukobwa n’umugore kugira ngo ashobora kwiteza imbere, kubona akazi bishingiye ku mahugurwa atangwa hano ajyanye n’ibikenewe ku isoko ry’umurimo ubu ngubu.”

Yakomeje agira ati “Ibyo birimo ikoranabuhanga kuko udafite ikoranabuhanga ntiyasaba akazi cyane cyane twabibonye muri Covid-19 ko ikoranabuhanga ari ingenzi mu mibereho yacu ya buri munsi. Tubigisha iryo koranabuhanga, kwihangira imirimo no gushobora kuyobora no kwiyobora igihe bafite ibikorwa byabo bakora.”

N’ubwo iki kigo cyafunguwe ku mugaragaro uyu munsi, cyari kimaze iminsi gikora aho abakobwa n’abagore 176 babashije guhugurwa ndetse abari bagiye gushinga ibikorwa by’ubucuruzi cyangwa kuba ba rwiyemezamirimo mu buryo butandukanye bahabwa igishoro.

Minisitiri w’Uburinganire n’Iterambere ry’Umuryango, Prof Bayisenge Jeannette, yashimye Fawe Rwanda, avuga ko ibikorwa nk’ibi byunganira Leta muri gahunda n’intego zitandukanye yihaye.

Ati “Iki kigo ndetse n’ibindi bigenda bishyirwaho n’abafatanyabikorwa bifasha Leta kugera ku ntego iba yariyemeje kugeraho haba mu gihe kirekire cyangwa igihe gito.”

Yakomeje agira ati “Muri gahunda ya Guverinoma y’imyaka irindwi harimo guhanga imirimo miliyoni 1,5 kandi hibanzwe ku rubyiruko ndetse n’abagore.”

Minisitiri Bayisenge yavuze ko abana b’abakobwa baba bakwiye kubyaza umusaruro aya mahirwe baba bashyiriweho na Leta n’abafatanyabikorwa bayo.

Ati “Aba bana b’abakobwa turongera kubibutsa amahirwe bafite kuko ari ibi bikorwa n’abafatanyabikorwa ndetse n’izindi gahunda Leta igenda ibashyiriraho byose bigaragara ko bashyize imbaraga mu gushyigikira iterambere ry’umwana w’umukobwa ndetse n’umugore muri rusange.”

Yakomeje agira ati “Icyo nasaba ni uko abafatanyabikorwa bacu dukomeza gukorera hamwe na leta kugira ngo turebe ahakiri icyuho, ahakiri imbogamizi twese tugiremo rimwe noneho no kongera gukangurira abagore n’abakobwa kubyaza umusaruro aya mahirwe baba bashyiriweho.”

Minisitiri w’Ikoranabuhanga na Inovasiyo, Ingabire Paula, wari witabiriye uyu muhango, yemereye Fawe Rwanda, telefoni zigezweho 150 zizahabwa abakobwa n’abagore kugira ngo bajye bakoresha ikoranabuhanga.

Ubuyobozi bwa Fawe Rwanda butangaza ko hari gahunda y’uko mu myaka itatu iri imbere abakobwa n’abagore 1200 bazaba barahuguwe binyuze muri iki kigo.

Abakobwa n’abagore basabwe kubyaza umusaruro amahirwe agenda ashyirwaho n’igihugu

Minisitiri Bayisenge yasabye abakobwa n’abagore kubyaza umusaruro amahirwe bashyirirwaho na leta

Minisitiri Ingabire yemereye FAWE Rwanda telefoni 150 zizahabwa abagore n abakobwa mu rwego rwo kubafasha mu gukoresha ikoranabuhanga

Umunyamabanga wa Leta muri Minisiteri y’Uburezi ushinzwe Imyuga n’Ubumenyingiro, Irere Claudette, yavuze ko Mineduc izakomeza gushyigikira Fawe Rwanda

Abayobozi muri guverinoma n’abagize inzego zitandukanye bitabiriye itangizwa ry’ikigo gihugura abakobwa n’abagore

Iyo miryango yo mu Turere twa Nyamagabe, Nyanza, Huye na Ruhango yafashijwe kubaka biogas guhera mu 2014 n’umushinga witwa Énergie Verte et Élevage (EVE) ugamije guteza imbere icyaro ariko ushingiye cyane ku gukoresha ingufu za biogas itangwa cyane cyane n’amase y’inka.

Uwo mushinga ushingiye kuri gahunda ya Leta y’u Rwanda yatangiye mu 2007 igamije guteza imbere ikoreshwa rya biogas mu ngo (National Domestic Biogas Program), hagamijwe kugabanya ikoreshwa ry’inkwi nyinshi n’amakara birushaho kwangiza amashyamba.

Bamwe mu bazubakiwe babwiye IGIHE ko zabafashije guteza imbere imibereho yabo.

Mbaraga Venuste wo mu Kagari ka Ngambi mu Murenge wa Mbazi mu Karere ka Nyamagabe avuga ko yayihawe mu 2018 kandi yamufashije byinshi birimo gukemura ikibazo cy’ibicanwa no kugira isuku mu gikoni.

Ati “Mbere nagorwaga no kubona inkwi ariko kuri ubu icyo kibazo cyarakemutse. Ikindi ni uko yihutisha amafunguro nk’aho ibishyimbo twabitekaga amasaha ane ku nkwi, kuri biogas ni isaha imwe. Ikindi ni uko mu gikoni haba hari isuku nta myotsi cyangwa ivu ritumuka.”

Mukarugira Espérance na we avuga ko usibye kuba biogas yaramukemuriye ikibazo cy’ibicanwa, inatanga ifumbire nziza ituma yeza imyaka itubutse.

Ati “Iyo biogaz imaze gukamuka mu mase y’inka hasohoka ifumbire nyinshi nziza kuko iba inoze kandi yoroshye, iyo umuntu ayishyize mu butaka buroroha imyaka ikamera neza. Nk’umurima nahingagamo ibishyimbo nkezamo ibilo 50 nkoresheje imborera, iyo nkoresheje ifumbire iva muri biogas nkuramo ibilo birenga 100 kuko ifumbire ya biogas iba imeze nk’imvaruganda.”

Mu baturage 632 bahawe biogas abagera ku 132 bamaze guhabwa ibigega bifata amazi kugira ngo bayabone ku buryo buhagije bayuhire inka, babone ayo kuvanga n’amase n’ayo gukoresha mu isuku.

Bishimira ko ibyo bigega byabafashije kuruhuka imvune yo kujya kuvoma kure kuko ubusanzwe umuntu uhabwa biogas asabwa kuba yoroye nibura inka ebyiri zimufasha kubona amase ahagije.

Kubwimana Domitile ati “Tubona amazi yo kuhira inka no gukoresha isuku ku buryo ubu twaruhutse imvune yo kujya kuvoma mu kabande.”

Bimenyimana Désiré, uyobora Énergie Verte et Élevage (EVE) avuga ko uwo mushinga bawutangiye mu 2014 uje kunganira gahunda ya Leta yo guteza imbere ikoreshwa rya biogas mu ngo, hagamije kugabanya ibicanwa bikomoka ku mashyamba.

Ati “Kuva mu 2014 kugeza mu 2019 umushinga wo gukoresha biogas ushyirwa mu bikorwa n’imiryango ibiri ari yo Vétérinaires Sans Frontières –Belgique (VSF-B) ndetse n’umuryango w’abahinzi n’aborozi bo mu Rwanda IMBARAGA wakoreye mu Turere twa Huye, Nyanza na Nyamagabe hanyuma mu 2018 hiyongeraho Ruhango.”

Akomeza avuga ko uwo mushinga watewe inkunga na Guverinoma y’u Bubiligi kuva mu 2014, nyuma yaho guhera mu 2020 utangira guterwa inkunga n’Intara y’u Bubiligi yitwa Vlaams –Brabant.

Avuga ko umaze gutera inkunga abahinziborozi 632 bafashijwe kubaka biogas ariko hari n’izigera ku 171 zubatswe ntizitabwaho, umushinga ugira uruhare mu kuzisana kugira ngo abaturage bongere kuzitekesha.

Bimenyimana avuga ko mbere na mbere babanza kwigisha abaturage ibyiza bya biogas hanyuma abemeye kuzubakirwa bagasabwa gutanga uruhare rwabo.

Ati “Umuturage tumufasha kubaka ikigega kibika biogaz, tumuha sima ikenewe n’ibindi bikoresho bijyana no kubaka ikigega cya biogaz, tukamufasha gutunganya ikiraro cy’inka kugira ngo amase aboneke mu buryo bworoshye ndetse afate n’amaganga nayo akoreshwe avangwa n’amase mu mwanya w’amazi, tukamufasha kubona ikigega gifata amazi kandi tukanishyura rwiyemezamirimo ugitunganyiriza gufata amazi, ariko umuturage nawe akagira uruhare mu gushyira imireko ku nzu no kubaka intebe yo kugiterekaho, abubakiwe biogas banahugurirwa kuzikoresha neza no korora amatungo yabo neza no kuyavuriza igihe.”

Bimenyimana avuga ko aho umushinga ukorera abaturage bifuza kubakirwa biogas bagenda baba benshi kuko hari abarebera kuri bagenzi babo.

Yasabye abamaze kuzihabwa kuzifata neza kugira ngo zizarambe kandi abibutsa ko mu tugari umushinga wagiye uhugura abafasha gusana ikigega cya biogas cyagize ikibazo, bityo ko ukigize yakwihutira kumenyesha uwabihuguriwe wanahawe ibikoresho by’ibanze kugira ngo amufashe kugikemura akomeze kuyitekesha nta nkomyi.

Umushinga wo kubakira abaturage ibigega bya biogas waterwaga inkunga na Provincie Blaams-Brabant uteganyijwe gusozwa mu Ukuboza 2021, umufatanyabikorwa VSF-Belgique aracyaganira na Guverinoma y’u Bubiligi mu gukomeza ibikorwa byo guteza imbere ikoreshwa rya biogas n’ibindi bikorwa bigamije iterambere ry’abaturage bo mu cyaro.

Ishyiga rya biogas batekesha ni uko riba rimeze

Kubwimana Domitile yishimira ko ikibazo cy’ibura ry’ibicanwa cyakemutse

Mbaraga Venuste yoroye inka ebyiri zimufasha kubona amase atanga biogas

Mbaraga Venuste avuga ko yayihawe mu 2018 kandi yamufashije byinshi birimo gukemura ikibazo cy’ibicanwa no kugira isuku mu gikoni

Mbaraga yerekana uko aho ikigega cya biogas kiri hasa

Mukarugira Espérance na we avuga ko usibye kuba biogas yaramukemuriye ikibazo cy’ibicanwa, inatanga ifumbire nziza ituma yeza imyaka itubutse

Uko ishyiga rya biogas riteye bigaragaza ko ridateza imyotsi cyangwa ngo isafuriya ijyeho imbyiro

Umuturage kugira ngo ahabwe ibikoresho bya biogas asabwa kuba nibura yoroye inka ebyiri zimufasha kubona amase ahagije

Bimenyimana Désiré uyobora Umushinga Énergie Verte et Élevage (EVE) avuga ko uwo mushinga bawutangiye mu 2014 uje kunganira gahunda ya Leta yo guteza imbere ikoreshwa rya biogas mu ngo

U Rwanda rwifatanyije n’isi kwizihiza umunsi wo kurwanya Stroke

Indwara 10 ziza ku mwanya wa mbere mu Rwanda mu guhitana benshi (nk’uko zikurikirana), ni izijyanye n’ubuhumekero, abana bavuka batageze, stroke, igituntu, umutima, impiswi, malaria, SIDA, umwijima, ibikomere biterwa n’impanuka zo mu muhanda hamwe no kuvukana inenge.

Mu Rwanda hamaze gutangizwa umuryango witwa ‘Stroke Action Rwanda’ ushinzwe kurwanya icyo cyago no gukorera ubuvugizi abarokotse n’abashobora guhitanwa na Stroke, ndetse RBC na yo yatangaje ko ‘stroke’ yatangiye gutera impungenge.

Umuyobozi muri RBC ushinzwe indwara zitandura, Dr Uwinkindi François, avuga ko ‘Stroke’ iterwa ahanini na diyabete cyangwa umuvuduko w’amaraso.

Umuyobozi muri RBC ushinzwe indwara zitandura, Dr Uwinkindi François

Kwirinda ‘Stroke’ bisaba guca ukubiri n’itabi, inzoga n’umubyibuho ukabije, ndetse no guhora umuntu ajya kwisuzumisha indwara zitandura hamwe no kunywa neza imiti aba yandikiwe na muganga mu gihe yasanze arwaye.

Dr Uwinkindi yagize ati “Muri 2009, Stroke yari ku mwanya wa cyenda mu ndwara zica Abanyarwanda, ariko muri 2019 yaje ari iya gatatu, tutagize icyo dukora rero nk’ubukangurambaga no kwirinda ibiyitera, mu myaka itanu yaza ari iya mbere mu ndwara zihitana Abanyarwanda”.

Dr Uwinkindi avuga ko mu masaha ya mbere umuntu akibona ibimenyetso yagombye kwihutira kwa muganga kugira ngo bamuvure bafunga imitsi ijya mu bwonko butarangirika, kuko nyuma y’igihe gito umurwayi udatabawe ahita apfa.

Dr Joseph Rukeribuga ahagarariye association yabarwaye indwara ya Stroke mu Rwanda

Mu binyenyetso by’ingenzi bigaragaza ko umuntu afite ‘stroke’ hari ukubabara umutwe ndetse ugahengama, kureba ibicyezicyezi (atakibona neza kandi ibikoba by’amaso byacitse intege), kunegekara k’ukuguru cyangwa ukuboko k’uruhande rumwe, kuba igihande kimwe cyo mu maso kitaringaniye n’ikindi, ndetse no kunanirwa kuvuga neza.

Umuyobozi wa Stroke Action Rwanda (SAR), Joseph Rukeribuga avuga ko abagizweho ingaruka na stroke ubu bafite ubumuga butuma badashobora kwitabira imikino cyangwa kugira imirimo y’imbaraga bakora, ndetse bakaba badashoboye kwigaburira cyangwa kwiyuhagira, kuko ingingo zamugaye zitabasha gushyikira ku mubiri hose.

Rukeribuga ati “Uba ukeneye gufashwa buri kintu cyose, ntushobora kwiyuhagira, nkanjye niyuhagira uruhande rumwe gusa, hari n’abadashobora kweguka ugasanga umuntu agomba kubegura, kubagaburira nk’abana bato”.

Rekuribuga arasaba Leta n’abafatanyabikorwa kubashyiriraho ikigega cy’ingoboka cyabafasha kubona ibibatunga, imiti no kwishyura abantu bashobora kubitaho.

Adonis (REG) agerageza gucika Wamukota na Mugabe Aristide ba Patriots

REG WBBC (abagore) yahoze yitwa Ubumwe nyuma ikaza guhindurirwa izina nyuma yo kwegukanwa na REG, ni yo yatangiye icakirana na The hoops Rwanda, maze biyoroheye nyuma yo kuyobora uduce twose, itsinda The hoops Rwanda amanota 74 kuri 47.

Ku isaa mbili z’umugoroba umukino wari utegerejwe na benshi, hagati ya Patriots ifite igikombe cya shampiyona giheruka na REG BBC yatsindiwe ku mukino wa nyuma ubushize, waje gutangira maze ikipe ya REG BBC ikomeza kuyobora umukino kugeza inawutsinze n’amanota 66-63 (25-18, 8-11, 18-19, 15-15).

Akone Rose ukomoka muri Sudan ahanganye na Feza wa The Hoops Rwanda

Shyaka Olivier wa (REG) ni we watsinze amanota menshi muri uyu mukino kuko yatsinze 30 anakora rebounds esheshatu (6).

Imikino ya kabiri irakinwa kuri uyu wa Gatandatu guhera saa kumi n’igice z’umugoroba (16h30), aho REG WBBC iza gucakirana na The hoops Rwanda na ho saa moya z’ijoro (19h00′) ikipe ya Patriots ihure na REG BBC.

Shyaka Olivier yigaragaje muri uyu mukino

Amakipe yaraye atsinze imikino ya mbere naramuka atsinze indi kuri uyu wa Gatandatu arahita yegukana ibikombe bidasubirwaho.

Mu Karere ka Nyamagabe, Umurenge wa Nkomane hafatiwe uwitwa Sindayigaya Emmanuel w’imyaka 48, yafatanwe ibiro 3 by’urumogi. Hakizamungu Jean Damascene w’imyaka 31 wo mu Karere ka Kayonza, Umurenge wa Kabare yafatanwe ibiro 12 na ho Bizimana Pascal w’imyaka 37 yafatanwe ibiro 5, afatirwa mu Karere ka Bugesera mu Murenge wa Rweru.

Umuvugizi wa Polisi mu Ntara y’Amajyepfo, SP Theobald Kanamugire, yavuze ko sindayigaya yafashwe biturutse ku makuru yatanzwe n’abayobozi mu nzego z’ibanze.

Yagize ati “Abaturage bo mu mudugudu wa Bishara batanze amakuru bavuga ko Sindayigaya acuruza ibiyobyabwenge iwe mu rugo biturutse ku rujya n’uruza rw’abantu bahagenda biganjemo urubyiruko. Twateguye igikorwa cyo kujya iwe mu rugo tuhasanga ibiro 3 by’urumogi rwari rupfunyitse mu mufuka wari mu buriri bwe.”

Umuvugizi wa Polisi mu Ntara y’Iburasirazuba, CIP Hamduni Twizeyimana, avuga ko kuri kuri uwo munsi tariki ya 28 Ukwakira abaturage bo mu mudugudu wa Kabuhome mu Murenge wa Kabare mu Karere ka Kayonza uwitwa Hakizamungu Jean Damascene yafatanwe ibiro 12 by’urumogi. Yafashwe arimo kurwinjiza mu Rwanda avuye mu gihugu cya Tanzaniya anyuze mu nzira zitemewe.

CIP Twizeyimana yagize ati “Twagendeye ku makuru y’abaturage batubwira ko hari umugabo babonanye umufuka ku igare bacyeka ko ari urumogi. Bizimana yerekezaga mu Murenge wa Rweru ahita afatwa.”

SP Kanamugire yashimiye abaturage ukuntu bakomeje kuba maso bakicungira umutekano. Yabasabye gukomeza gutanga amakuru kugira ngo abanyabyaha bafatwe bashyikirizwe ubutabera.

Abasashwe bahise bashyikirizwa Urwego rushinzwe ubunzacyaha (RIB), mu gihe hagishakishwa abandi bari bafatanije gukora biriya byaha, nk’uko bigaragara ku rubuga rwa Internet rwa Polisi y’u Rwanda.

Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira urumogi mu biyobyabwenge bihambaye. Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Minisitiri Gatabazi yabasabye kubakira ku muco w’ubukorerabushake budashyize imbere inyungu

Ibi Minisitiri Gatabazi yabitangaje ku wa Gatanu tariki 29 Ukwakira 2021, mu muhango wo gutangiza ku mugaragaro amahugurwa y’iminsi itanu abera mu Ishuri rikuru rya Polisi y’u Rwanda, riherereye mu Karere ka Musanze, yitabiriwe n’Abahuzabikorwa b’Urubyiruko rw’abakorerabushake, baturutse mu turere two mu gihugu hose, hiyongereyeho abagize Komite Nyobozi zabo ku rwego rw’igihugu.

Abayitabiriye bongererwa ubushobozi n’ubunyamwuga, buzatuma barushaho gukora neza imirimo yabo ya buri munsi, mu gihe bazaba bayasoje bakazahugura bagenzi babo ku rwego rw’Imirenge n’Utugari, hagamijwe kurema iminduka nziza mu iterambere.

Mu muhango wo kuyatangiza ku mugaragaro, Minisitiri Gatabazi, agaruka ku mpamvu y’aya mahugurwa, yasobanuye ko bayateguriwe kugira ngo bongererwe ubushobozi bwo gukorera hamwe no kwimakaza umuco w’ubukorerabushake mu banyarwanda.

Yagize ati “Icyo tugamije ni ugutoza uru rubyiruko kugira ngo barusheho kumva ko igihe bazaba bimakaje umuco w’ubukorerabushake, uzarushaho gushinga imizi ku buryo no mu myaka iri imbere tuzaba dufite abantu baba abakuru n’abato, biteguye gutabara aho rukomeye kandi baharanira kutagamburuzwa”.

Urubyiruko rwitabiriye amahugurwa y’iminsi itanu ni uruhagarariye abandi mu gihugu hose

Akomeza ati “Kugira ngo ibi bizakunde, ni uko uwabaye umukorerabushake ari urubyiruko, akwiye gukomereza muri uwo murongo no mu myaka iri imbere, ku buryo tuzaba dufite abantu bashobora guhindukira bakagira ibikorwa by’ubukorerabushake byo kwitangira abaturage bagiramo uruhare, yaba ari nk’umuganga akavura abandi ku buntu, yaba ari nk’umwarimu muri kaminuza akagira abo yigisha, bityo tukabona imibereho ya benshi ihinduka bitewe n’uko umuco w’ubukorerabushake wimakajwe muri benshi”.

Minisitiri Gatabazi yabahaye impanuro zibakangurira kuba intangarugero mu byo bakora, kutagamburuzwa n’ibibazo bahura nabyo, no gukora cyane baharanira ko igihugu gikomeza kugira umutekano.

Yagize ati “Ibikorwa byose mubamo mu buzima bwa buri munsi, byaba ibyo mutekereza, mukora cyangwa muhuriramo, mukwiye kubitwara mu murongo wo kumenya niba bifitanye isano n’umutekano mu buryo bwagutse. Icyo nshatse kuvuga ni uko, muri cya gihe umuturage azaba afite aho ataha, afite ibyo kurya, yarwara akivuza; noneho na bya bindi bimukikije bikaba ari ibidahungabanya umudendezo we; ibyo bizamufasha kubaho atekanye, abashe gukora ibiri mu nshingano ze neza kandi atange umusaruro ku gihu. Mwe rubyiruko rero, tubatezeho umusanzu ufatika mu gutuma ibyo bishoboka”.

Akomoza ku mukorerabushake nyawe, Minisitiri Gatabazi yabwiye uru rubyiruko ko ari umuntu urangwa n’imitekerereze n’imyumvire myiza, ituma akora ibikorwa bitagamije inyungu ze bwite, agaharanira gukora ibiri mu nyungu z’abandi, kandi akabikora ataganya ari nako asuzuma kenshi ko urwego ariho mu kubishyira mu bikorwa, rubera abandi urugero.

Urubyiruko rwagaragaje ko ayo mahugurwa bari bayakeneye ngo basobanukirwe uko barushaho kunoza akazi

Aya mahugurwa, yateguwe na Minisiteri y’Ubutegetsi bw’Igihugu, ifatanyije na Polisi y’u Rwanda, agamije kongerera uru rubyiruko rw’Abakorerabushake ubushobozi n’ubunyamwuga, buzatuma barushaho gukora neza imirimo yabo ya buri munsi.

Urubyiruko rwayitabiriye ruzahabwa ibiganiro n’inararibonye zitandukanye, mu borebana n’umutekano, imibereho myiza, iterambere ndetse n’amateka y’igihugu. Abaganiriye na Kigali Today, bayibwiye ko aya mahugurwa bari bayakeneye ngo barusheho gusobanukirwa inshingano zabo. Aho biteze kuzayasoza bari ku rwego rwo guhugura bagenzi babo mu Mirenge, bityo bazarushaho gusobanukirwa no kurangwa n’imikorere iri mu murongo igihugu kibifuzaho.

Kuri bamwe ngo basa n’abakangukiye kwibanda ku bikorwa bidasanzwe. Byiringiro Robert, Umuhuzabikorwa w’Urubyiruko rw’Abakorerabushake, yagize ati: “Aya mahugurwa aje yari akenewe, kuko hari byinshi twasobanuriwe, bigasa n’ibidukanguriye kumva neza ko hari ibyo tutakoraga mu buryo bunoze. Hari nk’aho wasangaga twubakira nk’umuturage cyangwa abo tworoza amatungo, ariko ntiduhindukire ngo turebe icyo ibyo bikorwa byamariye abaturage. Ibyo byose biri mu byo tugiye kongeramo ingufu, bityo tugaragaze uruhare rwacu rufatika mu byubaka igihugu”.

Mugenzi we witwa Uwonkunda Anny Benilde, Umuhuzabikorwa w’Urubyiruko rw’Abakorerabushake mu Karere ka Rulindo, we asanga kumenya hakiri kare ibyo umuturage akeneye, aribwo buryo bwiza butuma ikibazo afite kibonerwa igisubizo kirambye.

Yagize ati “Twasanze kugira igenemigambi tugenderaho, riri mu byajya bidufasha kubanza gutekereza byimbitse no gusuzuma icy’ingenzi umuturage akeneye. Kuko kuri ubungubu, twatekerezaga igikorwa runaka urugero nko kubakira abaturage uturima tw’igikoni kandi wenda ataribyo by’ingenzi bari bakeneye. Ubu rero icyo tugiye gushyira imbere, ni ugukorana bya hafi n’abaturage, tukamenya iby’ingenzi bakeneye kuruta ibyo twe twabakorera, kugira ngo binababyarire umuraruro kuko bazaba babigizemo uruhare”.

Barimo guhugurirwa mu Ishuri rikuru rya Polisi y’u Rwanda bakazayasoza bajya guhugura abandi

Urwego rw’Urubyiruko rw’Abakorerabushake, rwatangiye muri 2003, rutangirana abanyamuryango 50 bagiye biyongera kugeza ubwo ubu bamaze kugera ku bihumbi bisaga ibihumbi 400.

Abagera kuri 11% ni abo mu Mujyi wa Kigali, Intara y’Iburengerazuba igizwe na 32%, Intara y’Iburasirazuba yihariye 19%, Intara y’Amajyepfo ifite 24% n’Intara y’Amajyaruguru ibarizwamo 14% by’abayamuryango b’Urubyiruko rw’Abakorerabushake.