Blog

Kuri iki Cyumweru muri Cameroun ni bwo hatangiye igikombe cya Afurika cya 2021 kiri guhuza ibihugu 24, igikombe cyatangijwe n’ibirori byanakurikiranwe n’abayobozi barimo Perezida wa Cameroun Paul Biya, Perezida wa FIFA ndetse na Perezida wa CAF.

Ibirori byo gutangiza irushanwa byari binogeye ijisho

Umukino wafunguye irushanwa wahuje ikipe ya Cameroun yari imbere y’abafana bayo, ndetse na Burkina Faso, umukino warangiye Cameroun itsinze ibitego 2-1.

Ikipe ya Burkina Faso ni yo yafunguye amazamu ku munota wa 24 w’umukino ku gitego cyatsinzwe na Gustavo Sangare, Cameroun iza kwishyura kuri Penaliti yatsinzwe na Vincent Aboubakar ku munota wa 40, atsinda n’icya kabiri nacyo cya penaliti ku munota wa gatatu w’inyongera y’igice cya mbere.

Vincent Aboubakar watsinze ibitego bibiri bya Cameroun

Undi mukino wo muri iri tsinda watangiye i Saa tatu zuzuye, warangiye Cap Vert itsinze Ethiopia igitego 1-0, cyatsinzwe na Julio Tavares ku munota wa 45 n’umutwe, ku mupira yari ahawe na Garry Rodrigues.

Ibi biganiro byabereye ku Cyicaro Gikuru cya Polisi y'u Rwanda ku Kacyiru, kuri iki Cyumweru, tariki ya 9 Mutarama 2022.

Ababyitabiriye barimo Umugaba Mukuru w'Ingabo z'u Rwanda, Gen J Bosco Kazura na mugenzi we wa Mozambique, Admiral [General] Joaquim Mangrasse. Aba biyongeraho abayobozi bakuru ba Polisi ndetse n'abashinzwe iperereza.

Itsinda ryavuye muri Mozambique riyobowe na Admiral Joacquim Rivas Mangrasse riri mu ruzinduko mu Rwanda kuva ku wa Gatandatu, tariki ya 8 Mutarama, biteganyijwe ko ruzasozwa ku wa 10 Mutarama 2022.

Admiral Joaquim Rivas Mangrasse yavuze ko uru ruzinduko rugamije gushimira Leta y'u Rwanda no kurebera hamwe uko bakomeza gufatanya mu bikorwa byo kurwanya imitwe y'iterabwoba muri Mozambique cyane cyane mu Ntara ya Cabo Delgado.

Yagize ati 'Kugeza ubu ibikorwa inzego z'umutekano z'u Rwanda zifashamo iza Mozambique bimaze gutanga umusaruro ushimishije. Kuva Ingabo z'u Rwanda na Polisi bahagera bashoboye kwisubiza iriya ntara yari yarigaruriwe n'umwanzi. Bari barigaruriye agace gakomeye cyane ka Mocímboa da Praia ariko ubu hari umutekano, abaturage basubiye mu byabo n'ibikorwa by'ubucuruzi byongeye gusubukurwa, hari amahoro.'

Umuvugizi wa Polisi y'u Rwanda, CP John Bosco Kabera, yavuze ko abayobozi barebeye hamwe ibimaze kugerwaho mu gihe gishize ingabo na Polisi by'u Rwanda bagiye muri kurwanya iterabwoba.

Yagize ati 'Muri ibi biganiro hari hagamijwe gusuzuma ibyagezweho muri aya mezi atandatu ashize no gukomeza ubufatanye kugira ngo icyajyanye inzego z'umutekano z'u Rwanda muri kiriya gihugu kigerweho aricyo kugarura umutekano n'ituze muri kiriya gihugu cyane cyane mu Ntara ya Cabo Delgado.'

Umuvugizi w'Ingabo z'u Rwanda, Colonel Ronald Rwivanga, yavuze ko kuva inzego z'umutekano z'u Rwanda zagera muri Cabo Delgado zarwanyije imitwe y'iterabwoba yari ihari irahunga.

Yakomeje avuga ko usibye no guhashya umwanzi mu bice byo mu Ntara ya Cabo Delgado harimo kuganirwa uko ingabo z'u Rwanda zakubaka ubushobozi bw'ingabo za Mozambique binyuze mu mahugurwa.

Yagize ati 'Ibindi twaganiriyeho uyu munsi ni uburyo bwo gutangiza amahugurwa, ingabo zacu zigahugura izabo (Mozambique) kuko twiyemeje ko tuzarwanya inyeshyamba ariko tukanubaka inzego z'umutekano zabo. Ubu tugeze ku cyiciro cyo gufatanya na bo mu kubaka inzego z'umutekano zabo kugira ngo na bo mu myaka iri imbere bazabe bafite ubushobozi bwo guhangana n'iki kibazo ku giti cyabo.'

Tariki ya 9 Nyakanga 2021 ni bwo u Rwanda rwohereje ingabo n'abapolisi muri Mozambique guhashya imitwe y'iterabwoba yari yarigaruriye Intara ya Cabo Delgado. Kugeza ubu muri iyi ntara hari amahoro n'umutekano, abaturage basubiye mu byabo ndetse ibikorwa by'ubucuruzi nabyo byarasubukuwe.

Umugaba Mukuru w'Ingabo z'u Rwanda, Gen J Bosco Kazura na mugenzi we wa Mozambique, Admiral [General] Joaquim Mangrasse mu biganiro byagarutse ku kurushaho kugarura amahoro muri Cabo Delgado

Ibi biganiro byabereye ku Cyicaro Gikuru cya Polisi y'u Rwanda ku Kacyiru

Abayobozi bakuru b'Ingabo na Polisi by'u Rwanda bakiriye bagenzi babo bo muri Mozambique bagirana ibiganiro bigamije guhashya iterabwoba mu Ntara ya Cabo Delgado

Ibimenyetso bigaragaza ko uyu muntu yagize isindwe birimo ibi bikurikira:

1. Kumeneka umutwe, kubara imikaya no kumvamo ibinya
2. Kumva umunaniro, kwiyanga no kugira icyaka cyinshi
3. Imyivumbagatanyo mu gifu no mu mara, kugira isesemi, gucibwamo no kuruka
4. Kubira ibyuya, gususumira, n’ibindi

Ibyo abenshi bakunze guhuriraho kenshi ni ukubabara umutwe, bitewe n’ingano y’inzoga umuntu yanyoye, imyaka, igitsina, uburyo inzoga ikwirakwira mu mubiri n’ibindi.

Usanga rero uyu muntu ubabara cyangwa se wamenetse umutwe yihutira gufata ikinini cya paracétamol ndetse hari n’ababigendana iyo biteguye kugasoma.

Nyamara ubushakashatsi bugaragara mu kinyamakuru Femme actuelle, bugaragaza ko uyu muntu aba arimo gufata uburozi bushobora no kumuhitana.

Umuhanga mu by’imiti Francisco Javier Otero Espinar, muri kaminuza ya Saint-Jacques-de-Compostelle muri Espagne, abinyujije mu kiganiro yagiranye n’ikinyamakuru Femme actuelle, asobanura uburyo ikinini cya paracétamol n’inzoga bibyara uburozi.

Ese ni gute inzoga ikwira mu mubiri ?

Iyo umuntu anyoye inzoga ikinyabutabire kirimo cyitwa éthanol kinyura byihuse mu nzira cyangwa se mu rwunge rw’inzungano z’igogora (guhera mu kanwa kugera mu nzira umwanda munini usohokeramo), hanyuma ikaboneza ijya mu mwijima ibifashijwemo na anzime (enzyme) zitwa (alcool-déshydrogénase/ADH).

Iyo umuntu anyoye inzoga igihe kirekire imikorere, ishobora kwangiza ubuzima bw’umwijima, bikaba byamuviramo indwara yawo izwi nka 'hepatite alcoolique’, cyangwa iyisumbuyeho izwi nka cirrhose du foie.

Tugarutse kuri kwa kumeneka umutwe gutuma wumva wanywa ikinini cya paracétamol, ubundi gikoreshwa mu kurwanya umuriro n’ububabare, dusanga nacyo nk’uko uyu muhanga mu by’imiti abivuga, iyo kinyowe kinyura mu maraso, kigatunganyirizwa mu mwijima mbere y’uko ibisigazwa byacyo bisohoka binyuze mu mpyiko. Icyokora ngo iyo gikoreshejwe mu kuvura bisanzwe nta ngaruka kigira.

Ariko se bigenda bite ku muntu ugikoresha yivura isindwe ?

Paracétamol + alcool : Ni uruvange runaniza umwijima

Ikibazo nyamukuru kigaragara aha ni uko yaba etanol iboneka mu nzoga yihutira kuruhukira mu mwijima ibifashijwemo na anzime za ADH, hakiyongeraho n’iyo paracétamol na yo tubonye ko itunganyirizwa mu mwijima, maze ukabikubira hamwe byose bigafatwa nk’umwanda ugomba gusohorwa n’umubiri.

Ibi bituma uko umuntu arushaho kunywa ibisembuye, yarwara isindwe akihutira kunywa paracétamol, ni ko umwijima ugenda wangirika ukazagera aho upfa burundu. icyokora hari uburyo bwa kamere bwafasha umuntu guhangana n’isindwe.

1. Kunywa ariko wabanje kurya
2. Kunywa ikawa
3. Kurya ibikungahaye kuri vitamine C
4. Kwirinda kunywa uruvange rw’inzoga z’ubwoko butandukanye cyangwa se kwirinda kuvanga inzoga na Coca-cola.

Iyo nama yitabiriwe n’abashinzwe umutekano ku mpande zombi, barimo Umuyobozi mukuru w’Ingabo z’u Rwanda (RDF), Gen Jean Bosco Kazura, Umuyobozi mukuru w’Ingabo za Mozambique, Admiral Joaquim Mangrasse ndetse n’abayobozi ba Polisi mu Rwanda na Mozambique, n’Umunyamabanga mukuru w’Urwego rw’igihugu rushinzwe iperereza n’umutekano (NISS).

Iyo nama yasuzumye intambwe imaze guterwa mu mezi atandatu ashize kuva u Rwanda rwohereje Ingabo muri Mozambique, kugira ngo rufashe kugarura umutekano muri Cabo Delgado no kuvugurura urwego rw’umutekano. Bagaragaje n’imbogamizi z’ingenzi bahuye na zo ndetse bashyiraho n’ingamba zo mu gihe kiri imbere.

Iyo nama kandi yasanze ubufatanye bukomeye hagati y’inzego z’umutekano z’u Rwanda n’iza Mozambique, biri mu byatanze intsinzi mu gihe gito gishoboka mu guhagarika no guca intege abakora iterabwoba ba Ansar Al Sunnah.

Nyuma yo kwirukana inyeshyamba mu bice birimo Palma na Mocimboa Da praia muri Cabo Delgado, Inzego z’umutekano z’u Rwanda zifatanyije n’ingabo za Mozambique zatangiye ibikorwa byo gufasha abaturage gusubira mu byabo no kongera gukomeza ubuzima bwabo busanzwe.

Iyo nama yashimangiye ko kwigarurira byuzuye Intara ya Cabo Delgado, bizafasha mu gusubukura ibikorwa by’ubukungu no gutuza abimuwe mu byabo, ndetse ibi bigomba kuzagerwaho havugururwa urwego rw’umutekano rwa Mozambique, binyuze mu mahugurwa no kongerera ubushobozi izo nzego.

Umuyobozi mukuru w’ingabo z’u Rwanda, Gen Jean Bosco Kazura, yashimangiye ko inzego z’umutekano z’u Rwanda zizakomeza ubufatanye n’Ingabo za Mozambique mu gushaka amahoro arambye muri icyo gihugu.

Yakomeje agira ati 'Imikoranire y’Ingabo zacu zihuriweho byagaragaye ko itanga umusaruro ushimishije.'

Ashimangira ko inzego z’umutekano mu Rwanda zizakomeza urugendo rwo gushakira igisubizo ibibazo n’imbogambizi nshya.

Umuyobozi mukuru w’ingabo za Mozambique, yashimiye inzego z’umutekano z’u Rwanda ku bw’ubwitange bukomeye zagaragaje mu guharanira kurwanya inyeshyamba mu mezi atandatu ashize (Nyakanga 2021 kugeza ubu).

Yasabye abashinzwe umutekano mu Rwanda gukomeza gushyigikira Ingabo za Mozambique mu rugendo rwabo, kugira ngo bongere ubushobozi bwabo binyuze mu myitozo, ku ruhande rumwe no kurwanya inyeshyamba aho ziri hose. Avuga ko n’ubwo inyeshyamba zacitse intege cyane ariko ubufatanye buzakomeza kubaho, binyuze mu bikorwa bihuriweho.

Impande zombi zemeranyijwe gushyiraho itsinda ry’Ingabo zishinzwe umutekano zihuriweho, mu gushyiraho ingamba nshya zo kunoza imikorere n’ivugurura ry’inzego z’umutekano, ngo bikaba ari intambwe ikomeye mu kugera ku mahoro arambye n’iterambere mu Ntara ya Cabo Delgado.

Iryo tangazo riragira riti “Umwana wese ugaragaje ibimenyetso bya COVID-19 birimo gukorora, kugira umuriro n’ibicurane, ntakwiye koherezwa ku ishuli ahubwo agomba kuguma mu rugo akitabwaho kugeza akize”.

Minisiteri y’ubuzima irashishikariza kandi ababyeyi gupimisha abana Covid-19, kuva ku b’imyaka itanu (5), hagakoreshwa uburyo bwihuse (Rapid test).

kandi irasaba ababyeyi n’abarezi gukomeza kubahiriza ingamba zashyizweho zo kwirinda no gufasha abanyeshuli kuzibahiriza.

Imyaka igiye kurenga ibiri icyorezo cya COVID19 gitangiye gushegesha isi kigakurura ibibazo by'ubukungu byakuye na bamwe mu mirimo burundu, kuko icyo cyiciro cy'imirimo kitakibaho cyangwa cyashegeshwe harimo nk'uruganda rw'imideli rwangiritse cyane.

Mu kiganiro INYARWANDA yagiranye n'umwe mu nararibonye n'umunyabigwi mu bijyanye n'imideli by'umwihariko mu kuyimurika, Franco Kabano yatanze muri rusange ishuho y'uru ruganda mu Rwanda.

Ati:'Mu Rwanda navuga ko ntakintu cyakozwe kuva COVID19 yatangira, kuko habaye igitaramo cy'umuntu umwe ariwe Turahirwa Moses mu nzu ya Moshions, mu buryo butamworoheye agerageza kubikora kuko we afite ubushobozi.'

Asobanura ingaruka zo kuba Turahirwa ariwe wabashije gukora igitaramo  agira ati:'Ingaruka icyorezo cyagize zo zirahari kuko ibitaramo byabaye bicyeya, kandi abamurika imideli ari benshi, abakunda imideli ari benshi.'

Yongeraho ati:'Urabizi ko ibintu bya Turahirwa biboneka cyangwa bigerwaho n'abantu bacyeya bitavuze ko ari ikintu kibi, ni ikintu cyiza kubona ikintu gitera imbere ariko urumva ko hari uruhande runini ruba rutabashije kubona ayo makuru cyangwa kubasha kubigeraho.'

Akomoza kuburyo uruganda rw'imideli rwashegeshwe n'icyorezo cya COVID19 kandi Leta itarutecyerejeho nk'uko yatecyereje ku bandi bantu batunzwe n'ubuhanzi, ati:'Abamurika imideli bakozweho cyane na Coronavirus kuko batigeze babona aho akazi kabo gaturuka.'

Akomeza agira ati:'Kandi inzego za Leta ntabwo zibatecyerezaho nk'uko zitecyereza ku bandi bantu  batunzwe n'ubuhanzi, nk'uko ubona habaho ibitaramo bya Iwacu Muzika bagira ngo bafate abahanzi babahe akazi.'

Ashimangira iyi ngingo ati:'Urabona baragenda baka recordinga hanyuma igitaramo kigaca kuri televiziyo Rwanda, bagasusurutsa abanyarwanda bakanabahemba. Abamurika imideli rero n'abatunganya imideli sintecyereza ko inzego za Leta zigeze zibatecyerezaho.'

Avuga kandi ko icyorezo cyageze kubamurika imideli kigasya kitanzitse ati:'Aho rero abatunganya imideli batandukaniye n'abamurika, ni uko abayitunganya bo bagumanye abakiriya n'ubwo babaye bacyeya ariko abakiriya bo barabafite.'

Asoza agira ati:'Abamurika imideli batunzwe no kubihesha agaciro, ntabwo bigeze babona umwanya uhagije wo kuyimurika ngo babe bakuramo amafaranga.'Franco Kabano uhamya ko abamurika imideli bashegeshwe n’icyorezo cya COVID-19Asanga Leta itarigeze itecyereza kubanyamideli nk'uko yatecyereje ku bandi bahanzi kandi barashegeshwe na COVID-19 

Ni ibirori byari bibereye ijisho, byakurikije amabwiriza yo kwirinda Covid-19 ,umuhango wo gusaba no gukwa  wabereye kuri Golden Garden ku i Rebero, ahasazwe habera ubukwe butandukanye.

Abageni basezeranye imbere y'Imana mu Itorero Anglican Paruwasi ya Remera. Ari Bijoux na Lionel Sentore bafite amateka mu urukundo, aho uyu mukinnyi wa Filme, Bijoux aherutse kwatsa umuriro ku mbuga nkoranyambaga n’itangazamakuru ubwo yiyamburaga impeta yari yarambitswe  n'umusore witwa Abijuru Benjamin biteguraga kurushingana , ibyabaye 2020.

Na Lionel Sentore kandi nawe, yanditse amateka mu rukundo ubwo yasubijwe impeta na Mahoro Anesie wigeze kwiyamamaza muri Miss Rwanda 2014. Bijoux na Lionel bahuye urukundo rwabo rugira ireme biyemeza kubana akaramata.