Webrwanda Backend

Blog

  • Gapapu kuri Radio: Charles yararanye inkweto nyuma y'ibyo yakoreye Josee akundanaga na Christian (Audio) – YEGOB #rwanda #RwOT

    Umukobwa witwa Josee yatunguwe n'umusore witwa Charles kuri radio gusa Josee yari asanzwe afite abandi basore babiri bamutereta aribo Christian ndetse na Jado. Nkuko byumvikana mu majwi yagiye hanze, Charles yashatse gutungura Josee maze amugenera ubutumwa bwo kumubwira ko amukunda abinyujije mu kiganiro surprise call kinyura kuri Radio 102.3 Kiss FM.

    Charles yahamagaye kuri Radio 102.3 Kiss FM maze atanga ubutumwa buri buze kugezwa kuri Josee. Icyari gisigaye ni uguhamagara Josee kugirango ubutumwa bwa Charles babumugezeho. Igihe cyo guhamagara Josee cyarageze maze Josee arahamagarwa ndetse aranitaba.

    Josee yitabye telefone yabanje kubazwa umukunzi we aza kuvuga ko umukunzi we ari Christian bamaranye iminsi 2 gusa avuga ko hari abandi basore bakundana aribo Jado ndetse na Charles.

    Umunyamakuru wa Kiss FM yamubwiye ko amufitiye ubutumwa bwa Charles ko amukunda cyane bituma Josee ahita akatira Christian bari bamaze iminsi bakundana yiyemeza gukundana na Charles wamutunguye akamuha ubutumwa bwo kumubwira ko amukunda.

    Source : https://yegob.rw/gapapu-kuri-radio-charles-yararanye-inkweto-nyuma-yibyo-yakoreye-josee-akundanaga-na-christian-audio/

  • Rugby: Amakipe 5 arahatana muri ‘POWER 10-a-s… – #rwanda #RwOT

    Iri rushanwa ryiswe ‘POWER 10-a-side Rugby Tournament’ rizakinwa ku ya 19 Gashyantare 2022, aho rizabera mu Rugunga ho mu mujyi wa Kigali, ku bibuga bya Cercle Sportif de Kigali, ahasanzwe hakinirwa imikino itandukanye.

    Iri rushanwa rizitabirwa n’amakipe atandatu, arimo 1000Hills A na 1000Hills B ari nabo banateguye irushanwa, kongeraho amakipe atatu yatumiwe, ari yo Muhanga Thunders RFC, Kigali Sharks RFC na Rusizi Resilience RFC.

    Hazabanza umukino w’ijonjora ry’ibanze, aho ikipe izatsinda hagati ya Muhanga Thunders RFC na 1000 Hills B, izagera muri kimwe cya kabiri cy’irangiza igakina na Rusizi Resilience RFC, mu gihe 1000Hills A yo izakina na Kigali Sharks RFC bagahera muri 1/2.

    Nyuma ya kimwe cya kabiri, amakipe yatsinze azahurira ku mukino wa nyuma (Main cup), mu gihe abazatsindirwa muri kimwe cya kabiri bazahura bashaka umwanya wa gatatu (Wooden spoon), naho ikipe izatsindwa mu ijonjora ribanza yo ikazahura n’ikipe yatsindiwe mu guhanganira umwanya wa gatatu (Plate cup).

    Nk’uko amategeko y’irushanwa abigena, umukino uzajya ukinwa iminota 20 igabanijemo ibice bibiri, uretse umukino wa nyuma uzagira iminota 24 igabanyijemo ibice bibiri. Buri kipe yemerewe kugira abakinnyi 15 ku mukino, aho 10 bazatangira umukino, abandi 5 bakaba abasimbura.

    Mu kiganiro Inyarwanda yagiranye n’umunyamabanga wa 1000Hills Rugby, Shema Serge yavuze ko bateguye iri rushanwa mu rwego rwo kwitegura shampiyona no gusubiza abakinnyi muri gahunda za Rugby, kuko bari bamaze igihe badahurira mu marushanwa.

    1000 Hills Rugby

    Avuga ku makipe atatu yatumiwe, yagize ati ”Tujya gutumira, twakurikije ubushobozi bwacu n’amakipe yari yiteguye kurusha andi. Hari ayo twahamagaye dusanga ataritegura neza, duhitamo gukorana n’ayabonetse.”

    Ku bijyanye n’uburyo abafana bazareba imikino, Shema yasobanuye ko abemerewe kureba iyi mikino, ari abantu bahawe Doze eshatu z’urukingo rwa COVID-19 ndetse n’abafite ‘Doze ebyiri n’igipimo (Rapid Test) cyerekana ko batarwaye COVID-19 kandi kitarengeje amasaha 48.’

    Muri iri rushanwa ryatewe inkunga na Power Resources International, abantu 100 bazagera ku kibuga imbere y’abandi, bazemererwa kureba imikino ku buntu, mu gihe abazaza nyuma bazasabwa kwishyura amafaranga 1000.

    • Gahunda y’imikino:
    • 13:00 – Preliminary round
    • Muhanga Thunders RFC vs 1000 Hills Rugby B
    • Semi Finals
    • 13:30 Kigali Sharks RFC vs 1000 Hills Rugby A
    • 14:00 Winner game 1 vs Rusizi Resilience RFC
    • Plate Cup
    • 14:40 Loser game 2 vs Loser game 3
    • Wooden Spoon
    • 15:35 Loser game 1 vs plate loser
    • Main Cup
    • 16:05 winner game 2 vs winner game 3

    Source : https://inyarwanda.com/inkuru/114677/rugby-amakipe-5-arahatana-muri-power-10-a-sidetournament-2022-114677.html

  • Breaking News: Ikipe ya Kiyovu Sports yanditse amateka ikora ibyananiye ayandi makipe – YEGOB #rwanda #RwOT

    Ikipe ya Kiyovu Sports yemeje ko guhera uyu munsi iyi kipe igiye mu biganza bya Kiyovu Sports Company Ltd iva mu biganza bya Kiyovu Sports Association.

    Nk'uko byemejwe n'abanyamuryango b'iyo kipe mu nteko ryasange, ubushobozi bw'iyi ikipe bwishimiye gutangaza ko iyi kipe igiye kuyoborwa na Kiyovu Sports Company Ltd.

    Iyi kipe kanda nyuma yo guhindura imibereho yayo, yanahinduye ibirango by'ikipe aho bazanye ibindi birango. Nubwo iyo kipe yazanye ibirango bishya ngo ntago ibyari bisanzwe byateshejwe agaciro.

    Nyuma yo guhindura imikorere iyi kipe ya Kiyovu Sports yahise iba iya mbere ibikoze mu Rwanda, ikava mu gukora nka Associated igakora nka Company.

    Itangazo ikipe ya Kiyovu Sports yageneye abanyamakuru

    Ibirango bishya bya Kiyovu Sports

    Source : https://yegob.rw/breaking-news-ikipe-ya-kiyovu-sports-yanditse-amateka-ikora-ibyananiye-ayandi-makipe/

  • Wa muyobozi wavuze ku modoka ya Bruce Melodie yatangaje ko abantu bamwumvise nabi – YEGOB #rwanda #RwOT

    Senateri Havugimana Emmanuel uherutse kuvuga ku modoka ya Bruce Melodie bigakurura impaka ku mbuga nkoranyambaga, yasobanuye icyo yashakaga kuvuga ndetse anakura urujijo ku bari bafashe nabi amagambo ye.

    Senateri Havugimana yabwiye IGIHE ko hari abamwumvise nabi bagatwara ibintu uko atabivuze.

    Ati 'Njye uriya musore simuzi wenda ngo nanamugirira ishyari, navuze biriya nk'umubyeyi wanagira inama umuhungu wanjye. Rero kugura imodoka ya miliyoni 200Frw yo kujyana mu muhanda ni igihombo ku gihugu.'

    Senateri Havugimana yavuze ko ku bwe Bruce Melodie nibura yari gushinga ishuri ryigisha umuziki, bityo bikaba inyungu ku gihugu ndetse n'abato, ibi bikaba byazanafasha uyu muhanzi mu gihe yaba atagihari kuko abaryizemo bajya barimwibukiraho.

    Source : https://yegob.rw/wa-muyobozi-wavuze-ku-modoka-ya-bruce-melodie-yatangaje-ko-abantu-bamwumvise-nabi/

  • Umukobwa yishe nyina, inyama ze akajya azigaburira abantu muri Restora ye – YEGOB #rwanda #RwOT

    Mu gihugu cya Nigeria umukobwa witwa Mfon Umoh yafashwe akurikiranyweho kwica nyina umubyara maze akajya agurisha inyama ze abakiriya baza muri Resitora ye iherereye ahitwa Ikot Abasi, muri Leta ya Akwa Ibom.

    Nkuko amakuru abitangaza, uyu mukobwa yagerageje kenshi kwica nyina ngo amukoreshe amutekemo isupu burigihe iyo bashwanaga.

    Byatumye abaturanyi bagira amakenga nyuma yo kutabona uyu mubyeyi igihe kigera ku minsi itatu yose, Kandi umukobwa we ntakibazo yarafite na kimwe cyangwa ngo agaragaze ko ahangayitse.

    Abaturage batangiye gushaka uyu mubyeyi wari wabuze, nyuma y'iminsi mike, baje kwinjira munzu y'umukobwa basanga yatemaguye nyina maze akajya agurisha inyama ze z'umye muri Resitora ye.

    Source : https://yegob.rw/umukobwa-yishe-nyina-inyama-ze-akajya-azigaburira-abantu-muri-restora-ye/

  • Umupasiteri yakubise umuntu arahwera amwirukanamo imyuka mibi(Video) – YEGOB #rwanda #RwOT

    Umukozi w'Imana yagaragaye akubita umuyoboke we agwa igihumure ubwo yamwirukanagamo imyuka mibi.Ni mu mashusho yasakaye kuri instagram aho uyu mupasiteri yari ayoboye isengesho ryo gukiza abarwayi aho yakubise umwe mu bayoboke be igipfunsi mu mutwe bikarangira aguye hasi agata ubwenge.Uyu mugabo yavuze ko yamukuragamo imyuka mibi.

    Source : https://yegob.rw/umupasiteri-yakubise-umuntu-arahwera-amwirukanamo-imyuka-mibivideo/

  • Umwana na nyina batwawe n’amazi y’imvura Imana ikinga akaboko (Videwo) – YEGOB #rwanda #RwOT

    Umugore n'umwana we batwawe n'umwuzure watewe n'imvura nyinshi yari imaze kugwa Imana ikinga akaboko.

    Muri iyi minsi mu Rwanda hakomeje kuvugwa imvura nyinshi idasanzwe, iyo mvura kandi ikomeje kugenda ihitana abantu bagiye batandukanye Kandi yangiza n'ibikorwaremezo.

    Ku mbuga nkoranyambaga zigiye zintandukanye hakomeje kugenda hagaragara amashusho y'umubyeyi wari uri kumwe n'umwana we bari gutwarwa n'amazi muri ruhurura.

    Uwo mugore n'umwana we, amazi abamanukana bavuza induru ngo batabarwe, nuko abantu bari aho hafi baza kubatabara babakura muri ayo mazi yari abajyanye. Uwo mubyeyi n'umwana we bakurwa muri ayo mazi ari bazima.

    Reba videwo

    (more…)

  • Ibyo ugomba kwirinda bishobora kwangiza impyiko zawe – YEGOB #rwanda #RwOT

    Benshi mu batuye isi bakomeje guhura ni kibazo cyo kwangiraka kw'impyiko aho usanga kenshi haribyo birengagiza bishobora kubatera impyiko.

    Ni kenshi kandi ujya wumva ngo runaka akeneye guhindurirwa impyiko kuko izo yari afite zangiritse. Kugira ngo zangirike, zihagarike gukora burundu bisaba igihe kinini ngo bigaragare, kuko zishobora no gukora zifashishije 20% y'ubushobozi bwazo bwose. Ni ukuvuga ko bisaba igihe kirekire ngo hagaragare ko zangiritse burundu.

    Ibintu byangiza impyiko ugomba kwitondera

    1. Kutanywa amazi ahagije

    Amazi ni ingenzi cyane ku buzima. Impyiko zikenera amazi menshi cyane kugira ngo zibashe gukora neza.

    Mu gihe utanywa amazi ahagije, bishobora gutera uburozi (toxins) bwinshi kwirundira mu maraso, ahanini bitewe nuko nta mazi ahagije agera ku mpyiko, ngo zibashe kubusohora.

    1. Kurya umunyu mwinshi

    Nubwo umubiri ukenera sodium (umunyu) kugira ngo ukore neza, gusa kurya umunyu mwinshi byongera ibyago byo kwangirika kw'impyiko, bikanazamura umuvuduko w'amaraso (high blood pressure).

    Ku munsi ntugomba kurenza garama 5 z'umunyu!

    Ibi bijyana n'isukari; abantu bafata isukari nyinshi, byongera ibyago cyane byo kugira proteyine mu nkari.

    Proteyine mu nkari ni ikimenyetso cy'uko impyiko zawe zangiritse, gusa iyo ubimenye hakiri kare, ibi bishobora kuvurwa.

    1. Gufunga inkari kenshi

    Gufunga inkari biremerera cyane impyiko bikanazangiza

    Kuzifunga kenshi buri gihe byongera ibyago byo kuba wazana utubuye mu mpyiko (kidney stones) cg se zikangirika burundu (kidney failure).

    1. Kunywa inzoga bikabije

    Inzoga nubwo zemewe, kandi ushobora kuzisanga ahantu hose. Ariko burya ni uburozi bukomeye ku mwijima n'impyiko, igihe uzinyweye ku rugero rwo hejuru.

    Kuba wanywa agacupa kamwe cg ikirahuri kimwe mu gihe runaka, ntacyo byangiza, ariko kunywa nyinshi cyane, uba wangiza bikomeye impyiko zawe.

    src: umutiheath

    Source : https://yegob.rw/ibyo-ugomba-kwirinda-bishobora-kwangiza-impyiko-zawe/

  • Umuyaga udasanzwe ukomeje kurimbura ibiti binini ndetse unagurukana abantu n’ibintu (Videwo) – YEGOB #rwanda #RwOT

    Abantu babarirwa muri za miriyoni basabwe kuguma mu rugo kubera ko Inkubi y'umuyaga wiswe, Eunice, uri kwangiza ibintu byinshi cyane mu gihugu cy'ubwongereza.

    Umuyaga mwinshi watumye amashanyarazi agabanuka, ingendo zirahagarikwa, amashuri amagana yafunzwe, kugeza ubu nta muntu uru kwidejyembya mu gihugu.

    Kugeza ubu haratangazwa ko umuntu umwe ari we umaze kwicwa n'uwo muyaga udasanzwe akaba akomoka muri Irilande mu gihe hari abandi bantu bagera kuri batatu bakomeretse mu Bwongereza.

    Uwo mugabo wo muri Irilande yishwe n'igiti cyamuguyeho ubwo yari ari imbere y'inyubako ya Henley-on-Thames, na yo yaje kuvaho igisenge kikaza no gukomeretsa umuntu umwe nk'uko Polisi ibitangaza.

    Kugeza ubu imihanda ya gari ya mishi yafunzwe n'ibiti byaguye mu nzira zayo ndetse n'indi myanda yazanwe n'uwo muyaga udasanzwe wiswe Eunice. Abashinzwe gari ya moshi bavuze ko ingendo zizakomeza mu mpera z'icyumweru.

    Igendo z'indege zirenga 400 zasubitswe kubera uwo muyaga wateye icyo gihugu.

    Reba Videwo

    Source : https://yegob.rw/umuyaga-udasanzwe-ukomeje-kurimbura-ibiti-binini-ndetse-unagurukana-abantu-nibintu-videwo/

  • Ngoma:Bari mu bwigunge ,Impamvu nyamukuru zituma abana bacikiriza amashuri #rwanda #RwOT

    Ishimwe Thierry uhagarariye abandi banyeshuri kuri iki kigo avuga ko ubu ari mu mwaka wa Gatatu w’icyiciro rusange gusa agashimangira ko atazi uko mudasobwa isa ibintu yemeza ko bibashyira mu bwigunge kuko basigara inyuma mu ikoranabuhanga kandi ariho Isi irimo kwerekeza.Ngo ikindi kibazo bafite ni ukutagira ibitabo ndetse n’isomero byabafasha kongera ubumenyi.

    Imirire mibi kimwe mu bizonga umwana

    Umuyobozi wungirije ushinzwe amasomo kuri GS Sakara riherereye mu Murenge wa Murama,Akarere ka Ngoma ho mu Ntara y’uburasirazuba, Gasana Jean Valens avuga ko abana 80 bari bataye ishuri bitewe n’impamvu zavuzwe haruguru nk’uko byagiye byemeza n’abajyanama b’ubuzima ndetse n’abaturanyi b’imiryango bavukamo gusa ngo ubu abagera kuri 75 bakaba baragaruwe ku ishuri ku bufatanye n’inzego zitandukanye n’Umuryango utegamiye kuri Leta witwa VMVP(Voice in Millions of Voiceless People),wanatangiye ku bunganira mu biribwa bitanga intungamubiri zihuse ku mubiri.

    Ibi byagarutsweho kuri uyu wa Gatanu tariki 18 Gashyantare 2022 ubwo uyu muryango watangizaga igikorwa cyo guha aba bana ibiribwa bikungahaye ku ntungamubiri mu kuziba icyuho cy’imirire mibi mu rwego rwo kugira ngo bakure mu gihagararo no mu bwonko ndetse babashe gukurikira neza amasomo nk’abandi.

    Mukansabira Daphrose ni umwe mu babyeyi bafite umwana urimo gufashwa na VMVP mu kuzamura imirire , yemeza ko mu rugo rwe hari ikibazo cy’ubukene ari nayo ntandaro yo kuva mu ishuri ku mwana we ndetse n’imirire mibi ariko ngo ubu akaba afite icyizere ko ntakabuza umwana we agiye kwiga neza ndetse akanatsinda kuko ari mu maboko meza.

    Umuyobozi wa VMVP,Dusengumuremyi Anathole avuga ko bitewe n’ubushobozi bw’uyu muryango , abana 30 aribo batangiranye n’iyi gahunda aho buri mwana azajya ahabwa ibiribwa bitandukanye birimo amagi,ibinyomoro,imineke ndetse n’amata incuro imwe mu cyumweru ibintu avuga ko abahanga mu byimirire bemeje ko bifite intunga mubiri zishobora gutunga umuntu mu gihe cy’iminsi 6 ntakibazo cy’imirire aragira.

    Dusengumuremyi akomeza avuga ko VMVP ifite gahunda yo gufasha abana barenga 1000 mu gihugu hose uyu mwaka wa 2022 ndetse ko batazafashwa mu mirire gusa ahubwo hazabaho no kubatoza kwigamira bakiri bato ndetse bagashakirwa n’abaterankunga k’ubufatanye n’inzego.

    Akomeza avuga ko ku rundi ruhande uyu muryango ufite intego yo guteza imbere y’umuryango aho ababyeyi b’aba bana bazahugurwa ndetse bahagabwa inyigisho zibakangurira kwihangira umurimo kwiteza imbere binyuze muri gahunda zitandukanye.

    Ku ku kibazo cy’ubwigunge mu bana , Dusengumuremyi asaba umuntu wese waba warize kuri iri shuri ubu akaba afite uko abayeho kuba yasubiza amaso inyuma akibura aba bana ndetse ko umuryango VMVP ahagarariye k’ubufatanye n’inzego zitandukanye hazakorwa ubuvugizi bukahera kure hashoboka iki kibazo kigashakirwa umunti.

    Umuyobozi wa VMVP,Dusengumuremyi Anathole

    Umunyamabanga Nshingwabikorwa w’Akagari ka Sakara ,Shirimpaka Emmanuel iyi rishuri riherereyemo avuga ko nk’ubuyobozi bashimira umuryango VMVP ndetse ko asaba inzego zimukuriye gushaka abaterankunga nk’aba benshi kugira ngo abana bose babashe kwitabwaho.

    Umuyobozi wungirije ushinzwe ubukungu mu Karere ka Ngomba , Mapambano Cyriaque avuga ko hakiri urugendo kuko icyo bita Smart Class room mu mashuri yisumbuye na 9ybe bikiri bike ariko ko harimo gukorwa ibishoboka kugira ngo imibare izamuke ndetse ko hari ibisha bagenda bahanga ku bufatanye n’abafatanyabikorwa mu kuzamura ireme ry’uburezi kugira ngo ikorana buhanga rigere hose nk’uko byifuzwa.

    Abana bahabwa amagi,imineke amata n’ibinyomoro mu kubongerera intungamubiri zibafasha kwiga neza

    Umuryango VMPV ugaragaza ko benshi mu bana bata ishuri mu Rwanda, usanga bituruka ku mibereho mibi, abandi bakaba bugarijwe n’ikibazo cy’imirire mibi iterwa n’icyuho cyo kuba badafite ba se cyangwa se babafite ariko basa n’abadahari.

    Umuryango Voice In Millions of Voiceless People washinzwe muri Kamana 2021 ku gitekerezo cya Dusengumuremyi Anathole na we waciye mu buzima bushaririye akiyemeza gukora ubuvugizi ku bantu nk’aba. Ugamije gukorera ubuvugizi no gufasha abafite intege nke cyane cyane hibandwa ku byiciro byirengagijwe.

    Source : http://www.ukwezi.rw/1-1/Amakuru-anyuranye/article/Ngoma-Bari-mu-bwigunge-Impamvu-nyamukuru-zituma-abana-bacikiriza-amashuri