Blog

Mu gihe Perezida wa Ukraine Volodymyr Zelenskyy yatangaje ko Ingabo z’icyo gihugu zirimo gukiza amaragara yazo, Umuryango OTAN n’ibitwaro biremereye (…)

Kuva mu 2020, mu cyanya cyuhirwa cya Ngoma 22 mu Karere ka Ngoma hatangiye igeragezwa ry'igihingwa gishya cya Chia. Ubu muri aka Karere gihingwa ku buso bwa hegitari zirenga 600.

Iki gihingwa kimaze gukwira no mu tundi turere dutandukanye tw'Iburasirazuba, ku buryo byakugora kubona Akagari katarimo umuturage wahinze Chia.

Ni igihingwa kigira utubuto duto wagereranya na sezame (Sesame); cyera nk'ingano uretse ko kigira amashami menshi kandi kikaba kirekire kugera kuri metero imwe, bitewe nuko aho wagihinze cyahishimiye.

Uretse amafaranga menshi gitanga, iki gihingwa kibarizwa mu binyamisogwe kivamo imiti yifashishwa n'abantu bafite umuvuduko w'amaraso n'indi myinshi, gishobora no kuribwa ari urubuto cyangwa kigakorwamo amavuta yo kurya cyangwa ayo kwisiga.

Ku muntu ukunze kurya iki gihingwa bivugwa ko ubwonko bwe bukora neza, bifasha amaso kubona neza bikanamurinda kugira umubyibuho ukabije.

Ikilo cy'imbuto kigura ibihumbi 90 Frw kigaterwa kuri hegitari imwe, kikerera amezi atatu. Ikilo kimwe cy'umusaruro, umuhinzi akigurirwa na koperative ku 3000 Frw.

Bamwe mu bahinga Chia bavuka ko imaze kubafasha mu iterambere ryabo, kuko baba bafite amasezerano y'akazi bagiranye n'abazagura umusaruro. Baba bizeye inyungu nyuma y'amezi atatu bamaze gusarura.

Turatsinze David wo mu Karere ka Rwamagana wayobotse iki gihingwa, yavuze ko kimaze kumuteza imbere.

Ati “Cyankuye ku buzima bwo hasi narimbayemo kinshyira ku rwego rwiza, barumuna banjye ubu mbasha kubishyurira amashuri mu mafaranga nkuye mu kugihinga.”

Habineza Evariste wo mu Karere ka Ngoma mu cyanya cyuhirwa cya Ngoma 22 we yagize ati “Njye nahinze uturima dutandatu duto, ariko nakuyemo ibihumbi 760 Frw. Ni igihingwa cyantabaye cyane kimpa amafaranga menshi.”

Umuyobozi w'ishami ry'ubuhinzi n'umutungo kamere mu Karere ka Rwamagana, Niyitanga Jean de Dieu, avuga ko Chia ari igihingwa kikiri gishya, ariko ngo bakaba bamaze kubona ko kiberanya n'aka Karere.

Ati “Ubu turakibara mu bihingwa bizana amafaranga ku muturage mu byo twari dusanganywe harimo ikawa, imboga n'imbuto, iri ni ishoramari ridasanzwe mu buhinzi.”

Hari ibyo abahinzi basaba

Bamwe mu bahinga chia bavuga ko bakeneye ubufasha mu kurwanya abamamyi biyongereye cyane, aho bamwe banahenda umuturage bakagura iki gihingwa kitarera neza kandi bakamugurira ku mafaranga make.

Banagaragaje ko abagura chia bakwiriye kongera amafaranga, ngo kuko urebye uburyo imbuto bayigura ibihumbi 90 Frw, bakareba n'umwanya bafata bahinga, basanga n'amafaranga akwiriye kwiyongera.

Umwe mu bahinzi yagize ati 'Icyo njye numva banoza ni ikijyanye no gutangira imbuto ku gihe ndetse no kutwishyurira ku gihe mbona bikiri hasi.'

Umuvugizi wa Akenes and Kernels Limited yazanye iki gihingwa cya chia mu Rwanda, Kizito Safari, yavuze ko ikibazo cyerekeranye n'abamamyi bakizi ndetse ngo kiri mu bibahangayikishije cyane.

Ati “Mu minsi ishize twohereje abakozi bacu mu Ntara y'Iburasirazuba kugira ngo bajye gupima ubuso bw'umurima abahinzi bakoresha nyuma y'aho hazabaho kugirana amasezerano n'abahinzi kugira ngo duce umuco w'abahinzi bazaga bagafata imbuto badafitiye imbuto bakagenda bakazinyanyagiza mu baturage.”

Umuyobozi w'Akarere ka Ngoma wungirije ushinzwe Iterambere ry'Ubukungu, Mapambano Nyiridandi Cyriaque, we yagiriye inama abahinzi yo gukorera mu makoperative.

Yabasabye kujya bahinga bafite amasezerano y'umuntu uzabagurira umusaruro, aho kubikora mu kavuyo badafite isoko.

Mapambano yanagarutse ku giciro cy'imbuto za chia kikiri hejuru cyane ku muhinzi, avuga ko mu rwego rwo gutuma iki gihingwa gihingwa n'abaturage benshi, bari mu biganiro n'abakizana mu Rwanda ku buryo ikilo cyava ku bihumbi 90 Frw kikagera ku bihumbi 50 Frw.

Ku muntu wahinze hegitari imwe ashobora kweza ibilo biri hagati ya 700 na toni imwe.

Byumvikane ko adashobora kubura inyungu iri hejuru ya miliyoni kuri hegitari imwe. Ku basanzwe bahinga ni inyungu idapfa kuboneka mu bihingwa bisanzwe.

---

Abakinnyi batatu b’ikipe ya Paris Saint-Germain, Sergio Ramos, Keylor Navas na Julian Draxler bageze mu Rwanda muri gahunda ya Visit Rwanda.

Saa sita zo kuri uyu wa Gatandatu tariki ya 30 Mata 2022, nibwo aba bakinnyi bari kumwe n’abakunzi babo bageze mu Rwanda.

Baje kubera ubufatanye ikipe ya Paris Saint-Germain yagiranye n’u Rwanda yo kwamamaza ubukerarugendo bw’u Rwanda binyuze muri Visit Rwanda.

Mu mashusho iyi kipe yashyize hanze ku wa Kane w’iki cyumweru, agaragaza aba bakinnyi bavuga ko bagiye kuza mu Rwanda n’imiryango yabo.

Sergio Ramos yavuze ko afite amatsiko yo kuza mu Rwanda kureba abana b’igangi barimo Mudasumbwa.

Ati “Ngiye mu Rwanda, ubu ngiye mu rugo gupakira ibikapu. Kubera ko ngiye muri Pariki y’Ibirunga. Pariki y’igihugu. Nshaka guhura n’abana b’Ingagi nka Mudasumbwa. Si ngenda njyenyine ndajyana n’umugore wanjye n’abakinnyi dukinana Navas na Draxler.”

Uyu mwana w’Ingagi Mudasumbwa ari mu bana batatu b’Ingagi ari bo Ingeri na Nshongore biswe n’abakinnyi ba PSG ari bo Neymar, Kylian Mbappe, Angel di Maria, Sergio Ramos na Marquinhos muri Nzeri 2021.

Umunyezamu Keylor Navas avuga kuri uru ruzinduko yagize ati “Tugiye mu Rwanda, kugira ngo tugire ibyo tumenya ku Rwanda no kureba Ingangi. Ndajyana n’umugore wanjye na Draxler. “

Julian Draxler “Sergio na Navas bambwiye ko tugiye kujya mu Rwanda. Ntakubeshye sinjye uzabona tugezeyo.”

Guhera mu Ukuboza 2019, u Rwanda rwagiranye ubufatanye na Paris Saint-Germain, buzamara imyaka itatu bugamije kureshya abashoramari no gukomeza kuba icyerekezo kibereye ubukerarugendo.

Muri ubu bufatanye, ikirango cya Visit Rwanda kigaragazwa kuri Stade ya Parc des Princes aho PSG yakirira imikino yayo ndetse no ku mugongo ku myenda iyi kipe ikoresha mu myitozo no mu gihe cyo kwishyushya mbere y’imikino, yaba iyo yambara yasuye indi kipe cyangwa iyo yambara iwayo muri Shampiyona y’u Bufaransa, Ligue 1.

Tariki ya 28 Mata 2022, Ambasade y’u Rwanda muri Senegal inashinzwe ibihugu bya Mali, Gambia, Cap-Vert na Guinea Bissau, ifatanyije na Kaminuza ya Gaston (…)

Ku wa Gatanu tariki 29 Mata 2022, Urwego rw’Igihugu rw’ubwiteganyirize (RSSB), rwibutse ku nshuro ya 28 abari abakoze ba Caisse Sociale, yaje guhinduka RSSB, (…)

Rutabayiru Jean Philippe uheruka guhamagarwa mu ikipe y’igihugu Amavubi, yamaze kwerekeza mu ikipe ya Riverside Olympic FC yo mu cyiciro cya kabiri muri Australia.

Uyu mukinnyi w’imyaka 28, akina mu mutima w’ubwugarizi ariko ashobora no kwifashishwa mu kibuga hagati, yakiniraga ikipe ya Sociedad Deportiva Lenense yo mu cyiciro cya 3 muri Espagne.

Uyu musore nyuma yo kwerekeza muri iyi kipe, yavuze ko yishimiye uburyo yakiriwemo kandi yishimiye gukinana n’abanya-Australia.

Ati 'nishimiye gutangaza ko natangiye urugendo rushya muri Australia na Riverside Olympic mu cyiciro cya kabiri. Nagize umugisha wo kwakirwa neza, ntegereje kugaruka mu kibuga n’abavandimwe bo muri Australia.'

Uyu mukinnyi aheruka guhamagarwa mu ikipe y’igihugu ari nabwo yahamagawe bwa mbere mu Gushyingo 2021 ubwo u Rwanda rwiteguraga imikino yo mu matsinda yo gushaka itike y’igikombe cy’Isi cya 2022 aho rwakinnye na Mali na Kenya.

Rutabayiru Jean Philippe wavukiyiye muri Canada, muri 2013 yamaze igihe mu Rwanda aho yakorega imyitozo muri Police FC no mu ikipe y’igihugu y’abatarengeje imyaka 17.

Riverside Olympic aho shampiyona y’iki gihugu igeze ku munsi wa 5 iri ku mwanya wa nyuma n’inota 1.

Perezida w’ikipe ya Rayon Sports yatumiye inama nyungurunabitekerezo izaba ku Cyumweru tariki ya 31 Mata 2022, igomba kwiga ku bibazo biri muri iyi kipe.

Iyi nama amakuru ISIMBI yamenye ni uko izabera mu Rugando kuri apartment imwe yegeranye na hoteli iri hafi y’umurenge wa Kimihurura.

Amakuru ISIMBI yamenye ni uko abazayitabira bazungurana ibitekerezo kugira ngo harebwe icyakorwa ku buryo mu myaka iri imbere Rayon Sports izaba ihagaze nta kibazo na kimwe kiyijegajeza.

Ikindi batazarenza ingohe ni ikibazo cy’amikoro cyugarije iyi kipe, bazaganira ku ngingo yo kureba uburyo yabona amikoro ahamye yazatuma abakinnyi batongera kwivumbura bya hato na hato banga gukora imyitozo nk’uko byabaye ku munsi w’ejo hashize.

Ibi bikaba bizagendana no kubasaba gushyira hamwe bakubaka iyi kipe aho Uwayezu Jean Fidele yiteguye kwereka abakunzi ba Rayon Sports imbogamizi yagiye ahura nazo zirimo kuba yaratereranywe, ikipe bakayimurekera.

Uretse ibi kandi hazaba ari no mu buryo bwo guhuza abakunzi ba Rayon Sports bakicara bakaganira kubera ko kuva yatorwa mu mpera za 2020, Uwayezu Jean Fidele ntiyigeze abona amahirwe yo kubahuza kubera icyorezo cya Coronavirus.

Amakuru avuga ko iyi nama nyunguranabitekerezo yatumiwemo abayobozi b’amatsinda y’abafana (fan clubs), abavuga rikijyana muri iyi kipe, aba biganjemo abagiye bayobora iyi kipe mu bihe bitandukanye.

Gusa iyi nama hari n’abayihuje n’ibyabaye ku munsi w’ejo hashize ku wa Kane tariki ya 28 Mata 2022, ubwo abakinnyi bangaga gukora imyitozo kubera ibirarane bafitiwe, bivugwa ko perezida w’iyi kipe yagiye mu Nzove kuvugana nabo akahava yafashe umwanzuro wo kwegura aho avuga ko yatereranywe, hari abakeka ko yaba yenda kwegurira muri iyi nama.

ISIMBI kandi yamenye ko uyu munsi abakinnyi ba Rayon Sports babyukiye ku biro bya Rayon Sports kugira ngo baganire ku bibazo by’imishahara n’uduhimbazamusyi bafitiwe ndetse bikaba byahawe umurongo ndetse na Uwayezu Jean Fidele ibyo kwegura amakuru avuga ko yabivuyemo.