Blog

Ni ubwa mbere mu Gikombe cy’Isi cy’Abagabo hagiye gusifuramo abagore nyuma y’uko mu cy’Afurika cy’abagabo cyabereye muri Cameroon na cyo cyagaragayemo bwa mbere umugore akaba uyu Munyarwandakazi Mukansanga.

Amakuru y’uko Mukansanaga Salima Rhadia azasifura mu gikombe cy’Isi cy’abagabo kizabera muri Qatar, yamenyekanye ku gicamunsi cyo kuri uyu wa Kane tariki 19 Gicurasi 2022, ubwo Impuzamashyirahamwe y’Umupira w’Amaguru ku Isi (FIFA) yashyiraga hanze urutonde rw’Abasifuzi bazasifura igikombe cy’Isi.

Uru rutonde ruriho 36 bo hagati ndetse na 69 bo ku rughande ndetse n’abandi 24 bazifashishwa mu gusesengura amashusho [ibizwi nka VAR].

Muri aba bo hagati harimo ab’igitsinagore batatu barimo Umunyarwandakazi Mukansanga Salima Rhadia, Umuyapanikazi Yamashita Yoshimi ndetse n’Umufaransakazi Stephanie Frappart.

Umuyobozi mukuru ushinzwe abasifuzi muri FIFA, Pierluigi Collina yavuze ko aba basifuzi batoranyijwe hagendewe k’ubunyamwuga bwabo ndetse n’uburyo bigaragaje muri uyu mwuga wo gusifura ku rwego rw’Isi.

Mukansanga yabaye umugore wa mbere wasifuye mu Gikombe cya Afurika

Umuyapanikazi Yamashita Yoshimi

Umufaransakazi Stephanie Frappart

Ubuyobozi bwa Kiyovu Sports buvuga ko hari agahimbazamusyi bateguriye abakinnyi mu gihe baba begukanye igikombe cya shampiyona ariko akaba atari miliyoni 30 nk’uko bivugwa, ngo zishobora kurenga cyangwa zikajya munsi.

Mu gihe habura imikino 3 ngo shampiyona y’icyiciro cya mbere mu Rwanda 2021-22 isozwe, Kiyovu Sports iheruka gutsinda APR FC bahanganiye igikombe, bayoboye urutonde aho ubu banganya amanota 60.

Hamaze iminsi bivugwa ko Kiyovu Sports yashyiriweho miliyoni 30 mu gihe yaba itwaye igikombe cya shampiyona.

Umuyobozi wa Kiyovu Sports, Mvukiyehe Juvenal yabwiye ISIMBI ko ayo mafaranga avugwa atari yo gusa ngo karahari kateguwe.

Ati “Ntabwo twigeze tuvuga amafaranga, gashobora no kurenga, gashobora no kujya munsi ariko karateguwe gusa kugeza ubu ntawuzi ngo ni agahimbazamusyi kangahe.”

Yakomeje avuga ko bataricarana n’abakinnyi n’abatoza ngo bababwire ayo bagenewe gusa ngo bateguriwe agahimbazamusyi gashimishije.

Ati “Ntabwo turicarana n’abakinnyi n’abatoza ngo tubabwire tuzabaha aya, gusa kuba gahari ko karateguwe, twagiye twumva abantu bavuga ngo ni miliyoni 30, abandi ngo ni miliyoni 15, abandi ngo ni miliyoni mirongo, havugwa byinshi bitandukanye gusa kuba gahari byo karahari kandi gashimishije gusa ntabwo turanzura ayo tuzatanga.”

Kiyovu Sports ikaba isigaje imikino 3 harimo uwo bazakiramo Etoile del’Est, basure Espoir FC ndetse inakire Marines FC, ni imikino yose isabwa gutsinda ndetse igatsinda ibitego byinshi.

Minisitiri w’ububanyi n’amahanga n’ubutwererane w’u Rwanda, Dr Vincent Biruta, ari mu ruzinduko i Londres aho yagiranye ibiganiro n’abayobozi batandukanye (…)

Umutoza wa AS Kigali, Casa Mbungo Andre avuga ko ahangayikishijwe no kuba nadafite bamwe mu bakinnyi be kubera ibibazo by’imvune ni mu gihe akiri mu marushanwa yaba igikombe cy’Amahoro ndetse na shampiyona.

Ku munsi w’ejo yasezereye Police FC maze agera ku mukino wa nyuma w’igikombe cy’Amahoro 2022 aho ategereje kumenya iyo bazahura hagati ya APR FC na Rayon Sports bari bukine uyu munsi.

Ubwo yari mu kiganiro n’itangazamakuru nyuma y’uyu mukino, yabajijwe ibijyanye n’ibijya bivugwa ko abatoza bajya baharirana imikino, avuga ko kuri we aho kugira ngo abikore gutoza yaba abiretse.

Ati 'uko muri hano turaziranye wenda uretse abakiri bato barimo hano, hariho benshi bambonye ndimo gutoza muri SEC bakibaza ko ari ho nahereye ariko mbere yayo hari ahandi nanyuze, sinigeze mba muri ibyo bihe bituma ikipe indekera cyangwa nyirekera.'

'Ikintu nkikora neza iyo kinaniye ndavuga ngo ni rwo rwego nari ngezemo reka nongere nihugure, nongere nige kugira ngo nshobore kubikora neza ariko mu buryo bwo kurekerana kuri njye we ntibishobora kubaho, nahitamo kubyihorera kuruta kujya mu marushanwa kimwe n’abandi bose.'

Yakomeje avuga ko yaba shampiyona ndetse n’umukino wa nyuma w’igikombe cy’Amahoro biteguwe neza nubwo ahangayikishijwe n’abakinnyi be benshi bibasiwe n’imvune.

Ati 'tuzakina shampiyona, mfite ikipe yanjye abakinnyi ni bake, amahitamo ni make, Sugira ntarakira, Sarpong afite ikibazo munsi y’ikirenge wareba ba Herve, wareba abakinnyi benshi barwaye, nzagerageza gukinisha abo mfite kandi twitware neza.'

AS Kigali ifite abakinnyi benshi bafite ibibazo by’imvune ndetse bamaze igihe badakina barimo Rugwiro Herve, Biramahire Abeddy, Sugira Ernest hiyongereyemo na Michael Sarpong n’abandi.

Minisitiri w’Intebe, Dr Edouard Ngirente, yagaragaje ingamba zafashwe kugira ngo ibiciro ku masoko bidakomeza kuzamuka mu buryo buremerera (…)

Imibare yashyizwe ahagaragara n’Urwego rw’Igihugu rw’Ubugenzacyaha (RIB), kuva mu mwaka wa 2019-2021, iragaragaza ko ibyaha byo gusambanya abana bikomeje (…)

Sergent Major Robert Kabera ushakishwa n’ubutabera bw’u Rwanda wari watewe muri yombi n’inzego z’umutekano za Uganda ku wa Mbere w’iki cyumweru, yarekuwe by’agateganyo.

Umunyamakuru wa BBC ukorera i Kampala yatangaje ko Sgt. Maj. Kabera wamenyekanye nka 'Sergeant Robert' yategetswe kwitaba polisi buri minsi ibiri mu gihe iperereza ku cyaha akekwaho cyo gutunga intwaro mu buryo butemewe rikomeza

Sergeant Robert yatawe muri yombi nyuma y’umukwabu wo gusaka inzu ye nyuma y’aho biketswe ko ashobora kuba atunze intwaro mu rugo rwe ruherereye i Kampala.

Mu masaha ya mugitondo ni bwo uwo mukwabo wahuje abahagarariye Polisi, abasirikare ndetse n’urwego rushinzwe ubutasi, bazindukiye mu rugo iwe aho yari atuye muri karitsiye yitwa Masanafu i Kampala mu Murwa Mukuru wa Uganda.

Ku wa Kabiri, umunyamategeko we yandikiye Minisitiri w’Intebe wa Uganda, amusaba kugira icyo akora, avuga ko Sgt. Maj. Kabera ufite icyangombwa cy’impunzi ashobora koherezwa mu Rwanda kandi ari rwo yahungiye muri Uganda.

Uwo munsi binavugwa ko haraye hanabaye inama y’abashinzwe ubutasi bwa gisirikare n’igipolisi biga icyo Sgt. Maj. Kabera agomba gukorerwa, nk’uko ibinyamakuru muri Uganda byabitangaje.

Inzego zishinzwe umutekano muri Uganda zivuga ko zizi neza ko uyu mugabo ashakishwa n’ubutabera bw’u Rwanda n’ubwo yarekuwe. Umwe mu birukanse ku idosiye ye ngo afungurwe ni Sulah Uwamanya, umwe mu byitso bikomeye by’umutwe w’iterabwoba wa RNC akaba n’umuhuzabikorwa byawo muri Uganda.

Inzego z’ubutabera za Uganda zemeza ko u Rwanda rukeneye uyu mugabo kuko afite ikirego yahunze kijyanye no gusambanya umwana wo mu muryango we.

Gusa imwe mu mpamvu zishobora kuba zashingiweho arekurwa by’agateganyo ni uko nta ntwaro yasanganywe ubwo yasakwaga, ndetse akaba yaramaze guhabwa icyemezo cy’ubuhunzi kimuha uburenganzira bwo gucumbika muri icyo Gihugu.

Mu ijoro ryo ku wa Gatatu rishyira mu rukerera rwo kuri uyu wa Kane tariki 19 Gicurasi 2022, nibwo amakipe y’abagore ya APR WVC na Rwanda Revenue Authority (…)