Igishushanyo mbonera cy’imikoreshereze y’ubutaka cyemejwe mu mwaka wa 2020, cyerekana ko kugeza mu mwaka wa 2050 byibura 70% by’Abanyarwanda bazaba batuye mu (…)
Blog
-
Inzego z’Umutekano z’u Burundi zashimuse Umunyarwanda wahiraga ubwatsi bw’amatungo,Gitifu avuga ko yatemye Umupolisi #rwanda #RwOT
Amakuru avuga ko Hagenimana Thèogene wo mu Mudugudu wa Karambi, Akagari ka Mbuye mu Murenge wa Kibilizi mu Karere ka Nyanza yazindutse mu gitondo kwahira ubwatsi bw’amatungo yabo, anyuze mu Murenge wa Mamba mu Karere ka Gisagara yambuka Akanyaru agera ku butaka bw’i Burundi ari naho abapolisi n’Umusirikare 1 bo muri iki Gihugu cy’abaturanyi bamufatiye.
Mukanyandwi Adda wo mu Mudugudu wa Mukoni mu Kagari ka Mbuye, avuga ko abo mu Muryango wa Hagenimana Thèogene bagerageje gusaba ko bamubaha, inzego z’umutekano zimufite ziramubima.
Ati 'Batakambye bemera no gutanga ikiguzi cy’ibihumbi 150 by’u Rwanda abamufite banga kuyafata.'
Mukanyandwi avuga ko bamenye ko bakimufata bamutemye bamukura n’amenyo.
Umunyamabanga Nshingwabikorwa w’Umurenge wa Kibilizi Murenzi Valens avuga ko uyu muturage yashatse kurwanya inzego z’umutekano zimushyiraho amapingu zimutwara ahantu hataramenyekana.
Ati 'Hagenimana yatemye umupolisi w’u Murundi kandi bamusanze ku butaka bwabo tugiye kubikurikirana.'
Murenzi yavuze ko agace bamufatiyemo ari ako muri Komini Bugabira, Zone ya Kiyonza, Segiteri ya Kyiri ku Gasozi ka Ngaragu mu Ntara ya Kirundo.
Cyakora uyu Muyobozi yahakanye amakuru avuga ko uyu muturage yatemwe anakurwa amenyo n’inzego z’umutekano z’uBurundi.
Gitifu Murenzi Valens yavuze ko ari ikibazo inzego ku mpande zombi zigomba kuganiraho, agasaba abaturage kwitwararika birinda kwambuka umupaka uko bishakiye.
Ivomo:Umuseke
-
Abacuruzi 21% bagezweho n’ingaruka za Covid-19 (Ubushakashatsi) #Rwanda #RwOT via @kigalitoday #rwanda #RwOT
Ikigo cy’Ubushakashatsi no gusesengura ingamba za Leta (IPAR), muri Gashyantare 2021 cyakoze ubushakashatsi ku bakora ubucuruzi 1,545 , gisanga abagera ku (…)
-
Mashami Vincent yagizwe umutoza wa Police FC, ACP Yahaya Kamunuga aba umuyozi wayo naho SP Ruzindana Regis aba ushinzwe kugura abakinnyi #rwanda #RwOT
Ku gicamunsi cyo kuri uyu wa kane tariki ya 21 Nyakanga 2022 nibwo ubuyobozi bwa Polisi y'igihugu yemehe ko Mashami Vincent ariwe mutoza mukuru w'ikipe y'umupira w'amaguru, aha kandi hanatangajwe ubuyobozi bw'iyi kipe bwagarageyemo zimwe mu mpinduka zitandukanye.
Nk'uko Polisi y'igihugu yabitangaje ibinyujije kuri rubuga rwayo rwa Internet, batangaje ko 'Ubuyobozi bwa Polisi y'igihugu bwakoze impunduka mu ikipe y'umupira w'amaguru, aho ACP Yahaya Kamununga ariwe muyobozi mukuru w'iyi kipe.'
Iby'izi mpinduka muri iyi kipe, Polisi y'igihugu ikomeza ivuga ko Rtd ACP Bosco Rangira wari usanzwe ariwe uyoboye iyi kipe ari umuyobozi wa mbere w'ungirije naho ACP Ruzindana Regis akaba umuyobozi wa kabiri wungirije ndetse akaba anashizwe kugura abakinnyi (Recruitement) muri Police FC.
Â
Polisi y'Igihugu ivuga ko nk'uko byemejwe n'umunyamabanga w'iyi kipe CIP Obed Bikorimana, ngo izi mpinduka zabayeho mu rwego rwo kurushaho guhatana muri shampiyona y'u Rwanda.
Mashami Vincent wabaye umutoza w'ikipe y'igihugu y'u Rwanda nkuru ndetse n'iya bato yinjiye muri Police FC asimbuye Frank Nuttal wari umazemo umwaka umwe agafasha iyi kipe gusoza ku mwanya wa 7 n'amanota 40 mu mwaka ushize w'imikino wa 2022-2023.
The post Mashami Vincent yagizwe umutoza wa Police FC, ACP Yahaya Kamunuga aba umuyozi wayo naho SP Ruzindana Regis aba ushinzwe kugura abakinnyi appeared first on RUSHYASHYA.
-
Ngororero: Ntawe ukwiye gukorera mu 'bwajaba' mu gihe afasha abaturage-Guverineri Habitegeko #rwanda #RwOT
Guverineri w'intara y'Uburengerazuba, Habitegeko François aributsa abafatanyabikorwa mu iterambere ry'akarere ka Ngororero kudakorera mu 'ubwajaba' mu gihe baje gukorera abaturage kuko bituma bita kuri bacye kandi hari benshi bakeneye ubufasha, bityo bigatuma imibare ijyanye n'ubuzima ihora hasi aho kuzamuka.
Guverineri Habitegeko, ibi yabisabye ubwo hatangizwaga imurikabikorwa rihuza imiryango itandukanye iri muri DJAF isangano isaga 45 ikorera muri aka karere ka Ngororero, aho ifasha abaturage kuva mu mibereho mibi, harimo kubakirwa amacumbi, kubegereza ibikorwaremezo n'ibindi bitandukanye bakenera bya buri munsi.
Yagize ati' Bafatanyabikorwa bacu dukunda, ntabwo mukwiye gukorera mu 'Ubwajaba', aho usanga buri wese agira akantu kamwe yitaho akibagirwa ko ako yirengagije gakura kandi kakazagaragara. Ntabwo mukwiye kwibagirwa ko hari ibindi bibazo abaturage bafite. Mukwiye kubafasha. Reba uwo ugiye gufasha kuva mu mirire mibi umubaze niba yaratanze Mitiweli, ese afite isuku, iwe hifashe gute, abana baba biga? Numufasha urebe icyo ababaye kurusha ikindi niho tuzaba twubaka ibiramba'.
Akomeza asaba Abanyamadini ko inyigisho batanga ku bayoboke babo zajya zishingira ku bikorwa aho kubizeza ko bazajya mu Ijuru, akajyayo afite imirire mibi cyangwa nta cumbi agira. Wabanza ukamwereka uko yakwibonera aho kuba bityo ukanamufasha kumva neza ijambo ry'Imana atuje kuko utamufashije kubimubangamiye byose ukita ku kantu kamwe gusa byagorana ko tugera ku ntego tuba dufite iyo tuje gufasha ibibazo bizahaza umuryango n'abawugize.
Abitabiriye iri murika bikorwa bahuriza ku kuba abakeneye ubufasha ari benshi, ko kandi bamwe muri bo babugezwaho hagamijwe kubavana aho bari habi. Bavuga ko nubwo batabageraho mu buryo bw'ibikenewe byose, bizeye ko bazabigeraho bitewe n'ubushobozi bafite bwo kubitaho kabone nubwo wenda batabagereraho rimwe bose.
Perezida W'ihuriro ry'Abafatanyabikorwa mu Iterambere ry'aka karere (DJAF Isangano), Padiri Rutakisha Jean Paul akaba umuyobozi wa Cartas ya Diyosezi ya Nyundo, avuga ko we n'abo ayoboye iyo bateganya ibikorwa bicarana bakabitegura buri mufatanyabikorwa akerekana ibyo azafasha abaturage.
Ahamya ko nibura 40% by'amafaranga y'umushinga agura ibikoresho bizakomeza gukoreshwa n'abagenerwabikorwa, 20% akifashishwa mu guhugura, andi akajya mu guhemba no bindi hagamijwe ko byose bigerwaho nubwo hari aho bitaranoga.
Umuyobozi w'Akarere ka Ngororero, Christophe Nkusi yemeza ko abafatanyabikorwa bafasha akarere kuzamura imibereho myiza y'abaturage n'imyumvire yabo, ko kandi bizeye ko bazakomeza kuzamuka kugirango babashe gutera imbere kurushaho.
Yagize ati' Abafatanyabikorwa baradufasha cyane kuko badufasha guhugura abaturage bityo imyumvire ikazamuka, bakarushaho gukomeza kugira imibereho myiza, bakarushaho gutera imbere. Twebwe nk'ubuyobozi bw'Akarere naba bafatanyabikorwa dufite imishinga myinshi duhuriraho kandi migari tuzakorana irimo kubaka inzu z'ubucuruzi ndetse no gukomeza kubakira abatagira amacumbi. Ntabwo tugomba gutegereza akimuhana kuko kaza imvura ihise'.
Muri iri murikabikorwa rizamara iminsi 4, haramurikwa ibikorwa na serivisi ibigo biha abaturage baba abahinzi borozi, ubucuruzi, ibigo by'imari, ubukangurambaga ku mategeko, kwita kubatishoboye ndetse n'ibindi bitandukanye bikazasoza tariki ya 22 Nyakanga 2022. Rifite insangamatsiko igira iti' DJAF Terimbere Ngororero; Ubumwe bwacu nizo mbaraga zacu'.
Akimana Jean de Dieu
-
Rayon Sports yatumijeho abakinnyi 22, abandi baracyari mu biganiro byo gusesa amasezerano #rwanda #RwOT
Ku ikubitiro Rayon Sports yahamagaje abakinnyi 22 ba yo bagomba gutangira imyitozo kuri uyu wa Gatanu yitegura umwaka w’imikino wa 2022-23, ni mu gihe hari abakiri mu biganiro n’iyi kipe badakozwa gutandukana na yo.
Abakinnyi 11 ni yo maraso mashya yamaze kongerwa muri Rayon Sports (iracyari mu biganiro n’abandi) yitegura 2022-23 ni mu gihe ariko iyi kipe yarekuye umubare munini w’abakinnyi biganjemo abasoje amasezerano.
Rayon Sports yatangiye isezera abanyamahanga bagera kuri 5 ari bo; Kwizera Pierrot, Mael Djinjeke, Sanogo Sulaiman, Steve Elomanga na Manace Mutatu.
Yakurikijeho abari basoje amasezerano idafite muri gahunda za yo barimo Kwizera Olivier, Nizigiyimana Karim Mackenzie, Bukuru Christophe, Ishimwe Kevin, Habimana Hussein Eto’o na Sekamana Maxime.
Rayon Sports kandi yaranamaze kugurisha Nsengiyumva Isaac muri Musanze FC.
Amakuru agera ku kinyamakuru ISIMBI ni uko iri mu biganiro n’abakinnyi barimo; Byumvuhore Tresor, Mico Justin, Niyonkuru Sadjati, na Mushimiyimana Mohammed ngo babe basesa amasezerano bafitanye nubwo batarabyemera.
Rayon Sports ikaba yamaze kumenyesha abakinnyi 22 barimo 11 bashya yaguze ko bagomba gutangira imyitozo ku munsi w’ejo ku wa Gatanu tariki ya 23 Nyakanga 2022 bitegura umwaka w’imikino wa 2022-23, uyu munsi bakaba bapimwe COVID-19 n’izindi ndwara.
Kugeza ubu abakinnyi 11 Rayon Sports imaze gusinyisha bazwi ni; Twagirayezu Amani (Bugesera FC), Mucyo Junior Didier (Bugesera FC), Ishimwe Ganijuru Elie (Bugesera FC), Hirwa Jean de Dieu (Marines FC), Ngendahimana Eric (Kiyovu Sports), Rafael Osalue (Bugesera FC), Kanamugire Roger (Heroes FC), Iraguha Hadji (Rutsiro FC), Tuyisenge Arsene (Espoir FC), Ishimwe Patrick (Heroes FC) na Ndekwe Felix (AS Kigali).
Aba biyongera ku bakinnyi bari basanzwe bafite amasezerano barimo abanyezamu 2, Hategekimana Bonheur na Hakizimana Adolphe, Muvandimwe JMV, Ndizeye Samuel, Nishimwe Blaise, Essomba Onana Leandre Willy, Rudasingwa Prince, Musa Esenu, Mitima Isaac
Abakinnyi ba Rayon Sports batumijweho
Abakinnyi ba Rayon Sports batumijweho -
Haji Manara wa Yanga yafunzwe umunwa anacibwa miliyoni 20 #rwanda #RwOT
Ishyirahamwe ry’umupira w’amaguru muri Tanzania ryafashe umwanzuro wo guhagarika umuvugizi wa Yanga, Haji Manara imyaka 2 atagaragara mu bikorwa bya ruhago no gutanga miliyoni 20 z’amashilingi ya Tanzania (miliyoni 8.8 frw) kubera amagambo yabwiye perezida wa w’ishyirahamwe ry’umupira w’amaguru muri iki gihugu.
Aya magambo atari meza bavuga ko yabwiye Wallace Karia, perezida w’ishyirahamwe ry’umupira w’amaguru muri Tanzania (TFF) yayavuze ku mukino wa nyuma w’igikombe cy’igihugu wabereye Arusha ku kibuga cya Sheikh Amri Abeid tariki ya 2 Nyakanga 2022, Yanga yakinaga ya Coastal Union.
Bivugwa ko kuri uwo mukino Manara yabwiye Karia ati 'wowe ungendaho, iyi ni inshuro ya 3, sinkutinya kwa buri kimwe nta n’icyo wankora. Mfite ubushobozi bwo kugukorera icyo nshaka kandi ntacyo wantwara.'
Umunyamabanga wa Komite ishinzwe imyitwarire muri TFF, Walter Lungu yavuze ko iyi komite yateranye kuva tariki ya 11 Nyakanga yiga kuri iki kirego cyatanzwe n’ubunyamabanga bwa TFF aho basanze Manara yarishe ingingo ya 73 igika cya 5 mu mategeko agendanye n’imyitarire.
Uyu mugabo usanzwe utunzwe no kuvuga kuko azwiho kuvugira ikipe ye (ubu yari muri Yanga ariko yahize no muri Simba SC) akayitaka n’ibyo itakoze bigatera ubwoba abo bahanganye, yafunzwe umunwa imyaka 2, bivuze ko yahagaritswe mu bikorwa bya ruhago imyaka 2 ndetse akanishyura ihazabu ya miliyoni 20 z’amashilingi ya Tanzania.
Haji Manara yafunzwe umunwa imyaka 2Source : http://isimbi.rw/siporo/article/haji-manara-wa-yanga-yafunzwe-umunwa-anacibwa-miliyoni-20
-
Ambasaderi w’u Bwongereza yashyize hanze ukuri ku Nyandiko z’Ibanga zisebya u Rwanda #rwanda #RwOT
Inkuru z’uko hagaragaye inyandiko zitari zizwi za Ambasaderi Omar Daair yandikiye Guverinoma y’Igihugu cye agaragaza impungenge afite ku iyubahirizwa ry’uburenganzira bwa mu muntu Rwanda, zatambutse kuri uyu wa Gatatu tariki 20 Nyakanga 2022.
Inyandiko bivugwa ko zanditswe na Omar Daair, zivuga ko yagaragarije Guverinoma ye ko uburenganzira bwa muntu buhonyorwa mu Rwanda byumwihariko inzego z’umutekano nka Polisi y’u Rwanda zikoresha ingufu z’umurengera ku baba bakekwaho ibyaha.
Izi nyandiko ziri mu byabaye indi turufu y’abamagana ko u Bwongereza bwohereza abimukira n’abashaka ubuhungiro mu Rwanda, bongeye kugaragaza ko iki Gihugu cyo ku Mugabane w’u Burayi kidakwiye koherereza iki gihonyora uburenganzira bwa muntu.
Nyuma y’izi nkuru, Ambasaderi Omar Daair yahise atera utwatsi ibi byamuvuzweho, avuga ko igihe izo nyandiko avugwaho koherereza Minisiteri y’Ubutegetsi bw’Igihugu mu Bwongereza, atari yakabaye Ambasaderi w’Igihugu cye mu Rwanda.
Yagize ati 'Hari inkuru z’ibitangazamakuru zirebana n’amasezerano y’ubufatanye n’u Rwanda n’inyandiko zanditswe muri Gashyantare na Gicurasi 2021. Njye nabaye Ambasaderi muri Nyakanga 2021. Uretse ko binasanzwe ko abayobozi b’u Bwongereza bagira inama Abaminisitiri mu bihe byo gutegura za politiki.'
Yakomeje avuga ko 'Abaminisitiri babisubiyemo kenshi ko u Rwanda ari igihugu gitekanye kandi gicungiwe umutekano kikaba kinafite isura nziza mu gufasha abashaka ubuhungiro.'
Ambasaderi Omar Daair yasoje avuga ko Guverinoma y’u Bwongereza izakomeza kugaragaza umuhate mu gushyiraho imirongo migari igamije guca intege abajya muri iki Gihugu mu buryo butemewe ndetse no gutaba ubuzima bwa bamwe.
-
Pasteur Antoine Rutayisire wasezeranyije Bijoux na Lionel yavuze impamvu yabashyingiye kandi bataraciye imbere y’amategeko – YEGOB #rwanda #RwOT
Pasiteri wasezeranyije Munezero Aline wamamaye nka Bijoux na Sentore Lionel yavuze ko ibyo kuba yarabasezeranyije bataraciye ku murenge bitamureba.
Pasiteri Antoine Rutayisire yavuze ko atazi ibivugwa ko Bijoux na Sentore Lionel yasezeranyije batigeze basezerana mu mategeko.
Ibi yabivuze nyuma y'amakuru avuga ko Bijoux na Sentore Lionel batasezeranye mu mategeko, ahubwo ko bagiye mu rusengero gusa.
Muri iyi minsi hari kuvugwa gutandukana kw'aba bombi ndetse bakaba banashinjwa gusezerana imbere y'Imana batarasezeranye imbere y'amategeko.
Mu kiganiro Pastor Rutayisire wasezeranyije abo bombi yagiranye na URUGENDO ONLINE TV, aho yari ahamagawe na Paster Claude, yavuze ko atazi ibya Bijoux na Sentore basezeranye imbere y'Imana bataragiye imbere y'amategeko.
Ati: ' Ibyo ntago njyewe mbizi ariko nubwo mubimbwiye nyuma y'igihe cyararenze ngiye kubishakisha ndebe koko ko ari ukuri'.
Paster Rutayisire abajijwe ku byo kuba yarasezeranyije abantu batasezeranye imbere y'amategeko, yavuze ko ibyo atari ibintu yagakwiye kumenya, kubera ko mu idini ryabo ntago ariwe ushinzwe kureba no kugenzura ibyo byangombwa.
Abajijwe ku byo gutandukana kwa Munezero Aline na Sentore Lionel, yagize ati: 'Iyi si yuzuyemo ibigoryi byinshi, rero icyo ntagitangaza kirimo kuko hari n'abo nigeze gusezeranya barataha kimisagara, ariko njya gukiza urubanza rwabo bataranagera mu rugo batandukana ubwo.'
Pastor Rutayisire yakomeje no kubivugwa ko Bijoux agiye gukora ubukwe bwa kabiri, Rutayisire yasubije ko nibyo nabyo nta gitangaza kirimo.
-
Nyagatare: Batangiye kubaka imihanda icyenda izanyura mu bice bitandukanye by’umujyi #Rwanda #RwOT via @kigalitoday #rwanda #RwOT
Mu Karere ka Nyagatare tariki ya 19 Nyakanga 2022, hatangijwe iyubakwa ry’imihanda ya kaburimbo mu mujyi wa Nyagatare ireshya n’ibirometero hafi birindwi ku (…)