Blog

Inkuru y'urupfu rw'uyu mugore yamenyekanye ubwo ubwo abaturanyi be babonaga yatinze kubyuka bamukomangira ntakingure, bakwinjira bagasanga yapfuye bagakeka umugabo babanaga.

Impamvu uyu mugabo akekwa ni uko aba bombi bari bagiranye amakimbirane mu ijoro ryari ryabanjirije umunsi nyakwigendera yitabye Imana, aho bivugwa ko bapfaga amafaranga ibihumbi 12 Frw uyu mugore yari abikiye uyu mugabo.

Muri ayo makimbirane, ngo uyu mugabo yaje guhiga ko namufata 'aza kumukata ijosi,' byongeye kandi akaba yahise abura nyuma y'uko urupfu rw'uyu mugore rumenyekanye.

Umunyamabanga Nshingwabikorwa w'Umurenge wa Bugeshi wo mu Karere ka Rubavu, ari nawo byabereyemo, Rwibasira Jean Bosco, yemeje aya makuru, avuga ko ukekwa akirimo gushakishwa.

Ati 'Abaturage babonye atarakingura bajya kumukomangira basanga yapfuye, natwe twahise tumenyesha izindi nzego ku buryo kuri ubu RIB irimo gukora iperereza kugira ngo ibashe gutanga amakuru y'impamo kuri uru rupfu.'

Rwibasira akomeza asaba abaturage kurushaho kubana mu bwumvikane nta makimbirane, kuko urugo yagezemo nta terambere riharangwa.

Umurambo wa Nyakwigendera wajyanywe ku bitaro bya Gisenyi kugira ngo ubanze ukorerwe isuzumwa mbere y'uko ushyingurwa, mu gihe ukekwaho kwica nyakwigendera yatorotse akaba akirimo gushakishwa.

Abaturage bakomanze ku rugo rw’umugore basanga yapfuye nyuma y’uko umugabo babanaga ahigiye kumwica bapfa ibihumbi 12 Frw

Iyi mikino yatangiye kuwa Gatandatu tariki 23 Nyakanga igasozwa ku Cyumweru, yitabiriwe n’abakinnyi basaga 170 baturutse mu bihugu 4 aribyo; u Rwanda, u Burundi, Uganda ndetse na Kenya.

Aba bakinnyi bari bagabanije mu byiciro bitandukanye, ahari; abagabo n’abagore bakuze, abatarengeje imyaka 18 mu bahungu n’abakobwa, abahoze bakina (Veterans), abafite ubumuga (Para-Table Tennis) ndetse n’abana batarengeje imyaka 12.

Abanya-Uganda bihariye ibikombe n’imidari ya zahabu, aho bayegukanye mu bindi byiciro byose uretse mu cyiciro cy’abafite ubumuga gusa, aho igikombe cyegukanywe n’umunyarwandakazi mu cyiciro cy’abagore naho mu bagabo hagatsinda Badru wavuye i Burundi.

Mu cyiciro cy’abahungu batarengeje imyaka 18, igikombe cyegukanywe na Napooki Philippe ahigitse ku mukino wa nyuma Musyoki Boniface bombi bakomoka muri Uganda, mu gihe umwanya wa gatatu wafashwe na Asifiwe Patience.

Mu bakobwa batarengeje imyaka 18, igikombe cyegukanywe na Shanita wo muri Uganda atsindiye Kelia ku mukino wa nyuma, mu gihe umwanya wa gatatu wegukanywe na Uwikunda Rosine.

Abana bato bahawe umwanya

Mu byiciro by’abafite ubumuga, ibikombe byegukanwe na Josiane mu bagore na Badru mu cyiciro cy’abagabo, naho mu cyiciro cy’abahoze bakina (Veterans) ho igikombe cyegukanwa na Ssentongo Ivan wo muri Uganda.

Mu cyiciro cy’abagore bakuze, Amina wo muri Uganda yegukanye igikombe atsinze ku mukino wa nyuma umunyarwandakazi, Tumukunde Hervine waherukaga kwegukana igikombe cy’imikino yo Kwibuka Jenoside yakorewe abatutsi mu 1994, nayo yakiniwe muri STECOL muri Kamena.

Tumukunde Hervine waniteguraga ikizamini cya Leta gisoza amashuri yisumbuye, yavuze ko kudatwara ibikombe ku banyarwanda byatewe n’uko batagize imyiteguro ikarishye ugereranije n’abanya-Uganda begukanye ibikombe hafi ya byose.

Tumukunde Hervine

Mu cyiciro cy’abagabo, igikombe cyegukanywe n’umugande Mbabazi Samuel worohewe no gutsinda Amaseti 4-1, ku mukino wa nyuma yahuyemo na Masengesho Patrick waherukaga kwegukana igikombe cy’imikino yo Kwibuka Jenoside yakorewe abatutsi mu 1994.

Aganira n’abanyamakuru, Mbabazi Samuel watunguye benshi mu bitabiriye imikino yagize ati “Nshimishijwe cyane no gutsinda uyu munsi, kuko ntabwo nabiteganyaga ariko byabaye kubera Imana.”

Yashimiye Ishyirahamwe rya Tennis ikinirwa ku meza mu Rwanda kubera ko irushanwa ryari riteguye, kandi abanyamahanga bahawe umwanya bakakirirwa neza bigatuma bakina nk’abari iwabo.

Avuga ku mpamvu yahisemo gukina mu cyiciro cy’abakuze kandi afite imyaka 14 gusa, Mbabazi yagize ati “Nashakaga kongera ubunararibonye, nkunda gukina mu byiciro byose ariko cyane cyane mu bakuze kuko niho niga biruseho.”

Mbabazi Sam yambikwa umudari

Mu byiciro by’abakuze, uwegukanye igikombe yahembwe 100.000 FRW, uwa kabiri ahembwa 80.000 naho mu byiciro by’abatarengeje imyaka 18, abahoze bakina (Veterans) n’abafite ubumuga, ho uwa mbere yahawe 80.000FRW uwa kabiri ahabwa 60.000FRW mu gihe mu batarengeje imyaka 12, uwa mbere yahembwe 40.000FRW, uwa kabiri agahembwa 30.000FRW.

Birungi Johnson uyobora Ishyirahamwe rya Table Tennis mu Rwanda, yabwiye itangazamakuru ko iri rushanwa ryagenze neza mu gihe ari ubwa mbere hari hatumiwe abakinnyi bo hanze y’ u Rwanda ndetse bishimira ko uyu mukino ukomeje kuzamura urwego.

Bwana Birungi yavuze ko RTTF yishimiye ko abanyarwanda babashije kwegukana imidari y’ifeza myinshi, aho ari ikimenyetso cy’uko abanyarwanda bakomeje kuzamura urwego rubabashisha guhangana n’abakinnyi bo hanze.

Birungi Johnson yakozeho imyitozo

Iri rushanwa ryakinwaga ku nshuro ya gatatu, ryatwaye asaga Miliyoni 10 z’amafaranga y’ u Rwanda, aho ryateguwe n’ishyirahamwe ry’umukino wa Table Tennis mu Rwanda (RTTF) rigaterwa inkunga na Ambasade y’Abashinwa, nk’uko n’ubundi byakozwe ku nshuro ebyiri zabanje muri 2018 na 2019.

Mu myaka ibiri iheruka, ya 2020 na 2021, irushanwa rya Chinese Ambassadors Cuo ntabwo ryakinwaga, ahanini bitewe n’uko icyorezo cya COVID-19 cyatumaga imikino imwe n’imwe ya Siporo zitandukanye itabaho.

Masengesho Patrick watsindiwe kuri Final

Umutoza, Muyango ashima Imana kubw’intsinzi y’umukinnyi we

Abatsinze mu bagabo bakuze

Birungi uyobora RTTF yahawe impano y’ishimwe Ambasaderi w’ u Bushinwa mu Rwanda

Ibi birori byitabiriwe n’abanyacyubahiro batandukanye barimo; Jonathan Ortlip uyobora Ambassadors Football ku isi, Rev Ndayisega Isaie umushumba mukuru w’itorero ADEPR mu Rwanda, Nizeyimana Olivier uyobora ishyirahamwe ry’umupira w’amaguru mu Rwanda n’abandi.

Hari hateraniye kandi abakinnyi n’abatoza bavuye mu ntara zitandukanye bagiye kumara iminsi itatu mu mwiherero, uzasozwa n’imikino ya nyuma izabera kuri Stade ya Kigali i Nyamirambo ku mugoroba wo ku ya 28 Nyakanya 2022.

ADEPR rimwe mu matorero afite abakirisitu benshi mu Rwanda, rikomeje guteza imbere umupira w’amaguru mu bato binyuze muri iri rushanwa bategura ku bufatanye na Ambasadors Football International, abahize abandi bagashyirwa muri ‘Academy’ bakanishyurirwa amashuri.

Irushanwa rya ‘Ambassadors' Football Provincial Tournament’ rikinwa mu ntara zose z’igihugu n’abana batarengeje imyaka 13 mu bahungu n’abakobwa, buri ntara igararirwa n’amakipe yitwaye neza akajya mu mwiherero n’imikino ya nyuma ari nayo gahunda yatangijwe.

Mu mwiherero w’iminsi itatu, usoza irushanwa abahungu n’abakobwa bigishwa ijambo ry’Imana, bagasenga ndetse bagakina umupira amakipe akuranwamo kugeza habonetse itwara igikombe.

Abakinnyi bitwara neza kurusha abandi bashyirwa hamwe muri ‘Academy’ iri mu kigo cya Ecole Secondaire Sumba mu karere ka Nyamagabe, ari nacyo cyatsindiye kuzahagararira u Rwanda mu marushanwa ya CAF ahuza abanyeshuri bo mu bihugu by’Africa mu cyiciro cy’abatarengeje imyaka 15.

Pasiteri Seneza Jean Paul uyobora ibikorwa by’iri rushanwa ku rwego rw’igihugu, yasobanuye ko rigamije kubwiriza ubutumwa bwiza abana binyuze mu mupira w’amaguru ndetse no guteza imbere abafite impano.

Pasiteri Seneza Jean Paul

Yasobanuye ko kuva ibikorwa bya ADEPR na Ambassadors byatangira mu Rwanda mu myaka itanu ishize, byagize uruhare mu ivugabutumwa no mu guteza imbere uburere nk’aho abana barenga 100 basubijwe mu ishuri, byiyongera ku guteza imbere abakinnyi n’abatoza ba ruhago bahabwa amahugurwa mu bihe bitandukanye.

Rev. Ndayisega Isaie, umushumba mukuru w’itorero ADEPR mu Rwanda yasobanuye ko abana bitabira aya marushanwa batozwa gukina umupira, byiyongera ku ndangagaciro za Gikirisitu ndetse n’ijambo ry’Imana.

Yagize ati ”Izi ngando ziza gusoza urugendo rw’umwaka abakinnyi baba bamaze bahugurwa gukina umupira w’amaguru ku buryo baba abahanga bakanatozwa indangagaciro za gikiristu; Uburere, kwiga neza, gutsinda.. bagatozwa n’ijambo ry’Imana. Nyuma y’izi ngando, ibikorwa bikomereza mu matorero no mu bigo by’amashuri.”

Iri rushanwa riri kuba ku nshuro ya gatatu, ritanga amahirwe angana ku bana bose haba abakobwa n’abahungu cyangwa abasanzwe basengera muri ADEPR, kimwe n’abadasengera muri iri torero.

Rev. Ndayizeye Isaie (Iburyo) akina na Jon Ortlip uyobora Ambassadors Football

Abakinnyi bigishwa ijambo ry’Imana

Basoma ibitabo

Abanyezamu batozwa gufata umupira

Umwe mu batoza 150 bahuguwe

Abayobozi beretse abana ko nabo bawukinnyeho

Nizeyimana Olivier uyobora FERWAFA agerageza gucenga Jon Ortlip

Abayobozi, abatoza n’abakinnyi bahuje ibyishimo

AMAFOTO: SANGWA Julien

Amazina yiswe n'ababyeyi ni Dusenge Clenia, gusa benshi bamuzi nka Madederi nk'izina akoresha muri filime y'uruhererekane ya Papa Sava ndetse na Ikirezi nk'izina akoresha muri filime y'uruhererekane ya Indoto ica kuri Televiziyo Rwanda.

Uyu mukobwa wihebeye umwuga wa Cinema, atuye ku Kicukiro- Gatenga mu Mujyi wa Kigali. Ni umwana wa 3 mu muryango w'Abana 6; abahungu 4 n'abakobwa 2. Yavukiye i Kigali mu Karere ka Gasabo, Umurenge Rusororo. Mu mashuri yisumbuye yize Indimi n'Ubuvanganzo, Kaminuza ari kwiga ibijyanye n'ubukerarugendo (TTM: Travel and Tourism Management).

'Umwuga wa Cinema nawutangiye mu 2019 mu kwezi kwa 7, ni bwo navuga ko ari bwo nawutangiye kuko mbere nabikoraga ntabiha umwanya kubera akazi nari mfite'. Dusenge Clenia aganira na inyaRwanda.com ku rugendo rwe muri Cinema.

Yakomeje avuga impamvu nyamukuru yatumye yinjira muri uyu mwuga, ati 'Icyatumye nywinjiramo [umwuga] ni uko nawukundaga kuva nkiri umwana, numvaga mbikunze ariko ntafite inzira nanyuramo ngo mbikore kuko nta muntu twari tuziranye'.

Clenia ari mu bahiriwe n’uruganda rwa Cinema

Yahishuye ko yamaze imyaka 3 asaba Niyitegeka Gratien (Papa Sava/Seburikoko) kumushyira muri filime ye ya Papa Sava cyangwa se akamushyira muri Seburikoko, undi akamubwira ko azamubwira nihabonekamo umwanya. Birashoboka ko yabyibagirwaga cyangwa agashidikanya ku mpano ye cyangwa wenda hakaba hari indi mpamvu utapfa kumenya kuko ubanza bitashoboka ko hashira imyaka itatu nta mwanya (Role) mushya uraboneka muri filime!!!.

Dusenge yahishuriye inyaRwanda.com urugendo yanyuzemo ngo agere aho ageze ubu muri Cinema, ati 'Nyuma ngirirwa umugisha wo kumenyana n'umuntu wakinaga muri Seburikoko witwa Billy wakinaga yitwa Munyaneza yari inshuti yanjye, ampuza na Gratien [Seburikoko], Gratien tumara imyaka 3 tuvugana musaba gukina muri Papa Sava cyangwa Seburikoko ambwira ko nabona harimo umwanya azambwira. Ntegereza imyaka itatu'.

Kera kabaye Dusenge [Madederi] yaje gukabya inzozi ze atangira gukina muri Papa Sava bigizweho uruhare na nyiri iyi filime Niyitegeka Gratien. Papa Sava iri muri filime zikunzwe cyane mu Rwanda, Madederi yayubatsemo amateka akomeye ndetse magingo aya ni umwe mu bakinnyi b'imena b'iyi filime. Akina muri iyi filime ari umukobwa wihagazeho cyane kandi ugira amahane menshi.

Madederi yavuze ko byamutwaye imyaka 3 kugira ngo Niyitegeka Gratien amushyire muri Papa Sava

Kugeza ubu uyu munyarwandakazi amaze gukina muri filme zirenga 5 'ariko izo namenyekanyemo muri zo ni Papa Sava, Indoto, Inzozi na Ejo si kera'. Yavuze ko muri izi zose, akunda cyane Filime yitwa Papa Sava akinamo yitwa Madederi. Ati 'Iyo nkunda cyane ni Papa Sava kuko yanyandikiye izina, muri macye navuga ko yampinduriye ubuzima igatuma ngera ku nzozi zanjye mu ruhando rwa Cinema'.

Avuga ko abariyemo na filime Ngufi (Short films) amaze gukinamo, zose hamwe zirarenga eshanu (5). Ati 'Zirenga 5 harimo na Short films, hari iyo nakinnyemo y'umugabo witwa Kivu Ruhorahoza ufite izina rikomeye muri Cinema ku rwego rw'isi, izo mu ma festivals, iza Mutiganda wa Nkunda, iya Joel Karekezi afatanije n'uwitwa John Kwezi yitwa 'Umugani'. Short film zo ni nyinshi'.

Nubwo ari umukinnyi wa filime, nawe ni umufana wazo w’akadasohoka, akaba akunda cyane Filime y'Abanya Philippines yitwa 'Wild Flower'. Ati 'Nakunzemo umukinnyi witwa IVy Aguas na Emilia nakunze ukuntu bakinaga kandi bagakinana ubuhanga'. Gukina muri filime z'abandi byamufunguriye amarembo, bikuza impano ye, bituma nawe agambirira gukora filime ye bwite, gusa ntiyavuze igihe azayisohorera. Ati 'Ndabiteganya gukora filime'.

Gukina ari umukobwa wo mu cyaro kandi yaravukiye i Kigali akanahakurira!

Abakinnyi b'abahanga muri sinema baba bifitemo ubushobozi bwo gukina 'Role' zitandukanye yaba izihuye n'ubuzima barimo cyangwa izihabanye nabwo nk'uko bimeze kuri Dusenge Clenia. Muri Filime Indoto, akinamo yitwa Ikirezi umukobwa wahoze akundana n'umusore witwa Muhire umukinnyi w'imena w'iyi filime, ariko bakaza gutandukana. 

Gutandukana kwabo byagizwemo uruhare n’umugabo ukina ari umukire witwa Gasana wari umukoresha wa Muhire. Uyu Gasana yaje gukunda cyane Ikirezi waje gusura umukozi we Muhire, ahita amubenguka ndetse atangira kumutereta mu ibanga. Muhire yaje kubivumbura ahita akeka ko bashobora kuba banaryamana, afata umwanzuro wo gutandukana na Ikirezi. Ni nyuma y’uko urukundo rwabo rwatangiriye mu cyaro mbere y’uko Muhire ajya kuba i Kigali.

Avuga ku bijyanye no gukina ari umukobwa wo mu cyaro, kandi ari kavukire wa Kigali, Dusenge Clenia yagize ati 'Yego nkina ndi EX wa Muhire. Gukina ndi umukobwa wo mu cyaro ntabwo byangoye kuko mvuze ko byangoye ubwo n'izindi 'Role' zose nkina zaba zingora kuko zose n'ubundi ntabwo ziba zisa n'uko wowe umeze mu buzima busanzwe. Iyo wamaze gusoma 'Script' ukayumva, uhita umenya uko uri bubikine wiyambitse isura y'uwo mu character bashaka'.

Yakundanye bikomeye na Muhire,…ni urukundo rwo muri Filime

Hari igihe abantu bakinana muri Filime ari 'Couple' bikarangira binjiye mu rukundo rwa nyarwo, gusa Ikirezi yavuze ko bitashobora kuri we na Muhire kuko ngo batanganya imyaka. Hano yumvikanisha ko Muhire ari umwana. Si ibyo gusa, ahubwo ngo no mu byiyumviro byabo, ntabwo byashoboka.

Uyu mukobwa ariko ntiyerura niba yaba ari mu rukundo kuko abica ku ruhando akavuga ko 'ntawamenya', ati '(Hhhhah, ntawumenya icyo iminsi ihaka sinabihakana kandi sinanabyemeza. Gusa kugeza ubu Muhire ntabwo twakundana kuko Muhire ndamuruta. Ikindi ni uko uburyo tubanyemo, tubana nk'abavandimwe kandi mu byiyumviro byacu twumva tutakundana'.

Byaketswe ko Dusenge yaba akundana na Israel Mbonyi!

Mu minsi ishize ubwo Israel Mbonyi yari yagize isabukuru y'amavuko, Dusenge Clenia yafashe ifoto bari kumwe, ayishyira ku rukuta rwe rwa Instagram amwifuriza isabukuru y'amavuko anasaba abakunzi be kumubwira indirimbo ze bakunda. Bamwe baketse ko bashobora kuba bakundana. Yabajijwe n’umunyamakuru niba yaba akundana na Israel Mbonyi, adutangariza ukuri kose n'uko bahuye kugira ngo bifotoze.

Yagize ati: 'Twahuriye mu bukwe bw'umuvandimwe we, aransuhuza ambwira ko akurikirana ibikorwa byacu muri Papa Sava, bihuza n'uko nanjye ndi umufana we cyane. Mukunda nk'umuhanzi mfana kandi ugira ibihangano binyubaka'.

Madederi aratangaje mu muziki! Ngo akunda indirimbo uyu munsi, ariko ejo akaba yayivuyeho yigiriye ku yindi. Ati 'Njyewe nkunda indirimbo bitewe n'uburyo yandyoheye. Uyu munsi nshobora kuba nkunda indirimbo ya Bruce Melodie, ejo nkakunda iya Kenny Sol, ejo nkakunda iya Nel Ngabo cyangwa Butera. Abahanzi nkunda bo ni benshi, guhitamo 3 gusa byangora'.

Uko Madederi yinjiye mu bushabitsi n'inama aha urubyiruko ku bijyanye no kwihangira umurimo

Uretse kuba Cinema imutunze, yanamufunguye ubwonko atangira gutekereza imishinga migari yamufasha we ubwe ndetse na sosiyete nyarwanda. Ubu yatangije kompanyi y'ubwubatsi itanga serivisi zitandukanye nk'uko agiye kubisobanura akanatubwira ayo yakomoye igitekerezo cy'ubu bucuruzi, umuntu yavuga ko ari intambwe nziza ku mwana w'umukobwa.

Ati 'Yego ninjiye muri Business. Business ni iyanjye ku giti cyane ntawe mpagarariye nta n'uwo dufatanije. Igitekerezo cyaje ubwo nakoraga muri kompanyi y'ubwubatsi yitwa Art Sec, iyo kompanyi natangiye kuyikoramo mu 2013- nyivamo mu 2016'.

'Mu bikorwa nari mpagarariye ni byo birimo ibyatumye mbikunda mbishyiraho n'umutima wo kugira ngo menye bikorwa bite, bigenda bite? Ndabikunda, [nkahora] nifuza kubikora, niyo mpamvu uyu munsi nafunguye kompanyi kugira ngo izo serivisi nzitange. Ushobora kwibaza uti 'ese ko atari byo wize uzabikora ute utarabyize'?'.

Dusenge Clenia uri kuminuza mu bukerarugendo, ariko akaba yihangiye akazi mu bijyanye n’ubwubatsi, yahamije ko ubucuruzi yinjiyemo buzamworohera cyane kuko afite umuvandimwe wabiminujemo. Aragira ati: 'Nabikozemo imyaka myinshi kandi mbikurikirana cyane. Mfite musaza wanjye ni byo yize mu mashuri yisumbuye na kaminuza, tuzakorana, ni Engineer asanzwe abikora'

Arakomeza ati 'Umuntu ashobora gushinga Resitora atazi guteka ariko afite abatetsi beza kandi b'abahanga, Resitora yawe ikaba iya mbere mu ziteka neza muri uwo Mujyi. Serivisi dutanga, tubumba Pave tukanazubaka, Block cement, Bordile, Vase, tukubaka na Kaburimbo'.

Yabigezeho ate nk'umukobwa ukiri muto?

Mu gusubiza iki kibazo yagize ati 'Uko nabigezeho nk'urubyiruko: Narabikunze maze kubikunda ngira igitekerezo nkisangiza abandi babikora cyangwa se bafite ubumenyi burenze haba kuri business ndetse no ku bwubatsi muri rusange. Niga umushinga n'uburyo bwo kuwushyira mu bikorwa, ubu uyu munsi umushinga nawutangiye'.

Avuga ku nyungu uyu mushinga ufite ku muryango mugari, yagize ati: 'Ni umushinga umfitiye akamaro ariko kandi n'abantu bose muri rusange kuko izo serivisi zikenerwa n'abantu. Ikindi ni umushinga uzatanga akazi ku bantu batari bake bikabafasha gukemura ibibazo bimwe na bimwe'.

Madederi yagiriye inama urubyiruko n’abandi banyuranye bagira ubwoba bwo guhanga akazi, abasaba kwirinda kwitinya, ati 'Inama naha abandi ni uko bareka kwitinya, niba ufite ikintu kirwanira muri wowe ukazirwanirira ntucike intege mpaka ubigezeho, kandi ukagerageza kwegera abantu bakaguha ibitekerezo'.

Uyu mukobwa avuga ko kuva avutse kugeza uyu munsi 'Nta kintu nicuza kuko mu bintu naba narakoze icyo gihe byamviriyemo amasomo yamfashije kugeza uyu munsi. Kuko icyo nakwita ikosa njye cyamviriyemo isomo kandi rimfasha kudasubira inyuma ndetse no gukora cyane. Ntacyo nicuza'.

Mu gusoza ikiganiro twagiranye, Madederi cyangwa Ikirezi uko wamwita kose, yadutangarije inzozi afite muri Sinema. Ati: 'Nifuza kugera ku rwego rwo kwifuzwa ahakomeye muri Career yanjye kandi nkaba na Producer ushobora gukora Product ikenewe ku ruhando mpuzamahanga. Ikindi, ibikorwa byanjye bikaba ibikorwa byo guhindura no kubaka sosiyete muri rusange ndetse bikagirira n'igihugu cyanjye akamaro'.

Clenia afite inzozi zo kuzakora Filime iri ku rwego mpuzamahanga

Mu 2019 ni bwo yinjiye mu gukina Filime

Ari kuminuza mu bijyanye n’ubukerarugendo

Abakurikira ‘Papa Sava’ bazi Madederi nk’umukobwa ugira amahane menshi

Ku myaka ye ikiri micye yamaze kuba rwiyemezamirimo mu bijyanye n’ubwubatsi

Ari mu bateye urwenya kuri Ngenzi ati “Ngenzi, umusore wubatse ibitaro mbere y’uko avuka!,..”

Ngo byamugora kuvuga umuhanzi umwe akunda cyane

Ni umufana ukomeye w’ikipe ya Liverpool yo mu Bwongereza

Dusenge yinjiye muri ba rwiyemezamirimo bakiri bato

Ari mu bakinnyi ba Sinema bambara bakaberwa cyane

Ikirezi na Muhire bakanyujijeho muri Filime Indoto nk’abakundana

Ikirezi hamwe n’umukire Gasana bakinana muri Indoto ari nawe watumye atandukana na Muhire

Dusenge Clenia hamwe na Bamenya kizigenza muri Sinema

Dusenge hamwe na Manager w’abahanzi banyuranye Bwana Alex Muyoboke

Warner yitabye Imana ku cyumweru aguye kuri Denville Hall, inzu yita kubyamamare, azize indwara ya kanseri. Umuryango w’abakinnyi ba firime niwo wemeje aya makuru, mu itangazo batanze rigira riti:

“Azakumburwa cyane natwe nk’umuryango we n’inshuti ze, kandi azibukwa nk’umuntu w’umutima mwiza, ugira ubuntu n’impuhwe, umufatanyabikorwa, umubyeyi, umufasha, n’umunyamurage w’umurimo udasanzwe yakoze ku buzima bwa benshi mu myaka yashize. Dufite umutima umenetse”.

David Warner yitabye Imana

Warner yavukiye i Manchester mu Bwongereza muri Nyakanga 1941, yiga mu ishuri rikomeye ryigisha ibyo gukina ikinamico mu Bwongereza ryitwa Royal Academy of Dramatic Art, maze atangira kwamamara kubera uruhare rukomeye yagize akinana na Vanessa Redgrave muri firime yo mu Bwongereza ya Morgan.  

Firime yamenyekanyemo harimo nka The Omen yakinnye ari umunyamakuru wiruka inyuma ya satani, mu buryo butazibagirana acibwa umutwe n’ikirahure. Yakinnye nanone muri Tron (1982), Time Bandits (1981), The French Lieutenant’s wife (1983) n’ibiganiro byo kuri tereviziyo birimo Penny Dreadful, Ripper Street Doctor Who na Twin Peaks.

Muzo aherukamo yari Disney’s 2018 yitwa Mary Poppins Returns, ndetse yagaragaye mu bikorwa byinshi bya Star Trek. Warner asize umugore we Lisa Bowerman, umuhungu we Luke, umukazana we Sarah, n’umugore we wa mbere Harriet.

Source: The guardian

Mu ijoro ryo kuwa 23 rishyira kuwa 24 Nyakanga, nibwo Biramahire wakiniraga AS Kigali yafashe rutemikirere yerekeza mu gihugu cya Oman ku mugabane w’Aziya, aho agiye gukomereza umwuga wo guconga ruhago.

Kagame Vanessa umaze igihe akundana na Biramahire, yashyize amafoto ku rubuga rwa Twitter bari kumwe n’umwana wabo w’imfura, yifuriza umukunzi we urugendo ruhire.

Vanessa yagize ati “Urugendo ruhire rukundo rwanjye, sinibona mu buzima utarimo.” Mu gusubiza, Biramahire yagize ati “Urakoze rukundo rwanjye.”

Ubutumwa bwa Vanessa

Mu gitondo cyo kuri uyu wa mbere, Biramahire na we yashyize kuri Instagram amafoto amugaragaza ku kibuga cy’indege aherekejwe n’umukunzi we ndetse n’imfura yabo.

Mu magambo yaherekeje ifoto, Abeddy yanditse agira ati “Urukundo nyarwo rurizana kandi rugakura mu bihe byose. Muri byose mu buzima bwanjye, nzabakumbura.”

Ubutumwa bwa Abeddy

Hagati mu mwaka wa 2021, nibwo inkuru y’urukundo rwa Biramahire Abeddy yatangiye kumenyekana ahanini kubera amafoto yashyirwaga ku mbuga nkoranyambaga, nyuma y’igihe cyari gishize Abeddy atandukanye n’umunyamakurukazi, Umutoni Josiane.

Mu mpera za 2021, Biramahire na Kagame Vanessa bibarutse umwana w’imfura bamwita Biramahire Ayman Janis, ari na we ugaragara hamwe nabo muri aya mafoto.

Abeddy ateruye Ayman

Biramahire usatira aca ku mpande yabonye ikipe nshya hanze y’ u Rwanda, nyuma y’imyaka ibiri yari ishize avuye muri Zambia, aho yakiniye Buildcon FC mu mwaka w’imikino wa 2019-2020.

Uretse AS Kigali na Buildcon FC, Biramahire w’imyaka 23 y’amavuko yanyuze mu makipe ya Bugesera FC, Police FC, Mukura VS&L na CS Sfaxien yo muri Tunisia. Ikipe agiye gukomerezamo muri Oman ntarayitangaza.

Biramahire Abeddy

Impano y'iminsi 15 ubu niyo yiganje muri CANAL+ aho ushobora kureba amashene yose, uhereye ku bakiriya bagura ifatabuguzi ry'ibihumbi 5,000FRW. Ni poromosiyo CANAL+ yashyizeho mu gihe ikomeje ibirori byo kwizihiza isabukuru yayo y'imyaka 30 ikorera ku mugabane w'Africa, ikaba imyaka 12 ikorera ku butaka bw'u Rwanda.

Mu rwego rwo gufasha abakiriya bayo kunogerwa n'ibyiza bitambuka ku mashene aboneka kuri Dekoderi ya CANAL+, ubu ku ifatabuguzi ryose umukiriya aguze ahita abona iminsi 15 yo kureba amashene yose ya CANAL+. By'umwihariko Canal+ yashyizeho iyi poromosiyo kugira ngo ifashe abakunzi b'umupira muri rusange, cyane cyane abagura ifatabuguzi rya 'Ikaze' kugira amahirwe yo kureba imikino igiye gutangira, ku giciro cyo hasi.

Iyi poromosiyo yatangiye tariki ya mbere Nyakanga ikaba izarangira tariki 31 Nyakanya 2022. Umukiriya wa CANAL+ wifuza kugura ifatabuguzi, ashobora gukoresha MTN Mobile Money aho akanda *182*3*1*4#, Airtel Money *500*4*3*2*4#, Ecobank Mobile App, cyangwa akanyura ku mucuruzi wemewe cyangwa iduka rya CANAL+ rimwegereye.