Webrwanda Backend

Blog

  • Imyitwarire y’abakinnyi bashya b’abanyamahanga mu maso y’umutoza wa Rayon Sports, ikibura ngo Moussa Camara atangire gukina #rwanda #RwOT

    Umutoza wa Rayon Sports, Haringingo Francis avuga ko atagize umwanya uhagije wo gukorana n’abakinnyi bashya b’abanyamahanga kuko baje shampiyona igiye gutangira ariko akaba abona barimo kugenda bamera neza umunsi ku munsi nk’uko abyifuza.

    Rayon Sports yitegura umwaka w’imikino wa 2022-23 yongeyemo abakinnyi batandukanye yaba abanyamahanga ndetse n’abanyarwanda, gusa abakinnyi benshi b’abanyamahanga baje ku munota wa nyuma.

    Mu bakinnyi b’abanyamahanga baje harimo umunya-Nigeria wari usanzwe ukinira Bugesera FC, Rafael Osalue, umurundi Mbirizi Eric, umunyatanzaniya w’umunyezamu Ramadhan Kabwili, umunya-Kenya Paul Were ndetse n’abakinnyi 2 bakomoka muri Mali, Boubacar Traore ndetse na Moussa Camara wanyuze muri iyi kipe 2016-17 we akaba yaraje nyuma y’abandi bose.

    Aba bakinnyi bose ubona batarahuza neza na bagenzi ba bo basanze mu Rwanda uretse Mbirizi Eric na Rafael Osalue bagaragaza kuba bari hejuru y’abandi.

    Umutoza Haringingo Francis avuga ko yagize ikibazo cy’uko atabonye umwanya uhagije wo kwitegurana n’aba bakinnyi ariko na none bakaba barimo bagenda bitwara neza bajya ku rwego abifuzaho.

    Ati 'twagize ikibazo navuga ko shampiyona yatangiye mbere ntabwo twiteguye neza, n’aba bakinnyi bagiye baza turi mu mikino ugasanga ntabwo bari hejuru ariko muri rusange barimo kugenda babizamo neza kuko urebye uko Paul Were yaje n’uko ameze ubu hari ikintu kiyongereye, ukareba Rafael, ukareba Mbirizi ukareba uburyo bose barimo kugenda bitwara, muri rusange barimo kugenda baza natwe turimo kugeragaza kubashyira mu buryo bwiza kugira ngo bashobore kuduha umusaruro ukwiye.'

    Agaruka ku mpamvu abakunzi ba Rayon Sports batarimo kubona Moussa Camara, yavuze ko atari guhita amukinisha atarareba urwego rw’imyitozo afite, gusa ngo mu mikino iri imbere bazamubona.

    Ati 'Kuri Moussa Camara na we nyine ndimo ndareba nta myitozo myinshi yakoze kumushyira mu mikino ntazi uko ahagaze neza nibaza ko ari yo mpamvu mutabona ariko arimo arakora imyitozo nibaza ko mu mikino iri imbere mushobora kumubona.'

    Haringingo Francis kandi yavuze ko ubu bamaze kuva ku isoko abakinnyi afite bahagije kandi yizeye ko bazamuha umusaruro yifuza, n’aho ibindi ngo ni ugutegereza isoko rikongera gufungurwa ariko muri rusange abakinnyi yifuzaga yarababonye.

    Rafael Osalue wavuye muri Bugesera FC

    Mbirizi Eric yagarageje ko urwego rwe ruri hejuru

    Paul Were ni umwe mu bakinnyi bataremeza neza abakunzi ba Rayon Sports

    Nyuma y’uko agarutse, Moussa Camara ntabwo ariyereka abakunzi ba Rayon Sports

    Source : http://isimbi.rw/siporo/article/imyitwarire-y-abakinnyi-bashya-b-abanyamahanga-mu-maso-y-umutoza-wa-rayon-sports-ikibura-ngo-moussa-camara-atangire-gukina

  • Nyuma yo kurekurwa, Bruce Melodie yataramiye Abarundi #Rwanda #RwOT via @kigalitoday #rwanda #RwOT

    Cyari igitaramo gitegerejwe n’abiganjemo Abarundi bari muri Zion Beach aho iki gitaramo cyabereye, dore ko bamwe bari bakomeje gusaba ko arekurwa maze akaza (…)

    Source : https://www.kigalitoday.com/imyidagaduro/ibirori/article/nyuma-yo-kurekurwa-bruce-melodie-yataramiye-abarundi

  • APR FC na AS Kigali zasubikiwe imikino ibiri ya shampiyona #rwanda #RwOT

    Ishyirahamwe ry’umupira w’amaguru mu Rwanda 'FERWAFA’ ryamaze kumenyesha APR FC na AS Kigali ko imikino ya zo y’umunsi wa 2 n’uwa 3 wa shampiyona ya 2022-23 yasubitswe bitewe n’imikino mpuzamahanga zifite.

    Aya makipe yombi azahagararira u Rwanda mu mikino Nyafurika, yamaze gusubikirwa iyi mikino bitewe n’uko amatariki imikino Nyafurika iteguweho yegeranye n’amatariki imikino ya yo ya shampiyona iteganyijweho.

    APR FC izahagararira u Rwanda muri CAF Champions League, mu ijonjora rya mbere izakina na US Monastir yo muri Tunisia tariki ya 10 nzeri 2022 i Kigali ni mu gihe umukino wo kwishyura uteganyijwe tariki ya 18 Nzeri muri Tunisia. APR FC ikaba yagombaga gukina na Bugesera FC tariki ya 8 Nzeri ndetse na Police FC tariki ya 13 Nzeri.

    AS Kigali izakina CAF Confederation Cup, tariki ya 10 Nzeri izaba iri Djibouti aho izaba yasuye ASAS Djibouti Telecom ni mu gihe umukino wo kwishyura uzabera mu Rwanda tariki ya 18 Nzeri. Muri shampiyona yari ifite Mukura VS tariki ya 8 Nzeri na Musanze FC tariki ya 14 Nzeri.

    Nk’uko bigaragara mu butumwa bohererejwe n’umunyamabanga wa FERWAFA, Muhire Henry bamenyeshejwe ko bazamenyeshwa amatariki mashya iyi mikino ya bo y’ibirarane izaberaho.

    Imikino ibiri ya shampiyona ya APR FC na AS Kigali yasubitswe

    Source : http://isimbi.rw/siporo/article/apr-fc-na-as-kigali-zasubikiwe-imikino-ibiri-ya-shampiyona

  • Abayobozi 85 bagiye guhatwa ibibazo ku irengero ry’arenga Miliyari 3 Frw #rwanda #RwOT

    PAC izashingira kuri Raporo y’Umugenzuzi Mukuru w’Imari ya Leta ya 2020/2021, aho izabaza abayobozi 85 b’inzego za Leta hamwe na 31 b’imishinga itandukanye, ibijyanye n’ayo mafaranga ashobora kuba yaranyerejwe.

    Iyo raporo igaragaza ko hari amafaranga arenga miliyoni 229 yatanzwe nta nyandiko iyaherekeje, hamwe n’arenga miliyari imwe na miliyoni 243 yaherekejwe n’inyandiko zituzuye.

    Urwego rugenzura imari ya Leta (OAG) rugaragaza ko hari n’amafaranga arenga miliyari imwe na miliyoni 682 yasesaguwe ku bidafite agaciro kajyanye na yo, ndetse n’arenga miliyoni 45 yanyerejwe cyangwa yibwe.

    OAG ikomeza ivuga ko hari ibikorwa bigera ku 1807 bitagezweho mu mwaka wa 2020/2021, hamwe n’ibindi 805 byakozwe ariko ntibirangire, nyamara byari byateganyirijwe ingengo y’imari ariko ikaburirwa irengero.

    OAG ivuga ko muri 2020/2021 hanabayeho idindira ry’imishinga y’iterambere ifite agaciro k’Amafaranga y’u Rwanda akabakaba miliyari 90Frw, kubera gutinda kubahiriza amasezerano Leta igirana n’abashoramari.

    Raporo ya OAG ivuga kandi ko hari Amafaranga y’u Rwanda arenga miliyari 41 inzego za Leta zitishyuye ba rwiyemezamirimo bazigezaho ibicuruzwa bitandukanye.

    Inzego zishinzwe Uburezi, Ubuzima, Imibereho myiza, Ibikorwa remezo, Ubucuruzi hamwe n’Imari, ni zo ahanini zitezweho kujya gusobanura ibijyanye na gahunda za Leta zikomeje kudindira kubera kubura ingengo y’imari, nyamara iba yaratanzwe.

    Icyakora OAG ikavuga ko ibyaha byo kunyereza no gusesagura imari ya Leta birimo kugenda bigabanuka, kuko muri 2021 ayaburiwe irengero yarengaga miliyari eshatu mu gihe muri 2020 habuze arenga miliyari eshanu, muri 2019 na bwo Leta yari yahombye arenga miliyari umunani.

    Source : http://www.ukwezi.rw/1-1/Amakuru-anyuranye/article/Abayobozi-85-bagiye-guhatwa-ibibazo-ku-irengero-ry-arenga-Miliyari-3-Frw

  • Abahanzi barimo Riderman, King James, Rafiki,… basusurukije ibirori byo Kwita Izina #Rwanda #RwOT via @kigalitoday #rwanda #RwOT

    Ku wa Gatanu tariki 02 Nzeri 2022, mu birori byo Kwita Izina abana b’ingagi 20, abahanzi batandukanye, bari bakereye gususurutsa Abanyarwanda ndetse (…)

    Source : https://www.kigalitoday.com/imyidagaduro/ibirori/article/abahanzi-barimo-riderman-king-james-rafiki-basusurukije-ibirori-byo-kwita-izina

  • #COVID19: Abanduye batanu babonetse mu bipimo 4,693 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Gatanu tariki 02 Nzeri 2022 mu Rwanda habonetse abantu batanu banduye Covid-19 bakaba babonetse mu (…)

    Source : https://www.kigalitoday.com/ubuzima/indwara/article/covid19-abanduye-batanu-babonetse-mu-bipimo-4-693

  • Minisitiri w’Intebe Ngirente yasabye abaturiye Pariki gukomeza kubungabunga ibidukikije #Rwanda #RwOT via @kigalitoday #rwanda #RwOT

    Mu muhango wo kwita izina abana b’ingagi 20 wabereye mu Karere ka Musanze mu Ntara y’Amajyaruguru tariki ya 02 Nzeri 2022, Minisitiri w’Intebe Dr Ngirente (…)

    Source : https://www.kigalitoday.com/ubukerarugendo/pariki/article/minisitiri-w-intebe-ngirente-yasabye-abaturiye-pariki-gukomeza-kubungabunga-ibidukikije

  • Bruce Melodie wari ufungiye i Burundi yarekuwe #Rwanda #RwOT via @kigalitoday #rwanda #RwOT

    Umuhanzi Bruce Melodie wari warafatiwe i Burundi n’inzego zaho z’umutekano, amakuru aturukayo aravuga ko yarekuwe, ndetse ibitaramo ahafite kuri uyu wa (…)

    Source : https://www.kigalitoday.com/imyidagaduro/muzika/article/bruce-melodie-wari-ufungiye-i-burundi-yarekuwe

  • Neptune yakoranye indirimbo na Bruce Melodie:… – #rwanda #RwOT

    Mu kiganiro n'itangazamakuru cyabaye kuri uyu wa 02 Nzeri 2022, bavuze ko n'ubwo atari ihangana ry'aba DJ bo muri Nigeria n'abo mu Rwanda ariko abakunzi babo bazitoranyiriza abahize abandi kuko impande ziteguye.

    Mu magambo ye, DJ Pius yagize ati:'Ikingenzi muri iki gitaramo ni ukwerekana abavanzi b'umuziki bashoboye, niba ari abo mu Rwanda cyangwa Nigeria.'

    Dj Neptune uri mu bagezweho muri Africa kandi banarambye muri uyu mwuga amazemo imyaka 21, nawe yagize icyo avuga ku gitaramo no kuba amaze iminsi mu Rwanda ati:'Nibyo koko maze icyumweru kirenga kuko hano hamaze kuba nko mu rugo.'

    Akomeza agira ati:'Ariko na none nari ndi mu Rwanda ubundi nkajya Kampala mu bikorwa bitandukanye, harimo no gufata amashusho y'indirimbo nakoranye n'umuhanzi waho ikindi  hano mpafite imishinga.'

    Asoza yavuze ko yiteguye mu gihe cya vuba gushyira hanze indirimbo yakoranye na Bruce Melodie.

    Uyu mugabo w'inararibonye yabwiye aba DJ bo mu Rwanda ko ibanga ritumye agera kubyo agezeho harimo gukora cyane, gukunda ibyo akora no guhanga udushya ibyo n'abandi bagakwiye kuba aribyo bakora niba bifuza kugera kure.

    Yavuze kandi ko mu Rwanda abahanzi bakora umuziki mwiza, afite icyizere gikomeye ko ibyo bizatuma ugera kure bitari cyera.

    DJ Pius kimwe n'abandi ba DJ bose bakaba bashimye Shooter Lounge yabatekerejeho ikabahuza ndetse kuri Camidoh, asanga byaba byiza iki gitaramo kiba ngaruka mwaka kandi kikazagera no kubandi ba DJ bo mu bindi bihugu ntibibe u Rwanda na Nigeria gusa.

    Mu gusoza kandi yaba abanya Nigeria n'abo mu Rwanda basabye abantu kuzabana nabo, kandi bagakomeza gushyigikira imyidagaduro nyafurika kuko ifite umwihariko wayo.

    Aba Dj bo mu Rwanda na Nigeria biteguriye kuryohereza abantu muri Camp Kigali kuri uyu wa gatandatuCamidoh n’abakobwa bo muri Gorilla Games Kuri uyu wa Gatandatu muri Camp Kigali haraca uwambaye

    Source : https://inyarwanda.com/inkuru/120578/neptune-yakoranye-indirimbo-na-bruce-melodie-aba-dj-bavuze-ko-biteguye-gutaramira-abanyarw-120578.html

  • Bruce Melodie yafunguwe nyuma yo kwitendekwah… – #rwanda #RwOT

    Amakuru meza ari kuvugwa ni uko umuhanzi Bruce Melodie yamaze gufungurwa ndetse ubu akaba amaze gukora Sound Check, ndetse akaba yamaze no kwiyereka itangazamakuru nk'uko umunyamakuru Fatakumavuta bari kumwe muri iki gihugu yabitangaje.

    Abinyujije kuri konti ye ya Instagram, Fatakumavuta yatangaje ifungurwa rya Bruce Melodie riherekejwe n'amafoto maze avuga ibjyanye n'urugendo rwe mbere y'igitaramo ari bukorere mu mujyi wa Bujumbura.

    Yifashishije amashusho ari ku rubyiniro, Fatakumavuta yagize ati''Akimara Gufungurwa @brucemelodie ahise ajya gukora sound check aho igitaramo kiri bubere kuri Zion Beach ndetse no kwiyereka Itangazamakuru. Aciye umugani mu kinyarwanda ko 'ntacyabuza impala gucuranga'.''

    Bruce Melodie yageze i Bujumbura kuwa Gatatu, ku gicamunsi yahise afatwa n'abashinzwe umutekano ahatwa ibibazo ashinjwa 'ubwambuzi bushukana.'

    Bruce Melodie agifungurwa

    Kuri uyu wa Kane ahagana isaa 14h00 ku masaha y'i Bujumbura n'i Kigali, nibwo umuhanzi Bruce Melodie wari ufungiwe mu Burundi yishyuye amafaranga angana na Miliyoni 30 Fbu yishyuzwaga, kugira ngo yidegembye.

    Uyu Toussaint Bankuwiha usanzwe utegura ibitaramo mu Burundi akaba n'umwe mu baherwe bavuga rikijyana muri kiriya gihugu, akimara gucakira Miliyoni 30 yahise asaba iyindi ndishyi ya Miliyoni 30 Fbu.

    Nyuma y'iminota micye, Bruce Melodie yahise afatirwa mu nzira ajya kuri hoteli acumbitsemo, maze asubizwa mu gasho ka Polisi y'u Burundi.

    Bruce Melodie agifungurwa yahise ajya ku rubyiriniro mbere y’igitaramo

    Ahagiye Kubera igitaramo cya Bruce Melodie mu masaha make

    Dj Brianne ku rubyiniro mbere y’igitaramo

    Bruce Melodie Melodie n’umujyanama we Gael ku rubyiniro

    Source : https://inyarwanda.com/inkuru/120576/bruce-melodie-yafunguwe-nyuma-yo-kwitendekwaho-ku-maherere-amafoto-120576.html