Webrwanda Backend

Blog

  • Nyuma y'isezererwa ry'Amavubi amakipe 18 yo yamaze kubona itike ya CHAN2023, Rayon Sports yasoje imikino mpuzamahanga ya gishuti inganya na Singida Bigstars #rwanda #RwOT

    Impera z'icyumweru zisize ikipe y'igihugu y'u Rwanda Amavubi itakaje amahirwe yo gukina imikino ya nyuma y'igikombe cya Afurika ku bakinnyi bakina imbere mu gihugu iwayo, ni nyuma yo gutsindirwa mu rugo na Ethiopie igitego kimwe ku busa.


    Nyuma yo gusezererwa kw'Amavubi, hahise hatangazwa urutonde rw'amakipe yamaze kubona itike yo kuzakina aya marushanwa azabera mu gihugu cya Algeria umwaka utaha wa 2023.

    Amakipe yabonye itike ni:Algeria, Morocco , Libya, Uganda, Ethiopia, Sudan, Madagascar, Mozambique, Angola, Senegal, Mali, Niger, Ghana, Mauritania,Dr Congo, Congo,Cameroon Na Cote D'ivoire.

    Biteganyijwe ko tariki ya mbere Ukwakira 2022 aribwo hazaba tombola y'uko amakipe azahura mu matsinda hitegurwa imikino ya CHAN2023.


    Nyuma yaho ikipe y'igihugu yakinaga uyu mukino, ku rundi ruhande amakipe atandukanye ya hano mu Rwanda yakinaga imikino ya gishuti, kuri Rayon Sports yaraye isoje imikino ya gishuti ikina an Singida Bigstars yo muri Tanzania, ni umukino warnagiye amakipe yombi anganyije 0-0.


    Usibye uyu mukino wakinwe, ku wagatanu kandi Rayon Sports yari yanganyije na URA FC igitego kimwe kuri kimwe, naho Kiyovu SC yo yaraye itsinze Bullf FC yo mu gihugu cya Uganda igitego kimwe ku busa cyatsinzwe na Elissa Ssekisambu.

    The post Nyuma y'isezererwa ry'Amavubi amakipe 18 yo yamaze kubona itike ya CHAN2023, Rayon Sports yasoje imikino mpuzamahanga ya gishuti inganya na Singida Bigstars appeared first on RUSHYASHYA.

    Source : https://rushyashya.net/nyuma-yisezererwa-ryamavubi-amakipe-18-yo-yamaze-kubona-itike-ya-chan2023-rayon-sports-yasoje-imikino-mpuzamahanga-ya-gishuti-inganya-na-singida-bigstars/?utm_source=rss&utm_medium=rss&utm_campaign=nyuma-yisezererwa-ryamavubi-amakipe-18-yo-yamaze-kubona-itike-ya-chan2023-rayon-sports-yasoje-imikino-mpuzamahanga-ya-gishuti-inganya-na-singida-bigstars

  • Musanze : Abayobozi Baje kumwirukana mu nzu basanga hapfiriyemo umuntu #rwanda #RwOT

    Umugore witwa Sibomana Phelomene ucumbitse mu Mudugudu wa Kamutara mu Kagari ka Kivugiza mu Murenge wa Muko, asanzwe avugwaho ingeso mbi zirimo kwicuruza no gusinda.

    Ubuyobozi bw’Inzego z’Ibanze bumaze iminsi busaba uyu muturage gusubira mu Mudugudu yaturutsemo wo mu Kagari ka Mburabuturo gahana imbibi n’aka yaje gucumbikamo.

    Mu gitondo cyo kuri uyu wa Mbere tariki 05 Nzeri 2022, Ubuyobozi bw’Ibanze bwabyutse buza gusaba uyu muturage kubahiriza iki cyemezo cyo kuba yasubira aho yaturutse gusa busanga urugi rw’aho atuye rufunze.

    Umuyobozi w’Umudugudu wa Kamutara, Muhawenimana Marcelline yabwiye RADIOTV10 ko ubwo bageraga ku rugo rucumbitsemo uyu mugore, basanze hafunze, bagahamagara ariko bakabura ubikiriza.

    Yavuze ko byaje kuba ngombwa ko bakoresha imbaraga bagafungura iyi nzu, bagasanga hapfiriyemo umugore witwa Ntirenganya Angelique bivugwa ko yari yaraye acumbikiwe n’uyu muturage uvugwaho ingeso mbi.

    Uyu muyobozi avuga ko bahise bajya gushakisha uyu wari wacumbikiye nyakwigendera, bakaza kumubona avuga ko yari yazindukiye mu kazi mu gihe abaturanyi bavuga ko yari yaramukiye mu nzoga.

    Ubuyobozi buvuga kandi ko uyu muturage atari yabaruje uyu yacumbikiye mu gihe bizwi ko muri aka gace, umuntu wese ujemo adasanzwe ahatuye, umucumbikiye abimenyesha inzego z’ubuyobozi.

    Ubuyobozi bw’inzego z’ibanze bwahise bwiyambaza ubuzikuriye ndetse n’inzego z’iperereza aho Urwego rw’Igihugu rw’Ubugenzacyaha (RIB) rwahise rwihutira kuhagera, rugahita rujyana umubiri wa nyakwigendera mu Bitaro bya Ruhengeri kugira ngo ukorerwe isuzuma rya nyuma.

    Uru Rwego rw’Igihugu rw’Ubugenzacyaha kandi rwahise rutangira gukora iperereza ku cyaba cyahitanye uyu mugore.

    Abaturanyi b’uyu mugore, bavuga ko yaba uyu witabye Imana ndetse n’uwamucumbikiye, bombi basanzwe bazwiho kutirwara neza ndetse ko yari yamucumbikiye nyuma yo gusangira inzoga.

    Source : http://www.ukwezi.rw/1-1/Amakuru-anyuranye/Musanze-Abayobozi-Baje-kumwirukana-mu-nzu-basanga-hapfiriyemo-umuntu

  • Umusaza w’i Nyabihu yasanzwe amanitse mu mugozi ukoze mu nzitiramibu #rwanda #RwOT

    Uwo mugabo w’imyaka 63 y’amavuko yari afite umuryango w’abantu batanu mu Mudugudu wa Twumba mu Kagari ka Marangara.

    Ahagana isaa kumi n’ebyiri z’umugoroba w’iki cyumweru nibwo umwana we yavuye gukura ibijumba asanga Se amanitse mu mugozi ukoze mu nzitiramibu.

    Umugore wa Tulinamungu witwa Mukndutiye Florence yari yagiye gusura bene wabo mu Murenge wa Kintobo.

    Uyu mugore wabanaga na Tulinamungu ni uwa kabiri kuko uwambere yitabye Imana.

    Umunyamabanga Nshingwabikorwa w’Umurenge wa Rugera, Byukusenge Emmanuel yavuze ko uyu musaza batabaye bagasanga yiyambuye ubuzima.

    Nta bibazo byihariye bizwi n’ubuyobozi yaba yari afitanye n’abo mumuryango we cyangwa n’abaturanyi muri rusange.

    Gitifu Byukusenge ati 'Umuntu ni mugari ushobora gusanga afite ibindi bibazo byihariye umuntu aba atari yamenya, inzego zibishinzwe zagiye gukora ibizami (autopsie) bizamenyekana.'

    Nta rwandiko cyangwa ubutumwa bwihariye nyakwigendera yasize nk’ikimenyetso cy’impamvu yamuteye kwiyambura ubuzima.

    Abaturage bo mu Murenge wa Rugera basabwe kujya bagaragaza ibibazo bafite kuko kwiyahura atari umuco nyarwanda.

    Umurambo wa Tulinamungu Juvenal wahise ujyanwa ku bitaro bya Shyira aho wagiye gukorerwa isuzumwa mbere yo gushyingurwa.

    Ivomo:Umuseke

    Source : http://www.ukwezi.rw/1-1/Amakuru-anyuranye/article/Umusaza-w-i-Nyabihu-yasanzwe-amanitse-mu-mugozi-ukoze-mu-nzitiramibu

  • Kigali : Ukekwaho kwica sebuja 'yarashwe agerageza gutoroka' #rwanda #RwOT

    Mu minsi ishize nibwo hasakaye inkuru ivuga ko Sekanabo Valence w’imyaka 32 wari umucuruzi, mu Mudugudu wa Binunga, tariki 17 Kanama, 2022 yasanzwe yapfuye bikekwa ko yishwe n’abagizi ba nabi.

    Nyuma inzego zitandukanye zirimo Urwego rw’Igihugu rw’Ubugenzacyaha zaje guta muri yombi, Ndungutse Wellars, uri mu kigero cy’imyaka 30 akekwaho gukora kiriya cyaha.

    Mu gitondo cyo ku wa Gatandatu tariki ya 3 Nzeri 2022, mu Murenge wa Kinyinya, Akagari ka Murama, mu Mudugudu wa Binunga, nibwo uyu muturage yaje kwerekana uburyo yishemo Sekanabo n’aho bikekwa ko yakoreye icyaha, arasawa n’inzego z’umutekano 'agereageza gutoroka.'

    Umunyamabanga Nshingwabikorwa w’Akagari ka Murama, Uwamahoro Liliane, yemeje ko uyu wakekwaga gukora ubugizi bwa nabi, yagerageje gutoroka araswa n’inzego z’umutekano.

    Yagize ati 'Mu rukerera nibwo yazanywe n’inzego z’umutekano (avuga mu rukerera rwo ku wa Gatandatu) aje kuzereka ibikoresho, icyuma yamwicicishije. Uwo Ndungutse yazanye n’Abapolisi ageze hariya ashaka kwiruka, ashaka gutoroka, na bo bahita bamurasa.'

    Uyu muyobozi yemeza ko uwarashwe atari asanzwe ari umuturage w’Akagari ka Murama kuko yaje gukorera uwo mugabo avuye muri Kibagabaga.

    Ivomo : BTN TV

    Source : http://www.ukwezi.rw/1-1/Amakuru-anyuranye/article/Kigali-Ukekwaho-kwica-sebuja-yarashwe-agerageza-gutoroka

  • Kayonza: Afunzwe akekwaho kwiba umwana #Rwanda #RwOT via @kigalitoday #rwanda #RwOT

    Umukobwa witwa Musabyimana Assumpta ari mu maboko ya RIB ikorera mu Karere ka Kayonza, akaba akekwaho kwiba umwana w’imyaka (…)

    Source : https://www.kigalitoday.com/amakuru/amakuru-mu-rwanda/article/kayonza-afunzwe-akekwaho-kwiba-umwana

  • Karongi : Umusore yishe nyina amukubise Umuhini #rwanda #RwOT

    Ibi byabereye mu Mudugudu wa Rwimpongo mu Kagali ka Ruragwe mu Murenge wa Rubengera mu masaha ya saa cyenda zo mu mu gitondo cyo kur’uyu wa 4 Nzeri 2022.

    Amakuru avuga ko uyu musore yatashye nijoro yasinze agatongana na nyina aho abanyerondo baje kumutwara ngo bakajya kumuganiriza ariko ngo ahagana saa munani inzoga zimaze kumushiramo baje kumugarura.

    Nyuma yo kugenda ngo baje kumva urusaku rwinshi nuko barahurura basanga nyina yamaze kwivuganwa n’umuhungu we akoresheje umuhini.

    Inkuru dukesha igihe ivuga ko ngo uyu muhungu yari asanzwe avugwaho imyitwarire itari myiza.

    Source : http://www.ukwezi.rw/1-1/Amakuru-anyuranye/article/Karongi-Umusore-yishe-nyina-amukubise-Umuhini

  • Bruce Melodie yongeye kwandikisha izina rye m… – #rwanda #RwOT

    Ni igitaramo cyabereye kuri Zion Beach n'ubundi ahari habereye igitaramo cya mbere, nyuma y'uko aho bari gukorera Mess Des Offciers hajemo ibibazo n'ubundi byaturutse kubyo yahuriye nabyo i Burundi akihagera.

    Atitaye ku kuba ari ahantu yakoreye bwa mbere, atitaye ku kuba igitaramo cyigijweho umunsi umwe kuwo cyari kuberaho, umuhanzi Bruce Melodie yakoreye amateka muri iki gihugu.

    Uwabashije kuganira na inyaRwanda.com ku wari wibereye aho iki gitaramo cyaberaga, yavuze ko guhera mu masaha ya kare ab'inkwakuzi bari batangiye kuza.

    Muri iki kiganiro na inyaRwanda.com kandi yavuze ko butangiye kwira amamodoka yari yuzuye, ku buryo byari bigoye kubona aho usiga imodoka kuko zari zuzuye.

    Bruce Melodie yanyuzwe n'uburyo Abarundi bazi indirimbo ze

    Uyu muhanzi wakoze igitaramo yegereye abakunzi be cyane, yacurangirwaga n'itsinda ry'abahanga rya Symphony Band, mu gihe abarimo Dj Brianne barimo kuvangavanga imiziki.

    Usibye Bruce Melodie kandi muri iki gitaramo harimo abahanzi b'abarundi barimo nka Double Jay, Kirikou, Rappy boy_rapkiller, trey_zo n'abandi.

    Iki gitaramo cyari cyakubise cyuzuye, mugihe kwinjira muri iki gitaramo ari ibihumbi 20 by'amarundi ahasanzwe, ibihumbi 50 n'ibihumbi ijana mu myanya y'icyubahiro.

    Bruce Melodie yabahaye umwanya barabyinana

    Iki gitaramo kibaye nyuma y'icyakibanjirije nacyo cyakubise kikuzura, aho kwinjira muri icyo gitaramo itike ya menshi yari miliyoni eshatu, ibihumbi 350, ibihumbi 200, n'ibihumbi 100 ahasanzwe.

    Bruce Melodie yateraga bakikiriza

    Bruce Melodie yaririmbaga bamukoraho

    Amafoto n'amashusho y'urwibutso bayafashe karahava

    Bruce Melodie yabasezeranyije ko azagaruka nyuma yo gutaha batanyuzwe

    Source : https://inyarwanda.com/inkuru/120621/bruce-melodie-yongeye-kwandikisha-izina-rye-mu-burundi-ahakorera-igitaramo-gikomeye-amafot-120621.html

  • Nyagatare: Umwana w’imyaka 17 yafashwe afite… – #rwanda #RwOT

    Amakuru InyaRwanda yahawe n’abaturage babonye uyu mukobwa, bavugaga  ko yari ajyanye mu gihugu cya Uganda umwana yakuye mu karere ka Kayonza aho yakoreraga akazi ko mu rugo. Ubwo yahuraga n’abaturage bavuga ko babonye afite ubwoba ameze nk'ushaka inzira yacamo itemewe imujyana mu gihugu cya Uganda, bahita batangira kumuhata ibibazo bashidikanya kuburyo yasubizaga bituma bamushyikiriza ubuyobozi.

    Uyu mukobwa bamaze kumubaza aho yajyaga yariye indimi, ariko ageze aho avuga ko yari ajyanye uwo mwana muri Uganda. Yemeye ko uwo mwana yari ajyanye yashakaga kumunyuza inzira zitemewe (Panya), nk'uko byemezwa n’abaturage.

    Uyu mwana w’umukobwa yashyikijwe urwego rw’ubugenzacyaha RIB, ndetse iperereza ryahise ritangira kugira ngo hamenyekanye icyatumye ashaka gutwara  umwana yibye ababyeyi be .

    InyaRwanda yagerageje kuvugana  n’abayobozi bayobora muri kariya gace ariko ntibyakunda, tuzakomeza gukurikirana ibijyanye n’iyi nkuru.

    Source : https://inyarwanda.com/inkuru/120618/nyagatare-umwana-wimyaka-17-yafashwe-afite-umwana-wimyaka-3-yari-yibye-amujyanye-muri-ugan-120618.html

  • Nel Ngabo yataramiye muri Canada, yunamira Bu… – #rwanda #RwOT

    Uyu muhanzi yatanze ibyishimo mu gitaramo yakoze mu ijoro ryo ku wa Gatandatu tariki 3 Nzeri 2022, yakoreye mu nyubako y'imyidagaduro ya Union française de Montreal iherereye mu Mujyi wa Montreal mu gihugu cya Canada.

    Nel Ngabo yaririmbiye muri Canada mu gihe ageze kuri 70% ategura album ye ya Gatatu. 

    Yaririmbye yitaye cyane ku ndirimbo yakubiye kuri album ye ya mbere n'iya kabiri, mu rwego rwo kunyura abanyarwanda babarizwa muri iki gihugu n'abandi bahatuye.

    Nel Ngabo yaririmbye mu gihe cy'isaha imwe, ahera ku ndirimbo ye yise 'Solo' akomereza kuri 'Sawa', 'Nzagukunda', 'Agacupa', 'Mutuale' yakoranye na Bruce Melodie, 'Low Key', 'Byakoraho', 'Imyaka 3' ya Cassanova yasubiyemo n'izindi.

    Igice cya kabiri cy'iki gitaramo cyaranzwe no kuririmba indirimbo nka 'Want you back', 'Nzahinduka', 'Fresh' na 'Muzadukumbura' yakoranye na Fireman.

    Mbere y'uko asoza igitaramo cye cya mbere muri Canada, yasabye abakunzi b'umuziki gufatanya nawe kuririmba indirimbo ebyiri z'umuririmbyi Buravan uherutse kwitaba Imana.

    Byari mu rwego rwo kumwunamira. Yaririmbye indirimbo 'Malayika' yatumye Buravan ahangwa ijisho mu rugendo rwe rw'umuziki, anaririmba 'Oya'.

    Nel Ngabo yaririmbye mu gihe cy'isaha imwe, asoreza ku ndirimbo 'Zoli' ndetse na 'Nywe'.

    Iki gitaramo Nel Ngabo yagihuriyemo n’abandi bahanzi barimo Prince Salomon, Boulest, Albina Sydney, Li K HPB n’abandi.  

    Nel Ngabo yakoreye igitaramo gikomeye mu gihugu cya Canada 

    Inkumi zo muri Canada ntizacitswe n’iki gitaramo cy’umuhanzi wo muri Kina Music 

    Wari umwanya wo kubyina ukizihirwa koko! 

    Imbaga y’abantu yahuriye mu gitaramo cya mbere Nel Ngabo yakoreye Canada 

    Nel Ngabo byageze aho yitera idarapo ry’u Rwanda…. 


    Mu gitaramo nk’iki ukora uko ushoboye ugatahana ifoto y’urwibutso 

    Mu gitaramo hagati, Nel Ngabo yafashe umwanya wo kunamira Buravan   

    Mu ndirimbo yaririmbye harimo ‘Malaika’ na ‘Oya’ za Buravan


    Source : https://inyarwanda.com/inkuru/120617/nel-ngabo-yataramiye-muri-canada-yunamira-buravan-amafoto-120617.html

  • Manchester United yakuye Arsenal mu kwa buki… – #rwanda #RwOT

    Umukino wari ubureye ijisho doreko wanasozaga umunsi wa 6 wa shampiyona, Manchester United yihereranye Arsenal itsinda ibitego 3-1. Ni umukino watangiye ku isaha ya saa 17:30 PM za Kigali ubera kuri sitade ya Manchester United.

    Antony uherutse kugurwa na Manchester United ni umwe mu bakinnyi bari bitezwe na benshi nyuma yaho umutoza Erik Ten Hag afashe umwanzuro wo kumubanza mu Kibuga.

    Ntabwo uyu musore yangushye abantu kuko ku munota wa 35 yaje gufungura amazamu ku mupira yateye ahagaze mu nguni y’ibiryo awuteresha akaguru k’imoso. Igice cya mbere cyarangiye nta yindi kipe ibashije kubona igitego, gusa amakipe yombi yatakanaga n’ubwo Manchester United yacungiraga ku mipira yihuta.

    Antony umukino we wa mbere muri Manchester United yahise atsinda igitego 

    Abakinnyi babanje mu kibuga:

    Manchester United: De Gea, Dalot, Varane, Martinez, Malacia, McTominay, Eriksen, Antony, Bruno Fernandes, Sancho, Rashford.Arsenal: Ramsdale, White, Saliba, Gabriel, Zinchenko, Sambi Lokonga, Xhaka, Saka, Odegaard, Martinelli, Jesus.

    Igice cya kabiri cyangiye Manchester United ishaka uko yakongera umubare w’ibitego, ari nako ku rundi ruhande Arsenal nayo yashakaga uko yakishyura ndetse ikarwana no kuzuza imikino 6 idatsindwa.

    Ku munota wa 59 Erik Ten Hag yahisemo gukuramo Antony, Cristiano Ronaldo yinjira mu kibuga. Nyuma y’umunota umwe gusa ku burangare bwa ba myugariro ba Manchester United, Saka yaje gutsinda igitego cyo kuganya, umupira usubira ibubisi. Ni igitego cyabaye nk’igisembura Manchester United, kuko nyuma y’iminota 6 gusa Rashford yaje kubona igitego cya kabiri, cyateye kwiheba ku ruhande rw’Arsenal.

    Ku munota wa 74 Arsenal yakoze impinduka, Martin Odegaard asimburwa na Emile Smith Rowe Albert Sambi Lokonga asimburwa na Eddie Nketiah. Naho Oleksanr Zinckenko aha umwanya  Fabio Vieira.

    Rashford yahagurukije umufana wese wa Manchester United 

    Aba bakinnyi bakijyamo baherekejwe n’igitego cya 3 cya Manchester United kikaba icya kabiri cya Rashford yatsinze ku munota wa 75. Ku munota wa 80 Harry Maguire yasimbuye Martinez wari wagize ikibazo cy’imvune, naho  Casemiro nawe asimbura Rashford watakaga kubabara itako.

    Nyuma y’iminota 2 Arsenal nayo yakoze impinduka ishaka uko yakwishyura Takehiro Tomiyasu yinjira mu kibuga asimbuye Ben White. Iminota 90 y’umukino yarangiye nta mpinduka zibaye, Umusifuzi yongeraho iminota 4 nayo ntihagira ikiba, Arsenal iba itakaje amanota yayo ya mbere.

    Manchester United yabaye ikipe ya mbere ihagaritse Arsenal muri uyu mwaka ndetse Erik Ten Hag yongera kwigaragaza nk’umutoza Uzi amakipe makuru nyuma ya Liverpool yari yatsinze mbere.

    Arsenal iracyayoboye urutonde rwa shampiyona n’amanota 15, mu gihe Manchester United igeze ku mwanya wa 5 n’amanota 12 irushwa inota rimwe na Manchester City ya kabiri, Arsenal ikayirusha amanota 2.

    Manchester United yujuje imikino 4 idatsindwa 

    Uko urutonde rwa shampiyona ruhagaze nyuma y’umunsi wa 6 

    Source : https://inyarwanda.com/inkuru/120616/manchester-united-yakuye-arsenal-mu-kwa-buki-iyinyagira-ibitego-3-1-amafoto-120616.html