Webrwanda Backend

Blog

  • Playoffs: REG BBC yigaranzuye Patriots BBC bi… – #rwanda #RwOT

    Uyu mukino wari ubereye ijisho, wabaye mu ijoro ryo kuri uyu wa kane tariki 10 Nzeri, ubera kuri BK Arena i Remera. Wari umukino w’imbaraga, ubushake ndetse no kwanga kurekura ku ikipe ya REG BBC, yari yatsinzwe umukino ubanza.

    Iminota isanzwe y’umukino yarangiye amakipe yombi anganya amanota 65 kuri 65, byatumye hongerwaho iminota y’inyongera. Muri iyo minota, REG BBC yakoze icyari gikenewe itsindamo amanota 14, mu gihe Patriots BBC yatsinzemo amanota 5 gusa. Muri uyu mukino, Patriots Basketball Club yatsinze umukino wa mbere yatsinze agace kabanza amanota 25-18.

    Agace ka kabiri, ikipe ya Patriots Basketball Club yatsinze amanota 18-17. Aha umukino wari utangiye kwegerana cyane mu gutsinda amanota. Agace ka gatatu, ikipe ya REG Basketball Club yazamuye umwuka itsinda amanota 18-12  mbere y’uko itsinda amanota 12-10. Umukino usanzwe warangiye amakipe anganya amanota 65-65, biba ngombwa ko hongerwaho iminota 5 ibaze (5 minutes Chronometré).

    Patriots BBC yari yatsinze umukino ubanza amanota 75 kuri 70. Umukino wa 3 uraba kuri iki cyumweru aho ikipe iri butsinde izaba isigaje umukino umwe, igahita yegukana igikombe cya shampiyona.

    Umukino wo kuri iki cyumweru uratanga ishusho y’ikipe ishobora kwegukana shampiyona 

    Iminota 5 yongeweho REG yatsinzemo amanota 14

    Source : https://inyarwanda.com/inkuru/120839/playoffs-reg-bbc-yigaranzuye-patriots-bbc-bitesha-agaciro-imikino-3-ibanza-120839.html

  • Madamu Jeannette Kagame yatashye ubusitani bwo ku rwibutso rwa Jenoside rwa Nyanza #Rwanda #RwOT via @kigalitoday #rwanda #RwOT

    Ubusitani bwo ku rwibutso rwa Jenoside rwa Nyanza ya Kicukiro bwashyizweho ibuye ry’ifatizo na Madamu wa Perezida wa Repubulika Jeannette Kagame mu mwaka wa (…)

    Source : https://www.kigalitoday.com/amakuru/amakuru-mu-rwanda/article/madamu-jeannette-kagame-yatashye-ubusitani-bwo-ku-rwibutso-rwa-jenoside-rwa-nyanza

  • #Taekwondo: Special Line-Up Club yateguye irushanwa ryo gusezera ku banyeshuri #Rwanda #RwOT via @kigalitoday #rwanda #RwOT

    Ikipe ya Special Line-up Taekwondo Club y’umukino wa Taekwondo yateguriye abanyeshuri bari mu biruhuko irushanwa ryo kubasezera mu gihe bitegura gutangira (…)

    Source : https://www.kigalitoday.com/imikino-11/indi-mikino/article/taekwondo-special-line-up-club-yateguye-irushanwa-ryo-gusezera-ku-banyeshuri

  • Bagutanze mu kidendezi kuko bari bafite abar… – #rwanda #RwOT

    Ni indirimbo irimo amagambo akomeye ahumuriza abari mu bihe bitoroshye. Umwe mu bakunze iyi ndirimbo yanyujije ubutumwa bwe kuri Youtube munsi y’iyi ndirimbo ati “Urakoze cyane, umunsi umwe, [Imana] izaterura abanzi idimbe hasi. Nyirubwite yiyizire pe”. Undi ati “Amen. Mbega indirimbo nziza! Mutuzaniye Nyirubwite yiyizire rwose,.. imbere cyane mukozi w’lmana”.

    Muri iyi ndirimbo “Umuriro Urotsa”, Theo Bosebabireba aragira ati “Ni ikibazo cy’igihe, naho ubundi gutabarwa ko uzatabarwa. Bagutanze mu kidendezi kuko bari bafite ubajugunyamo, bagutanze mu kidendezi kuko bari bafite abarwaza. Noneho rero ikorere uburiri bwawe utahe, nyirubwite ariyiziye kandi ni we ubitegetse”. 

    “Mirongo itatu n’umunani (38) irahagije, baguca hejuru bagukandagira bakagutangamo. Nyiri ubwite ntiyakubaza amashuri wize, Nyiri ubwite ntiyakubaza aho ukomoka, Nyiri ubwite ntitakubaza ibyo utunze, Nyiri ubwite ntiyakumva amabwire y’abantu,..”.

    Mu kiganiro na inyaRwanda, Theo Bosebabireba yavuze ko kwita indirimbo ye ‘Umuriro urotsa’ yashakaga gusaba abantu ko kujya bakinisha ibindi “ariko Imana bayitondere, bayubahe, ntabwo ari iyo gukinisha cyangwa se ntabwo ari iyo kumenyera”. 

    “Hari ibintu abantu bakora utakwita nk’ibyaha bikomeye nk’uburyo bwo kwishyira hejuru, uburyo bwo gusuzugura abantu, ndavuga nti nabyo si ibintu byiza, abantu bajye bakina n’ibikinika. Kugereranya rero n’umuriro, inshuro nyinshi hari ahantu Imana yagiye irwanisha umuriro. Umuriro uri mu bintu byagiye bigaragara ko Imana iwukoresha”. 

    Theo Bosebabireba ari mu bihe byiza cyane muri iyi minsi, na ADEPR igiye kumufungurira imiryango yongere kuririmba mu nsengero zayo

    Yavuze ko Imana nayo ari umuriro akurikije ingero ziboneka muri Bibiliya. Yatanze urugero rwa Eliya ari ku musozi Karumeri aho yasenze hakamanuka umuriro ugatwika igitambo, ariko yarabanje aravuga ati ‘Mana nzi ko usanzwe unyumva’. Yatanze urundi rugero kuri Meshaki, Saduraka na Bedenego, ubwo bari bajugunywe mu muriro hakazamo undi wa gatatu. 

    Yavuze urugero rwa kane aho Eliya yari yarahuze Umwami, bamwoherereza ingabo ngo zimurwanye, akavuga ati ‘Niba ndi umuntu w’Imana, umuriro nuve mu ijuru ubatwike’, umuriro ukamanuka. Theo ati “Urumva rero Imana nayo ni umuriro. Abantu bajye bakina n’ibindi, umuriro utazabotsa!”.

    Theo Bosebabireba ukubutse i Burundi, magingo aya ari kubarizwa mu Rwanda mu Ntara y’Iburasirazuba. Mu Karere ka Kirehe ahitwa i Gahara ni ho yakoreye ivugabutumwa ejo kwa Gatandatu tariki 10 Nzeri 2022. Yavuze ko igiterane yatumiwemo gikomereza i Gasarabwayi mu Karere ka Kayonza kuri iki Cyumweru.

    Avuga ko i Burundi byagenze neza cyane mu biterane bitatu yari yatumiwemo yaba icyabereye i Muramvya, Kibogoye (hafi y’aho bita mu Bugarama) aho yamaze iminsi ine kuva kuwa kane kugeza ku Cyumweru ndetse n’i Makamba mu Itorero ry’Abangilikani mu biterane binini cyane byitabiriwe n’abantu ibihumbi.

    Yakomereje ivugabutumwa i Nyabunyegeri mu Mujyi wa Bujumbura muri Komine yitwa Mutimbuzi ahakorera igiterane cy’iminsi ibiri, gusa w avuga ko umunsi wa mbere yahageze bwije bityo akaba abara umunsi umwe. Yahakoreye igitaramo gikomeye anahafatira amashusho y’indirimbo ye “Umuriro urotsa”. Yatangaje ko amashusho y’iyi ndirimbo azajya hanze mu mpera z’icyumweru gitaha.

    Theo Bosebabireba ategerejwe muri Mozambique mu giterane yatumiwemo n’umukozi w’Imana witwa Prophet Eric Uwayesu, uyu akaba ari umunyarwanda utuye muri icyo gihugu. Ni igiterane kizamara imnsi itatu kuva tariki 16 Nzeri kugeza tariki 18 Nzeri 2022. Azaba ari kumwe n’abandi bahanzi bagera ku munani (8) b’amazina akomeye mu muziki wa Gospel muri Mozambique.

    Bosebabireba avuye i Burundi ahafatiye amashusho y’indirimbo ye nshya “Umuriro Urotsa”

    “Umuriro Urotsa” niyo ndirimbo nshya ya Theo Bosebabireba

    Theo Bosebabireb agiye kujya muri Mozambique ku itike ya Prophet Eric Uwayesu

    REBA HANO INDIRIMBO NSHYA “UMURIRO UROTSA” YA THEO BOSEBABIREBA

    Source : https://inyarwanda.com/inkuru/120836/bagutanze-mu-kidendezi-kuko-bari-bafite-abarwaza-theo-bosebabireba-mu-ndirimbo-umuriro-uro-120836.html

  • Kigali: Polisi yafashe abantu 3 ibacyekaho kwigana no gukoresha inyandiko mpimbano #rwanda #RwOT

    Ku wa Gatanu, tariki ya 9 Nzeri, Polisi y'u Rwanda, mu Mujyi wa Kigali, yafashe abantu batatu bacyekwaho kwigana no gukoresha ibyangombwa bitangwa mu buryo bwemewe n'amategeko n'ibigo bitandukanye birimo ibya Leta n'ibyigenga.

    Mu bafashwe harimo babiri bakora umwuga wo gutwara abagenzi kuri moto ari bo; bitwazaga uruhushya rubemerera gutwara abagenzi rw'uruhimbano n'icyemezo cy'ubwishingizi bwa moto cya Radiant cy'icyiganano.

    Ubusanzwe uruhushya rwo gutwara abagenzi kuri moto rutangwa n'Ikigo cy'igihugu gishinzwe kugenzura imirimo ifitiye igihugu akamaro (RURA)

    Undi watawe muri yombi, akuriranyweho kuba ari we wiganaga ibi byangombwa bafatanywe akabibagurisha.

    Umuvugizi wungirije wa Polisi y'u Rwanda, Chief Superintendent of Police (CSP) Africa Sendahangarwa Apollo yavuze ko kugira ngo bafatwe byaturutse kuri bamwe mu baturage bamenye amakuru bakayashyikiriza Polisi.

    CSP Africa yagize ati 'Hashingiwe ku makuru yizewe ku bikorwa byabo binyuranyije n'amategeko, Polisi yabanje gufata babiri bakora umwuga wo gutwara abagenzi kuri moto, nyuma yo kubasangana impushya zibemerera gutwara abagenzi n'ibyemezo by'ubwishingizi by'ibyiganano byanditse kuri moto zabo.'

    Yakomeje agira ati 'Bakimara gufatwa bahishuriye Polisi ko ibyo byangombwa babiguze umwaka ushize n'undi muntu wahise ashakishwa nawe arafatwa, basatse mu nzu ye habonekamo ibindi byangombwa by'ibyiganano birimo ibyemezo by'ubwishingizi bwa moto 6 n'ibyemezo by'uruhushya rwo gutwara abagenzi kuri moto bigera kuri bine.”

    CSP Africa yunzemo ati 'Hahise hakurikiraho kugenzura ku bufatanye na RURA n'ikigo cy'ubwishingizi cya Radiant, biza kugaragara ko ibyangombwa bafatanywe bitari ku rutonde rw'ibyatanzwe mu buryo bwemewe n'amategeko bityo ko ari ibyiganano.'

    Umwe mu bafashwe yavuze ko umwe yishyuye ibihumbi 15 Frw kugira ngo abone ibyo byangombwa naho mugenzi we avuga ko yamuhaye ibihumbi 30 Frw.

    Aba bose uko ari batatu, bashyikirijwe Urwego rw'Igihugu rw'Ubugenzacyaha (RIB) kugirango hakomeze iperereza ku byaha bakurikiranyweho.

    CSP Africa yaburiye abijandika muri bene ibi bikorwa binyuranyije n'amategeko, ashimira kandi uruhare rw'abaturage batanga amakuru y'abacyekwaho gukora ibyaha.

    Ingingo ya 276 yo mu itegeko riteganya ibyaha n'ibihano muri rusange ivuga ko , Umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y'ingingo zayo, igitegetswe gukorwa cyangwa icyarangije kwemeranywa, aba akoze icyaha

    Umuntu wese, ku bw'uburiganya, wandika, wandikisha ibintu bidahuye n'ukuri cyangwa ukora imenyekanisha ritari ryo afatwa nk'uwakoze icyaha cyo gukora ibihimbano.

    Iyo abihamijwe n'urukiko, ahanishwa igifungo kitari munsi y'imyaka itanu (5) ariko kitarenze imyaka irindwi (7) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

    Source : https://umuryango.rw/amakuru/mu-rwanda/umutekano/article/kigali-polisi-yafashe-abantu-3-ibacyekaho-kwigana-no-gukoresha-inyandiko

  • AS Kigali yatsikiriye i Mahanga (AMAFOTO) #rwanda #RwOT

    AS Kigali yihagazeho mu mukino ubanza w’ijonjora ry’ibanze rya CAF Confederation Cup inganya na ASAS Télécom yo muri Djibouti ubusa ku busa kuri uyu wa Gatandatu.

    Abakinnyi ba AS Kigali bagerageje gushaka igitego yaba mu gice cya mbere n’igice cya kabiri ariko amahirwe arabura kuko nka Haruna Niyonzima yabuze uburyo bubiri bwari bwabazwe imbere y’izamu.

    Muri uyu mukino, ikipe ya ASAS yari ifite uburyo bwo gusatira rimwe na rimwe ikanahusha uburyo bwabyara ibitego kuko yanagize umupira wagonze igiti cy’izamu rya Ntwari Fiacre.

    Nyuma yo kubona ko ubusatirizi butari kubikora neza, umutoza wa AS Kigali, Cassa Mbungo yaje gukora impinduka akuramo Tuyisenge Jacques ashyiramo Nyarugabo Moise waje asangamo Shaban Hussein.

    AS Kigali yakomeje gukina ishaka impamba yayigeza mu mujyi wa Kigali mbere y’uko haba umukino wo kwishyura, gusa ntabwo byakunze.

    Umukino wo kwishyura uzabera kuri Stade Huye ku Cyumweru tariki ya 18 Nzeri saa Cyenda.

    Mu gihe AS Kigali izaba ibashije kwitwara neza mu mukino wo kwishyura ikaba yasezerera ASAS, yazahura na A Nasry yo mu Misiri mu ijonjora rya kabiri.

    Abakinnyi umutoza Cassa Mbungo André yari yagiriye icyizere cyo kubanza mu kibuga ni Ntwali Fiacre, Bishira Latif, Kakule Mugheni Fabrice, Haruna Niyonzima, Jacques Tuyisenge, Hassan Rugirayabo, Niyonzima Olivier Seif, Ahoyikuye Jean Paul, Kwitonda Ally, Juma Lawrence na Shabani Hussein Tchabalala.

    11 ba AS Kigali babanjemo

    Ba kapiteni n’abasifuzi mbere y’umukino

    Haruna Niyonzima yari ahagaze neza

    Tchabalala ntako atagize ariko biranga

    Wari umukino utoroshye

    Source : http://isimbi.rw/siporo/article/as-kigali-yatsikiriye-i-mahanga-amafoto

  • APR FC itsinze US Monastir mu mukino wa mbere wa CAF Champions League #Rwanda #RwOT via @kigalitoday #rwanda #RwOT

    Mu mukino ubanza wa CAF Champions League wabereye kuri Stade ya Huye, ikipe ya APR FC yatsinze US Monastir igitego 1-0, Monastir ntiyanyurwa (…)

    Source : https://www.kigalitoday.com/imikino-11/football/article/apr-fc-itsinze-us-monastir-mu-mukino-wa-mbere-wa-caf-champions-league

  • APR FC yatangiye imikino nyaufurika neza #rwanda #RwOT

    Igitego 1 ku busa APR FC yatsinze US Monastir yo muri Tunisia cya Mugunga Yves mu ijonjora rya mbere rya CAF Champions League 2022-23 gifashije iyi kipe y’ingabo z’igihugu kuzurira indege ijya gukina umukino wo kwishyura bafite icyizere cyo gukomeza mu kindi cyiciro aho bazaba basabwa kuzanganya gusa.

    APR FC yagiye kwakira uyu mukino wabereye kuri Stade Mpuzamahana ya Huye kuri uyu wa Gatandatu tariki ya 10 Nzeri 2022 ibizi neza ko igomba gutsinda US Monastir ndetse ibitego byinshi kugira ngo ibone impamba ihagije iyitwara muri Tunisia mu mukino wo kwishyura uzaba tariki ya 18 Nzeri 2022.

    Umutoza Adil Mohammed akaba yari yahisemo kubanza ku ntebe y’abasimbura kapiteni w’iyi kipe Manishimwe Djabel utigeze unakandagira mu kibuga.

    APR FC yatangiye umukino ubona isatira cyane ishaka igitego hakiri kare, ku munota wa 3 yabonye koruneri yatewe na Ishimwe Christian, Mugunga ashyiraho umutwe ariko umunyezamu awukuramo Nshuti Innocent agerageje kuwusubizamo bawusubiza Christian ateye mu izamu unyura hejuru gato yaryo.

    APR FC yakomeje gushyira igitutu kuri US Monastir yaje kubona igitego cya mbere ku munota wa 18, ni ku mupira Omborenga Fitina yahinduye imbere y’izamu Nshuti Innocent agashyiraho umutwe maze Mugunga Yves ahita ashyira umupira mu rushundura n’umutwe.

    Ku munota wa 27 Ruboneka Bosco yagerageje ishoti rikomeye ariko umunyezamu awohereza muri koruneri yatewe na Christian, Nshuti ashyiraho umutwe usanga Mugunga wateye mu izamu umupira ugahura na Clement washatse gutsindisha ivi ariko umunyezamu ahita awufata.

    APR FC yakomeje gushaka ikindi gitego ndetse inabona amahirwe ariko abasore ba yo ntibabyaza umusaruro amahirwe babonye imbere ya Monastir itahiriwe n’gice cya mbere. Amakipe yagiye kuruhuka ari 1-0.

    US Monastir yagarutse mu gice cya kabiri ubona yatuje ndetse igerageza gushyira igitutu kuri APR FC ariko kubona igitego mu izamu rya Ishimwe Pierre ntibyaborohera.

    APR FC itari yagaragaye mu minota ya mbere y’igice cya kabiri, yaje kubona amahirwe ku mupira Niyibizi Ramadhan yacomekeye Mugunga Yves ku munota wa 60 ariko ashyizeho umutwe umunyezamu Ben Said awohereza muri koruneri.

    Ku munota wa 65 Niyibizi Ramadhan yavuye mu kibuga aha umwanya wa Kwitonda Alain Bacca, ni nako ku munota wa 72 Nshuti Innocent yahaye umwanya Rwabuhihi Aime Placide. Yakoze impinduka za nyuma ku munota wa 86 Bizimana Yannick asimbura Mugunga Yves.

    Ku munota wa 78 US Monastir yatsinze igitego ariko umusifuzi aracyanga avuga ko habayemo kurarira.

    Ikipe ya US Monastir yakomeje gusatira ishaka uburyo yakwishyura iki gitego ariko abasore ba APR FC bashakaga igitego cya kabiri bababera ibamba, umukino urangira ari 1-0.

    Umukino wo kwishyura ukaba uzabera muri Tunisia tariki ya 18 Nzeri 2022 aho APR FC isabwa kunganya gusa kugira ngo igere mu kindi cyiciro. Ikipe izarenga iki cyiciro ikaba izahura na Al Ahly mu ijonjora rya 2.

    Igitego cya Mugunga ni cyo cyatandukanyije impande zombi

    Abafana ba APR FC bo bari baje ari benshi

    Source : http://isimbi.rw/siporo/article/apr-fc-yatangiye-imikino-nyaufurika-neza

  • Umugabo wo muri Kangondo yafunzwe ashinjwa ibyaha birimo gupfobya Jenoside #rwanda #RwOT

    Umuturage w'imyaka 41 wo mu Mudugudu wa Kangondo mu Murenge wa Remera witwa Shikama Jean de Dieu, yatawe muri yombi akurikiranyweho ibyaha byo gupfobya Jenoside yakorewe Abatutsi no gukurura amacakubiri.

    Uyu mugabo ni umwe mu banengaga gahunda ya leta yo kwimura abatuye mu manegeka mu gace kazwi nka 'Bannyahe'. Yafunzwe nyuma y'amajwi yakwirakwije ku mbuga nkoranyambaga aho agereranya Jenoside yakorewe Abatutsi n'igikorwa cya leta cyo kwimura abo baturage.

    Muri ayo majwi avuga ko abaturage bo muri Kangondo bakorewe ivangura, ko abahatuye bashyizwe mu kato, ku buryo ngo bameze nk'abagiye 'gukorerwa Jenoside'.

    Ni amajwi avuga ko ari impuruza, ko Leta y'u Rwanda yateguye 'Jenoside kuri Bannyahe'.

    Urwego rw'Igihugu rw'Ubugenzacyaha, RIB, rwatangaje ko rwafunze uyu mugabo ku wa 10 Nzeri 2022 akekwaho ibyaha bitatu. Ubu afungiye kuri Station ya RIB i Remera.

    Ibyaha akurikiranyweho ni bibiri birimo icyo gukurura amacakubiri n'icyo gupfobya Jenoside.

    RIB isobanura ko iperereza rikomeje mu gihe dosiye iri gukorwa ngo ishyikirizwe Ubushinjacyaha mu gihe cyagenwe n'Itegeko.

    Ivomo: IGIHE

    Source : https://umuryango.rw/amakuru/mu-rwanda/article/umugabo-wo-muri-kangondo-yafunzwe-ashinjwa-ibyaha-birimo-gupfobya-jenoside

  • AMAFOTO yaranze umukino wa mbere wa APR FC na… – #rwanda #RwOT

    Iyi kipe bisingiza ‘Nyamukandangira mu kibuga kikasa imitutu’ yabonye intsinzi y’umukino ubanza w’ijonjora rya mbere mu marushanwa Nyafurika ahuza amakipe yabaye aya mbere iwayo, mu gihe nyamara benshi bahaga amahirwe Union Sportive Monastrienne yo muri Tunisia.

    Mu minota yose y’umukino wayoboye n’abasifuzi bo mu Burundi, APR FC yakinnye biryoheye amaso ndetse nubwo itabonye ibitego byinshi, yagerageje gusatira izamu inshuro nyinshi, hatitawe ko bakinaga n’ikipe yavuye muri Africa y’amajyaruguru, aho umupira wateye imbere.

    Igitego rukumbi cyinjijwe na rutahizamu Mugunga Yves ku ruhande rwa APR FC, cyari gihagije kugira ngo abafana ba Nyamukandagira bagende ibilometero bisaga 120 baririmba, ubwo bavaga i Huye mu Majyepfo y’ u Rwanda ahabereye umukino, bataha i Kigali.

    Mugunga (29) na bagenzi be bishimira igitego

    Ku munota wa 77 w’umukino, rutahizamu Aliou wa US Monastir yateye umupira mu izamu, umusifuzi avuga ko habayeho kurarira ndetse biteza amahane kuko bitumvikanwagaho. Mu gusohoka, abasifuzi bari bacungiwe umutekano na Polisi y’ u Rwanda kugira ngo hatagira ubahutaza.

    Mu kiganiro n’itangazamakuru, umutoza Darko Novic wa US Monastir yashimangiye ko APR FC yabarushije umukino mwiza, by’umwihariko mu kwakira imipira ya kabiri, byatumaga US Monastir itabona uburyo bwo gukina cyangwa kurema uburyo buvamo ibitego.

    Umukino wo kwishyura hagati ya APR FC na US Monastir uzabera i Monastir, kuri Stade ya Mostafa Ben Janet ku mugoroba wo kuwa 18 Nzeri 2022. Ikipe izakomeza hagati y’izi zombi, izahura na Al Ahly yo mu Misiri mu ijonjora rya kabiri rya CAF Champions League.

    Umukino ujya gutangira

    Ababanje mu kibuga ba APR FC

    Nshuti Innocent atanga umupira wavuyemo igitego

    Mugunga Yves yishimira igitego

    Abafana bari bahari


    Hadutse amahane ubwo US Monastir yateraga mu izamu, umusifuzi akavuga ko baraririye

    Abatoza ba APR FC mu kazi gakomeye

    Umukino wari ukomeye

    Ombolenga Fitina agerageza gutambutsa umupira

    Abafana ba US Monastir bari bake

    Nyiragasazi ufana APR FC


    Abasifuzi basohotse bakikijwe na Polisi

    AMAFOTO: NGABO Serge – InyaRwanda.com

    Source : https://inyarwanda.com/inkuru/120837/amafoto-yaranze-umukino-wa-mbere-wa-apr-fc-na-us-monastir-wakanze-abanya-tunisia-120837.html