Blog

Gen Kainerugaba mu minsi mike ishize yavuze byinshi ku rubuga nkoranyambaga rwa Twitter, agera n’aho avuga ko ingabo ze zafata Nairobi mu gihe kitarenze ibyumweru bibiri.

Ni amagambo ataravuzweho rumwe n’abakoresha imbuga nkoranyambaga, bashimangiraga ko ari agasuzuguro ku gihugu gifite ubusugire, byongeye bikavugwa n’umusirikare wo ku rwego rwa jenerali.

Ibyo kandi bikongererwa imbaraga no kuba ari umuhungu wa Perezida Museveni, ndetse bikekwa ko ashobora kumusimbura mu 2026.

Museveni yahise asohora ubutumwa burambuye, asaba imbabazi mu izina ry’umuhungu we.

Yagize ati “Ndasaba abavandimwe bacu bo muri Kenya kutubabarira ku butumwa bwoherejwe na General Muhoozi, wahoze ari Umugaba w’Ingabo zirwanira ku butaka hano, ku bijyanye n’amatora muri iki gihugu gikomeye. Ntabwo byemewe ku bakozi ba leta, baba abasivili cyangwa abasirikare, kuvuga cyangwa kwivanga mu buryo ubwo aribwo bwose, mu bibazo by’imbere mu gihugu cy’abavandimwe.”

Nubwo impaka zari zose ku mbuga nkoranyambaga zibasira Muhoozi, Perezida Museveni yahise amuzamura mu ntera amukura ku ipeti rya Lieutenant General amuha ipeti rya General, ariko amuvana ku mwanya w’Umugaba mukuru w’Ingabo zirwanira ku butaka.

Mu butumwa bwe, Museveni yanasobanuye impamvu yafashe icyo cyemezo.

Yakomeje ati “Ni ukubera ko iri kosa, ari hamwe mu hantu yakoze nabi nk’umwofisiye. Hari ahandi uyu General yatanze umusanzu ukomeye kandi ashobora no gukomerezaho. Ni uburyo bwo guca intege ikibi maze ukongerera imbaraga icyiza. Mutubabarire cyane bavandimwe bacu bo muri Kenya.”

“Ndanasaba imbabazi Abanya-Uganda bashobora kuba barababajwe n’umwe mu bakozi babo wivanze mu bibazo by’abavandimwe ba Kenya. Ndabizi neza ko ari umuntu ukunda cyane Afurika.”

Museveni yavuze ko uburyo umuhungu we yakoreshejemo amazina y’imiryango ya Afurika y’Iburasirazuba (EAC) ndetse n’Ubumwe bwa Afurika (AU) butari bukwiye.

Gen Muhoozi yakuwe ku mwanya w’Umugaba w’Ingabo za Uganda zirwanira ku butaka, nyuma y’iminsi mike yanditse kuri Kenya amagambo atarishimiwe

Aba banyamakuru baregwaga ibyaha byo guteza imvururu muri rubanda, gukwirakwiza ibihuha bigamije guha isura mbi u Rwanda mu mahanga, no gutangaza amagambo n’amashusho bitandukanye n’uko byafashwe.

Umucamanza yavuze ko ubushinjacyaha nta bimenyetso bugaragaza bihamya aba banyamakuru biriya byaha bibiri bya mbere, naho icyaha cya gatatu ko kitari mu itegeko rishya rihana ibyaha.

Yavuze ko ikirego cy’ubushinjacyaha kuri aba banyamakuru bamaze imyaka hafi itanu bafunze “nta shingiro gifite' .

Ubushinjacyahaha bwari bwasabye ko aba banyamakuru bafungwa imyaka 22, ntibaremenyekana niba buzajuririra iki cyemezo cy’urukiko.

Urubanza rw’aba banyamakuru rwagarutswe cyane mu gihe gito gishize kuko bamaze imyaka ine bafunze by’agateganyo nta rubanza bacibwa.

Imiryango iharanira uburenganzira bw’abanyamakuru, n’iharanira uburenganzura bwa muntu yamaganye ifungwa ryabo.

Urubuga rwabo Iwacu TV yashinzwe na Mutuyimana mu 2016 aba bagenzi babiri baza nyuma gufatanya nawe.

Ubutabera butinze…

Jean Paul Ibambe wunganira aba banyamakuru mu rukiko yabwiye BBC Gahuzamiryango ko bishimiye umwanzuro w’urukiko.

Ati : 'Kuba ubushinjacyaha bugusabira imyaka 22 y’igifungo ariko ukereka urukiko ko nta cyaha cyabaye rukabasha kubyumva bakugira umwere ni ikintu cyo kwishimira ko abo twunganira babonye ubutabera.'

Ibambe ariko avuga ko kuba abakiriya be baramaze imyaka ine bafunze by’agateganyo ari ikibazo kuko 'ubutabera buboneye ni ubwihuse'.

Ati : 'Niba bishoboka abantu bajye bakurikiranwa badafunze, nibafungwa nabwo imanza zabo zihutishwe kugira ngo umuntu naba umwere ntihabeho gufungwa by’amaherere.'

Batawe muri yombi mu kwezi Kwa 10 mu 2018.

Imiryango itari iya Leta (Sosiyete Sivile) yahuye na bamwe mu banyamakuru ku wa 04 Ukwakira 2022, kugira ngo bafatanye gukorera abaturage ubuvugizi ku (…)

Ubuyobozi bwa Koperative Umwalimu Sacco bwatangaje ko bwakuyeho amananiza ku nguzanyo zihabwa abakora umwuga w’uburezi batarabwize, aho bemerewe guhabwa (…)

Raporo ya ONU iheruka gusohoka vuba aha tarikiya ya 22 Nzeri 2022, yemeje ko FARDC yongeye kwiyunga n’umutwe wa FDLR urwanya Ubutgetsi bw’u Rwanda, hamwe n’indi mitwe y’inyeshyamba z’Abanyekongo nka Mai Mai Nyatura.

Iyi raporo, yemeje ko iyi mitwe yitwaje intwaro ikorera mu Burasirazuba bwa DR Congo ,yasabwe na FARDC Gushaka abandi barwanyi benshi kugirango bazabafashe mu rugamba bari gutegura rwo kurwanya umutwe wa M23.

Andi makuru yo kwizerwa aturuka muri DR Congo, yemeza ko ubu hagiye gushira icyumweru cyose abasirikare Ba FARDC biganjemo abo mu mutwe urinda Perezida Felix Tshisekedi, baryamiye amajanja mu marembo y’ibirindiro bya M23 mu gace ka Ntamugenga muri teritwariri ya Rutshuru, ndetse ko bari kumwe n’indi mitwe nka FDLR ,Mai Mai Nyatura bagiranye amasezerano y’ubufatanye mu rwego rwo kwitegura kugaba igitero Simusiga kuri M23.

Mu marembo y’ibirindiro bya M23 FARDC iri mu myiteguro yo kuyigabaho ibitero
Ku rundi ruhande ,umutwe wa M23 urimo uratangaza ihumure ku baturage batuye mu duce igenzura, ibabwira ko Bakomeza kwikorera ibikorwa byabo by’ubucuruzi nk’uko bimeze mu duce tugenzurwa na Leta, ndetse ko ntacyo ibitero FARDC iri gutegura kubagaba ho bizagira icyo bihindura , ngo kuko M23 yiteguye ku barinda no kubisubiza inyuma ku giciro icyaricyo cyose.

Kuva M23 yatanga iri humure ,amasoko yo mu duce igenzura yahise yongera gufungurwa nyuma y’uko mu minsi Yashize ,haciyeho itangazo risaba abaturage guhunga intambara bavugaga ko yegereje, ariko ubu M23 Ikaba Yongeye gutangaza ko umutekano ari wose ,ndetse ko n’amasoko mu duce igenzura nk’ayo mu mujyi wa Bunagana na Tchengerero yongeye gukora nk’ibisanzwe..'

Mu gihe FARDC ikomeje kwitegura intambara ifatanyije na FDLR na Mai Mai Nyatura,umutwe wa M23 wo Wabwiye abaturage mu duce ugenzura, ko bagomba gutuza ngo kuko barinzwe bikomeye ndetse inabasaba gukomeza ibikorwa byabo by’Ubucuruzi .

M23 kandi, ivuga ko FARDC niyibeshya ikongera kubagaba ho ibitero, bishobora gutuma ihita inigarurira ibindi Bice ,mu rwego rwo kwirindira umutekano, ngo kuko ibyo bice aribyo FARDC ikoresha ibarasaho no gutegura Ibitero byo kugaba kuri M23.

Ivomo:Rwandatribune

Ambulance yavaga i Kanombe yerekeza i Musanze.

Iyi mpanuka yabereye mu karere ka Gakenke, mu murenge wa Cyabingo, mu kagari ka Mukororo mu mudugudu wa Muhororo ku mugoroba wo ku wa kabiri tariki 4 Ukwakira, 2022 ahagana saa yine n’igice z’ijoro (22h00).

Ambulance ya gisirikare yashakaga guca ku modoka yari iyiri imbere, ihura na Fuso yavaga i Musanze iturutse mu Karere ka Nyabihu.

Impanuka yakomerekeyemo abari muri ambulance bose n’uwari utwaye Fuso, bajyanwa mu bitaro bikuru bya Ruhengeri ngo bitabweho.

Bivugwa ko iyo mpanuka yatewe no gukora ibisikana nabi, ndetse no kutaringaniza umuvuduko byakozwe n’uwari utwaye ambulance ya gisirikare.

Gusa, amakuru ava mu bitaro bya Ruhengeri avuga ko kubera ibikomere, abakoze impanuka barimo abasirikare batatu muri bo bahise boherezwa kuvurirwa mu bitaro by gisirikare i Kanombe, n’abandi basirikare batatu basigaye na bo mu gitondo cyo kuri uyu wa Gatatu boherejwe i Kanombe.

Umusivile wari muri Fuso we arwariye mu Bitaro bya Ruhengeri.

Ivomo:Umuseke

Byabaye ku wa 21 z’ukwezi kwa cyenda, muri Stade ya Muhanga ahari habereye igiterane kiyobowe n’umuvugabutumwa, Heward Mills Dag.

Mu masaha y’umugoroba kuri uwo munsi ahagana saa kumi n’ebyiri (18h00) na saa kumi n’ebyiri n’igice (18h30), Vice-Mayor yinjiye muri Stade, ngo amare guparika imodoka iruhande rw’izindi, akimara gutambuka intambwe eshatu avuye mu modka ahurana n’akaga.

Uyu uregwa witwa Lovell Nii Ankrah Jnr Jnr, akaba yari ashinzwe umutekano w’uriya muvugabutumwa wari uyoboye igiterane, nibwo ngo yahise asumira Vice-Mayor Mugabo Gilbert amuta ku wa kajwiga, amukurubana amusubiza mu modoka ku gahato ngo ayikure mu nzira y’iyashebuja.

Ababibonye barimo umutangabuhamya Nkusi Francis Murenzi, wari muri icyo gitaramo, yabwiye Urukiko ko yabonye Lovell Nii Ankrah Jnr akurura Vice-Mayor, amufashe mu gatuza, amusubiza mu modoka.

Undi mutangabuhamya witwa Ndayishimiye Raphael na we yanditse ibyabaye asobanura ko yari muri protocol. Ngo Vice-Mayor Mugabo yaparitse imodoka ye iruhande rw’aho imodoka z’abavugabutumwa zari nko muri metero 10, noneho Lovell aza abaza uhaparitse, niko kubwira Mugabo gukuraho imodoka ye.

Ati 'Mugabo yasohotse mu modoka maze Lovell aramukurikira amugarura mu modoka ku gahato, ari nabwo umwenda wa Mugabo Gilbert wacitse kuko yamukururaga ku ngufu.'

Lovell uregwa avuga ko nta mutima mubi yari afitiye Vice -Mayor ko atari amuzi, bityo agasaba imbabazi.

Ubushinjacyaha buvuga ko Lovell atigeze yemera icyaha kuva yatabwa muri yombi no mu ibazwa rye mu Bugenzacyaha, no mu Bushinjacyaha ngo yabyemeye igice, ndetse ngo ntiyigeze abisabira imbabazi.

Bukavuga ko kuba icyaha akurikiranyweho gihanishwa igifungo kirengeje imyaka ibiri, bityo bukabiheraho busaba ko akurikiranwa afunzwe by’agateganyo.

Uyu uregwa we asaba kurekurwa, akavuga ko atazigera acika ubutabera, kubera ko ari mu Rwanda mu buryo buzwi kandi n’igihugu cye kikaba kibizi.

Me Nsengiyaremye Jean Claude wunganira uregwa, yasabye urukiko gukurikiza ihame ry’uko ukekwaho icyaha aburana adafunzwe, agasaba ko rwarekura umukiliya we.

Ikindi yasobanuye ko uhagarariye Ghana mu Rwanda yemera kwishingira Lovell, bityo akumva nta mpungenge urukiko rukwiye kugira ko rwazamubura.

Akumva ko yarekurwa akagira ibyo asabwa kubahiriza.

Icyemezo cy’urukiko kizasomwa tariki 07/10/2022 saa munani z’amanywa, nibwo hazamenyekana niba Lovell Nii Ankrah Jnr azakurikiranwa afunzwe cyangwa ari hanze.

Umwe mu batangabuhamya avuga ko Lovell Nii Ankrah Jnr akimenya ko yasagariye umuyobozi yapfukamye hasi amusaba imbabazi. Ikindi ngo na nyuma yanditse ibaruwa asaba imbabazi ku byabaye.

Ivomo:Umuseke

Biteganijwe ko mu gitondo cyo ku ya 5 Ukwakira 2022, i Saa Mbili za mu gitondo (08:00) ari bwo Prince Kid atangira kuburanira urubanza mu mizi mu rukiko rwisumbuye rwa Nyarugenge.

Prince Kid aregwa n’ubushinjacyaha ibyaha byo gusaba cyangwa gukoresha ishimishamubiri rishingiye ku gitsina, no guhoza undi ku nkeke bifitanye isano n'imibonano mpuzabitsina.

Ku ya 25 Mata 2022 nibwo Ishimwe yatawe muri yombi n’Urwego rw’Igihugu rw’Ubugenzacyaha, RIB, atangira gukorwaho iperereza ku byaha bya ruswa ndetse n’iby’ihohotera rishingiye ku gitsina.

Icyo gihe, Umuvugizi wa RIB, Bwana Murangira B. Thierry yavuze ko Ishimwe Dieudonné afunzwe akekwaho icyaha cyo guhohotera bishingiye ku gitsina abakobwa bajya muri Miss Rwanda mu bihe bitandukanye.

Yagize ati 'Ni byo koko Ishimwe Dieudonné usanzwe ategura Miss Rwanda arafunze. Arakekwaho icyaha cyo guhohotera bishingiye ku gitsina abakobwa bajya mu marushwanwa ya Nyampinga (Miss Rwanda) mu bihe bitandukanye'.

Muri Mata, Dosiye ye yashyikirijwe Ubushinjacyaha, atangira kuburanira mu rukiko rw’ibanze rwa Kicukiro, urukiko rwanzura muri Gicurasi ko yakatiwe gufungwa iminsi 30 y’agateganyo.

Mu ntangiriro za Kamena 2022, Prince Kid yajuririye icyemezo cyo gufungwa by’agateganyo mu rukiko rwisumbuye rwa Nyarugenge, ariko narwo rwemeza ko afungwa kuva ubwo.

Biteganijwe ko kuri uyu wa Gatatu, aribwo Ishimwe Dieudonné atangira kuburana n’ubushinjacyaha mu mizi ku byaha aregwa.