Blog

Dany Nanone yategetswe gutanga indezo

Umwanzuro w'uru rubanza Inyarwanda ifitiye kopi'copy' yerekana ko Ntakirutimana Danny agomba kwandikwaho umwana. Icyemezo cy'urukiko gitegeka ko uyu mwana yandikwa mu gitabo cy'inyandiko y'amavuko mu murenge wa Kigarama.

Inyandiko mvugo y'isomwa ry'urubanza 2023-07-21

 

None ku wa 2023-07-21 saa 15:00 Urukiko TB Kicukiro ruri mu karere ka Kicukiro mu murenge wa Kagarama ruhaburanishiriza Imanza Civil(Imbonezamubano), rusomye mu ruhame urubanza RC 00920/2022/TB/KICU haburana Busandi Moreen na Ntakirutimana Dany .

 

Inteko iburanisha:

Umucamanza Uwizeye  Fatakanwa Nadine, yari umucamanza wateguye urubanza.

Muri uru rubanza umwanditsi yari muvugangabo Marius.

Icyemezo cy'urukiko rwafundikiwe rwemeje ko umwana utatangajwe amazina ye ku mpamvu zo kubungabunga uburenganzira bwe yabyawe na Ntakirutimana Danny akaba agomba kumwandikwaho.

 

Urukiko rwategetse ko uwo mwana yandikwa mu gitabo  cy'inyandiko y'amavuko mu murenge wa Kigarama.

Urukiko kandi rwategetse ko Ntakirutimana Danny atanga indezo y'ibihumbi ijana (100,000 Frws) buri kwezi.

Urukiko rwategetse ko Ntakirutimana Danny yishyura amagarama y'urubanza angana n'ibihumbi icumi (10,000Frws) atayatanga mu gihe giteganywa n'amategeko akazavanwa mu bye ku ngufu za Leta.

Iyi nyandiko isoza ivuga ko 'Niko rukijijwe kandi rusomewe mu ruhame none ku wa 21/07/2023'

Abitabiriye

Urega: Busandi Moreen

Uregwa: Ntakirutimana Danny

Inteko

Umucamanza ni Uwizeye Ftakanwa Nadine

Umwanditsi yari Muvunangabo Marius

 

Ku itariki 29 Kanama 2023 nibwo Dany Nanone yaburanye na Busandi Moreen mu mizi.

Ni urubanza rwatangiye 12:07 rumara iminota 45 rubanishwa. Dany Nanone ntabwo yari afite umwunganira mu mategeko. Ni mu gihe Busandi Moreen yari ahagarariwe na Maitre Mushimirwangiro Jean Sauveur. Muri uru rubanza Dany Nanone yasabaga urukiko ko azajya atanga indezo y'ibihumbi 40 (40,000Frws) buri kwezi. Ni mu gihe uwo babyaranye yasabaga ko yajya atanga 150,000 Frws. Dany Nanone yifuzaga ko yahabwa umwana bakabana bagasangira akabisi n'agahiye.

 

Dany Nanone ahagaze neza mu muziki muri iyi minsi

Mu 2009 nibwo Dany Nanone yinjiye muri studio akora indirimbo yise'Akamunani'. Iyi ndirimbo yamuhesheje igikundiro afatiraho akora indirimbo zakunzwe zirimo Mbikubwire, Ijanisha, Jye Ndarapa, Ntagukoza isoni, Igikwiye yakoranye na Sacha, Inshuti yakoranye na Butera Knowless.

Mu 2011 yasinye amasezerano y'imikoranire akajya arebererwa inyungu na Kina Music ya Ishimwe Karake Clement. Ntiyahamaze kabiri kuko mu 2013 yahise ajya muri Bridge Records naho ntiyahicaye kuko mu 2014 yahise ajya muri Incredible Records ya Bagenzi Bernard.

Mu 2018, Dany Nanone yasoje umwaka umwe mu ishuri ry'umuziki ryo ku Nyundo ahakura ubumenyi bw'ibanze mu muziki ahita yerekeza muri ICK kwiga ibijyanye na Public Relations. Mu 2018 yakoranye indirimbo na Butera Knwoless yitwa'Addicted'. Ni indirimbo irimo imitoma yasohotse ku wa 24 Ugushyingo 2018. Butera aba aririmba ati:'…Ngufite umutima watuza…' Dany Nanone aba aririmba ati:'Nanubu ibyacu birakomeje, sinzagutera amarira,…urukundo rwatugize imbata…Mana uzaturinde amarira..'.

 

Kugaruka neza mu kibuga kuri Dany Nanone abikesha Ariel Wayz muri 'Nasara' yabaye ikimenyabose ku muntu wese ukunda muzika nyarwanda. Ni indirimbo ukina mu tubyiniro ukabona buri wese arayiririmba ijambo ku rindi yizihiwe yavamo ukabano barasuherewe. Bivuze ko ifasha abantu benshi bakunda kandi bashyigikira umuziki nyarwanda. Iyi Nasara yayisohoye ku itariki 12 Gicurasi 2023. Irimo imitoma nk'imwe nubundi Dany Nanone yajyaga yandika muri za 2011 byerekana ko inganzo ye aho gushira iryoha nk'umuvinyo umaze imyaka myinshi mu rwengero cyangwa mu iguriro.

 

Dore kimwe mu bitero birimo imitoma iryoheye amatwi ku bari mu bihe byiza bya'Ndagukunda'

 

'Ntekereza yuko hari mugitondo cyakare cyangwa se kukagoroba ituje yitegereje ukwezi n'inyenyeri byari biyikikije abamarayika batuje cyane bategereje Imana iti reka ndeme umukobwa mwite uyu muhe umuhungu mwiza uzamurinda me2u kuza kwange m’ubuzima bwawe si impanuka gusa hari kabazo kangaruka by'impanuka. Ese uzansigasira? ntago uzansiganzira? N’uburara ibyacu ntibizahita birangira? Mbwira akabisi n'agahiye se tuzagasangira? Bazagutegera ndetse bazagushetera mbwirako utazabashegera ukagenda ntagusezera (baby ukagenda ntagusezera) na baba paster baza ngo baragusengera ni ibirura byiswe intama uramenye utazemera bagira ibyo ntagira bagera aho ntagera njye urukundo ngufitiye niyo ngingo indengera nunyemerera nzakujyana kure aho batagera nzahagarara nemye mukiganza mfite ibendera nsezerane kuzagukunda no kuzakurengera nguhe igihenze kurusha ibindi amafaranga atagura sinkeneye byinshi njye ndasaba gusa attention ibindi ubindekere ntago nkwaka motivation. Reka mbyemere 'yeeh' kuko nanjye I am into you, Will you love me everyday? Or always it gonna end in tears? Have you ever been in love 'deep deep baby' cause I don't wanna waste my time Will you love me everday'(I will)' Cyaze umbeshye nasara ('don't worry') Have you ever been in love? cause I don't wanna waste my time Will you love me everyday cyaze umbeshye nasara (cyaze umbeshyex2 cyaze umbeshye nasara)'

Dany Nanone na Busandi Moreen bakijijwe n’urukiko ku bijyanye n’indezo

INKURU WASOMA

REBA HANO MY TYPE YA DANY NANONE

“>

Kazoza Justin wimitswe kuba umutware w’abakono  tariki 8 Nyakanga 2023,yasabye imbabazi abanyamuryango b’Umuryango wa FPR Inkotanyi bagera Kuri  800 bari  mu nama  yari igamije gusuzumwa ibibangamiye Ubumwe bw’Abanyarwanda.

Izo mbabazi yazisabiye mu Ngoro ya FPR mu karere ka Gasabo mu Murenge wa Rusororo imbere y’ Abanyamuryango b’Umuryango FPR barimo kuganira Ku bibazo bibangamiye Ubumwe bw’Abanyarwanda.  

Uwari wimikiwe kuba umutware w’abakono mu Murenge Karere ka Musanze yasabye abanyamuryango  ba FPR Inkotanyi kumubabarira na bagenzi be yatumiye mu muhango wo kumwimika ubwo yagirwaga umutware w’abakono ndetse yahamije ko yasabye imbabazi chairman wa FPR Inkotanyi akamubabarira .

Yagize ati”Mubyukuri ninjye Nyirabayazana ,reka abe ariko mbyita . Nkaba mbere na mbere mbanje gusaba imbabazi Nyakubahwa Chairman kandi ni ugushimangira ,yarazimpaye .Nkaba nsaba imbabazi Umuryango nkanasaba imbabazi abandi banyamuryango nashyize mu makosa bakagwa mu cyaha”.

Kazoza yakomeje avuga ko ibyo bakoze ari amakosa bagatatira amahame agenga Umuryango wa FPR Inkotanyi.

Yagize ati” Mubyukuri twakoze amakosa .Amahame y’Umuryango cyane iry’Ubumwe bw’Abanyarwanda ni Ihame rya mbere ,rero ndasaba imbabazi nabo twarikumwe . Ikosa rya mbere twakoze ni ukudashishoza ikosa rya Kabiri ni ukutareba kure,kubera ubushobozi buke twagize ,nongeye gusubiramo ko nsabye imbabazi mbikuye ku mutima .”

Kazoza Justin yanavuze ko yizeza Nyakubahwa Perezida wa Repubulika aka na Chair man w’Umuryango wa FPR Inkotanyi ko agiye kujya atanga urugero rwiza mu kubaka Ubumwe bw’Abanyarwanda.

Tariki ya 8 nibwo Habaye umuhango wiswe uwo kwimika umutware w’abakono wabereye mu karere ka Musanze mu Ntara y’Amajyaruguru. Mu bagaragaye muri uwo muhango barimo Uwahoze ari Minisisitiri w’Ubutegetsi bw’Igihugu Jean Marie Vienney ndetse akaba yaranabisabiye imbabazi  nk’uko byagaragaraga mu butumwa yanditse ku rubuga rwe rwa Twitter.

Uwo muhango warimo n’abandi bayobozi barimo Visi Perezida wa Sena wanabaye Minisisitiri , Nyirasafari Esperance .

Kazoza Justin niwe wari wimitswe nyuma yo gusaba imbabazi mu nama nyunguranabitekerezo bigaragara ko yitandukanyije nuwo muhango bakoze .

Mu cyumweru gishize nibwo hasohotse itangazo ryavuye mu bunyamabanga bukuru bw’Umuryango wa FPR Inkotanyi bwamaganaga umuhango wo kwimika umutware w’abakono wabereye mu karere ka Musanze tariki 8 Nyakanga 2023. Iryo ryavugaga ko umuhango wiswe uwo kwimika umutware w’abakono ubangamiye Ubumwe bw’Abanyarwanda.

Inama nyunguranabitekerezo yateguwe n’umunyamuryango wa FPR Inkotanyi yanatumiwemo abayobozi imitwe ya politike yemewe mu Rwanda .

Inama yanitabiriwe na Honarable Tito Rutaremara wabaye senateri ndetse n’umuvunyi Mukuru ndetse General James Kabarebe umujyanama Mukuru wa Nyakubahwa Perezida wa Repubulika mu bijyanye n’umutekano.

Uyu musore wiga muri Kaminuza y’u Rwanda, Ishami rya Huye aganira na InyaRwanda yavuze ku kuntu yatangiye urugendo rwe mu gutera urwenya,uko yatekereje inkuru yumvikanyemo ijambo Abujyubujyu igatuma amenyekana ndetse anashimira umunyarwenya Fally Mercy wamuhaye umwanya wo kwigaragaza.

Muneza Lambert yavuze ko kugira ngo amenye ko afite impano yo gusetsa ari Inshuti ze zo ku ishuri zabimubwiraga bitewe n’uko yajyaga abatera inkuru we yumva zidasekeje ariko abazumvise bagatembagara.

Yagize ati”kugira ngo menye ko nshobora kuba mfite impano yo gusetsa koko najyaga ncunga amasomo ameze nabi mu ishuri ubundi nkantera inkuru abanyeshuri twiganaga barangiza bagaseka cyane kandi njye numva zidasekeje,byakomeje gutyo ariko bakomeza kumbwira ko nzi gusetsa cyane”.

“Umunsi umwe narindi kubyina hafi yanjye hari inka ikajya indeba cyane nkabona nayo byayisekeje ndavuga nti niba inka iri gusetswa n’uburyo ndi kubyina, impano yo gusetsa ndayifite koko. Nahise ntangira kujya mpfata inkuru zabayeho nkazikabiriza cyangwa nkahimba izatabayeho ubundi nkazibwira abantu bakisekera.”

Uyu munyarwenya yakomeje avuga ko Rutura Arthur Kkusi ariwe watumye yumva yakomeza gukora urwenya byanyabyo bitewe n’amahirwe yajyaga atanga mu gihe cya Covid-19 ku bantu bafite impano yo gusetsa binyuze muri Seka live yakoreraga kuri televizito  ya Kigali Channel 2(KC2) nyuma y’uko abantu batari bemerewe guhurira hamwe.

Muneza Lambert wasekeje abatari bake ubwo yabwiraga abakobwa biciranye n’abahungu badafite ubwanwa  kubabwira ngo ‘abujyubujyu’

Aha Arthur Nkusi uri mu banyarwenya bakomeye mu Rwanda yatangaga amahirwe ku bantu bafite impano yo gusetsa aho bamwohererezaga amashusho(video) yabo kuri Whatsapp bari gutera inkuru zisekeje . 

Iyo yabonaga ubishoboye yarakubwiraga mukazahura ukamusetsa muri kumwe mu mudoka mwenyine arinako agufata amashusho ubundi akazayanyuza muri Seka Live kuri KC2. Ninako byagenze kuri Muneza Lambert gusa ku bw’amahirwe make iyi gahunda yaje kurangira amashusho ye ataranyuzwaho. 

Nubwo byagenze gutyo ntiyegeze acika intege kuko nyuma haje igitaramo cya GEN-Z Comedy gihuza abafite impano mu rwenya agahita nawe aba umwe mu bazajya bakigaragaramo.

Muneza Lambert avuga ukuntu ijambo ‘Abujyubujyu’ ryaje mu rwenya ari butere abantu muri GEN-Z Comedy, yasobanuye ko yabihereye ku kuba na we ku giti cye nta bwanwa agira kandi abantu bakaba bamwita umwana. 

Yagize ati”Ubusanzwe hari ukuntu mba ndi kuganira n’abantu bafite ubwanwa ariko mbaruta mu myaka  nababwira ko ari abana nduta bakambwira ko ahubwo ari njye mwana kubera ko nta bwanwa fite”.

“Hari mu gitondo Genz Comedy iri bube ni mu goroba maze ndi gutekereza inkuru ndibwinjiriremo ku rubyiniriro mpita nibuka ko kutagira ubwanwa bituma banyita umwana. Ndavuga nti nirihe jambo nabwira abantu badafite ubwana ribagaragaza ko aba ari abana nk’uko abantu bakunda kubivuga maze mu mutwe hahita hazamo incwiii na abujyubujyu gusa mpitano abujyubujyu”. 

“Numvaga atariyo nkuru mfite iri busetse abantu cyane ariko maze kuyivuga byarantunguye ukuntu yabasekeje cyane akaba arinayo yatumye menyekana”.

Muneza Lambert yavuze ko ubu umuntu afatiraho urugerero mu rugendo rwe rwo gutera urwenya ari Fall Merci bitewe n’uko yagize igitekerezo cyiza cyo gushinga GEN-Z Comedy none ubu ikaba imaze kugera ahantu hakomeye ndetse akaba anamushimira kuba yaramuhaye amahirwe yo kwigaragagaza.

Inzozi ze ni ukuba umunyarwenya ukomeye ubundi nawe akazagira abo yaha amahirwe yo kwigaragagaza bafite impano zo gusetsa nk’uko nawe yagiye ayahabwa.

Muneza Lambert uri mu banyempano bagaragara mu bitarimo bya GEN-Z Comedy 

Muneza Lambert ufite inzozi zo kuzaba umunyarwenya ukomeye 

Uyu mukinnyi ukina mu kibuga hagati afasha ba rutahizamu afite imyaka 29 kuko yavutse taliki 7 Kamena 1994. Sharaf Eldin Shaiboub Ali Abdelrahman ufite metero 1.8 yatangiye gukina umupira w’amaguru muri 2012 ahereye mu ikipe yitwa Al-Mourada Sports Club yiwabo muri Sudani, kuri ubu isigaye ikina mu cyiciro cya 2.

Nyuma y’imyaka 2 yahise yerekeza muri Al-Merrikh nayo ikina mu cyiciro cya mbere iwabo maze ahakina umwaka umwe w’imikino muri 2016 aza kujya gukina mu ikipe ya Jeunesse Sportive Kairouanaise yakinaga muri shampiyona y’icyiciro cyambere muri Tunisia muri uwo mwaka gusa ubu ikaba yaramanutse mu cyiciro cya kabiri.

Umwaka umwe ushize Sharaf Eldin Shaiboub Ali Abdelrahman yahise asubira iwabo muri Sudani ajya gukina muri Al Hilal Sports Club,nyuma y’imyaka 3 muri 2019 ikipe yo muri Tanzania ya Simba Sports Club yahise imusinyisha ayikinira umwaka umwe gusa.

Shiboub wemeje abantu mu myitozo ya APR FC 

Muri 2021 uyu mukinnyi yagiye gukina mu ikipe yo muri Algeria yitwa CS Constantine ahita akora amateka yo kuba umukinnyi wa 2 ukomoka muri Sudani ugiye gukina muri iki gihugu cya Algeria.Naho ntabwo yigeze ahatinda kubera ko nyuma y’umwaka umwe yahise ajya gukina muri Avenir Sportif de Soliman ikina icyiciro cya mbere muri Tunisia.

Sharaf Eldin Shaiboub Ali Abdelrahman mu mwaka ushize w’imikino yaje gusinyishwa na Kiyovu Sports gusa ntiyamwishyura bituma aza no kuyirega muri CAF bayica amafaranga. 

Kuri ubu uyu mukinnyi yakinaga mu ikipe ya Al Talaba FC yo muri Iraq,nubwo Shiboub ari gukorera imyitozo muri APR FC ariko ntabwo yari yayisinyira bitewe no kuba imikino muri Iraq itari yarangiza gukinwa ngo ubundi umwaka w’imikino yari yarasinye muri Al Talaba FC urangire yigenge.

Shiboub yakiniye ikipe ye y’igihugu ya Sudani y’abatarengeje imyaka 23 muri 2015. Nyuma yongera guhamagarwa mu y’abakuru muri 2019. Kuwa 5 taliki 21 Nyakanga ubwo abafana bajyaga kureba imyitozo y’ikipe yabo ya APR FC bamwe bavuyeyo bikanze bitewe n’imbaraga ndetse n’ubuhanga bw’uyu mukinnyi Shiboub nubwo mu buzima bwe bw’umupira w’amaguru ntaho amara kabiri.

Shiboub ukorana imyitozo n’abandi bakinnyi ba APR FC ariko akaba atari yerekanwa 

Shiboub wari warigeze gusinya muri Kiyovu Sports bikarangira atayikiniye