Blog

Uyu mugabo yatanze ibyishimo mu ijoro ryo kuri uyu wa Gatandatu tariki 11 Ugushyingo 2023, mu gitaramo yakoreye mu busitani bwa Century Park Hotel i Nyarutarama, aho yataramiye imbaga y'abantu yiganjemo cyane abarundi.

'Live Music for Good People' ni kimwe mu bitaramo byari bimaze igihe bitegerejwe mu Mujyi wa Kigali, ahanini biturutse ku kuba J.P Bimeni ari ubwa mbere yari ataramiye mu Rwanda.

Ibi byatumye ibinyamakuru cyane cyane ibyo mu Burundi bihanga ijisho iki gitaramo cye, bagenda bagaragaza urugendo rwe umunsi ku munsi.

Yitaye cyane ku kuririmba nyinshi mu ndirimbo ze ziri kuri Album ze ebyiri, harimo iyo yasohoye mu 2020 n'indi yasohoye mu 2022.

Ageze ku ndirimbo zirimo nka 'Iwacu Haryoha' ndetse na 'Wagiye he' ibintu byahindutse, abantu bafatanya nawe kuzirimba ari nako bamushimira.

Byageze aho ahamagara ku rubyiniro abamufashije gutegura iki gitaramo barimo Dj Paulin, ndetse na Samantha wamufashije kwandika indirimbo zigize Album ye ya mbere n'abanyamuziki barimo Kiki Touré na Nicolas bamusanganiye ku rubyiniro.

Nicolas wamamaye mu ndirimbo 'Kugasozi' ndetse na Kiki Toure banataramye mu gitaramo J.P Bimenyi yigeze gukorera muBurundi.

Mu minota 30' ya mbere y'iki gitaramo, uyu muhanzi yaririmbye indirimbo zabiciye bigacika nka “Agahengwe”, “wagiye he”, “Nzosubira Iwacu” n'izindi zubakiye ku muziki wa Classic Soul asanzwe akora.

Byageze aho ahamagara ku rubyiniro umunyamuziki Kiki Touré yari yatumiye muri iki gitaramo baririmbana indirimbo 'Wagiye ye' ya Canco Haminis, umunyamuziki wagize izina rikomeye mu gihugu cy'u Burundi.

Yanaririmbye indirimbo zirimo nka Free me, Hold me, Better place, Honesty is Luxury, Satisfaction, Slow me, Yarantumye, Garukiraho n'izindi.

Muri iki gitaramo yari kumwe n'itsinda ry'abacuranzi, ryamufashije kuririmba zimwe mu ndirimbo z'abanyabwigi mu muziki nka Canco Amissi, Africa Nova n'izindi.

Asoje iki gitaramo, Bimenyi yavuze ko yashimishijwe no gutaramira mu Rwanda, avuga ko ari inzozi zabaye impamo.

P Bimeni yavukiye i Burundi mu 1976. Nyuma, kubera intambara yabaye muri iki gihugu mu 1993 yaje guhungira muri Kenya akomereza mu Bwongereza ari naho abarizwa muri iki gihe.

Avuga ko ubuzima bwo guhunga bwamwigishije gushikama ku Mana, kuko yabayeho ubuzima bwiza n'ububi, ariko yakomeje gushikama ku Mana yamenye.

Agira inama n'abandi bari mu buzima nk'ubwe gukomera. Yavuze ati 'Ni ukwemera Imana, kutanyeganyega mu kwemeza. Mu buzima urazamuka cyangwa ukamunaka, ibintu birahinduka, ntugire umutima uhangayitse, ahubwo wumve ko Imana ikora, ukomeze gusenga, ugire inshuti, urangwe n'urukundo byose ubicamo.'

Bimeni avuga ko hari imyaka yabayemo ku buryo yumvaga ubuzima bugiye kwanga, ariko ko yakomeje umutsi bitewe n'uko hari ibindi bihe yanyuzemo bikomeye. 

Uyu mugabo avuga ko iyo ari kunyura mu bihe 'bikomeye' yisunga gitari, agacuranga indirimbo zinyuranye. Ati 'Kenshi usanga umuziki umvuye ntagiye gutesha umwanya umuntu, ndabishima ko Imana yanshyize umuziki mu buzima bwanjye.'

Bimeni avuga ko n'ubwo ariwe wamenyekanye mu muryango we mu bakora umuziki, afite abavandimwe n'abandi bakora umuziki ariko impano z'abo zitamenyekanye nk'uko impano ye yamenyekanye. Ati 'Hari ibyo byinshi dukora bihurira n'urukundo rw'umuziki.'

Asobanura ko gukunda umuziki byatumye 'nyura mu buzima bukomeye'. Ati 'Ni ukwisuzuma ukumva ko ibikomere byashize. Gitari n'umuziki ni umuti ukomeye, kandi uwufate neza, uwufashe neza urakuvura, uwufashe nabi urakwica.'

Bimeni avuga ko igitaramo cye yakoreye i Kigali ari igisobanuro cy'urukundo hagati y'Abanyarwanda n'Abarundi, kandi cyahuje abavandimwe benshi bafite 'indoto nyinshi muri aka kare tuvukamo'.

Bimenyi yakoreye igitaramo cya mbere i Kigali, avuga ko ari inzozi yabashije kurotora

Bimenyi yaririmbye yitaye cyane ku ndirimbo z'abanyabigwi bakomeye mu Burundi

Dj Paulin wateguye igitaramo Bimenyi yakoreye i Kigali, yamushimiye umuhate we

Iki gitaramo kitabiriwe n'abantu biganjemo cyane abarundi babarizwa mu Mujyi wa Kigali

Kiki Toure uri mu bahanzi bakomeye mu Burundi yataramanye na Bimenyi i Kigali

'Tatoo' yashyize mu mugongo, no ku maboko yashyizeho

Umunyamuziki Nicolas wamamaye mu ndirimbo 'Kugasozi' yashyigikiye mugenzi we Bimenyi wakoreye igitaramo i Kigali

Kanda hano urebe amafoto menshi yaranze iki gitaramo cya J.P Bimenyi i Kigali

AMAFOTO: Freddy Rwigema-InyaRwanda.com

Bushali yitabiriye iri serukiramuco ari uwa mbere ndetse aba umunyarwanda ukoze aya mateka kuko niwe ubashije kuririmbamo.

Bushali wahagurutse i Kigali ku wa Gatatu w’iki cyumweru ari kumwe n'itsinda rigari rya KinyaTrap, yabwiye InyaRwanda.com ko ubu umuziki nyarwanda uri ku rwego rwiza kandi ko ari ibyo aharanira.

Ati “Ni ibintu byo kwishimira kuba ari njye munyarwanda wa mbere ubashije kuririmba muri Nyege Nyege Festival muri Uganda. Wabonye urukundo banyeretse muri iki gitaramo, nagombaga gukora uko nshoboye nkahagararira neza igihugu cyanjye. Kinyatrap ku mugongo.”

InyaRwanda.com iri muri Uganda gukurikirana byinshi kuri iri serukiramuco, yageze mu mujyi wa Jinja urenze Kampala.

Bushali wagiye ku rubyiniro mu ijoro ryo kuri uyu wa Gatandatu tariki 11 Ugushyingo 2023, yabanjirijwe ku rubyiniro n'abarimo A Pass, Eddy Kenzo na Sho Madjozi wo muri Afurika y’Epfo.

Bushali wagiye ku rubyiniro ahagana saa kumi n’ebyiri n'igice, yahereye ku ndirimbo ‘Ubute’ izasohoka kuri Album ye yise “Full Moon” maze aririmba zimwe mu ndirimbo ze zakunzwe zirimo nka ‘Ku Gasima’, ‘Mukwaha’, ‘KinyaTrap’, ‘Kamwe’, ‘Kurura’, ‘Nakumena Amaso’ ,250 n'izindi.

Ubwo uyu muhanzi yari ari kuribyiniro imvura yaguye ariko abantu ntibakwanga nayo bakomeza kuririmbana ubona ko banyuzwe n'uyu muraperi.

Hashize iminsi mike Leta ya Amerika n’u Bwongereza bakebuye abaturage babo kwigengesera mu gihe baba bitabiriye iserukiramuco rya ‘Nyege Nyege’ muri Uganda bitewe n’ibikorwa by’iterabwoba bikunze kuharangwa.

Bavuze ko harangwa n’imitwe y’iterabwoba ikunze kwibasira no guhohotera abantu harimo kubambura utwabo, kubica ndetse bakaba batarebera n’irihumye abanyamahanga bityo ko bagomba kuhitondera.

Nicolai ni umuturage wo mu gihugu cy’u Burusiya (Russia) waje kwitabira iri serukiramuco rya ‘Nyege Nyege’ ku nshuro yaryo ya 8 riri kubera mu mujyi wa Jinja ho muri Uganda.

Uyu musore yavuze ko yagombaga guserukana n’umukunzi we wo muri Amerika ariko byarangiye amutengushye ntiyahagera.

Yavuze ko umukobwa yatewe ubwoba n’ibyavuzwe na Leta ye ya Amerika by’uko muri iki gihugu cya Uganda harangwa n’imitwe y’iterabwoba iba igamije kugirira nabi abantu birimo no kubica.

Bityo akimara kumva uwo muburo, byamuteye ubwoba bituma yumva ko atagomba kugera ahantu nk’aho cyane ko yumvaga ko Uko bizagenda kose ashobora kuzahaburira ubuzima.

Yagize ati “Yahagaritse urugendo rw’indege yari afite ariko njyewe nari namaze kugera muri Uganda, icyo gihe nanjye mpagera numvise mfitemo akantu k’ubwoba ariko natangiye gusoma ku mbuga nkoranyambaga ko umutekano ari wose bituma ubwoba bushira ntangira kwisanzura.

Ubu ndi guhamagara umukunzi wanjye ngo aze turyoshye muri iki kirori ariko yananiye avuga ko adashaka kwipfira”.

Mu mujyi wa Jinja ahari kubera iri serukiramuco rya ‘Nyege Nyege’, hari hakubise huzuye, abazungu n’abandi banyamahanga benshi babukereye.

Gusa nk’uko babigiriwemo inama na Leta zabo bagasabwa kwirinda, ubona  ko abanyamahanga ari bake ndetse ukabona ko bari kwirinda akavuyo k’abantu.

Ugereranije n’umubare w’abanyamerika n’abanyaburayi bari bitezweho kwitabira iri serukiramuco, ubona ko bagabanutse cyane nyuma y’umuburo wa Leta ya Amerika n’u Bwongereza batanze kuri iri serukiramuco.

Benshi batinye kuhagera kuko bavugaga ko bashobora kuhasiga ubuzima bitewe n’ibyihebe biherereye muri aka gace nk’uko byatangajwe.

Umutekano wakajijwe muri Jinja ahari kubera iri serukiramuco, Polisi ya Uganda iherutse gutangaza ko ibyo Amerika n’u Bwongereza bavuze ari ibihuha kuko bo bafite umutekano uhagije kandi babyizeye neza bityo nta kintu kizakoma mu nkokora iri serukiramuco.

Perezida Museveni nawe aherutse gutangaza ko abaturage bose bagomba kuba maso muri iki kirori kizahuruza amahanga, kabone nubwo inzego z’umutekano zikomeje kuwukaza.

Umuraperi Bushali ku rubyiniro mu iserukiramuco rya ‘Nyege Nyege’ muri Uganda

Bushali yaririmbiye abarenga ibihumbi 50 muri iri serukiramuco ribaye ku nshuro ya munani

Bushali yitaye cyane ku kuririmba zimwe mu ndirimbo ziri kuri album ye nshya yise ‘Full Moon’

Urubyiruko rwiganje cyane mu bitabiriye iri serukiramuco rikomeye muri Uganda 

Bushali yavuze ko umuziki w’u Rwanda ugeze ku rwego rwiza nyuma yo gutanga ibyishimo muri Uganda