Category: Uncategorized

Itangazo rya Meteo Rwanda ryo ku wa Gatatu, tariki ya 20 Ugushyingo 2024, rigaragaza ko mu gice cya gatatu cy'ukwezi k'Ugushyingo 2024 (kuva tariki ya 21 kugeza tariki ya 30 Ugushyingo) mu Rwanda hateganyijwe ingano y'imvura iri hagati ya milimetero 50 na milimetero 200.

Rikomeza rivuga ko 'Imvura iteganyijwe iri hejuru y'ikigero cy'imvura isanzwe igwa muri iki gice.''

Imvura nyinshi iteganijwe mu Majyaruguru mu Karere ka Musanze, Burera, igice kinini cy'Akarere ka Rusizi, Nyamasheke na Nyamagabe ndetse n'igice gito cy'Amajyepfo y'Akarere ka Karongi

Meteo Rwanda yanagaragaje ko muri iki gihe hazaba hari umuyaga ufite umuvuduko uri hejuru mu Karere ka Nyaruguru, Huye na Nyamagabe ndetse no mu bindi bice by'Igihugu.

Iki kigo cyasabye Abanyarwanda gukaza ingamba zo kwirinda ibyago bishobora guterwa n’imvura nyinshi n’umuyaga mwinshi uteganyijwe muri iki gihe.

Kugeza muri Gicurasi 2024, Minisiteri ishinzwe Ibikorwa by'Ubutabazi, MINEMA, yatangaje ko kuva umwaka wa 2024 watangira u Rwanda rwibasiriwe n'ibiza inshuro 288 bitandukanye, bigahitana abantu 49, naho abagera kuri 79 babikomerekeyemo.

Patrick Mulana uzwi mu muziki wa Uganda nka Alien Skin, arimo gukorwaho iperereza aho akekwaho kwihorera ku badafite aho bahuriye n'urupfu rw’umwe mu bagize itsinda rye rya Fangone.

Ku mugoroba wo ku wa Gatatu, umuvugizi wa polisi, Kituuma Rusoke, yemeje ko yatawe muri yombi, agira ati: “Twamufashe. Ari mu maboko ya Polisi.”

Iri fatwa rye, rije rikurikira urugomo rwabereye mu bitaro bya Nsambya mu ijoro ryo ku ya 19 Ugushyingo 2024, aho Joram Tumwesigye w'imyaka 28, utuye mu gice cya Makindye yari yajyanwe  hanyuma ahita yitaba Imana.

Nk'uko Polisi babitangaza, Tumwesigye akimara gukora impanuka y’imodoka, yajyanywe mu bitaro n'abantu batandatu batamenyekanye nuko nyuma y’isaha imwe akihagera bihita bimenyekana ko yitabye Imana.

Nyuma y’urupfu rwe,Alien Skin n’itsinda rye rya Fangone bateje imidugararo basagarira abaganga bari bahari n’abashinzwe umutekano bakabahondagura.

ASP Luke Owoyesigyire, umuyobozi wungirije muri polisi ya Kampala, yagize ati: “Igihe ibyo yasabwaga bitari byujujwe, ukekwaho icyaha n’itsinda rye bakubise umuganga n’abashinzwe umutekano babiri mbere yo guhunga.”

Amashusho yakuwe mu bitaro, yerekanaga    Alien Skin hamwe nitsinda rye batimbagura ndetse banabwira nabi cyane umuganga ndetse n'abashinzwe umutekano babiri.

Nk'uko ikinyamakuru Independent kibitangaza, Raporo za Polisi zerekana ko Tumwesigye yapfuye hashize isaha imwe yinjiye mu bitaro nyuma y’impanuka y’imodoka yabereye i Makindye. 

Mu rukiko  kuri  uyu wa atatu nimugoroba, umucamanza mukuru Esther Adikin yashinje Alien Skin icyaha cy'ubujura bujyanye n'ibyabaye muri Nzeri ubwo bivugwa ko yibye telephone yo mu bwoko bwa iPhone.

Alien Skin agiye gukomeza gukorwaho iperereza kugera ku wa 09 Ukuboza 202 mu gihe bivugwa ko ibyaha by'urugomo byo byakomeza kwiyongera.

Alien Skin, Bebe Cool na Jose Chameleone  baherutse  guhura na Perezida Museveni.

Abo bakekwaho ubujuru bafatiwe mu mukwabo wabaye kuri uyu wa 21 Ugushyingo 2024, mu Murenge wa Kibeho mu Kagari ka Kibeho mu Mudugudu w'Agateko.

Abo batawe muri yombi barimo abagore batatu n'abagabo bane, bose bakaba bari mu kigero kiri hagati y'imyaka 19 na 40.

Bakekwaho kwiba abaje gusengera i Kibeho, aho babashikuzaga ibyo bafite cyane cyane amasakoshi na telefone ariko hari n'abivangaga nabo mu kivunge nk'abajyanye na bo gusenga bakaza kubiba.

Umuvugizi wa Polisi mu Ntara y'Amajyepfo, SP Habiyaremye Emmanuel yabwiye IGIHE ko bashimira abaturage bakomeje gutanga amakuru ndetse aboneraho no kuburira abishora mu bikorwa nk'ibyo.

Yagize ati 'Turashimira abaturage bakomeje gutanga amakuru ku bahungabanya umutekano, tubasaba gukomeza ubwo bufatanye. Turaburira kandi abishora mu byaha ko Polisi ikomeje ibikorwa byayo byo kubashakisha no kubafata. Nibave mu byaha ahubwo bafatanye n'abandi mu gukumira no kubirwanya batangira amakuru ku gihe'.

Abo barindwi batawe muri yombi i Kibeho muri Nyaruguru nyuma y'abandi umunani baherutse gufatirwa mu Murenge wa Muganza, bakekwaho kwiba abaturage amatungo, imyaka, gukoresha ibiyobyabwenge n'urundi rugomo.

Barindwi batawe muri yombi i Nyaruguru bakekwaho kwiba abajya gusengera i Kibeho

Iri shami ryafunguwe ku wa 20 Ugushyingo 2024, mu murenge wa Gasaka, Akarere ka Nyamagabe.

Mu muhango wo gufungura iri shami, Umuyobozi Mukuru wa BPR Bank Rwanda PLC, Patience Mutesi, yavuze ko yishimiye gufungura ishami rishya kandi rije gufasha abayigana no kuborohereza kubona serivisi hafi.

Ati 'Ni umunsi ushimishije cyane kuko twafunguye ishami ryacu rishya muri Nyamagabe, tumaze imyaka isaga 43 muri Nyamagabe ariko twari ahantu kure y'umujyi, twimutse twaje kwegera abakiliya bacu.'

Umuyobozi Mukuru wa BPR Bank Rwanda kandi yijeje abayigana ko ibikorwa byo kubegera bigikomeje mu buryo butandukaye.

Ati 'Turi kwegera abakiliya bacu mu buryo butandukanye, hari ukubegera dukoresha Ikoranabuhanga kandi ibyo bimaze kugaragara ko dufite ikoranabuhanga rifasha abakiliya bacu gukoresha serivisi za banki, intego yacu rero nukwegera abaturage ku buryo bwose bushoboka.'

Yashishikarije abaturage kuyigana nk'abakiliya cyangwa nk'abanyamigabane, ababwira ko imiryango ifunguye kandi ko biteguye kubaha ibyiza gusa.

Mutesi yavuze ko abifuza inguzanyo na bo bahawe ikaze muri BPR Bank Rwanda PLC, kandi ko n'abakora ubucuruzi bwambukiranya imipaka batibagiranye kuko BPR ifite amashami mu Karere u Rwanda ruherereyemo.

Umuyobozi w'iri shami rishya rya Nyamagabe, Bibiane Mukankusi, yavuze ko bishimiye kuba bagiye gukorera ahantu hashya kandi heza hajyanye n'icyerekezo.

Ati 'Turishimye cyane kubera ko twimukiye ahantu heza. Iki cyari icyifuzo cyacu ndetse n'abakiliya bacu none cyagezweho.'

Muri uyu muhango wo gufungura ishami rishya mu karere ka Nyamagabe, BPR Bank Rwanda PLC yahembye abakozi bakorera amashami mato (Agents) bitwaye neza kurusha abandi, bashyikirizwa mudasobwa kugira ngo bizakomeze kuborohereza gufasha ababagana .

Muhawenimana Marie Claire uri mu bahembewe ko bakoze neza, yavuze ko na we yishimiye kuba begerejwe ishami rishya kandi bizaborohereza mu buryo bwinshi.

Ati 'Uburyo bwo kubona uko tujya kuri banki mu buryo bwihuse byatugoraga, gukora urugendo rurerure nabyo byari ikibazo ariko twishimiye ko ubu bigiye koroha kandi n'ibi bihembo baduhaye bigiye gutuma dukora cyane birushijeho.'

BPR Bank Rwanda ikomeje kwagura ibikorwa byorohereza abakiliya bayo, hagamijwe imikoranire myiza n'abayigana mu ntero igira iti 'Ibyiza Ku Bacu.'

Iri shami rishya rya BPR Bank Rwanda riri mu mujyi Nyamagabe rwagati

BPR Bank Rwanda ishami rya Nyamagabe

Ubwo iri shami ryafungurwaga ku mugaragaro

Umuyobozi mukuru wa BPR Bank mu Rwanda, Patience Mutesi yavuze ko yishimiye kuba bafunguye ishami ryiza

Aho bakirira abakiliya

Abagana BPR Bank Rwanda bishimiye kuba yabegereye

Impano abakozi b’ishami rishya rya Nyamagabe bageneye Umuyobozi wabo mukuru, Patience Mutesi

Impano yagenewe Patience Mutesi

Umuyobozi mukuru wa BPR Bank Rwanda, Patience Mutesi n’umuyobozi mukuru w’ishami rya Nyamagabe, Bibiane Mukankusi

Umuyobozi wa BPR Bank Rwanda ashimira abakozi b’iri shami

Abakorero muri iryo shami n’Umuyobozi mukuru wa BPR Bank Rwanda

Abakozi b’iri shami bashyikiriza Umuyobozi mukuru, Patience Mutesi, impano bamugeneye

Ababyeyi bakorera mu ishami rya Nyamagabe n’Umuyobozi Mukuru wa BPR Bank Rwanda

Abakozi b’ishami rishya rya Nyamagabe bashimiye ahantu heza bagiye gukorera

Abayobozi batandukanye ndetse n’abakozi ba BPR Bank Rwanda

Ishami rishya rya Nyamagabe n’abakozi baryo

Josh Ishimwe umutaramyi ukunzwe cyane muri iyi minsi, akaba yarihebeye umuziki uhimbaza Imana mu njyana Gakondo. Ni umukristo muri ADEPR, ariko inganzo ye iryohera cyane abo mu matorero n'amadini atandukanye arimo na Kiliziya Gatolika. Akunzwe mu ndirimbo zirimo “Sinogenda Ntashimye”, “Inkingi Negamiye”, “Imana iraduteturuye” n’izindi.

Uyu musore w’imyaka 24, ni umwana w’ikinege ndetse mu buhamya bwe avuga ko yakuze atazi Se kugeza na n’ubu. Ubuzima bukakaye yakuriyemo yitabwaho na Mama we gusa, none akaba amaze kuba umusore, byongeye akaba ari umuhanzi womora imitima ya benshi kubera inganzo yashibutse kuri nyina, bituma arushaho gukunda cyane umubyeyi we.

Urukundo akunda umubyeyi we wamubaye hafi kugeza uyu munsi, rwatumye amwitura amukorera ibirori bikomeye byabaye mu ijoro ryo kuwa Gatatu tariki 20 Ugushyingo 2024. Ni ibirori yakoze mu kwifatanya n’umubyeyi we kwizihiza isabukuru y’amavuko, icyakora yabikoze amutunguye cyane mu rwego rwo kumwereka ko amuzirikana cyane.

Umubyeyi wa Josh Ishimwe, yinjiye ahabereye ibirori yateguriwe mu buryo bw’ibanga, atungurwo no kuhabona abantu benshi azi kandi akisanga ari we mushyitsi w’imena. Yasanganiwe n’umusore we Josh, agiye kwicara ku ntebe isanzwe yari abonye hafi aho umusore we aramwangira, amwereka intebe idasanzwe yateguriwe imeze nk’iy’Abamikazi.

Josh Ishimwe yakoreye umubyeyi we ibirori bikomeye ku munsi w’amvuko

Josh Ishimwe yabwiye inyaRwanda ko ari ikinege. Ati Ndi ikinege, nta wundi mwana mama yabyaye, abandi ni abo yareze bo mu muryangp”. Yavuze ko impamvu yateguriye umubyeyi we ibi birori muri uyu mwaka “ni cyo gihe nabonaga cyiza kuri we”.

Yongeyeho ko asanga umubyeyi we ageze mu myaka myiza yo gutaramirwa. Ati “Ni umubyeyi mukuru udashaje ariko nyine ugejeje imyaka yo gutaramirwa n’umuhungu we. Kuri njye byari uyu mwaka ni bwo numva ari byiza kuri njye mbifiye n’ubushobozi bwo kubikora”.

Yavuze ko byari ibanga “Surprise” ntabwo umubyeyi we yari abizi kandi “yabyakiriye neza cyane yishimye rwose pe, ni amwe mu mateka atazibagirwa yamubayeho”. Yavuze ko yari yatumiye abantu bacye kubera ko “nabiteguye nifuza ko hazamo abantu bacye bo mu muryango n’abantu basengana bya hafi n’abantu duturanye”.

Josh Ishimwe wihebeye injyana Gakondo imaze kumuhuza n’abakomeye, yunzemo ko iyo atumira abantu benshi muri ibi birori by’umubyeyi we byari kurangira avumbuwe, bikabishya ibirori. Aragira ati “Iyo biba binini cyane [ibirori], sinari kubasha kubigeraho kuko yari kumvumbura igihe cyo ari cyo cyose”.

Yavuze ko yamuteguriye umutsima [cake] mu gushimangira urukundo amukunda na cyane ko wari wanditseho ko amukunda. Avuga ko kuba yamuteguriye intebe nk’iy’Abamikazi, yabikoze mu kumushimira no kumwereka ko amwubaha cyane. Ati “Intebe yo idasanzwe ni icyubahiro numvaga mugomba kuko yambereye Mama ndetse na Papa”.

Umubyeyi wa Josh Ishimwe akunze gushyigikira kenshi umuhungu mu bikorwa by’umuziki

Mu muziki, Josh Ishimwe yavuze ko ahishiye abakunzi be indirimbo nshya nyinshi by’umwihariko mu Ukuboza, 2024. Ni nyuma uyu mwaka wa 2024 nabwo atabicishije irungu kuko yashyize hanze indirimbo zitandukanye zirimo “Ngumirize Nigine Imana”, “Ni wowe Rutare rwanjye”, “Uri Imana yo gushimagizwa” na “Nzohaguruka ndirimbe”.

Josh Ishimwe avuga ko mu mwaka wa 2000 ari bwo yatangiye urugendo rwo gukorera Imana binyuze mu kuririmba muri korali y'abana mu rusengero. Ariko icyo gihe ntiyari aziko ari umwuga ushobora kuzamubeshaho mu buzima bwe bwose.

Uyu musore w'imyaka 24 y'amavuko yanyuze mu matsinda y'abaramyi ari na ko akuza impano ye yatangiye kugaragaza kuva mu myaka ibiri ishize. Yanyuze mu Urugero Music, kandi yakoranye bya hafi n'abaramyi barimo Yvan Ngenzi [Ngenzi y’Intore] na René Patrick bamufashije kwisanga mu muziki.

Mu 2017, Josh Ishimwe yabwiye TNT ko yabashije guhuza indirimbo zihimbaza Imana na gakondo “mbifashijwemo n'abahanzi nka Yvan Ngenzi”. Yavuze ariko ko byanaturutse ku kuba akunda indirimbo za gakondo.

Josh Ishimwe uzwi mu ndirimbo nka 'Amasezerano' n’izindi zitandukanye, avuga ko yibazaga ibijyanye n'aho azakura amafaranga yo kwishyura indirimbo ya mbere kugeza ubwo yabonye abamufasha atangira gukora umuziki. Avuga ko nk'abandi bahanzi bose yari afite ubwoba bw'uburyo abakunzi b'umuziki bazamwakira.

Josh Ishimwe wihebeye gakondo ari mu bahanzi bakunzwe cyane mu Rwanda

Josh Ishimwe umaze kwitabazwa n’abahanzi banyuranye mu bitaramo byabo, yahiriwe cyane n’umwaka wa 2023 kuko yabashije kuririmba inshuro ebyiri mu cyumweru kimwe imbere y'Umufasha w'Umukuru w'Igihugu Madamu Jeannette Kagame.

Kuwa Gatanu tariki 11 Kanama 2023, Josh Ishimwe yaririmbye mu isozwa ry'igiterane All Women Together (AWT2023) gitegurwa na Women Foundation Ministries yashinzwe ndetse iyoborwa na Apotre Mignonne Kabera uzwiho gushyigikira cyane abaramyi.

Ni igiterane cyabereye muri Kigali Convention Center, kitabirwa n'abagore barenga 5,000. Madamu Jeannette Kagame wari Umushyitsi Mukuru, yagaragaye yizihiwe cyane mu ndirimbo 'Reka Ndate Imana Data' yaririmbwe n'abaririmbyi bari barangajwe imbere na Josh Ishimwe.

Madamu Jeannete Kagame yabyinnye iyi ndirimbo ari kumwe na Apotre Mignonne Kabera na Sinach wo muri Nigeria ufatwa nka nimero ya mbere muri Afrika mu bahanzikazi bakora umuziki wo kuramya no guhimbaza Imana. Babyinnye iyi ndirimbo banayiririmba ijambo ku rindi.

Tariki 13 Kanama 2023, Josh Ishimwe yongeye kugirirwa umugisha wo kuririmba imbere ya Madamu Jeannette Kagame. Hari mu masengesho yo gusengera igihugu cy’u Rwanda, yabereye muri Kigali Serena Hotel, akaba ahuza urubyiruko ruri mu nzego z'ubuyobozi.

Aya masengesho azwi nka Young Leaders Prayer Breakfast, yitabiriwe n'abagera kuri 400 biganjemo urubyiruko. Insanganyamatsiko yayo yari 'Abayobozi bato no kurera muri iyi Minsi' bisobanuye “Young leaders and parenting today”, ikaba iboneka mu Imigani 127: 3-5.

Mu bitabiriye aya masengesho ategurwa n'Umuryango Rwanda Leaders Fellowship, harimo: Madamu Jeannette Kagame wari Umushyitsi Mukuru, Ange Kagame, Bertrand Ndengeyingoma, Minisitiri w'Ubutegetsi bw'Igihugu Musabyimana Jean Claude;

Minisitiri w'Urubyiruko, Dr. Utumatwishima Jean Nepo Abdallah, Aline Gahongayire, Lt Col Simon Kabera, Atome/Gasumuni, Producer Ishimwe Clement, Lucky Nzeyimana, Pamela Mudakikwa, Ingabire Egidie Bibio wa Televiziyo Rwanda, Mutesi Scovia, Sandrine Isheja, n'abandi.

Abahanzi baririmbye muri aya masegesho bari bayobowe na Josh Ishimwe — niwe wateraga indirimbo. Ubwo Madamu Jeannette Kagame yinjiraga, yasanze barimo kuririmba indirimbo 'Inkovu z'urukundo' ya Aime Uwimana ukunzwe mu ndirimbo “Muririmbire Uwiteka”.

Josh Ishimwe n’aba baririmbyi baririmbye indirimbo zitandukanye, iteraniro ryose ririzihirwa cyane. Mu zo baririmbye harimo “Inkingi Negamiye”, “Imana iraduteturuye”, “Reka Ndate Imana Data”, “Rumuri Rutazima”, zose zikaba zarasubiwemo na Josh Ishimwe mu mudiho wa Kinyarwanda.

Josh Ishimwe yavuze ko yanejejwe no kuririmba imbere y'abanyacyubahiro barimo Madamu Jeannette Kagame. Ati 'Byankoze ku mutima. Byari ibyishimo kuririmba imbere y'umubyeyi wacu First Lady ndetse na Apostle Mignonne na Sinach, ntibyari ibisanzwe pee'.

Mu 2023, Josh Ishimwe yakoze andi mateka aho yakoze igitaramo cye cya mbere yise 'Ibisingizo bya Nyiribiremwa' cyabaye tariki 20/08/2023 muri Kigali Conference and Exhibition Village ahazwi nka Camp Kigali. Cyaritabiriwe bikomeye ndetse cyomora imitima y’abantu ibihumbi bacyitabiriye. Muri iki gitaramo, Josh yahaye umubyeyi we impano y’ishimwe.

Josh Ishimwe yashimiye umubyeyi we mu gitaramo aheruka gukora

Josh Ishimwe mu gitaramo gikomeye yakoze mu mwaka wa 2023

Josh Ishimwe ari mu bahanzi bubashywe mu gihugu mu njyana Gakondo

Josh Ishimwe yamamaye cyane mu ndirimbo “Reka Ndate Imana”

Josh Ishimwe yifatanyije n’umubyeyi we kwizihiza isabukuru y’amavuko anamushimira mu ruhame

Mu rwego rwo gukemura bimwe muri ibyo bibazo, by'umwihariko mu rwego rw'ubwubatsi, Guverinoma yagejeje ku Nteko Ishinga Amategeko umushinga w'itegeko rigenga imirimo y'ubuhanga mu guhanga inyubako, iy'ubuhanga mu by'ubwubatsi n'iy'ubuhanga mu kubara, kugena no kugenzura ingano y'ibintu n'ibiciro mu bwubatsi, ukaba waremerejwe ishingiro mu ntangiriro z'uku kwezi.

Ikigamijwe ahanini ni uko igihugu kigira abahanga mu kubara, kugena no kugenzura ingano y'ibintu n'ibiciro mu bwubatsi mu nzego zitandukanye, mu rwego rwo kugira ngo hirindwe amakosa ahora agaruka muri raporo y'Umugenzuzi Mukuru w'Imari ya Leta.

Iryo tegeko rigenga imirimo y'ubuhanga mu guhanga inyubako, iy'ubuhanga mu by'ubwubatsi n'iy'ubuhanga mu kubara, kugena no kugenzura ingano y'ibintu n'ibiciro mu bwubatsi niritorwa, nta we uzongera kwemererwa gukora uwo mwuga atanditswe mu rugaga. Kuri ubu urwo rugaga rugizwe n'abanyamuryango bagera ku 120.

Kuri uyu wa 20 Ugushyingo 2024, Urugaga rw'Abahanga mu kubara kugena no kugenzura ingano y'ibintu n'ibiciro mu bwubatsi (Rwanda Institute of Quantity Surveyors: RIQS) rwagiranye ibiganiro n'abanyeshuri biga ayo masomo muri Rwanda Polytechnic, kugira ngo babatera umwete banabereke amahirwe ahari ku isoko.

Umuyobozi wa RIQS, Charles Rugira, yasabye abanyeshuri ba RP biga ibijyanye na 'quantity surveying', gushyiraho umwete kuko ari bo igihugu gitezeho amakiriro mu gukemura ibibazo byibasiye uru rwego.

Yagize ati 'Dufite abantu bake bafite ubumenyi muri uyu mwuga, kandi leta iradukeneye kugira ngo tugire uruhare mu kugabanya amakosa akigaragara ahombya leta akayabo […] Dukeneye abahanga benshi mu kubara, kugena no kugenzura ingano y'ibintu n'ibiciro mu bwubatsi mu mirimo yose, kugira ngo tubone abantu bazashobora gutuma amakosa agaragazwa n'Umugenzuzi w'Imari ya Leta agabanyuka,'

'Nimwiga mukagira ubumenyi buhagije, hari amahirwe menshi abategereje. Muri uyu mwuga dukeneye Abanyarwanda bahabwa akazi ku rwego mpuzamahanga, kuko kuba Umunyarwanda ni ubutunzi kuri ubu.'

Umwe mu banyeshuri barangije muri RP wahaye ubuhamya bagenzi be bw'inzira igoye yanyuzemo ariko akagera ku nzozi ze, Iradukunda Consolée, yavuze ko yari afite inzozi zo kuzaba umuganga ariko akisanga muri IPRC aho yagombaga kwiga 'Civil Engineering', nyuma akaza kubona bigoye agasaba inama z'ibindi yakwiga bijyanye bakamurangira 'Qunatity surveying'.

Yongeyeho ati 'Kuva uwo munsi nakunze ibijyanye na 'quantity surveying' ntangira kubishyiramo umwete. Uyu munsi nejejwe n'akazi kanjye n'ubwo ngitangira nabanje kwishidikanyaho nibaza niba nzabibasha, ariko byose byagenze neza.'

Kuri ubu Iradukunda akora muri REAL Contractors Ltd, ibijyanye n'ibyo yize mu ishuri, nubwo avuga ko bakiga babanje gucibwa intege ndetse hakagira bamwe babivuyemo, ariko avuga ko kudacika intege ari byo akesha uwo musaruro.

Umuyobozi w'Ishami rya Civil Engineering muri RP ishami rya Kigali, Iyakare Jean de Dieu, yavuze ko biteguye gukemura imbogamizi zagaragajwe n'abanyeshuri, bakaba bateganya guhindura izina ry'ishami.

Yasanye Urugaga rw'Abahanga mu kubara kugena no kugenzura ingano y'ibintu n'ibiciro mu bwubatsi kubafasha kunoza integanyanyigisho ndetse no gufasha abanyeshuri mu imenyerazamwuga ku buryo basohoka bafite ubumenyi buhagije bukenewe ku isoko ry'umurimo.

Abanyeshuri biga ibijyanye no kubara, kugena no kugenzura ingano y'ibintu n'ibiciro mu bwubatsi muri RP babwiwe ko hari amahirwe abategereje

Aba banyeshuri babwiwe ko umwuga wo gukora ibijyanye no kubara, kugena no kugenzura ingano y'ibintu n'ibiciro mu bwubatsi, u Rwanda rwawushyizemo ingufu.

Aba banyeshuri bo muri RP Kigali, bahawe ibi biganiro kuri uyu wa 20 Ugushyingo 2024, bigizwemo uruhare na RIQS.

Umuyobozi wa RIQS, Charles Rugira, yasabye abanyeshuri ba RP biga ibijyanye na 'quantity surveying', kwiga bashyizeho umwete

None ku wa 21 Ugushyingo 2024, Guverineri wa Banki nkuru y'Igihugu, John Rwangombwa yayoboye ikiganiro n'itangazamakuru kigamije gutangaza ibyavuye mu nama za komite (Komite ishinzwe kutajegajega kw'imari na komite ishinzwe Politiki y'ifaranga).

Guverineri wa BNR yavuze ko muri rusange ubukungu bw'Isi bwatangiye kuzamuka ugereranyije n'uko byari bimeze mu gihe cya COVID-19 ndetse n'ibiciro ku isoko bikaba bikomeje kugabanuka ku rwego rw'Isi hose.

Impamvu yo kugaruka ku rwego rw'Isi muri rusange, ni uko iyo ibiciro byatumbagiye no mu Rwanda bitumbagira kuko haba hariho ubuhahirane.

Agaruka ku bukungu bw'u Rwanda, Guverineri yavuze ko ubukungu bw'u Rwanda bukomeje kuzamuka neza aho mu gihembwe cya kabiri cy'uyu mwaka ubukungu bwazamutseho 9.8% hamwe na 9.7% mu gihembwe cya mbere ndetse igihembwe cya gatatu bakaba bizeye ko ubukungu bw'u Rwanda bwazamutse.

Nyamara n'ubwo ubukungu bw'Igihugu bwazamutse, Ifaranga ryataye agaciro cyane cyane bitewe n'uko ibitumizwa mu mahanga byazamutse kurusha ibyoherezwa mu mahanga bituma ifaranga ryacu rita agaciro kuko amafaranga yoherezwa hanze aba menshi kurusha aturukayo.

Yagize ati “Mu mezi icyenda ya mbere y’uyu mwaka, ibyo twohereza mu mahanga byazamutseho 4% ariko ibyo dukura mu mahanga byazamutseho 6.7%, icyuho kizamukaho 8.3%. Ibyo byagize ingaruka ku isoko ry’ivunjisha mu Rwanda kuko amafaranga dukeneye yabaye menshi kurusha ayo dukura hanze, bituma ifaranga ryarataye agaciro 8.4% kugeza ejo tariki ya 20 Ugushyingo 2024.”

Nyamara n'ubwo habayeho guta agaciro kw'ifaranga ry'u Rwanda, Guverineri John Rwangombwa yavuze ko biri hasi cyane ugereranyije n'umwaka ushize ku buryo uyu mwaka byibuze uzajya kurangira ibipimo rusange bitarenze 9.4%.

Yagize ati 'Biri hasi cyane nk'uko byagenze mu mwaka ushize. Tubona mu mpera z'uyu mwaka bitazarenga 9.4% mu guta agaciro.'

Bimwe mu byakorwa kugira ngo ifaranga ridakomeza guta agaciro, ni ukongera ibyoherezwa mu mahanga kurusha ibitumizwa mu mahanga.

Guverineri wa BNR, John Rwangombwa yavuze ko ifaranga ry’u Rwanda ryataye agaciro ku kigero cya 8.4%

Yitabye Imana nyuma yo kujya kwivuze mu Buhinde, ariko akavayo yaramaze gutakaza imbaraga z'umubiri, ibyaje no kumuviramo urupfu.

Ni inkuru yamenyekanye ku wa 20 Ugushyingo, 2024.

Dr. Joseph Nkurunziza, Umuyobozi wa Koleji y'Ubukungu muri Kaminuza y'u Rwanda, nyakwigendera yakoreragamo, yabwiye ikinyamakuru The Kaminuza Star cya Kaminuza y'u Rwanda, ko bababajwe bikomeye n'urupfu rwa Prof. Musahara kandi bihanganishije umuryango we.

Ati 'Twamenye inkuru y'urupfu rwe, kandi turihanganisha umuryango we. Turahari ngo tumuherekeze mu cyubahiro.'

Yakomeje avuga ko nka Koleji y'ubukungu, bashima umurava n'ubwitange byaranze ubuzima bwa Prof. Musahara n'uburyo yahoraga aharanira iterambere ry'ubumenyi n'ubukungu.

Dr. Jean Bosco Shema, Umuyobozi muri UR, Ishami rya Huye, yabwiye IGIHE ko nka Kaminuza babuze umuntu w'ingirakamaro, bamwifuriza kuruhukira mu mahoro.

Ati'' Mu buzima, byose turabyakira. Ni inkuru yatubabaje, ariko turamusabira ku Mana ngo aruhukire mu mahoro.''

Mu bijyanye n'amashuri yize, Prof. Musahara yari afite impamyabumenyi y'ikirenga (PhD) mu bijyanye n'iterambere yakuye muri Kaminuza ya Western Cape muri Afurika y'Epfo, ubu akaba yari Associate Professor.

Yabanje kwiga muri Kaminuza ya Dar es Salaam muri Tanzania, aho yakuye impamyabumenyi y'icyiciro ya gatatu cya Kaminuza mu bukungu , nyuma yo gusoza icyiciro cya Kabiri cya Kaminuza Nkuru y'u Rwanda(UNR) mu ishami ry'ubukungu.

Prof. Musahara yatangiye kwigisha muri Kaminuza y'u Rwanda mu 1997 icyitwa Kaminuza Nkuru y'u Rwanda(UNR), aho yakoreraga mu ishami ry'ubukungu kugeza. Mu 2014 yayoboye Ishuri ry'Ubukungu muri UR.

Prof. Musahara yabaye n'umushakashatsi ukomeye mu kigo mpuzamahanga cy'ubushakashatsi (Organization for Social Science Research in Eastern and Southern Africa) gifite icyicaro muri Ethiopia, imirimo ashimwa kuba yarakoze neza.

Prof. Musahara yavutse mu mu 1955, akaba yitabye Imana afite imyaka 69, asize abana batandatu n'umugore.

Prof. Musahara yitabye Imana azize uburwayi

Ingabire ukomoka mu Karere ka Musanze, amaze kubaka izina ryo kuba ari we mukobwa wenyine utwara moto mu mujyi wako, nubwo benshi batari basobanukiwe imvano y'igitekerezo cye.

Uyu mukobwa mu rwego rwo kugerageza imishinga myinshi, yatangiye acuruza imboga azikura mu cyaro azizana ku masoko yo mu mujyi wa Musanze, gusa umuruho yatahanaga umutera kwiga igare kugira ngo ajye abisunikaho.

Reba iyi video umenye uko Blandine yahisemo gutwara moto

Abaturanyi b'uwo mukecuru babwiye TV1 ko ku itariki 19 Ugushyingo 2024 babonye uwo nyakwigendera azanywe n'umugore mu rugo rw'uwo mukecuru, usanzwe asengera abantu bafite ibibazo.

Umwe yagize ati'Uwo mukecuru yari umurokore noneho twabonye bamuzaniye uwo mugabo ngo amusengere ariko ngo yari asanzwe arwaye. Bakimugeza hano baramusengeye nyuma arapfa ariko twahageze yapfuye. Ntabwo tuzi icyamwishe ariko ubwo yari afite ikimurimo kuko ntabwo umuntu yaza ari muzima ngo ahite apfa'.

Bakomeza bavuga ko uwo mukecuru yari asanzwe asengera abantu barwaye hakaba ubwo borohewe cyangwa bagakira ariko hakaba nta rusengero rwari rusanzwe ruhari.

Umuvugizi wa Polisi mu Ntara y'Amajyepfo, SP Habiyaremye Emmanuel yavuze ko ukekwa yamaze gutabwa muri yombi.

Ati 'Hafashwe ucyekwa ari we nyiri urugo ubu afungiye kuri Sitasiyo ya Polisi ya Ruhango. Iperereza rirakomeje naho umurambo wajyanywe ku Bitaro bya Gitwe'.

Amakuru kandi avuga ko muri urwo rugo ubuyobozi bw'inzego z'ibanze bwari bwarabujije uwo mukecuru kahakorera ibikorwa byo gusengera abantu kuko hatemewe ariko undi arakomeza arabikora.