Category: Uncategorized

Ni imibare yatangajwe ubwo Minisiteri y'Uburezi, MINEDUC yatangizaga ku mugaragararo gahunda ngarukamwaka y'ibiganiro bigamije kurebera hamwe ingamba zatuma abafite ubumuga bisanga muri porogaramu y'uburezi bw'u Rwanda.

Imibare ya MINEDUC igaragaza ko abanyeshuri 38.937 bafite ubumuga bari mu bigo by'amashuri bitandukanye. Abahungu ni 17.322 mu gihe abakobwa ari 21.615.

Muri abo barimo 12.811 bafite ubumuga bw'ingingo cyangwa ubu bugaragara, 7856 bagorwa no kwiga, 5043 batabona, 2603 batumva, abafite ibibazo byo gukora cyangwa bafite miterere itandukanye nk'ubugufi bukabije n'ibindi bangana na 1763.

Abafite ibibazo byo kuvuga ni 3645, abafite ubumuga bukomatanyije ni 4311, ubafite ubwo mu mutwe ni 909 n'abafite autism bangana na 102.

Mu barezi 29.448 bamaze guhabwa ubumenyi bubafasha kwita ku bafite ubumuga by'umwihariko, barimo abarimu 15.569 n'abayobozi mu bigo by'amashuru bangana na 13.879.

Mu guteza imbere gahunda yo kwita ku bafite ubumuga mu buryo bw'amashuri MINEDUC yatanze gahunda y'ibyo kigomba kuba cyujuje kugira ngo cyakire abafite ubumuga.

Ubu ibigo by'amashuri 850 bya leta bifite ubwiherero bufasha abafite ubumuga kwiherera batabangamiwe, mu gihe ibifashwa na Leta bibufite ari 1032, naho iby'abikorera bikaba 262.

Nubwo u Rwanda rukomeje guteza imbere abafite ubumuga, haracyari icyuho gikomeye cyo kumenya ubumuga bwa nyabwo abana bafite, n'aho bagerageje hakitabwa ku bugaragara gusa, abafite ubutagaragara ntibamenyekane bikwiriye.

Minisitiri w'Uburezi, Joseph Nsengimana, yavuze ko bari gutegura umushinga uzafasha mu kumenya abanyeshuri bafite ubwo bumuga butagaragara hakamenyekana n'uburyo bafashwa.

Ati 'Ni yo gahunda turimo kugira ngo tumenye abo bana, aho bari uko bangana n'uburyo twabitaho kugira ngo hongerewe n'ibigo bibitaho. Turi kubikoraho, hari Komisiyo ihuriwemo n'abo muri za minisiteri zitandukanye ziri kwiga kuri iyo gahunda n'uburyo yashyirwa mu bikorwa ngo twite ku bafite ubumuga bo mu gihugu hose.'

Mu guhangana n'ibyo bibazo byo kutamenya urugero rw'ubumuga umunyeshuri afite, MINEDUC yaguze imashini zipima urugero rw'ubumuga abantu bafite bwaba ubwo kutavuga, kutabona ubundi bagakorerwa ibibafasha, mu buryo butandukanye bijyanye n'urwego rw'ubumuga.

Furaha Jean Marie Vianney w'imyaka 52 afite ubumuga bukomatanyije bwo kutumva, kutavuga no kutabona.

Icyakora nubwo yahuye n'izo ngorane zose ni umwarimu mu kigo cyo mu Mujyi wa Kigali.

Furaha agaragaza ko bakomeje guhura n'imbogamizi z'ihezwa agasaba ko byakwitabwaho kugira ngo na bo bisange mu bandi.

Ati 'Abana baracyahishwa, ntibajyanwa gukina, ntibavuzwa uko bikwiriye, inyubako nyinshi ntiziboroheye kuzigendamo, ntibazi ururimi rw'amarenga, ikirenze ibyo bikaba ibyo kwiga kuko ubu nta bigo byigisha abafite ubumuga bwo kutavuga, kutabona no kutumva bihari.'

Umunyamabanga Nshingwabikorwa w'Inama y'Igihugu y'Abantu bafite ubumuga mu Rwanda (NCPD), Emmanuel Ndayisaba, yavuze ko batangiye gahunda yo gutangiza ikigo muri buri ntara gishobora kwakira byibuze abafite ubumuga bose.

Ati 'Niba hari gahunda yo gufasha abana kwiga ahegereye iwabo ariko uwo byananiye kuko ikigo kimwegereye kitamufasha, habe hari ikigo cya leta kimufasha, acumbikirwe atungwe, afite n'abakozi babizobereye.'

Ndayisaba yavuze ko ingengo y'imari y'uyu mwaka izarangira hamaze gukorwa inyigo. Ubu bamaze kuganira n'abantu batandukanye bazabafasha muri iyo gahunda.

Mu Majyaruguru bamaze kuganira n'ikigo cy'Abapadiri cyitwa Paruwasi Nyinawimana cyo mu Karere ka Gicumbi, Icya Gatagara giherereye i Gikondo mu Mujyi wa Kigali, n'icya Gahini mu Burasirazuba, Ndayisaba akavuga ko bitarenze mu myaka itatu gahunda izaba yakunze.

Umuyobozi w'Ikigo cy'Igihugu Gishinzwe Uburezi Bwibanze, Dr. Nelson Mbarushimana (iburyo) na Minisitiri w’Uburezi, Joseph Nsengimana ubwo bari bageze ahagombaga kuganirirwa uko uburezi bw’abafite ubumuga bwatezwa imbere

Umuyobozi w’Umujyi wa Kigali, Dusengiyumva Samuel yakira abari bagiye kuganira ku guteza imbere uburezi bw’abafite ubumuga mu nama yabereye i Kigali

Umuyobozi w'Ikigo cy'Igihugu Gishinzwe Uburezi Bwibanze, Dr. Nelson Mbarushimana (ibumoso) akurikiye ikiganiro kigaragaza ibigomba kwitabwaho mu kwimakaza uburezi budaheza

Umuyobozi wa USAID mu Rwanda, Keisha Effiom (ibumoso) na Minisitiri w’Uburezi, Joseph Nsengimana mu bakurikiye ibiganiro byagarukaga ku guhangana n’imbogamizi ziri mu guteza imbere uburezi bw’abafite ubumuga

Umuyobozi Mukuru ushinzwe Politiki n’Igenamigambi muri Minisiteri y’Uburezi, Rose Baguma (ubanza iburyo) mu bitabiriye inama yiga kuguteza imbere uburezi bw’abafite ubumuga iri kubera i Kigali

Umuyobozi Mukuru w'Ikigo cy'Igihugu gishinzwe Ibizamini n'Ubugenzuzi bw'Amashuri, NESA, Dr Bahati Bernard (ibumoso) n’Umunyamabanga Nshingwabikorwa w'Inama y'Igihugu y'Abantu bafite ubumuga mu Rwanda (NCPD), Emmanuel Ndayisaba mu bitabiriye inama yiga ku guteza imbere uburezi bw’abafite ubumuga

Umuyobozi w'Ikigo cy'Igihugu Gishinzwe Uburezi Bwibanze, Dr. Nelson Mbarushimana yerekanye uburyo u Rwanda rukomeje gukataza mu guteza imbere uburezi budaheza

Abanyeshuri bafite ubumuga butandukanye bitabiriye inama yigaga ku guteza imbere uburezi bwabo

Furaha Jean Marie Vianney (iburyo) ufite ubumuga bwo kutumva, kutavuha no kutabona yasabye ubuvugizi ku guca ihezwa rikorerwa abafite ubumuga by’umwihariko ubukomatanyije

Minisitiri w’Uburezi, Joseph Nsengimana yavuze ko bari gutegura umushinga uzafasha kumenya abanyeshuri bafite ubumuga butagaragara

Mu nama yigaga ku guteza imbere uburezi bw’abafite ubumuga hanamuritswe zimwe mu mfashanyigisho zifashishwa mu guteza imbere uburezi bw’ibanze

Abayobozi banamurikiwe bimwe mu bikorwa bigirwamo uruhare n’imiryango iteza imbere abafite ubumuga bijyanye no guteza imbere uburezi bwabo

Niyonzima Jean de Dieu ufite ubumuga bwo kutabona ndetse wabaye uwa gatanu mu bizamini bya leta bisoza icyiciro rusange yagaragaje imbogamizi abafite ubumuga bahura na zo mu kwiga

Mutesi Scovia ni we wayoboye ibiganiro byagarukaga ku guteza imbere uburezi bw’abafite ubumuga

Abayobozi batandukanye bafite aho bahuriye n’uburezi bahuriye i Kigali mu nama igamije guteza imbere uburezi bw’abafite ubumuga

Amafoto: Habyarimana Raoul

Uyu musore yageze ku kibuga cy’indege Mpuzamahanga cya Kigali i Kanombe mu ijoro ryo kuri uyu wa Gatatu tariki 27 Ugushyingo 2024, yakirwa n’abakobwa bo muri Kigali Protocol.

Yaherukaga i Kigali mu Cyumweru gishize ubwo yaririmbaga muri kamwe mu tubyiniro, ndetse kuva mu 2023 yakunze kugenderera u Rwanda.

Uyu musore yari yabanje kugorwa no kubona indege, kuko ubwo hari ageze ku kibuga cy’indege cya Tanzania, yagowe no kuhava bituma amasaha yo kugera i Kigali yigizwa imbere.

Drama T ari ku rutonde rw’abahanzi bazaririmba mu gitaramo Davis D azizihirizamo imyaka 10 ishize ari mu muziki yise ‘Shine Boy Fest”.

Ni igitaramo kizabera muri Camp Kigali, kandi kizaririmbamo n’abandi bahanzi barimo nka Alyn Sano, Platini P, Dany Nanone, Lisaa, Melissa, Nel Ngabo, Bushali n’abandi.

Drama ni umwe mu babarizwa mu inzu ifasha abahanzi mu bya muzika ya ‘ ‘BantuBwoy Entertainment’ y’umunyabigwi mu muziki w’u Burundi, Big Fizzo.

Ku wa 17 Nyakanga 2022, yatangaje isohoka rya Extended Play (EP) ye ya mbere yise “Revolution Rose” iriho indirimbo zirindwi (7) nka ‘Sawa’, ‘Math’, ‘Your Man’, ‘Ambulance’, ‘Itunda’ yakoranye na Big Fizzo, ‘Uh Lala’ ndetse na Ye Sir’.

Davis D ugiye gukora iki gitaramo, avuga ko muri iki gihe anahugiye mu gutegura indirimbo nshya zizaba zigize Album ye nshya. Ni album avuga ko izaba iriho indirimbo nyinshi kandi 'ziryohe amatwi'. Yaherukaga gusohora Album yise 'Afro Killer' yariho indirimbo zakunzwe cyane.

Mu bindi bikorwa ari gukora muri iki gihe, harimo no kwitegura gushyira hanze udukingirizo twamwitwiriwe aho azakorana n'umuryango Syber Rwanda.

Davis D mu mvugo ye aherekeresha amazina ye kuvuga ko ari 'umwana w'abakobwa'. Inyandiko zimuvugaho, zigaragaza ko yavutse ku wa 23 Werurwe 1993, aho yavukiye mu Karere ka Huye mu Majyepfo y'u Rwanda.

Ku kibuga cy’indege, Drama T yakiriwe n’abakobwa bo muri Kigali Protocol 

Iyi gahunda igamije gushimira abakoresha Mokash mu Rwanda ku bw’ubudahemuka bwabo no gutesa imbere umuco wo kwizihamira yatangiye kuri uyu wa Gatatu tariki ya 27 Ugushyingo 2024, ikazaheza ku ya 20 Ukuboza 2024.

Mu bihembo bizatsindirwa harimo Miliyoni 1 y’amafaranga y’u Rwanda izajya itangwa buri Cyumweru  n’igihembo Nyamukuru cya Miliyoni 5 z’Amanyarwanda ku bantu babiri. 

Abakiriya bahisemo gutangira kuzigama no kuguza binyuze muri Mokash bahita bemererwa kuba batsindira ibi bihembo. Abazagama bakoresheje Mokash bahabwa inyungu ya 7 % ku mwaka.

Byongeyeho kandi, abakiriya bashobora gukoresha uburyo bwo kuzigama ako kanya kugira ngo bazamure amafaranga bizigamira ndetse bagere no ku ntego zabo.

Umuyobozi mukuru wa Mobile Money Rwanda Ltd, Chantal Kagame, yatangaje ko yishimiye iyi gahunda yo guha Noheli Abanyarwanda.

Ati “Twishimiye bidasanzwe gutanga Noheli dutangiza gahunda ya TubiriMo na Mokash mu rwego rwo gushimira abakiriya bacu duha agaciro.

Iyi gahunda irenze gutanga ibihembo gusa,iijyanye no guteza imbere umuco wo kuzigama no kugira ngo Abanyarwanda bagire amafaranga . 

Mu guha agaciro icyizere abakiriya bacu badufitiye, twiyemeje guteza imbere imikorere myiza y’amafaranga izabafasha gutegura ejo hazaza habo ndetse no kugera ku ntsinzi zabo z’igihe kirekire” .

Umuyobozi mukuru wa NCBA Bank Rwanda,Nicholas Musyoka yavuze ko bishimiye gutangiza iyi gahunda igamije kongerera ubushobozi abakoresha Mokash.

Yagize ati ” Twishimiye gutangiza iyi gahunda, igamije kongerera ubushobozi abakoresha Mokash cyane cyane urubyiruko n'abagore. 

Mokash itanga uburyo bworoshye bwo kubona inguzanyo ziciriritse zigihe gito kugeza ku 500.000 Frw ndetse n’inyungu zitaganwa ku bizigamira , bigatanga amahirwe yo kuzamuka kw’amafaranga”.

Yakomeje agira ati” Iyi gahunda irenze ubukangurambaga; ni urugendo rwo kongerera ubushobozi amafaranga. Mu kwitabira, abakoresha Mokash ntabwo bongera umutekano w’amafaranga yabo gusa ahubwo banagira amahirwe yo gutsindira ibihembo bishimishije.  

Ibyo twiyemeje ni ugukomeza gufasha abakiriya bacu kugera ku byo bifuza. Reka Mokash ibe amahitamo yawe mu gukemura ibibazo by’amafaranga”.

Abari kwinjira muri MoKash binyuze muri ubu bukangurambaga banyura ku *182*13# bagakurikiza amabwiriza.

Igihembo Nyamukuru ni Miliyoni 5 Frw

Iriya ndirimbo yakoranye na Davis D yatumbagije izina rye, ndetse irarebwa mu buryo budasanzwe, binatuma yisanga mu itangazamakuru ari kumwe na Davis D basobanura imvano y’iyi ndirimbo. 

Nyuma y’iriya ndirimbo, uyu mukobwa yasohoye indirimbo ebyiri zirimo ‘Trust’ imaze amezi arindwi igiye hanze ndetse na ‘Uyu’ imaze amezi atandatu igiye hanze.

Ni indirimbo zitagize ubukana nk’uko ‘My Dreams’ yakiriwe! Iyo muganira akubwira ko hari izi ndirimbo yari yarakoze mbere y’uko akorana na Davis D ‘ariko iriya niyo yamfunguriye inzira’.

Yumvikanisha ko gukorana na Davis D byagizwemo uruhare n’uyu muhanzi kuko ‘yashakaga umuhanzi muto bakorana’.

Melissa avuga ko ubwo yitabaga telefone ya Davis D amubwira ko ashaka kumwifashisha mu ndirimbo ‘byaratunguye’ ndetse ‘ntekereza ko ari ukumbeshya’.

Iyi ndirimbo bitewe n’uko bashakaga kuyishyira mu ndimi zirenze Ikinyarwanda, yifashishije  abarimo umunyarwenya Michael Sengazi mu kuyandika.

Davis D yanshyize ku rwego rw’umuziki ntigeze ntekereza

Mu kiganiro na InyaRwanda, Melissa yavuze ko yatunguwe no gukorana indirimbo na Davis D kuko ‘ntabwo byigeze bibaho ko umuntu aza mu gahita mumenya’. 

Yasobanuye ko iriya ndirimbo yahinduye ibintu byinshi byiza ‘kandi byampaye gufunguka cyane mu muziki kuko ni ibintu nifuzaga gukora mu buryo bwagutse nka ‘Business’.

Asobanura ko ari igihe cyari kigeze cyagejeje ku kuba yarabashije gukorana indirimbo na Davis D.

Ashingira mu kuba buri gihe iyo yabaga ari muri ‘studio’ ‘hakaza umusitari narasohokaga na Davis rero aje nawe naragiye ntabwo nari kuhaguma, namuhaye umwanya, rero gutyo niko twahuye, rero byarikoze rwose, ni n’ubwa mbere twari duhaye’.

Uyu mukobwa yavuze ko gukorana indirimbo na Davis D byatumye amenyera kuririmbira muri ‘studio’ harimo n’abandi bantu, kandi yamenye kubaha igihe kuko ‘natangiye umuziki ari ibintu biri aho, atari ibintu nafata nk’aho ari ‘Business’.

Melissa asobanura ko kwinjira mu muziki byaturutse kuri Producer Muriro bahuye mu 20220, amuyobora mu nzira yashakaga kwisangamo kugeza n’ubu.

Ati “Nakoraga umuziki kubera ko Muriro(Producer) yansunikaga, ubwo rero mba ndabihagaritse ndavuga nti reka mbanze nsoze amasomo yanjye nzabikora nyuma, nkajya njyayo nyuma rero nibwo nahuye na Davis D, hanyuma tubona iriya ndirimbo.”

Melissa avuga ko mu mashuri yisumbuye yize Imibare, Ubukungu n’Ubumenyi bw’Isi, kandi ko kwisanga mu muziki ‘si ibintu nari naratekereje ku buryo navamo umuhanzi ukomeye kuko numvaga nshaka kwiririmbira ibintu bisanzwe bikarangira.

Uyu mukobwa asobanura ko gutangira umuziki nta mbogamizi yahuye neza ahanini biturutse mu kuba ‘narahuye n’abantu bafite umutima mwiza’.

Arangamiye gukora umuziki wamugeza kuri ‘Grammy Awards’

Uyu mukobwa yavuze ko gutangira umuziki agakorana indirimbo na Davis D, ndetse ikarebwa inshuro Miliyoni imwe mu gihe gito, byamuhaye ishusho y’uko ibyo yinjiye bishoboka.

Akavuga ko mu myaka itanu iri imbere ashaka kwibona ku rutonde rw”abazahatanira Grammy Awards’. Ati “Melissa uri ahantu hose, kandi ku rwego mpuzamahanga.”

Byansabye kuguza amafaranga kugirango mbashe gukora indirimbo ya Kabiri. Yavuze ko nyuma y’indirimbo yakoranye na Davis D, yatekereje gukora indirimbo ye bwite yise ‘Uyu’, ariko yazitiwe cyane n’ikorwa ry’amashusho kuko byamusabye kwiyambaza inshuti kugirango abone amafaranga.

Melissa avuga ko yafashe ideni, ndetse yagujije amafaranga umunyeshuri ‘ndetse nashyizeho n’ayanjye byanga kuzura’.

Ntavuga neza amafaranga byamutwaye kugirango abashe gukora iyi ndirimbo kandi ‘nabashije kwishyura abantu bose’. Avuga ko ikorwa ry’indirimbo ‘Uyu’ ryamutwaye amafaranga ari hagati ya Miliyoni 3 Frw na Miliyoni 4 Frw.

Ikorwa ry’iyi ndirimbo naryo avuga ko ritamworohereye, kuko aho bari gukorera amashusho ku nshuro ya mbere bahageze basanga nyiri nzu ntabwo ahari ‘arabyanga’.

Melissa yatangaje ko gukorana indirimbo na Davis D byafunguye inzira z'umuziki we

Melissa yasobanuye ko gutangira mu muziki meza, byatumye adatagira birantege agitangira umuziki 

Melissa ni umwe mu bazaririmba mu gitaramo cya Davis D kizaba ku wa 30 Ugushyingo 2023 muri Camp Kigali 

KANDA HANO UREBE IKIGANIRO TWAGIRANYE N'UMUHANZIKAZI MELISSA

“> 

KANDA HANO UREBE AMASHUSHO Y'INDIRIMBO 'MY DREAMS' YA MELISSA NA DAVIS D

 “>

KANDA HANO UREBE AMASHUSHO Y'INDIRIMBO 'UYU' YA MELISSA

“>

Byaje kumenyekana ko iyo mbangukiragutabara yari iy'Ibitaro bya Gakoma byo mu Karere ka Gisagara yatijwe Ikigo nderabuzima cya Save mu kwegereza abaturage serivisi z'ubutabazi.

Ifatwa amashusho iri gupakirwa sima, yari ivuye kujyana umurwayi ku Bitaro bya Kabutare.

Byasobanuwe ko iyo sima yari iyo kwifashishwa mu gusana ikigega cyo mu kigo nderabuzima cya Save kuko byagaragaye ko gishobora gusenya inyubako zaho.

Ababigizemo uruhare barimo umuyobozi w'Ikigo Nderabuzima cya Save, umushoferi n'umuforomo bamaze guhagarikwa by'agateganyo. Bikaba bivugwa ko bashobora no guhagarikwa burundu kubera ko bakoze ikosa rikomeye ry'akazi.

IGIHE yamenye ko abagize uruhare muri ibyo bikorwa mu gitondo cyo ku wa 26 Ugushyingo 2024 bitabye Urwego rw'Ubugenzacyaha RIB.

Mu kiganiro IGIHE yagiranye n'Umuyobozi Mukuru w'Ishami rishinzwe ubutabazi bwihuse mu Kigo cy'Igihugu gishinzwe Ubuzima, RBC, Dr. Sindikubwabo Jean Nepomuscene yavuze ko bamenye mbere iby'iryo sanganya barikurikirana byihuse hifashishijwe ikoranabuhanga bubatse.

Ati 'Ntabwo twabimenye nyuma y'uko bigiye ku mbuga nkoranyambaga. Twabimenye mbere. Turashimira umuturage wabonye imbangukiragutabara ikora ibidakwiye agahita aduha amakuru. Hari mu masaha ya saa Munani (yo ku wa 25 Ugushyingo 2024), dukorana na Polisi y'Igihugu barafatwa. Twifashishije ikoranabuhanga ryacu, nko mu minota 20 twari twamaze gukemura ikibazo.'

Yavuze ko ibyakozwe ari ikizira kuko byangiriza imbangukiragutabara kandi zigomba kuba zujuje ibisabwa bifasha umurwayi mu rugendo ajyanywe kwa muganga.

Ati 'Birababaje kubona umuyobozi w'ikigo nderabuzima ari kumwe n'umushoferi bafata ibyemezo nko gupakiramo sima mu mbangukiragutabara kandi bazi ko bibujijwe. Ibyo byo kubaka ikigega ni amatakirangoyi kuko iyo ashaka sima yashoboraga gukorana n'inzego zibishinzwe. Njye twaravuganye musobanurira ibyo asanzwe azi ku mikoreshereze y'imbangukiragutabara yahonyoye.'

Uyu muyobozi yibukije ko mu mbangukiragutabara hajyamo umurwayi, umuganga, umushoferi n'umurwaza (iyo ari ngombwa) gusa.

RBC ikimara kwakira ayo makuru yahise ikoresha ikoranabuhanga ryayo, iyo modoka ifungirwa aho yari ihagaze, ku buryo kongera kuyatsa bitashobokaga.

Rinafasha kugenzura umuvuduko w'iyo ngobyi y'abarwayi ntube warenga ibilometero 80 mu isaha no kugenzura ko umushoferi yanyoye inzoga.

Iyo agiye gutwara yanyoye imbagukiragutabara itanga intabaza muri RBC bagahita babibona, hanyuma igahita yifunga ha handi uyitwara ntikunde.

Mu mbangukiragutabara kandi hashyizwemo cameras zo kugenzura umutekano, hakurikiranwa ibibera muri yo modoka byose bishobora guteza ibibazo n'ibindi.

Dr Sindikubwabo ati 'Ikoranabuhanga ryagabanyije impanuka z'imbangukiragutabara, kugeza muri kimwe cya kabiri. Inyinshi zagwaga bigizwemo uruhare n'imyitwarire mibi y'abashoferi.'

Nyuma ya Jenoside yakorewe Abatutsi serivisi zo gukoresha imbangukiragutabara zari nke aho mu 1998 ari bwo imbagukiragutabara za mbere zatangiye gukora mu Mujyi wa Kigali. Icyo gihe hari enye gusa.

Nyuma hafashwe intego yo kugira imbangukiragutabara imwe yita ku baturage ibihumbi 40 nk'uko Ishami rya Loni ryita ku buzima ribigena, igenda igerwaho mu myaka yakurikiye.

OMS ivuga ko abaturage baba batabawe bikwiriye, iyo byibuze hari imbangukiragutabara imwe mu baturage bari hagati y'ibihumbi 30 n'ibihumbi 50, hagafatwa ibihumbi 40.

Mu myaka irindwi ishize iyo ntego yagezweho ndetse u Rwanda ruranayirenza.

Mbere y'uko umwaka w'ingengo y'imari wa 2023/2024 urangira, u Rwanda rwari rufite imbangukiragutabara 265 zari zegereye gato uwo muhigo ariko tutarawugeraho. Leta y'u Rwanda ishyiramo imbaraga nyinshi hagurwa izindi 246 tugeza kuri 511.'

Ubu u Rwanda rubura imbangukiragutabara icyenda ngo rugere ku muhigo w'imwe ku bantu bari hagati y'ibihumbi 25 n'ibihumbi 30.

Hazaba hasigaye intego y'imbangukiragutabara imwe ku baturage ibihumbi 20, u Rwanda rwihaye ko ruzageraho bitarenze 2029.

Buri mwaka ishami ry'ubutabazi mu Rwanda ryakira abahamagara bashaka ubufasha barenga ibihumbi 30.

Mu Mujyi wa Kigali honyine hatwarwa abantu barenga 50 ku munsi bakeneye ubutabazi bwihuse, bayobowe n'ababa bagize impanuka, abafite indwara zitandura n'abagiye kubyara n'ibibazo bijyana n'icyo gikorwa.

Ni mu gihe hanze y'Umujyi wa Kigali abatwarwa benshi ari ababa bagiye kubyara n'ibindi bibazo bijyana na byo.

Ubu u Rwanda rufite site 16 ziri hirya no hino mu Mujyi wa Kigali, zishyirwamo imbangukiragutabara zitegereje gutanga ubutabazi, zivuye kuri ebyiri rwari rufite mu minsi yashize.

Mu ntara ho zashyizwe cyane cyane ku bitaro ndetse igihugu gifite intego ko ibigo nderabuzima bitatu bizajya bisaranganywa imbangukiragutabara ebyiri.

U Rwanda rufite abashoferi 526. Icyakora hakenewe abikubye gatatu kuko izo serivisi zitangwa amasaha 24. Leta igiye guha akazi abandi barenga 1200.

Mu mbangukiragutabara hashyizwemo ibikoresho bifasha umurwayi utabawe mu gihe ajyanywe ku bitaro

Imbangukiragutabara zo mu Rwanda zashyizwemo ikoranabuhanga rifasha kutarenza ibilometero 80 mu isaha

Iyi mpanuka yabereye mu muhanda wa Gicumbi-Base. Imodoka yo mu bwoko bwa coaster yari itwaye abanyamuryango ba FPR Inkotanyi bo muri Gicumbi berekeje mu nama i Musanze, yananiwe gukata ikorosi ita umuhanda.

Umuntu umwe mu bari bayirimo yahise yitaba Imana, mu gihe abandi 28 bakomeretse harimo barindwi bakomeretse bikabije.

Nyakwigendera Nyirandama Chantal yari nyiri hoteli yitwa Nice Garden yatangiye ari restaurant mu 2015, kuri ubu ikaba yari imaze gufungura ishami ryayo ndetse na restaurants ibyiri ziyishamikiyeho.

Iryo shami ryayo na ryo riri mu Karere ka Gicumbi ryafunguwe ku itariki 30 Kanama 2024 ritwaye arenga miliyoni 350 Frw.

Gasamagera Wellars, yihanganishije umuryango wa Nyirandama Chantal, ndetse anahamya ko n'abandi bakomerekeye muri iyi mpanuka, Umuryango wa FPR Inkotanyi uzakomeza kubaba hafi.

Ati 'Nk'umuryango FPR Inkotanyi tubabwire ko dukomeza kubana na we ari uyu muryango wa Pasteur Robert ari n'abandi bagiriye ibikomere n'ubundi bumuga muri iriya mpanuka turakomeza mwese tubane namwe, turakomeza kubashyigikira, turakomeza kubihanganisha.'

Yakomeje agira ati 'Niko bigomba kugenda ariko mu muryango wacu ho ni inshingano. Ntakituvunamo nta n'icyo twinubira, turi kumwe kandi tuzakomeza tubane namwe iteka ryose.'

Nyakwigendera Nyirandama Chantal yari umushoramari ukomeye ku karere ka Gicumbi, akaba yarasize abana batanu n'umugabo.

Mu bikorwa bye by'ubucuruzi, yakoreshaga abakozi bagera kuri 40 bahoraho hakiyongeraho n'abandi bakoraga nyakabyizi bitewe n'akazi gahari.

Mu kiganiro yigeze kugirana na IGIHE nyakwigendera yavuze ko ashimira ubuyobozi bw'Igihugu ku mahirwe bwamuhaye nk'umugore akabasha kwiteza imbere; ibyaje no kumuhesha kujya mu mahugurwa y'amezi ane mu by'ubucuruzi n'amahoteli yabereye muri Amerika mu 2017.

Umunyamabanga Mukuru w'Umuryango FPR Inkotanyi, Gasamagera Wellars, yihanganishije umuryango wa Nyirandama Chantal waguye mu mpanuka

Nyakwigendera Nyirandama Chantal yari umushoramari ukomeye ku karere ka Gicumbi

Dr Ndugulile yitabye Imana kuri uyu wa Gatatu tariki 27 Ugushyingo aho yari yaragiye kwivuriza mu Buhinde.

Mu butumwa Dr Nsanzimana yashyize kuri X, yihanganishije umuryango wa Dr Ndugulile na Tanzania muri rusange.

Ati 'Mu izina rya Minisiteri y'Ubuzima, tubabajwe bikomeye n'urupfu rwa Dr Ndugulile waharaniye ubuvuzi rusange muri Afurika, akaba n'Umuyobozi wari watowe wa OMS muri Afurika. Twihanganishije abaturage ba Tanzania, inshuti n'umuryango.'

Ndugulile wari ufite imyaka 55, yari Umudepite mu Nteko Ishinga Amategeko ya Tanzania. Muri Kanama uyu mwaka yari yatorewe kuyobora Ishami rya OMS muri Afurika.

Dr Faustine Ndugulile yitabye Imana kuri uyu wa Gatatu