Category: Uncategorized

Ku itariki ya 14 Nzeri 2024, Ndayishimiye Balthazar ari kumwe na bagenzi be Irumva Nerson na David Okoce, bahagurutse mu Rwanda berekeza mu Mujyi wa Munich mu Budage. Bari bahagarariye igihugu mu buryo budasanzwe nk'abasore batatu batoranyijwe muri gahunda ya Bayern Munich yo gushakisha impano nshya mu guconga ruhago.

Mu gihe bari i Munich, aba bakinnyi bagaragaje ubushobozi buhambaye by'umwihariko Ndayishimiye yitwaye neza ku buryo yaje gutoranywa mu bakinnyi bo hagati bazakina mu marushanwa atandukanye y'iyi kipe ya Bayern Munich Academy. Iki ni ikimenyetso cy'uko impano z'u Rwanda zikomeje kugaragara mu ruhando mpuzamahanga.

Ndayishimiye Balthazar ntabwo ari ubwa mbere yari agiye mu Budage. Uyu mukinnyi yari yarigeze kugerayo mu igeragezwa muri The Winners FC ariko ntibyakunda nyamara ubushake n'impano bamubonyeho byatumye ahabwa andi mahirwe, maze yongera kwerekana ko ashoboye.

Ku rubuga rwa Bayern Munich, Ndayishimiye Balthazar yavuze amagambo agaragaza intego ze, ati: 'Nzashyiraho imbaraga zanjye zose kugira ngo mbashe kuba umukinnyi wabigize umwuga, ibisigaye bigaharirwa Imana”.

Academy ya Bayern Munich izwiho gushakisha abana bafite impano zidasanzwe mu mupira w'amaguru ku isi hose. Ni muri urwo rwego yashyizeho gahunda yo gufasha impano zituruka mu bihugu bitandukanye, harimo n'u Rwanda. 

Aya mahirwe afitanye isano n'amasezerano y'ubufatanye u Rwanda rufitanye na Bayern Munich, agamije kuzamura impano z'abakinnyi bato mu Rwanda.

 

Barthazar Ndayishimiye yatoranyijwe mu bana 21 bazakinira Academy ya Bayern Munich mu Budage

Balthazar yari yajyanye na bagenzi be batatu mu budage

Muri uyu mwaka wa 2024, uri kugana ku musozo hari bamwe mu bahanzi bagaragaje ko barangije Album zizasohoka mu 2025. Aba barimo Victor Rukotana, Bruce Melodie, umuraperi Dany Nanone n'abandi banyuranye. 

Rukotana yafashe igihe cy'imyaka ibiri ategura iyi Album, ndetse mu minsi ishize yatanze umusogongero wayo mu muhango wabereye muri BK Arena.

Ni igikorwa yakoze kugirango izajye hanze mu ntangiriro za Mutarama 2025, hari ababashije kuyumva mbere y'abandi bazamubere abahamya.

Album ye yayise 'Imararungu' ndetse iriho indirimbo nka 'Umunyana', 'U Rwanda', 'Amatajye', 'Mpobera', 'Ku Muyange', 'Juru', 'Inyange', 'Hozana' ndetse na 'Yampayinka'.

Kuki Allbum yiswe 'Imararungu'?

Mu kiganiro cyihariye na InyaRwnada, Rukotana yavuze ko iyi Album ifite ibisobanuro bitatu byumvikanisha neza impamvu yayise 'Imararungu'.

Yavuze ko yahisemo ririya zina mu kumvikanisha ko ahantu ari hatarangwa n'irungu, mu gusobanura uburyo inka imararungu ndetse no gufasha abazayumva kutagira irungu.

Ati 'Album nahisemo kuyita 'Imararungu' kuko njyewe ubwanjye aho ndi nta rungu ribaha, riharangwa rero nkoze Album izajya imarirungu abantu noneho ntahari.'

Akomeza ati 'Indirimbo yitiriwe Album yitwa Inka ni Imararungu kandi koko uwirirwanye nazo(inka) ikitwa irungu ntakimurangwaho. Yewe urebye uko zitambuka, uko ziba ziri kuza, ukareba indoro yazo ukumva uko zivumera rwose irungu ntiryakwica kuko inka ni imararungu.' 

Yungamo ati 'Twayise Imararungu kuko kuyitega amatwi gusa bihwanye no kwirukana irungu ahubwo ukongera kwikunda no gusubira ku isoko uvumaho umunezero yewe ukongera no kunezerererwa umuco wacu gakundo amarangamutima menshi ndetse wuje gutaka u Rwanda rwacu cyangwa gakondo yacu.'

Iyo unyujije amaso mu nteguza y'iyi Album, nta wundi muhanzi Rukotana yifashishije baba barakoranye, kandi nyamara yubatse ubushuti n'abahanzi benshi.

Ni ibintu asobanura ko yatekerejeho n'inzu ifasha abahanzi mu bya muzika 'I. Music Entertainment' basanzwe bakorana. Ariko kandi yumvikanisha ko yari akeneye gukora ibikorwa bye bwite, kugirango amarane irungu n'abakunzi be.

Ati 'Impamvu ntawundi muhanzi uriho niko nka 'Team' twabishatse mu gukora Album. Ikipe yose ya I. Music Ent yari ibiziko natengushye Abanyarwanda cyane mu buryo bwo kubaha ibyo bankundiye niko gufata umwanzuro wo gukorana aAbum ya njyenyine ngo mbanze nkiranuke n'abankunda.'

'Ikindi ni uko nanjye nashakaga kwereka Abanyarwanda ko maze gukura mu nganzo. Kandi ntago Album zose ari ihame ko hagomba kubaho indirimbo wakoranye n'abandi bahanzi, bitewe n'uko inganzo yagiye idusanga.'

Ni Album n'umwana muto w'imyaka 15 yakumva!

Rukotana yavuze ko mu gukora iyi Album yatekereje cyane ku rubyiruko rwumva ko umuziki gakondo ari uw'abantu bakuze gusa, akoresha ibicurangisho bituma n'umwana w'imyaka 15 azisanga muri iyi Album.

Ati 'Ikidasanzwe kuri iyi Album ni Gakondo yuzuye ariko ni Gakondo n'umwana w'imyaka 15 yakumva agakunda. Hagiye habaho ikintu cy'uko Gakondo urubyiruko rwumvaga ari iya 'basaza.'

'Ariko iyi gakondo iri kuri Album yanjye ingeri zose ziyisangamo. Ikindi ni Album yuje amarangamutima menshi nk'uko abantu basanzwe babinziho.'      

Rukotana avuga ko Album ye iriho indirimbo zo kubyina mu gihe uri kumwe n'inshuti zawe, iriho indirimbo watura inshuti zawe z'abanyamahanga, kandi hariho n'indririmbo yo kuramya no guhimbaza Imana kandi 'mu by'ukuri batari basanzwe babimenyereyeho'. Ati 'Rero ndayibatuye.'

Indirimbo zigize iyi Album ye ya mbere uko ari 10 zigizwe n'ibicurangisho birimo inanga, amayugi, ikondera n'ibindi. Mu gukora iyi Album, bijyanye no kwandika buri ndirimbo, ndetse n'amajwi y'abamwikiriza yifashishije Ras Kayaga wamenyekanye mu ndirimbo 'Maguru'.

Rukotana wakuze mu nganzo!

Iyi Album yumvikanisha gukura kwa Victor Rukotana, ikanumvinisha umurongo yafashe wo kwihebera indirimbo zibanda kuri gakondo yacu nyarwanda.

Yizera ko iyi Album izajya mu bigwi by'ibintu by'indashyikirwa agezeho mu rugendo rwe rw'umuziki kuko 'Album si ikintu cyo kwisukira gutyo'.

Ati 'Iyo uyishoje rero mu rugendo rw'umuziki w'umuhanzi aba akoze ibigwi byiyongera ku bindi yagezeho cyangwa se azagenda ageraho. Umuhanzi utagira Album ntago aba ari umuhanzi wuzuye haba hari icyo abura.'

Kuri iyi Album iri mu murongo wo kwitura urukundo yagaragarijwe n'abafana mu bihe bitandukanye. 

Akomeza ati 'Ikindi isobanuye kwitura ineza n'urukundo abantu banyereka niyo ntahari cyangwa naho mpuriye nabo ndirimba baba bamfitiye urukundo ubwuzu bikarangira mbategushye. Gusa, kuri iyi nshuro mbahaye indirimbo 10 bazajya bumva zikabanyura kandi bakankumbura nanjye nkabakumbura. Rero, iyi Album ivuze gukura, no kuvamo ideni Abanyarwanda.' 

Rukotana uri kwitegura gushyira hanze Album, amaze imyaka irindwi ari mu muziki. Ndetse, yamenyekanye binyuze mu ndirimbo zirimo 'Mamacita', 'Warumagaye', 'Promise', 'Umubavu', 'Kideyo', 'Closer', 'Akayama' n'izindi zinyuranye.

Victor Rukotana yatangaje ko Album ye ya mbere yayitiriye inka 'Imararungu'
Rukotana yavuze ko yakoze iyi Album mu rwego rwo gushimira abakunzi b'inganzo ye batahwemye kumushyigikira 

Rukotana asobanura iyi Album nk'izaherekeza ibikorwa bye by'ubuhanzi no mu gihe kiri imbere

 

Rukotana yavuze ko Album ye igizwe n'indirimbo 10, yanditse afatanyije na Ras Kayaga

KANDA HANO UREBE AMASHUSHO Y’INDIRIMBO ‘TAMBUKA’ YA BULL DOGG

“> 

KANDA HANO UREBE AMASHUSHO Y'INDIRIMBO 'INGABO' YA VICTOR RUKOTANA

“>

Aba, ni Umunyamabanga Nshingwabikorwa w'Akarere ka Rusizi, Mbyayingabo Athanase, Umuyobozi Mukuru ushinzwe imirimo rusange mu Karere ka Nyamasheke, Rutikanga Joseph ndetse n'Umunyamabanga Nshingwabikorwa w'Akarere ka Kirehe, Nsabimana Cyprien.

Aba bagabo bose, bakurikiranyweho icyaha cyo gutanga isoko rya leta mu buryo bunyuranyije n'amategeko. Bafashwe nyuma y'iperereza rimaze iminsi rikorwa kumitangire y'amasoko mu turere dutandukanye ndetse rirakomeje.

Aba bayobozi bafungiye kuri sitasiyo ya RIB za Kicukiro, Kimihurura n'iya Ntendezi, mu gihe dosiye zabo zikiri gutunganwa kugirango zohererezwe ubushinjacyaha.

Icyaha cyo gutanga isoko rya leta mu buryo bunyuranyije n'amategeko gihanwa n'ingingo y'i 188 y'itegeko N°62/2018 ryo ku wa 25/08/2018 rigenga amasoko ya Leta.

Uhamijwe iki cyaha ahanishwa igifungo cy'imyaka itanu ariko kitarengeje irindwi ndetse n'ihazabu ya miliyoni 2 Frw ariko itaranze miliyoni 5 Frw.

RIB yasabye abantu bafite gutanga amasoko mu nshingano zabo kujya bakurikiza amategeko, kuko kunyuranya nayo ari icyaha gihanwa kandi ko itazadohoka gukurikirana uwo ariwe wese uzagaragarwaho ibikorwa nk'ibyo.

RIB yafunze abayobozi batatu bazira gutanga amasoko ya leta binyuranye n'amategeko

Ni ingingo yakomojeho ku wa 19 Ukuboza 2024, mu Nteko Rusange y'Ihuriro ry'Igihugu Nyunguranabitekerezo ry'Imitwe ya Politiki [NFPO].

Minisitiri Gasore yavuze ko aya mavugurura areba ihuriro ry'imihanda riri Chez Lando, iriri ku Gishushu mu Karere ka Gasabo ndetse n'irindi riri Sonatubes mu Karere ka Kicukiro.

Agaruka kuri politiki y'igihugu n'ingamba byo guteza imbere urwego rw'ubwikorezi rusange bw'abantu mu Mujyi wa Kigali, Minisitiri Gasore yavuze ko 'Gutegura umushinga byararangiye, turateganya ko muri Nyakanga tuzatangira kuvugurura amasangano ya Chez Lando na Gishushu, kandi ni na ko bizagenda ku isangano rya Sonatubes.'

Yavuze ko ku isangano ry'imihanda rya Chez Lando hazubakwa umuhanda wo munsi y'ubutaka ku buryo imodoka zizajya ziva ku Gishushu zijya ku Kibuga Mpuzamahanga cy'Indege cya Kigali i Kanombe zizajya zinyura munsi y'umuhanda usanzwe uzaba ukoreshwa n'izindi modoka.

Raporo y'Ikigo cy'Igihugu gishinzwe iterambere ry'Ubwikorezi [RTDA] ku ngaruka z'ibidukikije n'imibereho y'abaturage [ESIA] by'uyu mushinga, yagaragaje ko uyu muhanda wo munsi y'ubutaka waba ufite uburebure bwa metero 740.

Ku isangano rya Gishushu, Minisitiri Gasore yavuze ko hazubakwa ikiraro kinyura hejuru y'umuhanda [flyover bridge] kiva ahari Simba Supermarket, kizajya gikoreshwa n'imodoka zisanzwe kugira ngo bisi zitwara abantu zijye zica mu wo munsi usanzwe.

Iki kiraro kigomba kuba byibuze gifite uburebure bwa metero 500.

Ku isangano rya Sonatubes, hagaragajwe naho hazubakwa umuhanda wo munsi y'ubutaka [tunnel], uzaturuka ku nyubako ikoreramo Minisiteri y'Ubuzima ukarangirira ahahoze hakorera Kaminuza y'Ubukerarugendo, Ikoranabuhanga n'Ubukungu [UTB].

Uyu muhanda nawo ugomba kuba ufite uburebure bwa metero 620.

Muri rusange, kuvugurura aya masangano atatu ni kimwe mu bikorwa bigize umushinga wo kunoza ubwikorezi mu Mujyi wa Kigali no mu nkengero zawo no gukemura ibibazo abagenzi bahura na byo birimo gutegereza imodoka umwanya munini.

Bizakorwa binyuze mu gushyiraho uburyo umuvundo n'imirongo miremire y'imodoka iboneka mu masaha y'igitondo no ku mugoroba bigabanyuka.

Ku wa 04 Ukuboza 2024, Banki Nyafurika Itsura Amajyambere, BAD, yemereye Guverinoma y'u Rwanda inguzanyo ya miliyoni 100 z'amadolari ya Amerika [miliyari 138,8 Frw] yo kuyifasha guteza imbere urwego rwo gutwara abantu n'ibintu mu buryo bwa rusange mu mujyi wa Kigali.

RTDA igaragaza ko igihe cyo gushyira mu bikorwa uyu mushinga cyari giteganyijwe kumara imyaka itanu uhereye igihe inguzanyo yemerewe, wose ukaba ufite ingengo y'imari ya miliyoni 279$ [asaga miliyari 388 Frw].

Bimwe mu biteganyijwe muri uyu mishinga mugari harimo kwagura amasangano y'imihanda ari Chez Lando, ku Gishushu, ku Kinamba, Nyabugogo, Rwandex, Sonatubes na Kibagabaga, agahabwa imihanda ya bisi yihariye, iy'abanyonzi, iy'abagenzi ndetse no gushyiraho inzira zikoreshwa n'abafite ubumuga.

Ku isangano rya Sonatubes, hagaragajwe naho hazubakwa umuhanda wo munsi y'ubutaka [tunnel], uzaturuka ku nyubako ikoreramo Minisiteri y'Ubuzima ukarangirira ahahoze hakorera Kaminuza y’Ubukerarugendo, Ikoranabuhanga n’Ubukungu [UTB]

Ku isangano ry'imihanda rya Chez Lando hazubakwa umuhanda wo munsi y'ubutaka ku buryo imodoka zizajya ziva ku Gishushu zijya ku Kibuga Mpuzamahanga cy'Indege cya Kigali i Kanombe zizajya zinyura munsi y'umuhanda usanzwe

Ku isangano rya Gishushu, Minisitiri Gasore yavuze ko hazubakwa ikiraro kinyura hejuru y'umuhanda [flyover bridge] kiva ahari Simba Supermarket

Uyu muraperi avuga ko nk’abandi bose, umuntu akwiye gushima Imana mu gihe cyose umwaka ‘urangiye uri muzima”. 

Ati “Hari ibitaramo byinshi nagiye nkora, kandi n’ubundi haracyari n’ibindi nzitabira, n’ibindi bikorwa nzabaha. Umwaka urabura igihe gito, ariko hari byinshi ngomba kubagezeho. Navuga ko rero umwaka warampiriye, Kandi ndashima cyane abakunzi banjye n’umuntu wese wagize uruhare kugirango uyu mwaka ube mwiza kuri njyewe kurushaho.” 

Aravuga ko ibi mu gihe mu 2023, yakoze igitaramo gikomeye cyahuriranye n’imyaka 10 yari ishize ari mu muziki. Cyabereye ahazwi nka Camp Kigali. 

Hari abari biteze ko azakomeza muri uyu murongo, ku buryo buri mwaka yajya akora Igitaramo nk’iki ariko siko byagenze.

Dany Nanone yabwiye InyaRwanda, ko muri uyu mwaka yatekerezaga gukora igitaramo nk’iki ariko ‘haje kuzamo imbogamizi biba ngombwa nyine ko igitaramo cyanjye kitakibaye kubera ko nagize gahunda nyinshi z’ibitaramo nitabiriye, kandi ntagomba guhagarika’.

Uyu muraperi avuga ko n’ubwo bimeze gutya, ariko atekereza kuzakora iki gitaramo mu 2025 kandi ‘kizaba ari cyiza kurusha icyabanje’.

Dany avuga ko muri 2023 yarangije ikorwa rya Album ‘Iminsi myinshi’, ahita atangira gukora kuri indi Album nshya.

Ati “Album nyigeze kure. Album nyifitiye n’ubwoba. Ni album nziko abantu bazakunda. Kandi ntabwo ari igihe kinini kugirango mbahe indi Album nshya.”

Uyu muhanzi yavuze ko Album ye izaba iriho ibihangano bye bwite yikoranye n’ibyo yakoranye n’abandi bahanzi.

N’ubwo aterura ngo avuge abaraperi, ariko ashimangira ko yakoranye na bagenzi be kandi hariho ‘indirimbo Nziza, nziko abantu bazayishimira’.

Dany Nanone yavuze ko mbere y’uko umwaka urangira, azashyira hanze indirimbo ye imwe, hanyuma mu 2025 ashyire hanze Album.

Dany Nanone yatangaje ko ageze kure Album ye nshya nyuma ya “Iminsi myinshi” 

Dany Nanone yavuze ko yakoranye n’abahanzi banyuranye kuri Album ye

 

Dany Nanone yavuze ko 2024 wabaye umwaka mwiza ashingiye ku bitaramo yitabiriye n'ibindi bikorwa by'ubuhanzi yagaragayemo 

Dany yavuze ko Alum izasohoka ishimangira uruhare rwe mu iterambere rya muzika y'u Rwanda

 

KANDAHANO UREBE IKIGANIRO TWAGIRANYE NA DANY NANONE

“>

Kuri uyu wa 21 Ukuboza 2024 Kiyovu Sports yakiriye Vision FC mu mukino w'umunsi wa kane wa shampiyona y'u Rwanda, “Rwanda Premier League 2024-25”.

Ni umukino watangiye ikipe ya Vision Fc yatakana imbaraga zidasanzwe kuko ku munota wa Gatandatu gusa yafunguye amazamu ku gitego cyatsinzwe na Nizeyimana Omar.

Vision ikimara gutsinda igitego cya mbere, Kiyovu Sports yahinduye ibintu n'uko ku munota wa 17 Mugenzi Cedrick aba abonye igitego cya mbere. Ku munota wa 31 Mugisha Desitre yahise atsinda igitego cya kabiri cya Kiyovu Sports maze itagira kuyobora umukino.

Vision FC ikimara kubona ko yatangiye kurushwa na Kiyovu Sports nayo yahise ikinana imbaraga zo ku rwego rwo hejuru maze ku munota wa 45+1 ibona igitego cya kabiri cyatsinzwe na Rugangazi Prosper.

Ubwo igice cya mbere cyari kigiye kurangira, Kiyovu Sports yashakaga aya manota byanze bikunze yagiye kuruhuka igifite mu biganza umukino kuko ku munota wa 45+4 Kwizera Jean d'Amour wa Vision yitsinze igitego cyabaye icya gatatu cya Kiyovu Sports.

Igice cya kabiri kigarutse, Vision FC yasimbuje umuzamu wajo James Desire Djaoyang ava mu kibuga, asimburwa na Lutaaya Michael. 

Umukino ugikomeje Michael Lutaaya yaje kugira ikibazo gikomeye nyuma yo kugongana na Mugisha Desire, abaganga barasanasana agaruka mu kibuga ariko agakina bigaragara ko atameze neza.

Iminota 90 yarangiye nta kipe irabona igitego mu gice cya kabiri, kuko byari bikiri bitatu bya Kiyovu Sports kuri bibiri bya Vision Fc nk'uko igice cya mbere cyarangiye bimeze.

Gutsinda uyu mukino byafashije ikipe ya Kiyovu Sports ku buryo bukomeye cyane kuko ubu iraye mu makipe Atari mu murongo utukura, kuko kugeza ubu yavuye ku mwanya wa nyuma, ijya ku wa 14 n'amanota 11.

Uretse Etincelles iri ku mwanya wa 15 mu murongo utukura ikaba ifite amanota 10 imaze gukina imikino 13, Vision Fc ya nyuma imaze gukina imikino 14 hamwe na Kiyovu Sports, biri gushimangira ko Kiyovu iri kugaruka mu bihe byiza.

Kiyovu Sports yatsinze Vision FC iva ku mwanya wa nyuma

Intsinzi ya Kiyovu Sports yatumye Vision FC na Etincelles ziguma mu myanya ya nyuma

Minisitiri Biruta yabigarutseho mu Ihuriro rya Gatanu rihuza abakozi abakozi b'abagore RCS hagamijwe kurebera hamwe icyateza imbere umugore ukora muri urwo rwego.

Yavuze ko mugore w'Umunyarwandakazi afite aho yavuye n'aho ageze kubera ubuyobozi bwiza bw'Igihugu, ibinagaragarira cyane muri RCS bijyanye n'aho uru rwego rugeze ruteza imbere umugore.

Ati 'Umukuru w'Igihugu cyacu ahora akangurira umugore guharanira kwiteza imbere kuko ari we nkingi y'umuryango nk'uko dukunze no kuvugako ari 'Mutima w'Urugo''

Yavuze ko abo bakozi ari imbaraga z'Igihugu, abereka ko inshingano zabo zo kugorora zibasaba kugira ubudasa kugira ngo bagera ku ntego.

Yabasabye ko nk'abakozi b'abagore b'umwuga ba RCS, basabwa kujya bitabira gahunda za Leta mu midugudu batuyemo, bagafatanya n'abandi bagore guteza imbere igihugu.

Ati 'Ni ingenzi kuko mu bice by'icyaro hakenewe guhuza imbaraga ngo imyumvire y'abagore irusheho kuzamuka maze umuryango babereye inkingi utere imbere.'

Minisitiri Dr. Biruta yijeje ko minisiteri ayoboye izakomeza gukorana na RCS mu gukomeza kurebera hamwe icyateza imbere umugore w'umwuga muri urwo rwego by'umwihariko na bo ashinzwe kugorora.

Umwe mu bakozi ba RCS bitabiriye iryo ruhiro witwa AIP. Alice Kirabo, yavuze ko ikintu cya mbere yungutse ari ukwigirira icyizere no kutayoborwa n'amarangamutima mu kazi.

Ati 'Dukora akazi gasaba kutayoborwa n'amarangamutima kuko duhura n'abantu benshi, barimo abo dufitanye isano, ariko ugomba kugorora uko bikwiye utitaye ku marangamutima.'

Komiseri Mukuru wa RCS, CG Evariste Murenzi yagaragaje uburyo u Rwanda ari kimwe mu bihugu biza ku isonga ku Isi mu kwimakaza ihame ry'uburinganire n'ubwuzuzanye.

Aha yashingiraga kuri raporo iheruka yakozwe na 'World Economic Forum' ku cyuho mu buringanire, yashyize u Rwanda ku mwanya wa gatanu mu bihugu biri munsi y'Ubutayu bwa Sahara no ku mwanya wa 39 ku Isi mu bihugu 146.

Ati 'Ibi bigaragaza ko rwabashije kuziba icyuho mu buringanire ku rwego rushimishije. Ni muri urwo rwego na RCS itasigaye inyuma muri gahunda yo guteza imbere umugore.'

Ni ingingo uyu muyobozi ashimangiza imibare, aho igaragaza ko RCS ifite abakozi b'umwuga b'abagore 951 bangana na 29% by'abakozi b'umwuga b'urwo rwego bose.

Ati 'RCS izakomeza kongera umubare w'abakozi bayo b'abagore b'umwuga buri mwaka kugira ngo igere kandi inarenge ku gipimo u Rwanda rugenderaho, cy'imyanya nibura 30% ikwiye guhabwa abagore mu nzego za leta n'iz'abikorera.'

Yashimangiye ko ibyo bijyana ko kwimakaza no kurwanya ihohoterwa rishingiye ku gitsina, kuko iryo hame ry'uburinganire n'ubwuzuzanye rigerwaho ari uko abagabo n'abagore babigizemo uruhare.

CG Murenzi yavuze ko iyo ari yo mpamvu nyamukuru bategura iri huriro rishingiye ku nsanganyamatsiko igaruka ku kongerera ubushobozi abakozi b'abagore b'umwuga, kwita ku mibereho yabo no kubihuza byombi n'inshingano baba bafite mu miryango yabo ntihagire icyangirika.

Minisitiri w'Umutekano w'Imbere mu Gihugu, Dr. Vincent Biruta yabwiye abari n’abategarugori bakorera RCS ko bakwiriye gufatanya inshingano zo kurerera u Rwanda no kugorora byose bikagenda neza

Haganiriwe ku ngingo zitandukanye zigamije guteza imbere abagore bakorera RCS

Abari n’abategarugori bakorera RCS baganirijwe ku ngingo zitandukanye zibafasha guhuza inshingano zo kurera no kugorora

Amakuru ahari agaragaza ko ari urupfu rutunguranye kuko yajyanwe kwa muganga ejo hashize ari muri koma birangira ahasize ubuzima.

Bivugwa ko kandi Habababyeyi yari afite ubukwe ku wa tariki 26 Ukuboza 2024.

Umuyobozi Mukuru wungirije wa CHUK, Prof Nyundo Martin, yabwiye IGIHE ko aya makuru yayamenye kuko uyu munyamakuru yari asigaye ashinzwe Itumanaho mu Bitaro bya Kaminuza bya Kigali, CHUK.

Umuyobozi Mukuru wa Tele10 Group ibarizwamo Radio 10 na TV10, Augustin Muhirwa, yabwiye IGIHE ko amakuru y'ibanze yabonye ari uko Pascal Habababyeyi yazize uburwayi butunguranye.

Umunyamakuru Oswald Mutuyeyezu ukorera Radio 10 & TV10, yabwiye IGIHE ko Habababyeyi yari umwe mu nshuti ze za hafi ku buryo yashenguwe no kumva ko yitabye Imana.

Ati 'Inkuru babimbwiye mu gitondo, kugeza ejo nta kibazo yari afite. Yari afite ubukwe kuri Boxing Day, umunsi ukurikira Noheli.'

Mutuyeyezu asobanura Habababyeyi nk'umuntu wari imfura, witanga, kandi wari inshuti ye ya hafi. Ati 'Buriya ikiganiro dukora cyitwa Ahabona, cyagarutse ari njye na we tukigaruye, kuva mu 2018, hari hashize imyaka itandatu tugikora kidasiba.'

'Nta mezi menshi yari ashize ageze muri CHUK, kuko mbere yakoraga mu Bitaro bya Rutongo ashinzwe Inozamubano. Hari hashize amezi make abonye akazi nk'ushinzwe Itumanaho kuri CHUK.'

Yakomeje agira ati 'Ni we mwana w'umuhungu nyina ayari afite, bari babiri we na mushiki we. Ni inkuru y'urupfu yambabaje. Twakoranaga ikiganiro, tukiganirira, tukarebana umupira, tugasangira, yari umuntu wanjye wa hafi.'

Habababyeyi Pascal (uwa mbere uturutse iburyo) yitabye Imana iminsi mike mbere y’ubukwe bwe

Ni ibihembo byatanzwe ku nshuro ya mbere byiswe 'People Matters awards', ku mugoroba wo ku wa 20 Ukuboza 2024, mu birori byabereye muri Four Points by Sheraton.

Ibi bihembo byatanzwe mu byiciro 10 bitandukanye aho ibigo 52 ari byo byari bihatanye. Hatoranyijwemo ibigo 30 bigera mu cyiciro cya nyuma, muri byo havamo ibigo 10 byitwaye neza bigenerwa ibihembo.

Umuyobozi wa People Matters Kigali-Rwanda, Steven Murenzi, yavuze ko iki kigorwa kigamije gushimira ibigo bikomeje kuba indashyikirwa mu gufata neza abakozi.

Yagize ati 'Ibi bihembo ni ibyo kugira ngo dushimire ibigo byafashe neza abakozi nk'uko tuba mu gihugu gishyira umuturage ku isonga, rero n'ikigo gishyira umukozi ku isonga kigomba kubishimirwa.'

Mu bigo 10 byahembwe mu byiciro bitandukanye harimo Sosiyete y'Itumanaho ya MTN Rwanda yahawe igihembo cyiswe 'Outstanding Employee Benefits and Compensation,' gihabwa ikigo gishyiriraho abakozi andi mahirwe abafasha kugira imibereho myiza hanze y'akazi.

Hanahembwe kandi Banki ya Kigali yegukanye ibihembo bigera kuri bine mu byiciro bitandukanye birimo igihembo cya 'Innovation in HR Practices', 'Employee Development & Training Excellence', icy'umukozi w'indashyikirwa (Employee of the Year), ndetse n'igihembo cy'itsinda ry'abashinzwe kwita ku bakozi ryitwaye neza kurusha ayandi (HR Team of the Year).

Umukozi muri MTN Rwanda, Juliet Bideri, yavuze ko igihembo begukanye cyabateye imbaraga zizatuma bakomeza kwita ku bakozi mu buryo bwose bushoboka.

Ati 'Twese dukorera hamwe nk'itsinda niyo mpamvu twatsinze. Tuzakomeza kwita ku bakozi bacu no gukora neza kurushaho kugira ngo dushyigikire iterambere ry'umukozi.”

Murenzi yasoje ashimira ibigo byahembwe anabisaba gukomeza gufata neza abakozi nk'uko ari bo musingi w'iterambere ry'ibigo bakorera ndetse n'igihugu muri rusange, asaba ibigo bitahembwe gushyiramo imbaraga kugira ngo umukozi yitabweho mu buryo bukwiriye.

Umuyobozi wa People Matters Kigali-Rwanda, Steven Murenzi, yashimiye ibigo byitwaye neza mu gufata neza abakozi

Ibi birori byitabiriwe n’abakozi b’ibigo bitandukanye mu bigo byo mu Rwanda

Murenzi Steven yasabye ibigo bitahembwe gukomeza gushyiramo imbaraga mu guteza imbere imibereho myiza y’umukozi

Byari ibyishimimo ku bitabiriye ibi birori

Banki ya Kigali yegukanye ibihembo bine

Bamwe mu bagize akanama nkemurampaka katoranyije ibigo byegukanye ibihembo

Ahabereye ibi birori hari hateguwe neza

Hafashe ifoto rusange ku bitabiriye itangwa ry’ibi bihembo

Amafoto: Kwizera Remy Moses