Category: Uncategorized

Iri rushanwa 'Battle of the Bands' ryabereye muri Kigali Marriott Hotel mu ijoro ryo kuri uyu wa Gatandatu tariki 21 Ukuboza 2024, ni nyuma y'iminsi yari ishize abagize izi 'Band' bahatanye mu byiciro binyuranye. 

'Art-Stars Band' ya Ras Kayaga niyo yegukanye umwanya wa Mbere, ni mu gihe Paco XL yegukanye umwanya wa Kabiri ikegukana Miliyoni 2 Frw, n'aho Band Umuduri yegukanye umwanya wa Gatatu ihembwa ibihumbi 500 Frw.

Aya mafaranga ni ayo bahabwa ajyanye no kwifashisha mu bikorwa byabo bya buri munsi.

Ras Kayaga yabwiye InyaRwanda, ko kwegukana iki gikombe agahembwa Miliyoni 15 Frw, bigaragaza ko mu myaka 10 yari ishize atari mu muziki ibikorwa bye byakomeje kurandaranda.

Ati 'Ndi kwiyumva n''umunezero, n'ibyishimo by'intsinzi. Nyuma y'imyaka irenga icumi ntari mu muziki, none aho ngarukiye nsanze imbaraga ari zazindi. Rero, navuga ko binejeje cyane pe, ndumva rwose meze nk'umuntu wahitamo kurarana inkweto kubera ibyishimo.'

Ray Kayaga yavuze ko binyuze muri iri rushanwa, bahawe amasezerano y'umwaka umwe, ndetse bahembwe Miliyoni 15 Frw.

Imyaka itanu yari ishize iri rushanwa ritaba, ahanini bitewe n'icyorezo cya Covid-19 ndetse n'umwaduko w'icyorezo cya Marburg. Ryatangijwe mu 2015, icyo gihe ryegukanwe na Neptunez Band, mu 2017 ryegukanwa na Umurage Band, ni mu gihe mu 2019 ryegukanwe na Salus Music Band yari ihatanye n'abarimo Symphony Band.

Iri rushanwa ryagize uruhare mu gufasha abacuranzi ba muziki kwiteza imbere no kwishyira hamwe. Kuri iyi nshuro ryatangiye kuba ku wa 30 Ugushyingo 2024, risozwa kuri uyu wa Gatandatu tariki 21 Ukuboza 2024.

'Band' 17 nizo zari ziyandikishije gutahana muri iri rushanwa, ariko 10 nizo zabashije kwemererwa gukomeza. Hahatanye Umuriri Band; Artistars Band, The Unique Band, Jacklight Band, BIK Boys, Afro Jazz, Ishema Band, The Conquerors Band, Paco XL Band ndetse na Groove Galaxy Band.

Mani Martin uri mu bari bagize Akanama Nkemurampaka k'iri rushanwa, aherutse kubwira InyaRwanda, ko iri rushanwa rije guteza imbere cyane abahanzi basanzwe babarizwa muri 'Band' kuko mu myaka 15 ishize byari bigoye kubona 'Band' mu Rwanda. Kuri we, ni amahirwe adasanzwe ku rubyiruko rwishyize hamwe rugashinga 'Band'. 

Iri rushanwa ryateguwe bigizwemo uruhare 'ikinyobwa cya 'Amstel' cy'uruganda rwa Bralirwa. Amstel niyo itanga ibihembo ndetse mu irushanwa nta muntu wicwa n'inyota, kuko ibinyobwa bya 'Amstel' biba byateguwe ku bwinshi. 

‘Art-Stars Band’ ya Ras Kayaga yegukanye irushanwa ‘Battle of the Band’ ihembwa Miliyoni 15 Frw 

Ras Kayaga yavuze ko mu myaka 10 ishize atari mu muziki, yongeye kugaragarizwa urukundo 

Paco XL Band yegukanye umwanya wa Kabiri, yahembwe Miliyoni 2 Frw, izifashisha mu bikorwa by’umuziki 

Umuduli Band yegukanye umwanya wa Gatatu ahembwa ibihumbi 500 Frw

Mani Martin uri mu bagize Akanama Nkemurampaka yashimye umuhate wa buri ‘Band’ 

Byari ibihe bidasanzwe kuri uyu munyamuziki, kuko ubwo yataramiraga abakunzi be mu ijoro ryo kuri uyu wa Gatandatu tariki 21 Ukuboza 2024, muri Kigali Universe yavugaga ko iyi Album yayiteguye nk'impano yihariye yageneye abakunzi be kuva mu myaka ibiri ishize ayikora. 

Ni Album avuga ko iriho indirimbo 20, ndetse ko mu zihitamo byasabye ikipe ngari no gukorana n'aba Producer bayikozeho mu bihe bitandukanye. 

Mu bitaramo nk'ibi hacuruzwa CD ziba ziriho Album. Muri iki gitaramo cya Bruce Melodie hari hateguwe CD 10, ndetse buri imwe yaguraga ibihumbi 300 Frw.

Mu gutangira, umushyashyarugamba, Lucky yavuze ko aya mafaranga ashobora kwiyongera bitewe n'ubushobozi bwa buri umwe.

Abari bahagarariye uruganda rwa SKOL nibo babimburiye abandi kugura iyi Album, maze batanga ibihumbi 300 Frw, bakurikirwa na Dj Trauma wo muri Leta Zunze Ubumwe za Amerika watanze amadorali 1000, angana na 1,382,400 Frw.

Ni mu gihe umuraperi Shizzo uri kubarizwa mu Rwanda muri iki gihe, yagiye ku rubyiniro afata mu ntoki Album, maze atangaza ko ayiguze ibihumbi 500 Frw- Yavuze ko aziranyi cyane na Bruce Melodie, bityo yiyemeje kumushyigikira uko byagenda kose.

Umuhanzikazi Babo n'umubyeyi we nabo bagiye ku rubyiniro batangaza ko Album ya Bruce Melodie bayiguze Miliyoni 1 Frw, ariko kandi hari amafaranga bamupfumbatishije.

Munyakazi Stade wayoboye Rayon Sports, yavuze ko Bruce Melodie yakoze igitaramo cyiza, bityo yiyemeje kumushyigikira buri munsi, atanga Miliyoni 5 Frw.

Uyu mugabo yahamagaye ku rubyiniro Bruce Melodie baraganira, ndetse amushimira umuhate ashyira mu rugendo rwe rw'umuziki, ubundi bafata ifoto bari kumwe.

Mushyoma Joseph uzwi nka Boubou, we yavuze ko Album ya Bruce Melodie ayiguze Miliyoni 1 Frw. Izina Boubou ryumvikana cyane mu ndirimbo 'Henzapu' ya Bruce Melodie.

Minisitiri w'Ububanyi n'Amahanga n'Ubutwererane, Olivier Nduhungirehe we yavuze ko Album ya Bruce Melodie ayiguze Miliyoni 1 Frw, kuko asanzwe anayifite.

Ni mu gihe Rutayisire Eric wa kompanyi ya Forzza Bet yatanze Miliyoni 5 Frw kuri Album ya Bruce Melodie. Mu ijambo yavuze, yumvikanishije ko Bruce Melodie ari umuhanzi wamunyuze, bityo akwiye gukomeza kumuteza imbere.

Umuhanzi Ross Kana yatunguranye atangaza ko Album ya Bruce Melodie ayiguze Miliyoni 10 Frw. Yavuze ko Bruce Melodie 'Ni Mukuru wanjye, bityo nkwiye kumushyigikira.' Yabajijwe n'umushyushyarugamba Lucyk, niba ariwe wishyuye Miliyoni 10 Frw, cyangwa se abikoze mu izina rya 1:55 AM, asubiza ko ari aye.

Emile wayoboye Onomo Hotel, ndetse muri iki gihe akaba ari umuyobozi wa Park Inn Hotel, yavuze ko iyi Album ayiguze Miliyoni 1 Frw. Yasobanuye ko Bruce Melodie banyuranye muri byinshi, kuko akwiye kumuha ibirenze ibi

Nyuma y'uko Album ye iguzwe Miliyoni 26,182,400 Frw, Bruce Melodie yavuze ko 'ibi bigaragaza uburyo munshyigikira muri benshi'.

Abantu 10 batanze arenga Miliyoni 26 Frw kuri Album 'Colorful Generation' ya Bruce Melodie

Bruce Melodie yatanze umusogongero wa Album ye ashyigikiwe mu buryo bukomeye

REBA HANO VIDEO IGARAGAZA ABANTU 10 BAGUZE ALBUM YA BRUCE MELODIE
“>

Bruce yamuritse iyi Album mu ijoro ryo kuri uyu wa Gatandatu tariki 21 Ukuboza 2024, mu birori bikomeye byabereye muri Kigali Universe. Ni ibirori byari bifite umwihariko, kuko buri wese wabyitabiriye yasabwaga kuba yambaye imyambaro y’umukara. 

Hejuru y’ibyo kandi buri wese, yanyuraga ku itapi itukura agafoto Amafoto cyangwa se amashusho.

Ni ibirori byitabiriwe n’umubare munini w’ibyamamare, cyane cyane abakoranye na Bruce Melodie mu bihe bitandukanye n’inshuti ze.

Hari Jules Sentore, Phil Peter, Shizzo Afro Papi, Massamba Intore, DJ Pius, Uncle Austin, France Mpundu, Shemi, Fayzo Pro, Ross Kana, Element, Kenny Sol, Israel Mbonyi n’abandi.

Byari biteganyijwe ko iki gitaramo gitangira saa Kumi n’ebyiri z’umugoroba, ariko cyatangiye saa tatu n’iminota 49′.

Ndetse Bruce Melodie ageze ku rubyiniro yiseguye ku bakunzi be, avuga ko habayeho gutinda ahanini bitewe n’ibyo batunganyaga.

Mbere yo gutaramira abantu, Israel Mbonyi yamusengeye. Agira ati “Ndasenga kugirango Imana ihire ubuzima bwawe. Kugirirwa neza n’Imana bikugereho”.

Yagiye asobanura buri ndirimbo ye! 

Bruce Melodie yafashwe amashusho mu minsi ishize ari nayo yerekanwe muri iki gitaramo, asobanura icyatumye ahimba buri ndirimbo.

Yavuze ko buri ndirimbo yose yahimbye, habayeho gutekereza ku bantu no kwitekerezaho.

Bruce Melodie yavuze ko nk’indirimbo ye ‘Walet’ iri kuri Album ishingiye ku kubwira umukobwa akinezeza mu Mafaranga yawe.

Kandi akavuga ko indirimbo ‘Colorful Generation’ yitiriye Album ye, ishingiye ku mibereho itangaje y’ibisekuru byombi muri iki gihe. Ati “Twese twavutse ko mu bihe bitandukanye, ariko tubanye neza”.

Yanavuze ko indirimbo ‘Beauty on Fire’ yakoranye na Joe Boy, bayihimbye bashakaga kugaragaza uburyo ushobora guhura n’umuntu ukamwishimira cyane, ku buryo ‘nta wundi muntu uzongera gushaka mu buzima bwawe”.

Bruce yanavuze ko indirimbo ‘Nzaguha umugisha’ ihimbaza Imana iri kuri Album ye, yitsa cyane ku gushima Imana. Niwe wikoreye iyi ndirimbo mu buryo bw’amajwi (Audio), ariko yarangijwe na Prince Kiiiz.

Ni indirimbo avuga ko yanditse biturutse kuri Israel Mbonyi ku kuntu akora umuziki wo kuramya no guhimbaza Imana.

Yaryohereje abafana! 

Bruce Melodie yavuze ko ubwo yateguraga iki gitaramo, yari yahisemo indirimbo agomba kuririmba cyane cyane ize zakunzwe ndetse n’izigize Album ye.

Ntabwo yumvishije abantu indirimbo zose 20 zigize Album ye, ahubwo yahisemo zimwe.

No mu bijyanye no kuzaririmba, yahisemo indirimbo zimwe, ahanini bitewe n’izo yari yemeranyije na Symphony Band.

Ibi byatumye anaririmba indirimbo ze zakunzwe nka ‘Ntundize’, ‘Henza Up’, ‘Katerina”, Katapila, Kungola, Ikinya, n’inzi aherutse gushyira ku isoko.

 

Roza yabaye Roza! 

Iyo urebye ku rutonde rw’indirimbo zigize Album ya Bruce Melodie, 11 ntigaragaraho. Ni indirimbo yise ‘Roza” yahisemo kutagaragaza, ariko yayiririmbiye abakunzi be mu ijoro ryo kuri uyu wa Gatandatu.

Yabaye indirimbo yamutunguye, kuko yakunzwe mu buryo bukomeye, kugeza ubwo abafana bamusabye kuyisubiramo inshuro eshatu.

Hari amakuru avuga ko Coach Gael ariwe watanze igitekerezo cy’uko iyi ndirimbo itagaragara mu zigize Album, kuko yari yizeye ko izakundwa uko byagenda kose.

Album ya Bruce Melodie yaguzwe 26, 182, 400Frw

Ubwo yaririmbaga muri iki gitaramo cye, abantu banyuranye baguze Album ye (CD), ariko umuhanzikazi Babo we yanamupfumbatishije amafaranga mu ntoki.

Ross Kana niwe watanze amafaranga menshi, kuko yavuze ko iyi Album yayiguze Miliyoni 10 Frw, akurikirwa na Sadate Munyakazi na Eric Rutayisire uyobora Forzza Bet batanze Miliyoni 5 Frw buri umwe.

Dj Traum yatanze: 1,382,400 Frw; Skol: 300,000 Frw, Shizzo: 500,000 Frw, Babo n’umubyeyi we: 1,000,000 Frw, Minisitiri Nduhungirehe: 1,000,000 Frw, Mushyoma Joseph: 1,000,000 Frw, ndetse na Emile: 1,000,000 Frw.

Producer Prince Kiiiz niwe ufiteho indirimbo nyinshi kuri iyi Album; kuko yakozeho indirimbo zirindwi (7) zirimo na 'Colorful Generation' yitiriye Album, hamwe na 'Nari nziko uzaza' yahimbiye umubyeyi we.

Producer Element ndetse na Made Beats bafiteho indirimbo eshanu. Ariko kandi Bruce Melodie, avuga ko hari n'abandi ba 'Producer' yifashishije mu gukora iyi ndirimbo, ndetse hari na kompanyi bari gukorana yo muri Amerika iri kumufasha mu kuyimenyekanisha.

Album ye iriho indirimbo ‘Wallet’, ‘Oya’, ‘Narinziko uzagaruka’, ‘Maruana’, ‘Ulo’, ‘Colorful Generation’, ‘Beauty on Fire’ yakoranye na Joeboy, ‘Iyo Foto’ yakoranye na Bien, ‘Diva’, ‘Niki Minaji’ yakoranye na Blaq Diamond, ‘Energy’, ‘Maya’, ‘Ndi umusinzi’ yakoranye na Bull Dogg, ‘Juu’ na Bensoul na Bien-Aime, ‘Sowe’, ‘Kuki’, ‘Nzaguha umugisha’, ‘Sinya’, ndetse na ‘When she’s around’ yakoranye na Shaggy.

Album ye iriho indirimbo yakoranye n'abahanzi bakomeye Mpuzamahanga. Ubwo yari mu kiganiro n'itangazamakuru kuri uyu wa Gatanu tariki 13 Ukuboza 2024, Bruce Melodie yumvikanishije ko indirimbo 'Nari nziko uzagaruka' yahimbiye umubyeyi we, ariyo ndirimbo yamuvunye kuri Album.

Uburyo abisobanura, no gusubiza inyuma intekerezo ze, bitanga ishusho y'uko iyi Album yayituye umugore waruse abandi bose mu buzima bwe.

Yavuze ati 'Indirimbo 'Nari nziko uzagaruka' nasohoye agace kayo nkashyira kuri Tik Tok kubera ko ari indirimbo ivuga njyewe w'imbere ntajya mbabwira, buriya mbahisha byinshi, imyenda ikamfasha ntimumbone ubwa mbere. Ubwo rero, iyi ndirimbo iri mu ndirimbo nafatiye umwanya munini.' 

Bruce Melodie yakoze igitaramo cy’amasaha ane mu kumurika Album ye yise ‘Colorful Generation’ 

Bruce Melodie yagiye abara inkuru y’uburyo yageze ku guhimba buri ndirimbo 

Bruce Melodie yavuze ko mu ndirimbo 20 ziri kuri Album ye, imwe n’iyo yabashije kwikorera 

Ubwo yaririmbaga indirimbo yatuye umubyeyi we witabye Imana, yavuze ko byari bigoye ubwo yayandikaga 

Bruce Melodie yumvikanishije ko aba-Producer bamubereye inshuti nziza mu ikorwa ry’iyi Album

Umuyobozi Mukuru wa Kepler, Nathalie Munyampenda,  yanyuzwe n’indirimbo 20 zigize Album ya Bruce Melodie 

Igor Mabano na Prince Kiiiz bitabiriye igitaramo Bruce Melodie yamurikiyemo Album ye nshya 

Umunyamakuru wa RBA, Luckman Nzeyimana wayoboye igitaramo cya Bruce Melodie 

Minisitiri w’Ububanyi n’Amahanga n’Ubutwererane, Olivier Nduhungirehe yitabiriye igitaramo cya Bruce Melodie nk’uko yari yabimusezeranyije

Umunyamakuru Tidjara Kabendera yabajijwe ibibazo bijyanye n’ukuntu yamenyanye na Bruce Melodie

Umukinnyi wa filime akaba n’umuhanzi, Bahati Makaca

Coach Gael ari kumwe Dj Trauma ukorera umuziki muri Leta Zunze Ubumwe za Amerika

Umuyobozi w’Ishuri rya Muzika rya Nyundo, Mighty Popo yashyigikiye Bruce Melodie

 

Umuhanzi w’indirimbo zo kuramya no guhimbaza Imana, Israel Mbonyi yakozwe ku mutima no kumva ko hari indirimbo Bruce Melodie yanditse kubera we 

Joshua, ushinzwe inozamubano muri Kigali Universe [Ubanza ibumoso] 

Israel Mbonyi yakunze kugaragaza ubushuti bukomeye afitanye na Bruce Melodie

Rocky wamamaye mu gusobanura filime yashyigikiye Bruce Melodie amurika Album akozeho mu gihe cy’imyaka ibiri

BRUCE MELODIE YAKOZE IGITARAMO GIKOMEYE AMURIKA ALBUM YE

“>

ROSS KANA YAHAYE BRUCE MELODIE MILIYONI 10 FRW AGUZE ALBUM YE

“>

IJAMBO MINISITIRI NDUHUNGIREHE YAVUZE MU KUMURIKA ALBUM YA BRUCE MELODIE

“>

Byabaye kuri uyu wa 21 Ukuboza 2024, muri Village Urugwiro.

Aba bana bagize umwanya wo kwidagadura, gusangira, ndetse banereka Madamu Jeannette Kagame zimwe mu mpano bafite haba mu bijyanye no kubyina Kinyarwanda, imivugo no gukina Karate.

Igikorwa cyo gusangira iminsi mikuru n'abana baba baturutse hirya no hino mu gihugu, Madamu Jeannette Kagame akunda kugikora kenshi mu mpera z'umwaka.

Abana bakiranywe ubwuzu n’urugwiro

Minisitiri w'Uburinganire n'Iterambere ry'Umuryango, Uwimana Consolée yafatanyije na Madamu Jeannette Kagame mu gufasha abana gusoza umwaka neza

Madame Jeannette Kagame yanahaye abana impano zitandukanye zirimo ibikoresho by'ishuri n'ibindi bibafasha kwidagadura

Madamu Jeannette Kagame yafatanyije n’aba bana gukata Cake mu rwego rwo kwishimira ko basoje umwaka neza

Buri mwaka, Madamu Jeannette Kagame yakira abana baturutse hirya no hino mu Gihugu mu rwego rwo kubifuriza gusoza neza umwaka no gutangira undi mu byishimo

Madamu Jeannette Kagame na Minisitiri w'Uburinganire n'Iterambere ry'Umuryango, Uwimana Consolée bakurikiranye imikino itandukanye abana bakinaga

Abana barenga 300 baturutse hirya no hino mu gihugu ni bo bakliriqwe na Madamu Jeannette Kagame

Abana bari basazwe n’umunezero mwinshi

Uba ari umunsi w’ibyishimo ku baba bitabiriye ubutumire bwa Madamu Jeannette Kagame

Uba ari umwanya mwiza uhuza abana bavuye mu ntara zitandukanye n’abo mu Mujyi wa Kigali

Mu mpera za buri mwaka, Madamu Jeannette Kagame, yakira abana bahagarariye abandi mu gihugu mu birori byo kubifuriza gusoza no gutangira umwaka neza

Abana baturutse hirya no hino mu gihugu bakiriwe muri Village Urugwiro

Muri aba bana harimo abafite impano zitangaje mu myitozo ngororangingo

Umwanya wo gukina abana bawubyaje umusaruro barizihirwa

Kujya mu byicingo ni kimwe mu byizihira abana cyane

Hari hari abantu bafasha abana kwishimisha babashushanyaho

Byagarutsweho n'Umuyobozi w'ishami ry'ubwikorezi muri RURA, Mukangabo Beata, wari mu Kiganiro Kubaza bitera kumenya cya Radio Rwanda, kuri uyu wa 22 Ukuboza 2024.

Mukangabo yagaragaje ko muri ibi bihe by'iminsi mikuru hari ba rusahuriramunduru b'abashoferi bakunze kuzamura ibiciro by'ingendo bitwaje ko haba hari abagenzi benshi nyamara bitemewe.

Ati 'Ibyo bintu duhora tubisubiramo, hari ibiciro biba byarashyizweho, ni byo bikomeza kugenderwaho. Nta muntu wemerewe kuzamura ibiciro kubera ko twageze mu minsi mikuru, iyo tugize uwo dufata turamuhana.'

Yagaragaje ko impamvu usanga benshi buriza ibiciro ari uko haba hari abagenzi benshi, asaba abagenzi gutegura ingendo zabo kandi bakagura n'amatike kugira ngo birinde ubwo bumamyi.

Ati 'Kenshi n'impamvu ibiciro bizamuka n'ubwo tutabishyigikira ni uko hari igihe bisanga hari wa muvundo ukabije, haba abo nakwita ba rusahuriramunduru. Ni yo mpamvu dusaba abagenzi gutegura ingendo zabo bakagura n'amatike hakiri kare, bishobotse bakanagenda hakiri kare hatarazamo uwo muvundo ukabije.'

Yongeye gushimangira ko kuzamura ibiciro bitemewe kandi ko uzabifatirwamo wese azabihanirwa, yemeza ko ibiciro byashyizweho na RURA ari byo bigomba gukurikizwa.

Uyu muyobozi kandi yihanije abakora akazi ko gutwara abagenzi mu mudoka nto batabifitiye uburenganzira, ashimangira ko batazabura guhanwa.

Umuvugizi wa Polisi y'Igihugu, ACP Rutikanga Boniface, yavuze ko bakorana bya hafi na RURA ndetse n'Umujyi wa Kigali mu bijyanye n'ubwikorezi rusange, kandi ko umuntu ugomba gukora ako kazi ari ubifitiye uruhushya.

Ati 'Icya mbere ni uko umwuga w'ubwikorezi abawukora bagomba kuba babyemerewe, bafite aho babarizwa, ibirango byabo bizwi. Bivuze ko iyo bagiye gutwara abantu, umuntu agomba kuba yaguze tike ku buryo iyo habayeho ikibazo bidufasha kumukuririkirana.'

Yavuze ko abatwara abagenzi rwihishwa kandi batemerewe kubikora batazabura guhanwa igihe cyose bazaba bafashwe.

Ati 'Ibi ngibi usanga akamodoka gahagaze ahantu kuri sitasiyo, ntuzi ngo ni akande, umuntu akaguhamagara ngo tujye i Rubavu, nawe ukagenda ukicaramo, ntabwo ari byiza. Ntabwo dufite umutekano muke ariko nawe ushobora gutekereza uti mbuze igikapu cyanjye nakibaza nde? Ese iyi modoka igeze mu nzira igapfa, ni iyihe yaza gutanga umusada? Ese ngize ikibazo navuga ko nari natwawe n'iyihe modoka? Ibyo byose Abanyarwanda bagomba kubitekerezaho.'

Yavuze ko bikorwa mu rwego rwo guhagarika gukorera mu kajagari no guharanira ko buri kintu gikorwa n'ugifitiye uburenganzira, asaba abaturarwanda kubigiramo uruhare.

Ati 'Buri kintu kigomba kuba kiri mu mwanya wacyo, buri kazi kagomba gukora uko kateganyijwe kandi buri muntu agakora icyo yemerewe. Wemeye akajagari ko gakorwa, icyo gihugu ntiwazakiyobora ngo kigukundire. Ni yo mpamvu duhora tubigarura ngo Abanyarwanda babyumve kandi nabo badufashe dushyire imikorere yacu ku murongo.'

RURA iheruka gutangaza ko guhera ku wa 23-24 Ukuboza 2024 no kuva ku wa 30-31 Ukuboza 2024, abagenzi bazajya bategera imodoka mu bice bitandukanye byateganyijwe byiyongera kuri gare ya Nyabugogo, mu rwego rwo korohereza aberekeza kwizihiriza iminsi mikuru mu Ntara zinyuranye.

Abazamura ibiciro by’ingendo mu bihe by’iminsi mikuru bihanijwe