Category: Uncategorized

Abaganiriye na RBA bashyira mu majwi abazamu kuko ari bo ngo baharara kandi bakaba banafitanye na bo ibibazo bijyanye n'amafaranga y'uburinzi bishyurwa, aho abazamu babasaba umubare runaka abandi ntibabyumve.

Umwe mu bacuruzi yavuze ko ikibazo cyatangiranye na Ukuboza 2024, ubwo yatangiraga gucuruza ibyo kurya (restaurent). Nyuma yashatse abarinzi bamubwira ko azajya abaha 12.000 Frw ku kwezi, icyakora kumvikana biragorana.

Ati 'Bwarakeye ngarutse nsanga muri serire hashyizwemo 'super glue' n'ahandi nshururiza ibisheke nsanga yashyizwemo.Ubu serire nazikuyemo mfungisha ingufuri.'

Mugenzi we ati 'Abantu bamaze kunyicira ingufuri ebyiri na serire kandi imwe igura ibihumbi 20 Frw.'

Abo bacuruzi bahuriza ku kuba abo bazamu ari bo babicira ingufuri na serire kuko abagiye bagira ikibazo cy'ingufuri bose ari abananiranywe na bo ku bijyanye n'amafaranga y'uburinzi bagomba kuzishyura.

Bavuga ko impamvu baniranwa ari uko babategeka ayo bagomba kujya babishyura noneho abayabuze bakaba ari bo basanga ingufuri cyangwa serire zabo zashyizwemo 'super glue' ntizongere gufunguka.

Umunyamabanga Nshingwabikorwa w'Umurenge wa Miyove, Rusizana Joseph yavuze ko icyo kibazo kiri gukurikiranwa.

Ati 'Dutekereza ko ari ubugizi bwa nabi bubitera ariko turacyacukumbura hari amakuru y'ibanze abaturage baduhaye turaza kubonamo igisubizo'.

Abacuruzi b’igicumbi bavuga ko hari abantu bitwikira ijoro bagashyira ‘super glue’ mu ngufuri bafungisha amaduka yabo, ibikomeje kubateza ibihombo

Aba bahanzi bagaragaje impano, ubuhanga ndetse n'uruhare runini mu buhanzi, gutsindira ibihembo bitandukanye kandi ntibahwema gukora bimwe mu bitaramo byagiye byitabirwa n’abafana benshi, bityo bakaba bahabwa agaciro k'ikirenga ku rwego rw'Isi.

Dore abahanzi 10 bakomeye mu Kinyejana cya 21

1. Taylor Swift

Taylor Swift ni umwe mu bahanzi bahiriwe n'ibihangano bye bikundwa n'abatari bake. Afite indirimbo nyinshi zagiye zigaragaza impano ye idasanzwe ndetse n'ubushobozi bwo kuvuga ku buzima bw'umuntu. Yagiye atwara ibihembo bikomeye kandi akora neza mu buryo bw'imyidagaduro.

2. Drake

Drake ni umwe mu bahanzi b’injyana ya Rap yerekanye ubuhanzi bufite ibikorwa bikomeye ku Isi. Yabashije gushyira ku isoko ibihangano byinshi byagiye biba intsinzi mu njyana Rap ndetse na R&B. Imyaka ye mu muziki imaze kumugira igihangange kandi abantu benshi bakunda uburyo atanga ubutumwa mu ndirimbo ze.

3. Rihanna

Rihanna, ni umuhanzikazi udasanzwe mu njyana ya Pop, R&B  Abantu benshi bamukunda kubera impano ye, imbaraga afite mu guteza imbere umuziki ndetse n'umugambi wo gukora ibikorwa bya bihambaye no gushyigikira ibikorwa bitandukanye byo gufasha abantu.

4. Post Malone

Post Malone ni umwe mu bahanzi b’imena bafite impano idasanzwe. Ubu buryo bwe bwo gukora umuziki bwuzuyemo injyana zitandukanye, harimo Rap, Rock na Pop. Kuri we, umuziki ni uburyo bwo gusangiza Isi ubutumwa butandukanye ndetse n’uburyo bwo kumvikanisha imibereho y'abantu bo mu muryango.

5. Eminem

Eminem ni umurperi  w'ubusizi n'ubuhanga bw'umuziki utajya uvugwa mu bintu bitandukanye. Ni umwe mu bahize abandi muri Rap, aho amaze imyaka myinshi atanga impanuro n'ibitekerezo byubaka sosiyete. Ntibitangaje kuba ari ku rutonde rw'abahanzi bakomeye kuko ni umwe mu byitegererezo ku bandi bahanzi.

6. The Weeknd

The Weeknd ni umwe mu bahanzi bafite umuziki ushushanya ibintu bitandukanye by'ubuzima. Yabashije kuba umwe mu bahanzi bakomeye cyane cyane  muri Pop na R&B. Arazwi ku buryo bwo guhuriza hamwe impano zo kubyina, kuririmba no gukora ibihangano bifite imbaraga.

7. Beyoncé

Beyoncé ni umuhanzikazi ukomeye cyane mu njyana ya Pop na R&B. Azwiho ubuhanga bwo kugira impano y’umuririmbyi, umubyinnyi ndetse no kuba Producer. Ni ikirangirire ku Isi kandi ibikorwa bye bikomeje kwerekana ko afite ijambo rikomeye mu buhanzi.

8. Justin Bieber

Justin Bieber ni umuhanzi wagaragaje impano kuva  akiri muto mu njyana ya Pop. Azwi ku ndirimbo ze zagiye zitwara ibihembo bitandukanye kandi akomeje kugira uruhare rukomeye mu bijyanye n'imyidagaduro.

9. Bruno Mars

Bruno Mars azwi cyane mu njyana ya Pop, Funk ndetse na Soul. Azwi ku buryo bwo gukora indirimbo zifite umudiho ukomeye kandi z'urukundo. Indirimbo ze, cyane cyane izo aririmba mu buryo bwa Funk, ni ibihangano biryohera benshi.

10. Usher

Usher ni umuhanzi ukora umuziki wa R&B ndetse na Pop. Azwi ku buryo bwe bwo kubyina ndetse no kuririmba indirimbo zibyinitse. Ni umwe mu bahanzi bagize uruhare rukomeye mu guteza imbere umuziki ku rwego rw'Isi.

Mu kiganiro bagiranye na B&B, babajijwe ibanga ryabafashije gukora itandukiro n’andi ma-couple y’abanyamuziki usanga adatera kabiri by’umwihariko mu bihugu byateye imbere mu muziki nka Leta zunze ubumwe za Amerika.

Clement asubiza yagize ati: “Ntaho turagera hashize imyaka 8 gusa. Mu by’ukuri natwe ubwacu turitungura kuko abantu benshi iki gihe ntabwo bagiye bakiduha, kandi natwe dukurikije uko batubwiraga igitutu cyo kuvunga ngo ariko wa mugani ibi bintu birashoboka? Ariko aho bigeze tumeze neza, turacyari kumwe, turashima Imana, umuryango wabaye munini dufite abana.”

Yavuze ko nubwo bashimira Imana ku bw’iyi ntambwe ikomeye ikomeje kubateza, bo batifata nk’urugero nk’uko benshi babivuga, kuko na bo hari aho bifuza kugera bakarambana.

Knowless yavuze ko nubwo abantu bagiye babatega iminsi nta gitutu byabashyizeho kuko babanje kuba inshuti cyane, ahishura ko we icyamubereye umusingi ari uko bamenyanye kuva kera, bakiga hamwe ndetse bakaza no gutangira gukorana.

Ati: “Nibaza ko hari umubano wabayeho mbere ituma igitutu icyo aricyo cyose kitagira agaciro cyane kubera ibyo bihe byose tuziranye, kandi noneho akaba yari inshuti yanjye cyane, byoroshya nyine urugendo.”

Yatangaje ko bagishyigingiranwa, abantu benshi babahaga umwaka umwe gusa ubundi bagahita batandukana kimwe n’ibindi byamamare, ariko kugeza ubu bakaba bakibanye neza nta kibazo bafite.

Knowless yavuze ko kimwe mu byabafashije kurenga bimwe mu bintu bibi byagiye bibavugwaho mu bihe byatambutse, ari uko bari bazi icyo bashaka (kubaka) kandi bombi bakaba badakomeza ibintu cyane.

Ati: “Nyuma y’ibintu byose, ba bantu bose, ibyandikwa bibi, abavuga babi, birangira utashye nyine ugarutse hano uri kumwe na wa muntu. Ni mwebwe mugomba kumenya ko mubishatse mwakwisenya, ariko munabishatse mwakwiyubaka. Niba muhisemo inzira yo kubaka rero, ibindi mubitera umugongo.”

Mu gusubiza impamvu bahisemo guhisha amasura y’abana babo cyane ntabashe kugaragara mu itangazamakuru, Clement yasobanuye ko ari ukubaha amahitamo y’ahazaza habo.

Ati: “Hari uburenganzira twambura abana. Abana dufite nta kivuga ko bazaba abanyamuziki, nta kivuga ko bazagira aho bahurira n’ibintu bibashyira kuri ‘spotlight.’ Hari igihe bazahitamo kwibera abasirikare, abaganga,…”

Yakomeje avuga ko abana babo bashatse no kuba abanyamuziki babashyigikira kuko ubumenyi ababyeyi babo bafite buhagije. Ati: “Rero kuri twebwe amahitamo yacu yari uko tubaha umwanya wo kuba abana.

Ariko rwose uwo byateye ikibazo, ku bana niho duca umurongo ubundi. Ku wo byateye ikibazo, amahitamo ya mbere ahari ni uko twamusaba kubyihanganira, aya kabiri ni ukubyara uwe akamushyira hanze.”

Umwaka ushize, Butera Knowless na Ishimwe Clement bizihije isabukuru y'imyaka umunani bamaze babana nk'umugabo n'umugore, bayizihiriza mu rwuri rurimo n'inka bari baherutse kugabirwa na Perezida Paul Kagame bakomeje gushimira.

Icyo gihe, Butera Knowless yifashishije Instagram yanditse agaragaza ko yishimiye kuba isabukuru bamaranye babana, yahuriranye no kwishimira inka bagabiwe na Perezida Kagame.

Ati: 'Imyaka 13 turi kumwe ndetse n'imyaka umunani dushyingiranywe. Twizihije uyu munsi turi kumwe na Rugirabuntu na Rudahinyuka twagabiwe n'umubyeyi wacu Rudasumbwa Perezida Kagame.

Umutima wanjye wuzuye amarira y'ibyishimo. Uwatureze turi utwana duto tudafite icyerekezo, akaducira inzira, akadukuza, tukavamo abantu bazima ndetse natwe tukagira abadukomokaho, ntiyigeze arekera. N'ubu aracyadusindagiza,ngo tudatsikira.'

Yakomeje avuga ko we na Ishimwe Clement bazahora bashimira Perezida Kagame.

Ishimwe Clement na we yanditse ku mbuga nkoranyambaga yunga mu ry'umugore we agaragaza ko bishimiye kwizihiza umwaka wa munani babana, bigahurirana no kwishimira inka bagabiwe na Perezida Kagame.

Ku wa 14 Nyakanga 2024, Perezida Paul Kagame na Madamu Jeannette Kagame bakiriye abahanzi batuye mu Karumuna mu Bugesera, nk'uko yari yabibasezeranyije ku wa 6 Nyakanga 2024, ubwo yiyamamarizaga muri ako Karere.

Gutumira abahanzi batuye i Bugesera ni icyifuzo cyakiriwe neza na Paul Kagame ubwo yari agiye kugeza ijambo ku barenga ibihumbi 250 bakoraniye mu Karere ka Bugesera mu gikorwa cyo kwiyamamaza.

Icyo gihe Perezida Kagame yasubije icyifuzo cya Knowless wari wamusabye ko yazabatumira nk'abaturanyi be bo mu Bugesera, yaragize ati 'Reka mbanze nsubize ibyasabwe na Knowless, ni uko yavuze mbere yanjye, naho nanjye nari mbifite ko nzashaka umwanya nkabatumira tugatarama.'

Nyuma y'iminsi icyenda Kagame yahise yakirira i Kibugabuga abahanzi batuye muri aka Karere by'umwihariko ahazwi nko mu Karumuna barimo Knowless, Producer Clement, Tom Close, Platini P, Nel Ngabo n'abandi batandukanye.

Knowless na Clement bakoze ubukwe ku wa 7 Kanama 2016, uyu munzi bujuje imyaka umunani babana nk'umugore n'umugabo, bakaba barabyaranye abana batatu aribo; Ishimwe Or Butera wavutse mu mwaka wa 2016, Ishimwe Inzora Butera wavutse mu 2020 n'undi w'umuhungu wavutse tariki 03 Werurwe 2023.

Umuhanzikazi Butera Knowless n’umugabo we Ishimwe Clement bahishuye ibanga ryabafashije kubaka nyuma yo gutegwa iminsi

Ubwo bizihizaga isabukuru y’imyaka 8 bamaze barushinze, Perezida Kagame yabagabiye inka

Knowless na Clement bahamya ko bubatse neza ndetse bakataje muri uru rugendo runanira ibyamamare byinshi 

Muri uyu mwaka wa 2025, Alexis Dusabe arizihiza Yubile y’imyaka 25 y'urugendo rwe mu muziki wo kuramya no guhimbaza Imana kuva atangiye gushyira hanze indirimbo. 2025 ni umwaka w’amateka kuri we dore ko awinjiranyemo album nshya itegerejwe cyane n'abakunzi b'umuziki, ikaba ikubiyemo indirimbo ziri mu ndimi enye zitandukanye.

Nubwo atatangaje byinshi kuri iyi Album, ariko yahishuye ko igizwe n’indirimbo zakozwe mu buryo bw'umwihariko mu minsi 300 dore ko yatangiye kuyikoraho muri Werurwe 2024 hamwe n’umu Producer w’umuhanga ndetse w’umunyabigwi, Aaron Nitunga n’abandi banyuranye.

Yabwiye inyaRwanda ati “Twagize umwanya uhagije wo gutegura indirimbo zo guhimbaza Imana yacu, twakoreye mu Ishusho Studio, dukomereza muri studio ya RCAM (Ishuri ry’umuziki i Muhanga) ndetse na Rivers Studio na Solace Studio, nkaba ndi ku mirimo yo kuzisoza neza ngo tuzisakaze”.

Urugendo rw’Imyaka 25 rwa Alexis Dusabe mu muziki usingiza Imana

Alexis Dusabe, umwe mu bahanzi bakunzwe cyane mu Rwanda no mu karere, amaze imyaka 25 akora ibihangano byuzuye ubuhanga, impano n’ubwitange. Mu gihe cy'imyaka yose amaze mu muziki, yasohoye indirimbo zakunzwe na benshi, zirimo “Umuyoboro” n’izindi.

Izi ndirimbo zakoze ku mitima ya benshi, zigaragaza umuhamagaro n’impano idasanzwe ya Alexis Dusabe mu guhanga, ndetse n'uburyo yifashisha injyana zigezweho mu gusakaza ubutumwa bw'ubuzima. Imyaka 25, ni igihe kirekire mu rugendo rw'umuhanzi, kandi Alexis Dusabe ntiyigeze acika intege ndetse arakataje mu kogeza izina rya Yesu.

Afite ubushobozi bwo guhuza injyana zigezweho n'amagambo akomeye yomora imitima y'abakunzi b'umuziki. Ibihangano bye bifasha benshi kwegera intebe y’Imana dore ko akunda kuririmba Imana, kandi akayivuga nk’uwayiboneye amaso ku maso, urugero ni mu ndirimbo aririmbamo “Mfite umukunzi utuye hirya y’ibicu, uwo yarankunze sinabona uko mbivuga,..”.

Alexis Dusabe umaze imyaka 25 mu muziki ni muntu ki?

Alexis Dusabe asengera mu Itorero rya ADEPR Nyarugenge, akaba arambye mu muziki kuko awumazemo imyaka 25. Yavutse mu 1978, avukira i Kigali, akaba afite abavandimwe babiri. Yashakanye na Ingabire Carine umushyigikira cyane mu muziki. Uretse gukora umuziki ku giti cye, Alexis Dusabe yanatanze umusanzu mu makorali arangajwe imbere na Hoziyana Choir y’i Nyarugenge.

Alexis Dusabe yatangiye umurimo wo kuririmba akiri muto yiga no gucuranga akiri muto kandi byagaragariraga buri wese ko abikunze. Ku myaka 17 yemeye kwizera Kristo Yesu no kwakira agakiza kuva ubwo yemera ko ubuzima bwe bwahinduye icyerekezo kandi cyiza kuruta ubundi buzima bwose yari kubaho.

Intego ya Alexis Dusabe “ni ukwamamaza ubutumwa bwiza bwa Kristo Yesu mu ndirimbo” kugira ngo ubwami bw'Imana bukwire hose! Uyu muramyi uri mu bahanzi b’abahanga u Rwanda rufite, amaze gukorera Imana mu bihugu bitandukanye, ndetse bigiye kwiyongera cyane nyuma yo gukora album iri mu ndimi enye.

Amaze gukora indirimbo nyinshi cyane zirimo: Ngwino, Ibyiringiro, Umuyoboro, Hora Ku Ngoma, Zaburi 23, Kuki Turira,Nzajya Nyiringira, Urukundo rw'umukiza, Uraberewe, Njyana I Gorogota, Igihango, Ndagushima, Ninde wamvuguruza, Igitambo cyanjye, Nkomeza, Gakondo yanjye, Amazi y'ubugingo, Yesu araje n’izindi.

Alexis Dusabe hamwe n’umugore we Ingabire Carine

Alexis Dusabe yifuza ibihe byinshi byo kuririmbira abantu indirimbo z'ubutumwa bwiza, ngo zibafashe kugera mu gakiza, ngo zihumurize ababaye, zikize abuzuwe n'intimba mu mitima yabo, ngo zomore ibikomere byo mu mitima kandi zagure ubwami bw'Imana kugera kure.

Ati “Nezezwa cyane no gushobora ikintu cyari cyarananiye mbere yo kugeregeza kenshi byanga! Ibyo bindemera umunezero mwinshi!! […] Nkunda abarokore ariko nkanakunda abantu bose muri rusange ,uko nshoboye numva nabakunda urukundo rubakururira kuri Kristo Yesu!

Mu bitaramo bikomeye yakoze harimo cyo aheruka gukora tariki ya 21 Gicurasi 2023, muri Kigali Conference and Exhibition Village ahazwi nka Camp Kigali (KCEV). Ni iserukiramuco ryagutse yari akoze ku nshuro ya mbere, akaba yari ari kumwe na Prosper Nkomezi, Aime Uwimana, David Nduwimana (Australia) na Apotre Apollinaire Habonimana (Burundi).

Iki gitaramo cyari cyatewe inkunga na MTN Rwanda, cyitabiriwe n’abarenga ibihumbi bitatu barimo ab’amazina azwi mu myidagaduro nka Mani Martin, Israel Mbonyi, Miss Kalimpinya, Simon Kabera, Dominic Ashimwe, Apotre Mignonne, Ntarindwa Diogène uzwi nka Atome/Gasumuni, Bosco Nshuti, Tracy Agasaro, Papi Clever & Dorcas na Gaby Kamanzi.

Ibyo kwitega kuri Album Nshya ya Alexis Dusabe iri mu ndimi Enye

Album nshya Alexis Dusabe ari gutegura ikomeje gutera amatsiko abakunzi b’umuziki n cyane ko amaze amezi 10 ari kuyitunganya, ndetse abayisogongeyeho bavuga ko “yengetse cyane”. Ni album byitezwe ko izizihira abakunzi be kandi ikamwambutsa imipaka. Iyi album yise iri Ndimi enye, Ikinyarwanda, Icyongereza, Igifaransa ndetse n’Igiswahili.

Ni album ishyira imbere isura mpuzamahanga y'umuziki wa Alex Dusabe. Ni igihangano gikozwe mu buryo bw'umwihariko, aho Alexis Dusabe yifashishije indimi enye zitandukanye, bikaba byumvikanisha ko ubutumwa buri muri izo ndirimbo bureba Isi yose.

Ni Album yitondewe cyane dore ko yatunganyijwe mu minsi 300, aho Alexis Dusabe n'abafatanyabikorwa be bakoze cyane kugira ngo batange umusaruro ugaragara. Imbaraga zashyizwe mu gutegura iyi album zizatuma ibihangano byayo bizaba bihambaye kandi bihuza n’ibyifuzo by'abakunzi b'umuziki bo mu bihugu bitandukanye.

Alexis Dusabe aragira ati “Album ndi gukora ni indirimbo z’ubutumwa bwiza bwa Kristo Yesu. Zizaba ziri mu ndimi zitandukanye, Ikinyarwanda, Swahili, Icyongereza ndetse n’Igifaransa. Niringiye ko zizasakara zikageza kure izina rya Kristo ni yo nyungu niteze no kurushaho.”

Yavuze ko anejejwe cyane no kuba iyi Album idasanzwe ihuriranye na Yubile y’imyaka 25 amaze mu muziki. Ati “Ikindi kinejeje ni uko iyi album inyinjije mu mwaka wa 25 (Silver Jubilee) kuva nshyize hanze indirimbo ya mbere mpimbaza Imana, namamaza Yesu Kristo. Mbese maze imyaka 25 mu ndirimbo za Gospel kandi ndakomeje.”

Mu muziki wa Alexis Dusabe, hari ibintu bitandukanye bikurura abakunzi ba Gospel. Kuva mu ndirimbo nk' “Umuyoboro” kugeza kuri “Mfite Umukunzi”, ndetse n’izindi, usanga zanditse neza mu magambo yomora umutima ndetse no mu muziki mwiza w’umwimerere dore ko aririmba anicurangira ibicurangisho binyuranye by’umuziki.

Ibi byatumye arushaho gukundwa cyane mu Rwanda no mu bindi bihugu byo muri Afurika. Izina rye rikomeje kwaguka muri Afrika, kandi nubwo umuziki nyafurika wagiye uhinduka cyane mu myaka yashize, Alexis Dusabe yabashije kugumana umwimerere we yaba mu myandikire no mu miririmbire.

Yashoboye gukorana n'abahanzi bo mu bihugu byo mu Karere, akagaragaza ubuhanga mu mitegurire no mu kubihuza. Indirimbo nka “Kuki Turira” zigaragaza uburemere bw’ubuzima, by'umwihariko ku bantu bahangayikishijwe n'ubuzima busharira barimo, akabibutsa ko hari Imana yiteguye kumva no gutabara buri wese uyambaza.

Iyi album ye nshya iri mu bikorwa by'indashyikirwa bizagaragaza ubuhanga n'ubwitange bwa Alexis Dusabe. Muri 2025, azagaragaza neza ko imyaka 25 mu muziki bitavuze gusa gushyira hanze ibihangano byinshi, ahubwo ni ukwemeza ko agikomeje kwamamaza izina ry’Imana ku Isi hose binyuze mu mpano yahawe yo kuririmba.

Alexis Dusabe avuga ko umwaka wa 2025 awutangiranye gushima Imana nk’uko bisanzwe, ariko by’umwihariko “twiringiye ibyiza izatugirira kuruta ibyahise nk’uko imbabazi zayo zihora zunguka uko bwije n’uko bukeye”. Yunzemo ati “Nawuha igisobanura cyo gukorera Imana iby’agahebuzo, tukabikorana imbaraga n’umurava.”

Uyu muramyi ufite imishinga ikomeye arangamiye muri uyu mwaka ndetse n’indi izaza yavuze ko azishima bikomeye nagera ku ntego ze. Ati “Ndumva uyu mwaka ndetse n’indi nsigaje yose mfite ingamba zo gukorera Imana mu mpano yampaye kandi numva nzanezerwa cyane nimbona ngeze ku ntego y’ibyo Imana yari inyitezemo, izanshoboza.”

Alexis Dusabe aheruka gukora igitaramo mu mwaka wa 2023

Alexis Dusabe yagaragaje ko yari amaze amezi 10 ahugiye kuri Album nshya idasanzwe

Alexis Dusabe ari mu bahanzi b’abahanga u Rwanda rufite

Kumva ko Alexis Dusabe afite igitaramo ni inkuru iryohera cyane abakunzi b’umuziki bakabyerekana binyuze mu ‘kumwitaba karame’

RIB yabataye muri yombi ku wa 07 Mutarama 2025.

Aba bombi bakoze ibi byaha mu bihe bitandukanye kuva mu 2022 ubwo bakoreshaga inyandiko mpimbano bagakora itsinda rya baringa baryita Twiyubake, bakaryandikaho abantu batandukanye mu bihe binyuranye, kugira ngo babone uko bajya kwaka inguzanyo muri gahunda ya VUP.

Batse inguzanyo ya miliyoni enye z'amafaranga y'u Rwanda mu bihe bitandukanye, babeshyako bafite imishinga bagiye gukora kandi ari ibinyoma.

Ibi byabereye mu Karere ka Rustiro, Umurenge wa Manihira, Akagari ka Haniro mu Mudugudu wa Gitwe.

Ubu, abafashwe bafungiye kuri Sitasiyo ya RIB ya Gihango n'iya Rusebeye mu Karere ka Rutsiro, mu gihe dosiye yabo iri gutunganwa kugira ngo yohererezwe ubushinjacyaha.

ciyaha bakurikiranywe cyo gukoresha ububasha uhabwa n'itegeko mu nyungu bwite, giteganywa n'ingingo ya 15 y'itegeko N°54/2018 ryo ku wa 13/08/2018 ryerekeye kurwanya ruswa.

Iyo uregwa ahamijwe iki cyaha, ahanishwa igifungo kuva ku myaka irindwi ariko kitarenze imyaka 10, n'ihazabu kuva kuri miliyoni eshanu Frw ariko atarenze miliyoni 10 Frw.

Guhimba, guhindura inyandiko cyangwa gukoresha inyandiko mpimbano, na cyo ni icyaha giteganwa n'ingingo ya 276 y'Itegeko No 68/2018 ryo ku wa 30/08/2018 riteganya ibyaha n'ibihano muri rusange.

Iyo uregwa ahamijwe icyaha, ahanishwa igifungo kuva ku myaka itanu ariko kitarenze imyaka irindwi, n'ihazabu guhera kuri miliyoni eshatu z'amafaranga y'u Rwanda, ariko atarenga miliyoni eshanu Frw, cyangwa kimwe gusa muri ibyo bihano.

RIB yibutsa abantu bose ko itazihanganira uwo ari we wese ukora ibyaha nk'ibi byo gukoresha ububasha uhabwa n'itegeko mu nyungu bwite n'icyaha cyo gukoresha inyandiko mpimbano yitwaje akazi akora, inibutsa abantu ko ari ibyaha bihanwa n'amategeko.

Urwego rw'Igihugu rw'Ubugenzacyaha, RIB, rwataye muri yombi abayobozi babiri b'Umurenge wa Manihira mu Karere ka Rutsiro kubera ibyaha bakekwaho

Ibi bikozwe mu rwego rwo kunganira iterambere ry'u Rwanda mu kongera imari yo gushyigikira imishinga y'iterambere rirambye. Ibi kandi bihuriranye n'izamuka ry'ubwitabire bw'abashoramari muri ubu bwoko bw'impapuro mpeshamwenda ku isoko ry'imari n'imigabane, cyane cyane ko abashoramari barushaho gusobanukirwa ingaruka z'imihindagurikire y'ikirere.

Isoko ry'imari n'imigabane ritanga umusanzu mu kubaka ubukungu burambye mu Rwanda kandi rikora nk'urubuga ruhuza abashoramari n'abakeneye imari, bigatanga umusaruro ufatika mu iterambere ry'igihugu.

Aya mabwiriza yatangajwe atanga urubuga ku bigo bitandukanye rwo gushyira hanze izo mpapuro mpeshwamwenda kugira ngo babone imari yo gushyira mu bikorwa imishinga y'iterambere rirambye.

Aya mabwiriza kandi yuzuzanya n'amategeko n'andi mabwiriza asanzwe agenga imikorere y'isoko ry'imari n'imigabane mu Rwanda.

Umuyobozi Mukuru Urwego rw'u Rwanda rushinzwe Isoko ry'Imari n'Imigabane, Thapelo Tsheole yagize ati 'Aya mabwiriza ajyanye no gushyira ku isoko ry'imari izo mpapuro mpeshwamwenda zita by'umwihariko ku iterambere rirambye zubahiriza amahame mpuzamahanga abigena. Kandi twizeye ko azatanga umusanzu mu gufasha abikorera ndetse na Leta kubona imari y'igihe kirekire.'

Isoko ry'imari n'imigabane rifite uruhare runini mu guteza imbere ubukungu bw'u Rwanda binyuze mu kongera ishoramari, gushyigikira ibikorwaremezo, guteza imbere ubucuruzi no kureshya abashoramari mpuzamahanga. Uko isoko ry'imari rikomeza gukura, ni nako rizafasha mu kubaka ubukungu bw'igihugu burambye.