Category: Uncategorized

Ku wa 22 Werurwe 2025, nibwo umuhanzikazi Tems yari kuzakorera igitaramo muri BK Arena kigamije kumenyekanisha album ye yise 'Born in wild' nk'uko yagiye akorera ibi bitaramo mu bihugu bitandukanye ku Isi.

Ku mugoroba w’ejo wa Kane tariki 30 Mutarama 2025, yatunguranye ashyira ubutumwa bwe ku rubuga rwa X, avuga ko kubera impamvu z'imirwano ya M23 na FARDC ishyigikiwe n'indi mitwe yitwaje intwaro ndetse na zimwe mu ngabo z'ibindi bihugu, yahisemo guhagarika igitaramo cye.

Nyuma yo gushyira hanze ubu butumwa, abantu benshi byumwihariko abanyarwanda bari biteguye kuzajya gutaramana nawe babifashemo nk'agasuzuguro kubwo kwanga gutaramira mu Rwanda kandi nta kibazo cy'umutekano gihari cyane ko Kigali ntaho ihuriye na Goma.

Umwe mu bo byababaje harimo umuhanzi Tom Close wagiye ku mbuga nkoranyambaga ze hanyuma avuga ko mu rwego rwo guca ako gasuzuguro, hategurwa igitaramo cy'abanyarwanda gusa ku itariki Tems yari kuzataramiraho mu Rwanda hanyuma nacyo kikazabera muri BK Arena.

Mu butumwa yanyujije ku rubuga rwe rwa X, Tom Close yagize ati 'Abumva twaca agasuzuguro tukikorera igitaramo kigizwe n'abahanzi b'abanyarwanda muri BK Arena, kuri iyi tariki, mubigaragaze muri comments (Ahatangirwa ibitekerezo)'

Nyuma yo gutanga icyo gitekerezo, benshi bahise bagisamira hejuru hanyuma bagaragaza ko byaba ari byiza dore ko benshi mu bakunzi b'umuziki bijunditse Tems aho bamwe bavuga ko batakimwifuza ko yataramira muri BK Arena.

Tems yatunguranye avuga ko igitaramo yari kuzakorera i Kigali agihagaritse

Tom Close arifuza ko baca agasuzuguro ka Tem hanyuma bagakora igitaramo cy’abahanzi b’abanyarwanda gusa

Uyu muhanzi wamamaraje mu ndirimbo ziha ikuzo Imana, yasohoye iyi ndirimbo kuri uyu wa Gatanu tariki 31 Mutarama 2025, ni mu gihe hari hashize igihe kinini ayiteguje, kuko yatangiye kuyivugaho agisoza ubukwe bwe na Mimi.

Ashyize ku isoko iyi ndirimbo ariko, mu gihe abakunzi be bamaze igihe bamutegereje mu bindi bitaramo yari yatangaje azakorera muri Canada, nyuma y’indi mijyi yataramiyemo.

Philbert Kwizera, Umuyobozi wa KAL PRIME Group Ltd iri gutegura ibi bitaramo bya Meddy, yabwiye InyaRwanda, ko bari bamaze igihe bahugiye mu kwemeza amatariki y’igihe uyu muhanzi azataramira Edmonton na Vancouver.

Ati “Twari twafashe ikiruhuko gito ariko ibitaramo byo bizakomeza. Icyo nakubwira kizabera mbere ni ikizabera muri Edmonton, turimo turaganira na Meddy neza, mu minsi itarambiranye turabagezaho amatariki ndetse tumenyeshe n’abantu ba Edmonton.”

Kwizera yavuze ko basohoye iyi ndirimbo ‘Blessed’ mu rwego rwo kwitegura ibi bitaramo, no kurarika abafana kwitegura. Ati “Hari gahunda nyinshi ziri mu nzira, kuko muri uyu mwaka Meddy afite gahunda nini.”

Meddy yaherukaga gutaramira mu Mujyi wa Montreal ku wa 14 Ukuboza 2024,

ku wa 15 Ukuboza 2024 yataramiye mu Mujyi wa Toronto, ni mu gihe ku wa 22 Ukuboza 2024 yataramiye mu Mujyi wa Ottawa.

Ubwo yasozaga biriya bitaramo mu mpera z’umwaka, yahise agaragaza ko azataramira mu mujyi wa Vancouver ndetse na Edmond ariko ntiyagaragaza amatariki.

Iyi ndirimbo 'Blessed' yagombaga kuba yarasohotse mu 2022 irasubikwa bitewe n'urupfu rw'umubyeyi we. Ayisobanura nk'ihishurirwa yagize, ubwo Imana yamuhamagariraga kuyikorera yivuye inyuma.

Meddy aherutse kuvuga ko yakiriye agakiza kubera ko yumva umutima umuhatiriza, n'ubwo hari abafana bamuteye imijugujugu bavuga ko yabatengushye.

Ati 'Ubwo nari ntangiye ibyo kureka umuziki wa secular, hari abantu bamwe bavugaga ngo Meddy yaradutengushye. Naravuze nti bavandimwe ibyo simbyitayeho. Nabayeho ubuzima bwanjye nshimisha abantu, na bo bakigira nk'aho bankunze.'

'Nabayeho muri ubwo buzima kandi mu by'ukuri ntabwo wabaho gutyo ubuzima bwawe bwose, ugomba kubaho ubuzima bufite igisobanuro. Abantu bavuga ko bagukunda ntabwo baba bagukunze, bakugukunda kubera ko hari ikintu wabakoreye kibashimisha.'

Yakomeje agira ati 'Nabonye byinshi ntacyo ntabonye, nabonye abakobwa barira bati turagukunda. Naje gusanga ibyo byose babikoreshwa n'amarangamutima, ni ukwikunda, si urukundo nyakuri.

Meddy yasohoye amashusho y'indirimbo ye nshya yise 'Blessed' yari amaze imyaka ibiri ateguza 

Meddy ari kwitegura gusubukura ibitaramo bye mu gihugu cya Canada 

Meddy azataramira mu Mijyi ya Edmonton na Vancouver yiyegereza abafana be n'abakunzi b'umuziki 

Meddy yagiye ataramana n'abahanzi barimo Adrien Misigaro bakoranye indirimbo zirimo 'Niyo ndirimbo' 

KANDA HANO UREBE AMASHUSHO Y'INDIRIMBO 'BLESSED' YA MEDDY

“>

Haruna Niyonzima ni umunyabigwi ukomeye mu ikipe y'igihugu y'u Rwanda Amavubi, ndetse n'andi makipe atandukanye yo mu Rwanda yo hanze yarwo.

Uyu mukinnyi uherutse gusinyira AS Kigali nyuma yo gutandukana na Rayon Sports yavuze ko uburyo abanyabigwi bafatwamo mu Rwanda biteye isoni  cyane ko usanga n'iyo bagiye ku bibuga baba baterwa inkokora n'abashinzwe kwinjiza abantu mu ma Stade birengagije umusanzu baba baratanze muri siporo.

Haruna Niyonzima mu kiganiro yagiranye na Radio and TV 10 yavuze ko abanyabigwi muri ruhago bacitse ku bibuga kubera ko badahabwa agaciro kandi nawe bikaba biherutse kumubaho kandi yaramaze imyaka irenga 18 akinira Amavubi ndetse imyaka irenga 10 akaba yarayibereye Kapiteni.

Haruna Niyonzima yagize ati ' Ikintu kiriho ntabwo muri siporo yacu twubaha abantu bacu. Nagiye mvuga ikibazo cy'ukuntu abanyabigwi batakiza ku bibuga kuko baraza bakangirwa kwinjira. Njye ni ibintu byambayeho kandi nari mvuye mu kibuga. Uwari ku muryango wa Stade namubwiye ko ngiye kunywa icyayi hanze kuko twari turangije umukino imvura iri kugwa kandi nyuma y'umukino wacu hari hagiye gukurikiraho uwa Police na Rayon Sports.

Uwari ku muryango namubwiye ko ngiye kunywa icyayi hanze y'ikibuga ariko nawe yansubije ko niba nsohotse ntongera kunyura muri uwo muryango ninjira. Ubwose niba uwo muntu yarambwiye gutyo narabaye Kapiteni w'Amavubi imyaka 10 ubwo uri hasi yanjye we bamubwira ibingana gute.

Nari kumwe na Kayitaba Jean Bosco na Emmanuel Okwi. Umupolisi wari aho niwe wamubwiye ko akwiye kundeka nkagenda kandi nkagaruka nkinjira muri Stade. Twaragarutse uwo ushinzwe kwinjiza arongera ashaka kuduhagarika ariko Police amusaba gukingura tukinjira”.

Haruna Niyonzima yakomeje avuga ko mu Rwanda bakwiye kwigira kuri Tanzania kuko abanyabigwi baho bo bubahwa cyane kabone nubwo baba bakomoka hanze yayo. Yakomeje ati ' Iyo ugereranyije n'abaturanyi bo muri Tanzania iyo bambonye nje ku kibuga bahita bafungura imiryango ndetse bakanangeza mu byicaro ntiriwe nivuga”.

Haruna Niyonzima yashimangiye ko nubwo umupira uba ugomba kwinjiza amafaranga aturutse mu kwinjiza abafana ku bibuga, mu binjiza hakwiye kuba harimo abanyamupira ku buryo bazorohereza abanyabigwi kwinjira ku bibuga nta ngorane. Ati ' Nibyo umupira ukeneye kubona amafaranga yo kwinjiza abafana ku bibuga ariko nabasabye ko mu gupanga abantu bajya ku miryango binjiza abafana ku bibuga hakagombye kuba hari n'abasobanukiwe umupira bakajya bafasha abanyabigwi kwinjira”.

Uyu mukinnyi yasabye ko hajyaho uburyo bwatuma abakinnye umupira bawugumamo kandi bawukunze Ati'' Twari dukwiye gushyiraho uburyo umuntu wakinnye umupira aguma kuwisangamo ndetse akanafasha abakinnyi bari hasi kubera ko iyo urebye umupira hari ibyo wunguka kandi uba ugomba gufasha bagenzi bawe”.

Iki kibazo cyo kuba hari abinjiza abafana ku bibuga batazi abanyamupira gikunze kugaragara cyane mu Rwanda kuko no ku mukino Police FC yasezereye Rayon Sports mu gikombe cy'Intwari hari umwe mu bashinzwe kwinjiza wari wanze ko Gacinya Chance Dinis yinjira ku kibuga kandi ari umwe mu bayoboye Rayon sports ndetse no kuri ubu akaba akiri no mu buyobozi bwayo.

Uretse kuba yarakiniye ikipe y’igihugu y’u Rwanda Amavubi Haruna Niyonzima yanyunze mu makipe nka Etincelles FC, Rayon Sports APR FC, Young Africans yo muri Tanzania, Simba Sports Club yo muri Tanzania, AS Kigali na Al ta’awon yo muri Libya.

Haruna Niyonzima yavuze abanyabigwi bo mu Rwanda batitabwaho uko bikwiye

Haruna Niyonzima yemeje ko muri Tanzania afatwa nk’Umwami

Ku wa 30 Mutarama 2025, ubuyobozi bwa IRPD n'abafatanyabikorwa batandukanye bagaragajwe ibipimo bazagenderaho mu gihe cyo gukora iryo suzuma.

Ni isuzuma rizakorerwa mu turere dutanu ari two Musanze, Bugesera, Gasabo, Gisagara na Karongi, bukazakorwa hagati ya Gashyantare na Werurwe 2025.

Ibyo bipimo byagezweho binyuze mu mushinga wiswe INKI (Indi Ntambwe mu Kwiyubakira Igihugu) bahuriyeho n'Ikigo cyo muri Norvège 'NPA' na Transparancy International Rwanda, ugaterwa inkunga n'ikigega cy'Abongereza gitera inkunga ibihugu biri gutera imbere.

Prof. Sylvestre Nzahabwanayo yavuze ko ubwo bushakashatsi bugiye gukorwa nk'igeragezwa ku nzego eshatu zirimo ubuhinzi, ubuzima n'ibidukikije ariko ko nyuma buzagurwa bakaba banareba ku zindi nzego biturutse ku makuru azaba yavuye mu igeragezwa.

Ati 'Tuzatangirira ku buzima, dusuzuma uko kwegereza ubuyobozi abaturage bihagaze muri urwo rwego, mu bidukikije no mu buhinzi. Twahisemo izo nzego kuko zikora ku buzima bw'Abanyarwanda ku buryo bufatika ariko navuga ko turi kugerageza. Hari n'izindi nzego tuzazamo nk'uburezi ndetse n'ibikorwaremezo.'

Yavuze ko nyuma yo kwemeza igipimo kizifashishwa mu gukora igenzura, hagiye gukurikiraho guhugura imiryango itari iya Leta izagira uruhare muri icyo gikorwa.

Prof. Nzahabwanayo yavuze ko iyo umuntu akora isuzuma ku birebana no kwegereza ubuyobozi abaturage harebwa cyane ku bushobozi bw'inzego z'ibanze mu gutanga izo serivisi.

Yakomeje ati 'Ese inzego z'ibanze zegerejwe abaturage zifite ubushobozi? Aha turavuga ubushobozi mu bumenyi n'ubushobozi mu bikoresho.'

Ikindi kirebwa ni ukureba niba serivisi zagaragajwe na Minisitiri w'Intebe ko zigomba kwegerezwa abaturage zaba zaregerejwe abaturage, kureba niba abaturage babona serivisi bitabagoye, badakoze urugendo rurerure n'ibindi.'

Harebwa kandi ubushobozi inzego z'ibanze zifite mu kubona ingengo y'imari ndetse n'uburyo ikoreshwa batibagiwe no kureba ku iterambere ry'umuturage no kuzana impinduka.

Guverineri w'Intara y'Iburasirazuba, Pudence Rubingisa, wari uhagarariye Minisitiri w'Ubutegetsi bw'Igihugu, yagaragaje ko ubwo buryo bwatangijwe bugamije kureba ahaba hakiri imbogamizi ngo hanozwe n'aho aho bikorwa neza bibe byakwigirwaho n'izindi nzego.

Ati 'Umwaka ushize hasohotse iteka rya Minisitiri w'Intebe risobanura gahunda yo kwegereza ubuyobozi abaturage mu ngeri zitandukanye. Ibi bigaragaza uburyo bigenda bishyirwa mu bikorwa ariko bigashimangirwa n'icyegeranyo tugenda duhabwa buri mwaka n'Urwego rw'Igihugu rw'Imiyoborere.'

Yashimangiye ko kwegereza ubuyobozi abaturage bigira ingaruka nziza mu iterambere ry'igihugu binyuze mu nzego zitandukanye.

Yatanze urugero rwo gukora igenamigambi yemeza ko iyo abaturage baganirijwe bashobora kugaragaza ibyifuzo byabo bishobora no gushingirwaho mu gutegura igenamigambi ry'uturere.

Umukozi mu Muryango uharanira kubaka Amahoro arambye ku Isi, Interpeace Rwanda, Margaret Mahoro, yagaragaje ko nk'imiryango itari iya Leta izagira uruhare muri icyo gikorwa haba mu gukora ubwo bugenzuzi ndetse no kurebera hamwe icyakorwa ngo ahakiri intege nke hashyirwemo imbaraga.

Ubushakashatsi ngarukamwaka ku miyoborere bwakozwe n'Urwego rw'Igihugu rw'Imiyoborere (RGB), buzwi nka Rwanda Governance Scorecard (RGS), bwasohotse mu 2024, bwagaragaje ko inkingi y'umutekano n'ituze ry'abaturage yaje ku isonga mu byishimirwa n'abaturage n'amanota 93.82%.

Guverineri w’Intara y’Iburasirazuba, Pudence Rubingisa, yagaragaje ko iryo suzuma rizatuma hamenyekana ahakiri imbogamizi

Umuyobozi w'Ikigo cy'Ubushakashatsi n'Ubusabane bigamije Amahoro (IRDP), Prof. Sylvestre Nzahabwanayo, yashimangiye ko icyo gikorwa kitazanga umusanzu ukomeye ku gihugu

Dr Aggée Shyaka ni umwe mu bateguye ibipimo bizagenderwaho muri ubwo bushakashatsi

Hagaragajwe impamvu hakenewe gukora isuzuma ku kwegereza ubuyobozi abaturage

Umujyanama wa Mufti w’u Rwanda, Sheikh Sulaiman Mbarushimana, yagaragaje ko n’abayobozi b’amadini bakwiye guhabwa umwihariko

IRDP igiye gukora isuzuma rigamije kureba ibikibangamiye kwegereza ubuyobozi abaturage

Hagaragajwe ko iki gikorwa kizafasha kumenya ibyo kunoza kurushaho

Abitabiriye iki gikorwa beretswe ibipimo bizifashishwa mu gukusanya amakuru

Hagaragajwe ko kwegereza ubuyobozi abaturage ari ingenzi mu iterambere ry’igihugu

Guverineri w’Intara y’Amajyepfo, Kayitesi Alice, yari mu bitabiriye iki gikorwa

Umukozi ushinzwe umushinga muri NPA, Ntahobari Noel, yashimye iki gikorwa yemeza ko kizatanga amakuru y’ingenzi

Umuyobozi Nshingwabikorwa wa Transparency International ishami ry’u Rwanda, Mupiganyi Apollinaire, yitabiriye iki gikorwa

Iki gikorwa cyitabiriwe n’abayobozi batandukanye

Amafoto: Nzayisingiza Fidèle

Ibi Umukuru w'Igihugu yabigarutseho mu butumwa yanyujije ku rubuga rwa X, kuri uyu wa 30 Mutarama 2025.

Yagize ati “Uyu munsi, nagiranye ikiganiro cy'ubaka na Perezida João Lourenço, twaganiriye ku kamaro ko gushaka umwanzuro w'igihe kirekire kandi urambye ku bibazo bikomeje kubera muri RDC. Twongeye kwiyemeza gukorana n'abandi ku mugabane kugira ngo haboneke igisubizo, ndetse tunaganira ku gukomeza gushimangira ubufatanye bukomeye hagati y'ibihugu byacu byombi mu bihe biri imbere.”

Ni ikiganiro kibaye mu gihe ibintu byahinduye isura mu Burasirazuba bwa RDC, by'umwihariko mu Ntara ya Kivu y'Amajyaruguru, aho umutwe wa M23 wigaruriye ibice byinshi by'iyo ntara birimo Umujyi wa Goma ufatwa nk'Umurwa Mukuru w'iyo ntara, uherutse kwigarurirwa n'uwo mutwe mu ntangiriro z'iki cyumweru, hanyuma FARDC n'ingabo byafatanyaga zaminitse amaboko, izindi zirahunga zirimo n'izahungiye mu Rwanda.

Mu gushakira umuti ibyo bibazo byo mu Burasirazuba bwa RDC kandi ku wa 29 Mutarama 2025, habaye inama idasanzwe y'abakuru b'ibihugu by'Umuryango wa Afurika y'Iburasirazuba (EAC).

Imyanzuro yashyizwe ahagaragara nyuma y'iyi nama igaragaza ko abakuru b'ibihugu batewe impungenge n'uburyo ibibazo by'umutekano muke bigenda birushaho gukaza umurego muri RDC, bigaragarira ku myigaragambyo n'ibitero byagiye bigabwa kuri ambasade z'ibihugu bitandukanye birimo n'ibyo mu muryango wa EAC, gutwika, gusahura ndetse n'urundi rugomo.

Basabye impande zose ziri mu ntambara guhagarika imirwano hagamijwe korohereza abatanga ubutabazi ku bagizweho ingaruka n'intambara.

Inama kandi yasabye ko habaho gukemura ibibazo mu mahoro, kandi isaba Guverinoma ya Repubulika Iharanira Demokarasi ya Congo kuganira n'impande zose harimo na M23 n'indi mitwe yitwaje intwaro irwanira uburenganzira bwabo butubahirizwa.

Muri iyo nama Perezida Kagame yabwiye bagenzi be ko hari Abanyarwanda benshi bahitanywe n'aya masasu yavuye i Goma, ndetse asezeranya ko hari icyo azabikoraho.

Mbere yo kugera kuri iyi ngingo, Perezida Kagame yari yabanje kugaragaza ko uburyo ibihugu by'amahanga biri kwitwara muri iki kibazo bubabaje.

Yatunze urutoki ibihugu nka Afurika y'Epfo bikomeje gukoreshwa na Perezida Félix Antoine Tshisekedi wa RDC muri iyi ntambara.

Ati 'Mu minsi ibiri ishize, ku wa Mbere n'uyu munsi mu gitondo [ku wa Gatatu] naganiriye na Perezida wa Afurika y'Epfo wanshatse ngo tuganire kuri iki kibazo kubera uruhare bafite mu Burasirazuba bwa Congo, ari hariya yigira nk'umuntu uri gukora inshingano zo kubungabunga amahoro kandi afite ingabo zirwana zifatanyije na FDLR, ndetse arwana na M23 ku mategeko ya Tshisekedi kubera ko avuga 'ko aba ari abantu badakwiriye kuba bari muri Congo, ngo baturuka mu Rwanda'.'

Perezida Kagame yashimangiye ko atumva uko Tshisekedi akomeje gutsimbarara ku ntambara kandi bimaze kugaragara ko nta musaruro itanga.

Kugeza ubu ihuriro rya AFC/M23 ryamaze kwigarurira ibice byinshi by'Intara ya Kivu y'Amajyaruguru n'Umujyi wa Goma by'umwihariko, abayobozi bayo bakaba batangaje kuri uyu wa 30 Mutarama 2025, ko badateze guharagara ahubwo bazakomereza i Kinshasa gukuraho ubutegetsi bwa Tshisekedi, nubwo na we aherutse gutangaza ko agiye kongera gushoza intambara kuri uwo mutwe, agasaba abanye-Congo bose kubimufashamo.

Perezida Kagame yaganiriye na Lourenço wa Angola ku mutekano wo mu burasirazuba bwa RDC

Yashyize ifoto kuri konti ye ya X, agaragaza ko igitaramo cye yagisubitse ku munota wa nyuma.

Ni nyuma y’ubutumwa yari yanditse agaragaza ko mu minsi ishize yamamaje igitaramo cye i Kigali,  ariko atazi neza ko hari agatotsi mu mubano w'u Rwanda na Repubulika Iharanira Demokarasi ya Congo.

Yavuze ko ubutumwa bwe buhamagarira abantu kuzitabira igitaramo, yabutambukije atazi ibiri kubera mu Karere k'Afurika y'Iburasirazuba, bityo yiseguye kuri buri wese waba utarabyishimiye. 

Tems ariko yakoresheje amagambo agaragaza nk'aho ari amakimbirane ari hagati y'u Rwanda na Congo, mu gihe ibiri kubera mu Burasirazuba bwa kiriya gihugu, ari intambara yeruye ihuje ingabo za M23 n'ingabo z'iki gihugu n'abandi babashyigikiye boherejwe n'ibihugu bitandukanye.

Ati 'Vuba aha namamaje igitaramo cyanjye mu Rwanda ntamenya ko hari 'amakimbirane hagati y'u Rwanda na Congo'. Sinigeze na rimwe ngira umugambi wo kutita ku bibazo by'Isi, kandi nibahaye imbabazi niba byarabaye nk'aho ntabyitayeho. Sinari mbizi na gato.'

Uyu mukobwa wo muri Nigeria yavuze ko yifatanyije n'imiryango y'ababuriye ubuzima muri iyi ntambara. Ati 'Umutima wanjye uri kumwe n'abahungabanyijwe. Intambara si ibintu byo gukinisha, kandi ndasenga ngo haboneke amahoro muri iki gihe.'

Intambara y'umutwe wa M23 n'ingabo za Congo, yanagize ingaruka ku Rwanda, kuko abantu 9 bitabye Imana bahitanwe n'ibisasu n'amasasu byatewe mu Rwanda, ni mu gihe abandi 35 bakomeretse. Ibi byatangajwe n'Umuvugizi wungirije wa Guverinoma, Alain Mukuralinda.

Kugeza ubu umutwe wa M23 wafashe umujyi wa Goma. Ndetse mu kiganiro n'itangazamakuru kuri uyu wa Kane tariki 30 Mutarama 2025, Umuhuzabikorwa wa AFC/M23, Corneille Nanga yavuze ko bagiye gukomeza urugamba bagana Kinshasa.

Yaboneyeho kwamagana abavuga ko baterwa inkunga n'u Rwanda. Ati 'Kuki ikitagenda kuri DRC bavuga u Rwanda? Dufite abanya-Afurika y'Epfo muri iki gihugu, abanya-Malawi, Tanzania, Angola, Uganda na Sudani, nyamara ntibivugwa. Turarwana kubera impamvu zacu ntiturwanirwa n' u Rwanda.”

Akomeza ati 'Twitirirwa gufashwa n' u Rwanda kubera tubatsinda, kandi tubatsinda kuko dufite impamvu zikomeye, izo mpamvu ni ukubaho, ni uburenganzira bwacu, mu gihe ingabo za FARDC zirwanira guhembwa. Twe turarwana kugirana ngo tubeho kandi tutabayeho tuzapfa, abandi bo barwanira gushaka amafaranga kandi ni impamvu itatuma badutsinda.”

   

Tems yatangaje ko yamamaje igitaramo cye mu Rwanda ataramenya ingaruka intambara ya M23 na Congo yagize ku baturage bo mu Rwanda 

Tems yihanganishije imiryango y'ababuriye ubuzima mu ngaruka z'intambara ibera mu Burasirazuba bwa Congo 

Tems yiteguraga gutaramira i Kigali ku Nshuro ye ya mbere 

Tems yasibye ubutumwa bwose yigeze kwandika ahamagarira abantu kuzitabira igitaramo cye mu Rwanda

Ibi ni nako bimeze ku bihembo nka Kiss Summer Awards, Salax Awards n’ibindi. Kuva mu myaka itanu ishize, ibitangazamakuru binyuranye byashyize imbaraga cyane mu gutegura no gutanga ibihembo ku bahanzi n'izindi ngeri z'ubuhanzi, ariko bimwe ntibyateye kabiri. 

Umuraperi Ish Kevin aherutse kubwira InyaRwanda ko mu Rwanda nta ‘Awards’ z’abahanzi zihaba’. Ati “Ntazikibaho. The Choice? Televiziyo se? (Yavugaga The Choice Awards). Isango na Muzika Awards urayizi? Uravuga Radio Isango? Nonese batanze ‘Awards’ gute kandi ari Radio?”

Uyu musore wamamaye mu bihangano binyuranye yavuze ko muri we, ibihembo azi ari ibya Grammy Awards, BET Awards na MTV Awards. Ati “Iyo niyo ntego yanjye. Ntabwo narinzi ko mu Rwanda haba ibihembo, ariko ndishimye ndabimenye.”

Ish Kevin yashinje itangazamakuru kutavuga ibyiza, ahubwo bakibanda cyane ku kugaragaza ibibi, kuko muri Mata 2023 yahawe ishimwe na 'Guiness World Records' ariko ntibikunze kuvugwaho.

No mu ndirimbo ye yise 'Bizima' yumvikanisha ko yakoze ibikorwa bikomeye byagakwiye Kiss Summer Award ariko ngo siko bigenda. Hari aho aririmba agira ati 'Ngo Ish yakoze ari ‘Classic Papa’. Shiii yakoze sizakwiye Award?… Biragoye kumusanga za Kiss Summer.

Ntawakirengagiza uruhare ibi bihembo byagize mu guteza imbere abahanzi, no gutuma habaho ihangana. Ariko kandi, ijwi rya bamwe mu bahanzi ryumvikanye kenshi rivuga ko nubwo bakora ibikorwa, ariko ntibajya babishimirwa.

Umukinnyi wa filime Niyitegeka Gratien wamamaye nka Papa Sava biturutse kuri filime y'uruhererekane, aherutse kubwira InyaRwanda ko gutanga igihembo ku muhanzi wakoze neza, ari kimwe mu byakitaweho n'abari mu nganda ndangamuco kuko 'uwakoze neza cyane arashimirwa, kandi si iby'ubu, na kera byabagaho si mu muziki, si mu ngeri z'ubuhanzi no mu ngabo habaga impeta.'

Akomeza ati 'Iyo nta gihembo, haba hirengagijwe ibyitwa agashibuzo, interakanyabugabo, mbese nta shyaka riba rihari unopfesha abakizamuka.'

Uyu mugabo wagiye yegukana ibihembo bikomeye muri Cinema, asobanura ko iyo nta bihembo biri mu ruganda, nta higanwa rikomeye ribaho.

Kuri we, asanga abategura ibihembo bakwiye kongera kwikubita agashyi. Ati 'Ni akanyabugabo kuri twe! Ababishinzwe bazibuke ko turi abantu. Ntabwo turi 'Robots', iyo nta gihembo ntakigenda.'

Mu kiganiro cyihariye na InyaRwanda, Dj Phil Peter usanzwe ari umuvugizi wa 'The Choice Awards' yavuze ko isubikwa ry'ibi bihembo ryaturutse ku babitegura, kuko bahisemo kubinoza neza.

Ati “Ikipe itegura ibi bihembo yaricaye yiga ahazaza ha The Choice Awards basanga ibintu bari gukora ari byiza, abantu barabyakiriye neza ariko ko hakenewe guterwa indi ntambwe iri ku rundi rwego kugirango bitandukane n’ibyo bari bamaze igihe bakora.”

Akomeza ati “[…] Niba ukoze/uteguye ‘Awards’ ufite abantu uri gukorana nabo biba byiza ko ibyiza wabaha cyangwa se bakwiye. Rero, ikipe yanzuye gusubira inyuma ho gato bakabanza gutegura ahazaza h’ibi bihembo hahamye.”

Phil Peter yavuze ko mu igenzura bakoze, babonye ko n’ubwo abantu batwara ibihembo, ariko nta rufatiro ruhari rwatuma wa muntu wegukanye igikombe arenga imipaka. Ati “Numvise ari yo ntego bafite nk’ikipe yateguraga ibi bihembo.”

Yavuze ko banahisemo gushaka andi maboko yajya abafasha gutegura ibi bihembo, ku buryo n’iyo Isibo TV yaba itakiriho cyangwa na The Choice Live “Ibihembo byazakomeza gutangwa.”

Muri Mata 2023, Bruce Melodie yegukanye igihembo cya ‘Video of the year’, Israel Mbonyi yegukana igikombe cya ‘Best Gospel Artist’ n’abandi. Ibi bihembo byatangagwa byari ibya 2022, bivuze ko kuva icyo gihe kugeza n’uyu munsi ibi bihembo ntibirongera gutangwa.

Muri muzika, Dj Phil Peter aherutse gushyira ku isoko Extended Play (EP) ye yise 'Filipiano' iriho indirimbo yakoranye n'abahanzi nka Alyn Sano bahuriye mu yo bise 'Halo', 'Party Nonstop (Mabigibigi)' yahuriyemo na Elvin Cena na Logic Hit it, 'CAKULA Remix' yakoranye na Drama T na Daddy Andre, 'Tunywe' ye na Ish Kevin na Aime Blueston ndetse na 'Fotopiano Remix' yahuriyemo na Marina Fireman P Fla na Aime Bluestone.

Phil Peter yatangaje ko bahisemo gusubika gutegura ibihembo bya The Choice Awards kugirango bibanze kunozwa hajyanishijwe n'icyerekezo bafite

Ibihembo bya The Choice Awards bigiye kumara imyaka ibiri bisubitswe

KANDA HANO UBASHE KUREBA IKIGANIRO TWAGIRANYE NA PHIL PETER

“>

VIDEO: Jean Nshimiyimana- InyaRwanda.com

Byinshi muri ibi bigo biyobowe n’abasirikare bakuru, aho usanga bigoboka ibihugu byinshi mu bihe by’intambara, bikabaha ubujyanama, aho biri ngombwa bigatanga n’inkunga mu bikorwa by’ubwubatsi, mu gutoza abandi n’ibindi binyuranye.

Kimwe mu bigo bya gisirikare byigenga byohereza abazwi nk’abacancuro hirya no hino ku Isi kiri kugarukwaho cyane muri iyi minsi, ni icyitwa RALF cyo muri Romania cyashinzwe na Horatiu Potra uherutse gutabwa muri yombi.

Iki kigo kiri kugarukwaho nyuma y’uko abacancuro bacyo barenga  280 biganjemo abo muri Romania  barwanaga ku ruhande rwa Repubulika Iharanira Demokarasi ya Congo bameneshejwe na M23, bakanyura mu Rwanda bava i Goma nyuma yo gusabirwa inzira ibasubiza iwabo.

Nyuma y’Intambara ya Kabiri y’Isi yose, ibihugu byinshi byo mu Burengerazuba byatangiye gushaka uko byakwigenga ku bikoresho by’intwaro, hanyuma ibi bikurikirwa n’imirimo ya gisirikare.

Ibigo byigenga bya gisirikare byarushijeho kumenyekana nyuma y’intambara y’ubutita yarangiye mu 1990, aho ibihugu nk’u Bwongereza, Leta Zunze Ubumwe za Amerika n’u Burusiya byagabanyije abasirikare babyo bikaviramo benshi kubura akazi.

Nyuma rero iki cyuho cyaje gukurwaho n’ibi bigo byigenga bya gisirikare, aho bigirana n’ibihugu binyuranye amasezerano bakabafasha kwikura mu bihe bitoroshye barimo byarangira bakisubirira iwabo mu kazi kabo.

Nk'uko ikinyamakuru DW News kibitangaza, ngo Amerika yakoresheje hafi miliyari 300 z’amadolari hagati ya 1994 na 2007 mu mitwe yitwara gisirikare 12 yigenga, cyane cyane muri Afuganisitani na Iraq.

Ku rundi ruhande, Wagner Group. Ikigo cyigenga cya gisirikare, kimaze imyaka itari mike cyita ku mutekano w'u Burusiya muri Siriya na Ukraine.

Kuva ibikorwa bya gisirikare by’Abanyamerika byagaruka muri Iraq na Afuganisitani, uruhare rw'ibigo byigenga bya gisirikare rwatangiye kugabanyuka muri Amerika, bimwe muri ibyo bigo bitangira kwibumbira hamwe. Urugero ni nk'icyitwa Academi cyari mu bikomeye ku Isi mu myaka 10 ishize, cyihuje na Triple Canopy mu 2014 bagashinga icyitwa 'Constellis Holdings.'

Mu bindi bigo byishyize hamwe, harimo Olive Group, American K-9 Detection Services na Centerra. Akazi k'ibi bigo ubu gasigaye kagarukira gusa ku gucunga umutekano w'ibigo bya Leta Zunze Ubumwe za Amerika, ndetse n'aho byiyambajwe mu bikorwa byo mu gihugu no hanze yacyo.

Dore bimwe mu bigo bikomeye bya gisirikare byigenga ku Isi (PMCs):

1.Wagner Group: Ni ikigo cya gisirikare cyigenga cyo mu Burusiya cyakoze akazi gakomeye muri Siriya, Mali, Ukraine, muri Sudani n’ahandi.

2.Triple Canopy: Ikigo gikomeye cyo muri Amerika cyakoze akazi gakomeye muri Iraq, Siriya no muri Amerika y'Amajyepfo. Cyashinzwe mu 2008, ndetse kugeza ubu gifite abarwanyi bagera ku 8,000.

3.Olive Group: Iki kigo cyashinzwe mu 2001, ubu kikaba gifite abarwanyi bagera ku 20,000.

4.Aegis Defense Services: Ni ikigo cy’Abanyamerika kiri mu bikomeye ku isi mu byigenga bya gisirikare, cyifashishwa cyane muri kompanyi za peteroli, muri Amerika n’ahandi.

5.Academi (yahoze yitwaBlackwater): PMC yo muri Amerika ubu izwi nka Academi, yashinzwe na Erik Prince mu 1996, iza guhindurirwa izina mu 2011, yihuza na Triple Canopy mu 2014.

6.Defion Internacional: Ni PMC yo muri Peru izwiho kuba igizwe n’abarwanyi, abashinzwe umutekano n’abashoferi baturuka mu bihugu biri mu nzira y’amajyambere cyane cyane Latin-America. Ifite ibiro mu bihugu nka Iraq, Filipine, na Leta Zunze Ubumwe z’Abarabu.

7.Erinys: PMC y’Abongereza yifashishijwe cyane na Leta Zunze Ubumwe za Amerika mu kurinda umutungo wiganjemo peteroli muri Afurika.

8.Vinnell Corporation: PMC yo muri Amerika yakoreye muri Iraq, Arabia Saudite, na Turkiya

9.G4S y’Abongereza, iri mu bigo byigenga bya gisirikare bikomeye ku Isi. Kugeza ubu, ikorera mu bihugu 125 byiganjemo ibyibasirwa n’intambara cyane byo muri Afurika no muri Latin-America.

10.Unity Resources Group: Iki ni ikigo cyigenga gikorera mu Burasirazuba bwo hagati, Aziya, Afurika no muri Amerika. Kiyobowe n’abahoze mu gisirikare cya Amerika, u Bwongereza na Australia. Iki kigo kizwiho cyane kugira uruhare mu kurinda umutekano wa Ambasade ya Australia mu Murwa Mukuru wa Iraq, Bagdad.

Harimo kandi Keeni-Meeny Services y’Abongereza,Lordan-Levda yo muri Isiraheli, Titan Corporation y’Abanyamerika,Executive Outcomes yo muri Afrika y’Epfo, Vinnell Corporation y’Abanyamerika, n’ibindi.

Ibigo byigenga bya gisirikare bifatwa nk’ibifite uruhare runini mu kubungabunga umutekano w’Isi

Ibi byagarutsweho ku wa 27 Mutarama 2025 mu biganiro byahuje itsinda ry'Abadepite n'abaturage bo mu Murenge wa Gishamvu, mu ngendo barimo hirya no hino basura abaturage, ngo bagenzure urwego bagezeho mu iterambere ry'imibereho myiza.

Umwe mu baturage bo mu Kagari ka Ryakibogo, mu Murenge wa Gishamvu, yabwiye abadepite ko umudugudu atuyemo nta muriro w'amashanyarazi bafite, mu gihe amapoto abanyura hejuru ajya gucanira ibindi bice, asaba ko na bo babibuka.

Umuyobozi w'Akarere ka Huye Wungurije ushinzwe Iterambere ry'Ubukungu, Kamana André, yatangaje ko abantu bakwiye kumva ko amashanyarazi atazagera kuri buri nzu mu Rwanda, mu gihe aho yubatse hatagenewe imiturire.

Ati “Abantu bakwiye kumva ko amashanyarazi y'umuyoboro mugari atazagera kuri buri rugo, n'iziri ahatemerewe guturwa.”

“Mu gishushanyo mbonera cy'imiturire duherutse kubona, mu Karere ka Huye hagaragajwe imbago z'Umujyi wa Huye ugizwe n'imirenge ya Ngoma, Tumba, ndetse n'ibice bimwe by'imirenge ya Mukura, Huye na Mbazi.”

Visi Meya Kamana, yakomeje avuga ko hari n'izindi santere zunganira umujyi wa Huye (rural urban centers) zirimo Karambi mu Murenge wa Kigoma, Santere ya Rusatira, mu Murenge wa Rusatira ndetse n'isantere ya Kinazi mu Murenge wa Kinazi.

Yongeyeho kandi ko mu Karere hose hagaragajwe site zo kubakamo 118 bityo ko abaturage ari zo bakwiye kwitabira guturamo kugira ngo bagerweho n'ibikorwaremezo byose bifuza.

Ati “Abari muri ibi bice byagaragajwe n'igishushanyo mbonera ni bo bihutirwa mu kigezwaho ibikorwaremezo by'amazi n'amashanyari, kugira ngo byoroshye n'ingengo y'imari, binakureho cya kintu cyo kumva ko umuntu utuye mu kabande hepfo iyo ngiyo yagerwaho n'amazi cyangwa amashanyarazi.”

Visi Perezida w'Inteko Ishinga Amategeko, Moussa Fasil Harerimana, yagiriye inama abaturage ababwira ko bakwiye kumva impamvu y'ibishushanyo mbonera bishyirwaho kuko biba bigamije gushyira ibintu mu murongo.

Ati “Niba inzu yawe yose utayigira igikoni cyangwa ngo yose uyigire uruganiriro, ni na ko biri ku gihugu, buri gice cy'ubutaka gifite icyo cyagenewe, tujye tubyumva.”

Mu mwaka wa 2022, abatuye mu bice by'imijyi mu Karere ka Huye bari 21%, abatuye mu byaro ari 79%, ni mu gihe icyerekezo cy'igihugu 2050 giteganya ko abatuye mu bice by'imijyi muri Huye bazaba ari 64.3%, na ho abari mu byaro hasigaye 35.7% gusa.

Ubuyobozi bw’Akarere ka Huye bwabwiye abatuye ahataragenewe imiturire ko batagomba gutegereza ibikorwa remezo

Mu ntangiriro z'iki cyumweru ubwo habaga urugamba rwo kubohoza Umujyi wa Goma, abasirikare ba RDC batsinzwe ndetse n'imitwe bafatanyije, bafashe icyemezo cyo kurasa ku butaka bw'u Rwanda, mu Karere ka Rubavu.

Kugeza ku wa 28 Mutarama 2025, ibi bikorwa byari bimaze kugwamo Abanyarwanda icyenda, mu gihe abandi benshi bakomeretse.

Iyi myitwarire y'Ingabo za FARDC ni imwe mu ngingo zagarutsweho na Perezida Paul Kagame mu nama yamuhuje na bagenzi be bayobora Ibihugu byo mu Muryango wa Afurika y'Iburasirazuba.

Iyi nama yari mu murongo wo kurebera hamwe icyakorwa ku ntambara ikomeje kuyogoza Uburasirazuba bwa RDC, ndetse n'ikibazo cya M23 gisa n'ikirengagijwe, kikaba gishakirwa ibisubizo bya gisirikare kandi hakwiriye ibya politiki.

Perezida Kagame yabwiye bagenzi be ko hari Abanyarwanda benshi bahitanywe n'aya masasu yavuye i Goma, ndetse asezeranya ko hari icyo azabikoraho.

Ati 'Mu minsi ibiri cyangwa itatu ishize twapfushije abantu, habayeho kurasa cyane guturutse mu Burasirazuba bwa Congo, i Goma. Hapfuye abantu babarirwa mu binyacumi, hakomereka ababarirwa mu magana, ibyo mu buryo budashidikanywaho tuzabyitaho. Nta kubishidikanyaho.'

Mbere yo kugera kuri iyi ngingo, Perezida Kagame yari yabanje kugaragaza ko uburyo ibihugu by'amahanga biri kwitwara muri iki kibazo bubabaje.

Yatunze urutoki ibihugu nka Afurika y'Epfo bikomeje gukoreshwa na Perezida Félix Antoine Tshisekedi wa RDC muri iyi ntambara.

Ati 'Mu minsi ibiri ishize, ku wa Mbere n'uyu munsi mu gitondo [ku wa Gatatu] naganiriye na Perezida wa Afurika y'Epfo wanshatse ngo tuganire kuri iki kibazo kubera uruhare bafite mu Burasirazuba bwa Congo, ari hariya yigira nk'umuntu uri gukora inshingano zo kubungabunga amahoro kandi afite ingabo zirwana zifatanyije na FDLR, ndetse arwana na M23 ku mategeko ya Tshisekedi kubera ko avuga 'ko aba ari abantu badakwiriye kuba bari muri Congo, ngo baturuka mu Rwanda'.'

Perezida Kagame yashimangiye ko M23 atari Abanyarwanda, ndetse agaragaza ko mu bihe bitandukanye Tshisekedi ubwe yagiye yemera ko ari Abanye-Congo.

Ati 'M23 ntabwo ari Abanyarwanda, aba ni Abanye-Congo ndetse igihe kimwe arabyemera ubundi ikindi gihe akavuga ngo 'murabona ku gice kimwe ni yego (ni Abanyecongo) ariko ikindi gice gikomoka mu Rwanda.''

Yakomeje agaragaza ko atumva uburyo abayobozi b'ibihugu bemera gukoreshwa muri ubu buryo.

Ati 'Ni gute abayobozi b'ibihugu byacu twemera ko ibi bikomeza kuba iteka ryose ndetse tukemera ko dukwiriye gukoreshwa na Tshisekedi cyangwa undi uwo ari we wese umushyigikiye.'

Ku wa Gatatu tariki 29 Mutarama 2025, Minisitiri w'Ingabo wa Afurika y'Epfo, Angie Motshekga, yatangaje ko Perezida Cyril Ramaphosa, yaganiriye na Perezida Kagame, amuburira ko Ingabo z'u Rwanda nizikomeza kurwanya Ingabo za Afurika y'Epfo mu Burasirazuba bwa Congo, bizafatwa nko gutangiza intambara.

Ni ingingo na yo Perezida Kagame yagize icyo avugaho muri iyi nama y'abayobozi ba EAC.

Ati 'Ndetse Afurika y'Epfo ikanatinyuka gutera ubwoba ku bishobora kuba nyuma y'ibyo, birumvikana dutegereje kubona ibyo bikangisho byabo.'

Perezida Kagame yavuze ko ibi Afurika y'Epfo ikangisha yagakwiye kuba yarabikoresheje ikemura ikibazo cy'umutekano muke mu Burasirazuba bwa RDC, cyangwa mu guhangana n'abo irwana na bo muri iyi ntambara.

Yagaragaje kandi ko uyu munsi hari ikibazo cy'uko usanga ibiganiro bya Nairobi na Luanda byashyizweho mu gukemura ibibazo, nta musaruro bitanga kubera ko ababirimo barushije uburemere impamvu yabyo.

Ati 'Ibiganiro bya Nairobi byahindutse ibiganiro bya Uhuru, ibiganiro bya Luanda byabaye nk'aho udashobora kuvuga ikintu kidashimisha Perezida Lourenço, ibi ntacyo bifasha mu guhangana n'ibibazo bikomeye nk'iki duhanganye na cyo uyu munsi. Kubera ko bidashobora gukemurwa birangira dufite ibibazo nk'ibihari aka kanya.'

Perezida Kagame yashimangiye ko atumva uko Tshisekedi akomeje gutsimbarara ku ntambara kandi bimaze kugaragara ko nta musaruro itanga.

Ati 'Ntabwo numva uko Tshisekedi akomeza gutekereza ko azakemura ibibazo bifite aho bihuriye n'uburenganzira bw'abantu, akoresheje igisirikare, abica, abarasa azana ingabo ziteguye gufasha nk'iz'u Burundi by'umwihariko, ntabwo nzi niba ibyo byarafashije mu minsi mike cyangwa ibyumweru bishize bakora ibyo.'

Yagize ati 'Ndashaka ko buri kimwe turi kuvuga cyangwa icyo duteganya gukora icyo ari cyo cyose, tubanze twumve neza ibiri kuba mu buryo buzima, ubundi dushingiye kuri ibyo dukomeze, wenda dushobora kugira aho tugera. Ariko nidukomeza ibi bintu byo kuratana ibyiza kuri buri umwe no kuba abantu bigira beza ariko bikarangira buri wese aharanira inyungu ze, aho guharanira inyungu duhuriyeho nk'abantu bo muri Afurika y'Iburasirazuba, ntabwo mbona uko tuzatanga umusanzu ufatika mu gushaka igisubizo.'

Perezida Kagame atangaje ibi mu gihe Leta ya RDC yakomeje gushimangira ko itazigera igirana ibiganiro na M23. Ni ibintu byatumye uyu mutwe wubura imirwano, ndetse wigarurira ibindi bice byinshi birimo n'Umujyi wa Goma, uheruka gufata.

“Mr Chairman, Your Excellencies, I want us that for whatever we are saying and whatever we intend to do we capture the context rightly and then proceed based on that, and maybe we can get somewhere. Otherwise if we keep saying good things to each other, being nice, and then each… pic.twitter.com/T7AYAdBSF9

— Presidency | Rwanda (@UrugwiroVillage) January 29, 2025

Perezida Kagame yasezeranyije kuzagira icyo akora ku masasu yarasiwe i Goma, akica Abanyarwanda