Category: Uncategorized

Yabigarutseho mu Nama nyunguranabitekerezo mu kubungabunga umuryango, kurengera ubuzima n'uburere bw'abana yabaye kuri uyu wa 11 Gashyantare 2025.

Antoine Cardinal Kambanda yagaragaje ko umuryango ukeneye kubakwa kuko ari ryo zingiro ry'iterambere ry'igihugu ndetse no ku madini n'amatorero.

Yakomeje ashimangira ko hari ibibazo by'amakimbirane mu miryango bishobora kuganisha no kuba abashakanye bashobora kwicana cyangwa guhana za gatanya kandi ko bigira ingaruka ku burere bw'abana.

Ati 'Iyo batanye, byica umwana bigasenya ubuzima bwe, uburere bw'abana ni ikintu gikomeye, kuko muri iyi minsi tubona imyitwarire mibi mu bana, bigatuma twibaza niba uburere dutanga bukwiriye.'

Yakomeje ati 'Tubona abana mu mihanda, abata ishuri kandi igihugu cyacu cyarashyize imbaraga mu mashuri ngo umwana wese agire amahirwe yo kwiga, kwishora mu biyobyabwenge, ubusambanyi, ubusinzi, kwiyandarika, ubuhabara haba mu nzira ibyo tubona ndetse no ku mbuga nkoranyambaga naho ubu habaye urundi rubuga rutuma tubona uko abato bari kwangirika.'

Yagaragaje kandi ko hari ibibazo by'ihohoterwa rishingiye ku gitsina n'ubwandu bwa Virusi itera SIDA byiganje cyane mu rubyiruko bityo ko amadini n'amatorero akwiye gushakira hamwe umuti mu buryo burambye.

Ati 'Ibibazo by'ihohoterwa rishingiye ku gitsina, inda z'imburagihe ziterwa abangavu, ubwandu bwa virusi itera SIDA batubwira ko mu rubyiruko ari ho bikomeje kwiyongera, na byo bikomereye umuryango n'igihugu muri rusange.'

Yakomeje ashimangira ko mu gihe ibyo bibazo bigihari amadini, kiliziya n'amatorero ndetse n'igihugu byagorana kugera ku ntego yo kubaka Umunyarwanda ufite indangagaciro nziza, asaba gusenyera umugozi umwe mu gushaka ibisubizo.

Ati 'Mu gihe tugifite ibi bibazo mu miryango, biragoye ko Kiliziya, amadini n'amatorero mu gihugu n'igihugu muri rusange twabasha kugera ku ntego zacu nziza zo kubaka Umunyarwanda ufite ubuzima bwiza, indangagaciro nzima, ubumenyi n'ubushobozi no gutegura ejo hazaza.'

Yakomeje avuga ko amadini n'amatorero akwiye gushakira hamwe umuti w'ibyo bibazo mu buryo burambye cyane ko agira uruhare runini mu gutegura abagiye kurushinga ndetse n'abagize umuryango muri rusange.

Umuyobozi Mukuru ushinzwe Iterambere ry'Umuryango no Kurengera Umwana muri Minisiteri y'Uburinganire n'Iterambere ry'Umuryango, MIGEPROF, Aline Umutoni, yagaragaje ko bimwe mu bikibangamiye umuryango nyarwanda, harimo gusambanya abana, ubwicanyi, gukoresha abana mu mirimo ivunanye n'ibindi.

Yagaragaje ko bimwe mu byagaragajwe nk'ibitera ibyo bibazo ari ubusinzi, kutagira umwanya wo kuganira, ubuharike, kurangazwa n'ibikoresho by'ikoranabuhanga, ikoreshwa ry'ibiyobyabwenge, kudasobanukirwa ihame ry'uburinganire n'ibindi.

Umutoni yavuze ko mu kuziba icyo cyuho hakorwa ibintu bitandukanye birimo gukomeza ubufatanye hagati y'inzego zose, hagamijwe gukumira ibibazo bitaraba no gukemura ibyagaragajwe byugarije umuryango.

Umuyobozi w'Ishami rishinzwe kurwanya virusi itera SIDA mu kigo cy'Igihugu gishinzwe Ubuzima, RBC, Dr. Ikuzo Basile, yavuze ko abakiri bato ari bo bakunze kwibasirwa na Virusi itera SIDA.

Yavuze ko mu mibare iheruka mu mwaka wa 2024 igaragaza ko umubare w'abana b'abakobwa ari wo wibasirwa cyane ugereranyije n'abana ba bahungu ahanini bitewe n'umwuga w'uburaya bwiganje mu mujyi wa Kigali.

Yemeje ko kimwe mu bisubizo bihari hari porogaramu zifasha abana b'abakobwa kutandura virusi itera SIDA aho babafasha kubona imiti ibarinda.

Antoine Cardinal Kambanda yasabye amadini gushyira umwihariko mu gukemura ibibazo bibangamiye imiryango

Umuyobozi Mukuru ushinzwe Iterambere ry'Umuryango no Kurengera Umwana muri MIGEPROF, Aline Umutoni, yagaragaje ko hari ingamba zashyizweho mu gukemura ibibazo biri mu muryango asaba amadini ubufatanye

Minisitiri w’Uburinganire n’Iterambere ry’Umuryango, Uwimana Consolee yari mu bitabiriye iyi nama

Abo mu madini atandukanye bitabiriye iyo nama

Umuyobozi w'Ishami rishinzwe kurwanya virusi itera SIDA muri RBC, Dr. Ikuzo Basile, yavuze ko abakiri bato ari bo bakunze kwibasirwa na Virusi itera SIDA.

Intore zisaga 1200 ziri mu bikorwa byo kubaka utugari icyenda, amarero abiri, inzu 24 n'ubwiherero 50 by'abatishoboye, uturima tw'igikoni 24, ingarani esheshatu, gukora mihanda ya kilometero ebyiri bakagira uruhare mu bukanguramba butandukanye kuri gahunda za Leta.

Ku wa 07 Gashyantare 2025 ni bwo abari ku rugerero i Nyaruguru, basuwe na Minisiteri y'Ubumwe bw'Abanyarwanda n'Inshingano Mboneragihugu (MINUBUMWE) itegura Urugerero, gagaragaza uburyo Urugerero rubafasha kugira uruhare mu iterambere ry'igihugu, ari na ko bunguka ubumenyi butandukanye.

Kanyange Valérie uri mu ntore zubatse Urugo mbonezamikurire (ECD) mu Murenge wa Mata, Akagari ka Murambi, mu Mudugudu wa Nyamyumba, yavuze ko yishimira kugira uruhare mu iterambere ry'Igihugu binyuze muri uru Rugerero rw'Inkomezabigwi icyiciro cya 12, kuko basobanukiwe neza ko gukunda Igihugu ari ukugikorera utizigamye.

Ati 'Impamvu mpora nza ntasiba nagiraga ngo ntange umusanzu wanjye haboneke ishuri ryigiramo abana bato, bakoraga ingendo ndende bajya ku ishuri, bikabavuna bo n'ababyeyi babo.'

Uyu mukobwa agaragaza ko yakoze ibyo n'umutima udahatwa ndetse atagambiriye igihembo, akemeza ko ayo mashuri bari kubaka azigiramo barumuna be n'abaturanyi, akabishingira ko na we ayo yigiyemo yubatswe n'abandi.

Ati 'Nanjye ayo nigiyemo si jye wayubatse. Iyo ntegereza kwigira mu mashuri nubatse, ubu mba ntaratangira kwiga.'

Nyirishema Byiringiro Jean de Dieu, wo mu Murenge wa Ruramba, Akagari ka Gabiro, yabwiye IGIHE ko imirimo bakoze yo kuvugurura ibiro by'Akagari ka Gabiro ibateye ishema nk'urubyiruko, kuko bizatuma abaturage bahererwa serivisi ahafite isuku.

Umuyobozi mu Ruganda rw'Icyayi rwa Mata, Karyabwite Eric, rwafatanije n'Intore za Mata kubaka iyi ECD, ati 'Ubu bufatanye batweretse buzafasha ababyeyi batuye hano n'abana babo bazaharererwa, ariko na twe bizadufasha, kuko uruganda ntabwo twakora tudafite abakozi, kandi bari mu miryango ifite abana, bazafashwa n'iyi ECD.'

Iyo ECD avuga yatwaye miliyoni zisaga 30 Frw zirimo miliyoni hafi 10 Frw zibarwa mu mirimo y'amaboko y'intore, mu gihe uruganda rwatanze miliyoni 20Frw zaguzwemo ibikoresho, naho Akarere kagatanga ikibanza.

Umukozi muri Minisiteri y'Ubumwe bw'Abanyarwanda n'Inshingano Mboneragihugu (MINUBUMWE), Rujuga Justin, yongeye kwibutsa intore z'i Nyaruguru ko ibikorwa by'ubwitange byahozeho mu muco nyarwanda, kandi byagiraga akamaro.

Ati 'Ubukorerabushake bwagize uruhare mu mpinduka nyinshi zo mu gihugu. Iyo bavuze ubudehe n'uruhare bwagiraga mu gufasha ababaga baraye ihinga, burya ni ubufatanye baba bavuga.'

Yakomeje abibutsa ko mu itorero baherukamo bahize gukora ibikorwa byinshi bihindura ubuzima bw'igihugu, abasaba kutazatezuka.

Urugerero ni gahunda ya Leta ifasha Abanyarwanda kwikemurira ibibazo binyuze mu kubatoza indangagaciro zibaranga cyane cyane mu rubyiruko, rugakora ibikorwa byiza kandi rubikorera aho rutuye, baharanira gukunda Igihugu no kugiteza imbere, guharanira kugira ubumwe, n'ubwitange.

Urubyiruko rw'Inkomezabigwi icyiciro cya 12, rwatangiye ku wa 13 Mutarama, rukazasozwa ku wa 28 Gashyantare 2025. Rwitabiriwe n'intore 69.270 zarangije amashuri yisumbuye mu mwaka w'amashuri 2023/2024 mu turere twose tw'igihugu.

Ruri mu byiciro birimo amashuri yisumbuye mu bumenyi rusange, ay'imyuga n'ubumenyi ngiro, amashuri nderabarezi, n'abo mu cyiciro cy'ubuvuzi (Associate Nursing Program).

Akagari ka Gabiro ko mu Murenge wa Ruramba mu Karere ka Nyaruguru ubu gasa neza bigizwemo uruhuhare n’intore ziri ku Rugerero

Intore za Ruramba zirishimira kuba zaratanze imbaraga mu kuvugurura Akagari ka Gabiro gafite agaciro ka miliyoni 7Frw

Urubyiruko rw’i Nyaruguru ruri ku Rugerero rwasuwe n’abakozi ba MINUBUMBWE

Umuyobozi w’Akarere ka Nyaruguru Wungirije ushinzwe imibereho myiza, Byukusenge Assumpta (uri imbere) yashimye na we yaganirije urubyiruko rw’i Nyaruguru ruri ku Rugerero

Ubwo hatangizwaga Urugerero rudaciye ingando i Nyaruguru mu Murenge wa Ruramba, Akagari ka Gabiro kari kagisa nabi ubu kahinduriwe isura

Umukozi muri MINUBUMWE, Rujuga Justin, ubwo yaganirizaga intore z’i Nyaruguru ziri ku Rugerero

Iyo ugeze ku mupaka wa Petite Barrière muri iyi minsi usanga hagaragara ibihumbi by'abaturage bakora ubucuruzi hagati y'Umujyi wa Goma n'uwa Rubavu, bakomeje ibikorwa byo kwambutsa ibicuruzwa byabo birimo ibiribwa, ibinyobwa n'ibindi.

Meya w'Umujyi wa Rubavu, Mulindwa Prosper, yabwiye IGIHE ko nyuma y'aho umutwe wa M23 ugenzurira Umujyi wa Goma ubuhahirane bwakomeje ndetse burunarushaho kwiyongera.

Ati 'Ubu tuvugana umwuka umeze neza, abaturage bo mu Rwanda bose bari mu bikorwa byabo, ariko bajya no guhaha muri Congo, abarangura cyangwa abajya gucuruzayo, ariko Abanye-Congo na bo barinjira mu mujyi wacu bagataha amahoro. Ubu rero akarere kongeye gushyuha, mu mujyi abantu ni benshi, ariko igishya kirimo ni uko umubare w'Abanye-Congo bagenda mu Mujyi wa Gisenyi na bo babaye benshi.'

Yakomeje ashimangira ko urebeye ku mupaka muto uzwi nka 'Petite Barrière' bigaragara ko umubare w'abambuka buri munsi wikubye kabiri ugereranyije na mbere y'uko habaho ibibazo by'umutekano muke mu Mujyi wa Goma.

Ati 'Ku mupaka ni ho bigaragarira cyane, kuko imibare y'abinjira n'abasohoka yariyongereye cyane, nko kuri 'Petite Barrière' abantu bari kugera hafi ku bihumbi 30 ku munsi, mu gihe mbere ya biriya bibazo, batarengaga ibihumbi 15. No ku mupaka munini na ho abantu bariyongera, nubwo ho hatanyurwaga n'abantu benshi nko kuri 'Petite Barrière'.'

Yashimangiye kandi ko n'amakamyo y'imizigo ari kugenda nyamara mu minsi ishize warasangaga ari menshi muri parikingi, bigaragara ko atinda gusohoka muri Rubavu.

Mulindwa yavuze ko mu mpamvu ziri gutuma abantu biyongera ku mupaka w'u Rwanda na Goma harimo kuba umupaka usigaye ukora amasaha menshi kuruta mbere ndetse n'umutekano uri i Goma.

Ati 'Icyo dutekereza, icya mbere ni uko umupaka w'u Rwanda na Congo usigaye ukora amasaha menshi kuruta mbere, burya mbere hari harashyizweho amasaha yo kugeza saa Cyenda gusa z'amanywa, ibyo bisobanuye ko abantu batangiraga kwitegura gutaha mu ma saa Saba cyangwa saa Sita, bagakora amasaha make.'

Yakomeje ati 'Icya kabiri, ubwo turavuga ibyo twumvana abaturage bacu bavayo, ni umutekano. Umutekano mu Mujyi wa Goma, bakundaga kutubwira ikibazo cy'umutekano, ikibazo cya za ruswa nyinshi, ahantu hose bagenda bahagarikwa, bakwa amafaranga n'inzego za leta, ariko uyu munsi baragenda bagasanga hari umutekano, bagakora amasaha menshi, kuko ubu umupaka uri kugera Saa Kumi n'Ebyiri z'umugoroba ugikora.'

Ku birebana n'ubuhahirane hagati y'Umujyi wa Goma na Rubavu nyuma y'uko yigaruriwe na M23, Mulindwa yemeza bihagaze neza cyane ko umubare w'urujya n'uruza wongeye kuzamuka.

Yagaragaje ko uretse ibiribwa, kuri ubu hari n'ibindi bicuruzwa byinshi biboneka mu Rwanda bitaboneka i Goma birimo nk'umucanga n'ibindi bikoresho by'ubwubatsi biri kujyanwayo ku bwinshi.

Abinjira ku mupaka babanza gusakwa ku bw’impamvu z’umutekano

Umupaka usigaye ufungurwa amasaha menshi bigatuma abantu bawukoresha biyongera

Abagenda mu Mujyi wa Goma bavuga ko umutekano ari wose

Abagore bacuruzi ibiribwa bongeye kubona icyashara

Ubuhahirane hagati ya Goma na Rubavu bwongeye gushyuha

Hari abambuka umupaka bagiye gukora imirimo itandukanye

Abantu bambuka uwo mupaka bageze ku bihumbi 30 buri munsi

Abatwara imizigo bungukira mu kubona akazi

Ubucuruzi bw’isambaza ni bumwe mu bubona icyashara iyo abantu bahahirana

Gusubukurwa k’urujya n’uruza bitanga akazi ku bantu batandukanye

Abagore ntibatinya guwara amagare y’imizigo

Abakora ubucuruzi butandukanye basubukuye imirimo yabo

Urujya n’uruza ku mupaka rwongeye kwiyongera

Amafoto: RBA

Minisitiri Dr Utumatwishima yabivuze kuri uyu wa 10 Gashyantare 2025 mu muhango wo guha impamyabushobozi urubyiruko rusoje amasomo y'imyuga n'ubumenyingiro y'amezi atandatu muri Rwanda Polytechnic, binyuze muri gahunda ya IGIRE itegurwa na BPR Bank Rwanda Plc.

Minisitiri w'Urubyiruko yavuze ko abasoza amashuri atandukanye abenshi nta bushobozi baba bafite kuko na we ubwo yasozaga amasomo ya kaminuza nta mafaranga yari afite yo kwitegura neza ibirori byo guhabwa impamyabumenyi ndetse n'ababyeyi be ntayo bari bafite.

Yavuze ko ariko ibyo byabaye nk'ibimuhumuye amaso ku isoko ry'umurimo yari ajeho, bituma ashaka akazi n'umutima we wose kugira ngo nk'umuntu wari urangije kaminuza yikure mu bukene, ariko ahera ku bukorerabushake.

Ati 'Nanjye narangije kwiga hari ahantu nashakaga akazi nk'umuganga njya gukorayo ubukorerabushake. Abandi baratahaga njye nkahasigara ntanafite n'ibyo gukora kuko [abarara izamu] umuganga mukuru yabaga yabahaye ibyo bagomba gukora. Nasigaraga ndi kubatera inkuru rimwe nkongeraho n'indirimbo zo mu bitabo ariko nkurikirana uko bari kwita ku barwayi.'

Minisitiri yakomeje kwihangana biza kugenda neza, abona akazi.

Yagaragaje ko iyo umuntu ageze mu bukorerabushake, akora kurusha abo uhasanze, bikaba byamufasha kubona akazi mu buryo atatekerezaga.

Minisitiri w'Urubyiruko yakomeje avuga ko ikindi gishobora gufasha urubyiruko rurangije kwiga ari ukwishyira hamwe rugakora nk'itsinda, ariko anarwibutsa gushaka akazi rubishyizeho umutima.

Ati 'Ikindi ni ukwiyemeza gushaka akazi ubishaka kuko muri iyi minsi dufite imibare y'urubyiruko rudafite akazi, rutari ku ishuri, rutari kugashaka rutari no kwimenyereza ibintu na bike. Ugasanga umujene arazindukira kuri TikTok yarambirwa akajya kuri Instagram ubundi ukabona yanditse kuri X ngo abatagiye ku kazi nimuze tube tuganira.'

Yavuze ko urwo rubyiruko na rwo mu Rwanda umubare warwo umaze kuba munini kandi na rwo ruba rukeneye gusa neza no kujyana n'igihe mu buryo busaba amafaranga.

Minisitiri Utumatwishima yibukije urubyiruko ko gushaka akazi atari ukwitwara uko ubonye, ko ahubwo bisaba gukomeza kwiyungura ubumenyi, kuba umukorerabushake, gukurikirana gahunda zitandukanye zifasha urubyiruko kubona igishoro n'ibindi bitandukanye.

Guverinoma yiyemeje ko muri gahunda y'igihugu yo kwihutisha iterambere mu cyiciro cyayo cya kabiri (NST2), hazahangwa imirimo ibyara inyungu nibura miliyoni 1,25 ndetse buri mwaka hazajya hahangwa imirimo ibihumbi 250.

Minisitiri w'Urubyiruko n'Iterambere ry'Ubuhanzi, Utumatwishima Jean Nepo Abdallah yakebuye urubyiruko rudafite akazi ariko rutanafite icyerekezo cyo kugashaka

Yabigarutseho mu kiganiro cyihariye yahaye na InyaRwanda, ni nyuma y'uko 'No Brainer' atangaje ko kugira ngo amasezerano yabo arangire mu mahoro ari uko Rukotana amwishyura Miliyoni 20 Frw, ashingiye kuyo yakoresheje ashora imari mu ikorwa rya Album ye 'Imararungu' uyu muhanzi anitegura gushyira ku isoko. 

Ishimwe Jean Aime uzwi nka 'No Brainer' yavuze ko Rukotana yamusezeye mu buryo bwamutunguye, kandi ko yatangiye ibiganiro n'umunyamategeko we ku buryo ideni rya Miliyoni 20 Frw abara, agomba kuzarimwishyura.

 Yavuze ati 'Uko biri kose biroroshye ko yagenda nta kibazo, ariko hari ibiganiro dukeneye kugirana kuko agomba kwishyura ibyagiye kuri Album ye n'ibindi bikorwa twashoyemo amafaranga. Ndumva iby'ibanze nabonye ari Miliyoni 20 Frw gusa nabihaye umunyamategeko ni we ubikurikirana kuko hashobora kurengaho andi ndetse n'indishyi z'akababaro.' 

Rukotana aherutse gusohora ibaruwa yavuzemo ko yatandukanye na 'No Brianer' kubera ko atishimiye imyitwarire ye kandi ko yagiye abigirwaho inama n'abantu banyuranye.

Muri iryo tangazo rigenewe abanyamakuru ryasohotse ku Cyumweru tariki 9 Gashyantare 2025, yavuze ati 'Nyuma y'ibitekerezo byanyu bitandukanye no kubona imibanire ye n'abandi bahanzi igira ingaruka ku muziki wanjye, nagira ngo menyeshe itangazamakuru ko ntakirimo gukorana na I. Music ya Ishimwe Jean Aime (No Brainer) kubera kutumvikana ku bintu bimwe na bimwe.'

Akomeza ati 'Rimwe na rimwe ni ngombwa kubaha ibitekerezo by'abantu bose. Nzakomeza gukorana nawe nk'abandi ba 'Influencer bose'. Album yanjye igiye kuza muyakirane yombi kandi munshyigikire. Murakoze.'

Ntabwo nahakana ko hari ibyo yakoze:

Rukotana yemera ko hari ibyo 'No Brainer' yamukoreye 'nk'umuntu wari umujyanama wanjye, kandi hari amafaranga yahagendeye ariko kandi iyo umuntu avuga Miliyoni 20 Frw ntabwo aba ari amafaranga makeya, haba hagomba kuba hari ibimenyetso bibigaragaza, kandi erega yavuze Miliyoni 20 Frw ntiyatekereza ku cyari mu masezerano twagiranye.'

Uyu musore yasobanuye ko ibyo 'No Brainer' ari kuvugira mu itangazamakuru, akwiye kubitekerezaho kuko 'bishobora kugira ingaruka ku muziki wanjye'.

Yavuze ko mu busanzwe abahanzi baririmba gakondo, badakunze kumvikana mu nkuru nk'izi z'ubwambuzi kuko 'icyo dushyira imbere ni ukubana neza n'abandi'.

Akomeza ati 'Rero niba umujyanama ariwe uhagarariye ibikorwa byanjye akaba atabanye neza n'abandi, ntekereza ko iyo bije ku mafaranga aho ngaho ntabwo nkwiriye kuhatinda, kuko ntekereza ko amafaranga cyangwa se ibyo azansaba ntabwo bitindaho, ahubwo mpita ndeba ku rugendo rwanjye rw'umuziki ruri kwangikira aho hantu, kuko nkeneye kubana neza na bagenzi banjye.'

Rukotana yavuze ko atazi ibya Miliyoni 20 Frw yishyuzwa na No Brainer. Ariko ko hamwe n'ikipe bari gukorana muri iki gihe batangiye ibiganiro na No Brainer 'nubwo ameze nk'udashaka kumvikana natwe'.

Album iri mu biganza bya No Brainer

Uyu muhanzi yavuze ko No Brianer ariwe ufite uburenganzira bwinshi kuri Album ye 'Imararungu' kandi 'Nabonye yavuganye na Producer amusaba kutagira uruhare afata'.

Yavuze ko atandukanye na No Brainer mu gihe Album yari imaze kurangira, icyari gisigaye kwari ukujya hanze 'ariko yahise avanga ibintu'. Yasobanuye ko gutandukana na No Brianer atari inkuru z'impimbano 'kuko twaratandukanye'.

Asobanura ko yatangiye gukorana n'indi kipe kugira ngo barebe uko bakemura ibibazo bafitanye na No Brainer 'nubwo ari kutunaniza'.

Ariko kandi yemera ko hari amafaranga afitiye 'No Brainer' ariko ntageze kuri Miliyoni 20 Frw. Ati 'N'ayo mafaranga ari kuyadusaba. Amafaranga yo arimo ariko si nkeka ko agera kuri ayo yose, kuko birasaba ko atwekereka ibimenyetso. Kandi koko nibyo Album niwe uyifiteho 'Access'.

Rukotana yatangaje ko afitiye ideni No Brainer ariko ntirigeze kuri Miliyoni 20 Frw

Rukotana yasobanuye ko yatandukanye na No Brainer, ko ibyakozwe bitagamije kwamamaza Album ye 'Imararungu' 

No Brainer yatangaje ko yishyuza Rukotana Miliyoni 20 Frw ashingiye ku mafaranga bakoresheje mu ikorwa rya Album ye ya mbere  

KANDA HANO UBASHE KUREBA ZIMWE MU NDIRIMBO ZA VICTOR RUKOTANA

“>

Kuri uyu wa Kabiri tariki ya 10 Gashyantare 2025 ni bwo harakinwa imikino ibanza ya kamparamaka ya UEFA Champions League 2024/25.

Umukino utegerejwe na benshi ni uwo ikipe ya Manchester City iraba yakiriyemo Real Madrid kuri Etihad Stadium Saa yine z’ijoro. Iyi ni inshuro ya Kane yikurikiranya aya makipe yombi agiye guhura muri UEFA Champions League.

Mu mwaka ushize Real Madrid yari yasezereye Manchester City ubwo bari bahuriye muri 1/4 aho yayisezereye kuri penariti. Imibare yerekana ko mu myaka ine iheruka ikipe ya Real Madrid yaguye isezerera ikipe yo mu Bwongereza mu mikino yo gukuranwamo.

Muri UEFA Champions League ya 2020-21 yasezereye Liverpool, muri 2021-2022 isezerera Chelsea, Manchester City na Liverpool, muri 2022-23 isezerera Liverpool na Chelsea naho muri Champions League iheruka isezerera Manchester City.

Ubwugarizi bwa Manchester City budahagaze neza kuri ubu buraba buhura na Vinicius Junior umaze gutsinda ibitego 3 n’imipira ibiri yabivuyemo na Rodrigo umaze gutsinda ibitego bine ndetse n’umupira umwe wakivuyemo akina n’iyi kipe yo mu gihugu cy’u Bwongereza.

Ikipe ya Manchester City nayo ifite Kevin De Bruyne ukunze gushobora Real Madrid aho amaze kuyitsinda ibitego bine ndetse akaba yaranatanze imipira ine yabivuyemo mu mikino 8. Ibi bihita bimugira Umubiligi umaze kugira uruhare rw’ibitego byinshi kuri Real Madrid nyuma ya Giovane Élber.

Rutahizamu wa Manchester City, Erling Haaland we ntabwo arabasha gutsinda igitego mu mikino ine amaze guhura na Real Madrid ari muri iyi kipe. Mu minota 359 amaze gukina yagaeragejemo amashoti 13 gusa ntacyo yigeze abyara.

Ibi bigira Real Madrid ikipe akinnye nayo igihe kinini akaba atarayitsinda igitego gusa uyu munsi bishobora guhinduka.

Manchester City imaze gusezererwa na Real Madrid inshuro eshatu muri Champions League. Muri rusange imibare yerekana ko aya makipe yombi amaze guhura inshuro 12 muri iri rushanwa aho Real Madrid yatsinzemo imikino ine, akaba yaranganyije 5 naho Manchester City itsindamo 3.

Indi mikino iteganyijwe Brest irakira Paris Saint-Germain saa moya n’iminota 45 z’ijoro, Juventus yakire PSV Eindhoven naho Sporting CP yo yakire Borussia Dortmund Saa yine z’ijoro.

Erling Haaland ntabwo afite imibare myiza imbere ya Real Madrid 

Tariki 2 Gashyantare 20204, nibwo Gitego Arthur yerekeje mu ikipe ya AFC Leopards yo muri Kenya ku masezerano y'imyaka ibiri. Uyu musore w'imyaka 23 akigera muri iki gihugu, yatangiye yitwara neza ndetse atangira kugereranywa na Kagere Meddie wigeze kuhanyura. Gusa mu gihe umwaka we wa mbere warimo ugana mu mahina,ntabwo yahiriwe ndetse hatangiye kubaho gushwana n'ikipe.

Zimwe mu mpamvu zatumye Gitego Arthur atandukana n'ikipe ye

Tuganira n'umwe mu bakinnyi bakinanaga n'uyu musore muri Kenya, yadutangarije ko Gitego Arthur kugira ngo atandukane na AFC Leopards harimo ikibazo cy'ubwana.

Uyu mukinnyi aganira na InyaRwanda yatangiye agira Ati' Gitego yaje ari umukinnyi mwiza kandi utanga icyizere. Gusa nyuma yaje kubona amakipe agara kuri 2 harimo ikipe yo muri Romania ndetse no muri Israel. Nk'uko amasezerano ye yabivugaga Gitego mu gihe yari kuzabina ikipe imushaka bagombaga kugabana 50 kuri 50. Icyo gihe Gitego yashakaga kujya muri Romania mu gihe ikipe yo yashakaga ko ajya muri Israel, byose birangira byanze.

Uyu mukinnyi avugako kandi Gitego hari amafaranga atahawe kandi yari akubiye mu masezerano. Yagize Ati' indi intandaro ya byose. Mu masezerano ya Arthur harimo y’uko buri Gitego atsinze azajya yishyurwa 100$ naho umupira uvamo igitego agahabwa 50$, gusa ngo ntayo yari agihabwa ndetse byageze aho ikipe ireka ku muhemba ndetse n'amafaranga bamwishyuriraga inzu barayahagarika.

Gitego yaraye ahawe urupapuro rumwemerera gutandukana n’ikipe yakiniraga ya AFC Leopards 

Ubwo Gitego yangaga kujya muri Israel, ikipe yamubwiye ko hari ibyo ikipe yamutanzeho kugira ngo bamushakire ibyangombwa by’inzira bityo ko bazabikura ku yo bari kuzamuha ku bitego yatsinze.

Uyu mukinnyi yakomeje agira ati 'Ibi ntabwo Gitego Ntabwo gitego yabyishimiye ndetse ubwumvikane buke buba buratangiye hagati y'ikipe yacu n'umutoza kuko yashakaga Gitego, ariko bikaba bibi kurushaho kuko Gutego yari afite umusaruro mubi utamurengera.'

Andi makuru ava muri Kenya avuga ko uyu musore wahoze akinira ikipe ya Marine FC yaba yaritwaye nabi hanze y'ikibuga ndetse rimwe na rimwe agasiba imyitozo, byatumye iyi kipe ihitamo gutandukana nawe yari agifite amasezerano. 

Urwandiko rw’ikipe ya Hapoel Nof Hagalil yatumiraga Gitego mu igeragezwa ariko bikarangira atagiyeyo