Category: Uncategorized

Kuva intambara M23 ihanganyemo n'Ingabo za Repubulika Iharanira Demokarasi ya Congo yatangira, ubuyobozi bw'iki gihugu bwakunze gushinja u Rwanda gufasha uyu mutwe.

Kuva icyo gihe abayobozi ba RDC batangiye kugenda amahanga basaba ibihugu n'imiryango mpuzamahanga gufatira u Rwanda ibihano.

Ibihugu nk'u Bubiligi n'u Bwongereza byashinjwe kenshi n'u Rwanda kubogama, byumvise iki cyifuzo cya RDC, bitangaza ko byafatiye u Rwanda ibihano.

Uku kubogama k'u Bubiligi kwanatumye Leta y'u Rwanda ihagarika imikoranire yari ifitanye n'iki gihugu mu bijyanye n'iterambere.

Mu Kiganiro Minisitiri w'Ububanyi n'Amahanga w'u Rwanda, Amb. Olivier Nduhungirehe yagiranye n'ikinyamakuru cyo mu Busuwisi, RTS Info yagarutse kuri iyi myitwarire y'amahanga akomeje gukangisha u Rwanda ibihano.

Yavuze ko u Rwanda nta bwoba rutewe n'ibihano cyangwa guhezwa mu bijyanye na dipolomasi, kuko icyo rushyize imbere ari umutekano.

Ati 'Ntabwo dutewe ubwoba no guhezwa mu buryo bwa dipolomasi, nta bwoba dutewe n'ibihano. Icyadutera ubwoba ni uko igihugu cyacu n'abaturage baba badatekanye.'

Ubwo M23 yafataga Goma, muri uyu mujyi hatahuwe intwaro n'inyandiko bigaragaza ko Ingabo za FARDC n'ihiriro ryazo ririmo Ingabo z'u Burundi, iza Afurika y'Epfo n'abarwanyi ba FDLR na Wazalendo bari bafite umugambi wo gutera u Rwanda.

Ni igitero cyari kigamije gushyira mu bikorwa umugambi wagiye ugaragazwa na Perezida wa RDC, Félix Antoine Tshisekedi na mugenzi we w'u Burundi, Evariste Ndayishimiye, bavuze kenshi ko bafite intego yo gukuraho ubutegetsi bw'u Rwanda.

Muri iki kiganiro, Minisitiri Nduhungirehe yavuze ko aho gutinya ibihano, u Rwanda ruhangayikishijwe n'imigambi nk'iyi icurirwa hakurya y'imipaka.

Ati 'Ibiduteye ubwoba ni ibishobora guhungabanya umutekano wacu kurusha ibihano mpuzamahanga. Twanyuze mu bihe bigoye mu 1994, u Rwanda ntiruzigera rwemera ko ibyabaye byongera kuba ku butaka bwacu kubera uriya mutwe w'Abajenosideri usigaye ufashwa na Guverinoma ya Congo.'

Amb. Nduhungirehe atangaje ibi nyuma y'iminsi mike u Bwongereza butangaje ko bwahisemo gufatira u Rwanda ibihano.

Minisiteri y'Ububanyi n'Amahanga yatangaje ko ingamba zo gufatira u Rwanda ibihano zafashwe n'u Bwongereza bubyita igisubizo mu gukemura ibibazo byo mu Burasirazuba bwa Repubulika Iharanira Demokarasi ya Congo ari ukubogamira ku ruhande rumwe, ndetse ari ibintu byo kwicuza.

Yatangaje ko Guverinoma ya Congo ari yo ifite byinshi byo gusubiza kurusha urundi ruhande urwo ari rwo rwose rwaba urw'imbere muri iki gihugu cyangwa mu Karere. MINAFFET igaragaza ko nubwo bimeze bityo Kinshasa ikomeza kwitarutsa ibikorwa bibisha byayo ku mpamvu z'uko nta gitutu ishyirwaho cyo guhagarika iyi myitwarire idahwitse, ikubiyemo no gushyira mu bikorwa ibyemezo by'abayobozi ba EAC na SADC.

Minisitiri w'Ububanyi n'Amahanga, Amb. Olivier Nduhungirehe yatangaje ko nta bwoba u Rwanda rufite bw'ibihano rushobora gufatirwa n'amahanga

Ikibazo cya Mironko na Leta kimaze imyaka irenga 30, cyageze mu nkiko nyinshi, zaba iz'imbere mu gihugu n'izo hanze yacyo. Ubu umwanzuro wa nyuma uzafatwa n'Urukiko rw'Umuryango wa Afurika y'Iburasirazuba, EACJ, nyuma y'aho iz'imbere mu gihugu zanzuye ko atsinzwe, we akajurira.

Umunyamategeko wa Mironko yavuze ko mbere y'uko ikibazo cye kigera mu nkiko, cyabanje kuganirwaho n'inzego hafi ya zose mu gihugu, ndetse yishyurwa amafaranga amwe yishyuzaga, ariko andi ntiyayahabwa.

Umuzi w'ikibazo

Mironko wabaga i Burayi mbere ya Jenoside Yakorewe Abatutsi mu 1994, yakoraga ubucuruzi bw'ibintu bitandukanye. Yari afite sosiyete z'ubucuruzi imwe ikorera muri Luxembourg, indi mu Bubiligi.

Harimo iyitwa EURAFRIC S.A n'indi yitwa International Industries S.A. Zose zahabwaga amasoko na Leta yariho mbere ya Jenoside, mu buryo butaziguye yo kugemura ibikoresho bya gisirikare. Iyitwa International Industries S.A yakoreraga muri Luxembourg yahawe isoko ryo kugura impuzankano za gisirikare ibihumbi 15.

Ni isoko yahawe mu Ugushyingo 1993, ibikoresho bigera mu Rwanda mu ntangiriro za 1994 mu gihe mu gihugu hari hatangiye Jenoside yakorewe Abatutsi. Amwe mu mafaranga y'ibyo bikoresho yayishyuwe mu 2002 no mu 2005.

Mu byaguzwe na International Industries S.A bigenewe Leta by'umwihariko Minisiteri y'Ingabo, harimo impuzankano ifite agaciro ka miliyoni 47,9 z'Amafaranga y'Amabiligi.

Inyandiko IGIHE yahawe n'Umunyamategeko wa Mironko, zerekana ko iki kibazo cyizwe na Minisiteri y'Imari, Iy'Ingabo, iy'Ubutabera, ndetse ko Minisiteri y'Ubutabera n'iy'Ingabo zemeje ko Mironko yishyurwa.

Gusa Minisiteri y'Imari yo si uko yabibonaga kuko yashidikanyije ku nkomoko y'umwenda n'umwimerere w'inyandiko uwishyuza agaragaza. Iryari Ishami rya Polisi rishinzwe Ubugenzacyaha ryinjiye muri iki kibazo, harebwa ku mwimerere w'inyandiko ndetse zinapimwa na Kigali Forensic Laboratory.

Icyo gihe hagenzuwe umwimerere w'inyandiko Mironko yagaragazaga, zerekana ko yahawe isoko na Minisiteri y'Ingabo. Byaje kugaragara ko umukono na kashe byari biriho, bihura n'ibyari bisanzwe bikoreshwa n'uwari Minisitiri w'Ingabo, Bizimana Augustin.

Ikindi cyagenzuwe, ni ukureba niba koko sosiyete Mironko yishyurizaga zarabayeho.

Umunyamategeko we yabwiye IGIHE ko iryo genzura ryakozwe n'inzego za Leta kugeza ubwo zohereje n'abantu mu bihugu zakoreragamo.

Ikindi kibazo cyaje kubaho ni ukumenya niba ibyo bikoresho koko byarageze mu Rwanda. Yaba Magerwa na Minisiteri y'Ingabo, ntibigeze babasha kugaragaza mu bubiko bw'inyandiko niba koko izo mpuzankano zarakiriwe. Izo nzego zavuze ko inyandiko nyinshi za mbere no mu gihe cya Jenoside, zangiritse ku buryo bitashobotse kuzibona.

Gusa Banki Nkuru y'Igihugu yemeje ko yari yarahaye Mironko uburenganzira bwo gutumiza ibyo bintu.

Mu 2010, uwari Minisitiri w'Ingabo yakoze raporo kuri iki kibazo, agaragaza ko nta bimenyetso bihari byerekana ko iyo myenda yageze mu gihugu, gusa avuga ko hari inyandiko zemeza ko ikigo cyitwa East African Cargo gitwara imizigo cyayigejeje mu Rwanda, inyemezabwishyu z'amatike y'indege yabitwaye, n'inyandiko zigaragaza ko byageze mu Rwanda zasinywe n'uwari umukozi wa Minisiteri y'Ingabo.

Iyo raporo isoza igira iti 'Duhereye ku buremere bw'iki kibazo, turasanga Leta y'u Rwanda ikwiye gukora ibishoboka kugira ngo iki kibazo gifatirwe umwanzuro vuba kuko uko gitinda gikomeza kuremera, kubera inyungu uwishyuza akomeza atubaraho buri mwaka'.

Uruhande rwa Mironko ruvuga ko bishoboka ko ibyo bikoresho byaba byarakoreshejwe na Leta y'Ubumwe mu minsi ya mbere yayo kuko mu byari mu gihugu Jenoside irangiye, na byo byarimo.

Avuga ko abandi bantu bakoraga amasoko ameze nk'ayo barimo n'ibihugu by'amahanga, bishyuwe ariko we agahabwa amafaranga amwe, andi ntayahabwe.

Biteganyijwe ko icyemezo kuri uru rubanza kizatangazwa ku wa 28 Gashyantare 2025.

Umunyamategeko wa Mironko asobanura ko we n'umukiliya bahisemo kurega Leta kuko bisanzwe kuba umuturage yatanga ikirego mu gihe afite ibyo atishimiye.

Kwitabaza Urukiko rwa EAC ngo byakozwe kuko ari urwego rukuru rushobora kurenganura umukiliya we.

Yakomeje avuga ko ngo nubwo umukiliya we atishyuwe, mu myaka 30 ishize yakomeje gukorana na Leta mu yandi masoko atandukanye.

Mironko yareze leta ayishyuza amafaranga y’isoko ry’impuzankano za gisirikare yahawe

Yabigarutseho mu kiganiro yagiranye n'Umuyoboro wa Youtube witwa Papa Legend TV aho yagarutse ku ngingo zinyuranye zirimo kwibaza impamvu Abanyamulenge bakomeje kwicwa amahanga arebera, inkomoko y'ukuri y'Abanyamulenge ndetse n'icyo bakwiye gukora ngo bigobotore ibyo bibazo barimo.

Kuva mu myaka myinshi ishize, abaturage ba Repubulika Iharanira Demokarasi ya Congo bavuga Ikinyarwanda bakunze guhura n'ihohoterwa bakicwa, imitungo yabo ikangizwa kandi badafite uwo batakira, bikarangira baririra mu myotsi.

Ibi byakozwe cyane muri Kivu y'Amajyepfo ndetse n'iy'Amajyaruguru, aho ibi bikorwa bigirwamo uruhare n'ingabo za Leta, bikagera ubwo Abanyamulenge bashimangira ko ibiri kubakorerwa ari Jenoside.

Umunyamakuru: Kubera iki Abanyamulenge bakomeje kwicwa ntihagire ubarenganura kandi n'amahanga abireba?

Apôtre Gitwaza: Navuga ko ku Isi nta butabera bubaho, iyo buza kuhaba Abayuda ntibaba barapfuye, Abanyarwanda ntibaba barapfuye, abasomali ntibaba barimo kwicwa. Muri Afghanistan ntabwo haba hameze kuriya, Isi yose, mu bihugu nka Sudani biri mu bibazo, igihe cyose abantu barira ni uko nta butabera.

Ku Banyamulenge ubwacu, mu by'ukuri nta waturenganura uretse Imana yaturemye rero, ubutabera ni ikintu kibuze hano ku Isi. Reka nemere ko bwanahaba, bunahabaye sinzi ko hari uwapfa kutuvugira.

Abanyamulenge bapfuye bari mu Gatumba mu kindi gihugu, igihugu cyabo cya RDC ni cyo kiba cyarafashe iya mbere kugira ngo kibavugire ariko ntacyo cyakoze. Igihugu cy'u Burundi bapfiriyemo kiba cyaravuze ngo abantu bahungiye ku butaka bwacu, barahapfira nyabuneka nimubafashe barenganurwe, nacyo ntabyo cyakoze.

Bigaragara ko gutabarwa kw'Abanyamulenge kutazava ku bantu. Kuzava kuri bo ubwabo ariko cyane cyane Imana yabaremye ni yo izabarwanirira.

Umunyamakuru: Uramutse ubaye Perezida wa RDC ni ibihe bintu bitatu wabanza gukora?

Apôtre Gitwaza: Nubwo byangora kuba Perezida njyewe ndi umupasiteri usanzwe ibyo kuba Perezida ntibirimo. Reka nemere ko wenda mbaye umujyanama wa Perezida. Nasaba Perezida wa Congo kubanza gusengesha igihugu cyose, gusaba icyo gihugu buri wese wemera Imana gupfukama hasi bagasaba imbabazi bakegera Imana.

Icya kabiri ni ukumusaba kunga Abanye-Congo, buri bwoko bukiyunga n'abanye-Congo bakiyunga. Nkabishyiramo imbaraga cyane, ngashyiraho Minisiteri y'Ubumwe n'Ubwiyunge noneho abantu bagahurira hamwe bagakora.

Icya gatatu nasaba rero gukora ni uko namusaba gushyiraho gereza nyinshi mu gihugu zo gufunga abantu bose biba, barya ruswa ndetse badatungana. Gereza yajyamo abantu bagafungwa hatarebwe ngo ni mwene wanyu cyangwa ikindi, bigatuma abandi batinya, noneho buri Munyecongo wese agakora yaba uri mu mahanga cyangwa imbere mu gihigu.

Umunyamakuru: Ubaye umuyobozi w'Abanyamulenge ku Isi ni iki wahindura?

Apôtre Gitwaza:Nabwira Abanyamulenge kubanza gusubira ku Mana kuko abavukiye mu Mana bakurira mu Mana. Nabasaba gukurikira mu rukundo rwabo rwa mbere. Nkabasaba tukihana tugasubira ku Mana.

Icya kabiri nabasaba, ni uko babanza gushyiraho ubumwe buzira amacakubiri. Biragoye igihe cyose ntihazabura abantu baca intege ariko nabo twabegera tukabereka impamvu yo kunga ubumwe.

Reka ntange urugero ku Banya-Israel, baba hirya no hino ku Isi ariko iyo ari ikireba Umuyuda bose bahurira hamwe n'icyo bapfa bakagishyira ku ruhande.

Icya gatatu ari nacyo cya nyuma nabasaba bagashaka amafaranga ariko atari mu nzira mbi. Bagakora ishoramari, kuko iyo ufite amafaranga, ukaba ufite Imana, nta cyo mutageraho.

Bibiliya iravuga ngo amafaranga ni inyugamo uyarimo aba yugamye. Icyo rero nagisaba Abanyamulenge.

Umushumba w'Itorero rya Authentic Ministries/Zion Temple Celebration Centre ku Isi, Apôtre Dr. Paul Gitwaza yakomoje ku iyicwa ry'Abanyamulenge

Abanyamulenge bikunze kuvugwa ko nta gihugu bagira, bamwe bati 'ni Abanyamulenge', abandi bati 'ni Abanyarwanda'. Ese nawe ni ko ubibona?

Apôtre Gitwaza: Abanyamulenge ni Abanye-Congo. Yego, haba Umunyamulenge w'Umunyarwanda, uw'Umunyamerika, uwo muri Canada, ariko aho bavuka ni muri Congo. Ni ho iwabo. Ikindi si uko Abanyamulenge bavuye mu Rwanda, mu Burundi cyangwa muri Tanzania ngo bajye muri Congo ahubwo igihe bacagamo Afurika ni ho bisanze.

Umunyamulenge rero ni Umunye-Congo mbere y'uko aba ubundi bwoko butandukanye bwose. Nka hano muri Amerika mbona umuntu amara imyaka itanu akaba abaye Umunya-Amerika ariko ntibikuraho ko ari Umu-Cameroun, Umunyarwanda, Umurundi kandi n'Abanyamulenge nabo ni uko. Aho bagiye bagize Imana ibihugu bibaha ubwenegihugu ariko ntibivanaho ko gakondo yabo ari muri Congo.

Abanyamulenge benshi bavuga ko bakunda Congo ariko ugasanga bakora nk'ibikorwa by'iterambere mu Rwanda n'ahandi, ubivugaho iki?

Apôtre Gitwaza: Gukunda biba mu bice bitatu, hari ugukundisha amagambo, gukunda mu bitekerezo ndetse n'ibikorwa.

Kuvuga ngo Umunyamulenge yubatse inzu mu Rwanda, mu Burundi si igitangaza ni nk'uko Umunyarwanda yakubaka muri Uganda cyangwa Abagande bakubaka muri Tanzania. Ibyo ni ishoramari, nta muntu nagaya ngo yubatse iw'abandi cyangwa yubatse ahandi. Biterwa n'aho inyungu ze ziri kuboneka.

Nashishikariza abavuga ko bakunda iwabo n'abavuga ko RDC ari iwabo n'aho bahubake kuko niba bazahashyira imihanda, ibikorwaremezo, uko bagira umwete wo kubaka ahandi bagire n'uwo kubaka iwabo.

Ni ubuhe butumwa waha Abanyamulenge bose?

Apôtre Gitwaza: Icyo nifuriza Abanyamulenge bose kandi kiri ku mutima, ndabasabira ngo bagire ubumwe, icyo ni cyo kindaza amajoro. Icya kabiri ni ugukundana, ndabasaba ko bakundana hejuru y'ubumwe bashyireho urukundo ndetse banatekereze guteza iwabo imbere.

Urubyiruko rw'Abanyamulenge icyo ndwifuriza ni kujya mu mashuri, mu bucuruzi, rwige gucuruza n'aho icya gatatu ni ukujya mu bumenyi ngiro no gukoresha impano rufite. Uzi gukina umupira awukine, uzi kwiruka yiruke, uzi kuririmba aririmbe babibyaze umusaruro babone amafaranga.

Ku bakirisitu b'Abanyamulenge icyo nabasabira ni ukwegera Imana kurusha ejo hashize kuko uko wegera Imana ugenda usa nayo.

Icya kabiri nabasabira ni ukuvuga ubutumwa aho bari n'aho icya gatatu ni ukwandika Bibiliya y'Ikinyamulenge.

Umushumba w'Itorero rya Authentic Ministries/Zion Temple Celebration Centre ku Isi, Apôtre Dr. Paul Gitwaza, yagaragaje icyakorwa ngo abanyamulenge bigobotore ibibazo barimo

Cyari igitaramo kidasanzwe mu rugendo rw’umuziki rw’uyu mugabo, kuko cyabereye mu Ihema rya Kigali Conference and Exhibition Village ahazwi nka Camp Kigali, ahari hakoraniye ibihumbi by’abantu. 

Ategura iki gitaramo, yavuze ko yagihuje na Album ye kuko indirimbo zose zigize iyi Album zarangiye, kandi ko zizahita zizajya ku mbuga zitandukanye zicururizwaho umuziki. Kuva icyo gihe kugeza n’uyu iyi Album ntiyigeze isohoka.

Muri kiriya gitaramo, Cyusa Ibrahim yataramanye na Chrisy Neat usanzwe ari Producer muri Studio ‘Ibisumizi’, Mariya Yohana wamamaye mu ndirimbo ‘Intsinzi’ ndetse na Ruti Joel uzwi cyane binyuze mu bihangano yakubiye kuri Album ye ‘Musomandera’.

Kuva yakora iki gitaramo, abantu bakomeje gutegereza Album ‘Migabo’ uyu muhanzi yamuritse ariko ntiyaboneka ahantu na hamwe.

Mu kiganiro na InyaRwanda, Cyusa Ibrahim yasobanuye ko Album ye yarangiye, ategereje ko yumvikana na sosiyete izamufasha kuyicuruza.

Ati “Nibyo rwose ndabizi ko hashize igihe Album yanjye nyimuritse mu gitaramo. Nari navuze ko nyuma y’igitaramo izahita isohoka ariko siko byagenze, ahanini byatewe n’abantu nshaka ko bamfasha kuyicuruza.” Cyusa yavuze ko Album ye yamaze kurangira, kandi afite icyizere cy’uko mu gihe kiri imbere izajya hanze.

Iyi album yitiriwe indirimbo “Migabo”, yahimbiye Perezida Paul Kagame mu rwego rwo kumushimira ku bw’ibyo yakoreye u Rwanda, cyane ko Cyusa yishyuriwe amashuri ye na Leta kuva mu mashuri yisumbuye kugeza Kaminuza.

Album “Migabo” igizwe n’indirimbo ziganjemo izisingiza ubutwari bw’Inkotanyi n’izindi ndirimbo za gakondo zigaragaza umuco nyarwanda. Uretse iyi Album, muri Kamena 2023, Cyusa Ibrahim yanateguje Album 'Mwumvamata' yitiriye Nyirakuru wamwinjije mu muziki- Iyi nayo ntirajya ku isoko.

Cyusa Ibrahim yatangaje ko Album ye 'Migabo' yarangiye, igisigaye ari uko akorana n'ababishinzwe kugirango ijye ku isoko 

Tariki 6 Kamena 2024, nibwo Cyusa Ibrahim yakoze igitaramo cyo kumurika Album 'Migabo' 

Cyusa Ibrahim yavuze ko mu gihe Album ye yarangiye, yatangiye n'urugendo rwo gukora ku ndirimbo nshya zirimo izizasohoka muri Werurwe 

KANDA HANO UBASHE KUMVA IBIHANGANO BYA CYUSA IBRAHIM

“>

Iyi poromosiyo izafasha abantu bose gukomeza kuryoherwa n'amashusho meza y’ibyo bareba kuri CANAL+ kuva ku mikino, filime, imyidagaduro y'abana n'iyagenewe umuryango muri rusange n’ibindi. 

Kugira ngo ibi bigerweho, CANAL+ Rwanda yashyizeho ibiciro bishya byoroheye buri wese ku bikoresho byayo, igabanya amafaranga ya ‘installation,’ ndetse inatanga iminsi 15 y'ubuntu ku bafatabuguzi bose.

Guhera tariki ya 18 Gashyantare 2025, abakiriya bashya n’abari basanzwe bakoresha serivisi za CANAL+ bakomeje kuryoherwa n’igabanirizwa ridasanzwe ry’ibiciro ku bikoresho bitandukanye ndetse bijyanye na serivisi yo kubimanika mu nzu.

Ku bakiliya bashya, kubona ‘decoder’ ubu birasaba kwishyura amafaranga 5,000 Frw gusa, ndetse no kuyikorera ‘installation’ ni ukwishyura 5,000 Frw. 

Ni amahirwe adasanzwe kuko ubu ibikoresho biri kugurwa cyane ku isoko. Ku bakiriya basanzwe, buri wese uzongera kwishyura ifatabuguzi rye guhera iyo tariki azahabwa iminsi 15 y'ubuntu yo kureba amashene yose ya CANAL+.

CANAL+ Rwanda yateguye porogaramu zidasanzwe kandi zikunzwe zizajya zitambukaho, zirimo filime yitwa ‘My Father-in-Law’ izatangira gutambuka tariki ya 13 Mata 2025 kuri ZACU TV na City Maid (Season 16 & 17) izatangira gutambuka ku wa 12 Werurwe 2025 kuri ZACU TV.

Abakunzi b'imikino na bo bazaryoherwa n'amarushanwa akomeye nka UEFA Champions League, English Premier League, Bundesliga, LaLiga, Saudi Pro League, Ligue 1 ndetse n'ubundi buryohe bw’imikino izaba inyura kuri CANAL+SPORT. 

Hari kandi Qui veut épouser mon fils Afrique ? izatangira gutambuka ku wa 18 Mutarama 2025 kuri CANAL+POP na Diana Salazar izatangira gutambuka ku wa 15 Gashyantare 2025 kuri NOVELAS TV, ndetse na ‘cartoon’ z’'abana zihariye zizajya zitambuka kuri CANAL+FAMILY.

Iyi ni poromosiyo idasanzwe igamije gufasha abakunzi ba CANAL+ Rwanda gukomeza kuryoherwa n'uburyohe bw’imyidagaduro n’imikino  byihariye kandi bigezweho, mu buryo bworoshye kandi buhendutse.

CANAL+ yazaniye abakiliya bayo poromosiyo idasanzwe 

Abakunzi b’imikino n’abimyidagaduro bashyizwe igorora kuko ibiciro byakubiswe hasi ndetse ibyo bigaherekezwa n’iminsi 15 yo kurebera ubuntu 

Uyu muhanzi yatangaje ibi ubwo yari abajijwe ku itariki yo gushyira ku mbuga iyi Album ye ya Gatatu, yaje kujya hanze tariki 31 Mutarama 2025. Ni nyuma y'igitaramo gikomeye yari yakoze tariki 1 Mutarama 2025, yakoreye muri BK Arena. 

Ni Album idasanzwe mu rugendo rw'uyu muhanzi, kuko amaze iminsi mu bitaramo hirya no hino mu mu bihugu by’i  Burayi, ndetse ari no gutegura ibitaramo bizagera muri Leta Zunze Ubumwe za Amerika, Australia n'ahandi. 

The Ben yari aherutse kubwira InyaRwanda ko nubwo azaba afite ibitaramo mu bihugu birya no hino, ariko anatekereza gukorera igitaramo muri Kigali Convention Center (KCC), yavugaga ko kizaba ku wa Gatanu tariki 28 Gashyantare 2025.

Ushingiye ku ngengabihe yatangaje, bigaragara ko iriya tariki y'igitaramo cye yari yatangaje i Kigali idashoboka, bitewe n'ibitaramo afite hirya no hino.

Umwe mu bamufashaga gutegura iki gitaramo i Kigali, yabwiye InyaRwanda ko bahisemo gusubika iki gitaramo 'kubera ko hatabonetse n'umwanya wo kucyamamaza'.

The Ben aherutse gutangaza igitaramo azakorera mu Mujyi wa Harnover ku wa 22 Werurwe 2025, ndetse azaba ari kumwe na Dj Nad, Dj Stunner na Dj Baza. Yanatangaje kandi igitaramo azakorera mu Mujyi wa Kampala muri Serena Hotel, ku wa 17 Gicurasi 2025.

Uyu muhanzi kandi aherutse gusoza ibitaramo yakoreye mu Mijyi itandukanye muri Canada, irimo Montreal yataramiye ku wa 14 Gashyantare 2025, ku wa 10 Gashyantare yataramiye muri Ottawa, ku wa 21 Gashyantare ataramira i Toronto naho ku wa 22 Gashyantare ataramira Edmonton.

Yanagaragaje kandi ko tariki 8 Gicurasi 2025 azataramira i Brussels, ni mu gihe muri Kamena 2025 azatangira ibitaramo muri Amerika, n’aho tariki 16 Kanama 2025 agataramira muri Norway.

Uyu muhanzi anafite igitaramo azahuriramo n’umuhanzikazi Bwiza, kizaba tariki 8 Werurwe 2025 mu Mujyi wa Birmingham mu Bubiligi.

Ibi bitaramo byose The Ben ari gukora bigamije kumenyekanisha Album ye yise 'Plenty Love' iriho indirimbo 12 zirimo: Inkuta z’umutima, My Name yakoranye n’umuraperi Kivumbi King, Ni Forever na True Love yahimbiye umugore we, Plenty yakomoyeho ijambo yitiriye Album ye, Nana, Icyizere yakoranye na Uncle Austin, Better, Baby yakoranye na Marioo uri mu bakomeye muri Tanzania, Isi, For You ndetse na Madona.

Indirimbo ifite iminota mike ifite iminota 2 n’amasegonda 22′, ni mu gihe ifite iminota minshi igejeje iminota 4 n’amasegonda 3′. Bigaragara ko iyi Album yagiye hanze bigizwemo uruhare na Sosiyete y’umuziki ya ONErpm bamaze igihe kinini bakorana yashoye imari mu bikorwa bye. Umubare munini w’indirimbo ziri kuri iyi Album zakozwe na Producer Knoxbeat.

 Igitaramo cya The Ben yari gukorera i Kigali, ku wa Gatanu tariki 28 Gashyantare 2025 cyarasubitswe 

The Ben aherutse kugaragaraza uruhererekane rw'ibitaramo yakoreye muri Canada n'ibyo ari gutegura muri Leta Zunze Ubumwe za Amerika

 Ku wa 8 Werurwe 2025, The Ben azataramana na Bwiza mu gitaramo kizabera mu Bubiligi 

The Ben yatangaje igitaramo azakorera mu gihugu cya Uganda, ku wa 17 Gicurasi 2025

The Ben aherutse no gutangaza ibitaramo azakorera mu Mujyi wa Hannover

KANDA HANO UBASHE KUMVA INDIRIMBO ‘BABY’ THE BEN YAKORANYE NA MARIOO IRI MU ZIGIZE ALBUM

“>