Category: Uncategorized

Ni ubushakashatsi bwakozwe na Access to Finance Rwanda (AFR) ifatanyije na Minisiteri y'Imari n'igenamigambi (MINECOFIN), Minisiteri y'Uburinganire n'Iterambere ry'Umuryango (MIGEPROF), Banki Nkuru y'Igihugu (BNR), Ikigo cy'Igihugu Gishinzwe Ibarurishamibare (NISR) na Mastercard Foundation

Raporo ikubiyemo ubu bushakashatsi yashyizwe hanze kuri uyu wa 7 Werurwe 2025, igaragaza uburyo abagore bagerwaho na serivisi z'imari ndetse n'ikinyuranyo hagati y'abagabo n'abagore babona serivisi z'imari.

Imibare ikubiye muri iyi raporo yerekanye ko ikinyuranyo cyo kubona serivisi z'imari z'ibigo byanditse harimo banki n'ibigo by'imari hagati y'abagore n'abagabo cyagabanutse, aho cyavuye kuri 7% mu 2020 kigera kuri 4% mu 2025.

Minisitiri w'Uburinganire n'Iterambere ry'Umuryango, Uwimana Consolée, yagaragaje ko Guverinoma y'u Rwanda yiyemeje gushyira mu bikorwa politiki n'ingamba zubaka urwego rw'imari ruhamye kandi rudaheza.

Ati 'Ibikubiye muri iyi raporo bigaragaza ibimenyetso byerekana uburyo u Rwanda rwimakaje ubudaheza mu rwego rw'imari cyane cyane ku bagore.'

Umuyobozi Mukuru wa Access to Finance Rwanda, Jean Bosco Iyacu yahamagariye ibigo bitanga serivisi z'imari kongera ingamba zo kugeza izi serivisi ku bagore kugira ngo n'ikinyuranyo gisigayemo kibe cyashira burundu.

Yagize ati 'Turabahamagarira kugira ngo badufashe kugabanya icyo kinyuranyo kirimo nubwo atari kinini cyane, biragarara ko bigoye cyane ku bagore kuba babona serivisi z'inguzanyo no kubitsa cyangwa kwizigama ndetse na serivisi z'ubwishingizi nazo ziracyari hasi ugeraranyije no ku bagabo.'

Yakomeje avuga ko kugira ngo intego zo kugabanya burundu icyo kinyuranyo zigerweho bisaba ko abantu bakwiriye guhindura imyumvire.

Ati 'Urugero natanga ni uko mwaba mufite inzu mutuyemo umugabo akaba yayitangamo ingwate nta kibazo ariko umugore yashaka kuyitangamo ingwate kugira ngo ateze imbere urugo bikaba byaba ikibazo. Ibyo rero bikwiriye gukemuka ku guhindura imyumvire.'

Ibi yabigarutseho nyuma y'uko muri iyi raporo byagaragaye ko abagore 17% aribo bafite konti muri za banki, mu gihe abagabo ari 27%, bikaba mu bituma abagore bamwe batabasha kugerwaho na serivisi z'imari.

Nubwo bimeze uko ubu bushakashatsi bwerekanye ko abagore bakoresha serivisi z'imari binyuze kuri telefone, ibizwi nka Mobile Money, bavuye kuri 55% mu 2020 bagera kuri 73% mu 2024.

Ibiganiro byaranzwe no kurebera hamwe uburyo ingamba zakongerwa kugira ngo umubare w'abagore bagerwaho na serivisi z'imari wiyongere

Umuyobozi Mukuru wa AFR, Jean Bosco Iyacu, yasabye abakora muri serivisi z'imari kongera ingamba zo kugeza izi serivisi ku bagore kugira ngo ikinyuranyo gisigayemo kibe cyashira burundu

Minisitiri w'Uburinganire n'Iterambere ry'Umuryango, Uwimana Consolée, yagaragaje ko Leta y'u Rwanda ikomeje gushyira mu bikorwa politiki n'ingamba zubaka urwego rw'imari ruhamye kandi rudaheza

Aya mahugurwa yo kwiteza imbere, yatanzwe na ku bufatanye na Love Gates Organization, umuryango udaharanira inyungu ugamije guteza imbere abaturage cyane cyane abagore. Abagore 10 muri aba 412 banahawe ingurube zo kubafasha mu rugendo rwo kwiteza imbere.

Umuyobozi w'ishami ry'ishoramari n'imibereho myiza muri Equity Bank Rwanda, Bamwine Loyce, yavuze ko batanze iyi nkunga kuko bashyira imbere ibijyanye no gufasha abagore.

Ati 'Ibihugu byose dukoreramo, Equity Bank yasobanukiwe ko intego yayo ya mbere atari ugutanga amafaranga gusa cyangwa guteza imbere ubukungu, ahubwo ko igomba kugira icyo ihindura mu gihugu n'akarere ikoreramo.''

Loyce yavuze ko Equity Bank Rwanda yatangije icyitwa 'social impact', nk'ishami rikorerwamo ibikorwa bitandukanye bihindura imibereho y'abari n'abategarugori ndetse n'urubyiruko.

Ati 'Muri iryo shami ni ho twatangiriye ubufatanye n'ibigo bitandukanye birimo na Love Gates Organization, ibigo n'inzego za Leta, abikorera n'imiryango itegamiye kuri leta, tugamije kureba icyo twahindura mu buzima bw'abatuye mu Karere ka Burera.''

Yavuze ko bishimiye isozwa ry'amahugurwa y'abagore bagera kuri 412 mu Murenge wa Rugarama mu Karere ka Burera, kandi ko bateganya guhugura abandi 4500 baturutse mu mirenge iherereye muri aka Karere, ariko ibikorwa bya Equity bikaba bizakomereza no mu tundi turere.

Bimwe mu bikorwa Equity Bank yashyizemo imbaraga birimo ubuhinzi n'ubworozi, aho yegera abadasobanukiwe byinshi ku ishoramari ikabahugura, bagasobanukirwa iteguramushinga no kwagura iterambere, bakigishwa kwizigamira, ndetse bagafashwa kubona inguzanyo.

Guverineri w'Intara y'Amajyaruguru, Mugabowagahunde Maurice, yabwiye abari n'abategarugori ko bakwiye kwizihiza Umunsi Mpuzamahanga wabo bazirikana ibyo bagezeho.

Ati 'Amahugurwa twabonye tuyabyaze umusaruro, hagaragare impinduka mu kwiteza imbere, n'abatabashije guhugurwa tuzabasangize ubwo bumenyi.''

'Ingurube ni itungo ryororoka vuba. Birasaba ko muzifata neza, uko uyifashe neza niko ikungukira ukoroza n'abandi. Ndifuza ko mu gihe cya vuba mwakoroza bagenzi banyu.''

Guverineri Mugabowagahunde yashimye Equity Bank n'umuryango Love Gates, batekereje guhugura abaturage no kuboroza ingurube, kuko biri mu cyerekezo cy'Igihugu cyo kubavana mu bukene.

Umuvugizi wa Love Gates Organization yatanze aya mahugurwa, Bahufite Eduard, yavuze ko 'Uyu ni umuryango ukorana na RDB mu kubyaza umusaruro amafaranga ava mu bukerarugendo, no kuzamura imibereho myiza y'abaturage cyane cyane abagore n'urubyiruko. Iyi gahunda yatangiye mu mwaka w'ingengo y'imari wa 2022/2023 kugeza uyu munsi dukorana n'abarimo Equity Bank'.

Equity Bank Rwanda yateguye iki gikorwa mu gushyigikira abagore

Equity Bank Rwanda yoroje abagore batishoboye ingurube

Guverineri Mugabowagahunde yashimye Equity Bank n'umuryango Love Gates, batekereje guhugura abaturage no kuboroza ingurube

Bahufite Eduard ukorera umuryango Love Gates yashimiye Equity Bank Rwanda bakorana by hafi

Umuyobozi w'ishami ry'ishoramari n'imibereho myiza muri Equity Bank Rwanda, Bamwine Loyce, yavuze ko batanze iyi nkunga kuko bashyira imbere ibijyanye no gufasha abagore

Mu kiganiro cyihariye na InyaRwanda, Bull Dogg yavuze ko iriya ndirimbo ye na The Ben, bayikoze muri Gashyantare 2020, mbere y’uko The Ben atangira umushinga w’indirimbo ‘Why’ na Diamond Platnumz wo mu gihugu cya Tanzania, yaje gusohoka, ku wa 4 Mutarama 2022. 

Ashingiye ku gihe indirimbo zombi zari gusohokera, iye n'iya The Ben yakabaye yaragiye hanze mbere y’iya Diamond, Bull Dogg yavuze ko iyi ndirimbo yari yakozwe mu buryo bw’amajwi (Audio) na Producer Hollybeat uri mu gihugu cya Canada muri iki gihe, ni mu gihe amashusho yakozwe na Bagenzi Bernard. 

Avuga ko ari umushinga wari urangiye ku buryo icyari gisigaye kwari ukujya hanze. Uyu muhanzi yasobanuye ko nyuma y’uko iyi ndirimbo itagiye hanze, The Ben yamusabye imbabazi binyuze mu butumwa bwa Telefoni ndetse no kuvugana kuri telefoni, kandi yamuhaye imbabazi.

The Ben aherutse kubwira itangazamakuru, ko nk'umwana w'umuntu yagerageje inzira zose zishoboka asaba imbabazi Bull Dogg, kandi amwizeyeho ubushishozi.

Ati 'Jyewe nk’umuntu nakoze iby’umuntu yakora. Nahamagaye Bull Dogg inshuro nyinshi. Ubwo mperuka ni tariki 14 Ukuboza 2024 nsaba imbabazi Bull Dogg, ubwo ni indi nshuro kuko nari narazimusabye mbere.”

The Ben yavuze ko ari we wasabye Bull Dogg ko indirimbo bakoranye itasohoka, bitewe n'uko yiteguraga gusohora 'Why' yakoranye na Diamond.

Arakomeza ati 'Bull Dogg yifuzaga ko tuyisohora mu gihe twari tugiye gusohora ‘Why’ (yakoranye na Diamond) nsa nk’umugira inama, ndamubwira nti Bull Dogg nidusohora indirimbo igasohokana na ‘Why’ iraza kuzimirira muri ‘Why’ kuko abantu bari bayiteze cyane.”

Bull Dogg yemeje ko yaganiriye na The Ben mu Ukuboza 2024 bitsa cyane ku mpamvu iyi ndirimbo itigeze isohoka. Ati “Navuganye nawe ku mpamvu iyi ndirimbo itasohotse ambwira ko bishobotse twakora indi ndirimbo ambwira ko nyine aciye bugufi asabye imbabazi.'

Ati 'Umbabarire ntakundi byari kugenda, ibyabaye byarabaye. Reka tubyihorere. Nonese nabigenza nte, niko byagenze. Niba bitarashobotse, naramubabariye kandi ntakundi nabigenza. Nonese namubabariye ubundi namutwara iki?’

Arakomeza ati “Ni umuhanzi Mukuru, ni umuhanzi w’umusitari. Ni umukire, nta hantu nahurira nawe mu bushobozi cyangwa no mu kumurwanya, si namurwanya. N’abantu bumva ko hari ikindi kintu kiri hagati yanjye nawe. Ntacyo.”

Bull Dogg yavuze ko kuba indirimbo ye na The Ben itaragiye hanze, ntibyamubujije gukomeza gusohora imiziki kandi ‘n’indi izakomeza gusohoka’. Yavuze ko yahaye imbabazi The Ben kuko n’ubundi ntiyari gutanga ikirego.

Yasobanuye ko kuba kuba buri gihe The Ben yumvikana mu itangazamakuru amusaba imbabazi, bitavuze ko atamuhaye imbabazi, cyereka niba abafana bakeneye ifoto bari kumwe kugirango bazemere ko yamuhaye imbabazi.

Ati “Nakubajije kumubarira ni ukugenda gute? Ni ukugenda tukifotozanya nicyo bashaka se kugirango bazabone ko namubabariye. Ubwo nanjye ubwo naboneka akambwira ati duhagarare twifotoze abantu tubereke ko twiyunze, nzaboneka niba ikibazo ari njyewe kugirango bigaragare ko imbabazi zatanzwe.”

Uyu muraperi yavuze ko yemeranya n’umutima we ko yahaye imbabazi The Ben, kandi ko ikibazo bari bafitanye cyarangiye. Ati “Naramubabariye. Amahitamo ye, ni amahitamo ye.”

Ku wa Mbere w’iki Cyumweru, The Ben yabwiye itangazamakuru ko yiteguye gukora igishoboka cyose kugirango azahure umubano we na Bull Dogg birimo no kwishyura indi ndirimbo bakorana.

Ati 'Namubwiye ko niteguye gukora kintu cyose cyatuma njye nawe twongera kuzana ubuvandimwe bwacu, arambwira ati agiye kubitekerezaho. Niteguye kubikora. Kuko njye nita ku kintu cyampuza n’umuntu kurusha icyantandukanya nawe. Nditeguye ijana ku ijana.”

Bull Dogg yavuze ko nta kibazo afite mu gihe cyose The Ben yashaka ko bakorana indirimbo kuko ‘ntacyo byaba bintwaye’.  Yavuze ko iyi ndirimbo yakozwe mu 2020, bityo kuba itarasohotse mu myaka itanu ishize ‘mbifata nk’igihombo’.

Bull Dogg yavuze ko ntacyo umutima we umushinja mu ikorwa ry'iyi ndirimbo, kuko yakoze ibyo yasabwaga. Yavuze ko ari nawe wasabye The Ben ko bakorana indirimbo.

Bull Dogg yarinangiye?

Ku wa 1 Mutarama 2025, The Ben yakoreye igitaramo gikomeye muri BK Arena yamurikiyemo Album ye “Plenty Love” iriho indirimbo 12.

Mu bahanzi bamufashije ku rubyiniro, harimo n’itsinda rya Tuff Gang ritagaragayemo Bull Dogg wari witezwe na benshi.

Nyuma y’uko atagaragaye ku rubyiniro, havuzwe byinshi bijyanye n’uko uyu muraperi atitabiriye igitaramo cy’uyu muhanzi ahanini bitewe n’ibibazo bafitanye bishamikiye ku ndirimbo ‘Rotate’ bari barakoranye.

Bull Dogg yabwiye InyaRwanda, ko atagaragaye mu gitaramo cya The Ben kubera ko yari arwaye, kandi yari yabiganiriye kuri telefoni na The Ben yamusobanuriye mbere y'igitaramo cye cyabereye muri BK Arena, ku wa 1 Mutarama 2025.

Mu butumwa yatambukije ku rubuga rwe rwa Instagram mu ijoro ryo kuri uyu wa Mbere tariki 3 Werurwe 2025, Bull Dogg yagaragaje ko atinangiye umutima, ashimangira ko nta kibazo afitanye na The Ben. Ati “Nta kibazo mfitanye n’umugabo [Yirinze kumuvuga mu izina] ariko njyewe ‘wangu’ (nshuti).Bull Dogg yatangaje ko yahaye imbabazi, kuko ntacyo yari kurenzaho nyuma y'uko agerageje gukorana indirimbo na The Ben bikanga 

The Ben aherutse kongera kumvikana mu itangazamakuru asaba imbabazi Bull Dogg nyuma y'indirimbo bakoranye itarasohotse 

KANDA HANO UBASHE KUREBA IKIGANIROCYIHARIYE TWAGIRANYE NA BULL DOGG

“>

VIDEO: Dox Visual- InyaRwanda.com 

Muri iyi myaka ishize ari mu muziki, yaranzwe no gukora indirimbo zafunguye imiryango y’ubuzima bwe nka ‘Ndarota’, ndetse n’izo yagiye ahuriramo n’abahanzi banyuranye. Intangiriro y’umuziki we yabaye mu 1998 ubwo yakoraga indirimbo zijyanye no Kwibuka Jenoside yakorewe Abatutsi mu 1994.

Yatangiye umuziki mu gihe mu myaka yari igoye ahanini bitewe n’uko imiryango imwe n’imwe yafataga umuziki nk’ikintu kitatunga umuntu, byatumaga benshi basaba abana babo kwiga cyane aho kwinjira mu muziki.

Mu kiganiro na InyaRwanda, Nirere Shanel yahishuye ko atangira umuziki abo mu muryango we batabyumvaga neza. Ati “Naba mbeshye kandi ntabwo byari byoroshye. Urumva no gutangira uririmba ku ishuri, ndabyibuka nkava nko ku ishuri nkaca ku itorero nkajya kwiga kubyina kinyarwanda, nibyo nakoraga nagera mu rugo bakampana kuko ntabwo babyumvaga.”

Yavuze ko ababyeyi be bamuhanaga kubera ko bamubwiraga kureka gukora umuziki. Avuga ko ibi byatumye agerageza gucira inzira impano ye, bituma ahimba indirimbo zijyanye no kwibuka mu 1998 ariko umuryango we utabizi kubera ko yashakaga kugaragaza impano ye no kuyibyaza umusaruro.

Ati “Ku buryo n’indirimbo za mbere zo kwibuka, basanga kuri Televiziyo zagezeyo. Rero, indirimbo za mbere, iwacu babonye nagezeyo.”

Nirere Shanel yavuze ko nyuma y’umwaka umwe, ubwo ni ukuvuga mu 1999 yongeye gukomeza umuziki ajya gukora indi ndirimbo noneho ari kumwe na Mukuru we. Ati “Icyo gihe byo mu rugo bari babizi.”

Akomeza ati “Ntabwo byari byoroshye. Nagombaga kwiga nkarangiza amashuri yisumbuye ariko na nyuma y’aho ntabwo baba babyumva.”

Uyu muhanzikazi uherutse gusohora indirimbo ‘Complete me’ atekereza ko umuryango we wari ufite impungenge ahanini bitewe n’uko ibikorwa by’ubuhanzi bikunze kuba mu masaha y’ijoro.

Yavuze ko yakomeje gusohora indirimbo, kugeza ubwo mu 2004 yasohoraga indirimbo ‘Nkunda byahebuje’ iramamara mu buryo bukomeye, cyane cyane igatambuka mu bitangazamakuru by’imbere mu gihugu.

Yasobanuye ko iyi ndirimbo yabaye nk’idarapo ry’umuziki we, kuko ari nayo yabaye imvano yo gushyigikirwa n’umuryango we.

Ati “Nsoje amashuri yisumbuye mu 2004 ‘Ngukunda byahebuje’ (Hari hashize imyaka 6 ari mu muziki) isohotse ikajya ihora mu ndirimbo zasabwe kuri Radio Rwanda, mu bukwe bwose irimo, aho ngaho batangiye kumva ko koko ari akazi umuntu yakora nk’akandi.”

Nirere Shanel yavuze ko uko imyaka yagiye yicuma, yagiye yumva impamvu ahanini yatumaga umuryango we udashaka ko ahita yinjira mu muziki.

Ati “Nshobora kumva impungenge z’umubyeyi ushobora gutekereza ko umwana we w’umukobwa yahohoterwa, cyangwa se gutwara inda zitateganyijwe.”

Yavuze ko atangira umuziki, hari ababyeyi bari bagifite imyumvire ishingiye ku kumva ko umwana w’umukobwa azaba ikirara, ariko ko uko imyaka yagiye yicuma ibintu byarahindutse n’ubwo n’ubu iyo mibare ikigaragara.

Nirere Shanel atekereza ko impano ye ayikura mu muryango we, ashingiye mu kuba Mama we ajya yumva aririmba kandi afite ijwi ryiza, ni mu gihe Se hari bimwe mu bicurangisho by’umuziki yagerageza gucuranga.

Mu 2008, uyu mugore yashyize hanze Album ye ya mbere yise ‘Ndarota’, mu 2009 akina muri filime ya mbere yitwa 'Le Jour Où Dieu est Parti en Voyage (The Day God Walked Away)' yamufashije kwegukana igikombe.

Iyi filime yo mu 2008 niyo yamuhesheje gutwara igihembo cy'umukinnyi wa filime witwaye neza mu 2009 mu iserukiramuco 'Thessaloniki International Film Festival' yabereye mu Bugereki 'Greece'.

Yaje no kwitabira iserukiramuco ryo muri 'Slovakia' ryitwaga Bratislava International Film Festival. Muri 2010 yagiye n'iryo muri Kenya ryiswe 'Kenya International Film Festival'.

Nirere yavuze ko rwari urugendo rutoroshye byatumye ashyira imbaraga mu gutyaza ubumenyi, ndetse aza kubona amahirwe yo kwiga mu Bufaransa ibijyanye n’umuziki ku ishuri rya CESMD (Le Centre d'études supérieures musique et danse de Poitou-Charentes).

Nirere avuga ko yakomeje urugendo rwe, ndetse yize mu mashuri anyuranye arimo ayo mu Mujyi wa Paris. Ubwo yari mu Bufaransa niho yakomereje ubushuti n’umukunzi we Guillaume baje kurushinga, ku wa 2 Kanama 2014.

Asoje amasomo ye, yitaye cyane ku gukora umuziki wubakiye ku bumwe no gusakaza amahoro. Biza no gutuma atangiza ubukangurambaga yise ‘Araho’, aho ibivuyemo bigera ku muryango witwa ‘Our Past’.

Nirere Shanel yatangaje ko yinjiye mu muziki umuryango we utabizi, batungurwa no kumumva mu bitangazamakuru 

Nirere yavuze ko indirimbo 'Nkukunda byaheguje' yafunguye amarembo y'umuziki we, bituma n'umuryango we ubona ko umuziki ari akazi nk'akandi

KANDA HANO UBASHE KUREBA IKIGANIRO CYIHARIYE TWAGIRANYE NA NIRERE SHANEL

“> 

KANDA HANO UBASHE KUREBA INDIRIMBO 'NGUKUNDA'BYAHEBUJE' YA NIRERE SHANEL

“>

KANDA HANO UREBE AMASHUSHO Y’INDIRIMBO ‘YOU COMPLETE ME’ YA NIRERE SHANEL

“>

VIDEO: Melvin Pro- InyaRwanda.com

Uyu mwaka Umunsi w'Abagore ugiye kwizihizwa mu gihe u Rwanda rukomeje gutera intambwe ifatika mu kubahiriza ihame ry'uburinganire mu nzego zitandukanye zirimo n'izifatirwamo ibyemezo.

Kugeza ubu utabariyemo Minisitiri w'Intebe, ba Minisitiri n'abanyamabanga ba Leta ni 31, aho abagore ari 11.

Uretse muri Guverinoma, u Rwanda ni rwo ruyoboye ibindi bihugu byo ku Isi mu kugira abagore benshi mu Nteko Ishinga Amategeko, aho mu Mutwe w'Abadepite ubwiganze bwabo buri kuri 63.75%, muri Sena bakaba 53,8%.

Abagore n'abakobwa kandi uzabasanga mu nzego z'umutekano z'igihugu nka Polisi n'Igisirikare kandi batanga umusanzu ufatika mu gucunga umutekano haba mu Rwanda ndetse no mu butumwa boherezwamo mu mahanga. Pte Mushimiyimana Aline ni umwe mu bahamya b'ibi.

Uyu mukobwa yinjiye mu gisirikare mu 2021, ubu amaze imyaka ine akorera Ingabo z'u Rwanda. Ni umwe mu basirikare b'u Rwanda bari mu butumwa bwa Loni muri Centrafrique. We na bagenzi be bakora amanywa n'ijoro kugira ngo baheshe ishema igihugu cyabatumye, kandi banafashe abaturage boherejwe kurinda kugira umutekano usesuye.

Mu masaha y'umugoroba, ahagana Saa kumi n'Ebyiri, aba amaze kwitegura akazi. Aba ari bujye ku burinzi ari kumwe na bagenzi be, aho Ingabo z'u Rwanda zigenzura umutekano mu Mujyi wa Bangui.

By'umwihariko kuri Pte Mushimiyimana, bagenzi be baba bamwitezeho byinshi, kuko ni we ukoresha imbunda nini iba iri ku gifaru. Ayita imbunda ya 'Twelve' cyangwa se 'Imbunda y'Umusada'.

Ni imbunda ya Machine Gun, irasa ubudahagarara ikagira umunwa winjirwamo n'isasu rya milimetero 12.

Kugira ngo yinjire mu gisirikare, byaturutse ku rukundo yakundaga abasirikare, akura yumva azakora uyu murimo. Byageze aho arangiza amasomo ye, agahitamo kujya mu Ngabo z'Igihugu n'ababyeyi batabizi.

Ati 'Numvaga nshaka gukorera igihugu cyane. Bitewe n'amateka yacu, numvaga mfite ishyaka n'umuhate wo gukorera igihugu, njya ku myitozo n'abandi, nkorana n'abasore n'abakobwa bagenzi banjye, dukorana amasomo.'

Amaze gusoza amasomo, yatoranyijwe mu banyeshuri bagombaga kujya kwiga uko bakoresha imbunda y'umusada. Yarabyishimiye kubera impamvu imwe.

Ati 'Numvaga nshaka kuba umurashi mwiza, nkavamo umurashi mwiza, nkavamo umukobwa uzi kurasa imbunda ya 'Twelve', njya ku masomo ndayiga, ngira amanota meza, igihugu kingirira n'icyizere kinyohereza hano muri Centrafrique kugira ngo nkomeze nkore akazi'.

Nubwo afite ubumenyi yashakaga ku bijyanye n'imikorere y'iyi mbunda, avuga ko afite intumbero yo gukomeza kwihugura 'kugira ngo menye izindi mbunda ziri hejuru ya 'Twelve'.'

Ijoro ry'i Bangui

Umujyi wa Bangui ni muto mu buso, gusa ni umwe mu ituwe cyane muri Centrafrique. Ufite ubuso bwa kilometero kare 67 mu gihe abaturage bawo barenga ibihumbi 900.

Mu masaha y'ijoro, abantu baba ari benshi cyane cyane ahari utubari, mu duce tuzwi nka Marche des combattants n'ahandi. Utubari tuba twuzuye, kuva ku turi mu nkengero z'Umujyi nk'akitwa 'Premier miracle de Jésus' kugera ku tundi twinshi dufite izina rya 'Cave'.

Hamwe na hamwe, hari aho usanga abaturage bari gukina, ahandi bari kotsa inyama, abandi batetse ikawa n'icyayi ku muhanda n'ibindi.

Ingabo z'u Rwanda bose zibanyuramo, zigenda n'amaguru cyangwa se zigenda n'imodoka zirimo n'ibifaru.

Pte Mushimiyimana yavuze ko uburinzi bakora butuma barushaho kubaka icyizere mu baturage, bakabisanzuraho.

Ati ' Abaturage ba Bangui nta kibazo, tugerageza kuganira nabo, baratwishimira, tukisanzuranaho kugira ngo babone ko nta kibazo. Nta kibazo batugiraho, dukora ibishoboka byose kugira ngo batwisanzureho, batuganirize, tubabaze ibibazo baba bafite, bakatubwira. […] dukora ibishoboka byose kugira ngo hatagira umuturage wagira ikibazo.'

By'umwihariko, bagenzi be bamwizeramo ubushobozi buhambaye, ku buryo hagize ikintu gihungabanya umutekano, ashobora gutabara akoresheje imbunda aba afite.

Ati 'Ni imbunda nafatiye ubumenyi, ndayiga, bampa impamyabushobozi y'uko nshobora kuyirasa. Bagenzi banjye baba bamfitiye icyizere, kandi mba numva ko nshobora kubacungira umutekano'.

Yishimira ko nta mbogamizi n'imwe yahuriye na yo mu gisirikare, ari na byo aheraho ashishikariza abakobwa n'abasore, gufata iya mbere bakajya mu gisirikare.

Gusa, abasaba ko bagomba kuba bafite ikinyabupfura.

Ati ' Ugomba kuba ufite ikinyabupfura, ukubaha umukuru n'umuto, ugomba kuba ukunda igihugu cyawe, ukunda akazi ugiye gukora kandi ukishimiye.'

Usibye abasirikare b'u Rwanda bari mu butumwa bwa Loni, uburinzi muri Centrafrique bukorwa kandi n'abandi bari muri iki gihugu binyuze mu masezerano hagati y'ibihugu.

Ni amasezerano yatangiye gushyirwa mu bikorwa mu 2020 ubwo Centrafrique yari yugarijwe n'ibibazo by'umutekano muke mu bihe yiteguraga amatora ya Perezida wa Repubulika yabaye mu mpera z'uwo mwaka.

Kuva icyo gihe, izo ngabo zifatanyije n'iza Centrafrique, zabashije gukemura ikibazo cyari gihari, zinatangira urugendo rwo gutoza abasirikare ba Centrafrique. Ubu icyiciro cya gatatu cyasoje amasomo ku wa Gatanu tariki 7 Werurwe 2025, bahita binjizwa mu Ngabo za Centrafrique.

Pte Mushimiyimana Aline yinjira mu gifaru gikoreshwa n'Ingabo z'u Rwanda mu bikorwa byo gucunga umutekano muri Centrafrique

Pte Mushimiyimana Aline yinjiye mu gisirikare mu 2021

Kuva Ingabo z’u Rwanda zagera i Bangui, umutekano waragarutse

Mu Mujyi wa Bangui abaturage barakora bakageza mu masaha y'ijoro kuko baba bizeye umutekano wabo

Mu masaha y'ijoro usanga Ingabo z'u Rwanda zizenguruka hirya no hino zireba ko nta gihungabanya abaturage

Kubera imiterere y'Isi mu bihe byashize, imyuga myinshi yaharirwaga abagabo bigasa nk'itegeko ko ari bo ibereye, bagomba kuyikora bagashaka ibitunga umuryango; abagore bagafatwa nk'abo gukora uturimo two mu rugo, uruhare rwabo rukagarukira mu gukora isuku, kubyara no kurera abana.

N'ubwo ari imirimo nayo itoroshye isaba imbaraga nyinshi, yafatwaga nk'aho ntacyo ivuze, aho kugira ngo abagore babyubahirwe, ahubwo bagafatwa nk'aho badashoboye ndetse bagasuzugurwa.

Ni ibyo kwishimira ko iyi myumvire yagiye ihinduka, Isi iharanira guca ivangura rishingiye ku gitsina, hakurwaho guca urubanza ku bushobozi bw'umuntu hashingiwe ku gitsina bitewe n'imbaraga abagore ubwabo bagiye bagaragaza, bashimangira ko nabo bashoboye, bakuraho urukuta n'imyumvire yabazitiraga, bazamuka mu myanya y'imirimo ikomeye, bagaragaza umusaruro wabo aho bakorera mu nganda, mu nzego z'imirimo ya Leta n'ahandi.

Tariki ya 8 Werurwe buri mwaka, ni umunsi mpuzamahanga wahariwe umugore, wizihizwa Isi yose irushaho guharanira uburinganire n'ubwuzuzanye hagati yabo n'abagabo, mu ngeri zitandukanye z'imirimo kandi bagahabwa uburenganzira bungana.

Byatumye imirimo kera yahoze yiganjemo abagabo; kuri ubu ikorwa n'abagore, atari ubwitabire gusa ahubwo baba n'indashyikirwa mu kwihutisha iterambere ry'aho bakorera no guhanga udushya; ibimenyetso simusiga byerekana ko ubushobozi bw'umuntu butagomba gushingira ku gitsina.

No muri Polisi y'u Rwanda, ihame ry'uburinganire n'ubwuzuzanye ntiryasigajwe inyuma, ryakomeje gushingirwaho mu kwiyubaka, hongerwa umwaka ku wundi, umubare w'abapolisikazi mu mashami atandukanye agize uru rwego.
Kuva Polisi y'u Rwanda yashingwa mu 2000, mu bapolisi batarenga 3000 Polisi y'u Rwanda yatangiranye, umubare w'abapolisikazi wari ukiri muto cyane kuko wari munsi ya 1%.

Wagiye ukomeza kwiyongera uko iminsi igenda yicuma, nyuma y'imyaka 10 gusa, mu mwaka wa 2010 urazamuka ugera ku 10.3%, mu mwaka wa 2020 urenga gato 22%, uyu munsi bakaba bagera kuri 24%; kandi umubare uzakomeza kwiyongera.

Bakora akazi uko bisabwa nka basaza babo bagatanga umusaruro kandi ntibibuze n'abubatse kubahiriza inshingano zo kwita ku muryango nk'uko bigarukwaho na Assistant Inspector of Police (AIP) Penninah Kyalimpa, ukorera mu Ishami rishinzwe gucunga umutekano wo mu muhanda (Traffic & Road Safety).

Ati 'Nk'umugore w'umupolisikazi utwara moto yifashishwa mu gucunga umutekano wo mu muhanda, nterwa ishema n'akazi nkora, ngira uruhare mu gukumira impanuka ziwuberamo zigahitana ubuzima bw'abantu cyangwa zikangiza ibikorwaremezo. Akazi kacu kaba gapanze ku buryo bitambuza no kwita ku nshingano z'umuryango wanjye kandi ntihagire ikibangamira ikindi.'

AIP Penninah Kyalimpa avuga ko bakora akazi, bagatanga umusaruro nka basaza babo kandi ntibibabuze no kwita ku muryango

Ibi Penninah Kyalimpa abihuriyeho na PC Mukamuhoza Clarisse ukorera mu Ishami rishinzwe kurwanya inkongi n'ubutabazi (Fire & Rescue Brigade). Yishimira kuba abagore nabo barateye intambwe bakaba bagira uruhare mu gucungira abaturarwanda umutekano.

Ati 'Muri Polisi y'u Rwanda abagore ntitwasigaye inyuma mu gucunga umutekano. Bintera ishema kuba ngira uruhare mu gutabara abari mu kaga, baba abugarijwe n'inkongi cyangwa abaguye mu byobo n'ibisimu, tukabakuramo twifashishije ibikoresho byabugenewe.'

Yakomeje avuga ko akenshi akazi bakora bagakorera mu matsinda bigatuma buzuzanya na basaza babo, akazi kakarushaho kugenda neza.

PC Mukamuhoza Clarisse yishimira kuba barateye intambwe bakaba bagira uruhare mu gucungira abaturarwanda umutekano nk’abapolisikazi

Iterambere ry'Isi mu Ikoranabuhanga ryagiye rigendana n'impinduka mu miterere y'ibyaha, bisaba inzego z'umutekano kuvugurura imikorere hagamijwe guhangana n'ibiwuhungabanya byagiye birushaho kwiyongera.

Aya mavugurura ntiyakomye mu nkokora iterambere ry'uburinganire cyangwa ngo aheze ab'igitsinagore, kuko nabo bagaragaza ko bashoboye muri urwo rugamba.

Sergeant (SGT) Kanyana Justine, ukorera mu Ishami rya Polisi rishinzwe ikoranabuhanga (IT), abasha kugurutsa utudege tutagira abapilote (Drone) twifashishwa mu gushakisha amakuru, gukumira no guhangana n'ibyaha. Avuga ko abagore badakwiye guhezwa mu murimo uwo ari wo wose kuko bashoboye.

Ati 'Turi mu Isi y'ikoranabuhanga, natwe abapolisikazi twishimira ko ritadusize, ubu tugira uruhare mu gucunga umutekano dukoresheje drone, tukifashisha ubumenyi dufite mu guhangana n'ibyaha by'ikoranabuhanga.'

Sgt Kanyana Justine asanga abagore nabo bashoboye bakaba badakwiye guhezwa mu murimo uwo ari wo wose ukorwa n’abagabo

PC Uwimana Janvière na we ni umupolisikazi ukorera mu mutwe udasanzwe muri Polisi y'u Rwanda wo kurwanya iterabwoba (Counter-Terrorism Unit), wabihuguriwe ahabwa imyitozo. Avuga ko n'ubwo benshi bayifata nk'iy'abagabo gusa, nabo bayishobora.

Ati 'Nkorera akazi mu mutwe udasanzwe wo kurwanya iterabwoba muri Polisi y'u Rwanda. Nabigezeho nyuma yo guhabwa imyitozo abenshi bazi ko yagenewe abagabo gusa, ariko natwe turayishoboye. Icya mbere ni ukumva ubikunze, ugakurikiza ibyo abarimu batwigisha usanga bitagoranye cyane nk'uko abenshi babibona nk'ibidashoboka ku bagore.'

PC Uwimana Janvière yakebuye abafata akazi akora nk’agasaba imyitozo igenewe abagabo gusa, avuga ko abagore nabo bayishobora, bisaba gusa kumva ubikunze no gukurikiza inyigisho zitangwa

Corporal (CPL) Karangwa Chantal na we ukorera mu Kigo gishinzwe gusuzuma ubuziranenge bw'Ibinyabiziga (Auto vehicle Inspection), avuga ko bimutera ishema kuba agira uruhare mu gutuma ibinyabiziga bigenda ku butaka bw'u Rwanda biba byujuje ubuziranenge, kimwe mu birinda impanuka nyinshi zihitana ubuzima bw'abakoresha umuhanda.

Umuvugizi wa Polisi y'u Rwanda; ACP Boniface Rutikanga, yavuze ko uruhare rw'abagore muri Polisi y'u Rwanda rudashidikanywaho hadashingiwe ku mubare wabo gusa, ahubwo bafite n'ubushobozi bwagiye butuma bashyirwa no mu nzego zifata ibyemezo, bahabwa inshingano zo kuyobora.

Ati 'Uruhare rw'abagore mu gucunga umutekano ntirushidikanywaho hadashingiwe ku mubare gusa, bafite ubushobozi butuma bashyirwa no mu myanya ifata ibyemezo bikomeye, by'akarusho bakagira n'uruhare rwihariye mu gukemura amakimbirane, kurwanya ihohoterwa rishingiye ku gitsina n'irikorerwa abana.'

U Rwanda ni kimwe mu bihugu byohereza umubare munini w'abapolisikazi mu butumwa bw'Umuryango w'Abibumbye bwo kubungabunga amahoro hirya no hino ku isi.
Kongera umubare w'abapolisikazi bari mu butumwa bwo kubungabunga amahoro ni ikimenyetso kigaragaza ko haba mu gihugu imbere ndetse no mu mahanga himakajwe ihame ry'uburinganire n'uruhare rukomeye abagore bagira mu gukemura amakimbirane mu ruhando mpuzamahanga, bijyanye no gushyira mu bikorwa umwanzuro w'akanama k'Umuryango w'Abibumbye gashinzwe umutekano n'amasezerano ya Kigali yo kurinda abasivili mu bikorwa by'amahoro.

Umwanzuro wa 1325 w'akanama ka Loni gashinzwe umutekano, usaba inzego zose kongera umubare w'abagore mu gukemura amakimbirane, kubungabunga amahoro, kwimakaza ihame ry'uburinganire mu nzego zose za Loni zishinzwe kugarura amahoro n'umutekano.

Mu kurushaho kubishimangira; Polisi y' u Rwanda yashyizeho ishami rishinzwe guteza imbere uburinganire n'ubwuzazanye, hagamijwe gukora ubuvugizi ku bibazo bigendanye n'uburinganire, inama y'abagore iterana buri mwaka, n'ibindi bitandukanye bigamije gukemura ibibazo byagaragara bibangamiye ihame ry'uburinganire.

ACP Rutikanga yashimangiye ko Polisi izakomeza kwihatira kwimakaza ihame ry'uburinganire n'ubwuzuzanye, hakomeza kwinjizwa abagore benshi muri Polisi y' u Rwanda.

Yashimiye abapolisikazi bose aho bari uko bakomeje kwita ku nshingano zabo zo gucunga umutekano w'abantu n'ibyabo babikorana ubwitange, umurava n'ubunyamwuga, abifuriza hamwe n'abandi banyarwandakazi bose kugira umunsi mpuzamahanga wahariwe abagore mwiza.

Abagore 10 bahawe izi ngurube ni abasoje amahugurwa yo kwiteza imbere, yatanzwe na Love Gates Organization, umuryango udaharanira inyungu ugamije guteza imbere abaturage cyane cyane abagore. Batoranyijwe mu bagera kuri 412 bahuguwe muri rusange.

Umuyobozi w'ishami ry'ishoramari n'imibereho myiza muri Equity Bank Rwanda, Bamwine Loyce, yavuze ko batanze iyi nkunga kuko bashyira imbere ibijyanye no gufasha abagore.

Ati 'Ibihugu byose dukoreramo, Equity Bank yasobanukiwe ko intego yayo ya mbere atari ugutanga amafaranga gusa cyangwa guteza imbere ubukungu, ahubwo ko igomba kugira icyo ihindura mu gihugu n'akarere ikoreramo.''

Loyce yavuze ko Equity Bank Rwanda yatangije icyitwa 'social impact', nk'ishami rikorerwamo ibikorwa bitandukanye bihindura imibereho y'abari n'abategarugori ndetse n'urubyiruko.

Ati 'Muri iryo shami ni ho twatangiriye ubufatanye n'ibigo bitandukanye birimo na Love Gates Organization, ibigo n'inzego za Leta, abikorera n'imiryango itegamiye kuri leta, tugamije kureba icyo twahindura mu buzima bw'abatuye mu Karere ka Burera.''

Yavuze ko bishimiye isozwa ry'amahugurwa y'abagore bagera kuri 412 mu Murenge wa Rugarama mu Karere ka Burera, kandi ko bateganya guhugura abandi 4500 baturutse mu mirenge iherereye muri aka Karere, ariko ibikorwa bya Equity bikaba bizakomereza no mu tundi turere.

Bimwe mu bikorwa Equity Bank yashyizemo imbaraga birimo ubuhinzi n'ubworozi, aho yegera abadasobanukiwe byinshi ku ishoramari ikabahugura, bagasobanukirwa iteguramushinga no kwagura iterambere, bakigishwa kwizigamira, ndetse bagafashwa kubona inguzanyo.

Guverineri w'Intara y'Amajyaruguru, Mugabowagahunde Maurice, yabwiye abari n'abategarugori ko bakwiye kwizihiza Umunsi Mpuzamahanga wabo bazirikana ibyo bagezeho.

Ati 'Amahugurwa twabonye tuyabyaze umusaruro, hagaragare impinduka mu kwiteza imbere, n'abatabashije guhugurwa tuzabasangize ubwo bumenyi.''

'Ingurube ni itungo ryororoka vuba. Birasaba ko muzifata neza, uko uyifashe neza niko ikungukira ukoroza n'abandi. Ndifuza ko mu gihe cya vuba mwakoroza bagenzi banyu.''

Guverineri Mugabowagahunde yashimye Equity Bank n'umuryango Love Gates, batekereje guhugura abaturage no kuboroza ingurube, kuko biri mu cyerekezo cy'Igihugu cyo kubavana mu bukene.

Umuvugizi wa Love Gates Organization yatanze aya mahugurwa, Bahufite Eduard, yavuze ko 'Uyu ni umuryango ukorana na RDB mu kubyaza umusaruro amafaranga ava mu bukerarugendo, no kuzamura imibereho myiza y'abaturage cyane cyane abagore n'urubyiruko. Iyi gahunda yatangiye mu mwaka w'ingengo y'imari wa 2022/2023 kugeza uyu munsi dukorana n'abarimo Equity Bank'.

Equity Bank Rwanda yateguye iki gikorwa mu gushyigikira abagore

Equity Bank Rwanda yoroje abagore batishoboye ingurube

Guverineri Mugabowagahunde yashimye Equity Bank n'umuryango Love Gates, batekereje guhugura abaturage no kuboroza ingurube

Bahufite Eduard ukorera umuryango Love Gates yashimiye Equity Bank Rwanda bakorana by hafi

Umuyobozi w'ishami ry'ishoramari n'imibereho myiza muri Equity Bank Rwanda, Bamwine Loyce, yavuze ko batanze iyi nkunga kuko bashyira imbere ibijyanye no gufasha abagore

Iyo ingengabihe ya shampiyona y’u Rwanda igisohoka, kimwe mu bintu benshi bahita bareba ni umunsi Rayon Sports izakiniraho na APR FC. Uyu mukino wamaze gufata amarangamutima y’Abanyarwanda dore ko usanga n’udasanzwe akurikirana ibijyanye n’umupira w’amaguru aba abaza ngo uzakinwa ryari. 

Iyo wabaye ntawe uryama, umufana utsinzwe ashobora no kuburara, umutoza utsinzwe ashobora no kwirukanwa, umukinnyi utsinze bishobora kumuhindurira ubuzima, umufana utsinze biba bimurutira igikombe,….

Uyu mukino uba utegerejwe n’abenshi uri kuri iki Cyumweru Saa Cyenda muri Stade Amahoro. Ni umukino wo ku munsi wa 20 wa shampiyona y’u Rwanda.

Kuri iyi nshuro aya makipe yombi agiye guhura asa nk’aho ari mu bihe bimwe nubwo imwe isa nk’aho iri hejuru y’indi gato. 

Rayon Sports imaze iminsi iri mu bihe bitari byiza kubera ko mu mu mikino itanu iheruka ya shampiyona ifitemo intsinzi imwe gusa.

Yatsinzwe na Mukura VS,inganya na Musanze FC, itsinda Kiyovu Sports,inganya n’Amagaju FC inangana na Gasogi United.

Bivuze ko mu manota 15 yashobokaga yabonyemo amanota 6 gusa ibyanatumye yararushaga mukeba wayo amanota 5 none kuri ubu hakaba harimo amanota 2 gusa.  

Ni mu gihe APR FC yo isa naho iri mu bihe byiza kubera ko mu mikino itanu iheruka ya shampiyona yatsinzemo ine,itsindwa umwe.

Bivuze ko mu manota 15 yashobokaga yabonyemo 13 bikaba byaranatumye igabanya ikinyuranyo cy’amanota yarushwaga na Rayon Sports aho kuri ubu hasigayemo ikinyuranyo cy’amanota 2 Kandi mbere hari harimo 5.

Yatsinze Kiyovu Sports 2-1,itsinda AS Kigali 2-1,itsindwa na Mukura VS 1-0 naho itsinda Police FC 3-1.

Ubwo aya makipe yombi yaherukaga guhura mu mukino ubanza wa shampiyona yanganyije 0-0 muri Stade Amahoro imbere y’abafana barenga ibihumbi 45.

Inkomoko yo guhangana hagati y'amakipe yombi:

Ubwo Jenoside yakorewe Abatutsi mu 1994 yari ihagaritswe n’Ingabo za RPA, aya makipe yombi ni yo yahise yigaragaza nk'akomeye kurusha andi mu Rwanda, dore ko kwiyubaka kwa Kiyovu Sports byagoranye.

APR FC nk'ikipe ya Gisirikare ntiyiyumvishaga uburyo yatsindwa n'ikipe y'abasivili mu gihe na Rayon Sports yari ikunzwe n'Abanyarwanda batagira ingano, itiyumvishaga uburyo yatsindwa n'ikipe yari ishinzwe vuba.

Byarangiye zibaye abakeba b'ibihe byose, Kiyovu Sports yahanganaga na Rayon Sports mbere ya Jenoside yakorewe Abatutsi, iba ivuyemo gutyo, nubwo ubu imaze imyaka itatu yerekana ko yagarutse.

Usibye ibi kandi aya makipe niyo ahanganira ibikombe bikinirwa mu Rwanda dore ko mu myaka 30 ishize, hanyuzemo ikipe imwe gusa akaba ariyo itwara igikombe cya shampiyona naho ibindi byose akaba ari APR na Rayon Sports yagiye abyiharira.

Guhangana ku makipe yombi, si ubuhanga bwo mu kibuga gusa kuko n'ak'abafana katiburira, yewe akenshi usanga baba bakaniye umukino kurusha abakinnyi, aba Rayon Sports bita APR FC 'igikona' n'aba APR FC bita Rayon Sports 'Gasenyi'.

Ubwo umukino wahuje amakipe yombi muri Mata 2019 wari urangiye, abafana b'impande zombi barahanganye, baterana amacupa n'ibindi bari bafite, ibi byaviriyemo amakipe yabo guhanwa na FERWAFA.

Imibare wamenya mbere yuko Rayon Sports icakirana na APR FC mu mukino w’i 104

Kuva APR FC yashingwa ifite ibikombe 22 bya Shampiyona naho Rayon Sports yashingiwe i Nyanza mu myaka 58 ishize, ifite ibikombe icyenda bya shampiyona.

Ikipe y'Ingabo imaze kwegukana Igikombe cy'Amahoro inshuro 14 mu gihe Rayon Sports igishaka ku nshuro ya 10.

Umwaka wa 2017, ni wo wonyine aya makipe yabashije guhuramo inshuro nyinshi, dore ko yahuye inshuro eshanu mu marushanwa atandukanye, ibintu bitigeze bibaho mu mateka y'aya makipe yombi bikunda kuvugwa ko ahuzwa na Leta (ntashobora gukina umukino wa gishuti yiteguriye yo ubwayo).

Muri rusange kuva mu 1995, ufashe imikino ya shampiyona ukongeraho n'andi marushanwa izi kipe zagiye zihuriramo n'imikino ya gishuti n'ubwo itabaye inshuro nyinshi, usanga Rayon Sports na APR FC zimaze guhura inshuro 104.

Muri izo nshuro zose hamwe APR FC niyo imaze gutsinda inshuro nyinshi aho imaze gutsinda inshuro 44, Rayon Sports ikaba yaratsinzemo inshuro 33 naho bakaba barangajyije inshuro 27. 

Muri iyo mikino 104 habonetsemo ibitego 263, harimo 126 ku ruhande rwa Rayon Sports n'ibitego 137 ku ruhande rwa APR FC.

Umukino uheruka guhuza aya makipe warangiye ari 0-0

Imikino yahuje Rayon Sports na APR FC itazibagirana

Umukino wa mbere utazibagirana ni uwakinwe tariki ya 03 Ugushyingo 1996 i Nyamirambo, ku mukino wa nyuma w'igikombe cyari cyateguwe n'iyahoze ari Kaminuza Nkuru y'u Rwanda (UNR), mu rwego rwo gukusanya inkunga yo gusana ibyari byangijwe n'inkongi muri iyi Kaminuza, Rayon Sports yanyagiye APR FC ibitego 5-2.

Yongeye kuyisubira tariki ya 26 Ukwakira 1997 i Remera kuri Stade Amahoro ku mukino wo kuyishyikiriza igikombe cya Shampiyona yari imaze kwegukana uwo mwaka, aho na none Rayon Sports yongeye gutsinda APR FC ibitego 5-2.

Mu 2011-2012, mu gikombe cy'Amahoro, APR FC yatsinze Rayon Sports ibitego 3-1 muri ½. APR FC yatsindiwe na Lionel Saint Preux, Kabange Twite na Papy Faty. Impozamarira ya Rayon Sports yatsinzwe na Hamiss Cédric.

Mu 2012-2013, APR FC yatangiye umwaka w'imikino itwara igikombe cy'isabukuru y'imyaka 25 ya FPR, itsinze ku mukino wa nyuma Rayon Sports ibitego 3-1. Ibitego byose byatsinzwe mu gice cya kabiri na Ruhinda Farouk (Sssentongo), watsinze bibiri n'aho ikindi gitsindwa na Cyubahiro Jacques. Hategekimana Aphrodis 'Kanombe' yatsindiye Rayon Sports impozamarira.

Mu mukino wa shampiyona wo kwishyura, wabaye tariki ya 9 Werurwe 2013, Rayon Sports yanyagiye APR FC ibitego 4-0 bitsinzwe na Hategekimana Aphrodis 'Kanombe', Hamisi Cédric na Kambale Salita Gentil 'Papy Kamanzi' watsinzemo ibitego bibiri.

Mu 2015 APR FC yanyagiye Rayon Sports 4-0 ndetse no mu 2016 naho muri 2016 Rayon Sports inyagira APR FC 4-0. Mu 2017, amakipe yombi yahuriye mu mukino wa Super Cup wakinwe iminsi ibiri itandukanye. 

Iminota 63 ya mbere y'umukino yabereye i Rubavu, Rayon Sports itsinda 2-0 amatara yo kuri Stade Umuganda ahita azima. Indi minota 27 yakiniwe i Nyamirambo nyuma y'iminsi itanu, tariki ya 27 Nzeli, irangira nta kindi gitego kibonetse mu mukino, Gikundiro itwara igikombe.

Ubwo Rayon Sports yari imaze gutsinda APR FC igitego 1-0 mu mukino wahuje amakipe yombi muri Mata 2019, abafana b'impande zombi barahanganye ndetse izi mvururu zatumye amakipe yabo ahanwa na FERWAFA.

Gutsindwa na APR FC ibitego 2-0 mu Ukuboza 2019, byirukanishije umunya-Mexique Javier Martinez Espinoza watozaga Rayon Sports hashize iminsi itatu gusa umukino ubaye mu gihe Umunye-Congo Guy Bukasa yasezeye ku kazi nyuma yo gutsindwa na APR FC igitego 1-0 muri Kamena 2021.

Umurundi Masudi Djuma yirukanywe na Rayon Sports mu Ukuboza 2021 nyuma y'iminsi mike atsinzwe imikino yahuyemo na Kiyovu Sports ndetse na APR FC naho Umunya-Portugal Jorge Paixão ntiyongererwa amasezerano nyuma yo gusezererwa na APR FC muri ½ cy'Igikombe cy'Amahoro cya 2022.

Amazina atazibagirana muri uyu mukino

Jimmy Gatete wabashije gukinira aya makipe yombi, ni we ufite agahigo ko gutsinda ibitego byinshi mu mukino uhuza aya makipe, dore ko buri kipe yayitsindiye ibitego bine mu mikino itandukanye.

Sina Jérôme ari mu bakinnyi babashije gutsindira ikipe imwe ibitego byinshi muri uyu mukino, kuko afite bitandatu mu gihe Masudi Djuma watoje Rayon Sports na AS Kigali, ari we wabashije gutsindira APR FC ibitego byinshi, bigera kuri bitanu, anganya na Issa Bigirimana.

Kuva aya makipe yombi atangiye guhura, Davis Kasirye ukomoka muri Uganda, ni we wabashije gutsinda ibitego bitatu mu mukino umwe mu gihe abakinnyi barimo Sina Jérôme, Bokota Labama, Lionnel St Pleux, Ruhinda Farouk, Bokungu Ndjoli, Kambale Salita Gentil, Hakizimana Muhadjiri n'abandi bagiye batsindamo ibitego bibiri ku mukino.

Raoul Shungu ukomoka muri Repubulika Iharanira Demokarasi ya Congo ni we mutoza watsinze imikino myinshi yahuje aba bakeba kuko mu myaka itandukanye yatoje Rayon Sports yatsinze imikino irindwi atsindwa ine, anganya itanu muri 16 yatoje ahanganye na APR FC.

Davis Kasirye ni we mukinnyi rukumbi watsinze ibitego bitatu muri uyu mukino w’abakeba

Sina Jerôme ni we umukinnyi watsinze ibitego byinshi (bitandatu) mu mateka y’umukino uhuza APR FC na Rayon Sports

Jimmy Gatate (uri imbere) ni we washoboye gutsindira amakipe yombi mu mikino yabahuje

APR FC na Rayon Sports ziracakirana kuri iki Cyumweru