Category: Uncategorized

Yabigarutseho mu gikorwa kigamije gutoza urubyiruko kuba abayobozi beza b'ejo hazaza ndetse no guhanga udushya cyabaye kuri uyu wa 8 Werurwe 2025.

Minisitiri Ingabire Paula yerekanye ko mu gihe himakazwa ikoreshwa ry'ikoranabuhanga, urubyiruko rukwiye kubyaza umusaruro amahirwe rushyirirwaho ndetse no guharanira kuba abayobozi beza b'ejo hazaza.

Ati 'Buri gihe iyo nganira n'urubyiruko mbabwira ku bijyanye no kuyobora. Ntabwo ari ukuba uri minisitiri, umuyozi mukuru w'ikigo runaka cyangwa undi mwanya, ahubwo kuyobora birebana n'impinduka ushobora kuzana utitaye ku mwanya runaka.'

Yakomeje ati 'Kuyobora ntibisaba kuba ufite umwanya runaka, ahubwo no mu byo ukora byose uba ukwiye kuba umuyobozi mwiza. Mu bushobozi bwawe aho waba uri hose ushobora kuba umuyobozi mwiza. Ahubwo ikibazo ni ese uri gukora iki? Ushobora kwibaza ngo ni izihe mbinduka ndi kugiramo uruhare? Icyo ni cyo kizakugira umuyobozi.'

Yarusabye kandi kubyaza umusaruro amahirwe rufite yo kuba harimakajwe ikoreshwa ry'ikoranabuhanga, rugaharanira kuzana impinduka no guhanga udushya.

Ati 'Mpora nsaba abato ko igihe bamara bakoresha telefoni ku mbuga nkoranyambaga bakwiye kujya bibaza uwo mwanya niba koko bari kuwukoresha uko bikwiye, biri kububakira ubushobozi mu iterambere ryabo, kunguka ubumenyi cyangwa bishobora kubafasha kuzana impinduka muri sosiyete.'

Yasabye urwo rubyiruko kandi gutinyuka no gukomeza guharanira kunguka ubumenyi mu byo rukora umunsi ku wundi.

Umuyobozi w'Ishami ry'Ikoranabuhanga mu Rugaga rw'Abikorera, Ntare Alex, yagaragarije uru rubyiruko ko hari amahirwe menshi yashyizweho mu ikoreshwa ry'ikoranabuhanga.

Yagaragaje ko kuri ubu hari umushinga uzwi nka 'One million coders' ugamije gufasha abantu kwiga ibirebana n'ikoranabuhanga, Hanga hubs zigamije gufasha urubyiruko kunoza imishinga mu turere dutandukanye ndetse n'ibindi, abasaba guharanira kubibyaza umusaruro.

Guverineri Wungirije mu Karere ka 9150 muri Rotary ari na ko u Rwanda ruherereyemo, Carole Karema, yemeje ko muri uwo muryango baharanira gufasha urubyiruko.

Ati 'Urubyiruko ni rwo ahazaza ha Rotary y'ejo, uyu munsi ni byo ikoranabuhanga ryaraje, ariko dutangiye kubona ko riri kubatwara mu bindi bintu ariko turi kureba uko twakora ngo ribafashe kwiyubaka, kwiga, guhanga udushya no kuyobora neza.'

Umuyobozi Mukuru wa Kepler College, Nathalie Munyampenda, yashimangiye ko urubyiruko rukwiye kugira uruhare mu gutegura ahazaza harwo, ndetse no guharanira kunguka ubumenyi buzarufasha mu bihe bizaza.

Minisitiri Ingabire Paula yasabye urubyiruko gutinyuka no guharanira guhanga udushya

Guverineri Wungirije mu Karere ka 9150 muri Rotary ari na ko u Rwanda ruherereyemo, Carole Karema, yemeje ko muri uwo muryango baharanira gufasha urubyiruko

Umuyobozi Mukuru wa Kepler College, Nathalie Munyampenda, yasabye urubyiruko guharanira kwigira

Urubyiruko rwasabwe kubyaza umusaruro amahirwe rushyirirwaho

Iki gikorwa cyitabiriwe n’abantu batandukanye barimo n’abo mu nzego zinyuranye

Amafoto: Nzayisingiza Fidèle

Ibyo babimuritse ku wa 07 Werurwe 2024 ku munsi ngarukamwaka wiswe 'Open Day' aho ababyeyi babo n'abandi babishaka baza mu kigo kureba ibikorwa bishingiye ku mpano abanyeshuri babangikanya n'amasomo ndetse n'ibindi bijyanye no gushyira mu ngiro ibyo biga.

Umunyeshuri witwa Isaro Kayitare Omella wiga mu mwaka wa gatanu Imibare, Mudasobwa n'Ubukungu (MCE) yerekanye uburyo bw'ikoranabuhanga yubatse bufasha kugura amatike.

Yagize ati 'Nubatse ikoranabuhanga rifasha abantu kugura amatike ya bisi batavuye aho bari. Usanga ubusanzwe iyo umuntu akeneye nka tike ijya mu ntara amara akanya ategereje imodoka agapfusha igihe ubusa kandi yakahageze igihe cyo kugenda kigeze.'

Undi munyeshuri witwa Mucyo Sangwa Billy we na bagenzi be bubatse ikoranabuhanga ryafasha abagana ibigo bitanga ubwishingizi kubihuza n'abakiliya bakabasha gutanga ubusabe bwabo no gukurikirana aho bugeze batavuye aho bari, bityo bakabasha kuzigama umwanya n'amafaranga.

Hari kandi abamuritse imishinga yo kubaka za robots bavuga ko bateganya kubikomeza nyuma yo gusoza amasoko.

Umwe muri bo witwa Nkurunziza David wiga mu mwaka wa gatanu yagize ati 'Kubaka robots bidufasha kumenya mudasobwa neza kuko tuba dushyira mu bikorwa ibyo twiga nka coding. Byadufashije no kwitabira amarushanwa yo kumurika robots tuba aba kabiri ku rwego rw'Umujyi wa Kigali kandi mu myaka nk'itanu iri imbere tuzaba tugeze ku rwego rwo kubaka robots nini.'

Umuyobozi Mukuru wa APACOPE, Indere Serge yavuze ko icyo gikorwa kigamije guhuza ibyo abanyeshuri biga mu ishuri n'ibyo bashobora gukora bageze mu buzima busanzwe, haba ibijyanye n'amasomo ariko n'izindi mpano zabagirira akamaro ku isoko ry'umurimo.

Yavavuze ko kandi bituma bagira ubumenyi mu buryo bwuzuye ndetse ko kuva mu myaka mu myaka 10 ishize bakora icyo gikorwa cyagiye kigirira benshi akamaro.

Ati 'Nk'imishinga y'ikoranabuhanga ibafasha cyane kurikoresha kuko bituma bafata bimwe biga bagatangira gukoramo imishinga hakiri kare kugira ngo nibasoza amashuri yisumbuye babe babizi. Nk'abakomeza muri kaminuza biraborohera cyane. Bibafasha kudahugira mu kubyumva gusa ahubwo bakabyikorera kandi bihuje na gahunda ya Leta yo gushyira mu ngiro ibyo abanyeshuri biga.'

Nshimiyimana Serge Garille ufite abana babiri biga muri APACOPE avuga ko ibyo babonye abana babo bashobora gukora bibaba ikizere ko uburezi bahabwa bufite ireme kandi ko byongerera amahirwe abana yo kubona ibyo gukora vuba bageze ku isoko ry'umurimo.

Umuyobozi Mukuru wa APACOPE, Indere Serge yavuze ko icyo gikorwa kigamije guhuza ibyo abanyeshuri biga mu ishuri n'ibyo bashobora gukora bageze mu buzima busanzwe

Nkurunziza David wiga mu mwaka wa gatanu yavuze ko kubaka robots bateganya kubikomeza nyuma y’amasomo

Mu byo abanyeshuri bo muri APACOPE bamuritse harimo n’ibijyanye n’umuco

Iki gikorwa cyo kumurika impano APACOPE igikora buri mwaka

Abana bato na bo bitabira iki gikorwa cyo kumurika impano muri APACOPE

Harimo n’abanyeshuri bakora isabune

Abafite umushinga wo kubaka robots bavuga ko bazawukomeza bakabikora nk’akazi

Aba bubatse ikoranabuhanga ryatangirwaho serivise z’ubwishingizi

Aba bana berekanaga uburyo bazi kuboha umusambi

Ababyeyi bishimira ko abana babo bahabwa uburezi bufite ireme

Byagarutsweho na Guverineri Wungirije muri Rotary mu Karere ka 9150 ari na ko u Rwanda ruherereyemo, Carole Karema, wemeje ko uwo muryango ugira uruhare rukomeye mu gufasha mu iterambere ry'imibereho myiza y'abaturage.

Ati 'Rotary yo mu Rwanda igiye kuzuza imyaka 60, ubu dufite abanyamuryango 550 ariko ntabwo bihagije, dukeneye kwiyongera kuko hari aho usanga ibihugu bifite abanyamuryango barenga 5000.'

Yakomeje ati 'Urebye imishinga tujya dukora mu nzego zitandukanye usanga kuri ubu tumaze gukora imishinga y'arenga miliyoni 10$. Uba usanga abanyamuryango bacu bafite inararibonye mu bintu bitandukanye, twishyira hamwe tugatekereza ibibazo dufite muri sosiyete dushaka ibisubizo bidufasha kubikemura.'

Yemeje ko Rotary itanga urubuga ku bantu bakenera gushakira hamwe ibisubizo ku bibazo byugarije sosiyete muri rusange kandi ko biri no mu ntego zayo.

Ati 'Kuri ubu ubuyobozi bwacu budusaba kwishakamo ibisubizo, Rotary ni urubuga rufasha abantu gushakisha ibisubizo ku bibazo tubona muri sosiyete tubarizwamo.'

Uretse ibyo bikorwa kandi yagaragaje ko urubyiruko rufashwa kunguka ubumenyi mu birebana n'imiyoborere hagamijwe kurutoza, cyane ko ari rwo shingiro rya Rotary y'ejo hazaza.

Ati 'Urubyiruko ni rwo ahazaza ha Rotary y'ejo, uyu munsi ni byo ikoranabuhanga ryaraje, ariko dutangiye kubona ko riri kubatwara mu bindi bintu ariko turi kureba uko twakora ngo ribafashe kwiyubaka, kwiga, guhanga udushya no kuyobora neza.'

Yagaragaje ko Rotary Club mu Rwanda igira uruhare mu bikorwa bitandukanye birimo kugeza amazi meza ku baturage, ubuzima, isuku n'isukura, uburezi, kuzamura imibereho y'abaturage ndetse no kubakira ubushobozi abagore n'abakobwa.

Rotary y'u Rwanda igizwe na Rotary Clubs zibarizwamo abantu bakuru, Rotaract Clubs zibarizwamo abiga muri Kaminuza ndetse na Interact Clubs zibarizwamo abiga mu mashuri yisumbuye.

Kuri uyu wa 8 Werurwe 2025, Rotary yungutse izindi Clubs ebyiri za rotaract Clubs ari zo Rotoract Kepler College ndetse na Rotaract East African College.

Mu rwego rwo gushyigikira abakiri bato buri mwaka, Rotary itegura gahunda yo kwigisha abato no kubatoza kuvamo abayobozi beza b'ejo hazaza aho hahurizwa hamwe abarenga 500.

Kuri iyi nshuro hari hateranyijwe abarenga 800 bigishwa uburyo bwo guharanira kuvamo abayobozi beza b'ejo hazaza ndetse no guhanga udushya.

Hanahembwe kandi abanyamuryango ba Rotaract na Interact bagize uruhare mu bikorwa bihindura imibereho y'abandi.

Mu bahembwe harimo abakoze imishinga inyuranye ndetse n'abagiye bagira uruhare mu kwinjiza abanyamuryango benshi.

Umunyeshuri wiga muri Kagarama Secondary School, Atete Gretta Ame, yashimangiye ko guhabwa ishimwe bibatera imbaraga, yemeza ko yinjiye muri uwo muryango mu rwego rwo kugira uruhare mu guhindura ubuzima bw'abaturage.

Ati 'Ntabwo nari nakabonye ahantu bakwigisha ubumuntu, ngo bakubwire ko ukwiye no kureba ku bandi. Mu ishuri uriga ugamije gutsinda ngo usohoke ubone amafaranga, ariko inyuma cyangwa hanze hari abandi uba ukwiye gutekerezaho. Ibyo rero ni byo byankuruye kwinjiramo.'

Lorena Kessy Waihiga Mwangi, yashimangiye ko ishimwe bahawe ryabateye imbaraga kandi risobanuye ko ibyo bakora bigaragarira buri wese, bityo ko bagiye gukomerezaho.

Yavuze ko abakiri bato bakwiye kurangwa n'indangagaciro nziza zigamije iterambere muri rusange no kwiyumvamo ko bashobora kugira impinduka nziza kuri sosiyete.

Abahawe ishimwe ku bwo gukora ibikorwa by’indashyikirwa

Abanyeshuri babarizwa muri Interact Clubs bashimiwe

Abahize abandi mu gukora ibikorwa byiza bashimiwe

Umuyobozi wa Britam Insurance Company Rwanda Ltd, Andrew Kulayige, aganiriza urubyiruko

Lorena Kessy Waihiga Mwangi, yagaragaje ko guhabwa ibihembo bibubakira icyizere

Banki ya Kigali ni umufatanyabikorwa ukomeye wayo

Umuyobozi wa Britam Insurance Company Rwanda Ltd, Andrew Kulayige ni umwe mu bayoboye ibi birori

Hatangijwe na Rotaract Club yo muri Kaminuza ya East African

Byagaragajwe ko gutoza urubyiruko rukiri ruto birufasha kurutegura

Hatangijwe Rotaract Club Kepler College

Umuyobozi Mukuru wa Kepler College, Munyampenda Nathalie, yasabye urubyiruko kurushaho kunoza ibyo rukora

Urubyiruko rwari rwitabiriye ari rwinshi

Guverineri Wungirije muri Rotary mu Karere ka 9150 ari na ko u Rwanda ruherereyemo, Carole Karema, ashimira Munyampenda Nathalie

Abaganirije urubyiruko babasabye gukomeza gukoresha ikoranabuhanga mu buryo buboneye

Guverineri Wungirije muri Rotary mu Karere ka 9150 ari na ko u Rwanda ruherereyemo, Carole Karema, yavuze ko hamaze gutangwa arengwa miliyoni 10$

Guverineri Wungirije muri Rotary mu Karere ka 9150 ari na ko u Rwanda ruherereyemo, Carole Karema, ashimira Minisitiri Ingabire Paula

Amafoto: Nzayisingiza Fidèle

Ni ibirori byizihirijwe ku mashami atandukanye ya COPEDU PLC, arimo iryo muri CHIC no mu isoko rya Nyarugenge.

Abakozi b'iki kigo cy'imari banasuye abagore bacururiza mu isoko ryo kwa Didi riri mu Murenge wa Niboye, mu Karere ka Kicukiro.

Umuyobozi wa COPEDU PLC, Ishami rya CHIC, Uwantege Donatha yavuze ko uyu munsi ari uw'agaciro ku mugore, kandi ko iki kigo cy'imari gihora giharanira icyateza imbere umutegarugori.

Ati 'COPEDU PLC yaje ireba umugore, ari yo mpamvu buri mwaka tudashobora kwibagirwa kwizihizanya uyu munsi, rero tumushyira imbere haba mu nguzanyo imworoheye, haba mu kubitsa no kwiteganyiriza aza ku isonga.'

Umwe mu bakiliya ba COPEDU PLC, Sekamonyo Marie Grace yashimiye iki kigo cy'imari kuba kibatekereza, kikabatumira, bagasangira kuri uyu munsi wabo.

Ati 'Kuba twarayobotse Banki ya COPEDU PLC si uko nta yandi ma banki ahari, ahubwo ni uko ari ho hantu horohera abagore ikadufasha kwiteza imbere mu buryo bworoshye.'

Ubwo Umuyobozi ushinzwe ubucuruzi muri COPEDU PLC, Uwingabire Solange, yari ari kwifatanya n'abagore bakorera mu isoko ryo kwa Didi, yasabye abagore gucuruzanya umurava ariko banimakaza umuco wo kuzigama kugira ngo bakomeze batere imbere.

Ati 'Uyu munsi rero turi aha nk'ikigo cy'imari kibashishikariza kuzigama kugira ngo ejo hazaza h'umugore hazabe heza cyane. Umuco wo kuzigama ni mwiza ariko ukazigama ahantu hafite umutekano, ugomba no guteganyiriza abagukomokaho ubitsa ahantu hizewe.'

Uwingabire yaneretse abagore inguzanyo COPEDU PLC yabateganyirijwe kugira ngo bakomeze kwiteza imbere yitwa 'Igire Mugore'.

Ni ubwoko bw'inguzanyo bwagenewe ba rwiyemezamirimo b'abagore bafite igishoro gito, badafite ingwate y'umutungo utimukanwa bakora imirimo ibyara inyungu.

Iyi nguzanyo itanga amafaranga ari hagati ya 500.000 Frw na 5.000.000 Frw ariko warabanje kwizigama 30% y'inguzanyo wasabye.

Mu myaka 28, COPEDU PLC imaze kugira uruhare rukomeye mu guteza imbere imishinga y'abagore, aho imaze gushora arenga miliyari 2 Frw mu mishinga yabo irenga 3000.

Kuri ubu, imigabane myinshi ya COPEDU PLC ifitwe n'abagore. Komite nyobozi yayo igizwe n'ubwiganze bw'abagore, ikagira amashami hirya no hino mu gihugu kandi menshi muri yo ayoborwa n'abagore.

Sekamonyo Marie Grace yashimiye uko Copedu Plc ibatekerezaho

Abagore bagaragarijwe ko bazirikanwa

Umuyobozi w’Ishami rya Copedu Plc ryo mu isoko rya Nyarugenge, Oscar Zigiranyirazo, yavuze ko bahora bazirikana abagore

Ibyishimo byari byose ku bakiliya ba Copedu Plc

Umuyobozi w’Ishami rya Copedu Plc muri CHIC, Uwantege Donatha, yashimangiye ko uyu munsi ari uw’agaciro

Uretse kubashimira banasangiye

Abakiliya ba Copedu Plc bishimiye kuzirikanwa

Ubwitabire bw’abakiliya ba Copedu Plc ku mashami yayo bwari bushimishije

Bagize umwanya uhagije wo gusabana nabo

Umunsi w’abagore wizihizwa mu byishimo byinshi, abantu bakanasabana

Iyi album nshya y'aba bahanzi izaba iriho indirimbo 10 izaba yitwa 'Vibranium'. Aba bahanzi nta byinshi baravuga kuri iyi album gusa amakuru ahari avuga ko yamaze kurangira ndetse ibihangano biyigize bikaba bizajya hanze mu minsi ya vuba.

Ni album yakorewe muri Kina Music ya Ishimwe Clement, aho aba bahanzi basanzwe bakorera byinshi mu bihangano byabo umunsi ku wundi.

Iyi Album izajya ku isoko tariki 16 Kamena 2025, ishyirwe ku mbuga zitandukanye z'umuziki, aho abantu bazabasha kuyumva mu bihe bitandukanye.

Ni ubwa mbere bombi bagiye gukorana album. Ariko si ubwa mbere bazaba bakoranye indirimbo kuko baririmbanye mu ndirimbo zirimo nka 'Yamotema', 'Ikofi' yanaririmbyemo Igor Mabano na Tom Close, 'Takalamo' n'izindi.

Uretse izi ndirimbo, Platini P na Nel Ngabo bafatanyije mu bitaramo bitandukanye, birimo icyo bakoze ku wa 31 Ukuboza 2020, ubwo binjizaga Abanyarwanda mu mwaka mushya wa 2021.

Nel Ngabo yanataramiye mu gitaramo cya Platini P cyiswe “Baba Xperience” mu 2024, aho baririmbanye indirimbo yabo “Ya Motema”. Baherutse no guhurira mu gitaramo cyafashije abakundana kwizihiza Umunsi wa 'Saint Valentin'.

Iki ni kimwe mu bikorwa byayo byo gukomeza kwizihiza isabukuru y'imyaka 50 iyi banki imaze itanga serivisi z'imari, aho yabijeje ko izakomeza kubaha serivisi nziza.

Ni ibirori byabaye ku mugoroba wo kuri wa 07 Werurwe 2025, aho ubuyobozi bwa BPR Bank Rwanda Plc n'abakozi bayo banifatanyije n'abaturage ba Nyagatare muri siporo rusange.

Iyi siporo rusange ya nijoro yahurije hamwe abagore batandukanye, abayobozi mu Karere n'abakiliya ba BPR Bank Rwanda Plc mu kwishimira uruhare rw'umugore mu guteza imbere umuryango nyarwanda.

Nyuma yo gukora siporo, iyi banki yasangiye n'abakiliya bayo biganjemo abagore.

Cheri Jennifer watangiye gukorana na BPR Bank Rwanda Plc mu 1998, yavuze ko iyi banki yamufashije kwiteza imbere, ayishimira uruhare rwayo mu guteza imbere abagore no mu kubafasha kwiyubaka mu buryo bugaragara.

Umuyobozi Mukuru wa BPR Bank Rwanda Plc, Patience Mutesi, yavuze ko iki gikorwa cyo gusabana n'abakiliya ari umwanya mwiza wo kungurana ibitekerezo ku kubakira umugore ubushobozi.

Ati 'Muri BPR Bank Rwanda Plc twishimiye gushinga imizi mu Ntara y'Iburasirazuba. Kwizihiriza umunsi Mpuzamahanga w'Abagore muri Nyagatare, mu gihe tunazirikana imyaka 50 tumaze, ni urwibutso rukomeye ku muhate wacu wo kubakira ubushobozi abagore no gushora imari muri sosiyete.'

Umuyobozi w'Akarere ka Nyagatare, Gasana Stephen, yagaragaje ko kwifatanya n'ubuyobozi bwa BPR Bank Rwanda Plc muri siporo ndetse no mu kwizihiza Umunsi Mpuzamahanga w'Umugore, bishimangira uruhare rw'iyi banki mu guteza imbere abagore.

Ati 'Turashima cyane BPR Bank ku ruhare rwayo ikomeje kugaragaza mu kubakira ubushobozi abagore bo mu Karere ka Nyagatare. Binyuze mu mishinga y'ingirakamaro, BPR Bank Rwanda Plc yagize uruhare ntagereranywa mu gufasha abagore mu miryango yacu. Tuzakomeza gukorana mu kurema amahirwe ku bagore.'

BPR Bank Rwanda Plc yatangiriye ahitwa i Nkamba mu Karere ka Kayonza mu 1975 ari koperative, ivamo iyahoze ari Banque Populaire du Rwanda ubu ikaba yarihuje KCB Bank Rwanda Plc.

Kuri ubu BPR Bank Rwanda Plc ivuga ko yiteguye gukomeza gushyigikira iterambere ry'abagore no guharanira ko bagera kuri serivisi z'imari mu buryo bworoshye ku bazifuza.

Abakozi ba BPR Bank Rwanda Plc n’ab’Akarere ka Nyagatare bifatanyije muri siporo rusange

Umuyobozi wa BPR Bank Rwanda Plc, Mutesi Patience

Umuyobozi w’Akarere ka Nyagatare, Gasana Stephen, yashimiye uruhare BPR Bank Rwanda Plc igira mu guteza imbere abagore bo muri Nyagatare

Umuyobozi Mukuru wa BPR Bank Rwanda Plc, Mutesi Patience, yasabye abagore gutinyuka bakagana iyi banki ikabafasha mu mishinga ibateza imbere

Abagore bo mu Karere ka Nyagatare bishimiye gusabana na BPR Bank Rwanda Plc

Abagore bo mu Karere ka Nyagatare bishimiye gusabana na BPR Bank Rwanda Plc

Umuyobozi Mukuru wa BPR Bank Rwanda Plc yitabiriye siporo ya nijoro mu Karere ka Nyagatare

Mu Rwanda, umugore afite umwanya w'ingenzi kandi udashidikanywaho. Ni isoko y'ubuzima, umutima w'umuryango, kandi ni icyitegererezo cy'imbaraga n'ubwenge.

Nubwo abagore batabonaga amahirwe angana n'ay'abagabo mu myaka ishize mu nzego zitandukanye, ubu abagore b'u Rwanda bagaragaza imbaraga n'agaciro mu nzego zose kubera ubuyobozi bwiza.

Bafite ubushobozi bwo guhindura Isi, gutanga ibisubizo byiza mu bibazo bikomeye, no kuba abaharanira imibereho myiza.

Kuba umugore ari uw'agaciro ntibivuze ko akwiye kubahwa gusa, ahubwo ni ukwerekana ko afite ubushobozi bwo kuyobora, guhanga udushya no guteza imbere igihugu.

Mu muryango, umugore ni we shingiro ry'umuco, uburere, ndetse n'urukundo. Ni we ushobora kuba umubyeyi w'intwari, umugore w'umugabo, ndetse akaba intangarugero mu guhanga imirimo ifite impinduka nziza ku iterambere ry'umuryango.

Ni ab'agaciro kuko benshi bafite imyumvire ikomeye baharanira kuzamura imibereho y'umuryango, aho bitanga umurimo wabo mu kurera abana neza, kubafasha kubona ubumenyi, ndetse no kubategura kuba abanyamuryango bafite ubushobozi mu muryango mugari.

Ntibibagirwa kuba intwari mu guhangana n'ibibazo byugarije imibereho yabo, ahubwo bakaba n'abahagarariye umuryango mu guhanga udushya, no gufasha gukemura ibibazo bibangamiye iterambere ryabo, bagaharanira kubaka ejo hazaza heza.

Abagore bafite imbaraga zo gukemura ibibazo bishingiye ku muco no ku bukungu, bitanga umusaruro mu mibereho ya buri munsi. Uwo ni umugore ushobora kuba intwari y'umuryango, akihangira imirimo no gutanga umusanzu mu kuzamura iterambere ry'ingo.

Mu buryo bw'umwihariko, umugore ni we uteza imbere uburere bw'abana, akabigisha indangagaciro z'ubumwe, urukundo, no kubaha. Iyo umugore afite agaciro mu muryango, byongera ubumwe, iterambere n'umutekano mu muryango muri rusange.

Mu kazi, umugore ni icyitegererezo cy'umurava. Abagore benshi bari mu nzego z'ubuyobozi, muri siyansi, ikoranabuhanga, mu burezi ndetse no mu bucuruzi. Uruhare rwabo mu guteza imbere igihugu ni ingenzi, kandi bahangana n'imbogamizi zose ziba zihanze imbere yabo mu buryo buhesha agaciro.

Igitekerezo cy'umugore ntigikwiye gufatwa nk'ikintu cyoroheje cyangwa kidafite agaciro, ahubwo ni intumbero y'iterambere rirambye.

Mu bikorwa by'iterambere, umugore ni we nyirabayazana mu nzego nyinshi: uburezi, ubuzima, ubuhinzi, ndetse no mu bwiza bw'ibidukikije. Igihe umugore ahawe amahirwe angana n'ay'abagabo, ubushobozi bwe bwo gutanga umusanzu w'ingenzi mu gutuma igihugu cyiyubaka burigaragaza.

Abagore bashoboye kuzamura imibereho y'abaturage, bakanatanga ibitekerezo byiza mu buryo bw'itumanaho, bityo bakaba abajyanama b'imiyoborere myiza.
Mu Rwanda, umugore yabaye igihagararo cy'ubutwari n'imbaraga mu mibereho y'igihugu.

Nyuma ya Jenoside yakorewe Abatutsi, abagore bari mu batumye habaho impinduka zikomeye mu muryango nyarwanda. Batangiye kugira uruhare mu kuganira ku mibereho myiza, ndetse bakaba abayobozi muri gahunda za politiki, ubukungu, n'imiyoborere.

Umugore yashoboye kuba ikiraro cy'ubumwe, agahindura amateka y'u Rwanda, kandi agafasha mu kubaka igihugu cy'imiryango yose.

Urugero rwiza rw'abagore b'intwari twamenye bamwe muri bo dusangamo Aloysia Inyumba, Godelieve Mukasarasi, Murebwayire Josephine n'abandi, babaye bamwe mu bagore ba mbere bafashije gukemura ibibazo by'umuryango nyarwanda nyuma ya Jenoside.

Abagore b'indashyikirwa nka we bagiye bagira uruhare mu kubaka igihugu, mu guharanira uburenganzira bwabo, ndetse no guhindura uburyo abantu batekereza ku buzima bw'abagore muri rusange.

Abagore benshi, nk'uko Nyirasafari yabikoze, bitanze mu nzego zitandukanye, batanga imbaraga mu kongera kubaka umuryango w'igihugu no guharanira ko inzego zose zibaha agaciro.

Kuva mu bihugu by'Isi yose kugeza mu Rwanda, umugore agomba kuba icyitegererezo cyo gukora neza, kugira ubuyobozi n'imbaraga.

Agaciro k'umugore si gusa ko agomba kubahwa mu muryango, ahubwo ni ukwerekana ko afite ubushobozi bwo gukora, guhanga udushya, gutanga ibitekerezo byiza, no gutuma ibintu bigenda neza.

Kuba umugore ari uw'agaciro ni igihamya cy'ubufatanye hagati y'abagore n'abagabo mu guharanira iterambere no kubaka imibereho myiza. Iyo umugore abashije kwitabwaho, akitabwaho n'abandi, igihugu cyose kigira amahoro, uburumbuke, n'ubumwe. Umugore ni isoko y'imbaraga, ubumenyi, n'ubwenge.

Mu rwego rwo gukomeza kugaragaza agaciro k'umugore, ni ngombwa ko twese dukomeza gushyira imbaraga mu guha abagore amahirwe angana n'ay'abagabo, kubongerera ubushobozi no kubashyigikira mu bikorwa by'iterambere.

Gushyira imbere agaciro k'umugore bisobanuye gushyiraho inzira nyinshi z'uburenganzira bw'umugore, kuzamura ubushobozi bwe, no kumufasha kugaragaza impano n'ubushobozi bwiza afitiye umuryango nyarwanda ndetse n'Isi yose ukamurinda ubuharike, kumuharira inshingano zo gutunga umuryango kuko imbaraga z'umwe zitera ingwingira ry'abana bawuvukamo cyane cyane iyo utishoboye.

Mu gusoza, umugore ni uw'agaciro, kandi agaciro ke kagomba kuba akarusho k'ubuzima bwose. Kugira ngo umugore abashe gukora ibikorwa byinshi byiza, dukeneye kumuha amahirwe, kumufasha kugera ku nzozi ze, no kumwereka ko afite agaciro k'umuntu wese.

Umugore ni isoko y'ubuzima n'iterambere. Umunsi w'Abagore ni umwanya wo kwizihiza intambwe abagore b'Abanyarwanda bagezeho, ariko kandi no kubasabira ibyiza kurushaho no kubarinda ihohoterwa, ubusumbane n'akarengane. Ni igihe cyo kwibuka ko abagore ari imbaraga z'ingenzi mu rugendo rw'iterambere ry'igihugu n'umuryango.

Reka nsoze nsiga umugore mvuga nti:

Umugore ni Uw'Agaciro
Umugore ni isoko y'amarangamutima,
Mu mutima we habamo imbaraga n'urukundo,
Agaciro ke kari mu byo atitayeho,
Ahara byose, ariko akagumana byose.
Imbaraga ze ntizishira, n'ubuzima bukarushaho kumurika,
Uwitwa umugore atanga ibyishimo, arwanya ubukene,
Abana bamwigiraho uburere n'ubuhanga,
Umufasha mu gukabya inzozi z'umugabo we,
Ni isoko y'agaciro, intwari y'ubuzima n'iterambere.

Arangwa n'umuhate n'imbaraga zidasaza,
Mu rugo, mu kazi, mu muryango,
Ni umugore, ni ishema, ni isoko y'iterambere.
Ndasiga umugore w'intwari ko ari uw'Agaciro kadacagata.
UMUNSI MWIZA W'UMUGORE

Beatrice Mukamuligo ni umusomyi wa IGIHE ukunze gutanga ibitekerezo ku ngingo zitandukanye

Mukagihana ari mu bagore bahinyuje benshi

Mukagihana Ernestine ni umwe mu bamaze imyaka 19 batwara bisi

AIP Peninah Kyarimpa ni we mugore rukumbi watwaye moto za Polisi muri Tour du Rwanda 2025

Cpl Ndahayo Lea, ni Umusirikare w'u Rwanda, uri mu butumwa bwo kubungabunga amahoro muri Sudani y'Epfo. Ari mu bagore batwara ibifaru.

Mukantwari Georgette amaze imyaka myinshi atwara ‘taxi voiture’ nk’akazi

Abari n’abategerugori bo mu Rwanda babarizwa mu nzego zitandukanye ndetse bakabikora neza

Umunsi Mpuzamahanga wahariwe Abari b’Abategarugori, ufasha mu kuzirikana intambwe imaze guterwa mu kububakira ubushobozi, no ku mbogamizi zigihari n’uburyo zakemurwa

Béatrice Dushimimana ni umukobwa w'imyaka 28 wo mu Karere ka Burera, watangiye inzira yo kwikorera binyuze mu buhinzi bw'ibirayi

Col Stella Uwineza ni umwe mu bagore bagaragaje ubushobozi buhambaye akaba ari mu nzego nkuru za gisirikare

Mukandayambaje ni umwe mu bakuye amaboko mu mifuka arakora, aba akoresha imashini ziremereye mu gucukura amabuye y’agaciro

Mu kiganiro yagiranye na IGIHE ubwo yari arangije imyitozo ya nyuma, Bwiza yavuze ko yishimiye bikomeye kuba agiye gukorera igitaramo cye mu Bubiligi.

Ati 'Abantu baje ni benshi nk'uko mwagiye mubibona, kubigeraho ni ibintu utafata nk'ibisanzwe kuko kugira ngo abantu bareke ibintu barimo bitabire igitaramo cyawe ni ibintu byo kwishimira.'

Bwiza ahamya ko binamusigira umukoro ku buryo ubutaha yazakora ibikorwa birenze ibyo yakoze.

Uyu muhanzi wakuze afana bikomeye The Ben, ahamya ko bidasanzwe kwisanga barakoranye indirimbo ndetse uyu munsi bakaba bagiye guhurira mu gitaramo kimwe.

Bwiza ategerejwe mu gitaramo cyo kumurika album ye ya kabiri '25 Shades' i Bruxelles ku wa 08 Werurwe 2025.

Byitezwe ko kigomba kwitabirwa n'abantu batandukanye barimo Juno Kizigenza, DJ Princess Flor, DJ Toxxyk, Lucky Nzeyimana, Ally Soudy n'abandi barimo n'umunyamakuru Ami Pro waturutse i Burundi.

Uretse aba bategerejwe kumufasha muri iki gitaramo abarimo Aline Gahongayire, Muyoboke Alex, David Bayingana, Tonzi n'abandi benshi bakoraniye i Bruxelles aho bagiye kumushyigikira.

Iyi album iri kugurwa n'abashaka kuyumva mbere, byitezwe ko izajya hanze ku wa 28 Werurwe 2025, kuri ubu akaba yamaze gusohora 'Hello' indirimbo iri kuri album ibanziriza uyu mushinga.

Tonzi, Lucky Nzeyimana na Ally Soudy mu bagiye gushyigikira Bwiza mu gitaramo cye i Bruxelles

Bwiza mu myitozo ya nyuma y’igitaramo agiye gukorera i Burayi

Bwiza,Tonzi na The Ben mu myitozo ya nyuma y’igitaramo

Tonzi ari kumwe na Natacha Haguma usanzwe ari umujyanama wa Aline Gahongayire uri gufasha Bwiza mu gitaramo cye

Ni umuganda rusange wabaye kuri uyu wa Gatandatu, aho Ingabo z'u Rwanda ziri mu butumwa bwa Loni cyane izikorera mu Mujyi wa Bangui zifatanyije n'abaturage mu bikorwa by'isuku.

Ni ingabo zifite ibirindiro hafi y'Ikibuga cy'Indege cya Bangui, M'poko, muri '5e arrondissement'. Ni zo zicunga umutekano w'Umujyi n'ibindi bikorwaremezo birimo n'Ikibuga cy'Indege.

Uyu muganda usigaye uba buri wa Gatandatu, ugamije kwinjiza mu baturage umuco wo kugira uruhare mu iterambere ry'igihugu, nk'imwe muri gahunda za Perezida wa Centrafrique, Faustin-Archange Touadéra.

Umuyobozi wa 5e arrondissement mu Mujyi wa Bangui, Alain Yemo, yatangaje ko ku itariki 10 Ukuboza 2022 aribwo iyi gahunda yatangijwe ariko ko mbere yaho, ku bufatanye bw'Ingabo z'u Rwanda umuganda wakorwaga.

Ati 'Mu bihe bigoye Komine yacu ya Bangui yanyuzemo, twari twatangiye gahunda y'Umuganda, mu myaka ya 2016, ubwo ibintu byari bigoye, dufatanyije n'inshuti zacu z'Abanyarwanda zari mu kigo kiri muri 5e arrondissement, twatangije umuganda mu 2015-2016, gusa ntabwo byamaze igihe kubera umutekano muke wari uhari. Ariko twari twatangiye.'

Yakomeje avuga ko Perezida Touadéra yaje kubishyira mu bigomba kwitabwaho, mu gusukura umujyi, kurwanya isuri n'indwara zinyuranye. Ni gahunda imaze gutanga umusaruro ufatika.

Ati ' Hari indwara nyinshi ziterwa n'umwanda, hari isuri, ibidendezi by'amazi, ni gute birwanywa. Turi munsi y'umusozi, amazi yose avuye hejuru ku musozi yangiza byinshi, amasoko, inzira z'amazi n'amazi asanzwe akoreshwa, byose bigatera indwara nyinshi. Kuva twatangira rero, hari impinduka kandi zafashije abaturage ba Centrafrique.'

Yashimiye abasirikare b'u Rwanda ku bufasha badahwema gusa abaturage, avuga ko ari igikorwa cyiza cy'ubushuti.

Ati 'Abasirikare b'u Rwanda ni inshuti zacu za buri munsi, ntabwo ari abafatanyabikorwa, ni inshuti . niba uzi igisobabanuro cy'inshuti, inshuti ni iyo mubana mu byishimo n'ibibi. Ingabo z'u Rwanda zaradufashije cyane, dukeneye kwigira ku bunararibonye bwabo.'

Umuturage witwa Yombo Jean Marie we yagize ati ' Kuri njye biranshimisha kubona ko abanyamahanga bari mu gihugu cyacu, bakora akazi neza kurusha n'abaturage ba Centrafrique, bafite igihugu cyabo ari bagize umuhate wo kudufasha, mu gusukura, mu gukemura ibitagenda neza n'ibindi.'

Umuganda uba muri Centrafrique ni kimwe mu bikorwa Ingabo z'u Rwanda zifashisha mu kwisanisha n'abaturage aho ziba hose mu butumwa, ku buryo bifasha mu gukemura ibibazo bibangamiye umutekano.

Byagarutsweho kuri uyu wa Gatanu tariki ya 7 Werurwe 2025, ubwo bizihizaga umunsi Mpuzamahanga w'Umugore bahaye insanganyamatsiko igira iti 'Arashoboye'.

Umuyobozi Mukuru Ushinzwe Ibikorwa muri Banki ya Kigali, Rose Ngabire, yagaragaje ko bahisemo kwizihiza uwo munsi mu rwego rwo kuzirikana uruhare rwabo mu kuyiteza imbere.

Ati 'Turizihiza umugore ushoboye, kwa kwihangana, gukora yitanze cyane kandi tukizihiza abagore bose ku Isi ariko cyane cyane abo muri BK kuko baritanga, bagakora amasaha menshi ndetse banafite akazi kenshi no mu ngo zabo nko kwita ku muryango.'

'Turavuga duti iyi banki kugira ngo ikomeze kuba iya mbere ni uko abagore bitanga kandi bakaba bari imbere. Uyu munsi rero ni ukwishimira ibyo tugezeho nk'abagore n'ibindi bikorwa tugomba guteza imbere.'

Yavuze ko abagore bagira uruhare rukomeye mu iterambere rya banki ya Kigali, yemeza kandi ko nayo izakomeza guherekeza abagore mu iterambere.

Ati 'Nka Banki ya Kigali tumaze gukora byinshi mu guteza imbere umugore mu gihugu. Ntabwo duteza imbere umugore w'umukozi wa banki gusa ahubwo n'uw'umukiliya. Umugore ushaka gushora imari, gucuruza, tubafitiye gahunda zinyuranye zigamije guteza imbere ubucuruzi bwabo by'umwihariko, harimo n'inguzanyo idasaba ingwate nka Kataza na BK n'izindi.'

Yagaragaje ko kuri ubu umugore ashobora guhabwa inguzanyo y'agera kuri miliyoni 50 Frw muri BK nta ngwate yatswe.

Yasabye kandi abagore gukomeza gutinyuka no gukora cyane bagamije kugera ku iterambere ryabo n'iry'igihugu muri rusange.

Ati 'Umugore aho ari hose yigirire icyizere, amenye ko ashoboye ari mu mashuri, ari ugucunga imari uyu munsi umugore arabishoboye. Ingero tubona ni uko amabanki menshi ayoborwa n'abagore. Rero na wa wundi ucyitinya, niyigirire icyizere, yigire kuri aba bakuru babimazemo igihe.'

Yabasabye kandi guhora baharanira kunguka amakuru, gutinyuka, guharanira guhora biga bagamije kwaguka no gutera imbere.

Umuyobozi Ushinzwe Imibereho myiza y'Abagore muri BK, Mutawogora Sarah, yagaragaje ko kwizihiza Umunsi Mpuzamahanga w'Umugore byari bigamije gushimira abagore bakora muri iyo banki no kongera kubibutsa ko bashoboye.

Ati 'Twaberekaga ko hari intambwe nyinshi zatewe mu gihugu ndetse no mu kazi kacu, zereka umugore ko ashoboye ariko hari n'ibindi byinshi tugomba gukora kandi bitangirira kuri uwo mugore. Kuri njyewe, kuri murumuna wanjye cyangwa mama wanjye, we ubwe akabanza akabyiyumvamo kandi agashyira ibintu mu bikorwa.'

Yahishuye ko abagore bakora muri BK batinyurwa no kubona bayoborwa n'Umuyobozi Mukuru w'Umugore kandi ababera icyitegererezo cyo kumva ko bashoboye kandi bishoboka.

Akaliza Liliane Ashley ukora muri Banki ya Kigali yashimye ko bazirikanwe na banki bakoramo, yemeza ko bibatera imbaraga zo gukora kurushaho.

Ku rundi ruhande, Nkwihoreze Jacky, yagaragaje ko yishimira kuba muri Banki ya Kigali bimakaza ihame ry'uburinganire ku rugero rwiza kandi ko n'abagore bakoramo bakomeje gutanga umusaruro ukwiye.

Yabasabye gukomeza kubyaza umusaruro amahirwe bahawe nk'abagore no kugaragariza buri wese ko bashoboye kandi bagakora bagamije kunoza umurimo.

Umuyobozi Mukuru Ushinzwe Ibikorwa muri Banki ya Kigali, Rose Ngabire, yagaragaje ko bahisemo kwizihiza uwo munsi mu rwego rwo kuzirikana uruhare rw’abagore mu iterambere rya banki

Buri wese yahitagamo ku ruhuka mu buryo bumunogeye

Aba bagore bagize umwanya wo kuganira no kungurana ibitekerezo

Nkwihoreze Jacky, yagaragaje ko yishimira kuba muri Banki ya Kigali bimakaza ihame ry'uburinganire ku rugero rwiza

BK yahisemo guha uyu munsi insanganyamatsiko igira iti Arashoboye, mu gushimangira ubushobozi bw’umugore

Abagore bari bishimiye ibyo birori

Ibyishimo byari byose kuri aba babyeyi

Banyujijeho bacinya akadiho

Abitabiriye uwo munsi bari bizihiwe

Amafoto: Kasiro Claude