Category: Uncategorized

Ni umusaruro w'umukwabu wabaye ku wa 14 Werurwe 2025, nyuma y'aho Polisi iboneye amakuru ko hari abasore bahungabanya umutekano w'abaturage bakora ubujura butandukanye, banywa ibiyobyabwenge ndetse bakanakina urisimbi, ari na yo mpamvu yatumye hakorwa umukwabu wo kubata muri yombi.

Umuvugizi wa Polisi mu Ntara y'Amajyepfo, SP Emmanuel Habiyaremye, yatangarije IGIHE ko abafashwe bafungiye kuri Sitasiyo ya Busoro, kugira ngo babone uko bakurikiranwa mu mutegeko.

Ati 'Ni abasore 14 twari dufiteho amakuru ko bahungabanya umutekano w'abaturage bakora ubujura butandukanye, banywa ibiyobyabwenge, bakanakina urusimbi.'

SP Habiyaremye yakomeje yihanangiriza abijandika mu byaha ko batazahabwa agahenge na rimwe igihe cyose bagitekereza kugendera muri uwo murongo mubi.

Ati 'Nibabivemo bakore imirimo yemewe ibaha inyungu ubwabo, ikaziha n'igihugu muri rusange.'

Si rimwe, si kabiri polisi ifata abakekwaho ubujura no gukoresha ibiyobyabwenge muri iyi Ntara y'Amajyepfo na Nyanza irimo, kuko kuva mu ntangiriro z'umwaka wa 2025, hamaze gutabwa muri yombi abarenga 100.

Abafashwe bafungiye kuri Sitasiyo ya Polisi ya Busoro

Ibi byagaragajwe ku wa 14 Werurwe 2025, mu nama yahuje abafatanyabikorwa n'ibigo by'imari mu Rwanda, bareberaga hamwe amahirwe ahari, imbogamizi n'icyakorwa mu guteza imbere imitangire n'imikoreshereze ya serivisi z'imari.

Hagaragajwe ko imitangire n'ikoreshwa rya serivisi z'imari mu Rwanda biri gutera imbere umunsi ku munsi ariko hakiri ibyo kunozwa kugira ngo bishakirwe umuti urambye urimo nko gufasha by'umwihariko abagore n'urubyiruko gusobanukirwa ibyiza byo gukoresha izi serivisi.

Umuyobozi ushinzwe Ibigo by'Imari muri Minisiteri y'Imari n'Igenamigambi, MINECOFIN, Hategekimana Cyrille yavuze ko hari abagerwaho na serivisi z'imari ariko ntibazikoreshe, bityo hagiye kurebwa uburyo hakurwaho imbogamizi zigihari ubundi bazikoreshe uko bikwiye.

Yagize ati 'Kuzikoresha rero ni ugukuraho imbogamizi zaba zibangamye by'umwihariko ku bagore n'urubyiruko n'imishinga yabo kugira ngo babashe kubona amafaranga yo gukoresha bitabagoye ndetse banahugurwe uko bazikoresha neza.'

Yakomeje agira ati 'Twashyizeho ingamba zo kwigisha uburyo abantu bakoresha serivisi z'imari neza ariko tukibanda cyane ku rubyiruko n'abagore, muzi ko ari rwo rugize umubare munini w'Abanyarwanda. Igihe ruzatangira kuzikoresha, ruzabikurana ku buryo tuzagera ubwo abantu bose bazaba bazikoresha neza.'

Umuyobozi Mukuru wa AMIR, Kwikiriza Jackson, yavuze ko n'ubwo hari intambwe yatewe mu gukoresha serivisi z'imari ariko hari ibibazo bigihari nko kuba hari abantu bafite ama-konti ariko batayakoresha bitewe n'ubumenyi buke.

Yagize ati 'Hari abantu begerejwe serivisi z'imari ariko ntibazikoreshe nk'Imirenge SACCO, hari ikoranabuhanga, kuba badafata inguzanyo, tunibaze tuti 'kubera iki inguzanyo igihenze? Ese kubera iki abantu bategerezwa ikoranabuhanga mu kubona izo serivisi?' Tunabahugure uko zikora.'

Muri iyi nama, hemejwe ko hashyirwaho uburyo bwo korohereza abantu kubitsa, kubikuza, gusaba inguzanyo cyangwa uyisaba akayihabwa bitamugoye, no kuba yagenzura konti ye uko imeze ndetse no kugabanya ikiguzi ku nguzanyo.

Umuyobozi Mukuru w'Ikigega gishinzwe gutanga Inguzanyo ku mishinga mito n'Iciriritse (BDF), Munyeshyaka Vincent, yavuze ko hari abantu badafata inguzanyo kubera kutagira ingwate zihagije n'igiciro cyazo kiri hejuru ariko BDF igiye kubafasha kuzibona byoroshye.

Yavuze ko ikihutirwa kurusha ibindi mu ikoresha rya serivisi z'imari mu Rwanda ari ugutegura abantu, ari yo mpamvu BDF yazengurutse ibice byose by'igihugu ihugura abaturage, ibigo by'imari uko imitangire n'ikoreshwa ry'izi serivisi yakorwa neza n'ibindi.

Munyeshaka Vincent yagaragaje ko gutangira umushinga wawe ku nguzanyo bikunze kugorana, bityo asaba ko umuntu yashaka uburyo yabona amafaranga yo gutangiza ibikorwa bye adahereye ku nguzanyo, akazayigeraho yaramaze kugira ubumenyi buhagije ku micungire y'imari.

Mu 2008, ubushakashatsi bwa mbere bwa FINSCOPE bwagaragaje ko 48% by'Abanyarwanda ari bo bari bafite aho bahurira na serivisi z'imari.

Kuri ubu, ibyo byarahindutse cyane kuko ubushakashatsi buheruka bwo mu 2024, bwagaragaje ko ikoreshwa rya serivisi z'imari ryageze kuri 96%.

Abayobozi batandukanye bari bitabiriye ibi biganiro byo kurebera amahirwe ahari imbogamizi n’ingamba zafatwa mu gukoresha neza serivisi z’imari

Abayobozi batandukanye barimo Umuyobozi Mukuru wa AFR, Iyacu Jean Bosco, baganiriye ku buryo bwo kunoza serivisi z’imari mu Rwanda

Abayobozi b’ibigo by’imari bahawe impano mu kubashimira umusanzu batanga

AMIR yahaye impano Munyeshyaka Vincent ku bw’ubufatanye mu guteza imbere serivisi z’imari

Umuyobozi Mukuru wa AFR, Iyacu Jean Bosco yahawe impano

Umuyobozi Mukuru wa AMIR, Kwikiriza Jackson, yavuze ko n'ubwo hari intambwe yatewe mu gukoresha serivisi z'imari hari ibibazo birimo bigiye gushakirwa umuti

Yitabiriwe n’abayobozi batandukanye barimo abo mu nzego za leta n’ibigo by’imari mu Rwanda

Byabereye mu Karere ka Nyamagabe, Umurenge wa Kibirizi, mu Kagari ka Karambo. Amakuru avuga ko iyi modoka yarenze umuhanda, ikagwa munsi yawo muri metero eshanu.

Umuvugizi wa Polisi, Ishami rishinzwe umutekano wo muhanda, SP Kayigi Emmanuel, yabwiye IGIHE ko hakomeretse abari mu modoka babiri ari bo shoferi n'umufasha, hanangirika imodoka n'inzoga yari ipakiye.
Yongeyeho ko byatewe no gutwara nabi.

Ati 'Impanuka yatewe n'imiyoborere mibi y'imodoka. Abashoferi bagirwa inama yo kwirinda uburangare n'andi makosa yose kuko ari yo ateza impanuka.'

Kugeza ubu, abakomeretse barwariye mu Bitaro bya Kigeme, mu Karere ka Nyamagabe.

Iyi mpanuka y’imodoka yangije byinshi

Umuvunyi Mukuru, Nirere Madeleine, yabigarutseho kuri uyu wa 14 Werurwe 2025, ubwo yari mu Nteko Ishinga Amategeko y'u Rwanda mu biganiro nyunguranabitekerezo ku ishusho ya ruswa mu Rwanda.

Yagaragaje ko nubwo u Rwanda rukomeje kwitwara neza mu guhangana n'ibyaha bya ruswa, nk'uko ibipimo by'ubushakashatsi butandukanye bugenda bubigaragaza ariko hakigaragara ibikorwa n'imyitwarire ya ruswa.

Yakomeje ati 'U Rwanda ruri ku mwanya wa 43 ku Isi n'amanota 57% ruvuye ku manota 53% n'umwanya wa 50 ku Isi mu mwaka wa 2012 (Corruption Perception Index, TI). U Rwanda rwihaye kuba urwa mbere ku Isi mu mwaka wa 2050. Banki y'Isi na yo igaragaza intambwe u Rwanda rwagiye rutera mu kurwanya ruswa, rwavuye ku manota 71.5% mu mwaka wa 2012 rugera ku manota 73.1% mu mwaka wa 2023 (WB, Governance Indicators, Control of corruption).'

Yagaragaje ko hakiri ibikorwa bya ruswa bikigaragara kandi ko hari ingamba zikomeje gushyirwa mu bikorwa hagamijwe kuyirandura burundu.

Yavuze ko ku bijyanye no kugaruza umutungo wa Leta, hari hakwiye gushyirwaho abakozi bashinzwe gukurikirana no kugaruza ayo mafaranga ndetse na Minisiteri y'Ubutabera ikiha igihe ntarengwa cyo kuba yagaruje ayo mafaranga.

Kuva mu 2014 hagombaga kugaruzwa 31.737.175.954 Frw hiyongereyeho amafaranga y'amahanga angana n'amadorali y'Amerika 6.503.629, Amayero angana na 920.150. Gusa kugeza muri Kamena 2024, amafaranga yose yagarujwe ni Frw 14.047.974.056, Amayero 3.729 n'amadoli ya 14.743 ndetse n'ibikoresho bifite agaciro ka 100.994.000 Frw.

Nirere ati “Bivuze ko hari ingufu zigomba gushyirwa mu gukomeza kugaruza uyu mutungo, kuko igihe umuntu aciriwe urubanza agahanwa umutungo wa Leta wanyerejwe cyangwa se umutungo w'abaturage ugomba kugaruka.”

Yagaragaje kandi ko hakiri ikibazo mu birebana no gutanga amakuru ku byaha bya ruswa kuko Transparency International Rwanda yagaragaje ko 8% mu batse ruswa ari bo bashobora gutanga amakuru, mu gihe RGB yagaragaje ko 85% by'abayatswe badashobora gutanga amakuru.

Yasobanuye ko impamvu zishingirwaho zituma amakuru adatangwa harimo gutinya ko bagirirwa nabi; kumva ko ntacyo amakuru azamara, kutamenya uwo amakuru ashyikirizwa n'ibindi.

Ku rundi ruhande ariko ngo bategereje iteka rya Perezida rigena ishimwe rizajya rihabwa uwatanze amakuru ku byaha bya ruswa kandi ryitezweho kuzatanga umusaruro.

Birantega mu gukurikirana ibyaha bya ruswa ziracyari zose…

Mu biyanye no kugaruza umutungo wa Leta, hari aho usanga abakurikiranwa barayandikishije ku bandi bantu.

Nirere yagaragaje ko iyo amakuru amenyekanye abandikishijweho uwo mutungo bazwi nk'abashumba bakurikiranwa kugira ngo batange amakuru y'inkomoko yawo ababigizemo uruhare bakabiryozwa.

Umuyobozi Nshingwabikorwa w'Umuryango Urwanya Ruswa n'Akarengane, Transparency International Rwanda, Apollinaire Mupiganyi, yavuze usanga hari abaturage bumva ko ruswa ntacyo itwaye ndetse n'abandi usanga barabyakiriye.

Yavuze ko hakwiye kubaho ubufatanye bw'inzego zose zaba iza leta, itangazamakuru na sosiyete sivile mu kurwanya no gukumira ruswa.

Yerekanye kandi ko amakuru atangwa kuri ruswa akwiye kujya ahita akurikiranwa byihuse ndetse hagafatwa ingamba zihariye zo kurinda abatanze amakuru no kutihanganira ruswa na gato.

Inzego zitandukanye ziri mu rugamba rwo guhashya ibyaha bimunga ubukungu bw’igihugu

Abagize Inteko Ishinga Amategeko bagaragaje ko hakenewe ingamba zihamye zo kurwanya ruswa

Ni kimwe mu bitaramo bitegerejwe n'umubare munini ahanini biturutse mu kuba kizahuza abanyarwenya benshi bo mu Karere k'Afurika y'Iburasirazuba bakomeye. Kizabera muri Kigali Conference and Exhibition Village ahazwi nka Camp Kigali, ku wa Kane tariki 27 Werurwe 2025.

Byitezwe ko hari n'abanyarwenya bo mu Burundi bazagaragara muri iki gitaramo kidasanzwe mu rugendo rwa sosiyete ya CIM isanzwe itegura ibitaramo bya Gen-Z Comedy.

Karole Kasita ni umuhanzikazi w’umunya-Uganda uzwi cyane mu njyana ya Dancehall na Afrobeat. Yatangiye kwamamara mu mwaka wa 2018 ubwo yashyiraga hanze indirimbo ye yise “Yaka”, yakunzwe cyane ndetse ikamuhesha kumenyekana mu ruhando rwa muzika ya Uganda.

Uyu mukobwa azahurira ku rubyiniro n'abanyarwenya b'iwabo barimo: itsinda rya Maulana na Reign, Pablo, MC Mariachi, Madrat na Chiko ndetse na Alex Muhangi. Ni mu gihe abo mu Rwanda bazataramana barimo Joshua, Ambasaderi w'Abakonsomateri, Umushumba, Pirate, Kadudu, Mc Kandi na Musa, Muhinde ndetse na Rusine Patrick.

Umunyarwenya Fally Merci utegura ibi bitaramo, yabwiye InyaRwanda ko imyaka itatu ishize ategura ibi bitaramo 'yaranzwe no kudacika intege no gushyigikirwa'.

Ati 'Byabaye ibihe bidasanzwe kuri twe kuko byari bishya mu gutangira, ariko uko twagiye turushaho gutegura ibi bitaramo niko abantu bagiye batwumva. Tuzera ko n'indi myaka iri imbere izaba myiza kurushaho.'

Karole Kasita ugiye gutaramira i Kigali mu Ugushyingo 2022 yakoze igitaramo gikomeye aho yamuritse Album ye yise “Limited Edition”, cyitabirwa n’abakunzi benshi ba muzika, ndetse cyashimangiye umwanya we nk’umwe mu bahanzikazi bakunzwe muri Uganda.

Azwiho kugira imbaraga nyinshi ku rubyiniro, aho asusurutsa abakunzi be binyuze mu mbyino zidasanzwe no kuririmba mu buryo butuma abafana be bishimira ibitaramo bye.

Ibi byamuhesheje gukundwa cyane ndetse no kugira igikundiro mu bakunzi ba muzika ya Dancehall na Afrobeat muri Uganda no mu karere k’Afurika y’Iburasirazuba.

Maulana na Reign bategerejwe i Kigali ni itsinda ry’abanyarwenya b’Abanya-Uganda rizwi cyane mu ruganda rw’imyidagaduro rwa Uganda. Bamenyekanye ku bw’ubushobozi bwabo mu gusetsa, cyane cyane binyuze mu biganiro byabo bya “Soyi Soyi” byakunzwe n’abantu benshi.

Bakorera cyane ku rubyiniro rwa 'Comedy Store Uganda', aho bakomeje gushimisha abakunzi babo. Ibikorwa byabo by’urwenya biboneka no ku rubuga rwabo rwa YouTube, aho bashyira amashusho y’ibitaramo byabo.

Mu rwego rwo kwagura impano zabo, Maulana na Reign baninjiye mu muziki, aho basohoye indirimbo nka “Gumizawo” bakoranye na Alien Skin na Lil Pazo, ndetse na “Ondebeza” bakoranye na Gladiator the Emperor.

Ubuhanga bwabo mu gusetsa, hamwe n’ubushobozi bwo guhanga udushya, byatumye baba bamwe mu banyarwenya bakunzwe cyane muri Uganda no mu karere k’Afurika y’Iburasirazuba.

Madrat na Chiko bo ni itsinda ry’abanyarwenya b’Abanya-Uganda rizwi cyane mu ruganda rw’imyidagaduro rwa Uganda. Bakunzwe kubera uburyo bwihariye basetsa abantu, bakaba bamaze imyaka irenga icumi mu mwuga w’urwenya.

Mu rwego rwo kwizihiza isabukuru y’imyaka icumi bakora urwenya, ku itariki ya 9 Kanama 2024, bateguye igitaramo gikomeye cyabereye muri Kampala Sheraton Gardens. Iki gitaramo cyitabiriwe n’abantu benshi, cyashimangiye umwanya wabo nk’abanyarwenya bakunzwe cyane muri Uganda.

Madrat na Chiko bazwi kandi kubera igitaramo cy’urwenya bise “Nsekobuseko”, aho bamaze gukora ibice bitandukanye byacyo, birimo icya gatatu cyabaye ku itariki ya 2 Kanama 2019, kikabera muri UMA Multipurpose Hall. 

Uretse ibikorwa by’urwenya, bafite kandi urubuga rwa YouTube rwitwa “Madrat and Chiko Official”, aho basangiza abakunzi babo ibiganiro byabo bishya n’ibitaramo bakoze. 

Umuhanzikazi Karole Kasita agiye gutaramira i Kigali ku nshuro ye ya mbere nyuma y’igihe kinini ari mu muziki 

Umunyarwenya akaba n’umushyushyarugamba, MC Mariachi utegerejwe i Kigali mu gitaramo cya Gen-Z Comedy 

Itsinda ry’abanyarwenya rikomeye muri Uganda, Madrat na Chiko bagiye kwerekana ubuhanga bwabo mu gitaramo kizabera muri Camp Kigali 

Alex Muhangi watangije ibitaramo bya Comedy Store muri Uganda nawe ategerejwe i Kigali

Ibi byatangajwe na RDF mu gitondo cyo kuri uyu wa Gatandatu tariki ya 15 Werurwe. 

Col Stanislas Gashugi wazamuwe mu ntera akanagirwa Umuyobozi w'Umutwe w'Ingabo zidasanzwe muri RDF, asimbuye Gen Maj Ruki Karusisi wasabwe gusubira gukorera ku Biro bikuru by'Ingabo z'u Rwanda mu gihe agitegereje ko ahabwa izindi nshingano.

Gashugi wahawe inshingano nshya, yakoze imirimo itandukanye mu gisirikare cy'u Rwanda harimo ko mu 2021 yahawe ipeti rya Colonel, akagirwa n'Ushinzwe ibikorwa bya gisirikare muri Ambasade y'u Rwanda muri Tanzania.

Gen Maj Ruki Karusisi yari yaragizwe umuyobozi w’umutwe udasanzwe w’Ingabo z’u Rwanda muri 2019.