Category: Uncategorized

Yafashwe nyuma y'uko Ubushinjacyaha bwari bwamushyiriyeho impapuro zisaba ko yafatwa binyuze mu bufatanye mpuzamahanga mu by'amategeko.

Mu gikorwa cyo kumwakira cyabereye ku mupaka wa Kagitumba, u Rwanda rwari ruhagarariwe na Jean Bosco Zingiro, Umuhuzabikorwa n'Itumanaho muri INTERPOL i Kigali, naho Uganda yari ihagarariwe na Assistant Superintendant of Police, Otekat Andrew Mike.

Abandi umunani bakekwaho ubufatanyacyaha kuri iki cyaha barafunzwe mu gihe bategereje itariki izagenwa n'urukiko kugira ngo urubanza rutangire mu mizi.

RIB yaburiye abibwiras ko bakora ibyaha mu Rwanda bagahungira mu bindi bihugu, ko hashingiwe k'ubufatanye mpuzamahanga bazafatwa bakagarurwa bagashyikirizwa ubutabera nk'uko amategeko abiteganya.

Byinshi kuri iyi dosiye

Mu Ukuboza 2024, ni bwo ku mbuga nkoranyambaga hasakaye amashusho y'umusore w'umunyeshuri mu Mujyi wa Kigali, wakubiswe bikabije na bagenzi be, bikavugwa ko bashobora kuba bari bamumaranye iminsi umunani bamutoteza.

Icyo gihe, IGIHE yifuje kumenya byinshi ku ikorwa ry'icyo cyaha n'icyo inzego ziri kugikoraho, igirana ikiganiro cyihariye n'Umuvugizi w'Urwego rw'Igihugu rw'Ubugenzacyaha RIB, Dr. Murangira B. Thierry.

Yagaragaje ko abakekwaho kugira uruhare muri ibyo bikorwa bakurikiranyweho ibyaha bibiri birimo iyicarubozo no kwirengagiza gutabara uri mu kaga.

Yashimangiye ko ibyo bakurikiranyweho mu gihe byaba bibahamye bashobora gufungwa kuva ku myaka 20 kugera kuri 25.

Umuvugizi wa RIB yavuze ko nyuma y'uko RIB imenye amakuru ko hari umwana uri guhohoterwa na bagenzi be mu nzu bari bakodesheje iherereye mu Karere ka Kicukiro, Umurenge wa Nyarugunga, Akagari ka Kamashashi mu Mudugudu w'Akindege, bahise bagoboka, ku bufatanye bwa RIB na Polisi, hafatwa abasore n'inkumi bari mu kigero cy'imyaka 19-24.

Bafashwe tariki ya 13 n'iya 14 Ukuboza 2024.

Dr. Murangira ati 'Ku ikubitiro hafashwe abakekwa 10, hanyuma hakorwa isesengura ry'uruhare buri wese yagize muri ibi bikorwa bigize ibyaha, Iperereza riza kugaragaza ko 8 ari bo bafite impamvu zifatika zituma bakekwaho icyaha. Hari abandi bagishakishwa.'

Mu bakekwaho kugira uruhare muri icyo cyaha, harimo Uwase Adolphe Emmanuel w'imyaka 24, Ikuzwe Bruce Emery wa 21, Imanzi Kevin wa 21, Kirezi Vanessa w'imyaka 20, Nkubana Joel w'imyaka 20, Mugenzi Jonathan w'imyaka 20, Kirenga Kevin ufite imyaka 19 na Rugema Marembo w'imyaka 19.

Umuvugizi wa RIB yavuze ko icyo cyaha bagikoreye mu nzu bari bakodesheje iherereye mu Karere ka Kicukiro, Umurenge wa Nyarugunga, Akagari ka Kamashashi mu Mudugudu w'Akindege. Iyo nzu bayikodesheje guhera tariki ya 30 Ugushyingo 2024

Ati 'Byatangiye ari bimwe by'urubyiruko, bakodesha inzu iminsi runaka, bashaka gukoreramo ibirori byo kwinezeza, bimwe bizwi nka house party, biza kurangira habereyemo ibyaha biremereye. Mu gihe rero bari muri iyo nzu, baje kwibwa telefoni eshatu na laptop imwe, hanyuma baje gukeka umwe muri bo witwa Haberumugabo Guy Divin w'imyaka 19.'

Dr. Murangira yavuze ko Baje gutangira kumukubita bamuryoza ko ngo ari we wabibye. Iperereza rigaragaza ko bamukoreye urugomo rukabije, bimuviramo gukomereka ku buryo bubabaje.

Ati 'Ikintu kitumvikana ni uko iki cyaha cyakorewe Divin, cyakozwe n'Inshuti ze, Divin yari mugenzi wabo bari mu mugambi umwe wo gukodesha iyo nzu yo kwishimishirizamo.'

Ku bahuzaga ihohoterwa ry'uwo mwana n'uko akomoka mu Burundi, Dr. Murangira yavuze ko ari ho akomoka koko yari mu Rwanda kubera kwiga, ariko ko guhohoterwa kwe n'abagenzi be bari inshuti ntaho bihuriye n'igihugu akomokamo.

Abo batawe muri yombi, bakurikiranyweho ibyaha bibiri birimo Icyaha cy'Iyicarubozo no kwirengagiza gutabara umuntu uri mu kaga.

Iyicarubozo ni icyaha giteganwa n'ingingo ya 112 y'itegeko N0 68/2018 ryo ku wa 30/08/2018 riteganya ibyaha n'ibihano muri rusange.

Ivuga ko Iyicarubozo ari igikorwa icyo ari cyo cyose gitera uburibwe cyangwa ububabare haba ku mubiri cyangwa ku bwenge, gikorewe umuntu ku bushake hagamijwe kumushakaho amakuru cyangwa kuyashaka ku wundi muntu cyangwa ukwemera icyaha, kumuryoza igikorwa yakoze cyangwa cyakozwe n'undi muntu cyangwa akekwaho kuba yarakoze, cyangwa kumukangisha cyangwa kumuhatira we ubwe cyangwa undi muntu, cyangwa kubera impamvu iyo ari yo yose ishingiye ku ivangura iryo ari ryo ryose.

Ugihamijwe n'Urukiko ahanishwa igifungo kitari munsi y'imyaka 20 ariko kitarenze imyaka 25.

Kwirengagiza gutabara umuntu uri mu kaga ni icyaha giteganwa n'ingingo ya 244 y'itegeko No 68/2018 ryo kuwa 30/08/2018 ritegenya ibyaha n'ibihano muri rusange.

Ugihamijwe ahanishwa igifungo kuva ku mwaka umwe ariko kitarenze imyaka itatu n'ihazabu y'amafaranga y'u Rwanda kuva ku 300,000 Frw ariko atarenze ibihumbi 500 Frw.

Ikindi n'uko Icyaha cy'iyicarubozo kidasaza.

Dr. Murangira yatangaje ko 'RIB iributsa Abaturarwanda ko kwihanira ari icyaha gihanwa n'amategeko. Nta muntu wari ukwiye kwihanira kuko Leta iba yarashyizeho inzego kugira ngo niba hari ukosherejwe yitabaze inzo nzego.'

Uganda yashyikiriye u Rwanda Gitangaza uri mu bakekwaho iyicarubozo ryakorewe umunyeshuri w'imyaka 19

Ibi byatangajwe n'Umuvugizi w'Ibiro by'Umukuru w'Igihugu mu Burusiya, Dmitry Peskov ku wa 15 Werurwe 2025. Ati 'Igihe kiracyahari nubwo kiri kuyongonga ku rwego rwo hejuru.'

Ku wa 14 Werurwe 2025, Putin yijeje abasirikare ba Ukraine bari muri Kursk umutekano, mu gihe baba bamanitse amaboko kuko bazengurutswe.

Yagize ati “Nibarambika intwaro zabo, bakitanga ku neza, tubijeje ko ntacyo ubuzima bwabo buzaba, tuzabakira mu cyubahiro hakurikijwe amategeko mpuzamahanga n'amahame yacu nk'u Burusiya.”

Ibi Putin yabitangaje nyuma y'uko Perezida wa Leta Zunze Ubumwe za Amerika, Donald Trump, avuze ko hagomba kurebwa uburyo ubuzima bw'ibihumbi by'abasirikare ba Ukraine baherereye mu gace ka Kursk bwarokorwa kuko bakikijwe n'igisirikare cy'u Burusiya.

Icyo gihe Trump yanditse ku rubuga rwe rwa Truth Social ati 'Bwaba ari ubwicanyi ndengakamere, ibintu bitigeze bibaho kuva mu Ntambara ya Kabiri y'Isi'.

Muri Kanama 2024 ni bwo Ukraine yagabye igitero simusiga mu gace ka Kursk aho yafashe umujyi muto wa Sudzha n'utundi duce twinshi.

Icyo gihe Perezida wa Ukraine, Volodymyr Zelensky, yavuze ko gufata aka gace ari kimwe mu bizabafasha mu biganiro by'amahoro n'u Burusiya.

Icyakora u Burusiya bwakoze iyo bwabaga mu kwigarurira icyo gice aho ku wa 13 Werurwe 2025, Moscow yari imaze kwigarurira 86% by'ubutaka bwa Kursk byari byarigaruriwe na Ukraine ndetse ko abasirikare ba Ukraine bahari bose bazengurutswe.

Putin yaburiye abasirikare ba Ukraine kumanika amaboko bakava mu gace ka Kursk inzira zikigendwa

Ibi yabigararutseho mu kiganiro n'itangazamakuru, cyabaye ku wa 14 Werurwe 2025, ubwo yaragaraza raporo y'igihembwe cya nyuma cy'umwaka 2024.

Imibare y'iki gihembwe cyasojwe ku wa 31 Ukuboza 2024, igaragaza ko iyi nyungu ahanini yatewe n'izamuka ry'abakiliya ndetse no kwaguka kwa serivisi za Mobile Money n'ibindi.

MTN Rwanda yerekanye ko yungutse abakiliya bashya bangana na 5.1%, bagera kuri miliyoni 7.6. Iri terambere ryatumye MTN Rwanda iguma ku isonga ku isoko ry'itumanaho.

Serivisi za Mobile Money zazamutseho ikigero kingana na 30.3%, igira uruhare runini mu izamuka ry'amafaranga yinjiye muri serivisi zose ya 4.6%, bingana na miliyari 257.7 Frw.

MTN Rwanda kandi yaguye imiyoboro yayo, igera ku bwisanzure bwa 99.7% ku batuye igihugu, na ho internet yihuta (broadband) igera kuri 87%, ubwinshi bw'abakoresha telefoni zigezweho bwazamutse 36.8%, bugera kuri miliyoni 2.7, bigaragaza intambwe ikomeye mu gufasha Abanyarwanda kugera kuri serivisi z'ikoranabuhanga.

Amafaranga yinjiye mu by'imikoreshereze ya interineti na yo yagize izamuka ryo hasi ringana na 0.2%, rishingiye ku kwiyongera kwa 35.7% mu gukoresha interineti ku mukiliya, bikaba byaratewe n'itangwa ry'ama paki ya interineti ahendutse kugira bageze ku baturage ibyo bifuza bihura n'ubushobozi bwabo.

Abakoresha Mobile Money Rwanda bageze kuri miliyoni 5.3, bituma amafaranga yinjiye yiyongera ku kigero cya 30.3% ugereranyije n'igihembwe nk'icyo cya 2023.

MoMo Pay na yo yagize ubwiyongere bugaragara, aho abacuruzi bayikoresha bageze ku bihumbi 520, na ho abayikoresha bagera kuri miliyoni 3.2.

Umuyobozi wa MoMo Rwanda, Chantal Kagame, yagize ati 'MoMo yagize uruhare mu gufasha Abanyarwanda kwishyura serivisi zitandukanye, kwizigamira no kubona inguzanyo byoroshye.'

Nubwo MTN Rwanda yungutse mu gihembwe cya nyuma cya 2024, igihombo cy'umwaka wose cyageze kuri miliyari 5.5 Frw, bitewe n'uko mu mezi icyenda ya mbere ya 2024 yahombye agera kuri miliyari 10.9 Frw.

Umuyobozi mukuru wa MTN Rwanda, Mapula Bodibe yavuze ko impamvu yo guhomba mu mwaka wa 2024 ahanini ari bitewe n'izamuka ry'ibiciro.

Yagize ati “Igabanuka ry'agaciro k'Amafaranga y'u Rwanda ryatumye haza ibihombo kubera ko ibikoresho byinshi dukoresha bituruka mu mahanga. Ni ikibazo mu by'ukuri kitubangamira, ibyo byose bituma ishoramari twakoreshaga mu myaka ishize rigabanuka, kuko niba waratwaraga idorali rimwe ukazana ibyuma bibiri ubu uritwaza atatu.”

MTN Rwanda ihamya ko izakomeza gukora ibishoboka byose ikaguma mu murongo wo kuba ikigo gitanga serivisi nziza kandi cyunguka mu buryo burambye nk'uko biri muri gahunda y'ibikorwa ya 2025 ndetse no guhanga udushya mu rwego rwo guteza imbere serivisi z'imari n'ikoranabuhanga mu Rwanda.

Umuyobozi ushinzwe ikoranabuhanga n’itumanaho muri MTN Rwanda, Mohamed Kiwan, yatangaje ko muri uyu mwaka internet ya 5G izatangira gukoreshwa

Umuyobozi ushinzwe ibikorwa by’ubucuruzi muri MTN Rwannda, yashimiye abakiliya ku bwo gukoresha Mobile Money

Umuyobozi Mukuru wa MTN Rwanda, Mapula Bodibe, yijeje abakiliya bayo gukomeza kubaha ibyo bakwiriye kandi bibanogeye

MTN Rwandacell Plc yagaragarije itangazamakuru ko yungutse miliyari 5.3 Frw mu gihembwe cya nyuma cya 2024

MTN Rwanda ihamya ko izakomeza gukora ibishoboka byose ikaguma mu murongo wo kuba ikigo gitanga serivisi nziza kandi cyunguka mu buryo burambye

Amafoto: Isaac Munyemana

Ni urutonde rwagiye hanze ku mugoroba wo kuri uyu wa Gatandatu tariki ya 15 Werurwe 2025. Aba ni abakinnyi bazakina umukino wa Nigeria tariki ya 21 Werurwe ndetse na Lesotho tariki ya 25 Werurwe muri Stade Amahoro.

Mu bakinnyi bahamagawe harimo 13 bonyine bakina muri shampiyona y’u Rwanda naho abandi 15 bo bakaba bakina hanze y’u Rwanda muri shampiyona zitandukanye.

Mu banyezamu harimo Wenseens Maxime Kali Nathan udafite ikipe. Uyu ari kumwe n'abandi ari bo Ntwari Fiacre, Buhake Clement na Ishimwe Pierre.

Ba myugariro ni Omborenga Fitina, Byiringiro Jean Gilbert, Niyomugabo Claude, Bugingo Hakim, Mutsinzi Ange, Manzi Thierry, Niyigena Clément, Bugingo Hakim na Nshimiyimana Yunusu.

Mu kibuga hagati harimo Bizimana Djihad, Ruboneka Jean Bosco, Mugisha Bonheur, Rubanguka Steve,Muhire Kevin na Samuel Gueulette.

Ba rutahizamu ni Kwizera Jojea, Mugisha Gilbert, Iraguha Hadji, Nshuti Innocent, Mugisha Didier, Habimana Yves, Hakim Sahabo, Rafael York, Manishimwe Djabel, Ishimwe Anicet na  Mugisha Gilbert .

Aba ni abakinnyi ba mbere bahamagawe na Adel Amrouche uheruka guhabwa inshingano zo gutoza Amavubi.

Biteganyijwe ko ikipe y’igihugu izatangira umwiherero ku wa Mbere w’icyumweru gitaha.

Kugeza ubu Amavubi ayoboye itsinda C mu gushaka itike y’igikombe cy’Isi cya 2026 kizabera muri Canada, Mexico na Leta zunze ubumwe z’Amerika aho afite amanota 7 anganya na Afurika y’Epfo iri ku mwanya wa kabiri.

Amavubi ya mbere yahamagawe na Adel Amrouche 

Ni umushinga uzaba uhuriweho n'Ishyirahamwe ry'Ibigo by'Imari iciriritse AMIR, n'Ikigo Access to Finance Rwanda ku bufatanye na Minisiteri y'Imari n'Igenamigambi MINECOFIN, aho biteganyijwe ko cyizatangira bitarenze mu mpera z'uyu mwaka wa 2025.

Umuyobozi wa AMIR, Kwikiriza Jackson, yavuze ko iki kigega kizakemura bimwe mu bibazo bigaragara mu bigo by'imari mu Rwanda harimo n'ikibazo cyikoreshwa ry'amafaranga yo hanze (Amadevize).

Kwikiriza yagize ati 'Hari ibigo by'imari hano mu Rwanda usanga bikoresha amafaranga ariko byakuye hanze nk'Ama-Euros, Ama-Pound n'Amadorali, bigatuma babanza kuyavunja mu manyarwanda kugira ngo bayatangemo inguzanyo bajya kuyishyura bakayishyura mu Madevize ibyo bigatuma ihenda.'

Yakomeje avuga ko bagiye gushyiraho ikigega ku rwego rw'Igihugu cyizajya gifasha ibigo by'imari kubona amafaranga mu buryo buhendutse nabyo bikayatanga ahendutse.

Umuyobozi Mukuru w'Ikigega cy'Imishinga y'Iterambere mu Bucuruzi BDF, Munyeshaka Vincent, yavuze ko ubufatanye bwa buri wese ari ingenzi kugira ngo bafashe abaturage kugera ku mari.

Yagize ati ' Birasaba ko twese dutangira amahugurwa hamwe tugahitamo abiyitabira twumvikanyeho kuko hari igihe uruhande rumwe rwatoranya abahugurwa ariko byarangira ugasanga kubona serivise z'imari biratinda kubera ko mutabikoreye hamwe.'

Umuyobozi mukuru muri MINECOFIN ushinzwe Ibigo by'Imari n'ama Banki, yavuze ko icyo Leta ikora ari ugushyiraho umurongo ngenderwaho wo kwigisha abantu gukoresha serivise z'imari bafatanyije n'ibigo bitandukanye by'imari.

Ati 'Turi gukorana n'ibigo bitandukanye by'imari naguha urugero nk'ikigo cya BDF kirimo kwivugurura cyane kugira ngo kirusheho kwegera abaturage cyane, kibanda ku rubyiruko n'Abagore aho kibafasha kubona inguzanyo zo gukora imishinga yabo.'

Leta y'u Rwanda ikomeje gushyiraho gahunda zihariye kugira ngo hakurweho imbogamizi zose zikibangamiye abaturage mu kubona serivisi z'imari akaba ari muri urwo rwego hashyizweho iki kigega ngo gikemure zimwe muri izo mbogamizi zikigaragara.

Bamwe mu bacuruzi ndetse n'ibigo bakunze kugaragaza kenshi ko inyungu ku nguzanyo ihanitse kandi ko ari imbogamizi kuri bamwe bakenera kwaka inguzanyo ngo biteze imbere. Cyane cyane bikunzwe kugarukwaho n'Abagore n'Urubyiruko bifuza gutangiza imishinga y'ubucuruzi buciriritse.

Kugeza ubu ibigo byinshi by'imari iciriritse bitanga inguzanyo ku nyungu ingana na 18% kugeza kuri 24%.

Ibigo byinshi by'imari iciriritse bitanga inguzanyo ku nyungu ya 18% kugeza kuri 24%

Ibi yabivuze ubwo yerekaga Inteko Ishinga Amategeko gahunda nshya yo kugeza ibikorwaremezo by'ikoranabuhanga ku baturage bose.

Ingabire yagaragaje ko kuri ubu u Rwanda rufite iminara y'itumanaho 1760, ibasha gutanga internet ku rugero rwa 96% mu bice bituwe no ku rugero rwa 75% ku buso bw'igihugu bwose.

Avuga ko kugira ngo internet igere mu bice byose by'igihugu, ubushakashatsi bwakoze bwerekanye ko hakenerwa iminara y'itumanaho 2500.

Minisitiri Ingabire ati 'Turi gukorana n'ibigo by'itumanaho tureba uko muri iyo minara 840 buri kigo cyashyiraho iyayo bijyanye n'uruhushya gifite.'

Minisitiri Ingabire yavuze ko Guverinoma izakoresha amafaranga acungwa n'Urwego Ngenzuramikorere, RURA, ibigo by'itumanaho bitanga angana na 2% mu kubaka iyo minara.

Minisitiri Ingabire yavuze ko urwo ruhare rw'ibyo bigo by'itumanaho kuri ayo mafaranga bisobanuye gutera inkunga ibyo gushyira iminara mu bice ibyo bigo bitarangamiye na cyane ko wenda biba bibona ko bitakungukiramo.

Icyakora agaragaza ko ayo mafaranga atafasha mu gushyiraho iminara myinshi kuko itarenga 60.

Yagize ati 'Ibyo bivuze ko niba dufite gahunda yo kubaka iminara y'itumanaho 840, bizadutwara imyaka irenga 10 kugira ngo tubigereho nidukoresha ayo mafaranga gusa. Niyo mpamvu twakoze inyigo kugira ngo tubashe gushaka abandi bashoramari bashobora kudufasha kubona inkunga ihagije yo kubaka iminara yose.'

Akomeza agaragaza ko nubwo mu bice by'igihugu ahagera internet hangana na 75% abayikoresha ari 22% gusa. Avuga ko biterwa n'uko hari aho itagera ahandi bayibona nabi.

Ingabire kandi avuga ko iyi minara iramutse yubatswe byagabanya igiciro cya internet, ndetse bikongera ibikoresho by'ikorabuhanga nka za telefoni, mudasobwa n'ibindi.

U Rwanda rukeneye iminara irenga 800 yo kongera umubare w'ababona internet

Kuri iki Cyumweru itariki 15 Werurwe 2025 ikipe ya Rayon Sports yakiriye AS Kigali mu mukino w'umunsi wa 21 wa shampiyona y'u Rwanda, Rwanda Premier League 2024-25.

Abakinnyi babanje mu kibuga ku ruhande rwa Rayon Sports ni Khadime Ndiaye, Fitina Omborenga, Bugingo Hakim, Omar Gning, Youssou Diagne, Souleymane Daffe, Ndayishimiye Richald, Muhire Kevin, Biramahire Abeddy, Rukundo Abdlahmani na Iraguha Hadhi.

Abakinnyi babanje mu kibuga ku ruhande rwa AS Kigali ni Niyonkuru Pascal, Nkubana Marc, Akayezu Jean Bosco, Buregeya Prince, Onyeabor Franklin, Rucogoza Ilias, Ndayishimiye Didier, Benedata Janvier, Emmanuel Okwi, Haruna Niyonzima na Iyabivuze Osse.

Ni umukino ikipe ya Rayon Sports igiye gukina izi neza ko niwutsinda ikomeza kwiyongerera amahirwe yo kwegukana igikombe kuko niwutsinda iza gushyiramo amanota ane y'ikinyuranyo hagati yayo na APR FC ya kabiri.

Rayon Sports kandi igiye kumanuka mu kibuga izi neza ko mukeba wayo APR FC yo yamaze gukina umukino w'umunsi wa 21 wa shampiyona ikaba yananiwe gutsinda Gasogi United kuko umukino wakinwe kuri uyu wa Gatanu warangiye amakipe yombi anganyije Ubusa ku Busa.

Kuba Rayon Sports yatsinda umukino ikaguma kongera ikinyuranyo cy'amanota irusha APR FC ibyo ntabwo bireba ikipe ya AS Kigali kuko nayo ishaka gutsinda umukino kugira ngo yuzuze amanota 36 maze ihite yambura Gorilla FC umwanya wa Gatatu muri shampiyona.

Kunganya uyu mukino biratuma Rayon Sports igira amanota 44 igume irusha amanota 2 APR FC ya kabiri, naho kuwutsindwa nabwo iraguma ku mwanya wa mbere ariko igume kurusha APR FC ya kabiri inota rimwe.

Mu mukino ubanza ubwo AS Kigali yari yakiriye Rayon Sports mu mukino w'umunsi wa 13 wa shampiyona, Rayon Sports yawusoje itsinze AS Kigali ibitego 3-1.

Abakinnyi ba AS Kigali ubwo bari bari kwishyushya mbere y’uko umukino utangira

Uko abakinnyi ba Rayon Sports basesekaye kuri Kigali Pele Stadium

Umukino uheruka Rayon Sports yatsinze AS Kigali ibitego 3-1

Rayon Sports na AS Kigali biheruka guhura ku munsi wa 13 wa shampiyona 

Chriss Eazy yataramiye muri Suède ku wa 8 Werurwe 2025, hizihizwa Umunsi Mpuzamahanga w’Umugore. Ni igitaramo cyanitabiriwe na Ambasaderi w’u Rwanda muri Suède, Dr. Diane Gashumba, Eric Kabera uzwi cyane mu ruganda rwa Cinema binyuze muri filime yatunganyije n’abandi. 

Iki gitaramo cyafunguye urugendo rw’ibitaramo uyu muhanzi agomba kuzakorera mu Burayi. Yataramiye muri kiriya gihugu abifashijwemo na Dj Moze usanzwe utegura ibitaramo ku Mugabane w’u Burayi.

Mu kiganiro na InyaRwanda, Dj Moze yavuze gutumira Chriss Eazy na Spice Diana muri iki gihugu byari mu murongo w’ubusabe bw’abanyarwanda. Ati “Navuga ko Chriss Eazy we yashakwaga n’abanyarwanda benshi, byanatumye nifuza kumutumira agahurira ku rubyiniro na Spice Diana. Nishimira uko igitaramo cyagenze, twabonye abantu n’ubwo batari benshi cyane, ariko twabonye inyungu.”

Moze yavuze ko ashingiye ku kuntu iki gitaramo cya Chriss Eazy cyagenze, byatumye yiyemeza gutumira Ruger muri Suede. Ati “Ruger ni umuhanzi Mpuzamahanga, kumutumira nyuma ya Chriss Eazy ni mu rwego rwo kwagura ibikorwa byanjye by’umuziki binyuze mu gutegura ibitaramo. Kandi twamaze kwemeranya.”

Igitaramo cya Ruger kizaba ku wa 23 Gicurasi 2025 mu Mujyi wa Stockholm muri Suede. Cyateguwe na Dj Moze binyuze muri sosiyete ye y’umuziki ya East West asanzwe anyuzamo n’ibindi bitaramo nawe acurangamo cyane cyane ibyitabirwa n’abahanzi Mpuzamahanga.

Ku wa 4 Ukwakira 2024, binyuze muri sosiyete ya East West Vibes Dj Moze yatumiye umuririmbyi Diamond akorera igitaramo gikomeye mu Mujyi wa Stockholm muri Suede. Uyu muhanzi yataramiye n’abanyarwanda mu gitaramo gikomeye, ndetse amatike yari yashize ku isoko.

Michael Adebayo Olayinka wamamaye nka Ruger utegerejwe muri iki gitaramo, yavutse ku wa 23 Nzeri 1999, avuka muri Nigeria. Akora Afrobeat, Dancehall, na Afropop.

Yamamaye mu ndirimbo nka “Dior,” “Bounce,” “Girlfriend,” “Asiwaju,” n’izindi. Ruger, ni izina rifitanye isano n'intwaro, rigaragaza imbaraga n'ubushobozi.

Ruger azwiho kwambara igipfukamaso ku jisho rimwe, kikaba ikiranga ubuhanzi bwe. Yatangiye umuziki afashijwe na D’Prince, umuvandimwe wa Don Jazzy, binyuze muri label yitwa Jonzing World.

Uyu musore yatangiye kuririmba akiri muto, ariko yatangiye kumenyekana cyane mu 2021. Ruger akomeje kwigaragaza nk'umuhanzi ufite ejo hazaza heza mu muziki wa Afurika.

Uyu musore yahagurutse ku kibuga cy'indege Mpuzamahanga cya Kigali kuri uyu wa Gatanu tariki 14 Werurwe 2025. Mu bihe bitandukanye, uyu musore yakoreye ingendo mu Bufaransa, ndetse hari bimwe mu bitaramo yagiye ahakorera. 

Mu kiganiro na InyaRwanda, Davis D yavuze ko yageze mu Bufaransa mu rwego rwo kuhakorera imwe mu ndirimbo izaba igize Album ye ya Kabiri. Ati 'Nagiye kuhakorera amashusho y'imwe mu ndirimbo zizaba zigize Album ya Kabiri. U Bufaransa ni igihugu cyiza bijyanye n'ifatwa ry'amashusho, biri mu mpamvu rero nahahisemo.' 

Uyu musore yavuze ko Album ye ya Kabiri izajya ku isoko muri uyu mwaka, kandi ko zimwe mu ndirimbo ziyigize azigeze kure. Ati 'Album ni ikintu gikomeye ku muhanzi, bisaba gutegura buri kimwe, ariko zimwe mu ndirimbo zarakozwe, kandi ndatekereza izajya hanze mu mezi ari imbere hatagize igihinduka.'

Davis D yavuze ko yatangiye gutegura Album ye ya Kabiri, nyuma y'uko ashyize hanze Album ya Mbere yise 'Afro Killer'. Ati 'Album ya mbere yampaye umusaruro byatumye ntekereza uburyo nagerageza no gukora indi Album. Ni Album ngiye gukora nyuma y'igitaramo nakoze cyo kwizihiza imyaka 10 ishize ndi mu muziki.'

Uyu muhanzi yavuze ko bimufata iminsi itari micye mu Bufaransa kugirango asoze ifatwa ry'amashusho ry'iyi ndirimbo ye nshya.

Davis D, ni umuhanzi w’umunyarwanda ukora injyana ya Afrobeat. Yavutse ku itariki ya 23 Werurwe 1993 mu karere ka Huye.

Yatangiye urugendo rwe rwa muzika mu mwaka wa 2010, ariko kubera ibibazo by’amikoro, ntiyahise abasha gushyira hanze indirimbo ze. Mu mwaka wa 2014, yamenyekanye cyane ubwo yashyiraga hanze indirimbo yise “Biryogo”, yakunzwe n’abatari bake.

Mu mwaka wa 2020, yashyize hanze album ye ya mbere yise “Afro Killa”, igizwe n’indirimbo zakunzwe cyane nka “Ifarasi” na “Pose”. Iyi album yaje gukundwa cyane, ndetse indirimbo “Dede” iri kuri iyi album yaje ku rutonde rw’indirimbo 360 zikunzwe muri Afurika kuri BBC Radio 1Xtra ikorera mu Bwongereza.

Mu rwego rwo kwizihiza imyaka 10 amaze mu muziki, Davis D yateguye igitaramo gikomeye yise “Shine Boy Fest” cyabereye muri Camp Kigali, aho yagaragaje uburyo yiteguye gukomeza guca umucyo mu muziki nyarwanda.

Mu buzima bwe bwite, Davis D yagiye agaragaza urukundo rwe ku mugaragaro, aho yigeze gutangaza ko yakunze umukobwa akimubona, ndetse agaharanira kumwegukana n’ubwo yari afite undi musore bakundana.

Yanavuze ko mu byo akundira umukunzi we harimo imico ye myiza n’uburyo amuha amahoro, aho uburanga abufata nk’inyongera.

Mu myaka 10 ishize ari mu muziki, Davis D yagaragaje umuhate n’ubushake bwo guteza imbere umuziki nyarwanda, akora indirimbo zishimisha abakunzi b’umuziki ndetse anitabira ibikorwa bitandukanye.

Davis D yamaze kugera mu Mujyi wa Paris mu Bufaransa mu rugendo rwo kuhakorera Album ye ya Kabiri 

Davis D atangiye gutegura Album ya Kabiri nyuma y'uko mu 2024 yakoze igitaramo yizihirijemo imyaka 10 ishize ari mu muziki 

KANDA HANO UREBE AMASHUSHO Y'INDIRIMBO 'JEJE' YA DAVIS NA PLATINI

 “> 

Kuki bandika nabi? Hari n'abavuga ko mu myaka ya kaminuza biga bagira umwaka umwe wo kwiga uko bandika, hari n'izindi nkuru zitandukanye zivuga ku mukono w'abaganga.

Ntabwo abaganga bandika nabi gusa, ahubwo n'ibyo bandika bigorana kubisoma. Icyo wamenya ni uko abaganga batandika nabi kuko abantu biga amasomo ajyanye n'ubuvuzi baba bandika nabi bose. 

Ntabwo abaganga bose bandikaga nabi kuva bakiri bato, akenshi imyandikire yabo ihinduka mu gihe runaka, ariko se kuki bandika nabi? Dore impamvu abaganga bakunze kuba bandika nabi, nk'uko tubikesha inyandiko yasohotse mu kinyamakuru Canadian Medical Association (CMA):

Icya mbere ugomba kumenya ni uko ibi bimaze igihe kirekire cyane, ntabwo abaganga bo muri iyi myaka ari bo bonyine bandika nabi, ahubwo no kuva kera abaganga bandikaga nabi. 

Abantu bakundaga gutera urwenya bavuga ko mu buvuzi ari ho honyine umuntu aba yemerewe kwandika nabi kandi ntibigaragare nk'ikibazo.

Abaganga baba bafite ibintu byinshi byo gukora: kuva na kera abaganga bahoze babayeho ubuzima buhuze, bafite abarwayi babarirwa mu magana bagomba kwitaho ku munsi. 

Ibi bivuze ko baba bagomba gukora vuba birimo no kwandika vuba kugira ngo babashe kurangiza ibyo bagomba gukora byose. Icy'ingenzi rero si umukono mwiza ahubwo ni ugukora vuba no kuzuza inshingano zabo.

Andi makuru avuga ko, umukono w'abaganga ufitanye isano no kuba mu masomo yabo biga ibintu byinshi kandi bibasaba kwandika cyane kandi vuba. 

Uzarebe nawe iyo uri kwandika ibintu byinshi, wihuta kandi ugomba kubirangiza mu gahe gato, mu by’ukuri umukono wawe urahinduka. 

Abaganga rero nabo ni uku biza, mu by’ukuri abenshi baba barandikaga neza batarajya kwiga amasomo y'ubuvuzi. Ariko uko bamaramo igihe kinini niko umukono wabo ugenda uhinduka.

Ikindi gituma ugorwa no gusoma umukono w'abaganga ni uko imiti myinshi iba ifite amazina agoranye cyane. Amazina akomeye ubonye bwa mbere mu buzima bwawe, ibi rero bituma ugorwa no kubisoma ngo ubisobanukirwe.

Indi mpamvu yo kwandika nabi kw'abaganga ni uko ishuri ry’ubuvuzi ryibanda cyane cyane ku kwigisha abaganga gusuzuma no kuvura indwara, aho kubigisha kwandika neza. Nta mahugurwa yo kwandika neza bahabwa. 

Abaganga batojwe gusobanukirwa uburwayi bw'abarwayi ndetse bakabasha no kubavura, ibyo kwandika rero ntibabyigishijwe. Icy'ibanze ni ibikubiye mu byo bandika, ntabwo ari uko bigaragara.

Tekereza kuvura abarwayi bagera kuri 20 cyangwa 50 ku munsi, kumva uko barwaye, ndetse ukandika ibimenyetso byose bafite kugira ngo umenye icyo barwaye ndetse ukanabandikira imiti, kandi ukanakira abarwayi barembye cyane. 

Abaganga bakora akazi gakomeye, gasaba imbaraga ndetse kananiza cyane. Ibi rero birabananiza bigatuma bigatuma batangira kwandikana ubunebwe.

Akenshi batangira kwandika nabi mu masaha y'ikigoroba. Ibuka igihe waba warigeze kuba ufite ibintu byinshi byo kwandika mu ishuri, utangira ku rupapuro rwa mbere wandika neza nk’ibisanzwe, uko ugenda unanirwa niko bihinduka. Ushobora kugera ku rupapuro rwa nyuma wandika nabi cyane.

Muri iki gihe, mu bitaro bitandukanye, abaganga basigaye bakoresha ibikoresho by'ikoranabuhanga nka mudasobwa mu kwandika mu rwego rwo kwirinda ibibazo by'imyandikire mu gihe bandikisha intoki ndetse bakandika vuba. Nyamara, ingeso yo kwandika vuba kandi mu kajagari iracyari ingorabahizi mu baganga benshi.

Ushobora kwibaza uti abaganga bakora mu gutanga imiti (Pharmacists) bo bashobora gusoma uriya mukono? Umuganga w'umuhanga mu by'imiti akaba n'umufarumasiye ubifitemo uburambe, Alan Phelps yasubije iki kibazo.

Yavuze ko hari impamvu nyinshi bashobora gusoma umukono w'abaganga, ariko ko hari igihe bigorana. Yavuze ko baba bazi amazina y'imiti, ndetse n'indwara umuntu aba arwaye kugira ngo bamuhe umuti runaka, kumenya rero icyo umuganga yanditse bakurikije ubumenyi bwabo bwite ntabwo bibagora.

Avuga ko kandi mu gihe umurwayi aba ahari yaje gufata imiti, mu gihe bimugoye gusoma amazina y'umuti bitewe n'umukono mubi, ashobora kubaza umurwayi uko arwaye maze akaba yamenya umuti wamuvura. 

Ni mu gihe hagiye hagaragara ibibazo bitandukanye biturutse ku kuba abaganga bandika nabi, nk'umurwayi agahabwa imiti ariko kubera kutamenya gusoma umukono wa muganga akayoberwa inshuro agomba kunywa imiti bikaba byatuma anywa myinshi cyangwa mike.

Ni mu gihe ubushakashatsi bugaragaza ko hirya no hino ku isi, amakosa yo kwa muganga ni impamvu nyamukuru itera impfu zitandukanye. Mu Bwongereza, bivugwa ko amakosa y'ubuvuzi ahitana abagera kuri 30,000 buri mwaka, naho muri Amerika, uyu mubare ugera ku 100000. 

Aha ni mu gihe umuganga utanga imiti ananirwa gusoma ibyo undi yanditse maze akaba yatanga imiti itari yo ari na byo bivamo izo mpfu zitandukanye.