Category: Uncategorized

Imiryango y’abarokotse Jenoside yakorewe Abatutsi mu 1994 batishoboye batujwe mu mudugudu uherereye mu Kagari ka Kidahwe, Umurenge wa Nyamiyaga, ishima ko yatujwe mu nzu nziza, ariko igasaba guhabwa umuriro bakareka gucana agatadowa na buji mu gihe cy’ijoro. Basaba kandi guhabwa amazi meza bakava ku kuvoma ibirohwa, bakanibutsa ko hari zimwe mu nzugi zidakingwa aho baba.

Bamwe mu batuye muri uyu Mudugudu baganiriye na intyoza.com, bavuga ko mu gihe gito bahamaze, baba mu nzu nziza ariko zitagira umuriro, nta mazi meza, ariko handi hakaba n’inzugi ahanini z’ibikoni n’ubwiherero zidafungwa.

Basaba ko nkuko babyijejwe, bahabwa umuriro ubacanira bakava ku dutadowa na Buji nijoro, cyane ko ngo hari n’ibyuma-Pano( Panneaux Solaires) byashyizwe hejuru y’inzu zabo bikurura umuriro uturuka ku Mirasire y’izuba ariko ngo baheruka ibyo byuma bishyira hejuru y’inzu.

Uretse kuba batagira Umuriro, bavuga ko babangamiwe no kuba batagira amazi meza. Ayo babona ni amazi y’ibirohwa bavoma mukabande, aho aya ngo amaze gutera bamwe ibibazo by’uburwayi mu mihogo. Bifuza ko nk’abantu batujwe ku mudugudu, bakwegerezwa amazi meza, bityo bagatura heza hari n’amazi meza n’ibindi nkenerwa bishyirwa ahubakwa Umudugudu. Ibyuma byifashishwa mu gukurura umuriro uturuka ku mirasire y’izuba byashyizwe hejuru y’inzu, bahora babwirwa ngo barahabwa umuriro ejo, Ejo haba ejo.

Mu gihe bataka amazi n’umuriro, bavuga ko Ibigega by’amazi bahawe kugeza ubu kubera ko nta Robine byashyizweho, ahubwo aho zagakwiye kujya hari umwenge gusa, ngo n’ubwo imvura yagwa ntacyo byabamarira, basaba ko ibi nabyo byitabwaho.

Basaba kandi abakinze inzugi kwita cyane ku z’ibikoni n’ubwiherero hamwe na hamwe aho basize badatunganije ngo bahashyire ibifungisho, bikaba bituma hari ubwo batinya gusiga nk’ibikoni birangaye. Ibigega byakabafashije gufata amazi y’imvura, iramutse iguye ntacyo byabamarira kuko ahajya robine basize bahatoboye barigendera.

Nubwo ibi bibazo byose Bihari, bashima Leta muri rusange kuba yarabahaye aho kuba, bakaba batekanye bagereranije na mbere, ariko kandi bakibutsa ko ibitarakozwe neza kimwe n’ibyo by’amazi n’umuriro byakwitabwaho byihutse.

Tuyizere Thaddee, Umuyobozi w’Akarere ka Kamonyi wungirije ushinzwe iterambere ry’Ubukungu akaba ari nawe ubu Musigire w’Umuyobozi w’Akarere mu gihe uwakayoboraga yagizwe Guverineri w’Intara y’Amajyepfo, avuga ko iby’umuriro ubu bitashoboka ngo kuko nyine udahari, gusa ngo biteganijwe ko uzajyamo.

Tuyizere, avuga ko ibibazo bifitwe n’abashyizwe muri izi nzu, bikomeza gukurikiranwa n’ubuyobozi, ibitameze neza bagasaba Rwiyemezamirimo wahawe isoko kubikosora naho ibireba ubuyobozi nabyo bikaba bigomba gutunganywa, byose kandi bigakorwa hagamijwe ko abatujwe muri izi nzu babaho neza kurusha uko bari babayeho mbere.

Munyaneza Theogene / intyoza.com
http://dlvr.it/RbLqJC

Umuhanzi w’icyamamare Justin Bieber, wigeze kuvugwaho ibibi byinshi kuruta ibyiza, yashimiye Yesu ko yamukijije kandi ko atagikeneye kubaho mu kimwaro, ntatewe isoni nokuvuga ko Yesu yamugiriye Ubuntu.

Uyu muhanzi yatangaje iby’ukwemera kwe kwa gikristo ku rubuga rwe rwa Instagram, aho afite abayoboke barenga miliyoni 140. Mu butumwa bwe yasangije imbaga y’abantu ingana ityo bwari bwuzuye amagambo yo gushima Yesu kubwo kumubohora akamugirira imbabazi.

Yagize ati” “Urakoze Yesu kubyo unkorera mu buzima bwanjye. Urakoze kumbabarira! Urakoze kunyereka ko mpagije! Urakoze ko ntakigendana isoni n’ikimwaro, ko ahubwo ngendana ishema ry’uko nziko unkunda, ko natoranijwe, kandi nababariwe!”

Yakomeje, ashishikariza miliyoni z’abamukurikira kuri instgram gukurikira Yesu ndetse bakanamwikoreza imitwaro yabo yose, agira ati””Niba uhanganye n’amateka y’ibyahise mu buzima bwawe bishyikirize Yesu! Kuko we Ntabwo ajya aremerewe na byo!”

“Yesu aragukunda kandi yubahishwa no kumenya buri kimwe cyose kibera mu buzima bwawe icyiza cyangwa se ikibi! Ntabwo yigeze akurakarira, arakwifuriza ibyiza gusa!”

Ubutumwa bwo kubabarirwa n’Imana ni ikintu Bieber afitiye ubunararibonye kuko nyuma yimyaka myinshi itangazamakuru rimuvugaho ibibi , nko gukoresha ibiyobyabwenge no gufatwa kubera umuvuduko mwinshi. Nanone kaho mu 2014, yatanze amadorari 80.000 kugira ngo akemure ikibazo n’umuturanyi we yashinjwaga gufata kungufu, n’ibindi byinshi bibi byamuvuzweho.

Byabaye amateka atizibagirana rero kuri we kuko muri uwo mwaka wa 2014, nibwo yahindutse cyane maze abatizwa mumazi menshi yakira Yesu nk’Umwami n’umukiza w’ubugingo bwe. Kuva icyo gihe yiyemeje kwizera no gukurikira Kristo.

Source: www.christiantoday.com

[email protected]
http://dlvr.it/RbLqGS

Umusore wo mu Murenge wa Kigoma mu Karereka Nyanza yatawe muri yombi n’Urwego rw’Igihugu rw’Ubugenzacyaha, RIB, akurikiranyweho icyaha cyo kwica se witwa Rurangwa Alexandre, amukubise agafuni mu mutwe.
http://dlvr.it/RbLqCz