Category: Uncategorized

Perezida wa Repubulika y'u Rwanda, Paul Kagame, ari kumwe na Madamu Jeannette Kagame, bitabiriye umukino wahuje Ikipe y'Igihugu, Amavubi, na Super Eagles ya Nigeria kuri Stade Amahoro, kuri uyu wa Gatanu.

Mu mukino w'Umunsi wa Gatanu wo mu Itsinda C ry'amajonjora y'Igikombe cy'Isi cya 2026, Amavubi yatsinzwe ibitego 2-0 na Nigeria.

Iyi ntsinzi yahise ifasha Nigeria kugira amanota atandatu, ikazamuka ku mwanya wa kane mu itsinda. U Rwanda rwo rwagumye ku mwanya wa gatatu n'amanota arindwi. Ku rundi ruhande, Afurika y'Epfo yayoboye itsinda n'amanota 10 nyuma yo gutsinda Lesotho ibitego 2-0.

Amavubi azongera gukina ku wa Kabiri, tariki ya 25 Werurwe 2025, ubwo azacakirana na Lesotho muri Stade Amahoro.

Source : https://yegob.rw/umwuzukuru-we-nawe-yari-ahari-perezida-paul-kagame-nabagize-umuryango-we-bitabiriye-umukino-wu-rwanda-na-nigeria-amafoto/

George Foreman, umwe mu banyabigwi mu mukino w'iteramakofe ku isi, yitabye Imana ku myaka 76. Umuryango we watangaje ko uyu mukinnyi wahize benshi mu myaka ye yitabye Imana mu ijoro ryo ku wa Gatanu, tariki ya 21 Werurwe 2025.

Foreman azwi cyane ku mateka akomeye yanditse mu mukino w'iteramakofe, cyane cyane ku mukino we w'ibihe byose wahuje na Muhammad Ali mu 1974 i Kinshasa muri Zaire, uzwi nka Rumble in the Jungle.

Uyu mukino wari witezwe na benshi, warangiye Foreman atsinzwe na Ali, ariko ntiwamuvukije kuba umwe mu banyabigwi bakomeye b'ibihe byose.

Foreman yatangiye urugendo rwe mu iteramakofe mu myaka ya za 1960, yegukana umudali wa zahabu mu Mikino Olempike ya 1968 i Mexico City.

Nyuma yaho, yinjiriye mu iteramakofe nk'uwabigize umwuga, atsindira bwa mbere igikombe cy'isi cy'abakinnyi baremerewe mu 1973, ubwo yatsindaga Joe Frazier.

Nyuma yo gutsindwa na Muhammad Ali, Foreman yagiye asezera no kugaruka mu mukino, aza gukora amateka mu 1994 ubwo yongera kwegukana igikombe cy'isi ku myaka 45, aba umukinnyi mukuru mu myaka wegukanye icyo gikombe.

Nyuma y'iyo ntsinzi, yaretse iteramakofe burundu maze yinjira mu bucuruzi, aho yagize izina rikomeye binyuze muri George Foreman Grill, ibikoresho byo guteka byamamaye ku isi.

Urupfu rwe ni igihombo gikomeye ku mukino w'iteramakofe no ku bakunzi bawo ku isi hose. Bamwe mu banyabigwi b'uyu mukino, barimo Mike Tyson na Lennox Lewis, bamwunamiye bamwita 'umwe mu bakomeye babayeho mu iteramakofe.'

Source : https://kasukumedia.com/umunyabigwi-mu-iteramakofe-george-foreman-yitabye-imana-ku-myaka-76/

Umunyamakuru Jean Lambert Gatare, wakoreye ibitangazamakuru bitandukanye byo mu Rwanda, yitabye Imana azize uburwayi yari amaranye igihe kirekire.

Inkuru y'urupfu rwe yateye intimba mu ruganda rw'itangazamakuru, aho bagenzi be, inshuti n'umuryango we bagaragaje akababaro kenshi ku bwo kubura umuntu wari inkingi ya mwamba mu itangazamakuru ry'u Rwanda.

Jean Lambert Gatare yari umunyamakuru uzwiho ubuhanga n'ubushishozi mu gutara no gutangaza inkuru, akaba yarakoranye n'ibitangazamakuru bikomeye mu Rwanda. Mu buzima bwe, yagaragaje ubwitange no guharanira itangazamakuru rifite ireme, aho yagiye afasha benshi mu banyamakuru bakiri bato kubona ubunararibonye n'ubumenyi bukenewe muri uyu mwuga.

Bamwe mu bamumenye batangaje ko yari umuntu w'inyangamugayo, urangwa no gukunda umurimo, kandi wicisha bugufi. Abakoranye na we bibuka ubuhanga bwe mu gutegura inkuru zicukumbuye, aho yagiye afasha benshi gusobanukirwa ibibera mu gihugu no hanze yacyo.

Gatare yari amaranye igihe uburwayi bwamugoye, ariko nubwo yahuye n'icyo kibazo, ntiyigeze acika intege mu buzima bwe bwa buri munsi. Yakomeje kugira umwete wo kuganira no gutanga inama ku itangazamakuru ndetse n'ubuzima busanzwe.

Inkuru y'urupfu rwe yakiriwe n'amarira n'agahinda n'abakoranye na we, ndetse n'abamukundaga. Bamwe mu banyamakuru bazwi mu Rwanda bagize icyo bavuga kuri we, aho bavuze ko urupfu rwe ari igihombo gikomeye ku mwuga w'itangazamakuru.

Umwe yagize ati: 'Gatare yari umuntu w'intangarugero, yakundaga gutanga umusaruro mwiza kandi adacogora. Ni igihombo gikomeye ku itangazamakuru ryacu.'

Umuryango wa nyakwigendera urateganya gutangaza gahunda y'ibijyanye no kumusezeraho no kumushyingura mu minsi iri imbere. Nubwo atakiri kumwe n'abakundaga, umurage we mu mwuga w'itangazamakuru uzahora wibukwa.

Source : https://kasukumedia.com/umunyamakuru-jean-lambert-gatare-yitabye-imana-azize-uburwayi/

Yitabye Imana mu ijoro ryo kuri uyu wa Gatanu rishyira ku wa Gatandatu akaba yaguye mu Buhinde aho yari yaragiye kwivuza uburwayi yari amaranye igihe kirekire.

Jean Lambert Gatare yamenyekanye cyane ubwo yari kuri Radio Rwanda yakozeho kuva mu 1995. Guhera mu 2011 yatangiye gukorera Isango Star nabwo mu biganiro bya siporo aho yanakoze mu kiganiro kigaruka ku makuru ya Rayon Sports ‘Rayon Time’ . Mu 2020 ni bwo yagizwe umuyobozi w'agateganyo w'ikinyamakuru Rushyashya.

Gatare ni umwe mu batanze umusanzu ukomeye mu itangazamakuru rya Siporo, haba mu kogeza umupira no kuvuga amakuru y'imikino, akagira indi mpano yihariye yo kwita abakinnyi amazina bitewe n'imyitwarire yabo mu kibuga.

Mu bo yise amazina harimo Bokota yise ‘Igikurankota’, Haruna yise ‘Fabregas’, Twagizimana Fabrice yise ‘Ndikukazi’, Ndayishimiye Eric yise ‘Bakame’, i Rubavu ahita muri ‘Brezil’ kubera impano z'umupira zihakomoka, aho yemeza ko ibyo yabifashwagamo n'inararibonye mu mikino witwa Migambi.

Jean Lambert Gatare yari umwe mu bafana bakomeye b’ikipe ya Rayon Sports kuva kera.

Jean Lambert Gatare yitabye Imana 

Source : https://inyarwanda.com/inkuru/153774/umunyamakuru-jean-lambert-gatare-yitabye-imana-153774.html

Urupfu rw'uyu mugabo rwamenyekanye mu rukerera rwo kuri uyu wa Gatandatu tariki 22 Werurwe 2025.

Amakuru yizewe IGIHE ifite ni uko yari amaze iminsi yaragiye kwivuriza mu Buhinde. Ku wa Gatanu tariki 21 Werurwe nibwo yatangiye kuremba cyane, ndetse birangira yitabye Imana.

Jean Lambert Gatare ni umwe mu banyamakuru bakunzwe cyane mu Rwanda, by'umwihariko mu bijyanye n'imikino ndetse no kwamamaza.

Yatangiye gukora kuri Radio Rwanda mu 1995. Guhera mu 2011 yatangiye gukorera Isango Star. Mu 2020 nibwo yagizwe umuyobozi w'agateganyo w'ikinyamakuru Rushyashya.

Umunyamakuru Jean Lambert Gatare yitabye Imana

---

Source : http://igihe.com/amakuru/u-rwanda/article/umunyamakuru-jean-lambert-gatare-yitabye-imana

Umutoza Mugiraneza Jean Baptiste, uzwi nka Miggy, yahagaritswe n'ikipe ya Muhazi United nyuma y'amajwi yasakaye agaragaza ko yagerageje kugura umukino. FERWAFA nayo yatangaje ko igiye gukurikirana iki kibazo, ihamagaza Miggy ngo yisobanure ku byo ashinjwa.

Miggy, wahoze ari umukinnyi ukomeye wa APR FC n'Amavubi, yavuzweho gushaka gutanga ruswa kuri Shafik Bakaki, myugariro wa Musanze FC, kugira ngo Kiyovu Sports ibone amanota. Icyakora, Shafik ngo yanze ubwo busabe, avuga ko ari mu gisibo cya Ramadan.

Mu kiganiro Miggy yagiranye kuri YouTube, yemeje ko ayo majwi ari aye, ariko avuga ko yari gukora ubushakashatsi. 'Amajwi ni ayange. Nakoraga ubushakashatsi ngo ndebe ko Shafik arya ruswa kuko nashakaga kumuzana muri Muhazi,' Miggy yatangaje.

 

Source : https://yegob.rw/amajwi-ni-ayange-umutoza-mugiraneza-jean-baptiste-miggy-agaruka-ku-nkuru-ya-ruswa-imaze-iminsi-imuvugwaho-video/

Yabigarutseho kuri uyu wa 20 Werurwe 2025, ubwo yitabiraga Inama Mpuzamahanga iri guhuza kaminuza zo muri Afurika yiswe THE African Universities Summit, igamije kwigira hamwe uko zagira uruhare mu iterambere rya Afurika.

Prof. Didas Muganga yavuze ko mu rwego rwo kugira uruhare rukomeye mu iterambere rya Afurika, kaminuza zigomba gutegura integanyanyigisho ihamye isubiza ibibazo ibihugu bya Afurika bifite.

Ati 'Ni ukwisuzuma tukareba ubu, uko twashyigikira iryo terambere birenze ku cyerekezo 2030. Harimo gutegura integanyanyigisho zacu zishaka gusubiza ibibazo twe tubona muri Afurika.'

Yakomeje ati 'Ubundi ikibazo cyose nyafurika utekereza ko uri gusubiza ntabwo kiba gitandukanye n'ahandi. Tugomba kumenya ngo Afurika iragana he? Ese iterambere twifuza ryagerwaho rite?'

Yemeje ko kimwe mu bizafasha mu kugera ku cyerekezo cy'iterambere ryifuzwa, hagomba kongerwa umubare w'abagera muri kaminuza ariko hakanarebwa ku kunoza ubumenyi bahabwa.

Ati 'Ni ukwagura umubare w'abagera muri za kaminuza ariko no kwagura ubumenyi babona uko bungana. Ntiturebe gusa ngo twagize imibare myinshi ahubwo tukarebera hamwe ubumenyi bafite, uburyo bakora ubushakashatsi ndetse n'uburyo kaminuza n'ibihugu bishora muri ubwo bushakashatsi kugira ngo tugere kuri iryo terambere ryifuzwa.'

Yagaragaje kandi ko kaminuza zikwiye gushyira imbaraga mu kugena icyerekezo yifuza kugeramo ndetse no gushaka abafatanyabikorwa n'imikoranire n'izindi kaminuza hagamijwe kugera ku iterambere.

Ati 'Kaminuza ikwiye kuba yamaze gusuzuma ikareba ibikenewe kugira ngo rya terambere ryifuzwa rigerweho, ku buryo niba ribonye n'uwo mufatanyabikorwa, aze ariko asange ifite icyerekezo cy'icyo ishaka kugeraho.'

Kaminuza y'u Rwanda iheruka kuza ku mwanya wa Gatandatu muri Kaminuza zo muri Afurika yo munsi y'Ubutayu bwa Sahara, ibintu bishimangira ko ikomeje kwerekeza aheza bijyanye n'ireme ry'uburezi itanga ndetse n'ubushakashatsi buzana impinduka ikora mu ngeri zinyuranye.

Prof. Muganga yagaragaje ko kaminuza ayoboye ishyize imbere gahunda yo kongera umubare w'abarimu bafite impamyabumenyi y'ikirenga mu masomo atandukanye.

Yatangaje ko kuri ubu hari abantu barenga 500 biyandikishije kwiga muri kaminuza bifuza kubona impamyabumenyi y'ikirenga bigiye muri Kaminuza y'u Rwanda.

Ati 'Ubu tugiye kubona Abanyarwanda benshi bafite ubumenyi buhambaye, yenda batashoboraga kubona kubera ikiguzi cyo kujya hanze, gusiga ingo zabo bajya mu mahanga, inshingano zindi bafite cyane ko hari n'abari mu kazi ariko turi kongera imibare yabo.”

Yavuze ko igihugu kidashobora gutera imbere kidafite abantu b'abashakashatsi bashoboye, bityo ko uko guharanira kongera umubare w'abagana za kaminuza bigomba kujyana no kububakira ubushobozi.

Prof Didas Muganga uyobora Kaminuza y'u Rwanda yasabye ko kaminuza zinoza integanyagisho zikanongera umubare w'abazigana

---

Source : http://igihe.com/amakuru/u-rwanda/article/prof-didas-muganga-uyobora-kaminuza-y-u-rwanda-yasabye-ko-kaminuza-zinoza

Ibi yabivuze ku wa 21 Werurwe 2025, mu gikorwa cyo gusuzuma abagore n'abakobwa kanseri y'ibere, hagamijwe kumenya uko bahagaze ndetse n'abasanganywe ibimenyetso bagakurikiranwa hakiri kare.

Hagenimana yavuze ko kanseri ari indwara igoye kuyirinda, ndetse ko itinda kugaragaza ibimenyetso ari yo mpamvu impinduka zose zaza ku ibere umuntu akwiye kwihutira kujya kwa muganga kwisuzumisha.

Avuga ko kanseri y'ibere iyo imenyekanye hakiri kare ivurwa igakira, ariko iyo umuntu atinze kuyivuza aba atakibashije kuvurwa ngo akire.

Hagenimana agaragaza ko uko imyaka igenda ishira ari ko imibare y'abarwara iyi ndwara igenda izamuka, aho mu 2023 habonetse abarwayi bayo 617 na ho mu 2024 haboneka 639.

Yavuze ko iki gikorwa bafatanyijemo na Access Bank Rwanda Plc, kiri mu bukangurambaga buri gukorwa na RBC, bugamije gusobanurira Abanyarwanda kanseri ndetse no kubakangurira kwisuzumisha hakiri kare.

Yagize ati 'Ni ubufatanye na Access Bank bugamije gushishikariza abantu kugira ubumenyi kuri kanseri y'ibere, tukabasuzuma. Dufite abaganga bari kubasuzuma, kugira ngo abo tuyibonamo tubahe ubuvuzi bukwiye.'

Umuyobozi ushinzwe kumekanisha ibikorwa n'Itumanaho muri Access Bank, Kelly Sesonga, yavuze ko iki gikorwa gitegurwa mu kwezi kwahariwe umugore kugira ngo bishimire iterambere rye ariko banabungabunga ubuzima bwe.

Yagize ati 'Intego yacu ni gufasha Abanyarwanda muri rusange ndetse n'abakiliya bacu kumenya uko bahagaze no kubakangurira kwita ku buzima bwabo.'

Imibare y'Ikigo gikusanya imibare kuri kanseri ku Isi, Globocan igaragaza ko mu Rwanda abantu 7000 basangwamo kanseri buri mwaka, igahitana abarenga 50%.

Mbere yo gusuzuma abagore babanzaga kuganirizwa kuri kanseri y’ibere

Marc Hagenimana ukora mu ishami rya RBC rishinzwe kurwanya kanseri yavuze ko ari ngombwa ko abantu bisuzumisha kenshi indwara ya kanseri y’ibere kuko itinda kugaragaza ibimenyetso

Ku bufatanye bwa RBC na Access Bank abagore batandukanye basuzumwe kanseri y’ibere

Abitabiriye bose basobanuriwe kanseri y’ibere ndetse baranasuzumwa

---

Source : http://igihe.com/amakuru/u-rwanda/article/abarenga-600-basanzwemo-kanseri-y-ibere-mu-2024

Ku wa Gatanu, tariki ya 21 Werurwe 2025, Komisiyo y'Uburayi yatangaje ko itindije itegeko rishya ry'ihindagurika ry'ikirere ryari riteganyijwe gutangazwa mu gihembwe cya mbere cy'uyu mwaka, rikaba ryari ritegerejweho gutangaza umugambi wo kugabanya ibyuka bihumanya kugera mu mwaka wa 2040.

Muri Gashyantare, Komisiyo yari yatangaje ko izahindura itegeko ry'ikirere rya EU muri iki gihembwe, igamije gushyiraho intego ya 2040 yo kugabanya ibyuka bihumanya hagati y'intego ya 2030 n'iyo kugera ku busa bwa neti ya 2050.

Ariko, uyu mugambi wahuye n'imbogamizi za politiki, aho bimwe mu bihugu bigize EU n'abagize inteko ishinga amategeko batifuza gushyigikira intego yo kugabanya ibyuka bihumanya ku kigero cya 90% nk'uko Komisiyo yari yabigaragaje nk'intego ya 2040.

Intego z'ikirere za EU zishyirwaho mu mategeko zigaragaza uko ibihugu bigomba kugabanya ibyuka bihumanya ugereranije n'umwaka wa 1990.

Umuvugizi wa Komisiyo yatangaje ati: 'Dushobora kwizeza ko itegeko ritazemezwa mu gihembwe cya mbere,' yirinze gutangaza igihe intego izashyirwaho.

EU, kimwe n'ibindi bihugu byinshi ku isi, yananiwe gutanga umugambi w'ikirere wa 2035 ku Muryango w'Abibumbye muri Gashyantare, aho Komisiyo yavuze ko uwo mugambi ukwiye guturuka ku ntego ya 2040 ya EU.

Nubwo Perezida Donald Trump yakuye Amerika mu masezerano y'i Paris y'ikirere, EU yiyemeje kudasubira inyuma ku ntego zayo zo kurwanya ihindagurika ry'ikirere.

Uburayi ni wo mugabane ushushya vuba ku isi, kandi wahuye n'ibiza bikomeye byatewe n'ihindagurika ry'ikirere mu myaka yashize.

Ariko, gahunda y'uburengerazuba bwo kurengera ibidukikije irimo guhura n'igitutu kivuye mu nganda no mu bihugu bimwe, bivuga ko amategeko arengera ibidukikije abangamiye ubucuruzi bwabo.

EU yemeye muri uku kwezi koroshya amategeko yo kugabanya CO2 ku bakora imodoka nyuma y'ubusabe bw'inganda.

Abayobozi bamwe ba EU banagaragaza ko hari uguterera agati mu ryinyo mu gutangiza ibiganiro bya politiki ku ntego y'ikirere ya 2040 mbere y'amatora ya perezida wa Polonye muri Gicurasi.

Varsovie yari yabanje kurwanya intego ya EU ya 2050 y'ikirere, ivuga ko ihangayikishijwe n'igiciro cy'ihinduranya ry'ingufu ku gihugu gishingiye ku makara.

Umudipolomate umwe wa EU yagize ati: 'Simbona umubare uhagije ushyigikira 90%,' yerekeza ku myanya y'ibihugu bya EU ku ntego ya 2040.

 

Source : https://kasukumedia.com/komisiyo-yuburayi-itindije-itangazwa-ryintego-nshya-yibidukikije-ya-eu/

Washington, DC — Ku wa Gatanu: Elon Musk, umuyobozi wa Tesla na SpaceX, yahuye na Minisitiri w'Ingabo za Amerika, Pete Hegseth, nyuma y'aho Perezida Trump n'abandi bayobozi bahakanye amakuru avuga ko yagombaga guhabwa inyigisho y'ibanga rikomeye ku ntambara ishoboka hagati ya Amerika na Chine.

Bamwe mu badepite n'impuguke mu by'amahame y'ubunyamwuga bagaragaje impungenge ku kuba Musk ari umujyanama mukuru wa perezida, mu gihe ibigo bye bifitanye amasezerano akomeye na leta ya Amerika, cyane cyane SpaceX ifitanye amasezerano na Pentagon na NASA.

• Uyu munyemari ukize cyane ni we wari uyoboye ibikorwa byo kugabanya inkunga ya leta ku mushinga wa DOGE, bikaba byarateje imyigaragambyo ndetse bigatuma imodoka za Tesla n'amaduka yayo bigabwaho ibitero biri gukorwaho iperereza n'Urwego rushinzwe Ubutasi (FBI) nk'ibikorwa by'iterabwoba ryo mu gihugu.
• Ku wa Gatanu, Musk yagaragaye asohoka muri Pentagon, aho ibinyamakuru bitandukanye byatangaje ko yahuye n'abayobozi ba gisirikare ariko nta nyigisho y'ibanga rikomeye yahawe.
• Perezida Trump yemeje ko Musk atigeze ahabwa inyigisho ku mugambi wa gisirikare w'Amerika kuri Chine, ahubwo yari ahari nk'umuyobozi wa DOGE.
• 'Bwari inama nziza nk'ibisanzwe,' ni byo Musk yavuze avuye muri Pentagon. 'Nahoze nza hano, murabizi.'
• Umunyamakuru wa New York Times yabajije Minisitiri Hegseth ibyo we na Musk baganiriyeho, undi amusubiza ati: 'Ni kuki nabikubwira?'

Ikinyamakuru The New York Times cyari cyatangaje bwa mbere ku wa Kane ko hari abayobozi ba Amerika bavuze ko Musk yagombaga guhabwa inyigisho ku mugambi wa gisirikare wose 'ku ntambara ishoboka na Chine.'

• The Wall Street Journal nayo yatangaje ko umugambi w'intambara na Chine wari 'umwe mu ngingo nyinshi' zari zigiye kuganirwaho muri iyo nama. Iki kinyamakuru cyavuze ko Musk, nk'umuyobozi wa Tesla ikenera byinshi muri Chine mu bijyanye no gukora imodoka, ndetse na SpaceX, ashobora kuba yarahawe amakuru y'ibanga atabonwa n'abandi bashoramari.
• 'Duhagarariye inkuru yacu,' ni byo umuvugizi wa New York Times yabwiye Axios.
• Musk, ku wa Gatanu, yanditse ku rubuga X ko yishimiye 'gukurikirana no gufungisha abakozi ba Pentagon bavugisha ibinyamakuru amakuru y'ibinyoma ku nyungu zabo.'

Perezida Trump yatanze igitekerezo cye: Ku wa Kane nijoro, Trump yanditse kuri Truth Social avuga ko inkuru ya New York Times ari 'ikinyoma kibabaje' kandi 'giteye isoni'.

• Yagize ati: 'Chine ntizavugwa na gato muri iyi nama. Birababaje ukuntu itangazamakuru ritakigira icyubahiro rishobora guhimba ibinyoma nk'ibi. Ariko rero, iyi nkuru nta kuri ifite rwose!!!'
• Umuvugizi mukuru wa Pentagon, Sean Parnell, yanditse kuri X ko iyo nkuru ari 'ikinyoma cyambaye ubusa, cy'ubugome.'
• Parnell yavuze ko Musk 'ari umunyamerika w'umunyamurava' kandi ko 'bishimishije kugira we muri Pentagon.'
• Ku wa Kane nijoro, Hegseth yanditse kuri X avuga ko yishimiye kwakira Musk muri Pentagon 'mu nama itari iy'ibanga ku bijyanye n'udushya, gukoresha neza umutungo no kunoza imikorere', yongeraho ko bitari 'inama ku mugambi w'igisirikare wa gisirikare na Chine.'
• Abahagarariye White House, Pentagon, SpaceX, na Tesla ntibahise bagira icyo batangaza ku busabe bw'ibisobanuro bwakozwe na Axios.

1. Abakozi ba SpaceX basuye FAA kugira ngo bagire ibitekerezo batanga ku miyoborere yayo.

Abakozi ba SpaceX basuye Ikigo cy'Amerika gishinzwe iby'indege (FAA) mu rwego rwo gutanga ibitekerezo ku micungire y'ibikorwa by'indege n'icyogajuru. Ibi biganiro byabereye ahantu hatandukanye, birimo ibiro bya FAA ndetse no mu biganiro byihariye kuri murandasi.

Bivugwa ko ibi biganiro byibanze ku buryo FAA icunga ibizamini by'indege zifite umuvuduko ukabije n'ibyogajuru, cyane cyane ku cyogajuru cya Starship, cyagenewe kujyana abantu kuri Mars. SpaceX yasabye ko inzira zo kubona uruhushya rwo kugerageza icyogajuru zyoroshywa kugira ngo iterambere ry'iki gikorwa ritadindizwa.

Ku rundi ruhande, FAA ikomeje gushyira imbere ubuziranenge no kurinda umutekano, ikavuga ko ibyo byemezo bikwiye gufatwa neza kugira ngo hatazagira impanuka ziterwa n'ukudohoka ku mategeko agenga ingendo zo mu kirere.

2. Ibiganiro bya Elon Musk na Perezida Putin bishobora kugira ingaruka ku mubano wa Amerika n'isi.

Hari amakuru agaragaza ko Elon Musk yaba yaragiranye ibiganiro byihariye na Perezida w'u Burusiya, Vladimir Putin, aho byibanze ku ngingo zitandukanye zirimo ikoreshwa ry'ikoranabuhanga rya Starlink mu ntambara yo muri Ukraine.

Bamwe mu bayobozi b'Amerika n'abahanga mu by'umutekano wa gisirikare bagaragaje impungenge kuri aya makuru, bavuga ko kuba Musk, nk'umwe mu bantu bafite ijambo mu ikoranabuhanga no mu bwisugane bw'igisirikare cy'Amerika, yaganira na Putin bishobora kugira ingaruka mbi ku mubano w'Amerika n'ibihugu bikomeye.

Hari impaka zikomeje kuba ku kuba Musk yaba afite uruhare mu guhitamo uko Starlink ikoreshwa mu ntambara ya Ukraine, aho bivugwa ko byagize ingaruka ku mikorere ya drone z'igisirikare cya Ukraine. Ibi byatumye bamwe bamushinja kugira uruhare mu gushyigikira intambara binyuze mu byemezo bye.

Ku rundi ruhande, Musk yisobanuye avuga ko nta ruhande na rumwe arimo, ko ahubwo yifuza ko habaho amahoro no gukemura ibibazo binyuze mu nzira y'ibiganiro.

3. Icyo wamenya ku mpamvu ya #TeslaTakedown igamije gutera Elon Musk na DOGE.

Muri iyi minsi, ijambo #TeslaTakedown rirazenguruka ku mbuga nkoranyambaga, aho abantu bamwe bavuga ko hari umugambi wo gucuruza inkuru zibogamye zigamije kugabanya icyizere ku ishoramari rya Tesla, ndetse no guhindanya isura ya Elon Musk.

Bimwe mu byagaragaye ni uko hari abashoramari bamwe n'abanyamakuru bagaragaza Tesla nk'isosiyete iri mu bibazo bikomeye, mu gihe abandi bavuga ko ari ikintu cyateguwe kugira ngo haterwe inkunga izindi sosiyete zihatana nayo mu bijyanye n'imodoka zikoresha amashanyarazi.

Ikindi cyibazwaho ni ukuntu ibi bihurirana n'ibibazo bya Dogecoin (DOGE), ifaranga rikoreshwa mu ikoranabuhanga ry'imari (cryptocurrency) rifitanye isano ya hafi na Musk. Hari abavuga ko ibyo Musk agenda avuga kuri DOGE bishobora kugira ingaruka zikomeye ku isoko ry'ifaranga ryo kuri murandasi, bigatuma hari abagerageza kumwangisha abakunzi be.

Gusa, Musk ntaragira icyo avuga ku mugaragaro kuri ibi birego, kandi Tesla igikomeza ibikorwa byayo byo kuzana imodoka nshya zirimo Cybertruck ndetse no gukomeza guhatanira isoko ry'imodoka zikoresha amashanyarazi.

Ese hari aho wifuza ko twashyira ingufu kurushaho?

Source : https://kasukumedia.com/elon-musk-asuye-pentagon-nyuma-yamakuru-yashyizwe-ahabona-ku-migambi-yintambara-ya-amerika-na-chine/