Category: Uncategorized

Aba bapolisi 176 bagizwe na 20% by’abagore, mu rwego rwo kubarinda COVID-19 bashyizwe mu kato k’iminsi 14 mu kigo cy’amahugurwa cya Polisi giherereye mu Karere ka Rwamagana mu Murenge wa Gishari (PTS-Gishari). Ni naho umuyobozi mukuru wa Polisi yabasanze ubwo yabahaga impanuro.

IGP Munyuza yabibukije ko bagomba kuzirikana ko bagiye bahagarariye u Rwanda, abasaba kuzitwara neza bakagera ikirenge mu cya bagenzi babo bagiye gusimbura.

Yagize ati: “Mbere yo guhagararira Polisi y’u Rwanda muzirikane ko mugiye muhagarariye u Rwanda n’abanyarwanda muri rusange, ntimuzasuzuguze izina ry’umunyarwanda mu mahanga. Mugomba kurinda isura y’Igihugu kibatumye.”

IGP Munyuza yakomeje abasaba kuzarangwa n’ikinyabupfura no gukora kinyamwuga nk’uko bisanzwe biranga Polisi y’u Rwanda.

Yagize ati: “Murasabwa kuzarangwa no kubahana hagati yanyu nk’uko mubisanganywe, muzarangwe no gukorera hamwe nk’ikipe. Muzagire isuku yanyu ubwanyu ndetse n’ibikoresho byanyu.”

Umuyobozi wa Polisi y’u Rwanda ubwo yaganirizaga aba bapolisi 176 bitegura kujya mu butumwa bwo kubungabunga amahoro muri Sudani y’Epfo, hari hubahirijwe amabwiriza yo kwirinda icyorezo cya COVID-19. Buri mupolisi yari yambaye agapfukamunwa, hari intera ya metero hagati y’umupolisi n’undi ndetse bari babanje gukaraba mu ntoki n’amazi meza n’isabune. Aba bapolisi kandi mu gihe cy’iminsi 14 bari bamaze muri PTS-Gishari bapimwe icyorezo cya COVID-19 buri mupolisi ahabwa icyemezo cy’uko ari muzima (Certificate) gitangwa n’inzego z’ubuzima z’u Rwanda.

Mu mpanuro za IGP Dan Munyuza, yasabye abapolisi bagiye mu butumwa bwo kubungabunga amahoro kuzubaha umuco n’imigenzo y’abaturage b’Igihugu cya Sudani y’Epfo bagiyemo.

Yagize ati: “Bariya bantu hari umuco wabo n’imigenzo ibaranga bitandukanye n’ibyanyu, igihe hari ibyo mubonye muzirinde kubaseka cyangwa ngo mubinube. Muzabarekere umuco wabo ariko namwe mukomeze uwanyu.”

IGP Munyuza yakanguriye abapolisi kuzarangwa n’ubutwari busanzwe buranga abanyarwanda, nihagira umwanzi ubasagarira bazirwaneho kandi bashyize hamwe.

Aba bapolisi 176 bagiye bayobowe na Chief Superintendent of Police (CSP) Carlos Kabayiza. Biteganyijwe ko bahaguruka ku kibuga mpuzamahanga cy’indege cya Kigali mu gitondo cyo kuri uyu wa Gatanu tariki 09 Ukwakira. Bagiye gusimbura bagenzi babo bari bamazeyo umwaka urenga kubera icyorezo cya COVID-19.

Ni igikorwa cyari kiyobowe n’umuyobozi w’itsinda ry’abapolisi b’u Rwanda bari muri Sudani y’Epfo mu butumwa bw’amahoro, Senior Superintendent of Police (SSP) Jackline Urujeni. Amahugurwa yahawe abapolisi ba Sudani y’Epfo 32 n’abandi bashinzwe umutekano mu nzego z’ibanze nabo biteganywa ko bazahugura abandi.

Aya mahugurwa yabereye mu murwa mukuru wa Sudani y’Epfo ariwo Juba, abahugurwaga bahuguwe ku bijyane no gutabara ahakenewe ubutabazi bwihuse cyane nk’igihe hari uwabuze umwuka, ahabaye ikibazo cy’umuvundo, gukomereka ndetse n’uwagize imvune.

Aya mahugurwa kandi yatanzwe hubahirizwa amabwiriza yo kwrinda icyorezo cya COVID-19, aho bahanaga intera hagati y’umuntu n’undi, kwambara agapfukamunwa, gukaraba mu ntoki n’amazi meza n’isabune.

SSP Urujeni yibukije abahuguwe ko kurwanya ihohotera rishingiye ku gitsina ndetse no guhohotera abana ari bimwe mu bigomba kwitabwaho mu mutekano w’abaturage ndetse no kwita ku mitungo yabo. Yavuze ko ku Isi hose abagore n’abakobwa bakomeje guhohoterwa ariyo mpamvu kubarinda ari imwe mu nshingano z’inzego zishinzwe umutekano.

Yagize ati: “Ituze ry’abaturage ni inshingano zacu, tugomba kumenya amategeko n’amabwiriza mu iyubahirizwa ry’uburenganzira bwa muntu cyane cyane by’umwihariko abagore n’abana kuko nibo usanga bibasiwe cyane kandi bagihura n’ingorane zikomeye ahabaye imvururu mu baturage.”

Abitabiriye amahugurwa bashimiye abapolisi b’u Rwanda bari mu butumwa bwo kubungabunga amahoro mu gihugu cya Sudani y’Epfo, bishimiye amahugurwa y’ingirakamaro bahawe ndetse ko afite akamaro azagira ku mutekano muri rusange.

Umucamanza yahereye ku munyemari Rusizana Aloyse wagurishije Leta inzu, yavuze ko abunganizi be babwiye urukiko ko arwaye ko kandi akeneye Umuganga umwitaho, ngo babwiye Urukiko ko kuva Rusizana yagera muri Gereza atarabonana n’Umuganga.

Yavuze ko ntaho abunganira uregwa berekanye ko Rusizana yashatse kwivuza bikanga. Ku ngwate yatanze, Umucamanza yavuze ko zitaba impamvu zikomeye zatuma arekurwa.

Ategeka ko akomeza gufungwa akazafungurwa cyangwa agakatirwa n’inkiko mu mizi.

Umucamanza uku ni na ko yavuze kuri Rwakunda Christian, uyu yabaye Umunyamabanga Uhoraho (PS) muri Minisiteri y’Ibikorwa Remezo, ko ingwate yatanze zitahabwa agaciro uregwa ataraburana mu mizi.

Kuri Serubibi Eric na we wayoboye Ikigo k’Igihugu cy’Imyubakire (Rwanda Housing Authority, RHA) rwategetse ko afungwa akarindira kuburana mu mizi, ngo ingwate yatanze na we zateshejwe agaciro kubera uburemere bw’ibyaha akekwaho.

Umucamanza yavuze ko Kabera Godfrey na we azarekurwa ari uko urubanza rwaburanishijwe mu mizi agatsinda.

Rwamuganza Caleb wahoze ari Umunyamabanga Uhoraho muri Minisitiri y’Imari n’Igenamigambi, na we ingwate ze zateshejwe agaciro.

Umucamanza ati: “Ingwate za Caleb RWAMUGANZA nta shingiro zifite, arakomeza afungwe kugera urubanza ruburanishwa mu mizi.”

Munyabugingo Bonaventure na we uregwa muri uru rubanza Umucamanza yavuze ko akomeza gufungwa by’agateganyo.

Umucamanza ategetse ko abaregwa bose bakomeza gufungwa muri Gereza. Urubanza ruzaburanishwa mu mizi ku wa 13 Ugushyingo 2020 saa mbiri za mugitondo.