Abo barwayi bashya icyenda babonetse mu bipimo 1,741, bakaba barimo umwe wabonetse i Kigali, umwe i Burera, umwe i Kirehe, babiri i Nyagatare, umwe i Musanze, umwe i Nyabihu, umwe i Rubavu n’undi umwe i Rusizi.
Kugeza kuri iki Cyumweru, mu Rwanda abamaze kwandura icyo cyorezo ni 5,222 muri bo abamaze gukira ni 4,960 naho abakivurwa ni 227.
Abamaze kwicwa na COVID-19 mu Rwanda bose hamwe ni 36.
Iri jwi rigusange muri Patimo yawe, iri jwi rigusange mu mubabaro wawe, iri jwi rigusange mu bikugerageza, iri jwi rigusange mu ntambara urwana, iri jwi rize rigukomeze wumve ko utari wenyine kandi ko amaherezo Imana izakugirira neza.
Njyewe Yohana, mwene So musangiye amakuba n’ubwami no kwihangana biri muri Yesu, nari ku kirwa cyitwa Patimo bampōra ijambo ry’Imana no guhamya kwa Yesu, Ku munsi w’Umwami wacu nari ndi mu Mwuka, inyuma yanjye numva ijwi rirenga nk’iry’impanda rivuga riti 'Icyo ubona ucyandike mu gitabo, ucyoherereze amatorero arindwi ari muri Efeso n’i Simuruna, n’i Perugamo n’i Tuwatira n’i Sarudi, n’i Filadelifiya n’i Lawodikiya.' Nuko mpindukizwa no kureba ijwi ryavuganaga nanjye, mpindukiye mbona ibitereko by’amatabaza birindwi by’izahabu, kandi hagati y’ibyo bitereko by’amatabaza mbona usa n’Umwana w’umuntu, yambaye igishura kandi yambaye umushumi w’izahabu mu gituza.
Umutwe we n’umusatsi we byeraga nk’ubwoya bw’intama bwera cyangwa nka shelegi, n’amaso ye yasaga n’ibirimi by’umuriro, ibirenge bye bisa n’umuringa w’umuteke utunganijwe n’umuriro wo mu ruganda, n’ijwi rye ryari rimeze nk’iry’amazi menshi asuma. Mu kuboko kwe kw’iburyo yari afashe inyenyeri ndwi, mu kanwa ke havamo inkota ityaye ifite ubugi impande zombi.
Mu maso he hari hameze nk’izuba iyo rityaye. Mubonye ntyo mwikubita imbere nk’upfuye, anshyiraho ukuboko kw’iburyo arambwira ati 'Witinya. Ndi uwa mbere kandi ndi uw’imperuka kandi ndi Uhoraho. Icyakora nari narapfuye ariko none dore mporaho iteka ryose, kandi mfite imfunguzo z’urupfu n’iz’ikuzimu. Ibyahishuwe:1: 9-18
Mu nyigisho zijyanye n’amwe mu majwi akomeye(adasanzwe) yagiye agaragara mu isezerano rishya, aho twabonye ijwi ry’urangururira mu butayu, ijwi rya Yohana Umubatiza ( ijwi ryo kwihana), Twabonye nanone ijwi ryahamirije Yesu avuye muri Yolodani Umwuka amuzaho afite ishusho nk’iy’inuma, Imana ikavuga ngo 'Nguyu umwana wanjye nkunda kandi nkamwishimira (ijwi ritangira umuntu ubuhamya).'
Twabonye kandi ijwi ryo ku musozi wo kurabagirana, aho Imana igera igaha umuntu ubwiza. Twagarutse no ku ijwi rya 4, ijwi ribeshaho( ijwi ritanga ubugingo). Ijwi ryakurikiyeho ni iryo 'kurwana intambara'(ijwi umuntu ashobora kuvuga igihe arwana intambara)
Nkuko tubigezwaho na Pasiteri Habyarimana Desire, mu kiganiro 'Ubutumwa bukiza’ gitambuka kuri Agakiza Tv, by’umwihariko mu rukurikirane rw’ibiganiro bizibanda kuri amwe mu majwi akomeye (adasanzwe) yabayeho mu isezerano rishya, tugiye noneho kugaruka ku ijwi rya nyuma , 'ijwi risanga umuntu muri Patimo’.
Ubwami, amakuba no kwihangana biri muri Kristo Yesu
Yohana yitangira ubuhamya bw’amakuba n’imibabaro yahuye nabyo ubwo yari ku kirwa cy’i Patimo. Ni abantu bake bakurikira Yesu biteze ko bazahura n’amakuba no kwihangana, nyamara ariko hari ubwo umuntu ageragezwa Imana yabyemeye agahura n’amakuba, agahura n’imibabaro.
Mu nzira ijya mu ijuru bisaba kwihangana , umupagani iyo agize irari arasambana ariko iyo ukijijwe uravuga uti' oya!' ntabwo nakora icyaha nk’icyo Imana yo mu ijuru indebe. Abadakijijwe iyo umubwiye nabi nawe akubwira nabi akaruhuka, iyo akennye ariba cyangwa se akabeshya ko azishyura ejo atazishyura.
Abapagani bagira inzira nyinshi biruhuramo ariko iyo ukijijwe ugomba kwihangana ukamenya ko ugomba kwihanganira imibabaro, ukihanganira ibyo unyuramo kuko ari inzira yo kwihangana.Yohana avuga ko yari ku kirwa Patimo azira ijambo ry’Imana no guhamya kwa Yesu.
Ntabwo dukwiye kurengana tuzira ibindi ariko ijambo ry’Imana ryo ushobora kurizira, n’ibyo uhamya na byo ushobora kubizira kuko ubibwira abatabyemera. Kimwe mu bintu bisa nk’aho bitagifite agaciro mu mitima y’abarokore, ni uguhamya. Ubundi niba winjiye mu kazi ukwiye kuvuga uwo uri we, ' Nitwa runaka, nje gukorana namwe mu kazi, ndi umukristo ', bizatuma nibajya gukora amanyanga bibuka ko babana n’umukristo.
Guhamya ni ikintu cy’ingenzi, Yesu yaravuze ngo 'Uwo bizatera isoni kumpamiriza imbere y’abantu, najye bizazintera kumuhamiriza imbere ya data n’abamarayika. Hari ubwo umuntu ahisha ko akijijwe agahisha uwo ari we bikazamujyana mu ngeso mbi kuko yananiwe guhamya uwo ari we. Nuhamya uwo uri we Satani ntaho azahera, ariko niba unaniwe guhamya Satani azashingira kuri ibyo akugusha. Uramutse ukundishije Imana umutima wose n’ubwenge n’imbaraga ntabwo watinya guhamya ibyo wemera cyangwa ibyo wizera.
Wumvise ijwi rikubwira ibyo wandikira abandi?
Ubwo Yohana yari ku kirwa Patimo yumvise ijwi rimubwira riti 'Icyo ubona ucyandike mu gitabo, ucyoherereze amatorero arindwi. Ese umaze kwandika ibingana gute? , ni iki wasangiza abantu?. Hari igihe umuntu amara imyaka mu rugendo rw’agakiza ariko akaba atarumva ijwi, akaba atazi niba yarabatijwe mu Mwuka Wera, akaba atazi niba azajya mu ijuru, ntacyo yakwandikira abandi.
Akaba atababwira ati’ Njyewe nanyuze muri ibi ndabyihanganira, namwe muzihangane, nanyuze muri ibi ndatsinda namwe muzatsinde, nanyuze muri ibi ndakomera namwe muzakore. Akaba nta murage, nta rwibutso abantu bazamwibukiraho kandi amaze imyaka myinshi mu gakiza. Mubyukuri kumara imyaka myinshi ni byiza, ariko se yagusigiye ubunararibonye , yagusigiye imbaraga zo kurwana intambara nziza yo kwizera?, imyaka myinshi umaze mu gakiza ni iki umaze kubona wasagiza abantu ?.
Yohana yabwiwe kwandikira amatorero arindwi. Ese wowe wakwandikira bande?, hera mu rugo, Ese wabandikira iki?, ku kazi aho ukora, ku rusengero aho usengera, mu nshuti zawe wabandikira iki?. Ni ayahe matorero wakwandikira, ni ubuhe buhamya wakwandika ukurikije uko umeze?. Mwibuke ko igihe tuzava inaha, imirimo yose twakoze izanyura mu muriro imbere y’amaso ya Yesu, kandi imirimo yose itarakoranywe urukundo izasigara mu muriro.
Ibyo twaciyemo dukwiye kubikuramo ijwi ritubwira ngo tugire icyo twandikira abandi, intambara twarwanye cyangwa se ibyo tunyuramo dukwiye kubivamo dusabana na Yesu ku buryo bw’uko ashobora kutwiyereka mu bwiza bwe, mu mbaraga ze, no mu bushobozi bwe, Amen!.
Reba inyigisho yose: IJWI RISANGA UMUNTU MURI PATIMO
Source: Agakiza Tv
Source : https://agakiza.org/Hari-ijwi-ryagusanze-muri-Patimo-yawe-rikakubwira-ibyo-wandikira-abandi.html
Cristiano Ronaldo yavunikiye mu mukino wa shampiyona wahuje Juventus na Lazio, uyu musore watsinze igitego muri uyu mukino warangiye ari igitego kimwe kuri kimwe.
Nkuko byemejwe n' umutoza mukuru wa Juventus yavuze ko Cristiano yagize imvune ikomeye Ku kagombambari, uyu musore yasohotse mu kibuga ku munota wa 76â². Nyuma yo gusohoka mu kibuga agaragaza uburibwe cyane, Ronaldo yahise asimburwa na Paulo Dybala umukino ubura iminota 15 ngo urangire.
Cristiano Ronaldo niwe watsinze igitego rukumbi ikipe ya Juventus yabonye muri uyu mukino, gusa nyumayo gusohoka mu kibuga ikipe ya Lazio yahise itangira kuyobora umukino biza gutuma itsinda igitego cyo kwishyura, byatumye umukino urangira amakipe yombi anganyije igitego kimwe kuri kimwe.
Igitego Cristiano Ronaldo yatsinze muri uyu mukino cyatumye kuri ubu ariwe mukinnyi uyoboye abandi Ku mugabane w'I burayi mu gutsinda ibitego byinshi mu mwaka wa 2020 aho afite ibitego 27, agakurikirwa na Lewandowski ufite 26 na Ciro immobile ufite 22. Ronaldo avunitse nyuma yuko hari hashize igihe gito akize Covid19.
The post Cristiano Ronaldo yagize imvune ikomeye mu mukino Juventus yanganyirijemo na Lazio 1-1 appeared first on Kigalinews24.
Minisitiri wa Siporo Munyangaju Aurore Mimosa yasuye Ikipe y’Igihugu “AMAVUBI” mu mwiherero iyi kipe iri gukorera mu Bugesera mbere y’uko ikipe yerekeza mu gihugu cya Cape Verde gukina umukino wa gatatu wo mu itsinda F u Rwanda ruherereyemo mu rwego rwo gushaka itike yo kujya mu gikombe cy’Afurika kizabera muri Cameroon umwaka utaha wa 2021.
Mu butumwa bwe, minisitiri Munyangaju yasabye abakinnyi kuzitwara neza bagatahana intsinzi kuko ari cyo Abanyarwanda babitezeho muri uyu mukino: ”Turabizi mwari mumaze igihe mudakina kubera ikibazo cy’icyorezo cyateye kidateguje ariko turabasaba kuzitwara gitore mugatsinda iyi mikino yombi kuko ubwo bushobozi murabufite, Abanyarwanda natwe tubari inyuma kandi turabashyigikiye.”
Muri uru ruzinduko minisitiri wa Siporo yari kumwe na Visi Perezida wa FERWAFA nawe washishikarije abakinnyi b’Ikipe y’Iguhugu kuvana umusaruro mwiza muri Cape Verde: ”Mufite akazi katoroshye, niyo mpamvu dufatanyije na minisiteri ya Siporo twabashakiye indege izabajyana itanyuze ahandi kugirango muzahagere mumeze neza mubashe gutanga umusaruro twese tubitezeho. Muzahatane mukoresheje ubushobozi bwanyu maze tuzatahukane intsinzi.”
Minisitiri wa Siporo Aurore Mimosa Munyangaju yasuye iyi kipe aherekejwe n’Umunyamabanga Uhoraho muri Minisiteri ya Siporo bwana Shema Maboko Didier, kimwe na Nyakubahwa Edouard Bamporiki, Umunyamabanga wa leta muri Minisiteri y’urubyiruko n’Umuco ndetse na Richard Mutabazi umuyobozi w’Akarere ka Bugesera bose bakiriwe na Visi Perezida wa FERWAFA bwana Habyarimana Marcel.
Nyakubahwa Bamporiki yasabye abakinnyi gutahiriza umugozi umwe kuko icyo bagendereye ari umusaruro rusange: “Turabasaba gukorera hamwe kuko ni umurage wa Kinyarwanda, mwumve ko u Rwanda rubakeneye muri aka kanya murushakire intsinzi nk’uko Cyilima yaraze abanyarwanda kuba abatsinzi. Mujye ku ruhembe mugiye gukotaniraho muharanire kubona amanota atatu natwe abanyarwanda tuzasigara tubasabira.”
Ikipe y’Igihugu ‘AMAVUBI’ izahaguruka ku kibuga mpuzamahanga cya Kigali kuri uyu wa mbere saa moya za mugitondo aho byitezwe ko bazagera i Praia saa cyenda z’igicamunsi.
Umukino uzahuza Amavubi na Cape Verde uteganyijwe kuwa kane tariki 12 Ugushyingo 2020 i Praia Umurwa Mukuru wa Cape Verde.
Nkuko tubikesha ubuyobozi bw'ikipe y'umupira w'amaguru mu Rwanda ariyo Rayon Sport, bwemeje ko bamaze kumvikana na Rutahizamu w'umunya Nigeria witwa Oni Jimoh agahita anashyira umukono Ku masezerano y' imyaka ibiri.
Uyu munsi Tariki 08 ugushyingo 2020, nibwo ubuyobozi bw' ikipe ya Rayon Sport bwatangaje ko bwamaze gusinyisha Oni Jimoh bumukuye muri Albia Warriors FC yo muri Nigeria aho uyu musore akomoka, ubuyobozi bw'iyi kipe ya Rayon Sport bwirinze gutangaza ibyo yatanzweho.
Oni Jimoh warusanzwe akinira Albia Warriors FC nk' umwataka ndetse niwe warufite ibitego byinshi muri iyi kipe.
Oni Jimoh yinjiye muri Albia Warriors FC tariki 01 gicurasi 2018 bivuzeko yari ayimazemo imyaka ibiri, aho yayijemo aturutse muri FC Feanyi Ubah nayo yo muri Nigeria.
Uyu musore akaba afite imyaka 24, dore ko yavutse tariki 15 nzeri 1996, afite 1,77 m z'uburebure, akaba akinisha ukuguru kw' iburyo aho akina yataka izamu.
Rayon Sport iguze uyu mukinnyi nyuma yo kugura undi munya Côte d'Ivoire witwa Jean Vital Ourega.
The post Rayon Sport yasinyishije umwe mu bafite ibitego byinshi muri shampiyona ya Nigeria appeared first on Kigalinews24.
Joe Biden yatangajwe nka Perezida watsinze amatora ku wa Gatandatu tariki 07 Ugushyingo 2020.
Ugomba kuba Visi Perezida we ni Kamala Harris, umugore ufite amaraso y’abirabura, ari na bwo bwa mberr bibayeho muri Amerika.
Nyuma y’iyo ntsinzi, Perezida Kagame yanditse kuri twitter k9 y8furije ishya n’ihirwe Perezida Joe Biden hamwe na Visi Perezida we Kamala Harris.
Perezida Kagame yagize ati “Twiteguye kunakira ku bufatanye busanzwe bukomeye hagati y’ibihugu byacu”.
