Category: Uncategorized

Mbere y’uko uyu munsi Amavubi ahaguruka yerekeza muri Cape Verde gukina n’iki gihugu mu gushaka itike y’igikombe cy’Afurika cya 2022, ku mugoroba w’ejo mu mwiherero basuwe na Minisitiri wa Siporo, Munyanaju Aurore Mimosa n’umunyamabanga wa Leta muri Minisiteri y’urubyiruko n’umuco, Bamporiki Edouard aho bibukije abakinnyi ko bazaba bahagarariye abanyarwanda miliyoni 12.

Aba bayobozi bakaba bari baherekejwe n’umunyamabanga uhoraho muri Minisiteri ya Siporo, Shema Maboko Didier na Richard Mutabazi, umuyobozi wa karere ka Bugesera aho iyi kipe yakoreraga umwiherero.

Muri uyu muhango wabereye i Nyamata muri La Palisse, Bamporiki Edouard yabwiye aba bakinnyi ko bagiye muri Cape Verde bahagarariye u Rwanda ko bagomba gukora ibishoboka byose bagatahukana intsinzi kandi ko n’abanyarwanda bazasigara babafatiye iry’iburyo.

Ati' Ukotana akotanira u Rwanda. Muri abadaheranwa b’u Rwanda, mujye ku ruhembe mugiye kurasaniraho tuzasigara tubari inyuma uko dushoboye ariko tugere kuri uyu mutsindo kuko turawushaka.'
'Mugiye muri Cap-Vert muri abaranga b’u Rwanda, mugende muzakine mukotana, mukotane muduhe ibyishimo, mukotane murange u Rwanda, mukotane mutsinde rwose, mukotane mugaragaze aho u Rwanda rugeze.'

Minisitiri wa Siporo, na we yasabye Amavubi gukora ibishoboka byose bagatsindira Cape Verde mu rugo ndetse n’umukino uzabera hano mu Rwanda.

Ati' Turabizi mwari mumaze igihe mudakina kubera ikibazo cy’icyorezo cyateye kidateguje ariko turabasaba kuzitwara gitore mugatsinda iyi mikino yombi kuko ubwo bushobozi murabufite. Abanyarwanda natwe tubari inyuma kandi turabashyigikiye.”

Uyu mukino uteganyijwe kuzaba tariki ya 12 Ugushyingo 2020 mu gihe umukino wo kwishyura uzaba tariki ya 17 Ugushyingo 2020.

U Rwanda ni urwa nyuma mu itsinda F n’amanota 0, ni nyuma y’uko rwatsinzwe na Mozambique ibitego 2-0 ndetse na Cameroun igitego 1-0, mu mikino ibiri ibanza yabaye mu Ugushyingo 2019.

Minisitiri wa Siporo, Munyangaju Aurore Mimosa (ibumoso), Bamporiki Edouard(hagati) na Richard Mutabazi(iburyo) basuye abakinnyi

Minisitiri wa Siporo, Munyangaju Aurore Mimosa yasabye abakinnyi kwibuka ko bagiye bahagarariye u Rwanda

Bamporiki yasabye abakinnyi guhagararira u Rwanda neza

Haruna Niyonzima yavuze mu izina ry’abakinnyi

Mbere y’uko abakinnyi babiri b’u Rwanda bakina ku mugabane w’u Burayi, Djihad na Yannick berekeza muri Cape Verde kwifatanya na bagenzi babo, ntibahiriwe n’impera z’icyumweru kuko amakipe yabo nta n’imwe yabonye amanota 3.

Ku wa Gatanu w’icyumweru gishize, Yannick Mukunzi yari mu kibuga akina iminota 90 yose ubwo ikipe ye ya Sandvikens IF mu cyicio cya 3 muri Sweden yatsindwaga na Sollentuna ibitego 2-0.

Iyi kipe ubu iri ku mwanya wa 6 n’amanota 48 mu gihe Vasalund ya mbere ifite 66.

Yannick yakinnyi iminota 90 mu mukino batsinzwemo

Bikomeje kuba ikibazo kuri Waasland Beveren ya Djihad Bizimana mu Bubiligi, kubona amanota 3 ni nk’inzozi, nyuma yo kunyagirwa na Gent 4-1, ku wa 6 yanganyije na AS Eupen 1-1, ni umukino Djihad Bizimana atakinnye n’ubwo yari muri 18.

Iyi kipe ikaba iri ku mwanya wa 17 mu makipe 18, bivuze ko ibanziririza iya nyuma. Ifite amanota 5 mu gihe Club Brugge ifite 23 ari yo ya mbere.

Nyuma y’iyi mikino, aba bakinnyi bakaba bagomba guhita bafata indege berekeza muri Cape Verde aho bari buhurireyo na bagenzi babo 21 bahagurukanye n’umutoza Mashami Vincent mu gotondo cyo kuri uyu wa Mbere.

Bizimana Djihad ntabwo yakinnye umukino banganyijemo

Andi makipe akinamo abanyarwanda uko yitwaye mu mpera z’icyumweru gishize, muri Tanzania, ku wa Gatandatu Yanga ya Haruna yanganyije na Simba SC ya Kagere, ni umukino aba banyarwanda bombi batakinnye.

Azam FC ya Ally Niyonzima ku wa Gatanu yatsinze Dodoma Jiji 3-0 umukino Ally yakinnye, ni mu gihe ku wa Gatatu KMC ya Migi yari yanganyije 1-1 na Biashara United.

Azam FC ni iya mbere n’amanota 25, Yanga 24, Simba ya 3 ifite 20 mu gihe KMC ari iya 6 n’amanota 15.

Amavubi yamaze guhaguruka yerekeza muri Cape Verde

Amashusho yakwirakwiye ku mbuga nkoranyambaga nka Whatsapp na Instagram, agaragaramo Pastor Fanny arimo gusengera umugeni mu birori bizwi nka Bridal Shower, aho mu magambo aba avuga asenga asabira igitsina cy’umugeni kuzakundwa n’umugabo we kandi akamusabira ko atazigera agiharurukwa.

REBA VIDEO IGARAGARAMO AYO MASHUSHO HANO :

Pastor Fanny mu gusenga ati : “Iki gitsina kizakundwe n’umugabo mu izina rya Yesu Kirisito, ntazagire umunsi n’umwe agiharurukwa, mu izina rya Yesu Kirisito wa Nazareti azahorane igikundiro imbere y’umugabo we kandi azahore atonnye imbere y’umugabo we.”

Pastor Fanny yagiranye ikiganiro na Ukwezi TV, yemera ko ayo masengesho ari aye anahishura ko yari yatumiwe mu birori ngo asengere umugeni ugiye kurushinga, hanyuma akamusabira ku Mana muri ubwo buryo. Yemeza ko ibyo yavuze nta kibi kirimo ariko akavuga ko ababishyize hanze bakosheje kuko ubusanzwe byari ibintu byabereye mu mwiherero w’abo byarebaga gusa.

REBA VIDEO IGARAGARAMO AYO MASHUSHO N’ICYO ABIVUGAHO BYOSE HANO :

Mu ijonjora ry’ibanze ry’imikino Nyafurika ya CAF Champions League ikipe ya APR FC yatomboye ikipe ya Gor Mahia yo muri Kenya.

Ni muri tombora yabaye uyu munsi ku wa Mbere tariki ya 9 Ugushyingo 2020 ibera ku cyicaro gikuru cy’impuzamashyirahamwe y’umupira w’amaguru muri Afurika 'CAF’ kiri Cairo mu Misiri.

APR FC nyuma yo kwegukana igikombe cya shampiyona cya 2019-2020 yahise itsindira itike yo guhagararira u Rwanda muri CAF Shampions League.

APR FC ikaba igomba guhura mu ijonjora ry’ibanze na Gor Mahia yo muri kenya.

Gor Mahia izahura na APR FC ikinamo Jules Ulimwengu wahoze ukinira Rayon Sports yo mu Rwanda ndetse ubu itozwa na Robertinho na we wahoze utoza Rayon Sports.

Umukino ubanza kuzaba hagati ya tariki ya 27 na 29 Ugushyingo 2020 mu gihe uwo kwishyura uzaba hagati y’itariki ya 4 na 6 Ukuboza 2020.

Ubwo bavugaga imigambi ye y’ibanze, abagize itsinda rya Joe Biden bavuze ko hazongerwa ibipimo bya Covid-19 ndetse Abanyamerika bose bazasabwa kwambara udupfukamunwa.

Joe Biden yatangiye kuvuga imigambi ye mu gihe yaba ageze mu kazi mu kwezi kwa mbere, nyuma y’uko ibitangazamakuru byemeje ko ari we watsinze amatora.

Muri bimwe mu byo ateganya gukora harimo kuvanaho politiki zimwe za Trump, muri ibyo ibinyamakuru muri Amerika bivuga ko :

• Joe Biden azasubiza Amerika mu masezerano ya Paris yo kurwanya ihindagurika ry’ikirere, kuko mu buryo bweruye Amerika yavuye kuri aya masezerano.

• Azakuraho icyemezo cyo kuvana Amerika mu bihugu bigize ishami ry’umuryango w’abibumbye ryita ku buzima (OMS/WHO)

• Azahagarika icyemezo kibuza kujya muri Amerika abaturage bo mu bihugu birindwi, byiganjemo iby’Abisilamu

• Azasubizaho gahunda yo mu gihe cya Obama yo guha ibyangombwa by’ibanze abimukira badafite ibyangombwa bageze muri Amerika ari abana

Kuwa gatandatu, mu ijambo rye rya mbere nka perezida watowe, Bwana Biden yavuze ko iki ari “igihe cyo gukira” kuri Amerika, ndetse yizeza “kunga ubumwe aho gucamo ibice” igihugu.

Yabwiye abashyigikiye Trump by’umwihariko ati : “Tugomba guhagarika gufata abo tutavuga rumwe nk’abanzi.”

Muri Werurwe uyu mwaka, Urukiko rwisumbuye rwa Nyarugenge rwari rwakatiye abakobwa 5 n’umuhungu umwe igifungo cy’imyaka 25 no gutanga ihazabu y’amafaranga y’ u Rwanda 4 470 425 nyuma yo kubahamya icyaha cy’ubwinjiracyaha bw’ubwicanyi, aho bashinjwaga ko bashatse kwica umukobwa witwa Sandrine.

Ibi byaha bwakozwe tariki 18 Gashyantare 2020, ndetse Zaina wayoboye ikorwa ry’iki cyaha yari inshuti na Sandrine wagikorewe aho byakunze kuvugwa ko bapfaga umugabo.

Mu rukiko rukuru baburana ubujurire, Ubushinjacyaha bwari bwabwiye urukiko ko rubakurikiranyeho icyaha cyo gukubita no gukomeretsa bikabije aho kuba icyaha cy’ubwinjiracyaha mu kwica bari bahamijwe n’Urukiko rwisumbuye rwa Nyarugenge. Gusa nubundi Ubushinjacyaha bwabasabiraga ko igihano bahawe mbere cyagumaho.

Urukiko rukuru rwasanze bahamwa n’icyaha cyo gukubita no gukomeretsa bikabije, maze umucamanza avuga ko bahanishijwe igifungo cy’imyaka 15 n’ihazabu ya miliyoni 3 z’amafaranga y’u Rwanda kuri buri muntu.

Abahamwe n’icyaha ni NAMIRO Zaina (alias Uwase), UMURISA Gisele (alias Fifi), UWIMANA Zainabo, UMUHOZA Rosine, MUTONI Hadijah, MUKAMANA Safina, MUHOZA Connie na KAMANZI Cyiza (alias KARIDINARI).

REBA VIDEO UKO BYARI BYIFASHE BABURANA HANO :